അത്‌ ഏതു രാജ്യ​മാ​യി​രി​ക്കാം?

വികസിത രാഷ്ട്ര​ങ്ങ​ളി​ലെ ആളുകൾ പൊതു​വേ കൈക്കൂ​ലി, അഴിമതി, ദാരി​ദ്ര്യം എന്നിവയെ ആഫ്രി​ക്ക​യി​ലും ലാറ്റിൻ-അമേരി​ക്കൻ രാജ്യ​ങ്ങ​ളി​ലും മാത്രം നടക്കുന്ന കാര്യ​ങ്ങ​ളാ​യി വീക്ഷി​ക്കു​ന്നു. അങ്ങനെ​യെ​ങ്കിൽ, പിൻവ​രുന്ന ഉദ്ധരണി ഏതു രാജ്യ​ത്തി​നു ബാധക​മാ​കും?

“ഗവൺമെൻറ്‌ മന്ത്രി​മാർ നുണ പറയുന്നു, അഴിമ​തി​യു​ടെ പേരിൽ ബിസി​ന​സു​കാർ തടവി​ലാ​ക്ക​പ്പെ​ടു​ന്നു, കൈക്കൂ​ലി വാങ്ങി​യ​തി​നു സിവിൽ ഉദ്യോ​ഗ​സ്ഥൻമാർ പിടി​യി​ലാ​വു​ന്നു, രാഷ്ട്രീ​യം ദുഷി​ക്ക​പ്പെ​ടു​ന്നു. കൂടാതെ, [രാഷ്ട്രീ​യ​ക്കാർ] ആഭാസ​രും മദ്യോ​ന്മ​ത്ത​രും ലൈം​ഗി​കാ​സ​ക്ത​രും ആയി കാണ​പ്പെ​ടു​ന്നു. രാജ്യ​ത്തെ​മ്പാ​ടും പെരു​വ​ഴി​ക്ക​വർച്ച വീണ്ടും സർവസാ​ധാ​ര​ണ​മാ​യി​ത്തീർന്നി​രി​ക്കു​ന്നു. . . . സാധാരണ നടക്കുന്ന കുറ്റകൃ​ത്യ​ങ്ങൾക്കൊ​പ്പം വ്യവസാ​യ​ത്തി​ലും ധനകാ​ര്യ​രം​ഗ​ത്തും ഗവൺമെൻറ്‌ ഉദ്യോ​ഗ​ങ്ങ​ളി​ലും അഴിമതി അലയടി​ച്ചു​യർന്നി​രി​ക്കു​ന്നു. . . . ഒരു കോടി പത്തുലക്ഷം ആളുകൾ ഇപ്പോൾ ജീവന്റെ അടിസ്ഥാന ആവശ്യ​ങ്ങ​ളിൽപെട്ട മൂന്നോ അതിൽ കൂടു​ത​ലോ കാര്യങ്ങൾ ഇല്ലാത്ത​വ​രാണ്‌, . . . കൂടാതെ, കൊടും​ദാ​രി​ദ്ര്യ​ത്തിൽ കഴിയു​ന്ന​വ​രു​ടെ എണ്ണം—അവശ്യ​സം​ഗ​തി​ക​ളിൽ ഏഴോ അതില​ധി​ക​മോ കാര്യങ്ങൾ ഇല്ലാത്തവർ—25 ലക്ഷത്തിൽനിന്ന്‌ 35 ലക്ഷമായി ഉയർന്നി​രി​ക്കു​ന്നു.”—ഫിലിപ്പ്‌ നൈറ്റ്‌ലി, ഓസ്‌​ട്രേ​ലി​യൻ മാഗസിൻ.

നിങ്ങളു​ടെ ഊഹം ശരിയാ​ണോ? ഉത്തരം ബ്രിട്ടൻ എന്നാണ്‌. മേൽപ്ര​സ്‌താ​വി​ച്ചവ ഡസൻ കണക്കിനു രാജ്യ​ങ്ങൾക്കു ബാധക​മാ​യേ​ക്കാ​മെ​ന്നതു നമ്മുടെ കാലഘ​ട്ട​ത്തി​ലെ ദുഃഖ​ക​ര​മായ ഒരു സംഗതി​യാണ്‌. നല്ലതും സത്യസ​ന്ധ​വും നീതി​നി​ഷ്‌ഠ​വു​മായ ഭരണാ​ധി​പ​ത്യം നമു​ക്കെ​ല്ലാം എത്രയ​ധി​കം ആവശ്യ​മാ​യി​രി​ക്കു​ന്നു! അതേ, “നിന്റെ രാജ്യം വരേണമേ,” എന്നു യേശു തന്റെ അനുഗാ​മി​കളെ പഠിപ്പിച്ച പ്രാർഥ​ന​യി​ലെ ആ രാജ്യം മുഖാ​ന്ത​ര​മുള്ള ദൈവ​ത്തി​ന്റെ ഭരണാ​ധി​പ​ത്യം നമുക്ക്‌ ആവശ്യ​മാ​യി​രി​ക്കു​ന്നു.—മത്തായി 6:10.