ബൈബി​ളി​ന്റെ വീക്ഷണം

യേശുവിനെ ആരാധി​ക്കു​ന്നത്‌ ഉചിത​മോ?

ക്രൈ​സ്‌ത​വ​ലോ​ക​ത്തി​ലെ അനേക​രും നൂറ്റാ​ണ്ടു​ക​ളാ​യി യേശു​ക്രി​സ്‌തു​വി​നെ സർവശ​ക്ത​നായ ദൈവം എന്ന നിലയിൽ ആരാധി​ച്ചു വരുന്നു. എന്നാൽ യേശു​വാ​കട്ടെ, യഹോ​വ​യാം ദൈവ​ത്തി​ലേക്കു മാത്ര​മാണ്‌ ആരാധ​ന​യും ശ്രദ്ധയും തിരി​ച്ചു​വി​ട്ടത്‌. ഉദാഹ​ര​ണ​ത്തിന്‌, പിശാ​ചി​നെ ആരാധി​ക്കാൻ പ്രലോ​ഭി​പ്പി​ക്ക​പ്പെ​ട്ട​പ്പോൾ അവൻ പറഞ്ഞു: “നിന്റെ ദൈവ​മായ യഹോ​വ​യെ​യാ​ണു നീ ആരാധി​ക്കേ​ണ്ടത്‌, അവനു മാത്ര​മാ​ണു നീ വിശു​ദ്ധ​സേ​വനം അർപ്പി​ക്കേ​ണ്ടത്‌.” (മത്തായി 4:10, NW) പിന്നീ​ടൊ​ര​വ​സ​ര​ത്തിൽ യേശു തന്റെ ശിഷ്യ​ന്മാ​രെ ഇങ്ങനെ പ്രബോ​ധി​പ്പി​ച്ചു: “ഭൂമി​യിൽ ആരെയും പിതാവു എന്നു വിളി​ക്ക​രു​തു; ഒരുത്തൻ അത്രേ നിങ്ങളു​ടെ പിതാവു, സ്വർഗ്ഗസ്ഥൻ തന്നേ.”—മത്തായി 23:9.

ദൈവത്തെ എപ്രകാ​രം ആരാധി​ക്കണം എന്ന്‌ യേശു ഒരു ശമര്യ​ക്കാ​രി​ക്കു വിശദീ​ക​രി​ച്ചു കൊടു​ക്കു​ക​യു​ണ്ടാ​യി. ആത്മാവി​ലും സത്യത്തി​ലും ആണ്‌ അവനെ ആരാധി​ക്കേ​ണ്ടത്‌ എന്ന്‌ യേശു പറഞ്ഞു. വാസ്‌ത​വ​ത്തിൽ “തന്നേ നമസ്‌ക​രി​ക്കു​ന്നവർ [‘ആരാധി​ക്കു​ന്നവർ’, പി.ഒ.സി. ബൈബിൾ] ഇങ്ങനെ​യു​ള്ളവർ ആയിരി​ക്കേണം എന്നു പിതാവു ഇച്ഛിക്കു​ന്നു.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) (യോഹ​ന്നാൻ 4:23, 24) അതേ, ഭക്തി​യോ​ടു കൂടിയ ആദരവ്‌ അർഹി​ക്കു​ന്നത്‌ ദൈവം മാത്ര​മാണ്‌. മറ്റെന്തി​നെ​യും—വസ്‌തു​വി​നെ​യാ​കട്ടെ വ്യക്തി​യെ​യാ​കട്ടെ ആരാധി​ക്കു​ന്നത്‌ വിഗ്ര​ഹാ​രാ​ധ​ന​യാണ്‌. വിഗ്ര​ഹാ​രാ​ധ​നയെ ആണെങ്കിൽ എബ്രായ തിരു​വെ​ഴു​ത്തു​ക​ളും ഗ്രീക്കു തിരു​വെ​ഴു​ത്തു​ക​ളും ഒരു​പോ​ലെ കുറ്റം വിധി​ക്കു​ക​യും ചെയ്യുന്നു.—പുറപ്പാ​ടു 20:4, 5; ഗലാത്യർ 5:19, 20.

എന്നാൽ ചിലർ പറഞ്ഞേ​ക്കാം: ‘യേശു​വി​നെ​യും ആരാധി​ക്കേ​ണ്ട​താ​ണെന്ന്‌ ബൈബിൾ സൂചി​പ്പി​ക്കു​ന്നി​ല്ലേ? എബ്രായർ 1:6-ൽ “ദൈവ​ത്തി​ന്റെ സകല ദൂതൻമാ​രും അവനെ [യേശു​വി​നെ] ആരാധി​ക്കട്ടെ” എന്നു പൗലൊസ്‌ പറയു​ന്നു​ണ്ട​ല്ലോ.’ (ജയിംസ്‌ രാജാ​വി​ന്റെ ഭാഷാ​ന്തരം) വിഗ്ര​ഹാ​രാ​ധ​നയെ കുറിച്ചു ബൈബിൾ പറയു​ന്ന​തി​ന്റെ വീക്ഷണ​ത്തിൽ നമുക്ക്‌ ഈ തിരു​വെ​ഴുത്ത്‌ എങ്ങനെ മനസ്സി​ലാ​ക്കാം?

ആരാധന എന്ന പദം​കൊണ്ട്‌ ഉദ്ദേശി​ക്കു​ന്നത്‌

ആരാധന എന്ന പദം​കൊണ്ട്‌ പൗലൊസ്‌ ഇവിടെ എന്താണ്‌ ഉദ്ദേശി​ച്ച​തെന്ന്‌ നാം ആദ്യം​തന്നെ മനസ്സി​ലാ​ക്കണം. പ്രോ​സ്‌കി​നെ​യോ എന്ന ഗ്രീക്കു പദമാണ്‌ അവൻ ഇവിടെ ഉപയോ​ഗി​ച്ചി​രി​ക്കു​ന്നത്‌. ആങ്കറിന്റെ ബൈബിൾ നിഘണ്ടു പറയു​ന്ന​ത​നു​സ​രിച്ച്‌ ഈ വാക്കിന്റെ അക്ഷരീയ അർഥം ‘ആദരസൂ​ച​ക​മാ​യി ആരു​ടെ​യെ​ങ്കി​ലും കൈയിൽ മുത്തു​ക​യോ മറ്റേ​തെ​ങ്കി​ലും തരത്തിൽ അത്‌ പ്രകടി​പ്പി​ക്കു​ക​യോ ചെയ്യുക’ എന്നാണ്‌. ഈ വാക്ക്‌ “ആദരപൂർവ​ക​മായ ഒരു പ്രവൃ​ത്തി​യെ​യാ​ണു സൂചി​പ്പി​ക്കു​ന്നത്‌, അതു ദൈവ​ത്തോ​ടോ . . . മനുഷ്യ​രോ​ടോ ഉള്ള ഒന്നാകാം” എന്നു ഡബ്ല്യു. ഇ. വൈനി​ന്റെ ആൻ എക്‌സ്‌പോ​സി​റ്ററി ഡിക്‌ഷ്‌ണറി ഓഫ്‌ ന്യൂ ടെസ്റ്റ​മെന്റ്‌ വേർഡ്‌സ്‌ പറയുന്നു. ബൈബിൾ കാലങ്ങ​ളിൽ, ഉയർന്ന സ്ഥാനമുള്ള ഒരു വ്യക്തി​യു​ടെ മുമ്പിൽ അക്ഷരീ​യ​മാ​യി കുമ്പി​ടു​ന്ന​തി​നെ കുറി​ക്കാ​നാണ്‌ മിക്ക​പ്പോ​ഴും പ്രോ​സ്‌കി​നെ​യോ എന്ന പദം ഉപയോ​ഗി​ച്ചി​രു​ന്നത്‌.

വലി​യൊ​രു തുക തന്റെ യജമാ​നന്‌ കടപ്പെ​ട്ടി​രു​ന്നെ​ങ്കി​ലും അതു കൊടു​ത്തു തീർക്കാൻ നിർവാ​ഹ​മി​ല്ലാഞ്ഞ ഒരു അടിമയെ കുറി​ച്ചുള്ള യേശു​വി​ന്റെ ഉപമ പരിചി​ന്തി​ക്കുക. അവിടെ ഈ ഗ്രീക്കു പദത്തിന്റെ ഒരു രൂപം ഉപയോ​ഗി​ച്ചി​രി​ക്കു​ന്നത്‌ കാണാം. ജയിംസ്‌ രാജാ​വി​ന്റെ ഭാഷാ​ന്തരം അത്‌ ഇങ്ങനെ പരിഭാഷ ചെയ്‌തി​രി​ക്കു​ന്നു: “അതു​കൊ​ണ്ടു ആ ദാസൻ വീണു അവനെ [രാജാ​വി​നെ] ആരാധി​ച്ചു [പ്രോ​സ്‌കി​നെ​യോ​യു​ടെ ഒരു രൂപം], പ്രഭോ എന്നോടു ക്ഷമ തോ​ന്നേ​ണമേ; ഞാൻ സകലവും തന്നു വീട്ടി​ക്കൊ​ള്ളാം എന്നു പറഞ്ഞു.” (മത്തായി 18:26; ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) ഈ മനുഷ്യൻ ചെയ്‌തത്‌ വിഗ്ര​ഹാ​രാ​ധ​നാ​പ​ര​മായ ഒരു പ്രവൃത്തി ആയിരു​ന്നോ? ഒരിക്ക​ലു​മല്ല! തന്റെ യജമാ​ന​നും ശ്രേഷ്‌ഠാ​ധി​കാ​രി​യു​മായ രാജാ​വിന്‌ അദ്ദേഹം അർഹി​ക്കുന്ന ആദരവും ബഹുമാ​ന​വും നൽകുക മാത്ര​മാണ്‌ അയാൾ ചെയ്‌തത്‌.

ആദരവി​ന്റേ​താ​യ അത്തരം ക്രിയകൾ ബൈബിൾ കാലങ്ങ​ളിൽ, പൗരസ്‌ത്യ ദേശങ്ങ​ളിൽ സാധാ​ര​ണ​മാ​യി​രു​ന്നു. തന്റെ സഹോ​ദ​ര​നായ ഏശാവി​നെ കണ്ടപ്പോൾ യാക്കോബ്‌ ഏഴു തവണ നിലം മുട്ടെ താണു​വ​ണങ്ങി. (ഉല്‌പത്തി 33:3, പി.ഒ.സി. ബൈ) ഈജി​പ്‌തി​ലെ രാജമ​ന്ദി​ര​ത്തിൽ യോ​സേ​ഫി​നു​ണ്ടാ​യി​രുന്ന സ്ഥാനത്തെ ആദരി​ച്ചു​കൊണ്ട്‌ അവന്റെ സഹോ​ദ​ര​ന്മാർ അവന്റെ മുമ്പിൽ സാഷ്ടാം​ഗ​പ്ര​ണാ​മം ചെയ്‌തു, അഥവാ അവർ ആദരവു പ്രകടി​പ്പി​ച്ചു. (ഉല്‌പത്തി 42:6) ഇതുമാ​യി ബന്ധപ്പെ​ടു​ത്തി ചിന്തി​ക്കു​മ്പോൾ, “യഹൂദ​ന്മാ​രു​ടെ രാജാ​വാ​യി പിറന്നവൻ” ആണെന്ന്‌ അവർക്ക്‌ അറിയാ​മാ​യി​രുന്ന ശിശു​വായ യേശു​വി​നെ കണ്ടപ്പോൾ ജ്യോ​ത്സ്യ​ന്മാർ ചെയ്‌ത സംഗതി നമുക്കു കൂടുതൽ മെച്ചമാ​യി മനസ്സി​ലാ​ക്കാൻ കഴിയും. ജയിംസ്‌ രാജാ​വി​ന്റെ ഭാഷാ​ന്ത​ര​ത്തിൽ അവർ “വീണ്‌ അവനെ ആരാധി​ച്ചു [പ്രോ​സ്‌കി​നെ​യോ]” എന്നാണു പറഞ്ഞി​രി​ക്കു​ന്നത്‌.—മത്തായി 2:2, 11.

അപ്പോൾ വ്യക്തമാ​യും ചില ബൈബിൾ ഭാഷാ​ന്ത​ര​ങ്ങ​ളിൽ ‘ആരാധി​ക്കുക’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന പ്രോ​സ്‌കി​നെ​യോ എന്ന പദം യഹോ​വ​യാം ദൈവ​ത്തി​നു ഭക്തി നൽകു​ന്ന​തി​നെ സൂചി​പ്പി​ക്കാൻ മാത്രമല്ല ഉപയോ​ഗി​ക്കു​ന്നത്‌. മറ്റു വ്യക്തി​ക​ളോ​ടുള്ള ആദരവ്‌, ക്രിയ​ക​ളി​ലൂ​ടെ പ്രകടി​പ്പി​ക്കു​ന്ന​തി​നെ സൂചി​പ്പി​ക്കാ​നും അതിനു കഴിയും. ഏതെങ്കി​ലും തരത്തി​ലുള്ള തെറ്റി​ദ്ധാ​രണ ഒഴിവാ​ക്കുക എന്ന ഉദ്ദേശ്യ​ത്തിൽ ചില ബൈബിൾ ഭാഷാ​ന്ത​രങ്ങൾ എബ്രായർ 1:6-ലെ പ്രോ​സ്‌കി​നെ​യോ എന്ന വാക്ക്‌ ‘അവനെ കുമ്പി​ടുക’ (ഗുണ്ടർട്ട്‌ ബൈബിൾ), ‘അവനോട്‌ ആദരവു കാണി​ക്കുക’ (പുതിയ യെരൂ​ശ​ലേം ബൈബിൾ), ‘അവനെ ബഹുമാ​നി​ക്കുക’ (ആധുനിക ഇംഗ്ലീ​ഷി​ലുള്ള സമ്പൂർണ ബൈബിൾ), ‘അവനോട്‌ ആദരവു പ്രകടി​പ്പി​ക്കുക’ (വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം) എന്നൊക്കെ പരിഭാ​ഷ​പ്പെ​ടു​ത്തി​യി​രി​ക്കു​ന്നു.

യേശു ആദരസൂ​ച​ക​മായ ക്രിയകൾ അർഹി​ക്കു​ന്നു

മേൽപ്പ​റ​ഞ്ഞതു പോലുള്ള ആദരസൂ​ച​ക​മായ ക്രിയകൾ യേശു അർഹി​ക്കു​ന്നു​ണ്ടോ? തീർച്ച​യാ​യും! എബ്രാ​യർക്ക്‌ എഴുതിയ തന്റെ ലേഖന​ത്തിൽ “സകലത്തി​ന്നും അവകാശി” എന്ന നിലയിൽ യേശു ‘ഉയരത്തിൽ മഹിമ​യു​ടെ വലത്തു​ഭാ​ഗത്തു ഇരിക്കു​ന്നു’ എന്ന്‌ അപ്പൊ​സ്‌ത​ല​നായ പൗലൊസ്‌ വിശദീ​ക​രി​ക്കു​ന്നു. (എബ്രായർ 1:2-4) അതു​കൊണ്ട്‌, “യേശു​വി​ന്റെ നാമത്തി​ങ്കൽ സ്വർല്ലോ​ക​രു​ടെ​യും ഭൂലോ​ക​രു​ടെ​യും അധോ​ലോ​ക​രു​ടെ​യും മുഴങ്കാൽ ഒക്കെയും മടങ്ങു​ക​യും എല്ലാ നാവും “യേശു​ക്രി​സ്‌തു കർത്താവു” എന്നു പിതാ​വായ ദൈവ​ത്തി​ന്റെ മഹത്വ​ത്തി​ന്നാ​യി ഏററു​പ​റ​ക​യും ചെയ്യേ​ണ്ടി​വ​രും.”—ഫിലി​പ്പി​യർ 2:10, 11.

വളരെ പെട്ടെ​ന്നു​തന്നെ യേശു തന്റെ ഈ ഉയർന്ന സ്ഥാനവും വർധിച്ച അധികാ​ര​വും ഉപയോ​ഗിച്ച്‌ ഭൂമിയെ ഒരു ആഗോള പറുദീ​സ​യാ​യി രൂപാ​ന്ത​ര​പ്പെ​ടു​ത്തും എന്നതു ശ്രദ്ധേ​യ​മാണ്‌. ദൈവ​ത്തി​ന്റെ മാർഗ​നിർദേ​ശ​ത്തിൻ കീഴിൽ, തന്റെ നീതി​പൂർവ​ക​മായ ഭരണത്തി​നു കീഴ്‌പെ​ടു​ന്ന​വ​രു​ടെ പ്രയോ​ജ​ന​ത്തി​നാ​യി അവൻ ഭൂമു​ഖത്തു നിന്ന്‌ വേദന​യും ദുഃഖ​വു​മെ​ല്ലാം തുടച്ചു​മാ​റ്റും. അവന്റെ മറുവി​ല​യാ​ഗ​ത്തി​ലൂ​ടെ​യാണ്‌ ഇതു സാധ്യ​മാ​യി​ത്തീ​രു​ന്നത്‌. അപ്പോൾ തീർച്ച​യാ​യും യേശു നമ്മുടെ ആദരവും ബഹുമാ​ന​വും അർഹി​ക്കു​ന്നി​ല്ലേ? അവനെ നാം അനുസ​രി​ക്കേ​ണ്ട​തല്ലേ?—സങ്കീർത്തനം 2:12; യെശയ്യാ​വു 9:6; ലൂക്കൊസ്‌ 23:43, NW; വെളി​പ്പാ​ടു 21:3-5.

“സമ്പൂർണ ഭക്തി നിഷ്‌കർഷി​ക്കുന്ന ഒരു ദൈവം”

എന്നാൽ നമ്മുടെ ആരാധന—മതപര​മായ അർഥത്തി​ലുള്ള ആദരവും ഭക്തിയും—ദൈവ​ത്തി​നു മാത്രമേ നൽകാവൂ എന്നു ബൈബിൾ വ്യക്തമാ​യി കാണി​ക്കു​ന്നു. മോശെ അവനെ “സമ്പൂർണ ഭക്തി നിഷ്‌കർഷി​ക്കുന്ന ഒരു ദൈവം” എന്നാണു വിശേ​ഷി​പ്പി​ച്ചത്‌. ‘ആകാശ​ത്തെ​യും ഭൂമി​യെ​യും സമു​ദ്ര​ത്തെ​യും നീരു​റ​വ​ക​ളെ​യും സൃഷ്‌ടി​ച്ച​വനെ ആരാധി​ക്കാൻ’ ബൈബിൾ നമ്മെ പ്രബോ​ധി​പ്പി​ക്കു​ന്നു.—ആവർത്ത​ന​പു​സ്‌തകം 4:24, NW; വെളി​പ്പാ​ടു 14:7, പി.ഒ.സി. ബൈ.

തീർച്ച​യാ​യും, സത്യാ​രാ​ധ​ന​യിൽ യേശു​വിന്‌ മർമ​പ്ര​ധാ​ന​മായ ഒരു സ്ഥാനമുണ്ട്‌, ആദരവും ബഹുമാ​ന​വും അർഹി​ക്കുന്ന ഒരു സ്ഥാനം തന്നെ. (2 കൊരി​ന്ത്യർ 1:20, 21; 1 തിമൊ​ഥെ​യൊസ്‌ 2:5, 6) അവനി​ലൂ​ടെ മാത്രമേ നമുക്കു യഹോ​വ​യാം ദൈവത്തെ സമീപി​ക്കാൻ സാധി​ക്കു​ക​യു​ള്ളു. (യോഹ​ന്നാൻ 14:6) ഇതുവരെ പരിചി​ന്തി​ച്ച​തി​ന്റെ​യെ​ല്ലാം വീക്ഷണ​ത്തിൽ സത്യ​ക്രി​സ്‌ത്യാ​നി​കൾ സർവ്വശ​ക്ത​നായ യഹോ​വ​യാം ദൈവത്തെ മാത്രം ആരാധി​ക്കു​ന്നു.