ലോകത്തെ രൂപ​പ്പെ​ടു​ത്തിയ സ്വാദ്‌

ഇന്ത്യയിലെ ഉണരുക! ലേഖകൻ

പതിമൂ​ന്നാം നൂററാ​ണ്ടിൽ മാർക്കോ പോളൊ അവ സുലഭ​മാ​യി കണ്ടു. ക്രിസ്‌റ​റഫർ കൊളം​ബസ്‌ അവ കണ്ടെത്തു​വാ​നാ​യി കപ്പലിൽ യാത്ര തിരിച്ചു, എന്നാൽ അതിനു​പ​കരം പുതിയ ലോകം കണ്ടെത്തി. അവസാനം പതിന​ഞ്ചാം നൂററാ​ണ്ടിൽ വാസ്‌കൊ ഡ ഗാമ കടൽമാർഗ്ഗം ഇന്ത്യയിൽ എത്തുക​യും അവ കൊണ്ടു​പോ​യി യൂറോ​പ്പി​ലെ ആർത്തി​പൂണ്ട ഉപഭോ​ക്താ​ക്കൾക്കു കൊടു​ക്കു​ക​യും ചെയ്‌തു. അന്നു തീർച്ച​യാ​യും സുഗന്ധ​വ്യ​ഞ്‌ജ​ന​ങ്ങൾക്കു വളരെ വില കല്‌പി​ച്ചി​രു​ന്നു. അവ കൈക്ക​ലാ​ക്കാൻ ആളുകൾ അവരുടെ ജീവൻവരെ പണയ​പ്പെ​ടു​ത്തി​യി​രു​ന്നു!

രാഷ്‌ട്രീ​യ​മാ​റ​റങ്ങൾ കരയി​ലൂ​ടെ​യുള്ള സഞ്ചാര​മാർഗ്ഗം അടച്ച​പ്പോൾ, വാസ്‌കോ ഡ ഗാമ പോർച്ചു​ഗ​ലിൽനിന്ന്‌ ആഫ്രി​ക്ക​യു​ടെ തെക്കെ മുനമ്പു ചുററി​വ​ളഞ്ഞ്‌ ഇന്ത്യയി​ലെത്തി തിരി​ച്ചു​പോ​കാൻ 39,000 കിലോ​മീ​ററർ കപ്പൽയാ​ത്ര നടത്തു​ന്ന​തി​നു രണ്ടു വർഷ​മെ​ടു​ത്തു. അദ്ദേഹ​ത്തി​ന്റെ കപ്പലു​ക​ളിൽ രണ്ടണ്ണമേ യാത്രയെ അതിജീ​വി​ച്ചു​ള്ളൂ. യാത്ര​യ്‌ക്കു​വേണ്ടി ചെലവി​ട്ട​തി​ന്റെ 60 ഇരട്ടി​യോ​ളം വിലവ​രുന്ന സുഗന്ധ​വ്യ​ഞ്‌ജ​ന​ങ്ങ​ളും മററു​ച​ര​ക്കു​ക​ളും സഹിത​മാണ്‌ അദ്ദേഹം തിരി​ച്ചെ​ത്തി​യത്‌! എന്നാൽ അദ്ദേഹ​ത്തി​ന്റെ കപ്പൽയാ​ത്ര​യു​ടെ വിജയം യൂറോ​പ്പ്യൻ രാഷ്‌ട്ര​ങ്ങളെ സംഘട്ട​ന​ത്തി​ലേക്കു തള്ളിവി​ട്ടു. പിന്നീ​ടുള്ള മൂന്നു നൂററാ​ണ്ടു​ക​ളിൽ പോർച്ചു​ഗൽ, സ്‌പെ​യിൻ, ഫ്രാൻസ്‌, ഹോളണ്ട്‌, ബ്രിട്ടൻ എന്നീ രാജ്യങ്ങൾ സുഗന്ധ​വ്യ​ഞ്‌ജ​ന​വി​ഭ​വ​ങ്ങ​ളു​ടെ നിയ​ന്ത്ര​ണ​ത്തി​നു​വേണ്ടി മത്സരിച്ചു.

ഒരു എഴുത്തു​കാ​രൻ ചുരു​ക്കി​പ്പ​റ​ഞ്ഞ​പ്ര​കാ​രം, സുഗന്ധ​വ്യ​ഞ്‌ജ​ന​ങ്ങ​ളു​ടെ ചരിത്രം “സാഹസി​ക​ത​യു​ടെ​യും പര്യ​വേ​ക്ഷ​ണ​ത്തി​ന്റെ​യും പിടി​ച്ച​ട​ക്ക​ലി​ന്റെ​യും കടുത്ത നാവി​ക​മ​ത്സ​ര​ത്തി​ന്റെ​യും കഥ”യാണ്‌. ഫ്രഡ്‌റിക്‌ റോസം​ഗാർതൻ ജൂനിയർ അദ്ദേഹ​ത്തി​ന്റെ ദ ബുക്ക്‌ ഓഫ്‌ സ്‌​പൈ​സസ്‌ എന്ന പുസ്‌ത​ക​ത്തിൽ ഇപ്രകാ​രം പറഞ്ഞി​രി​ക്കു​ന്നു: “സുഗന്ധ​വ്യ​ഞ്‌ജ​നങ്ങൾ രാഷ്‌ട്രീ​യ​മാ​യും സാമ്പത്തി​ക​മാ​യും ഉപയോ​ഗ​പ്ര​ദ​വും ഒഴിച്ചു​കൂ​ടാ​നാ​വാ​ത്ത​തും ആയിരു​ന്നു, അതു​കൊണ്ട്‌ അവ അന്വേ​ഷി​ച്ചു രാജാ​ക്കൻമാർ പര്യട​ന​സം​ഘ​ങ്ങളെ അയച്ചു, കച്ചവട​ക്കാർ ജീവൻ പണയ​പ്പെ​ടു​ത്തി പോലും അവയുടെ വ്യാപാ​ര​ത്തിൽ ഭാഗ്യ​പ​രീ​ക്ഷണം നടത്തി, അവയ്‌ക്കു​വേണ്ടി യുദ്ധങ്ങൾ നടത്ത​പ്പെട്ടു, ജനസമൂ​ഹ​ങ്ങളെ മുഴു​വ​നാ​യും അടിമ​ക​ളാ​ക്കി ഗോള​മ​ത്രെ​യും പര്യ​വേ​ക്ഷ​ണ​ത്തി​നു വിധേ​യ​മാ​ക്കി. അസ്വസ്ഥ​ജ​ന​ക​വും നിർദ്ദ​യ​വു​മായ മത്സരത്താൽ നാനം​പോ​ലെ ദൂരവ്യാ​പ​ക​മായ മാററ​ങ്ങ​ളും ആനയി​ക്ക​പ്പെട്ടു.”

ഡച്ചുകാർ സുഗന്ധ​വ്യ​ഞ്‌ജ​ന​വ്യാ​പാ​രം നിയ​ന്ത്രി​ച്ചി​രുന്ന സമയത്തു ബ്രിട്ട​നു​മാ​യുള്ള കച്ചവട​ത്തിൽ അവർ കുരു​മു​ള​കി​ന്റെ വില ഒരു റാത്തലിന്‌ അഞ്ചു ഷില്ലിംഗ്‌ എന്ന തോതിൽ വർദ്ധി​പ്പി​ച്ചു. ഇതിൽ ദേഷ്യം​പൂണ്ട ലണ്ടനിലെ ഒരു സംഘം വ്യാപാ​രി​കൾ 1599-ൽ ഒരുമി​ച്ചു​ചേർന്ന്‌ അവരു​ടെ​തായ വ്യാപാ​ര​ക്ക​മ്പനി സ്ഥാപിച്ചു, അതാണു പിന്നീട്‌ ഈസ്‌ററ്‌ ഇന്ത്യാ കമ്പനി എന്ന പേരിൽ അറിയ​പ്പെ​ടാ​നി​ട​യാ​യത്‌. ഈ കമ്പനി​യു​ടെ സ്വാധീ​നം അവസാനം ഇന്ത്യയു​ടെ​മേൽ 300 വർഷത്തി​ല​ധി​കം നീണ്ടു​നിന്ന ബ്രിട്ടീഷ്‌ ഭരണത്തിൽ കലാശി​ച്ചു.

ഇപ്പോൾ കടുത്ത മത്സരം അപ്രത്യ​ക്ഷ​മാ​യി​ട്ടുണ്ട്‌, എന്നാൽ സുഗന്ധ​വ്യ​ഞ്‌ജ​ന​ങ്ങ​ളോ​ടുള്ള ലോക​വ്യാ​പ​ക​മായ സ്വാദ്‌ ഇപ്പോ​ഴു​മുണ്ട്‌. ഒരുപക്ഷേ സുഗന്ധ​വ്യ​ഞ്‌ജ​നങ്ങൾ ഇവിടെ ഇന്ത്യയിൽ ആസ്വദി​ക്ക​പ്പെ​ടു​ന്ന​തിൽക്കൂ​ടു​തൽ മറെറാ​രി​ട​ത്തു​മു​ണ്ടാ​കില്ല.

സുഗന്ധ​വ്യ​ഞ്‌ജ​ന​ങ്ങ​ളോട്‌ ഒരു അഭിനി​വേ​ശം

രാജ്യ​ത്തി​നു സുഗന്ധ​വ്യ​ഞ്‌ജ​ന​ങ്ങ​ളോട്‌ ഒരു അഭിനി​വേ​ശ​മു​ള്ള​താ​യി ഒരാൾ പറയത്ത​ക്ക​വണ്ണം സുഗന്ധ​വ്യ​ഞ്‌ജ​ന​ങ്ങ​ളും ഇന്ത്യൻ കുശി​നി​യും അത്രയ്‌ക്ക്‌ അഭേദ്യ​മാണ്‌. സ്വാദി​ഷ്ട​മായ സുഗന്ധ​വ്യ​ഞ്‌ജ​ന​ക്കൂ​ട്ടി​നാൽ രുചി​വ​രു​ത്തി പച്ചക്കറി​സാ​ധ​നങ്ങൾ, മുട്ട, ഇറച്ചി, മീൻ അല്ലെങ്കിൽ കോഴി ഇവയുടെ വേവി​ച്ചെ​ടുത്ത ഇന്ത്യൻ കറി​യെ​പ്പ​ററി, വാസ്‌ത​വ​ത്തിൽ, കേൾക്കാ​ത്ത​താ​യി ആരാണു​ള്ളത്‌? ഈ വ്യഞ്‌ജ​ന​ങ്ങ​ളിൽ ചിലതു മരുഭൂ​മി​ക​ളി​ലും കാണ​പ്പെ​ടു​ന്നുണ്ട്‌, “സുഗന്ധ​മുള്ള” എന്നത്‌ “എരിവുള്ള” എന്നതിന്റെ പര്യാ​യമല്ല എന്ന സംഗതി സ്ഥിരീ​ക​രി​ച്ചു​കൊ​ണ്ടു​തന്നെ. ഇവിടെ നല്ല പ്രചാരം നേടി​യി​ട്ടുള്ള മധുര​മുള്ള പാൽചാ​യക്കു പോലും പലപ്പോ​ഴും അല്‌പം ഏലമോ ഗ്രാമ്പു​വോ ഇഞ്ചിയോ വ്യഞ്‌ജ​ന​ങ്ങ​ളു​ടെ ഒരു മിശ്രി​ത​മോ ചേർത്ത്‌ രുചി വർദ്ധി​പ്പി​ക്കു​ന്നു. അത്തരം രുചി​വ​രു​ത്തൽ ഒരു ഹരമാ​യി​ത്തീർന്നി​രി​ക്കു​ന്ന​തി​നാൽ, സുഗന്ധ​വ്യ​ഞ്‌ജ​ന​ങ്ങ​ളു​ടെ പ്രതി​ശീർഷ ഉപഭോ​ഗ​ത്തി​ന്റെ കാര്യ​ത്തിൽ ഒന്നാം സ്ഥാനം ഇന്ത്യയ്‌ക്കാ​ണെ​ന്ന​തിൽ അത്ഭുത​പ്പെ​ടാ​നു​ണ്ടോ?

ഒരു ഇന്ത്യൻ പാചക​ക്കാ​രന്റെ അടുക്കള ഒന്നു സന്ദർശി​ച്ചു നോക്കൂ, നിങ്ങളു​ടെ ദൃഷ്ടികൾ പതിക്കു​ന്നതു പല നിറത്തി​ലും ആകൃതി​യി​ലു​മുള്ള ഡസൻക​ണ​ക്കി​നു രസക്കൂ​ട്ടു​ക​ളി​ലാ​യി​രി​ക്കും. അവയിൽ ചിലതു തീരെ ചെറിയ കടുകു​മ​ണി​കൾ, സുഗന്ധി​യായ തവിട്ടു​നി​റ​ത്തി​ലുള്ള കറുവാ​പ്പ​ട്ട​ക്കൊ​ള്ളി​കൾ, പച്ച ഏലത്തൊ​ണ്ടു​കൾ, തിളങ്ങുന്ന സ്വർണ്ണ​നി​റ​ത്തി​ലുള്ള മഞ്ഞൾ, ഉണങ്ങി​ചു​ളു​ങ്ങിയ ചുക്ക്‌, വററൽമു​ളക്‌ എന്നിവ​യാണ്‌. ഇനംതി​രി​ച്ചു​വെ​ച്ചി​രി​ക്കുന്ന ഈ രീതി​യും പല രാജ്യ​ങ്ങ​ളി​ലേ​യും പലചര​ക്കു​ക​ട​യിൽ കാണുന്ന ഒററക്കു​പ്പി കറി​പ്പൊ​ടി​യും തമ്മിൽ വിപരീ​ത​താ​ര​ത​മ്യം ചെയ്‌തു​നോ​ക്കൂ. നിശ്ചയ​മാ​യും കറി​പ്പൊ​ടി​യിൽ വിവി​ധ​തരം സുഗന്ധ​വ്യ​ഞ്‌ജ​ന​ങ്ങ​ളു​ടെ മിശ്രി​തം ഉണ്ട്‌, അതിനു അതി​ന്റെ​തായ പ്രയോ​ജ​ന​വു​മുണ്ട്‌. എന്നാൽ ഇന്ത്യയി​ലു​പ​യോ​ഗി​ക്കുന്ന മസാല എന്നു വിളി​ക്കുന്ന സുഗന്ധ​വ്യ​ഞ്‌ജ​ന​ക്കൂ​ട്ടി​നു ബദലാ​യി​രി​ക്കാൻ അതിനു ഒട്ടും കഴിയില്ല.

പച്ചക്കറി​കൾ, മീൻ, കോഴി, ഇറച്ചി എന്നിവ ഉൾപ്പെടെ വ്യത്യസ്‌ത ഭക്ഷണങ്ങൾക്കു​വേണ്ടി പൊടി​ച്ചു​വ​രുന്ന പ്രത്യേക മസാലകൾ ചേർക്കാ​റുണ്ട്‌. എന്നാൽ പലപ്പോ​ഴും സുഗന്ധ​വ്യ​ഞ്‌ജ​നങ്ങൾ ഓരോ​ന്നാ​യി പാചക​സ​മ​യ​ത്താ​ണു ചേർക്കു​ന്നത്‌; അതിന്റെ രീതി​യും അളവു​മെ​ല്ലാം ഉണ്ടാക്കുന്ന പ്രത്യേക കറിയെ ആശ്രയി​ച്ചാ​ണി​രി​ക്കു​ന്നത്‌. പാചക​പ്ര​ക്രി​യ​യിൽ ഓരോ സുഗന്ധ​വ്യ​ഞ്‌ജ​ന​വും ചേർക്കേ​ണ്ട​തി​ന്റെ കൃത്യ​മായ ക്രമവും സമയവും വിദഗ്‌ദ്ധ​യായ ഇന്ത്യൻ വീട്ടമ്മക്ക്‌ അറിയാം. പൊരി​ച്ചോ പൊടി​ച്ചോ കാച്ചിയ എണ്ണയി​ലേക്കു മുഴു​വ​നാ​യി ഇട്ടു​കൊ​ണ്ടോ മററുള്ള രസക്കൂ​ട്ടു​ക​ളു​മാ​യി ചേർത്തു​കൊ​ണ്ടോ, ഒരേ സുഗന്ധ​വ്യ​ഞ്‌ജ​ന​ത്തിൽനി​ന്നും വ്യത്യ​സ്‌ത​രു​ചി​കൾ വരുത്താൻ പോലും അവർക്കു കഴിയും.

ഇന്ത്യയി​ലേ​ക്കു വരുന്ന സന്ദർശകർ ഭക്ഷണ​മൊ​രു​ക്കു​ന്ന​തി​ലെ ഗംഭീ​ര​മായ വൈവി​ദ്ധ്യ​ത്തിൽ പലപ്പോ​ഴും അത്ഭുത​പ്പെ​ടാ​റുണ്ട്‌. ഉത്തരേ​ന്ത്യൻ പാചക​മെ​ന്നും ദക്ഷി​ണേ​ന്ത്യൻ പാചക​മെ​ന്നു​മുള്ള രണ്ടു വലിയ തരംതി​രി​ക്കൽ കൂടാതെ, പ്രാ​ദേ​ശിക സംസ്‌കാ​ര​ങ്ങ​ളായ ബംഗാളി, ഗോവൻ, ഗുജറാ​ത്തി, പഞ്ചാബി തുടങ്ങി​യ​വ​യ്‌ക്ക്‌ അവരുടെ തനതായ പാചക​വി​ധി​ക​ളുണ്ട്‌. ഭക്ഷണരു​ചി​യെ മതവി​ശ്വാ​സ​ങ്ങ​ളും സ്വാധീ​നി​ക്കു​ന്നു. അങ്ങനെ ഗുജറാത്ത്‌ സംസ്ഥാ​നത്ത്‌, ഒരു വ്യക്തി പരമ്പരാ​ഗ​ത​മായ ഒരു ഹൈന്ദവ സസ്യ​ഭോ​ജനം കഴി​ച്ചേ​ക്കാം, എന്നാൽ ഉത്തരേ​ന്ത്യ​യിൽ, ഒരു വ്യക്തി മുസ്ലിം​പി​ടി​ച്ച​ട​ക്കൽദി​ന​ങ്ങ​ളു​ടെ ഒരു അനുസ്‌മ​രണം എന്ന നിലയിൽ ഒരു മുഗൾ മാംസ്യ​ഭോ​ജനം ആസ്വദി​ച്ചേ​ക്കാം. അതു​കൊ​ണ്ടു ഹിന്ദു, മുസ്ലിം, സിക്ക്‌, ജൈന, പാർസി, ക്രിസ്‌ത്യൻ കുടും​ബ​ങ്ങ​ളിൽനി​ന്നു വ്യത്യസ്‌ത രാത്രി​ക​ളിൽ അത്താഴം ഉണ്ണുന്നത്‌ ഭക്ഷണ സാധന​ങ്ങ​ളു​ടെ ഒരു ആവർത്ത​ന​ത്തിൽ കലാശി​ക്ക​ണ​മെ​ന്നില്ല.

സുഗന്ധ​വ്യ​ഞ്‌ജ​ന​ങ്ങൾക്ക്‌ അനു​യോ​ജ്യം

ഭൂമി​യി​ലെ​ല്ലാ​യി​ട​ത്തും സുഗന്ധ​വ്യ​ഞ്‌ജ​നങ്ങൾ വളരു​ന്നു​ണ്ടെ​ങ്കി​ലും, മററ്‌ ഏതു രാജ്യ​ത്തേ​ക്കാ​ളും കൂടുതൽ ഉത്‌പാ​ദി​പ്പി​ക്കു​ന്നത്‌ ഇന്ത്യയാണ്‌—60-ലധികം വ്യത്യ​സ്‌ത​ത​രങ്ങൾ. അതു സുഗന്ധ​വ്യ​ഞ്‌ജ​ന​ങ്ങ​ളും സുഗന്ധ​ദ്ര​വ്യോ​ത്‌പ​ന്ന​ങ്ങ​ളും മുഴു​വ​നാ​യോ പൊടി​യാ​യി​ട്ടോ 160-ലധികം രാജ്യ​ങ്ങ​ളി​ലേക്കു കയററു​മ​തി​ചെ​യ്യു​ന്നു. രാജ്യ​ത്തി​ന്റെ സുഗന്ധ​വ്യ​ഞ്‌ജ​നോ​ത്‌പാ​ദ​ന​ത്തിൽ അധിക​പ​ങ്കും നടക്കു​ന്നതു ദക്ഷി​ണേ​ന്ത്യ​യി​ലാണ്‌. സൗന്ദര്യ​വും സമൃദ്ധ​മായ ജലപാ​ത​ക​ളും നിമിത്തം മിക്ക​പ്പോ​ഴും “പൗരസ്‌ത്യ​വെ​നീസ്‌” എന്നു വിളി​ക്ക​പ്പെ​ടുന്ന അറബി​ക്ക​ട​ലി​ന്റെ തീരത്തുള്ള കൊച്ചി, മലബാർ തീരത്തു ഫലഭൂ​യി​ഷ്‌ഠ​മായ ഉഷ്‌ണ​മേ​ഖ​ലാ​കാ​ലാ​വ​സ്‌ഥ​യിൽ പണ്ടുമു​തലേ തഴച്ചു​വ​ള​രുന്ന സുഗന്ധ​വ്യ​ഞ്‌ജ​നങ്ങൾ നേരിട്ടു വാങ്ങാൻ സൗകര്യം ഒരുക്കു​ന്നു.

പുരാ​ത​ന​കാ​ലം​മു​തൽ കൊച്ചി​തു​റ​മു​ഖം ഫിനീ​ഷ്യ​ക്കാർ, ഈജി​പ്‌റ​റു​കാർ, പേർഷ്യ​ക്കാർ, ചൈനാ​ക്കാർ, റോമാ​ക്കാർ, ഗ്രീക്കു​കാർ, അറബികൾ മുതലാ​യ​വർക്ക്‌ ഒരു അന്തർദേ​ശിയ വ്യാപാര വിപണി ആയിരു​ന്നി​ട്ടുണ്ട്‌. രസകര​മെ​ന്നു​പ​റ​യട്ടെ, ബൈബി​ളി​ലെ വെളി​പ്പാ​ടു പുസ്‌തകം “ആനക്കൊ​മ്പു​കൊ​ണ്ടുള്ള സകലവിധ സാമാ​നങ്ങൾ . . . ലവംഗം, ഏലം (ഇന്ത്യൻ ഏലം, NW)” എന്നിവ​യു​ടെ കച്ചവട​ക്കാ​രായ “ഭൂമി​യി​ലെ വ്യാപാ​രി​കളെ (സഞ്ചാര വ്യാപാരികളെ, NW)”ക്കുറിച്ചു പരാമർശി​ക്കു​ന്നു.—വെളി​പ്പാ​ടു 18:11-13.

വ്യാപാ​രി​കൾ ആദ്യം അന്വേ​ഷി​ച്ചി​രു​ന്നതു “സുഗന്ധ​വ്യ​ഞ്‌ജ​ന​ങ്ങ​ളു​ടെ രാജാവ്‌” എന്നനി​ല​യിൽ പ്രമു​ഖ​മായ കുരു​മു​ള​കാ​യി​രു​ന്നു. അത്‌ ആഹാര​സാ​ധ​ന​ങ്ങൾക്കു രുചി​വ​രു​ത്താ​നുള്ള ഒരു ഘടകം​മാ​ത്രം ആയിരു​ന്നില്ല, അതു മാംസ​ത്തി​നും കേടു​വ​രാ​വുന്ന മററു ഭക്ഷണസാ​ധ​ന​ങ്ങൾക്കും ഒരു പ്രധാന പരിര​ക്ഷ​കം​കൂ​ടി ആയിരു​ന്നു. സുഗന്ധ​വ്യ​ഞ്‌ജ​നങ്ങൾ ചേർക്കു​ന്ന​തി​നാൽ, കേടു​വന്ന്‌ ഉപയോ​ഗ​ശൂ​ന്യ​മാ​യി​പ്പോ​കു​മാ​യി​രുന്ന ഭക്ഷണസാ​ധ​നങ്ങൾ ശീതളീ​ക​ര​ണം​കൂ​ടാ​തെ ഒന്നോ അതിൽക്കൂ​ടു​ത​ലോ വർഷം കേടു​കൂ​ടാ​തെ സൂക്ഷി​ക്കാം. കുരു​മു​ള​കി​നു പുറമെ പിൽക്കാ​ല​വ്യാ​പാ​രി​കൾ മററു സുഗന്ധ​വ്യ​ഞ്‌ജ​ന​ങ്ങ​ളും—ഏതാനും പേരുകൾ പറയു​ക​യാ​ണെ​ങ്കിൽ ഏലം, കൊത്ത​മല്ലി, പെരു​ഞ്‌ജീ​രകം, ഉലുവ തുടങ്ങി​യ​വ​യും എടുക്കാൻ തുടങ്ങി.

എന്നിരു​ന്നാ​ലും, ഇന്ത്യയിൽ വളരുന്ന എല്ലാ സുഗന്ധ​ദ്ര​വ്യ​ങ്ങ​ളും ഇവിടെ ഉൽഭവി​ച്ചതല്ല. ഉദാഹ​ര​ണ​ത്തിന്‌, വററൽമു​ളകു തെക്കേ അമേരി​ക്ക​യിൽനി​ന്നു കുടി​യേ​റി​യ​താണ്‌. ഊർജ്ജ​ത​ന്ത്ര​ത്തി​നുള്ള നോബൽസ​മ്മാ​നം നേടിയ ഡോ. സി. വി. രാമൻ ഒരിക്കൽ ഇപ്രകാ​രം പറഞ്ഞു: “മുളകി​ല്ലാ​തെ സകല ഭക്ഷണവും അരോ​ച​ക​വും ഭക്ഷിക്കാൻകൊ​ള്ളാ​ത്ത​വ​യു​മാണ്‌.” വ്യത്യ​സ്‌ത​രീ​തി​യി​ലുള്ള ആഹാര​ക്രമം ശീലി​ച്ചു​വ​ളർന്നവർ ഇതി​നോ​ടു വിയോ​ജി​ച്ചേ​ക്കാം. എന്നാൽ ഭിന്നമായ ഇഷ്ടാനി​ഷ്ട​ങ്ങളെ തൃപ്‌തി​പ്പെ​ടു​ത്തി​കൊണ്ട്‌, ഒരു സ്‌നേ​ഹ​വാ​നായ സ്രഷ്ടാവു വൈവി​ദ്ധ്യ​ങ്ങ​ളാൽ ഭൂമി​യു​ടെ കലവറയെ നന്നായി നിറച്ചി​രി​ക്കു​ന്ന​തിൽ അവിടു​ന്നു നിശ്ചയ​മാ​യും നന്ദിയർഹി​ക്കു​ന്നു.

ആഹാര​ത്തി​ന്റെ സ്വാദു​വർദ്ധ​കങ്ങൾ മാത്രമല്ല

മനംക​വ​രുന്ന ഒരു ചരി​ത്ര​മാ​ണു സുഗന്ധ​വ്യ​ഞ്‌ജ​ന​ങ്ങൾക്കു​ള്ളത്‌. അഭിഷേക തൈലം, ധൂപം, പരിമ​ളങ്ങൾ എന്നിവ​യിൽ സുഗന്ധ​വ്യ​ഞ്‌ജ​ന​ങ്ങൾക്കുള്ള പങ്കു ബൈബിൾ രേഖ​പ്പെ​ടു​ത്തു​ന്നു. യരുശ​ലേ​മി​ലെ യഹോ​വ​യു​ടെ ആലയത്തിൽ ഉപയോ​ഗി​ച്ചി​രുന്ന വിശുദ്ധ അഭി​ഷേ​ക​തൈ​ല​ത്തി​ലും ധൂപത്തി​ലും സുഗന്ധ​വ്യ​ഞ്‌ജ​നങ്ങൾ ഉപയോ​ഗി​ച്ചി​രു​ന്ന​തി​നെ​പ്പ​ററി അതു പരാമർശി​ക്കു​ക​യും സുഗന്ധ​വ്യ​ഞ്‌ജ​നങ്ങൾ വീഞ്ഞിൽ ചേർത്തി​രു​ന്ന​തി​നെ​ക്കു​റി​ച്ചു പറയു​ക​യും ചെയ്യുന്നു. (പുറപ്പാ​ടു 30:23-25, 34-37; ഉത്തമഗീ​തം 8:2) കൂടാതെ, ആദിമ​ക്രി​സ്‌ത്യാ​നി​കൾ യേശു​ക്രി​സ്‌തു​വി​ന്റെ ശരീരം സംസ്‌ക​രി​ക്കാൻ ഒരുക്കു​ന്ന​തി​നു സുഗന്ധ​വ്യ​ഞ്‌ജ​നങ്ങൾ കൊണ്ടു​വ​ന്ന​താ​യി ബൈബിൾ വെളി​പ്പെ​ടു​ത്തു​ന്നു.—യോഹ​ന്നാൻ 19:39, 40.

ഇവിടെ, ഇന്ത്യാ​ക്കാ​രായ പെൺകു​ട്ടി​ക​ളു​ടെ തലമു​റകൾ മഞ്ഞൾച്ചെ​ടി​യു​ടെ തിളങ്ങുന്ന സുവർണ്ണ​വേര്‌ ഉപയോ​ഗി​ക്കാ​റുണ്ട്‌. ചർമ്മഭം​ഗി വരുത്തു​ന്ന​തി​നു മഞ്ഞൾ അരച്ചു പുരട്ടു​ന്നു. ഇന്നു പരിമ​ള​തൈ​ല​ങ്ങ​ളും കാന്തി​വർദ്ധ​ക​വ​സ്‌തു​ക്ക​ളും ഉണ്ടാക്കുന്ന വ്യവസാ​യങ്ങൾ വാൽമു​ളകു, പെരു​ഞ്‌ജീ​ര​ക​ച്ചെടി, കറുവാ, കാസ്സിയ, കരയാമ്പൂ, ജാതിക്ക, ജാതി, റോസ്‌മേരി, ഏലം എന്നിവ​യിൽനി​ന്നെ​ടു​ക്കുന്ന എണ്ണകൾ ബാഷ്‌പീ​ക​രി​ക്കു​ന്ന​തും ബാഷ്‌പീ​ക​രി​ക്കാ​ത്ത​തു​മായ എണ്ണകളു​മാ​യി ചേർത്തു​കൊ​ണ്ടു ഡസൻക​ണ​ക്കി​നു ആകർഷ​ക​മായ പരിമ​ള​തൈ​ലങ്ങൾ ഉണ്ടാക്കു​ന്നു. സോപ്പു​കൾ, ററാൽകം പൗഡറു​കൾ, ഷേവി​നു​ശേഷം പുരട്ടാ​നുള്ള ലേപനം, കൊ​ളോൺ, വായ്‌ കഴുകാ​നുള്ള ഔഷധങ്ങൾ എന്നിവ പോലുള്ള എണ്ണമററ മററു പല സാധന​ങ്ങ​ളു​ടെ നിർമ്മാ​ണ​ത്തി​ലും ഈ ഘടകപ​ദാർത്ഥങ്ങൾ ചേർക്കു​ന്നു.

ഇതിനു​പു​റ​മേ, വൈദ്യ​ശാ​സ്‌ത്ര​പ​ര​മായ ഉദ്ദേശ്യ​ങ്ങൾക്കു വളരെ നാളു​ക​ളാ​യി സുഗന്ധ​വ്യ​ഞ്‌ജ​നങ്ങൾ ഉപയോ​ഗി​ച്ചു​വ​രു​ന്നു. സംസ്‌കൃ​ത​ത്തി​ലുള്ള ഹൈന്ദവ എഴുത്തു​ക​ളായ വേദങ്ങ​ളിൽ പ്രതി​പാ​ദി​ച്ചി​രി​ക്കുന്ന ആയുർവേദം ശുപാർശ​ചെ​യ്യുന്ന സുഗന്ധ​വ്യ​ഞ്‌ജ​ന​ങ്ങ​ളു​ടെ കൂട്ടത്തിൽപ്പെ​ട്ട​താണ്‌ ഇഞ്ചി, മഞ്ഞൾ, വെളു​ത്തു​ള്ളി, ഏലം, വററൽമു​ളക്‌, കരയാമ്പൂ, കുങ്കു​മപ്പൂ എന്നിവ. ഇന്ന്‌ ഒരു ഇന്ത്യൻ ഔഷധ​വ്യാ​പാ​ര​ശാ​ല​യി​ലേക്കു വരുന്ന ഒരു സന്ദർശ​കനു മുറി​വി​നും പൊള്ള​ലി​നും വേണ്ടി​യുള്ള മഞ്ഞൾപൂ​ച്ചു​മ​രുന്ന്‌, 13 സുഗന്ധ​വ്യ​ഞ്‌ജ​ന​ങ്ങൾകൊ​ണ്ടു​തീർത്ത ററൂത്ത്‌ പേസ്‌ററ്‌ എന്നുതു​ടങ്ങി വ്യത്യസ്‌ത രോഗ​ങ്ങൾക്കുള്ള മററന​വധി സുഗന്ധ​വ്യ​ഞ്‌ജ​നോ​ത്‌പ​ന്ന​ങ്ങ​ളും കാണു​വാൻ സാധി​ക്കും.

അങ്ങനെ സുഗന്ധ​വ്യ​ഞ്‌ജ​ന​ങ്ങ​ളു​ടെ ചരി​ത്ര​ത്തി​ന്റെ ഒരു അവലോ​കനം സൂചി​പ്പി​ക്കു​ന്നത്‌ അവയി​ല്ലാ​യി​രു​ന്നെ​ങ്കിൽ ഇഷ്ടഭോ​ജ്യ​ങ്ങൾ വ്യത്യ​സ്‌ത​മാ​കു​മാ​യി​രു​ന്നെ​ന്നും മരുന്നു​കൾ വേറൊ​രു​ത​ര​മാ​കു​മാ​യി​രു​ന്നെ​ന്നും ചരി​ത്ര​ത്തി​ന്റെ ഗതി മറെറാ​ന്നാ​കു​മാ​യി​രു​ന്നെ​ന്നു​മാണ്‌. സുഗന്ധ​വ്യ​ഞ്‌ജ​ന​ങ്ങ​ളു​ടെ സ്വാദു നമ്മുടെ ലോകത്തെ യഥാർത്ഥ​ത്തിൽ രൂപ​പ്പെ​ടു​ത്തി—ഒന്നില​ധി​കം വിധങ്ങ​ളിൽ. (g93 2⁄22)

[25-ാം പേജിലെ ചിത്രങ്ങൾ]

ലോകമെമ്പാടും പ്രചാ​ര​ത്തി​ലുള്ള പല സുഗന്ധ​വ്യ​ഞ്‌ജ​ന​ങ്ങ​ളടെ ഒരു ചെറിയ സാമ്പിൾ

സുഗന്ധവ്യഞ്‌ജനങ്ങൾ ഉപഭോ​ക്താ​വി​നു തൂക്കി​ക്കൊ​ടു​ക്കുന്ന തെരുവു വില്‌പ​ന​ക്കാ​രി

കൊച്ചിയിലെ ഒരു കടയിൽ വാങ്ങാൻവ​രു​ന്ന​വ​രെ​യും കാത്തു​കി​ട​ക്കുന്ന സുഗന്ധ​വ്യ​ഞ്‌ജ​നങ്ങൾ