കമ്പോ​സ്റ്റു​ണ്ടാ​ക്കി ചപ്പുച​വ​റി​ന്റെ ആധിക്യം പരിഹ​രി​ക്കൽ

ഫിൻലൻഡിലെ ഉണരുക! ലേഖകൻ

മനുഷ്യ​വർഗ​ത്തി​ന്റെ ചപ്പുച​വറു കുന്നു​കൂ​ടു​ന്ന​തോ​ടെ നമ്മുടെ യുഗത്തി​ലെ ഏറ്റവും വലിയ വിഷമ​പ്ര​ശ്‌ന​ങ്ങ​ളി​ലൊ​ന്നു തലയു​യർത്തു​ന്നു. ചപ്പുചവർ ഉത്‌പാ​ദി​പ്പി​ക്കാൻ ആധുനിക സാങ്കേ​തി​ക​വി​ദ്യ സമർഥ​മാ​ണെ​ങ്കി​ലും അവ നീക്കം ചെയ്യുന്ന കാര്യം വരു​മ്പോൾ അതു വല്ലാ​ത്തൊ​രു അനിശ്ചി​താ​വ​സ്ഥ​യി​ലാ​ണെന്നു തോന്നു​ന്നു. വ്യക്തവും കാലപ്പ​ഴ​ക്ക​മു​ള്ള​തു​മായ പരിഹാ​ര​മാർഗങ്ങൾ പ്രശ്‌നങ്ങൾ നിറഞ്ഞ​താണ്‌. ചപ്പുച​വറു നിക്ഷേ​പി​ക്കു​ന്നതു സമീപ​ത്തുള്ള ഭൂമി​ക്ക​ടി​യി​ലെ ജലത്തെ മലിന​മാ​ക്കി​യേ​ക്കാ​വു​ന്ന​തി​നാൽ ചപ്പുചവർ നിക്ഷേ​പ​സ്ഥ​ലങ്ങൾ ഉപയോ​ഗി​ക്കു​ന്നതു നിർത്താൻ പല ഗവൺമെ​ന്റു​ക​ളും നിർബന്ധം ചെലു​ത്തി​യി​രി​ക്കു​ക​യാണ്‌. ചപ്പുച​വറു കത്തിച്ചാൽ അതു വിഷ രാസവ​സ്‌തു​ക്കൾ പുറത്തു​വി​ടു​ക​യും ചാരം അവശേ​ഷി​പ്പി​ക്കു​ക​യും ചെയ്യുന്നു. അവയും നീക്കം ചെയ്യാൻ ബുദ്ധി​മു​ട്ടാണ്‌. അതു​കൊണ്ട്‌ ഉയർന്ന സാങ്കേ​തി​ക​വി​ദ്യ ഉപയോ​ഗി​ച്ചു പ്രവർത്തി​ക്കുന്ന ചപ്പുച​വ​റു​കൾ ദഹിപ്പി​ക്കുന്ന ചൂളകൾ പല പ്രദേ​ശ​ങ്ങ​ളി​ലും പ്രചാ​ര​ത്തി​ലില്ല.

മറ്റെന്തു മാർഗ​മാ​ണു പിന്നെ​യു​ള്ളത്‌? ചിലർ ഖരരൂ​പ​ത്തി​ലുള്ള പാഴ്‌വ​സ്‌തു​ക്കൾ നീക്കം ചെയ്യു​ന്ന​തി​നുള്ള ഒരു സ്വാഭാ​വിക രീതി നിർദേ​ശി​ക്കു​ന്നു—കമ്പോ​സ്റ്റിങ്‌ എന്നറി​യ​പ്പെ​ടുന്ന ഒരുതരം ജീവശാ​സ്‌ത്ര “തീ”യാണത്‌. തീ പോ​ലെ​തന്നെ കമ്പോ​സ്റ്റി​ങ്ങും താപം പുറത്തു​വി​ട്ടു​കൊണ്ട്‌ ജൈവ​പ​ദാർഥത്തെ അനേകം ഉപോ​ത്‌പ​ന്ന​ങ്ങ​ളാ​യി വിഘടി​പ്പി​ക്കു​ന്നു. കമ്പോ​സ്റ്റി​ങ്ങി​ന്റെ ഉപോ​ത്‌പ​ന്നങ്ങൾ തികച്ചും ഉപയോ​ഗ​യോ​ഗ്യ​മാണ്‌. വാതക​ങ്ങ​ളും താപവും ഊർജ​സ്രോ​ത​സ്സു​ക​ളാ​യി ഉപയോ​ഗി​ക്കാ​വു​ന്ന​താണ്‌. ഖരരൂ​പ​ത്തി​ലുള്ള ഉപോ​ത്‌പ​ന്ന​മായ ജൈവ​മണ്ണ്‌ ഒരു വിലപ്പെട്ട കാർഷിക വളമാണ്‌.

കമ്പോ​സ്റ്റി​ങ്ങി​ന്റെ പ്രചാരം വർധി​ച്ചു​വ​രു​ക​യാണ്‌. ഉദാഹ​ര​ണ​ത്തിന്‌ ഫിൻലൻഡി​ലെ കൂർഷോം പട്ടണവും അതിന്റെ സമീപ നഗരമായ വാസാ​യും കമ്പോ​സ്റ്റിങ്‌ ഉപയോ​ഗ​പ്പെ​ടു​ത്തുന്ന മെച്ചമായ രീതി​യി​ലുള്ള ഒരു ചപ്പുചവർ സംസ്‌കരണ പ്ലാൻറ്‌ വികസി​പ്പി​ച്ചെ​ടു​ത്തി​രി​ക്കു​ന്നു. ആ പ്രദേ​ശത്തെ രണ്ടു പ്രശ്‌നങ്ങൾ ഒരേ സമയത്ത്‌ പരിഹ​രി​ക്കു​ന്ന​തി​നുള്ള ഒരു സമർഥ​മായ മാർഗം ആ പ്ലാൻറി​ന്റെ രൂപകൽപ്പകർ കണ്ടുപി​ടി​ച്ചു. കെട്ടിട നിർമാ​ണ​ത്തി​നും റോഡു​കൾ പണിയാ​നു​മുള്ള ചരൽ അവിടെ വിരള​മായ ഒരു വസ്‌തു​വാണ്‌. അതു​കൊണ്ട്‌ അടിപ്പാറ പൊട്ടി​ച്ചു വിസ്‌താ​ര​വും 40 മീറ്റർ ആഴവു​മുള്ള ഒരു കുഴി​യു​ണ്ടാ​ക്കാ​മെന്ന ആശയം ഉടലെ​ടു​ത്തു. വളരെ​യ​ധി​കം ചരൽ ഉണ്ടാക്കി​ക്ക​ഴി​ഞ്ഞ​പ്പോൾ മുൻസി​പ്പാ​ലി​റ്റി​യി​ലെ പാഴ്‌വ​സ്‌തു​ക്കൾ സംസ്‌ക​രി​ക്കു​ന്ന​തി​നുള്ള ഒരു ഭീമമായ ബയോ​റി​യാ​ക്ടർ സ്ഥാപി​ക്കാൻ പറ്റിയ സ്ഥലമായി മാറി അത്‌. ഖരരൂ​പ​ത്തിൽ ചുറ്റും പാറയു​ള്ളത്‌ കിണ്വന പ്രക്രി​യ​യ്‌ക്ക്‌ (fermentation process) അത്യാ​വ​ശ്യ​മാ​യി​രി​ക്കുന്ന സ്ഥിര ഊഷ്‌മാവ്‌ റിയാ​ക്ട​റിൽ നിലനിർത്താൻ സഹായി​ക്കു​ന്നു.

ഫലമെ​ന്താണ്‌? ആധുനിക രീതി​യി​ലുള്ള ഈ പ്ലാൻറ്‌ ആ പ്രദേ​ശത്തെ ചപ്പുച​വറു പ്രശ്‌നം വലിയ അളവോ​ളം പരിഹ​രി​ച്ചി​രി​ക്കു​ന്നു. അതു ചപ്പുച​വ​റി​ന്റെ വ്യാപ്‌തി​യു​ടെ 75 ശതമാ​ന​വും തൂക്കത്തി​ന്റെ 66 ശതമാ​ന​വും കുറയ്‌ക്കു​ന്നു. അതെങ്ങനെ സാധി​ക്കു​ന്നു? ആ പ്ലാൻറ്‌ നമു​ക്കൊ​ന്നു സന്ദർശി​ക്കാം.

ഒരു അതുല്യ​മായ ചപ്പുചവർ സംസ്‌കരണ പ്ലാൻറ്‌

അവി​ടെ​യെ​ത്തു​മ്പോൾ ആദ്യം​തന്നെ നമുക്കു​ണ്ടാ​കുന്ന ധാരണ ആ സ്ഥലം സാധാരണ ചപ്പുച​വറു നിക്ഷേ​പ​സ്ഥ​ല​ങ്ങൾപോ​ലെയല്ല എന്നുള്ള​താണ്‌. അവിടെ എലിക​ളോ ദുർഗ​ന്ധ​മോ ഇല്ല. പാഴ്‌വ​സ്‌തു​ക്ക​ളു​ടെ സംസ്‌ക​രണം ഇവിടെ ഉത്‌പാ​ദ​ന​ക്ഷ​മ​മായ മറ്റൊരു വ്യവസാ​യം മാത്ര​മാ​യി കാണ​പ്പെ​ടു​ന്നു.

പ്ലാൻറി​ന്റെ മാനേജർ ആദ്യം​തന്നെ പ്ലാൻറിൽ നടക്കുന്ന കാര്യങ്ങൾ വിശദീ​ക​രി​ക്കുന്ന ഒരു ചാർട്ട്‌ നമ്മെ കാണി​ക്കു​ന്നു. രണ്ടു ഘട്ടങ്ങളുള്ള ഒരു പ്രക്രിയ ചപ്പുച​വ​റി​ന്റെ അളവി​ന്റെ​യും വ്യാപ്‌തി​യു​ടെ​യും സിംഹ​ഭാ​ഗ​വും കുറയ്‌ക്കു​ന്നു. ആദ്യത്തെ ഘട്ടം കമ്പോ​സ്റ്റി​ങ്ങും രണ്ടാമ​ത്തേതു ചീയലു​മാണ്‌. കമ്പോ​സ്റ്റിങ്‌ നടക്കു​മ്പോൾ വായു​വി​ന്റെ സാന്നി​ധ്യ​ത്തിൽ പാഴ്‌വ​സ്‌തു​ക്കൾ വിഘടി​പ്പി​ക്ക​പ്പെ​ടു​ന്നു; ചീയൽ സംഭവി​ക്കു​മ്പോൾ വായു​വി​ന്റെ അസാന്നി​ധ്യ​ത്തിൽ അതിനു കിണ്വനം സംഭവി​ക്കു​ന്നു. എന്നാൽ ഈ പ്രക്രി​യകൾ ഏതെങ്കി​ലും തുടങ്ങു​ന്ന​തി​നു​മുമ്പ്‌ പാഴ്‌വ​സ്‌തു​ക്കൾ നുറു​ക്കു​ന്നു.

കൺ​ട്രോൾ ബൂത്തിന്റെ ജനാല​യി​ലൂ​ടെ നോക്കു​മ്പോൾ ചപ്പുച​വറു നിറച്ച ഒരു ലോറി ഒരു വലിയ വാതി​ലി​ലൂ​ടെ പുറ​കോ​ട്ടു നീങ്ങു​ന്നതു നാം കാണുന്നു. ഭീമാ​കാ​ര​മായ ചോർപ്പാ​കൃ​തി​യി​ലുള്ള ഒരു കുഴി​യി​ലേക്ക്‌ അതു ചപ്പുച​വറു നിക്ഷേ​പി​ക്കു​ന്നു. അവി​ടെ​നി​ന്നും ചപ്പുച​വറ്‌ ഒരു ബെൽറ്റു​വഴി ഒരു നുറുക്കു യന്ത്രത്തിൽ എത്തുന്നു. സൈക്കിൾ ഫ്രെയി​മു​കൾ, കാർ ടയറുകൾ, പുകക്കു​ഴ​ലു​കൾ എന്നിവ​യും മിക്കവാ​റും പ്ലാസ്റ്റിക്ക്‌ കഷണങ്ങ​ളും ഒരു ക്രെയ്‌ൻ വഴി നീക്കം ചെയ്യ​പ്പെ​ടു​ന്നു. പഴയ ഫ്രിഡ്‌ജു​ക​ളും ഫ്രീസ​റു​ക​ളും വരു​മ്പോൾ അവ നന്നാക്കാൻ കൊടു​ക്കു​ന്നു, പിന്നീട്‌ അത്ര വികസി​ത​മ​ല്ലാത്ത രാജ്യ​ങ്ങൾക്ക്‌ അവ വിൽക്കു​ന്നു​വെന്ന്‌ നമ്മുടെ ആതി​ഥേയൻ വിശദീ​ക​രി​ക്കു​ന്നു.

ആദ്യത്തെ നുറു​ക്ക​ലി​നു​ശേഷം പാഴ്‌വ​സ്‌തു​ക്കൾ ഒരു പരുപ​രുത്ത അരിപ്പ​യി​ലൂ​ടെ കടന്നു​പോ​കു​ന്നു. രണ്ടിഞ്ചിൽ താഴെ വലിപ്പ​മുള്ള എന്തും അതിലൂ​ടെ കടന്നു​പോ​കും. ഇതു ചപ്പുച​വ​റി​ന്റെ പകുതി​യോ​ളം വരും. ഇത്‌ ചപ്പുച​വ​റി​ന്റെ ജീവശാ​സ്‌ത്ര സംസ്‌ക​ര​ണ​ത്തി​ന്റെ ഒന്നാം ഘട്ടമായ കമ്പോ​സ്റ്റി​ങ്ങി​നു വിധേ​യ​മാ​കു​ന്നു. ഒരു വലിയ ടാങ്കിൽവെ​ച്ചാണ്‌ ഇതു നടക്കു​ന്നത്‌. അതിൽവെച്ച്‌ നുറു​ങ്ങിയ പാഴ്‌വ​സ്‌തു​ക്കൾ നഗരത്തി​ലെ മലിനജല സംസ്‌കരണ പ്ലാൻറിൽനി​ന്നു വരുന്ന ചെളി​യു​മാ​യി കൂടി​ക്ക​ല​രു​ന്നു.

“ഈ പ്രക്രിയ വികസി​പ്പി​ച്ച​പ്പോൾ എല്ലായ്‌പോ​ഴും ഞങ്ങൾ പരിതഃ​സ്ഥി​തി​യെ​ക്കു​റി​ച്ചു ചിന്തി​ച്ചി​രു​ന്നു. അതു​കൊണ്ട്‌ നുറു​ക്കു​മ്പോ​ഴു​ണ്ടാ​കുന്ന പൊടി​പോ​ലും ഞങ്ങൾ വേർതി​രി​ച്ചു. കൂടാതെ ഞങ്ങൾ പാഴ്‌വ​സ്‌തു​ക്ക​ളു​ടെ​യും ചെളി​യു​ടെ​യും മിശ്രി​തം ഏകസമാ​ന​ത​യു​ള്ള​താ​ക്കി​ത്തീർക്കു​ക​യും ഏതാണ്ട്‌ 40 ഡിഗ്രി സെൽഷ്യ​സ്‌വരെ [104 ഡിഗ്രി ഫാരെൻഹീറ്റ്‌] ചൂടാ​ക്കു​ക​യും ചെയ്യുന്ന കമ്പോസ്റ്റർ ടാങ്കി​ലേക്കു വായു​ക​ട​ത്തി​വി​ടു​ന്നു. വായവ ജീർണനം (aerobic decay) നടക്കു​ന്ന​തു​കൊണ്ട്‌ പുറത്തു​വ​രുന്ന വായു​വി​നെ ആദ്യം ഒരു അരിപ്പ​യി​ലൂ​ടെ കടത്തി​വി​ട്ടി​ല്ലെ​ങ്കിൽ അതിനു വല്ലാത്ത നാറ്റമാ​യി​രി​ക്കും,” ആതി​ഥേയൻ പറയുന്നു.

ഒന്നോ രണ്ടോ ദിവസം കമ്പോ​സ്റ്റ​റിൽ കിടന്നു കഴിഞ്ഞ്‌ ഈ പദാർഥം 40 മീറ്റർ ഉയരമുള്ള മുഖ്യ ജൈവ​വാ​തക റിയാ​ക്ട​റിൽ പ്രവേ​ശി​ക്കു​ന്നു. അവിടെ എന്തു സംഭവി​ക്കു​ന്നു? ഓക്‌സി​ജൻ ഇല്ലാത്ത ചുറ്റു​പാ​ടിൽ ജീവി​ക്കാൻ കഴിയുന്ന സൂക്ഷ്‌മാ​ണു​ക്കൾ ഈ മിശ്രി​ത​ത്തി​ന്റെ ജൈവ​ഘ​ട​ക​ങ്ങളെ വിഘടി​പ്പി​ക്കു​ന്നു. പ്രക്രി​യ​യു​ടെ ഈ ഘട്ടം ചീയൽ എന്ന ലളിത​മായ പേരിൽ അറിയ​പ്പെ​ടു​ന്നു. ഇതിന്‌ 35 ഡിഗ്രി സെൽഷ്യ​സിൽ 15 ദിവസം വേണ്ടി​വ​രു​ന്നു. ജൈവ​വാ​ത​ക​വും വലിയ അളവിൽ ലഭിക്കുന്ന ജൈവ​മ​ണ്ണും ആയിരി​ക്കും അവസാന ഉത്‌പ​ന്നങ്ങൾ. ജൈവ​മ​ണ്ണിൽ ഏതാണ്ട്‌ 85 മുതൽ 90 വരെ ശതമാനം ജലമാണ്‌. ഈ ജലത്തിന്റെ ഭൂരി​ഭാ​ഗ​വും പിഴിഞ്ഞു റിയാ​ക്ട​റി​ലേക്കു തിരിച്ചു കയറ്റുന്നു.

എന്നാൽ അരിപ്പ​യി​ലൂ​ടെ കടന്നു​പോ​കാഞ്ഞ ചപ്പുച​വ​റി​ന്റെ പകുതി​ഭാ​ഗ​ത്തിന്‌ എന്തു സംഭവി​ച്ചു? ഇതിൽ മുഖ്യ​മാ​യും കടലാ​സും പ്ലാസ്റ്റിക്‌ വസ്‌തു​ക്ക​ളും അടങ്ങി​യി​രി​ക്കു​ന്ന​തി​നാൽ ഈ ഭാഗം വളരെ എളുപ്പം കത്തുന്ന​താ​ണെന്ന്‌ നമ്മുടെ ഗൈഡ്‌ പറയുന്നു. എന്നാൽ പാഴ്‌വ​സ്‌തു​ക്കൾ സുരക്ഷി​ത​മാ​യി കത്തിക്കു​ന്ന​തിന്‌ 1,000 ഡിഗ്രി സെൽഷ്യ​സി​ല​ധി​കം താപനില ആവശ്യ​മാണ്‌—അത്തരത്തി​ലുള്ള ഒരു ചൂള സമീപ​ത്തെ​ങ്ങു​മില്ല. “അതു​കൊ​ണ്ടാണ്‌ ഞങ്ങൾ ബാക്കി​വ​രുന്ന ചപ്പുച​വറ്‌ ഒന്നുകൂ​ടി നുറുക്കി വീണ്ടും ഈ പ്രക്രി​യ​യ്‌ക്കു വിധേ​യ​മാ​ക്കു​ന്നത്‌. ജീവശാ​സ്‌ത്ര പ്രക്രി​യ​യ്‌ക്ക്‌ പ്ലാസ്റ്റി​ക്കു​കളെ വിഘടി​പ്പി​ക്കാൻ കഴിയു​ക​യില്ല എന്നതു സത്യമാണ്‌. എന്നാൽ പാഴ്‌വ​സ്‌തു​ക്ക​ളു​ടെ ഭൂരി​ഭാ​ഗ​വും കടലാ​സാണ്‌, അത്‌ ഒടുവിൽ ജൈവ​സം​യു​ക്ത​മാ​യി​ത്തീ​രു​ന്നു,” അദ്ദേഹം പറയുന്നു.

ഈ സങ്കീർണ പ്രക്രിയ എന്താണ്‌ ഉത്‌പാ​ദി​പ്പി​ക്കു​ന്നത്‌? നമ്മുടെ ആതി​ഥേയൻ ഉത്തരം നൽകുന്നു: “മുഖ്യ​മാ​യും ഞങ്ങൾക്കു രണ്ട്‌ ഉത്‌പ​ന്ന​ങ്ങ​ളാ​ണു ലഭിക്കു​ന്നത്‌, ജൈവ​സം​യു​ക്ത​വും ജൈവ​വാ​ത​ക​വും. ഹരിത​പ്ര​ദേ​ശങ്ങൾ ഉണ്ടാക്കി​യെ​ടു​ക്കു​ന്ന​തി​നും ഒരിക്കൽ ചപ്പുച​വ​റും മണ്ണും ഇട്ടു നിരപ്പാ​ക്കി​യ​തും ഇപ്പോൾ ഉപയോ​ഗ​ശൂ​ന്യ​മാ​യി​ത്തീർന്നി​രി​ക്കു​ന്ന​തു​മായ പ്രദേ​ശ​ങ്ങ​ളിൽ ഇടുന്ന​തി​നും വേണ്ടി ഞങ്ങൾ ജൈവ​വളം വിൽക്കു​ന്നു. പഴയ പല ചപ്പുച​വറു നിക്ഷേപ സ്ഥലങ്ങളും ഇപ്പോൾ ഉപയോ​ഗി​ക്കാ​ത്ത​തി​നാൽ ഇതിന്റെ വമ്പിച്ച ആവശ്യ​മുണ്ട്‌. ഭാവി​യിൽ, ഗ്ലാസും പ്ലാസ്റ്റി​ക്കു​ക​ളും നീക്കം​ചെയ്‌ത ശേഷം അതു കൃഷിക്ക്‌ ഉപയോ​ഗി​ക്കാൻ കഴിയു​മോ എന്നു ഞങ്ങൾ നോ​ക്കേ​ണ്ടി​യി​രി​ക്കു​ന്നു. ജൈവ​വാ​ത​ക​ത്തിൽ 60 ശതമാനം മീഥെ​യ്‌നും 40 ശതമാനം കാർബൺഡ​യോ​ക്‌​സൈ​ഡും അടങ്ങി​യി​രി​ക്കു​ന്നു. ഗുണത്തിൽ അതു പ്രകൃ​തി​വാ​തകം പോ​ലെ​യാണ്‌, അതേ രീതി​യിൽ ഉപയോ​ഗി​ക്കു​ക​യും ചെയ്യുന്നു. അത്‌ ഏറ്റവും അടുത്തുള്ള വ്യവസായ പ്ലാന്റു​കൾക്കു വിതരണം ചെയ്യു​ന്ന​തി​നു ഞങ്ങൾക്കു പൈപ്പ്‌ലൈൻ സംവി​ധാ​ന​മുണ്ട്‌.”

ചപ്പുച​വ​റി​ലും ചെളി​യി​ലു​മുള്ള സാന്ദ്രത കൂടിയ ലോഹങ്ങൾ ഉണ്ടാക്കുന്ന പ്രശ്‌നങ്ങൾ സംബന്ധി​ച്ചെന്ത്‌? നമ്മുടെ ആതി​ഥേയൻ തുടരു​ന്നു: “സാന്ദ്രത കൂടിയ ഈ ലോഹങ്ങൾ വെള്ളത്തിൽ വളരെ​യ​ധി​ക​മുണ്ട്‌. അതു​കൊണ്ട്‌ ഭാവി​യിൽ വെള്ളത്തിൽനിന്ന്‌ സാന്ദ്രത കൂടിയ ലോഹങ്ങൾ നീക്കം ചെയ്യാ​നുള്ള ഉപകരണം വാങ്ങാ​നാ​ണു ഞങ്ങളുടെ ഉദ്ദേശ്യം. അപ്പോൾ ഞങ്ങളുടെ ഉത്‌പന്നം എല്ലാ ഉദ്ദേശ്യ​ങ്ങൾക്കും യോജി​ച്ച​താ​യി​രി​ക്കും. നാം ഭാവി​യെ​ക്കു​റി​ച്ചു സംസാ​രി​ക്കുന്ന സ്ഥിതിക്ക്‌ എന്റെ സ്വപ്‌നം എന്താ​ണെന്നു ഞാൻ നിങ്ങ​ളോ​ടു പറയേ​ണ്ടി​യി​രി​ക്കു​ന്നു. ഞങ്ങൾക്ക്‌ ഗ്ലാസോ പ്ലാസ്റ്റി​ക്കു​ക​ളോ ലോഹ​മോ കിട്ടാ​നി​ട​യി​ല്ലാ​ത്ത​വി​ധം എല്ലാ വീട്ടു​കാ​രും തങ്ങളുടെ ചപ്പുച​വറ്‌ തരംതി​രി​ക്കും എന്നതാണ്‌ എന്റെ സ്വപ്‌നം. അവയെ​ല്ലാം പുനരു​പ​യോ​ഗ​യോ​ഗ്യ​മാണ്‌. കൃത്രിമ തുണി​ത്ത​രങ്ങൾ, പ്ലാസ്റ്റി​ക്കു​കൾ, റബർ എന്നിവ​പോ​ലും പുനരു​പ​യോ​ഗ​യോ​ഗ്യ​മാണ്‌.”

1,00,000 ആളുകൾ ഉത്‌പാ​ദി​പ്പി​ക്കുന്ന പാഴ്‌വ​സ്‌തു​ക്കൾ സംസ്‌ക​രി​ക്കു​ന്ന​തി​നുള്ള കഴിവ്‌ ഈ പ്ലാൻറി​നുണ്ട്‌. ഇതു ഫിൻലൻഡി​നെ സംബന്ധി​ച്ചി​ട​ത്തോ​ളം പ്രധാ​ന​പ്പെട്ട സംഗതി​യാണ്‌. 2000-ാമാണ്ടാ​കു​ന്ന​തോ​ടെ ചപ്പുച​വ​റി​ന്റെ ഏതാണ്ടു പകുതി​യും ഒന്നുകിൽ അസംസ്‌കൃത പദാർഥ​ങ്ങ​ളാ​യി അല്ലെങ്കിൽ ഊർജ​മാ​യി ഉപയോ​ഗ​പ്പെ​ടു​ത്താ​നാണ്‌ ഈ രാജ്യം പദ്ധതി​യി​ടു​ന്നത്‌.

ചപ്പുച​വ​റി​ന്റെ ആധിക്യം സംബന്ധിച്ച്‌ എന്തെങ്കി​ലും ചെയ്യുക സാധ്യ​മാ​ണെ​ന്നു​ള്ള​തി​നു നമ്മുടെ പര്യടനം നമുക്കു യഥാർഥ തെളിവു നൽകി​യി​രി​ക്കു​ന്നു. നാം പാർക്കു​ന്നി​ടത്തു നിലവി​ലുള്ള ഏതു പുനഃ​ചാ​ക്രിക നിയമ​ങ്ങ​ളോ​ടും നമൂ​ക്കോ​രോ​രു​ത്തർക്കും സഹകരി​ക്കാൻ കഴിയും. എന്നാൽ നാം ഗൈഡി​നോ​ടു വിടപ​റ​യു​ന്ന​തി​നു​മുമ്പ്‌ ചപ്പുചവർ ഇതു​പോ​ലെ ഫലപ്ര​ദ​മാ​യ​രീ​തി​യിൽ കൈകാ​ര്യം ചെയ്യുന്ന മറ്റു പ്ലാന്റുകൾ ഉണ്ടോ എന്നു ചോദി​ക്കു​ന്നു. “അതു പറയാൻ പ്രയാ​സ​മാണ്‌. സമാന​മായ മറ്റേ​തെ​ങ്കി​ലും പ്ലാൻറി​നെ​ക്കു​റിച്ച്‌ എനിക്ക​റി​യില്ല. ഒരുപക്ഷേ ഇതു ശ്രമി​ച്ചു​നോ​ക്കാൻ ആർക്കും ധൈര്യം​തോ​ന്നാ​ത്ത​വണ്ണം പല സ്ഥലങ്ങളി​ലും പ്രശ്‌നങ്ങൾ അത്രമാ​ത്രം വലുതാ​യി​രി​ക്കാം,” നമ്മുടെ ഗൈഡ്‌ ഉത്തരം പറയുന്നു.