നിങ്ങൾക്ക്‌ എന്നേക്കും ജീവി​ക്കാൻ കഴിയു​ന്ന​തി​നുള്ള മാർഗം

ഇന്നത്തേ​തി​നെ​ക്കാൾ വളരെ ദൈർഘ്യ​മേ​റിയ ജീവിതം ആസ്വദി​ക്കാ​നുള്ള കഴിവു വ്യക്തമാ​യും മനുഷ്യ​ശ​രീ​ര​ത്തി​നു​ള്ള​തി​നാൽ നമുക്ക്‌ എന്നേക്കും ജീവി​ക്കാൻ കഴിയു​ന്ന​തി​നുള്ള മാർഗം ശാസ്‌ത്രം കണ്ടുപി​ടി​ക്കു​മെന്ന വിശ്വാ​സ​മാ​ണു ചിലർക്ക്‌. “ശരീര​ത്തി​ലെ രാസവ​സ്‌തു​ക്ക​ളെ​ക്കു​റി​ച്ചും അവ പ്രതി​പ്ര​വർത്തി​ക്കുന്ന വിധ​ത്തെ​ക്കു​റി​ച്ചും കുറേ​ക്കൂ​ടെ പൂർണ​മായ അറിവു സമ്പാദി​ക്കു​മ്പോൾ ഞങ്ങൾ ജീവന്റെ അന്തസ്സത്ത അനാവ​രണം ചെയ്യും. ഒരു വ്യക്തി എങ്ങനെ വാർധ​ക്യം പ്രാപി​ക്കു​ന്നു​വെന്നു . . . നാം മനസ്സി​ലാ​ക്കും” എന്ന്‌ ഡോ. ആൽവിൻ സിൽവർസ്റ്റിൻ എഴുതി.

എന്തു പരിണ​ത​ഫ​ല​ത്തോ​ടെ? അതു “മനുഷ്യ​ച​രി​ത്ര​ത്തി​ലെ ഒരു പുതിയ യുഗത്തി”ലേക്കു നമ്മെ നയിക്കും. “പിന്നെ ‘പ്രായ​മായ’ മനുഷ്യർ ഉണ്ടായി​രി​ക്കില്ല, കാരണം, മരണത്തെ കീഴട​ക്കാൻ സഹായി​ക്കുന്ന പരിജ്ഞാ​നം നിത്യ​യൗ​വ​ന​വും കൈവ​രു​ത്തും,” സിൽവർസ്റ്റിൻ പറഞ്ഞു.

ഇതു മനുഷ്യർ കൈവ​രി​ക്കു​മോ? “നിങ്ങൾ പ്രഭു​ക്ക​ന്മാ​രിൽ ആശ്രയി​ക്ക​രു​തു, സഹായി​പ്പാൻ കഴിയാത്ത മനുഷ്യ​പു​ത്ര​നി​ലും അരുതു” എന്നു ബുദ്ധ്യു​പ​ദേ​ശി​ച്ചിട്ട്‌ ബൈബിൾ ഇങ്ങനെ പറയുന്നു: “അവന്റെ ശ്വാസം പോകു​ന്നു; അവൻ മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു.” (സങ്കീർത്തനം 146:3, 4) നാം കൃത്യ​മാ​യി കണ്ടുക​ഴി​ഞ്ഞ​തു​പോ​ലെ, വാർധ​ക്യ​ത്തി​നും മരണത്തി​നു​മി​ട​യാ​ക്കുന്ന ജന്മസി​ദ്ധ​മായ വൈക​ല്യം നീക്കു​ന്നതു പോയിട്ട്‌ അതൊന്നു തിരി​ച്ച​റി​യാൻകൂ​ടി മനുഷ്യ​നു കഴിഞ്ഞി​ട്ടില്ല. അതു നമ്മുടെ സ്രഷ്ടാ​വി​നു മാത്രമേ ചെയ്യാൻ കഴിയൂ.

എന്നാൽ, മനുഷ്യർ ഭൂമി​യിൽ എന്നേക്കും ജീവി​ക്കുക എന്നതു യഥാർഥ​ത്തിൽ ദൈവ​ത്തി​ന്റെ ഉദ്ദേശ്യ​മാ​ണോ?

ദൈവ​ത്തി​ന്റെ ഉദ്ദേശ്യം

ജീവി​ക്കാ​നാ​യി ആദ്യ മനുഷ്യ​ജോ​ഡി​യെ യഹോ​വ​യാം ദൈവം എവി​ടെ​യാണ്‌ ആക്കി​വെ​ച്ചത്‌? അതൊരു ഭൗമിക പറുദീ​സ​യി​ലാ​യി​രു​ന്നു. “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കി . . . വാഴു​വിൻ” എന്ന്‌ അവരോ​ടു കൽപ്പിച്ചു. (ഉല്‌പത്തി 1:28) അതേ, സമാധാ​ന​ത്തി​ലും സന്തോ​ഷ​ത്തി​ലും ഒന്നിച്ചു ജീവി​ക്കുന്ന നീതി​യുള്ള ഒരു മനുഷ്യ​കു​ടും​ബം കാല​ക്ര​മേണ മുഴു​ഭൂ​മി​യി​ലും വസിക്ക​ണ​മെ​ന്ന​താ​യി​രു​ന്നു ദൈവ​ത്തി​ന്റെ ഉദ്ദേശ്യം.—യെശയ്യാ​വു 45:18.

ആദാമി​ന്റെ അനുസ​ര​ണ​ക്കേ​ടു​കാ​രണം ദൈവം അവന്‌ ഒരു മരണവി​ധി​യാ​ണു നൽകി​യ​തെ​ങ്കി​ലും, മനുഷ്യർ ഭൂമി​യിൽ ഒരു പറുദീ​സ​യിൽ എന്നേക്കും ജീവി​ക്ക​ണ​മെന്ന ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​നു മാറ്റം വന്നില്ല. (ഉല്‌പത്തി 3:17-19) “ഞാൻ നിരൂ​പി​ച്ചി​രി​ക്കു​ന്നു; ഞാൻ നിവർത്തി​ക്കും,” ദൈവം പറയുന്നു. (യെശയ്യാ​വു 46:11; 55:11) “നീതി​മാ​ന്മാർ ഭൂമിയെ കൈവ​ശ​മാ​ക്കി എന്നേക്കും അതിൽ വസിക്കും” എന്നു ദൈവം പറഞ്ഞ​പ്പോൾ ഭൂമിയെ സംബന്ധിച്ച തന്റെ ഉദ്ദേശ്യം മാറി​യി​ട്ടി​ല്ലെന്നു ദൈവം പ്രകട​മാ​ക്കി.—സങ്കീർത്തനം 37:29.

നമ്മുടെ സ്രഷ്ടാ​വെ​ന്ന​നി​ല​യിൽ ദൈവം, മനുഷ്യർ വാർധ​ക്യം പ്രാപി​ക്കാ​നും മരിക്കാ​നും ഇടയാ​ക്കുന്ന വൈക​ല്യ​ത്തെ നീക്കാ​വുന്ന ഒരു സ്ഥാനത്താണ്‌. എന്തടി​സ്ഥാ​ന​ത്തി​ലാണ്‌ അവൻ ഇതു ചെയ്യുക? ആ വൈക​ല്യം ആദ്യമ​നു​ഷ്യ​നായ ആദാമിൽനിന്ന്‌ അവകാ​ശ​മാ​ക്കി​യ​തി​നാൽ “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു” ദൈവം തന്റെ പുത്ര​നായ യേശു​ക്രി​സ്‌തു​വി​ന്റെ പൂർണ​ത​യുള്ള മാനുഷ ജീവൻ ഒരു മറുവി​ല​യാ​ഗ​മാ​യി നൽകി​യി​രി​ക്കു​ന്നു.—യോഹ​ന്നാൻ 3:16; മത്തായി 20:28.

ഫലത്തിൽ, യേശു​ക്രി​സ്‌തു നമ്മുടെ പിതാവ്‌ അഥവാ ജീവദാ​താവ്‌ എന്നനി​ല​യിൽ ആദ്യത്തെ ആദാമി​നു പകരമാ​യി​ത്തീ​രു​ന്നു. അതു​കൊ​ണ്ടാ​ണു ബൈബി​ളിൽ യേശു​വി​നെ “ഒടുക്കത്തെ ആദാം” എന്നു വിളി​ച്ചി​രി​ക്കു​ന്നത്‌. (1 കൊരി​ന്ത്യർ 15:45) അതു​കൊണ്ട്‌, പാപി​യായ ആദാമി​ന്റെ മക്കളെ​ന്ന​നി​ല​യിൽ മരിക്കാൻ വിധി​ക്ക​പ്പെ​ടു​ന്ന​തി​നു പകരം അനുസ​ര​ണ​മുള്ള മനുഷ്യർ തങ്ങളുടെ “നിത്യ​പി​താ”വായ യേശു​ക്രി​സ്‌തു​വി​ന്റെ മക്കളെന്ന നിലയിൽ നിത്യ​ജീ​വൻ നേടാൻ യോഗ്യ​രെന്ന്‌ എണ്ണപ്പെ​ട്ടേ​ക്കാം.—യെശയ്യാ​വു 9:6.

തീർച്ച​യാ​യും, “നിത്യ​രാ​ജാ”വും “നമ്മുടെ കർത്താ​വായ യേശു​ക്രി​സ്‌തു​വി​ന്റെ പിതാ​വായ ദൈവ”വും യഹോ​വ​യാം ദൈവം​ത​ന്നെ​യാണ്‌. (1 തിമൊ​ഥെ​യൊസ്‌ 1:17; വെളി​പ്പാ​ടു 15:3; കൊ​ലൊ​സ്സ്യർ 1:5) എന്നാൽ, യേശു​ക്രി​സ്‌തു നമ്മുടെ “നിത്യ​പി​താ”വും “രക്ഷിതാ”വും ആയിരി​ക്കു​ന്ന​തു​കൂ​ടാ​തെ “സമാധാന പ്രഭു”കൂടി​യാണ്‌. (ലൂക്കൊസ്‌ 2:11) തന്റെ പിതാ​വി​ന്റെ പ്രതി​നി​ധി​യെ​ന്ന​നി​ല​യിൽ ക്രിസ്‌തു ഭൂമി​യിൽ സമാധാ​നം കൊണ്ടു​വ​രു​ന്ന​തി​നാ​യി രാജകീയ അധികാ​രം പ്രയോ​ഗി​ക്കും.—സങ്കീർത്തനം 72:1-8; 110:1, 2; എബ്രായർ 1:3, 4.

നഷ്ടപ്പെ​ട്ടു​പോ​യ ഭൗമിക പറുദീസ യേശു​ക്രി​സ്‌തു​വി​ന്റെ ഭരണത്തിൻ കീഴിൽ തിരികെ ലഭിക്കും. അതു സംഭവി​ക്കു​ന്നതു “പുനർജ​ന​ന​ത്തിൽ മനുഷ്യ​പു​ത്രൻ തന്റെ മഹത്വ​ത്തി​ന്റെ സിംഹാ​സ​ന​ത്തിൽ ഇരിക്കു​മ്പോൾ” ആയിരി​ക്കു​മെന്നു യേശു പറഞ്ഞു. (മത്തായി 19:28) പറുദീ​സാ​ഭൂ​മി​യു​ടെ​മേൽ ക്രിസ്‌തു​വി​നോ​ടൊ​പ്പം അവന്റെ വിശ്വസ്‌ത അനുഗാ​മി​കൾ—മൊത്തം 1,44,000 പേർ—ഭരിക്കും. (2 തിമൊ​ഥെ​യൊസ്‌ 2:11, 12; വെളി​പ്പാ​ടു 5:10; 14:1, 3) ഭൂമി​യി​ലെ പറുദീ​സാ​ജീ​വി​തം ആസ്വദി​ച്ചു​കൊണ്ട്‌ കോടി​കൾ ആ നീതി​ഭ​ര​ണ​ത്തിൽനി​ന്നു പ്രയോ​ജ​ന​മ​നു​ഭ​വി​ക്കും. അക്കൂട്ട​ത്തിൽ, “നീ എന്നോ​ടു​കൂ​ടെ പരദീ​സ​യിൽ ഇരിക്കും” എന്ന യേശു​വി​ന്റെ വാഗ്‌ദാ​നം ലഭിച്ച്‌ യേശു​വി​നോ​ടൊ​പ്പം മരിച്ച ആ കുറ്റവാ​ളി​യും ഉൾപ്പെ​ടും.—ലൂക്കൊസ്‌ 23:43.

അങ്ങനെ, മരിച്ചു​പോയ നീതി​കെ​ട്ട​വർക്കു​പോ​ലും പുനരു​ത്ഥാ​ന​വും ഭൂമി​യി​ലെ നിത്യ​ജീ​വനു യോഗ്യത പ്രാപി​ക്കാ​നുള്ള അവസര​വും നൽക​പ്പെ​ടും. (പ്രവൃ​ത്തി​കൾ 24:15) “ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി” എന്നു പറഞ്ഞു​കൊണ്ട്‌ രോഗം, വാർധ​ക്യം, മരണം എന്നിവ തുടച്ചു​നീ​ക്കുന്ന കാര്യം ബൈബിൾ മനോ​ഹ​ര​മാ​യി വർണി​ക്കു​ന്നു.—വെളി​പ്പാ​ടു 21:3, 4.

എന്നേക്കും ജീവി​ക്കാൻ കഴിയു​ന്ന​തി​നുള്ള മാർഗം

ഭൂമിയെ അവകാ​ശ​മാ​ക്കി അതിൽ എന്നേക്കും വസിക്കു​ന്ന​വ​രു​ടെ കൂട്ടത്തി​ലു​ണ്ടാ​യി​രി​ക്കാൻ നിങ്ങളും ആഗ്രഹി​ക്കു​മെ​ന്നതു തീർച്ച​യാണ്‌. അങ്ങനെ​യെ​ങ്കിൽ, പറുദീ​സ​യിൽ എന്നേക്കും ജീവി​ക്കു​ന്ന​തി​നാ​വ​ശ്യ​മായ യോഗ്യ​തകൾ നിങ്ങൾ നേടേ​ണ്ട​തുണ്ട്‌. തന്റെ സ്വർഗീയ പിതാ​വി​നോ​ടുള്ള പ്രാർഥ​ന​യിൽ യേശു​ക്രി​സ്‌തു ഒരു അടിസ്ഥാന യോഗ്യത പ്രഖ്യാ​പി​ച്ചു. “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു” എന്നതാ​യി​രു​ന്നു അത്‌.—യോഹ​ന്നാൻ 17:3.

ഈ ജീവദാ​യ​ക​മായ അറിവു നേടാൻ നിങ്ങളെ സഹായി​ക്കാൻ യഹോ​വ​യു​ടെ സാക്ഷികൾ സന്തുഷ്ട​രാണ്‌. അവരോ​ടൊ​ന്നു ചോദി​ച്ചാൽ മതി, പണച്ചെ​ല​വി​ല്ലാ​തെ സൗകര്യ​പ്ര​ദ​മായ സമയത്തു സന്ദർശിച്ച്‌ ആത്മീയ​വും ശാരീ​രി​ക​വു​മായ പൂർണ​ത​യി​ലേക്കു മനുഷ്യ​വർഗത്തെ ഉയർത്താൻ ദൈവം ഉദ്ദേശി​ക്കുന്ന മാർഗം സംബന്ധിച്ച്‌ അവർ ചർച്ച​ചെ​യ്യു​ന്ന​താ​യി​രി​ക്കും. വാർധ​ക്യ​ത്തി​നും മരണത്തി​നു​മി​ട​യാ​ക്കുന്ന ജന്മസി​ദ്ധ​മായ വൈക​ല്യം നീക്കാൻ സർവശ​ക്ത​നായ സ്രഷ്ടാ​വി​നു പൂർണ കഴിവു​ണ്ടെന്ന കാര്യ​ത്തിൽ ഉറപ്പു​ണ്ടാ​യി​രി​ക്കുക. ജീവിതം മേലാൽ ഇത്ര ഹ്രസ്വ​മാ​യി​രി​ക്ക​യി​ല്ലാത്ത ആ സമയമി​താ വരുന്നു, അത്‌ അടുത്തി​രി​ക്കു​ക​യാണ്‌. യഹോവ തന്റെ ജനത്തെ “ശാശ്വ​ത​മായ ജീവൻ” നൽകി അനു​ഗ്ര​ഹി​ക്കും.—സങ്കീർത്തനം 133:3.

[10-ാം പേജിലെ ചിത്രം]

ക്രിസ്‌തുവിന്റെ രാജകീയ ഭരണത്തിൻ കീഴിൽ വാർധ​ക്യ​വും മരണവും കീഴട​ക്ക​പ്പെ​ട്ടി​രി​ക്കും