യേശു ഇപ്പോൾ ചെയ്യു​ന്നത്‌

യേശു കാഴ്‌ച​യ്‌ക്ക്‌ എങ്ങനെ ആയിരു​ന്നു എന്നതു കൗതുകം ഉണർത്തുന്ന ഒരു വിഷയ​മാണ്‌. എന്നാൽ അവൻ ഇപ്പോൾ എന്തു ചെയ്യു​ക​യാണ്‌ എന്നും അവൻ എവി​ടെ​യാണ്‌ എന്നും കൃത്യ​മാ​യി അറിയു​ന്ന​താണ്‌ അതിലും മർമ​പ്ര​ധാ​നം. മാനവ​കു​ടും​ബത്തെ സംബന്ധിച്ച ദൈ​വോ​ദ്ദേ​ശ്യ​ത്തിൽ അവൻ വഹിക്കുന്ന പങ്ക്‌ എന്താണ്‌?

ഉത്തരം നൽകാൻ ലൗകിക ചരി​ത്ര​ത്തി​നു സാധി​ക്കില്ല. സത്യാ​ന്വേ​ഷി​ക​ളു​ടെ പ്രയോ​ജ​ന​ത്തി​നാ​യി ദൈവം തയ്യാറാ​ക്കിയ ഗ്രന്ഥത്തിൽ മാത്രമേ അതു കണ്ടെത്താൻ കഴിയൂ. അതാണു ലോക ചരി​ത്ര​ത്തിൽ ഏറ്റവും വ്യാപ​ക​മാ​യി വിതരണം ചെയ്യ​പ്പെ​ട്ടി​രി​ക്കുന്ന പുസ്‌ത​ക​മായ വിശുദ്ധ ബൈബിൾ അഥവാ വിശുദ്ധ തിരു​വെ​ഴു​ത്തു​കൾ.

മനുഷ്യർ എഴുതിയ മറ്റൊരു ഗ്രന്ഥമല്ല ബൈബിൾ. ബൈബിൾ എഴുതാൻ ദൈവം മനുഷ്യ​രെ ഉപയോ​ഗി​ച്ചു​വെ​ങ്കി​ലും യഥാർഥ ഗ്രന്ഥകാ​രൻ അവനാ​യി​രു​ന്നു: “എല്ലാ തിരു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.”—2 തിമൊ​ഥെ​യൊസ്‌ 3:16, 17.

തിരു​വെ​ഴു​ത്തു​കൾ എന്തായി​രു​ന്നു എന്ന്‌ അപ്പൊ​സ്‌ത​ല​നായ പൗലൊസ്‌ തിരി​ച്ച​റി​ഞ്ഞി​രു​ന്നു. കാരണം അവൻ ഇപ്രകാ​രം എഴുതി: ‘ഞങ്ങൾ പ്രസം​ഗിച്ച ദൈവ​വ​ചനം നിങ്ങൾ കേട്ടു, മമനു​ഷ്യ​ന്റെ വചനമാ​യി​ട്ടല്ല സാക്ഷാൽ ആകുന്ന​തു​പോ​ലെ ദൈവ​വ​ച​ന​മാ​യി​ട്ടു തന്നേ കൈ​ക്കൊ​ണ്ടു.’—1 തെസ്സ​ലൊ​നീ​ക്യർ 2:13.

ശതകോ​ടി​ക്ക​ണ​ക്കി​നു താരാ​പം​ക്തി​ക​ളും അവയിൽ ഓരോ​ന്നി​ലു​മുള്ള ശതകോ​ടി​ക്ക​ണ​ക്കി​നു നക്ഷത്ര​ങ്ങ​ളും ഉൾപ്പെ​ടുന്ന പ്രപഞ്ച​ത്തി​ന്റെ സർവശ​ക്ത​നായ സ്രഷ്‌ടാ​വാണ്‌ ദൈവം. അവയെ എല്ലാം സൃഷ്ടി​ക്ക​ണ​മെ​ങ്കിൽ എത്ര ഭയഗം​ഭീ​ര​മായ ശക്തി അവന്‌ ഉണ്ടായി​രി​ക്കണം! അത്ഭുതാ​വ​ഹ​മായ പ്രപഞ്ചം ഉണ്ടാക്കിയ സർവശ​ക്തന്‌ സത്യാ​ന്വേ​ഷി​യായ ആർക്കും ആശ്രയ​യോ​ഗ്യ​മായ വഴികാ​ട്ടി​യാ​യി ഉതകുന്ന ഒരു പുസ്‌തകം എഴുതി​ക്കാൻ തീർച്ച​യാ​യും സാധി​ക്കും.

ബൈബിൾ പറയു​ന്നത്‌

യേശു​വി​നെ കുറി​ച്ചുള്ള എണ്ണമറ്റ സിദ്ധാ​ന്ത​ങ്ങ​ളു​ടെ​യും ഊഹാ​പോ​ഹ​ങ്ങ​ളു​ടെ​യും പൊള്ള​ത്തരം ദൈവ​വ​ചനം തുറന്നു കാട്ടുന്നു. അവനെ കുറിച്ച്‌ അതു നൽകുന്ന ചില വിശദാം​ശങ്ങൾ ശ്രദ്ധി​ക്കുക:

• ദൂതന്മാ​രെ​യും ഭൗതിക പ്രപഞ്ച​ത്തെ​യും സൃഷ്ടി​ക്കു​ന്ന​തിന്‌ എണ്ണമറ്റ യുഗങ്ങൾക്കു മുമ്പ്‌ ദൈവം സ്വർഗ​ത്തിൽ ആദ്യമാ​യി സൃഷ്ടി​ച്ചത്‌ യേശു​വി​നെ​യാണ്‌. ദൈവ​ത്തി​ന്റെ നേരി​ട്ടുള്ള ഏക സൃഷ്ടി​യും അവൻ തന്നെ. അതു​കൊ​ണ്ടാണ്‌ അവനെ ദൈവ​ത്തി​ന്റെ ‘ഏകജാ​ത​നായ പുത്രൻ’ എന്നു വിളി​ക്കു​ന്നത്‌. മറ്റു സൃഷ്ടി​ക​ളെ​ല്ലാം ഈ പുത്ര​നി​ലൂ​ടെ, ദൈവ​ത്തി​ന്റെ “അതിവി​ദഗ്‌ധ ശിൽപ്പി”യിലൂടെ, അവൻ മനുഷ്യ​പൂർവ അസ്ഥിത്വ​ത്തിൽ ആയിരി​ക്കെ ആണ്‌ സൃഷ്ടി​ക്ക​പ്പെ​ട്ടത്‌.—യോഹ​ന്നാൻ 3:16; 6:38; 8:58; സദൃശ​വാ​ക്യ​ങ്ങൾ 8:30, NW; കൊ​ലൊ​സ്സ്യർ 1:15, 16.

• ഏതാണ്ട്‌ 2,000 വർഷം മുമ്പ്‌ യേശു ഒരു മനുഷ്യ​നാ​യി ജനി​ക്കേ​ണ്ട​തി​നു ദൈവം അവന്റെ ജീവനെ ഒരു യഹൂദ കന്യക​യു​ടെ ഗർഭാ​ശ​യ​ത്തി​ലേക്കു മാറ്റി. ഇപ്പോൾ പോലും കൃത്രിമ ബീജസ​ങ്ക​ലനം വഴി മനുഷ്യർക്ക്‌ ഏതാണ്ട്‌ സമാന​മായ പ്രവൃത്തി ചെയ്യാൻ സാധി​ക്കു​ന്നു.—മത്തായി 1:18; യോഹ​ന്നാൻ 1:14.

• യേശു ഒരു നല്ല മനുഷ്യൻ മാത്ര​മാ​യി​രു​ന്നില്ല. മുതിർന്ന വ്യക്തി​യാ​യി​രി​ക്കേ അവൻ തന്റെ സ്‌നേ​ഹ​സ​മ്പ​ന്ന​നും കാരു​ണ്യ​വാ​നും നീതി​നി​ഷ്‌ഠ​നും ആയ സ്വർഗീയ പിതാ​വായ യഹോ​വ​യാം ദൈവ​ത്തി​ന്റെ വ്യക്തി​ത്വ​ത്തെ പൂർണ​മായ അളവിൽ പ്രതി​ഫ​ലി​പ്പി​ച്ചു.—യോഹ​ന്നാൻ 14:9, 10; എബ്രായർ 1:3, NW; 1 യോഹ​ന്നാൻ 4:7-11, 20, 21.

• ഭൂമി​യി​ലെ ദൈവ​ത്തി​ന്റെ പ്രതി​നി​ധി എന്ന നിലയിൽ യേശു സമ്പന്നരെ അവഗണി​ക്കാ​തെ തന്നെ ദരി​ദ്ര​രു​ടെ​യും അടിച്ച​മർത്ത​പ്പെ​ട്ട​വ​രു​ടെ​യും ആവശ്യ​ങ്ങൾക്കാ​യി കരുതി. ദൈവ​ത്തി​ന്റെ ശക്തമായ പരിശു​ദ്ധാ​ത്മാ​വി​ന്റെ സഹായ​ത്തോ​ടെ യേശു അത്ഭുത​ക​ര​മാ​യി രോഗി​കളെ സുഖ​പ്പെ​ടു​ത്തു​ക​യും മരിച്ച​വരെ ഉയിർപ്പി​ക്കു​ക​യും ചെയ്‌തു. ഇത്തരം അത്ഭുത​ക​ര​മായ പ്രവൃ​ത്തി​കൾ ചെയ്യു​ക​വഴി, താൻ മരിച്ച​വ​രിൽ നിന്ന്‌ സ്വർഗീയ ജീവനി​ലേക്ക്‌ ഉയിർപ്പി​ക്ക​പ്പെ​ടു​ക​യും ദൈവ​ത്തി​ന്റെ സ്വർഗീയ ഗവൺമെ​ന്റി​ന്റെ രാജാ​വാ​കു​ക​യും ചെയ്യു​മ്പോൾ ഭൂവ്യാ​പ​ക​മാ​യി ചെയ്യാൻ പോകുന്ന കാര്യങ്ങൾ ചെറിയ ഒരു അളവിൽ അവൻ പ്രകട​മാ​ക്കു​ക​യാ​യി​രു​ന്നു.—മത്തായി 11:4-6; ലൂക്കൊസ്‌ 7:11-17; യോഹ​ന്നാൻ 11:5-45.

• ദൈവ​ത്തി​ന്റെ ആ സ്വർഗീയ രാജ്യ​ത്തി​നു വേണ്ടി പ്രാർഥി​ക്കാ​നും അതു ജീവി​ത​ത്തിൽ ഒന്നാം സ്ഥാനത്തു വെക്കാ​നു​മാണ്‌ യേശു തന്റെ അനുഗാ​മി​കളെ പഠിപ്പി​ച്ചത്‌. പൂർണ​മായ ആധിപ​ത്യം സ്ഥാപിച്ചു കഴിയു​മ്പോൾ “അതു [ഇന്നു നിലവി​ലുള്ള] ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” അപ്പോൾ ഭൂമി​യി​ലെ ഒരേ ഒരു ഗവൺമെന്റ്‌ ആ രാജ്യ​മാ​യി​രി​ക്കും; അരിഷ്ടത അനുഭ​വി​ക്കുന്ന മനുഷ്യ​വർഗ​ത്തി​ന്റെ ഏക പ്രത്യാശ അതു മാത്ര​മാണ്‌.—ദാനീ​യേൽ 2:44; മത്തായി 6:9, 10.

• ദൈവ​മാ​യി​രു​ന്നു യേശു​വി​ന്റെ പിതാവ്‌. യേശു ദൈവ​ത്തോ​ടു വിശ്വ​സ്‌തൻ ആയിരു​ന്നു. അതു​കൊണ്ട്‌ അവൻ വധിക്ക​പ്പെ​ട്ട​പ്പോൾ ഒരു പൂർണ മനുഷ്യൻ ആയിരു​ന്നു. ദൈവ​ത്തോ​ടു മത്സരി​ച്ച​പ്പോൾ ആദാം നഷ്ടപ്പെ​ടു​ത്തി​യത്‌ വീണ്ടെ​ടു​ക്കാൻ യേശു തന്റെ പൂർണ​ത​യുള്ള ജീവൻ ഒരു മറുവില യാഗമാ​യി ദൈവ​ത്തി​നു സ്വമേ​ധയാ സമർപ്പി​ച്ചു. അങ്ങനെ ചെയ്യു​ക​വഴി തന്നിൽ വിശ്വ​സി​ക്കുന്ന ഏവർക്കും നിത്യ​ജീ​വ​നുള്ള വഴി യേശു തുറന്നു​കൊ​ടു​ത്തു.—യോഹ​ന്നാൻ 3:16, NW; റോമർ 3:23, 24; 1 യോഹ​ന്നാൻ 2:2.

• ദൈവ​ത്തി​ന്റെ നിയമിത സ്വർഗീയ രാജാ​വെന്ന നിലയിൽ യേശു, ഭൂമു​ഖത്തു നിന്നു ദുഷ്ടത നീക്കം ചെയ്യാ​നും അനുസ​ര​ണ​മുള്ള മനുഷ്യ​വർഗത്തെ ശാരീ​രി​ക​വും മാനസി​ക​വു​മാ​യി പൂർണ​ത​യി​ലേക്ക്‌ ഉയർത്താ​നും ഉള്ള ദൈ​വോ​ദ്ദേ​ശ്യം നിവർത്തി​ക്കും. അപ്പോൾ മനുഷ്യ​വർഗം പറുദീ​സാ ഭൂമി​യിൽ സമാധാ​ന​ത്തോ​ടും സന്തോ​ഷ​ത്തോ​ടും കൂടെ വസിക്കും. എല്ലാവർക്കും നല്ല പാർപ്പി​ട​ങ്ങ​ളും സുഭി​ക്ഷ​മായ ആഹാര​വും ഉണ്ടായി​രി​ക്കും. രോഗ​വും ദുഃഖ​വും മരണവും എന്നേക്കു​മാ​യി പൊയ്‌പോ​കും. എന്തിന്‌, മരിച്ചവർ പോലും പുനരു​ത്ഥാ​ന​ത്തി​ലേക്കു വരുത്ത​പ്പെ​ടു​ക​യും അവർക്ക്‌ ഭൂമി​യിൽ എന്നേക്കും ജീവി​ക്കാ​നുള്ള അവസരം ലഭിക്കു​ക​യും ചെയ്യും.—ഉല്‌പത്തി 1:26-28; 2:8; സങ്കീർത്തനം 37:10, 11, 29; സദൃശ​വാ​ക്യ​ങ്ങൾ 2:21, 22; യെശയ്യാ​വു 25:6; 65:21-23; ലൂക്കൊസ്‌ 23:43; പ്രവൃ​ത്തി​കൾ 24:15; വെളി​പ്പാ​ടു 21:3-5.

അങ്ങനെ, ഭൂമി​യിൽ നീതി വസിക്കുന്ന ഒരു പുതിയ ലോകം സ്ഥാപി​ക്കാ​നുള്ള ദൈ​വോ​ദ്ദേ​ശ്യ​ത്തിൽ യേശു പ്രമുഖ പങ്കു വഹിക്കു​ന്ന​താ​യി ബൈബിൾ വ്യക്തമാ​യി പറയുന്നു. ഇപ്രകാ​രം മർമ​പ്ര​ധാ​ന​മായ ഒരു പങ്കു വഹിക്കു​ന്ന​തു​കൊണ്ട്‌ യേശു ഉചിത​മാ​യി ഇങ്ങനെ പറഞ്ഞു: “ഞാൻ തന്നേ വഴിയും സത്യവും ജീവനും ആകുന്നു; ഞാൻ മുഖാ​ന്ത​ര​മ​ല്ലാ​തെ ആരും പിതാ​വി​ന്റെ അടുക്കൽ എത്തുന്നില്ല.”—യോഹ​ന്നാൻ 14:6; 2 പത്രൊസ്‌ 3:13.

അനുക​മ്പ​യുള്ള ഒരു ഭരണാ​ധി​കാ​രി

പുതിയ ലോക​ത്തിൽ യേശു തങ്ങളുടെ ഭരണാ​ധി​കാ​രി ആയിരി​ക്കാൻ താഴ്‌മ​യുള്ള ആളുകൾ ആഗ്രഹി​ക്കു​ന്നു. എത്ര വ്യത്യ​സ്‌ത​നായ, സന്തോഷം പകരുന്ന ഭരണാ​ധി​കാ​രി ആയിരി​ക്കും അവൻ! അവൻ അങ്ങനെ ആയിരി​ക്കു​മെന്നു പ്രകട​മാ​ക്കിയ ഒരു വിധമാണ്‌, ഭൂമി​യിൽ ആയിരു​ന്ന​പ്പോൾ അവൻ ചെയ്‌ത അത്ഭുത​ക​ര​മായ സൗഖ്യ​മാ​ക്ക​ലു​കൾ. (മത്തായി 15:30, 31) ഏതു തരം ഭരണാ​ധി​കാ​രി ആയിരി​ക്കും അവൻ എന്നതും ശ്രദ്ധി​ക്കുക.

ലോക ഭരണാ​ധി​കാ​രി​കളെ കുറി​ച്ചുള്ള രേഖ ആദ്യം തന്നെ പരി​ശോ​ധി​ക്കാം. യുഗങ്ങ​ളിൽ ഉടനീളം അവർ തങ്ങളുടെ ജനങ്ങളെ എണ്ണമറ്റ യുദ്ധങ്ങ​ളി​ലേക്കു വലിച്ചി​ഴ​ച്ചി​രി​ക്കു​ന്നു, കൊടും​ക്രൂ​ര​ത​കൾക്കും മതവി​ചാ​ര​ണ​കൾക്കും കൂട്ടക്കു​രു​തി​കൾക്കും ഇരകളാ​ക്കി​യി​രി​ക്കു​ന്നു. അങ്ങനെ അവർ മിക്ക​പ്പോ​ഴും ക്രൂര​രും നിർദ​യ​രു​മാ​യി വർത്തി​ച്ചി​രി​ക്കു​ന്നു എന്നു ചരിത്രം തെളി​യി​ക്കു​ന്നു. ഈ 20-ാം നൂറ്റാ​ണ്ടിൽ മാത്ര​മാ​യി 10 കോടി​യി​ല​ധി​കം ജനങ്ങൾ യുദ്ധങ്ങ​ളിൽ കൊല ചെയ്യ​പ്പെ​ട്ടി​രി​ക്കു​ന്നു.

ദരി​ദ്ര​രോ​ടും ചവിട്ടി​മെ​തി​ക്ക​പ്പെ​ട്ട​വ​രോ​ടും അബല​രോ​ടും യേശു കാട്ടിയ മനോ​ഭാ​വ​വും അവരോട്‌ അവൻ ഇടപെട്ട വിധ​ത്തെ​ക്കു​റി​ച്ചുള്ള വൃത്താ​ന്ത​വും ഈ ലോക​ത്തി​ലെ ഭരണാ​ധി​പ​ന്മാ​രു​ടെ മനോ​ഭാ​വ​ങ്ങ​ളിൽനി​ന്നും പ്രവർത്തന രീതി​ക​ളെ​ക്കു​റി​ച്ചുള്ള വൃത്താ​ന്ത​ങ്ങ​ളിൽനി​ന്നും എത്ര വ്യത്യ​സ്‌ത​മാ​ണെന്നു കാണുക: “അവൻ പുരു​ഷാ​രത്തെ ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വ​രു​മാ​യി കണ്ടിട്ടു അവരെ​ക്കു​റി​ച്ചു മനസ്സലി​ഞ്ഞു.” അതു​കൊണ്ട്‌ അവൻ അവരോട്‌ ഇപ്രകാ​രം പറഞ്ഞു: “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും. എന്റെ നുകം മൃദു​വും എന്റെ ചുമടു ലഘുവും ആകുന്നു.”—മത്തായി 9:36; 11:28-30.

ആളുക​ളോട്‌ എത്ര അനുകമ്പ ഉള്ളവൻ ആയിരു​ന്നു യേശു! ഇതിൽ അവൻ തന്റെ സ്വർഗീയ പിതാ​വി​നെ അനുക​രി​ച്ചു. യേശു സ്‌നേ​ഹ​ത്തി​ന്റെ മൂർത്തി​മ​ദ്‌ഭാ​വം ആയിരു​ന്നു, പരസ്‌പരം യഥാർഥ, തത്ത്വാ​ധി​ഷ്‌ഠി​ത​മായ സ്‌നേഹം ഉണ്ടായി​രി​ക്കാൻ അവൻ തന്റെ ശിഷ്യ​ന്മാ​രെ പഠിപ്പി​ച്ചു. വംശം, ദേശീയത, സാമ്പത്തിക നില, മുൻ മതപശ്ചാ​ത്തലം തുടങ്ങി യാതൊ​ന്നും തങ്ങളുടെ സാർവ​ദേ​ശീയ ഐക്യ​ത്തിന്‌ വിലങ്ങു​ത​ടി​യാ​കാൻ അവർ അനുവ​ദി​ക്കു​ക​യില്ല. (യോഹ​ന്നാൻ 13:34, 35; പ്രവൃ​ത്തി​കൾ 10:34, 35) അതേ, സ്വന്തം ജീവൻ മനുഷ്യർക്കാ​യി നൽകത്ത​ക്ക​വി​ധം അവൻ അത്രയ​ധി​കം അവരെ സ്‌നേ​ഹി​ച്ചു. (എഫെസ്യർ 5:25) ഈ ലോക​ത്തിന്‌ ആവശ്യ​മാ​യ​തും അതിനു ലഭിക്കാൻ പോകു​ന്ന​തും ഇത്തരം ഒരു ഭരണാ​ധി​കാ​രി​യെ തന്നെയാണ്‌.

യേശു ഇപ്പോൾ ‘സുന്ദര​നായ’ ഒരു രാജാവ്‌

യേശു ഇപ്പോൾ ശക്തനായ ഒരു സ്വർഗീയ രാജാവ്‌ ആണെന്നു മനസ്സി​ലാ​ക്കാൻ ദൈവ​ത്തി​ന്റെ പ്രാവ​ച​നിക വചനങ്ങൾ നമ്മെ സഹായി​ക്കു​ന്നു. അവനെ കുറിച്ച്‌ സങ്കീർത്ത​ന​ക്കാ​രൻ ഇങ്ങനെ പ്രവചി​ച്ചു: “നീ മനുഷ്യ​പു​ത്ര​ന്മാ​രിൽ [“മനുഷ്യ​പു​ത്ര​ന്മാ​രെ​ക്കാൾ,” NW] അതിസു​ന്ദരൻ. . . . സത്യവും സൌമ്യ​ത​യും നീതി​യും പാലി​ക്കേ​ണ്ട​തി​ന്നു നീ മഹിമ​യോ​ടെ കൃതാർത്ഥ​നാ​യി വാഹന​മേറി എഴു​ന്നെ​ള്ളുക . . . നീ നീതിയെ ഇഷ്ടപ്പെട്ടു ദുഷ്ടതയെ ദ്വേഷി​ക്കു​ന്നു. അതു​കൊ​ണ്ടു ദൈവം, നിന്റെ ദൈവം തന്നെ, . . . നിന്നെ ആനന്ദ​തൈ​ലം​കൊ​ണ്ടു അഭി​ഷേകം ചെയ്‌തി​രി​ക്കു​ന്നു.”—സങ്കീർത്തനം 45:2, 4, 7.

ദൈവ​ത്താൽ അഭിഷി​ക്ത​നായ സ്വർഗീയ രാജാ​വെന്ന നിലയിൽ അവന്റെ നീതി​യോ​ടുള്ള സ്‌നേ​ഹ​വും ദുഷ്ടത​യോ​ടുള്ള വെറു​പ്പും പ്രകട​മാ​ക്കാൻ യേശു നിയോ​ഗി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌ ബൈബി​ളിൽ അവനെ, ദൈവ​ത്തി​ന്റെ ശത്രു​ക്ക​ളെ​യെ​ല്ലാം താമസി​യാ​തെ സംഹരി​ക്കാൻ പോകുന്ന അനശ്വ​ര​നായ, ജേതാ​വായ ‘രാജാ​ധി​രാ​ജാവ്‌’ എന്ന്‌ വിശേ​ഷി​പ്പി​ച്ചി​രി​ക്കു​ന്നു. അതിനു പുറമേ, അവൻ ഭൂമി​യിൽ പറുദീസ പുനഃ​സ്ഥാ​പി​ക്കു​ക​യും വീണ്ടെ​ടു​ക്ക​പ്പെ​ടാ​വുന്ന മനുഷ്യ​വർഗത്തെ പൂർണ​ത​യിൽ എത്തിക്കു​ക​യും ചെയ്യും.—വെളി​പ്പാ​ടു 19:11-16.

യേശു​വി​ന്റെ പുതിയ ഭാഗ​ധേയം, എതിരാ​ളി​ക​ളു​ടെ ഉപദ്ര​വ​വും അടിയും കുത്തു​മേറ്റു കൊല്ല​പ്പെ​ടുന്ന ‘പീഡനം അനുഭ​വി​ക്കുന്ന മിശിഹാ’യുടേത്‌ അല്ല മറിച്ച്‌, ഭൂമി​യു​ടെ ഭരണാ​ധി​കാ​രി​യായ “വീരനാം ദൈവ”ത്തിന്റേ​താണ്‌. (യെശയ്യാ​വു 9:6) ഇതു മിക്ക മാനുഷ ഭരണാ​ധി​കാ​രി​കൾക്കും സ്വാഗ​താർഹ​മായ ഒരു വാർത്തയല്ല. കാരണം ദാനീ​യേൽ 2:44-ൽ പറഞ്ഞി​രി​ക്കു​ന്ന​തു​പോ​ലെ അവരുടെ രാജത്വ​ങ്ങൾ താമസി​യാ​തെ തകർത്തു നശിപ്പി​ക്ക​പ്പെ​ടും. ക്രിസ്‌തു​വി​നെ തന്റെ വധനിർവാ​ഹകൻ ആയി ഉപയോ​ഗി​ച്ചു​കൊണ്ട്‌ ദൈവം “തന്റെ ക്രോ​ധ​ദി​വ​സ​ത്തിൽ രാജാ​ക്ക​ന്മാ​രെ തകർത്തു​ക​ള​യും. അവൻ ജാതി​ക​ളു​ടെ ഇടയിൽ ന്യായം​വി​ധി​ക്കും.”—സങ്കീർത്തനം 110:5, 6.

യെശയ്യാ​വു മുൻകൂ​ട്ടി പറഞ്ഞതു​പോ​ലെ, ഇപ്രകാ​രം ചെയ്യു​ക​വഴി ക്രിസ്‌തു “അനേക​ജ​ന​ത​കളെ പരി​ഭ്രാ​ന്ത​രാ​ക്കും. രാജാ​ക്ക​ന്‌മാർ അവൻമൂ​ലം നിശ്ശബ്ദ​രാ​കും.” കാരണം? “[തങ്ങളുടെ ഉറ്റസ്‌നേ​ഹി​ത​രായ മതനേ​താ​ക്ക​ന്മാർ] അവരോ​ടു പറഞ്ഞി​ട്ടി​ല്ലാ​ത്തവ അവർ കാണും; കേട്ടി​ട്ടി​ല്ലാ​ത്തവ മനസ്സി​ലാ​ക്കു​ക​യും ചെയ്യും.”—യെശയ്യാ​വു 52:15, പി.ഒ.സി. ബൈബിൾ.

‘ചുഴലി​ക്കാ​റ്റു കൊയ്യു​ന്നു’

മതനേ​താ​ക്ക​ന്മാ​രു​ടെ കൃത്യ​വി​ലോ​പത്തെ കുറിച്ചു മുൻകൂ​ട്ടി​പ്പ​റ​യു​ക​യാ​യി​രു​ന്നു യെശയ്യാവ്‌. ഉദാഹ​ര​ണ​ത്തിന്‌, തങ്ങളുടെ ആട്ടിൻപ​റ്റത്തെ ബൈബിൾ സത്യം പഠിപ്പി​ക്കു​ന്ന​തി​നു പകരം അവർ നരകാ​ഗ്നി​യി​ലെ നിത്യ ദണ്ഡനം, ത്രിയേക ദൈവ​ത്തി​ലുള്ള വിശ്വാ​സം, ആത്മാവി​ന്റെ അമർത്ത്യത എന്നിങ്ങനെ പുറജാ​തീയ ഉത്ഭവമുള്ള, തിരു​വെ​ഴു​ത്തു വിരു​ദ്ധ​മായ ആശയങ്ങൾ പഠിപ്പി​ക്കു​ന്നു. കൂടാതെ, പുരോ​ഹി​ത​വർഗം തങ്ങളുടെ രാഷ്‌ട്ര​ത്തി​ന്റെ എല്ലാ യുദ്ധങ്ങ​ളെ​യും പിന്തു​ണ​യ്‌ക്കു​ക​യും ചെയ്‌തി​രി​ക്കു​ന്നു, അതു തങ്ങളുടെ മതത്തിലെ ആളുക​ളു​ടെ തന്നെ കൊല​യ്‌ക്ക്‌ ഇടയാ​ക്കു​ന്നത്‌ ആണെങ്കിൽ പോലും. ദൈവ​ത്തി​ന്റെ കൽപ്പന​ക​ളു​ടെ നേരി​ട്ടുള്ള ലംഘന​മാണ്‌ ഇത്‌.—1 യോഹ​ന്നാൻ 2:3, 4; 3:10-12; 4:8, 20, 21.

കൂടാതെ, പുരോ​ഹി​ത​വർഗം തങ്ങളുടെ അജഗണ​ങ്ങൾക്ക്‌, നയനാ​ന​ന്ദ​ക​ര​മെ​ങ്കി​ലും ദൈവ​ത്തി​ന്റെ ദൃഷ്ടി​യിൽ നിരർഥ​ക​മായ വിഗ്ര​ഹ​ങ്ങ​ളും പൗരോ​ഹി​ത്യ സ്ഥാന വസ്‌ത്ര​ങ്ങ​ളും ഏറെ പണം ചെലവ​ഴി​ച്ചു പണിതീർത്ത ദേവാ​ല​യ​ങ്ങ​ളും സൂര്യ​ദേ​വന്റെ പ്രഭാ​വ​ലയം ഉൾപ്പെടെ പുറജാ​തീയ ആശയങ്ങൾ കലർത്തിയ ചിത്ര​ര​ച​ന​ക​ളു​മാ​ണു പ്രദാനം ചെയ്യു​ന്നത്‌. “വിട്ടു​പോ​രു​വിൻ; വിട്ടു​പോ​രു​വിൻ; അവി​ടെ​നി​ന്നു പുറ​പ്പെ​ട്ടു​പോ​രു​വിൻ; അശുദ്ധ​മാ​യ​തൊ​ന്നും തൊട​രു​തു; . . . യഹോ​വ​യു​ടെ ഉപകര​ണ​ങ്ങളെ ചുമക്കു​ന്ന​വരേ” എന്ന തന്റെ ദാസന്മാ​രോ​ടുള്ള ദൈവ​ത്തി​ന്റെ കൽപ്പന അവഗണി​ച്ചു​കൊ​ണ്ടാണ്‌ അവർ ഇതു ചെയ്യു​ന്നത്‌.—യെശയ്യാ​വു 52:11; 2 കൊരി​ന്ത്യർ 6:14-18.

ദൈവത്തെ പ്രതി​നി​ധാ​നം ചെയ്യു​ന്നവർ എന്ന്‌ അവകാ​ശ​പ്പെ​ടു​ക​യും എന്നാൽ അവന്റെ കൽപ്പന​കളെ ലംഘി​ക്കു​ക​യും അങ്ങനെ ചെയ്യാൻ മറ്റുള്ള​വരെ പഠിപ്പി​ക്കു​ക​യും ചെയ്യു​ന്നവർ, വിതച്ചതു തന്നെ കൊയ്യും. അവർ പ്രതി​കൂ​ല​മാ​യി ന്യായം വിധി​ക്ക​പ്പെ​ടും. ഈ വ്യവസ്ഥി​തി നശിപ്പി​ക്ക​പ്പെ​ടു​മ്പോൾ അവർ കനത്ത വില​യൊ​ടു​ക്കേ​ണ്ടി​വ​രും. ഹോശേയ പ്രവാ​ചകൻ പറഞ്ഞതു​പോ​ലെ “അവർ കാററു വിതെച്ചു, ചുഴലി​ക്കാ​റ്റു കൊയ്യും.”—ഹോശേയ 8:7; വെളി​പ്പാ​ടു 17:1-3-ഉം, 15-ഉം, 16-ഉം കൂടി കാണുക.

പരമാർഥ​ഹൃ​ദയർ സത്യം പഠിക്കു​ന്നു

പുരോ​ഹി​ത​വർഗം ദൈവ​ത്തെ​യും യേശു​വി​നെ​യും കുറിച്ചു തെറ്റി​ദ്ധ​രി​പ്പി​ച്ചി​രി​ക്കു​ന്നത്‌ യേശു​വി​നെ​പ്പ​റ്റി​യുള്ള സത്യം പഠിക്കു​ന്ന​തിൽനി​ന്നു പരമാർഥ​ഹൃ​ദ​യരെ തടയു​ക​യില്ല. ഒന്നാം നൂറ്റാ​ണ്ടിൽ അങ്ങനെ സംഭവി​ച്ചില്ല. യേശു​വി​ന്റെ രണ്ടു മുഖങ്ങൾ എന്ന ഇംഗ്ലീ​ഷി​ലുള്ള തന്റെ പുസ്‌ത​ക​ത്തിൽ പോൾ ബാർനെറ്റ്‌ എഴുതു​ന്നു: “യാതൊ​രു മുന്നറി​യി​പ്പും കൂടാതെ മാനത്തു നിന്നു ചരി​ത്ര​ത്തി​ലേക്കു പൊട്ടി​വീ​ണ​വനല്ല ക്രിസ്‌തു.” അതേ, അന്ന്‌ ബൈബിൾ പ്രവച​നങ്ങൾ കൃത്യ​മാ​യി മിശി​ഹാ​യു​ടെ വരവിനെ സംബന്ധിച്ച്‌ “മുന്നറി​യി​പ്പു” നൽകി. അങ്ങനെ അവന്റെ വിശ്വസ്‌ത ശിഷ്യ​ന്മാർക്ക്‌ അവന്റെ വരവിനെ കുറി​ച്ചുള്ള ഉറപ്പു ലഭിച്ചു. മഹത്ത്വ​മുള്ള, സ്വർഗീയ “രാജാ​ധി​രാ​ജാ​വാ​യി” യേശു​വി​നെ ദൈവം അധികാ​ര​പ്പെ​ടു​ത്തി​യി​രി​ക്കു​ന്നു എന്ന വസ്‌തുത പ്രഖ്യാ​പി​ക്കുന്ന അതിലു​മേറെ തെളി​വു​കൾ ഇന്നുണ്ട്‌.—മത്തായി 24:3-13; 2 തിമൊ​ഥെ​യൊസ്‌ 3:1-5, 13, 14എ.

“[ക്രിസ്‌തു ഭരണാ​ധി​കാ​രി​യായ ദൈവ]രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും. അപ്പോൾ അവസാനം വരും.” (മത്തായി 24:14) ലോക​മെ​മ്പാ​ടു​മുള്ള, അമ്പതു ലക്ഷത്തി​ല​ധി​കം വരുന്ന യഹോ​വ​യു​ടെ സാക്ഷി​ക​ളാ​ലാണ്‌ ഇന്ന്‌ അതു നിവർത്തി​ക്ക​പ്പെ​ടു​ന്നത്‌. അതു​കൊണ്ട്‌ യഥാർഥ യേശു​വി​നെ അറിയാൻ ആഗ്രഹ​മു​ള്ള​വർക്കു തീർച്ച​യാ​യും അതിന്‌ അവസര​മുണ്ട്‌. (യോഹ​ന്നാൻ 10:14; 1 യോഹ​ന്നാൻ 5:20) പെട്ടെ​ന്നു​തന്നെ ഭൂമി​യിൽ ആഞ്ഞടി​ക്കാ​നി​രി​ക്കുന്ന “മഹാകഷ്ട”ത്തെ അതിജീ​വി​ക്കാൻ അവനെ അറിയു​ന്ന​തും അനുസ​രി​ക്കു​ന്ന​തും മർമ​പ്ര​ധാ​ന​മാണ്‌.—വെളി​പ്പാ​ടു 7:9-14; യോഹ​ന്നാൻ 17:3; 2 തെസ്സ​ലൊ​നീ​ക്യർ 1:6-10.

അതു​കൊണ്ട്‌, ദൈവ​പു​ത്രനെ കുറിച്ചു ബൈബിൾ നൽകുന്ന ആകർഷ​ക​മായ ചിത്രം പരി​ശോ​ധി​ക്കു​ന്ന​തി​നു നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ.

[9-ാം പേജിലെ ചിത്രം]

രാജ്യമഹത്ത്വത്തിലുള്ള ക്രിസ്‌തു ദുഷ്ടത തുടച്ചു നീക്കും

[10-ാം പേജിലെ ചിത്രം]

ക്രിസ്‌തുവിന്റെ സ്‌നേ​ഹ​പു​ര​സ്സ​ര​മായ ഭരണത്തിൻ കീഴിൽ ഭൂമി ഒരു പറുദീ​സ​യാ​യി മാറും