അറപ്പു​ള​വാ​ക്കുന്ന ആ ഈച്ചകൾ—നിങ്ങൾ വിചാ​രി​ക്കു​ന്ന​തി​നെ​ക്കാൾ ഉപയോ​ഗ​പ്ര​ദ​രോ?

നമ്മിൽ മിക്കവ​രും ഈച്ചകളെ സമൂഹ​ത്തിന്‌ ഒരു ശല്യമാ​യോ ഒരു പ്രത്യക്ഷ ഭീഷണി​യാ​യോ ആണു കാണു​ന്നത്‌. എന്നാൽ ഉപദ്ര​വ​കാ​രി​കൾ ആണെന്നു തോന്നു​മെ​ങ്കി​ലും ആ ഈച്ചകൾ നാം വിചാ​രി​ക്കു​ന്ന​തി​നെ​ക്കാൾ ഉപയോ​ഗ​പ്ര​ദ​രാ​ണെന്നു ജീവശാ​സ്‌ത്രജ്ഞർ കണ്ടുപി​ടി​ക്കു​ന്നു.

തങ്ങളുടെ ആശ്രി​ത​രായ പ്രാണി​കൾക്കു തേനും പൂമ്പൊ​ടി​യും വാഗ്‌ദാ​നം ചെയ്യുന്ന തൽക്ഷണ ആഹാര ഉറവി​ടങ്ങൾ പോ​ലെ​യുള്ള പുഷ്‌പങ്ങൾ സന്ദർശി​ച്ചു​കൊ​ണ്ടു മിക്ക വർഗങ്ങ​ളും ദിവസ​ത്തി​ന്റെ ഭൂരി​ഭാ​ഗ​വും ചെലവ​ഴി​ക്കു​ന്നു. ചില ഈച്ചകൾക്കു പൂമ്പൊ​ടി​യിൽനി​ന്നു പോഷ​കങ്ങൾ വേർതി​രി​ച്ചെ​ടു​ക്കാൻ കഴിയു​ന്നത്‌ ഒരു കാര്യ​മായ നേട്ടം​തന്നെ. ഇവ അവയുടെ മുട്ടക​ളു​ടെ വളർച്ച​ക്കാ​യി ഊർജം ധാരാ​ള​മുള്ള ഈ ആഹാരത്തെ ആശ്രയി​ക്കു​ന്നു.

ഒന്നിനു പിന്നാലെ മറ്റൊ​ന്നാ​യി പുഷ്‌പങ്ങൾ സന്ദർശി​ക്കവേ, ഈച്ചകൾ അവയുടെ ശരീരത്തു സ്വയം ഒട്ടിപ്പി​ടി​ക്കുന്ന പരാഗ​രേ​ണു​ക്കളെ ഒഴിവാ​ക്കാ​നാ​വാ​തെ വഹിച്ചു​കൊ​ണ്ടു നടക്കുന്നു. ജീവശാ​സ്‌ത്രജ്ഞർ സുക്ഷ്‌മ​മാ​യി പരി​ശോ​ധിച്ച ഒരു ഈച്ചയു​ടെ ശരീരത്ത്‌ 1,200 പരാഗ​രേ​ണു​ക്കൾ ഉണ്ടായി​രു​ന്നു. ഈച്ചക​ളു​ടെ പരാഗണ കർമ​ത്തെ​ക്കു​റി​ച്ചു കൂടുതൽ ഗവേഷണം നടത്തി​യ​പ്പോൾ, ചില പുഷ്‌പങ്ങൾ അവയുടെ അതിജീ​വ​ന​ത്തി​നാ​യി ഈച്ചകളെ ആശ്രയി​ക്കു​ന്ന​താ​യി ശാസ്‌ത്രജ്ഞർ കണ്ടെത്തി.

വടക്കേ അമേരി​ക്ക​യി​ലെ കൊള​റാ​ഡോ​യിൽ നടത്തപ്പെട്ട പരീക്ഷണ പരമ്പര​കളെ നാച്ച്വറൽ ഹിസ്റ്ററി എന്ന മാസിക വിവരി​ക്കു​ന്നു. ഭവന ഈച്ചക​ളോ​ടു സാമ്യ​മുള്ള സാധാരണ മ്യൂസ്‌ക്കോ​യിഡ്‌ ഈച്ച തിളങ്ങുന്ന വർണങ്ങ​ളാൽ പൊതി​യ​പ്പെ​ട്ടി​രു​ന്നു. അതു​കൊണ്ട്‌ അവയെ എളുപ്പം പിന്തു​ട​രാൻ കഴിയും. അവയുടെ അനുദിന പ്രവർത്ത​ന​ങ്ങളെ പരി​ശോ​ധി​ച്ച​തി​നെ തുടർന്ന്‌, ചില കാട്ടു​പൂ​ക്ക​ളു​ടെ സംഗതി​യിൽ, വണ്ടുക​ളെ​ക്കാൾ പ്രധാ​ന​പ്പെട്ട പരാഗി​കൾ ഈച്ചക​ളാ​ണെ​ന്നും ഈ സംഗതി​യിൽ അവ വണ്ടുക​ളെ​ക്കാൾ വളരെ മുന്നി​ലാ​ണെ​ന്നും കണ്ടുപി​ടി​ച്ച​തിൽ ഗവേഷകർ അതിശ​യി​ച്ചു​പോ​യി.

ഈച്ചക​ളു​ടെ ജോലി എത്ര പ്രധാ​ന​മാണ്‌? പ്രാണി​കൾക്കു സന്ദർശി​ക്കാൻ കഴിയാ​ത്ത​വി​ധം ചില പുഷ്‌പങ്ങൾ നാരു​കൾക്കൊ​ണ്ടുള്ള വലയ്‌ക്ക​ക​ത്താ​യി​രു​ന്നു. ഈച്ചക​ളാൽ പരാഗണം നടത്തപ്പെട്ട സമീപ​ത്തു​ണ്ടാ​യി​രുന്ന ഫലദാ​യ​ക​മാ​യ​വ​യ്‌ക്കു നേരേ​വി​പ​രീ​ത​മാ​യി പ്രസ്‌തുത പുഷ്‌പങ്ങൾ വിത്തുകൾ ഉത്‌പാ​ദി​പ്പി​ച്ചി​രു​ന്ന​തേ​യില്ല. ചില പുഷ്‌പ​ങ്ങ​ളിൽ മുഖ്യ​മാ​യും പരാഗണം നടത്ത​പ്പെ​ട്ടതു വണ്ടുക​ളാ​ലാ​യി​രു​ന്നെ​ങ്കി​ലും, വൈൽഡ്‌ ഫ്‌ളാ​ക്‌സ്‌, വൈൽഡ്‌ ജെറാ​നി​യം തുടങ്ങി​യവ പോലുള്ള ഇനങ്ങളിൽ കുറേ ഉയരത്തിൽവരെ പ്രസ്‌തുത കൃത്യ​ത്തി​ന്റെ 90 ശതമാ​ന​ത്തി​ല​ധി​കം നിർവ​ഹി​ച്ചത്‌ ഈച്ചക​ളാണ്‌.

ഗവേഷ​ക​രിൽ രണ്ടു​പേ​രാ​യി​രുന്ന കാരൾ കൺസി​ന്റെ​യും ഡേവിഡ്‌ ഇനോ​യു​യി​യു​ടെ​യും നിഗമനം എന്തായി​രു​ന്നു? “അപ്പോൾ, കൊള​റാ​ഡോ റോക്കീ​സി​ലെ അനേകം കാട്ടു​പൂ​ക്ക​ളു​ടെ സംഗതി​യിൽ ഈച്ചകൾ വണ്ടുക​ളെ​യും ചിത്ര​ശ​ല​ഭ​ങ്ങ​ളെ​യും ഹമ്മിങ്‌ബേർഡു​ക​ളെ​യും​കാൾ മുന്നി​ട്ടു​നിൽക്കു​ന്നു . . . ഭൂരി​ഭാ​ഗം ജനങ്ങൾക്കും അൽപ്പം വെറു​പ്പുള്ള ഈ പ്രാണി​ക​ളെ​ക്കൂ​ടാ​തെ, ഒരു ആൽപ്‌സ്‌ പ്രദേശ പുൽത്ത​കി​ടി സന്ദർശി​ക്കു​ന്ന​തി​നെ മനോ​ജ്ഞ​മാ​ക്കുന്ന കാട്ടു​പൂ​ക്ക​ളിൽ പലതി​നും വിത്തു​ത്‌പാ​ദി​പ്പി​ക്കാൻ കഴിയു​ക​യില്ല.” ഈച്ചകൾ ഉപയോ​ഗ​പ്ര​ദ​രാ​ണെ​ന്നു​ള്ള​തിൽ യാതൊ​രു സംശയ​വു​മില്ല!