“അദ്ദേഹം അതു പത്രത്തിൽ കൊടു​ത്തു”

കാനഡ​യിൽനിന്ന്‌, വിലമ​തി​പ്പുള്ള ഒരു പെൺകു​ട്ടി വാച്ച്‌ ടവർ സൊ​സൈ​റ്റിക്ക്‌ നന്ദി പ്രകാ​ശി​പ്പി​ച്ചു​കൊണ്ട്‌ അയച്ച ഒരു കത്തിൽ എഴുതി​യി​രു​ന്ന​താ​ണത്‌. അവൾ സ്‌കൂ​ളിൽ നടന്ന ഒരു പ്രസം​ഗ​മ​ത്സ​ര​ത്തിൽ പങ്കെടു​ത്തി​രു​ന്നു. വിധി​കർത്താ​ക്ക​ളു​ടെ സമിതി​യി​ലെ ഒരാൾ അവളുടെ അവതര​ണ​ത്തിൽ അത്യധി​കം ആകൃഷ്ട​നാ​യി. തന്മൂലം, അത്‌ പ്രാ​ദേ​ശിക വർത്തമാ​ന​പ​ത്ര​ത്തിൽ അച്ചടി​ക്കാൻ അനുവാ​ദം ചോദി​ച്ചു.

പെൺകു​ട്ടി എങ്ങനെ​യാണ്‌ തന്റെ വിഷയം തിര​ഞ്ഞെ​ടു​ത്തത്‌? “എന്റെ ക്ലാസ്സിന്‌, പ്രത്യേ​കിച്ച്‌ പെൺകു​ട്ടി​കൾക്ക്‌ കുശു​കു​ശുപ്പ്‌ സംബന്ധിച്ച ഒരു പ്രശ്‌ന​മു​ണ്ടാ​യി​രു​ന്നു,” അവൾ വിശദീ​ക​രി​ച്ചു. അതു​കൊണ്ട്‌ അവൾ തന്റെ അവതരണം ഉണരുക!യിൽ വായിച്ച വിവര​ങ്ങ​ളിൽ അടിസ്ഥാ​ന​പ്പെ​ടു​ത്തി. ഒൺടേ​റി​യോ​യി​ലെ നയാഗ്രാ ഫാൾസി​ന്റെ ദ റിവ്യൂ എന്ന പ്രാ​ദേ​ശിക വർത്തമാ​ന​പ​ത്ര​ത്തിൽ, “കുശു​കു​ശുപ്പ്‌ ഹാനി​ക​ര​മാ​യി​രി​ക്കാം; നിങ്ങൾക്ക്‌ എങ്ങനെ അനുഭ​വ​പ്പെ​ടു​ന്നു?” എന്ന തലക്കെ​ട്ടിൻ കീഴിൽ അവളുടെ പ്രസം​ഗ​ത്തി​ന്റെ ഭാഗങ്ങൾ പ്രസി​ദ്ധീ​ക​രി​ച്ചു.

സമിതി​യി​ലെ ആ വിധി​കർത്താ​വി​നെ അത്ര​യേറെ ആകർഷിച്ച സംഗതി​യെ​ന്താ​യി​രു​ന്നു? പെൺകു​ട്ടി​യു​ടെ പ്രസം​ഗ​ത്തിൽനി​ന്നുള്ള ചില പ്രസക്ത​ഭാ​ഗങ്ങൾ ശ്രദ്ധി​ക്കുക: “ഇന്ന്‌ സമൂഹ​ത്തിൽ കുശു​കു​ശുപ്പ്‌ സർവസാ​ധാ​ര​ണ​മാണ്‌. അതിനു വളരെ​യേറെ തലവേ​ദ​ന​ക​ളും നിദ്രാ​വി​ഹീന രാത്രി​ക​ളും, എല്ലാറ്റി​നു​മു​പരി വ്രണി​ത​വി​കാ​ര​ങ്ങ​ളും ഉളവാ​ക്കാൻ കഴിയും. . . .

“സംസാരം മനുഷ്യ​സ​ഹ​ജ​മാ​യ​തി​നാൽ കുശു​കു​ശുപ്പ്‌ നിർത്തുക അസാധ്യ​മാണ്‌. നമുക്കു ചെയ്യാൻ കഴിയുന്ന ഒരു കാര്യം അതു നിയ​ന്ത്ര​ണാ​ധീ​ന​മാ​ക്കുക എന്നതാണ്‌. ഇതെങ്ങനെ ചെയ്യാൻ കഴിയും എന്നതി​നുള്ള ചില മാർഗ​നിർദേ​ശങ്ങൾ ഇവയാണ്‌: 1. എരിതീ​യിൽ എണ്ണയൊ​ഴി​ക്കാ​തി​രി​ക്കുക. 2. കുശു​കു​ശു​പ്പു ശ്രദ്ധി​ക്കാ​തി​രി​ക്കുക. . . . കുശു​കു​ശു​പ്പു ശ്രദ്ധി​ക്കു​ന്നത്‌ നിങ്ങൾ അതി​നോ​ടു യോജി​ക്കു​ന്നു എന്നു കാണി​ക്കും. 3. ദ്രോ​ഹ​ക​ര​മായ കുശു​കു​ശു​പ്പി​നു നിങ്ങളെ ഒരു നുണയ​നാ​ക്കി​ത്തീർക്കാൻ കഴിയും. 4. എല്ലാറ്റി​നെ​ക്കാ​ളും പ്രധാനം, സംസാ​രി​ക്കു​ന്ന​തി​നു മുമ്പ്‌ ചിന്തി​ക്കുക! നിങ്ങ​ളോ​ടു​തന്നെ ചോദി​ക്കുക: ‘എന്നെക്കു​റി​ച്ചാണ്‌ അങ്ങനെ പറയു​ന്ന​തെ​ങ്കിൽ എനി​ക്കെ​ങ്ങനെ അനുഭ​വ​പ്പെ​ടും?’”

“ഈ നാലു പടികൾ പ്രാവർത്തി​ക​മാ​ക്കുക, സാധ്യ​ത​യ​നു​സ​രിച്ച്‌ നിങ്ങൾ ഒരു മെച്ചപ്പെട്ട വ്യക്തി​യാ​യി​ത്തീ​രും,” പെൺകു​ട്ടി ഉപസം​ഹ​രി​ച്ചു.

സ്‌കൂ​ളിൽ പഠിക്കുന്ന യുവജ​ന​ങ്ങൾക്കു മാത്രമല്ല എല്ലാ ആളുകൾക്കും എത്ര പ്രാ​യോ​ഗി​ക​മായ ബുദ്ധ്യു​പ​ദേശം! വളരെ വൈവി​ധ്യ​മാർന്ന വിഷയ​ങ്ങ​ളിൽ സമയോ​ചി​ത​വും നൂതന​വു​മായ വിവരങ്ങൾ പ്രദാനം ചെയ്യാൻ ഉണരുക! ശ്രമി​ക്കു​ന്നു. ഈ പത്രിക ക്രമമാ​യി ലഭിക്കാൻ നിങ്ങളാ​ഗ്ര​ഹി​ക്കു​ന്നു​വെ​ങ്കിൽ, അടുത്ത തവണ യഹോ​വ​യു​ടെ സാക്ഷി​ക​ളി​ലൊ​രാൾ നിങ്ങളെ സന്ദർശി​ക്കു​മ്പോൾ ചോദി​ക്കുക. അല്ലെങ്കിൽ 5-ാം പേജിൽ പട്ടിക​പ്പെ​ടു​ത്തി​യി​രി​ക്കുന്ന ഉചിത​മായ മേൽവി​ലാ​സ​ത്തിൽ എഴുതുക.