ഉണരുക! ഒരു ജീവൻ രക്ഷിക്കാൻ സഹായി​ച്ചു

ഇക്വ​ഡോ​റിൽ യഹോ​വ​യു​ടെ സാക്ഷി​ക​ളിൽപ്പെട്ട ഒരു സ്‌ത്രീ, മെക്കാ​നിക്ക്‌ തന്റെ കാർ നന്നാക്കി​ത്തീ​രാൻ കാത്തു​നിൽക്കു​ക​യാ​യി​രു​ന്നു. അതിനി​ട​യിൽ മെക്കാ​നി​ക്കി​ന്റെ ഭാര്യ, ബൈറൻ എന്നു​പേ​രുള്ള കൊച്ചു​മ​ക​നെ​യോർത്തു വേവലാ​തി​പ്പെ​ടു​ന്ന​താ​യി സാക്ഷി​യോ​ടു പറഞ്ഞു. ആഴ്‌ച​യിൽ അഞ്ചോ ആറോ തവണ അവനു കോച്ചി​പ്പി​ടു​ത്ത​മു​ണ്ടാ​കു​മാ​യി​രു​ന്നു. പ്രശ്‌നം എന്താ​ണെന്നു കണ്ടെത്താൻ ഡോക്ടർമാർക്കു കഴിഞ്ഞി​രു​ന്നില്ല. തലസ്ഥാ​ന​ന​ഗ​ര​മായ ക്വി​റ്റോ​യി​ലെ വിദഗ്‌ധ​രു​ടെ​യ​ടു​ക്കൽപ്പോ​ലും ബൈറനെ കൊണ്ടു​പോ​യി​രു​ന്നു.

“ആ മാതാ​വു​മാ​യി സംസാ​രി​ച്ചു​കൊ​ണ്ടി​രി​ക്കെ, ഒരു പണിക്കാ​രൻ കാർ പെയിൻറ്‌ ചെയ്യു​ന്നതു ഞാൻ ശ്രദ്ധിച്ചു. ഈയ വിഷബാ​ധ​യെ​ക്കു​റിച്ച്‌ ഉണരുക!യിൽ ഒരു ലേഖനം വന്നതു ഞാൻ ഓർമി​ച്ചു. ഈയ വിഷബാ​ധ​യു​ടെ ഒരു ലക്ഷണം കോച്ചി​പ്പി​ടു​ത്ത​മാ​ണെന്നു ലേഖന​ത്തിൽ പ്രതി​പാ​ദി​ച്ചി​രു​ന്നു. ആ ലേഖനം അവർക്കു കൊടു​ക്കാ​മെന്നു ഞാൻ സ്‌ത്രീ​യോ​ടു പറഞ്ഞു,” സാക്ഷി വിവരി​ച്ചു.

ബൈറന്റെ മാതാ​പി​താ​ക്കൾ ലേഖനം വായി​ച്ച​പ്പോൾ, ഈയ വിഷബാ​ധ​യു​ണ്ടോ​യെ​ന്ന​റി​യാൻ തങ്ങളുടെ മകനെ അവർ പരി​ശോ​ധ​ന​യ്‌ക്കു വിധേ​യ​മാ​ക്കി. ബൈറന്റെ രക്തത്തിൽ ഉയർന്ന നിരക്കിൽ ഈയം കണ്ടെത്തി. വൈദ്യ​ചി​കി​ത്സ​യു​ടെ​യും തുടർന്ന്‌ ഈയത്തി​നു വിധേ​യ​മാ​കു​ന്നതു തടഞ്ഞതി​ന്റെ​യും ഫലമായി ബൈറന്റെ ആരോ​ഗ്യ​ത്തിൽ സാരമായ പുരോ​ഗ​തി​യു​ണ്ടാ​യി. “കഴിഞ്ഞ നാലു മാസമാ​യി ഒരിക്കൽപോ​ലും അവനു കോച്ചി​പ്പി​ടു​ത്ത​മു​ണ്ടാ​യി​ട്ടില്ല,” സാക്ഷി പറഞ്ഞു. “അന്നുതു​ടങ്ങി പിതാവ്‌ ഒട്ടേറെ ഡോക്ടർമാ​രോട്‌ ഈ കേസി​നെ​ക്കു​റി​ച്ചു പറഞ്ഞി​ട്ടുണ്ട്‌. തന്റെ മകന്റെ ജീവൻ രക്ഷിച്ച​തി​നുള്ള മഹത്ത്വം എപ്പോ​ഴും അദ്ദേഹം ഉണരുക!യ്‌ക്കു നൽകുന്നു. ഇപ്പോൾ ആ ഡോക്ടർമാ​രിൽ ചിലർപോ​ലും ഉണരുക! വായി​ക്കു​ന്നു.”

ഉണരുക! വായി​ക്കു​ന്ന​തിൽനി​ന്നു നിങ്ങളും പ്രയോ​ജ​ന​മ​നു​ഭ​വി​ക്കു​മെന്നു ഞങ്ങൾക്കു​റ​പ്പുണ്ട്‌. ഒരു പ്രതി ലഭിക്കാ​നോ അല്ലെങ്കിൽ ആരെങ്കി​ലും നിങ്ങളു​ടെ ഭവനത്തിൽ വന്നു നിങ്ങളു​മാ​യി ബൈബിൾ ചർച്ച ചെയ്യാ​നോ ആഗ്രഹി​ക്കു​ന്നു​വെ​ങ്കിൽ ദയവായി, Praharidurg Prakashan Society, Plot A/35 Nr Industrial Estate, Nangargaon, Lonavla 410 401, Mah., India,-യിലേക്കോ 5-ാം പേജിൽ നൽകി​യി​രി​ക്കുന്ന ഉചിത​മായ മേൽവി​ലാ​സ​ത്തി​ലോ എഴുതുക.