ഒരു അഴിമ​തി​ര​ഹിത ലോക​ത്തെ​ക്കു​റി​ച്ചുള്ള വാഗ്‌ദാ​നം

സമൂഹ​ത്തി​ന്റെ എല്ലാ തലങ്ങളി​ലും അഴിമതി കയറി​ക്കൂ​ടി​യി​രി​ക്കു​ക​യാണ്‌. ഗവൺമെ​ന്റി​ലാ​യാ​ലും ശാസ്‌ത്ര​ത്തി​ലാ​യാ​ലും കായി​ക​രം​ഗ​ത്താ​യാ​ലും മതത്തി​ലാ​യാ​ലും ബിസി​ന​സി​ലാ​യാ​ലും അഴിമതി ഏതാണ്ട്‌ കൊടി​കു​ത്തി വാഴു​ക​യാണ്‌.

ഒന്നിനു പിറകെ ഒന്നായി ഓരോ രാജ്യ​ത്തും നിരാ​ശ​പ്പെ​ടു​ത്തുന്ന അഴിമ​തി​ക്ക​ഥകൾ പത്രത്ത​ല​ക്കെ​ട്ടു​ക​ളിൽ സ്ഥാനം​പി​ടി​ക്കു​ക​യാണ്‌. ജനങ്ങളു​ടെ താത്‌പ​ര്യ​ങ്ങൾ സംരക്ഷി​ക്കാൻ പ്രതി​ജ്ഞാ​ബ​ദ്ധ​രാ​യി​ട്ടുള്ള അനേക​രും കൈക്കൂ​ലി​യും കോഴ​യും വാങ്ങി തൻകാ​ര്യ​ത​ത്‌പ​ര​രാ​യി​രി​ക്കു​ന്ന​താ​യി തുറന്നു​കാ​ട്ട​പ്പെ​ടു​ക​യാണ്‌. വെള്ള​ക്കോ​ളർ കുററ​കൃ​ത്യ​ങ്ങൾ എന്നുപ​റ​യ​പ്പെ​ടു​ന്നവ നടമാ​ടു​ക​യാണ്‌. സാമൂ​ഹി​ക​മോ സാമ്പത്തി​ക​മോ ആയ ഉയർന്ന പദവി​യി​ലുള്ള കൂടു​തൽക്കൂ​ടു​തൽ ആളുകൾ തങ്ങളുടെ സ്ഥിരമായ തൊഴി​ലി​നോ​ടുള്ള ബന്ധത്തിൽ ധാർമി​ക​വും ശിക്ഷാർഹ​വു​മായ, ഗുരു​ത​ര​മായ ലംഘന​ങ്ങൾക്കു കുററ​ക്കാ​രാണ്‌.

ഒരു യൂറോ​പ്യൻ പത്രിക വർണി​ച്ച​തു​പോ​ലെ​യുള്ള “‘വമ്പൻമാ​രു​ടെ അഴിമതി’”യെക്കു​റി​ച്ചുള്ള ഉത്‌കണ്‌ഠ കൂടി​ക്കൂ​ടി​വ​രു​ക​യാണ്‌. “മുതിർന്ന ഉദ്യോ​ഗ​സ്ഥൻമാ​രും മന്ത്രി​മാ​രും, പിന്നെ പലപ്പോ​ഴും രാഷ്ട്ര​ത്ത​ല​വൻമാ​രും വൻകിട വാങ്ങലു​ക​ളും പദ്ധതി​ക​ളും അംഗീ​ക​രി​ക്കു​ന്ന​തി​നു​മു​മ്പാ​യി തുകകൾ ആവശ്യ​പ്പെ​ടുന്ന നടപടി”യാണത്‌. ഒരു രാജ്യത്ത്‌, “രണ്ടു വർഷത്തെ പൊലീസ്‌ അന്വേ​ഷ​ണ​വും മിക്കവാ​റും ദിവ​സേ​ന​യുള്ള അറസ്‌റ​റു​ക​ളു​മു​ണ്ടാ​യി​രു​ന്നി​ട്ടും തിരു​ത്താ​നാ​വാത്ത ആ അഴിമ​തി​ക്കാ​രെ പിന്തി​രി​പ്പി​ക്കാൻ അവയ്‌ക്കു കഴിഞ്ഞില്ല,” ബ്രിട്ടീഷ്‌ മാഗസി​നായ ദി ഇക്കണോ​മി​സ്‌ററ്‌ പ്രസ്‌താ​വി​ക്കു​ന്നു.

അത്രയ്‌ക്കു വ്യാപ​ക​മായ അഴിമതി നിമിത്തം, തങ്ങൾക്കു വിശ്വാ​സ​മർപ്പി​ക്കാ​നാ​വുന്ന ആരുമി​ല്ലെ​ന്നാണ്‌ ഇന്ന്‌ അനേകർക്കും തോന്നു​ന്നത്‌. അവരി​ലൂ​ടെ പ്രതി​ധ്വ​നി​ക്കു​ന്നത്‌ ബൈബിൾ എഴുത്തു​കാ​ര​നായ ദാവീ​ദി​ന്റെ വികാ​ര​ങ്ങ​ളാണ്‌. അദ്ദേഹം ഇങ്ങനെ പറഞ്ഞു: “എല്ലാവ​രും വഴി​തെ​ററി ഒരു​പോ​ലെ കൊള്ള​രു​താ​ത്ത​വ​രാ​യി​ത്തീർന്നി​രി​ക്കു​ന്നു; നന്മ ചെയ്യു​ന്ന​വ​നില്ല; ഒരുത്തൻപോ​ലു​മില്ല.”—സങ്കീർത്തനം 14:3.

വ്യാപ​ക​മായ അഴിമതി എന്ന യാഥാർഥ്യ​ത്തെ നിങ്ങൾ എങ്ങനെ​യാ​ണു നേരി​ടു​ന്നത്‌? ഇന്നു മിക്കയാ​ളു​ക​ളും അതി​നെ​യങ്ങ്‌ അവഗണി​ച്ചു​ക​ള​യു​ക​യാണ്‌. എന്നാൽ അഴിമ​തി​യെ അവഗണി​ച്ചാ​ലും ശരി, അപ്പോ​ഴും അതു നിങ്ങൾക്കു ദോഷം ചെയ്യും. എങ്ങനെ?

അഴിമതി നിങ്ങളെ ബാധി​ക്കു​ന്നു

ഉന്നതത​ല​ത്തി​ലെ​യും താഴ്‌ന്ന​ത​ല​ത്തി​ലെ​യും അഴിമതി ജീവി​ത​ച്ചെ​ലവു വർധി​പ്പി​ക്കു​ന്നു, ഉത്‌പ​ന്ന​ങ്ങ​ളു​ടെ ഗുണനി​ല​വാ​രം കുറച്ചു​ക​ള​യു​ന്നു, ജോലി​സാ​ധ്യ​തകൾ കുറയ്‌ക്കു​ന്നു, വേതന​നി​ര​ക്കിൽ ഇടിവു​വ​രു​ത്തു​ന്നു. ഉദാഹ​ര​ണ​ത്തിന്‌, വിശ്വ​സി​ച്ചു​കൊ​ടുത്ത മുതലി​നെ അപഹരി​ക്ക​ലും വഞ്ചനയും​പോ​ലെ​യുള്ള കുററ​കൃ​ത്യ​ങ്ങൾ വരുത്തി​ക്കൂ​ട്ടുന്ന നഷ്ടം ഭവന​ഭേ​ദനം, കവർച്ച, മോഷണം എന്നിവ​യി​ലൂ​ടെ​യുള്ള നഷ്ടത്തിന്റെ ചുരു​ങ്ങി​യതു പത്ത്‌ ഇരട്ടി​യാ​ണെന്നു കണക്കാ​ക്ക​പ്പെ​ടു​ന്നു. “ഐക്യ​നാ​ടു​ക​ളിൽ പൊതു​സ്ഥാ​പ​ന​ങ്ങ​ളി​ലെ കുററ​കൃ​ത്യ​ങ്ങൾമൂ​ല​മുള്ള നഷ്ടം ഓരോ വർഷവും 20,000,00,00,000 ഡോളർ—സംഘടിത കുററ​കൃ​ത്യ​ങ്ങൾമൂ​ല​മുള്ള നഷ്ടത്തിന്റെ മൂന്നി​രട്ടി—ആണെന്നു കണക്കാ​ക്ക​പ്പെ​ട്ടി​രി​ക്കു​ന്നു”വെന്നു ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക (1992) പ്രസ്‌താ​വി​ക്കു​ന്നു. ഫലങ്ങൾ പെട്ടെന്നു കണ്ടുപി​ടി​ക്ക​പ്പെ​ടു​ന്നി​ല്ലെ​ങ്കി​ലും “അത്തരം കുററ​കൃ​ത്യ​ങ്ങൾക്കു തൊഴി​ലാ​ളി​കൾ, ഉപഭോ​ക്താ​ക്കൾ, പരിസ്ഥി​തി എന്നിവ​യു​ടെ സുരക്ഷി​ത​ത്വ​ത്തിൻമേൽ അപാര സ്വാധീ​ന​മുണ്ട്‌,” അതേ സ്രോ​തസ്‌ വിശദ​മാ​ക്കു​ന്നു.

അഴിമ​തി​യു​ടെ തിക്തഫ​ലങ്ങൾ ശലോ​മോൻ രാജാ​വി​ന്റെ വാക്കുകൾ നമ്മെ അനുസ്‌മ​രി​പ്പി​ക്കു​ന്നു: “സൂര്യന്നു കീഴിൽ നടക്കുന്ന മർദ്ദന​ങ്ങ​ളെ​ല്ലാം ഞാൻ കണ്ടു. ഇതാ, മർദ്ദിതർ കണ്ണീ​രൊ​ഴു​ക്കു​ന്നു, അവരെ ആശ്വസി​പ്പി​ക്കാ​നാ​രു​മില്ല! മർദ്ദി​ക്കു​ന്ന​വ​രു​ടെ ഭാഗത്ത്‌ ശക്തിയുണ്ട്‌. അതു​കൊണ്ട്‌ മർദ്ദി​തരെ ആശ്വസി​പ്പി​ക്കു​ന്ന​തിന്ന്‌ ആരുമില്ല.”—സഭാ​പ്ര​ഭാ​ഷകൻ 4:1, ഓശാന ബൈബിൾ.

അപ്പോൾ അഴിമ​തി​ക്കു നാം വഴങ്ങി​ക്കൊ​ടു​ക്ക​ണ​മോ? അത്‌ ഒഴിവാ​ക്കാ​നാ​വാ​ത്ത​തോ? ഒരു അഴിമ​തി​ര​ഹിത ലോകം എന്നതു നടക്കാ​നാ​വാത്ത ഒരു സ്വപ്‌ന​മാ​ണോ? സന്തോ​ഷ​ക​ര​മെന്നു പറയട്ടെ, അല്ല! അനീതി​യും അധർമ​വും ഉടനടി നിർമാർജനം ചെയ്യ​പ്പെ​ടു​മെന്നു ബൈബിൾ നമ്മെ പഠിപ്പി​ക്കു​ന്നു.

ബൈബിൾ നമ്മോടു പറയു​ന്നത്‌

ഒരു ശക്തനായ ദൂതൻ ദൈവ​ത്തോ​ടു മത്സരി​ക്കു​ക​യും ആദ്യ മനുഷ്യ ദമ്പതി​കളെ തന്നോ​ടൊ​പ്പം ചേരാൻ പ്രേരി​പ്പി​ക്കു​ക​യും ചെയ്‌ത​പ്പോ​ഴാ​യി​രു​ന്നു ദുഷിക്കൽ ആരംഭി​ച്ച​തെന്നു ബൈബിൾ നമ്മോടു പറയുന്നു. (ഉല്‌പത്തി 3:1-6) അവരുടെ പാപഗ​തി​യിൽനിന്ന്‌ ഒരു നൻമയും ഉരുത്തി​രി​ഞ്ഞില്ല. നേരേ​മ​റിച്ച്‌, ആദാമും ഹവ്വായും യഹോ​വ​യാം ദൈവ​ത്തി​നെ​തി​രെ പാപം​ചെയ്‌ത നാൾമു​തൽ അവർ ക്ഷയിക്ക​ലി​ന്റെ അസുഖ​ക​ര​മായ അനന്തര​ഫ​ലങ്ങൾ അനുഭ​വി​ക്കാൻ തുടങ്ങി. അവരുടെ ശരീര​ങ്ങ​ളിൽ മന്ദഗതി​യി​ലുള്ള ക്ഷയിക്കൽ പ്രക്രിയ തുടങ്ങി. അത്‌ അവസാനം ഒഴിവാ​ക്കാ​നാ​വാത്ത മരണത്തി​ലും കലാശി​ച്ചു. (ഉല്‌പത്തി 3:16-19) അന്നുമു​തൽ കൈക്കൂ​ലി​യു​ടെ​യും ചതിയു​ടെ​യും തട്ടിപ്പി​ന്റെ​യും ദൃഷ്ടാ​ന്ത​ങ്ങൾകൊ​ണ്ടു ചരിത്രം നിറഞ്ഞി​രി​ക്കു​ക​യാണ്‌. എന്നിട്ടും അഴിമ​തി​ക്കാ​രായ മിക്കവ​രും ശിക്ഷി​ക്ക​പ്പെ​ടു​ന്ന​താ​യി കാണു​ന്നില്ല.

സാധാരണ കുററ​വാ​ളി​ക​ളിൽനി​ന്നു വിപരീ​ത​മാ​യി, അഴിമ​തി​ക്കാ​രായ ഉന്നത ഉദ്യോ​ഗ​സ്ഥൻമാ​രും രാഷ്ട്രീ​യ​ക്കാ​രും അപൂർവ​മാ​യേ ജയിലി​ലാ​കു​ന്നു​ള്ളു, അല്ലെങ്കിൽ അന്യാ​യ​മാ​യി നേടി​യ​തെ​ല്ലാം തിരി​ച്ചു​കൊ​ടു​ക്കാ​റു​ള്ളു. കൈക്കൂ​ലി​യു​ടെ​യും കോഴ​യു​ടെ​യും സമ്മാന​ങ്ങ​ളു​ടെ​യും രഹസ്യ​സ്വ​ഭാ​വം നിമിത്തം ഉന്നതതല അഴിമ​തി​കൾ വെളി​ച്ച​ത്തു​കൊ​ണ്ടു​വ​രിക പലപ്പോ​ഴും ദുഷ്‌ക​ര​മാണ്‌. എന്നാൽ ഒരു അഴിമ​തി​ര​ഹിത ലോകം എന്നത്‌ ഒരു നടക്കാ​നാ​വാത്ത സ്വപ്‌ന​മാ​ണെന്ന്‌ ഇതിന്‌ അർഥമില്ല.

അഴിമ​തി​യിൽനി​ന്നുള്ള രക്ഷ വരുന്നതു മനുഷ്യ​ന്റെ സ്രഷ്ടാ​വായ യഹോ​വ​യാം ദൈവ​ത്തിൽനി​ന്നാണ്‌. ഒരേ ഒരു പരിഹാ​രം ദൈവിക ഇടപെ​ട​ലാണ്‌. എന്തു​കൊണ്ട്‌? മനുഷ്യ​വർഗ​ത്തി​ന്റെ അദൃശ്യ ശത്രു​വായ പിശാ​ചായ സാത്താൻ മനുഷ്യ​വർഗത്തെ വഴി​തെ​റ​റി​ക്കു​ന്ന​തിൽ തുടരു​ക​യാണ്‌ എന്നതു​തന്നെ കാരണം. 1 യോഹ​ന്നാൻ 5:19-ൽ നാം വായി​ക്കു​ന്ന​തു​പോ​ലെ, “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” അഴിമ​തി​യു​ടെ വർധനവിന്‌, കൂടാതെ പലപ്പോ​ഴും അതിനു​ത്ത​ര​വാ​ദി​കൾ ശിക്ഷി​ക്ക​പ്പെ​ടാ​തെ​പോ​കു​ന്ന​തിന്‌ മറ്റെന്താ​ണു കാരണം?

മനുഷ്യ​പ്ര​യ​ത്‌നം എത്രയു​ണ്ടാ​യി​രു​ന്നാ​ലും സാത്താ​നെ​യും അവന്റെ ഭൂതങ്ങ​ളെ​യും കീഴട​ക്കാ​നാ​വില്ല. “ദൈവ​മ​ക്ക​ളു​ടെ മഹത്ത്വ​മേ​റിയ സ്വാത​ന്ത്ര്യം” ഉറപ്പു​നൽകാൻ ദിവ്യ ഇടപെ​ട​ലി​നു​മാ​ത്രമേ സാധി​ക്കു​ക​യു​ള്ളു. (റോമർ 8:21, ഓശാന) മേലാൽ മനുഷ്യ​വർഗത്തെ വഴി​തെ​റ​റി​ക്കാ​തി​രി​ക്കേ​ണ്ട​തിന്‌ സാത്താൻ ഉടൻ ബന്ധനസ്ഥ​നാ​കു​മെന്നു യഹോവ വാഗ്‌ദാ​നം ചെയ്യുന്നു. (വെളി​പ്പാ​ടു 20:3) അതിനി​ട​യിൽ, ദൈവ​ത്തി​ന്റെ അഴിമ​തി​ര​ഹിത പുതി​യ​ലോ​ക​ത്തിൽ ജീവി​ക്കാൻ ആഗ്രഹി​ക്കു​ന്നെ​ങ്കിൽ, ഈ ലോക​ത്തി​ന്റെ ദുഷിച്ച മാർഗ​ങ്ങളെ നാം നിരാ​ക​രി​ക്കണം.

ജനങ്ങൾക്കു മാററം​വ​രു​ത്താ​നാ​വും

യേശു​ക്രി​സ്‌തു​വി​ന്റെ നാളു​ക​ളിൽ, തങ്ങളുടെ അധികാ​രം ദുർവി​നി​യോ​ഗം ചെയ്യു​ക​യും സഹമനു​ഷ്യ​രെ ഞെരു​ക്കു​ക​യും ചെയ്‌തവർ ഉണ്ടായി​രു​ന്നു. ഉദാഹ​ര​ണ​ത്തിന്‌, അഴിമ​തി​ന​ട​പ​ടി​കൾക്കു കുപ്ര​സി​ദ്ധ​രാ​യി​രു​ന്നു നികു​തി​പി​രി​വു​കാർ. എന്നാൽ അതി​നെ​തി​രെ, ഇങ്ങനെ​യൊ​രു ദൈവ​നി​യമം വ്യക്തമാ​യു​ണ്ടാ​യി​രു​ന്നു: “സമ്മാനം കാഴ്‌ച​യു​ള്ള​വരെ കുരു​ടാ​ക്കു​ക​യും നീതി​മാൻമാ​രു​ടെ വാക്കു​കളെ മറിച്ചു​ക​ള​ക​യും ചെയ്യു​ന്ന​തു​കൊ​ണ്ടു നീ സമ്മാനം വാങ്ങരുത്‌.” (പുറപ്പാ​ടു 23:8) ഒരു പ്രമുഖ നികു​തി​പി​രി​വു​കാ​ര​നാ​യി​രുന്ന സക്കായി വ്യാജാ​രോ​പ​ണ​ങ്ങ​ളി​ലൂ​ടെ പിടി​ച്ചു​പറി നടത്തി​യി​രു​ന്ന​താ​യി സമ്മതി​ക്കു​ക​യു​ണ്ടാ​യി. വിപു​ല​മായ തോതി​ലുള്ള സാമൂ​ഹിക പരിഷ്‌ക​ര​ണ​ത്തി​നു​വേണ്ടി പ്രോ​ത്സാ​ഹി​പ്പി​ക്കാ​തെ യേശു വ്യക്തി​ക​ളോട്‌ അനുത​പി​ക്കാ​നും തങ്ങളുടെ ദുഷിച്ച മാർഗങ്ങൾ ഉപേക്ഷി​ക്കാ​നും അഭ്യർഥി​ച്ചു. തത്‌ഫ​ല​മാ​യി, അഴിമ​തി​ക്കാ​രായ നികു​തി​പി​രി​വു​കാ​രെന്ന്‌ അറിയ​പ്പെ​ട്ടി​രുന്ന മത്തായി​യും സക്കായി​യും തങ്ങളുടെ മുൻ ജീവി​ത​രീ​തി ഉപേക്ഷി​ച്ചു.—മത്തായി 4:17; 9:9-13; ലൂക്കൊസ്‌ 19:1-10.

ഇന്നു സത്യസ​ന്ധ​മ​ല്ലാത്ത നടപടി​ക​ളിൽ ഏർപ്പെ​ട്ടി​രി​ക്കു​ന്ന​വർക്ക്‌ “നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ ധരിച്ചു”കൊണ്ട്‌ അതു​പോ​ലെ ദുഷിച്ച നടപടി​കളെ തള്ളിക്ക​ള​യാ​നാ​വും. (എഫെസ്യർ 4:24) സത്യസ​ന്ധ​ത​യോ​ടെ നികു​തി​കൊ​ടു​ക്കു​ന്ന​തോ സംശയാ​സ്‌പ​ദ​മായ പദ്ധതി​ക​ളി​ലേർപ്പെ​ടു​ന്നതു നിർത്തു​ന്ന​തോ എളുപ്പ​മാ​ക​ണ​മെ​ന്നില്ല. എന്നാൽ ഏതൊരു ശ്രമത്തി​നും തക്കവി​ല​യു​ള്ള​താ​ണു പ്രയോ​ജ​നങ്ങൾ.

മേലാൽ ഈ ദുഷിച്ച ലോക​ത്താൽ സ്വാധീ​നി​ക്ക​പ്പെ​ടാത്ത, മററു​ള്ള​വ​രു​ടെ ക്ഷേമത്തിൽ തത്‌പ​ര​രായ, വ്യക്തികൾ ആന്തരിക സമാധാ​നം ആസ്വദി​ക്കു​ന്നുണ്ട്‌. കുററ​കൃ​ത്യ​ങ്ങ​ളു​ടെ​പേ​രിൽ പിടി​ക്ക​പ്പെ​ടു​മെന്ന ഭയമില്ല. മറിച്ച്‌, അവർക്കു നല്ലൊരു മനസ്സാ​ക്ഷി​യുണ്ട്‌. അവർ ദാനി​യേൽ പ്രവാ​ച​കന്റെ ബൈബിൾ ദൃഷ്ടാന്തം അനുക​രി​ക്കു​ന്നു. ഉയർന്ന ഉദ്യോ​ഗ​സ്ഥൻമാർ ദാനി​യേ​ലി​നെ​തി​രാ​യി എന്തെങ്കി​ലു​മൊ​രു കുററം കണ്ടുപി​ടി​ക്കാൻ നിരന്തരം ശ്രമി​ക്കു​ക​യാ​യി​രു​ന്നു​വെന്നു ബൈബിൾ രേഖ പറയുന്നു. “എന്നാൽ യാതൊ​രു കാരണ​വും കുററ​വും കണ്ടെത്തു​വാൻ അവർക്കു കഴിഞ്ഞില്ല; അവൻ വിശ്വ​സ്‌ത​നാ​യി​രു​ന്ന​തു​കൊ​ണ്ടു ഒരു തെററും കുററ​വും അവനിൽ കണ്ടെത്തി​യില്ല.”—ദാനീ​യേൽ 6:4.

യഹോ​വ​യു​ടെ വാഗ്‌ദാ​നം

“പാപി നൂറു പ്രാവ​ശ്യം ദോഷം ചെയ്‌ക​യും ദീർഘാ​യു​സ്സോ​ടെ ഇരിക്ക​യും ചെയ്യു​ന്നു​ണ്ടെ​ങ്കി​ലും ദൈവത്തെ ഭയപ്പെ​ടുന്ന ഭക്തൻമാർക്കു നൻമ വരു​മെന്നു ഞാൻ നിശ്ചയ​മാ​യി അറിയു​ന്നു. എന്നാൽ ദുഷ്ടന്നു നൻമ വരിക​യില്ല; അവൻ ദൈവത്തെ ഭയപ്പെ​ടാ​യ്‌ക​യാൽ നിഴൽപോ​ലെ അവന്റെ ആയുസ്സു ദീർഘ​മാ​ക​യില്ല,” യഹോവ വാഗ്‌ദാ​നം ചെയ്യുന്നു.—സഭാ​പ്ര​സം​ഗി 8:12, 13.

അഴിമതി മേലാൽ അസന്തു​ഷ്ടി​ക്കി​ട​വ​രു​ത്തു​ക​യില്ല, എന്തൊ​രാ​ശ്വാ​സം! ഒരു അഴിമ​തി​ര​ഹിത ലോകത്ത്‌ എന്നേക്കും ജീവി​ക്കാ​നാ​വു​ന്നത്‌ എന്തൊ​ര​നു​ഗ്ര​ഹ​മാണ്‌! ഇത്‌ അസാധ്യ​മായ ഒന്നല്ല. “ഭോഷ്‌കി​ല്ലാത്ത [“വ്യാജം പറയാൻ അസാധ്യ​മായ,” NW] ദൈവം സകല കാലത്തി​ന്നും മുമ്പെ വാഗ്‌ദത്തം ചെയ്‌ത നിത്യ​ജീ​വന്റെ പ്രത്യാശ”യെക്കു​റി​ച്ചു ബൈബിൾ സംസാ​രി​ക്കു​ന്നു. (തീത്തൊസ്‌ 1:2) നിങ്ങൾ അഴിമ​തി​യെ വെറു​ക്കു​ക​യും നീതിയെ ഇഷ്ടപ്പെ​ടു​ക​യും ചെയ്യു​ന്നെ​ങ്കിൽ, ഒരു അഴിമ​തി​ര​ഹിത ലോക​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​ന​നി​വൃ​ത്തി കാണാൻ നിങ്ങൾക്കു സാധി​ച്ചേ​ക്കും.

[4-ാം പേജിലെ ചിത്രം]

ഗവൺമെന്റ്‌, ബിസ്സി​നസ്‌ വൃത്തങ്ങ​ളിൽ അഴിമതി സർവസാ​ധാ​ര​ണ​മാണ്‌

[5-ാം പേജിലെ ചിത്രം]

ഗവൺമെന്റ്‌ ഉദ്യോ​ഗ​സ്ഥൻമാ​രു​മാ​യുള്ള ഇടപെ​ട​ലു​ക​ളിൽ മിക്ക​പ്പോ​ഴും അഴിമതി സ്ഥാനം​പി​ടി​ക്കു​ന്നു