‘ഈ പ്രക്ഷുബ്ധ ലോക​ത്തിൽ നവോ​ന്മേ​ഷ​പ്രദം’

യൂഗോ​സ്ലാ​വി​യ​യിൽ നിന്നുള്ള 22 വയസ്സു​കാ​ര​നായ ഈഗൊർ കഴിഞ്ഞ വർഷം അയച്ച ഒരു കത്തിൽ വീക്ഷാ​ഗോ​പു​രം മാസി​കയെ വർണി​ച്ചത്‌ അപ്രകാ​ര​മാണ്‌. അവൻ ഇങ്ങനെ വിശദീ​ക​രി​ച്ചു:

“ഏതാനും മാസങ്ങൾക്കു മുമ്പാണു ഞാൻ വീക്ഷാ​ഗോ​പു​രം മാസിക വായി​ക്കാൻ തുടങ്ങി​യത്‌. ഇപ്പോൾ ഞാൻ വീക്ഷാ​ഗോ​പു​ര​ത്തി​ന്റെ പുതി​യ​തും പഴയതു​മായ ലക്കങ്ങൾ (1991 മുതലു​ള്ളത്‌) വായി​ച്ചു​വ​രു​ന്നു. അവ എനിക്കു വളരെ ഇഷ്ടമാണ്‌. ഇത്തര​മൊ​രു മാസിക ഈ പ്രക്ഷുബ്ധ ലോക​ത്തിൽ തീർച്ച​യാ​യും നവോ​ന്മേ​ഷ​പ്രദം ആണെന്നു ഞാൻ കരുതു​ന്നു.

“മിഷന​റി​മാ​രെ കുറിച്ചു നിങ്ങൾ എഴുതിയ ലേഖനം വളരെ രസകര​മാ​യി തോന്നി. അതു​കൊ​ണ്ടാ​ണു നിങ്ങൾക്ക്‌ എഴുതാ​മെന്നു വെച്ചതും. ഒന്നാമ​താ​യി, എനിക്ക്‌ യഹോ​വ​യു​ടെ സാക്ഷി​യാ​കാൻ സാധി​ക്കു​മോ എന്നറി​യാൻ ഞാൻ ആഗ്രഹി​ക്കു​ന്നു. ഞാനൊ​രു കത്തോ​ലി​ക്ക​നാണ്‌. എന്നാൽ നിങ്ങളു​ടെ മതം മറ്റേ​തൊ​രു മതത്തെ​ക്കാ​ളും നല്ലതാ​ണെന്നു ഞാൻ വിചാ​രി​ക്കു​ന്നു. മറ്റൊരു മതവും ദൈവ​വ​ചനം പ്രചരി​പ്പി​ക്കാൻ ഇത്രമാ​ത്രം ശ്രമം ചെലു​ത്തു​ന്നില്ല എന്നതാണ്‌ അതിനുള്ള പ്രധാന കാരണം.

“ഞാൻ കത്തോ​ലി​ക്ക​നാണ്‌ എന്നത്‌ ഒരു തടസ്സമ​ല്ലെ​ങ്കിൽ, എനിക്ക്‌ എങ്ങനെ ഒരു യഹോ​വ​യു​ടെ സാക്ഷി​യാ​കാൻ സാധി​ക്കു​മെന്ന്‌ അറിഞ്ഞാൽ കൊള്ളാം. എനി​ക്കൊ​രു ആഗ്രഹ​മുണ്ട്‌. സാധി​ക്കു​മെ​ങ്കിൽ ബെൽ​ഗ്രേ​ഡിൽവെച്ച്‌ സ്‌നാ​പ​ന​മേൽക്കണം. അങ്ങനെ​യെ​ങ്കിൽ ഞാൻ എന്നു വരണ​മെന്നു ദയവായി അറിയി​ക്കുക. ഒപ്പംതന്നെ സ്‌നാ​പ​ന​ത്തിന്‌ എന്തെങ്കി​ലും പൂർവ യോഗ്യത ഉണ്ടായി​രി​ക്കേ​ണ്ട​തു​ണ്ടോ എന്നും അറിയി​ക്കുക. എന്റെ ആഗ്രഹ​പ്ര​കാ​രം അവി​ടെ​വെച്ച്‌ സ്‌നാ​പ​ന​മേൽക്കാൻ സാധി​ക്കു​ക​യി​ല്ലെ​ങ്കിൽ വേറെ എവി​ടെ​വെച്ച്‌ സ്‌നാ​പ​ന​മേൽക്കാ​മെ​ന്നും അതിനാ​യി ആരെ സമീപി​ക്ക​ണ​മെ​ന്നും ദയവായി അറിയി​ക്കുക.

“അടുത്ത​താ​യി, ഒരാൾക്ക്‌ എങ്ങനെ മിഷന​റി​യാ​കാൻ സാധി​ക്കും എന്നറി​യാ​നും എനിക്ക്‌ ആഗ്രഹ​മുണ്ട്‌. എന്റെ സ്‌നാ​പനം കഴിഞ്ഞാൽ ഉടനെ മിഷനറി സേവന​ത്തി​നുള്ള പരിശീ​ലനം തുടങ്ങാ​മോ എന്നും എനിക്ക​റി​യണം. സാക്ഷി​യെന്ന നിലയിൽ നിശ്ചിത വർഷത്തെ സേവനം അതിന്‌ ആവശ്യ​മാ​ണോ? . . .

“ദയവായി എന്റെ കത്ത്‌ സഗൗരവം പരിചി​ന്തി​ക്കുക. ദൈവ​രാ​ജ്യ​ത്തി​ന്റെ സുവാർത്ത പ്രചരി​പ്പി​ക്കു​ന്ന​തി​നുള്ള ഉത്തമമായ വിധം ഒരു മിഷനറി ആയിരി​ക്കു​ന്ന​താണ്‌ എന്നു ഞാൻ വിചാ​രി​ക്കു​ന്നു.”

വീക്ഷാ​ഗോ​പു​ര​ത്തി​ന്റെ ഓരോ ലക്കത്തി​ന്റെ​യും 2-ാം പേജിൽ ആ മാസി​ക​യു​ടെ ഉദ്ദേശ്യം വിശദീ​ക​രി​ക്കു​ന്നുണ്ട്‌: “ദൈവ​രാ​ജ്യം തങ്ങളുടെ സഹമനു​ഷ്യ​രെ ഞെരു​ക്കു​ന്ന​വരെ താമസി​യാ​തെ നശിപ്പി​ക്കു​മെ​ന്നും ഭൂമിയെ പറുദീ​സ​യാ​യി രൂപാ​ന്ത​ര​പ്പെ​ടു​ത്തു​മെ​ന്നു​മുള്ള സുവാർത്ത​കൊ​ണ്ടു സകല ജനങ്ങ​ളെ​യും ആശ്വസി​പ്പി​ക്കു​ന്നു.” അതിന്റെ ഒരു പ്രതി സ്വീക​രി​ക്കാ​നോ യഹോ​വ​യു​ടെ സാക്ഷി​ക​ളിൽ ഒരാൾ നിങ്ങളു​ടെ വീട്ടിൽ വന്ന്‌ സൗജന്യ ബൈബി​ള​ധ്യ​യനം നടത്താ​നോ ആഗ്രഹി​ക്കു​ന്നെ​ങ്കിൽ ദയവായി Praharidurg Prakashan Society, Plot A/35, Nr. Industrial Estate, Nangargaon, Lonavla 410 401, Mah., India,-യിലേക്കോ 5-ാം പേജിൽ കൊടു​ത്തി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തി​ലോ എഴുതുക.