യുവജ​നങ്ങൾ ചോദി​ക്കു​ന്നു . . .

വിഷാദം തോന്നു​മ്പോൾ ഞാൻ ആരോ​ടെ​ങ്കി​ലും അതു പറയണ​മോ?

“വിഷാദം തോന്നു​മ്പോൾ, അത്‌ പുറത്തു പറയാ​തി​രി​ക്കാ​നാണ്‌ ഞാൻ ആദ്യം ശ്രമി​ക്കുക. കാരണം, ഞാൻ ഒരു കുഴപ്പ​ക്കാ​രൻ കുട്ടി​യാ​ണെന്ന്‌ ആളുകൾ കരുതി​യാ​ലോ. എന്നാൽ സഹായ​ത്തി​നാ​യി ആരോ​ടെ​ങ്കി​ലും അതു പറയണ​മെന്നു പിന്നീട്‌ എനിക്കു മനസ്സി​ലാ​കും.”—13-കാരനായ അലേജാൻഡ്രോ.

“വിഷാദം തോന്നു​മ്പോൾ ഞാൻ സുഹൃ​ത്തു​ക്ക​ളോട്‌ അത്‌ പറയാ​റില്ല. കാരണം, അവർക്കു സഹായി​ക്കാൻ കഴിയു​മെന്ന്‌ എനിക്കു തോന്നു​ന്നില്ല. അവർ എന്നെ കളിയാ​ക്കു​കയേ ഉള്ളൂ.”—13-കാരനായ ആർറ്റ്യൂ​റോ.

ജീവി​ത​ത്തിൽ ഒരിക്കൽപ്പോ​ലും വിഷാദം അനുഭ​വി​ക്കാത്ത ആരും​തന്നെ ഉണ്ടാവില്ല.a എങ്കിലും, നിങ്ങൾ ചെറു​പ്പ​ക്കാ​രും താരത​മ്യേന അനുഭ​വ​ജ്ഞാ​നം കുറഞ്ഞ​വ​രും ആയതി​നാൽ, ജീവിത സമ്മർദങ്ങൾ നിമിത്തം എളുപ്പം തളർന്നു​പോ​യേ​ക്കാം. മാതാ​പി​താ​ക്കൾ, സുഹൃ​ത്തു​ക്കൾ, അധ്യാ​പകർ തുടങ്ങി​യവർ നിങ്ങ​ളോട്‌ ആവശ്യ​പ്പെ​ടുന്ന സംഗതി​കൾ, താരു​ണ്യ​ത്തിൽ ഉണ്ടാകുന്ന ശാരീ​രി​ക​വും വൈകാ​രി​ക​വു​മായ മാറ്റങ്ങൾ, താൻ ഒരു പരാജ​യ​മാ​ണെന്ന തോന്നൽ—അത്‌ ഒരുപക്ഷേ നിസ്സാര ദൗർബ​ല്യ​ങ്ങൾ കൊണ്ടാ​യി​രി​ക്കാം—എന്നിവ​യെ​ല്ലാം നിങ്ങളെ ദുഃഖി​ത​രും വിഷാ​ദ​മ​ഗ്ന​രും ആക്കി​യേ​ക്കാം.

അത്തരം സാഹച​ര്യ​ങ്ങ​ളിൽ നിങ്ങളു​ടെ പ്രശ്‌നങ്ങൾ തുറന്നു സംസാ​രി​ക്കാൻ ആരെങ്കി​ലും ഉണ്ടായി​രി​ക്കു​ന്നത്‌ ഒരു നല്ല സംഗതി​യാണ്‌. “എന്റെ പ്രശ്‌നങ്ങൾ ആരോ​ടെ​ങ്കി​ലും പറഞ്ഞി​ല്ലെ​ങ്കിൽ ഞാൻ ആകെ തകർന്നു​പോ​കു​മെ​ന്നാണ്‌ എനിക്കു തോന്നു​ന്നത്‌,” 17 വയസ്സു​കാ​രി​യായ ബിയാ​ട്രിസ്‌ പറയുന്നു. എങ്കിലും, മിക്ക യുവജ​ന​ങ്ങ​ളും പ്രശ്‌നങ്ങൾ ഉള്ളി​ലൊ​തു​ക്കു​ക​യും മിക്ക​പ്പോ​ഴും നിരാ​ശ​യു​ടെ പടുകു​ഴി​യി​ലേക്കു വഴുതി​വീ​ഴു​ക​യും ചെയ്യുന്നു എന്നതാണ്‌ സങ്കടക​ര​മായ സംഗതി. ആത്മഹത്യാ​ശ്ര​മ​ത്തി​ന്റെ ഘട്ടത്തോ​ളം എത്തുന്ന യുവജ​നങ്ങൾ പലപ്പോ​ഴും കടുത്ത ഏകാന്തത അനുഭ​വി​ക്കു​ന്ന​വ​രാണ്‌ എന്ന്‌ മഡ്രിഡ്‌ മെഡിക്കൽ വിഭാ​ഗ​ത്തി​ലെ പ്രൊ​ഫ​സ​റായ മരീയ ഡി കെസസ്‌ മാർഡൊ​മെ​ങ്കോ അഭി​പ്രാ​യ​പ്പെ​ടു​ന്നു. സംസാ​രി​ക്കാ​നും തങ്ങളുടെ പ്രശ്‌ന​ങ്ങ​ളൊ​ക്കെ തുറന്നു​പ​റ​യാ​നും പറ്റിയ മുതിർന്ന ഒരാളെ കണ്ടെത്താൻ കഴിഞ്ഞി​രു​ന്നില്ല എന്നാണ്‌ ആത്മഹത്യാ​ശ്ര​മ​ത്തിൽനിന്ന്‌ രക്ഷപ്പെട്ട പല യുവജ​ന​ങ്ങ​ളും പറഞ്ഞത്‌.

നിങ്ങളു​ടെ കാര്യ​മോ? നിരാശ തോന്നു​മ്പോൾ അതെല്ലാം തുറന്നു പങ്കു​വെ​ക്കാൻ പറ്റിയ ഒരാൾ നിങ്ങൾക്കു​ണ്ടോ? ഇല്ലെങ്കിൽ, സഹായ​ത്തി​നാ​യി നിങ്ങൾക്ക്‌ ആരി​ലേക്കു തിരി​യാം?

മാതാ​പി​താ​ക്ക​ളോ​ടു സംസാ​രി​ക്കു​ക

വിഷാദം അനുഭ​വ​പ്പെ​ടു​മ്പോൾ താൻ എന്താണ്‌ ചെയ്യാ​റു​ള്ള​തെന്ന്‌ തുടക്ക​ത്തിൽ പരാമർശിച്ച അലേജാൻഡ്രോ വിശദീ​ക​രി​ക്കു​ന്നു: “ഞാൻ എന്റെ അമ്മയെ​യാണ്‌ സമീപി​ക്കുക. കാരണം, ഞാൻ ജനിച്ച കാലം മുതൽതന്നെ അമ്മ എനിക്കു നല്ലൊരു സഹായ​മാ​യി​രു​ന്നി​ട്ടുണ്ട്‌. എനിക്ക്‌ അമ്മയെ പൂർണ വിശ്വാ​സ​മാണ്‌. ഇനി, അച്ഛനും എന്റെ ഈ പ്രായ​ത്തി​ലൂ​ടെ​തന്നെ കടന്നു​പോ​യ​താ​ണ​ല്ലോ. അതു​കൊണ്ട്‌ ഞാൻ അദ്ദേഹ​ത്തെ​യും സമീപി​ക്കും. വിഷാദം തോന്നു​മ്പോൾ അത്‌ ആരോ​ടെ​ങ്കി​ലും പറയാ​തി​രു​ന്നാൽ അത്‌ എന്റെ അവസ്ഥയെ ഒന്നുകൂ​ടെ വഷളാ​ക്കു​ക​യാണ്‌ ചെയ്യു​ന്നത്‌.” റൊ​ഡോൾഫോ എന്ന 11 വയസ്സു​കാ​രൻ അനുസ്‌മ​രി​ക്കു​ന്നു: “ചില​പ്പോൾ അധ്യാ​പകൻ എന്നെ പരിഹ​സി​ക്കു​ക​യും ശകാരി​ക്കു​ക​യും ഒക്കെ ചെയ്യു​മാ​യി​രു​ന്നു. അത്‌ എന്നെ വളരെ​യേറെ ദുഃഖി​പ്പി​ച്ചി​രു​ന്നു. അപ്പോ​ഴൊ​ക്കെ ഞാൻ ടോയ്‌ലെ​റ്റിൽ പോയി​രുന്ന്‌ കരയു​മാ​യി​രു​ന്നു. പിന്നീട്‌, ഞാൻ അമ്മയോട്‌ എന്റെ പ്രശ്‌ന​ങ്ങളെ കുറിച്ചു പറഞ്ഞു. അമ്മ എന്നെ സഹായി​ച്ചു. ഞാൻ അമ്മയോ​ടു പറഞ്ഞി​ല്ലാ​യി​രു​ന്നെ​ങ്കിൽ, അത്‌ എന്നെ കൂടുതൽ ദുഃഖി​ത​നാ​ക്കു​മാ​യി​രു​ന്നു.”

നിങ്ങളു​ടെ മാതാ​പി​താ​ക്ക​ളോട്‌ ഉള്ളുതു​റന്നു സംസാ​രി​ക്കു​ന്ന​തി​നെ കുറിച്ച്‌ നിങ്ങൾ ചിന്തി​ച്ചി​ട്ടു​ണ്ടോ? നിങ്ങളു​ടെ പ്രശ്‌നങ്ങൾ മനസ്സി​ലാ​ക്കാൻ ഒരുപക്ഷേ അവർക്കാ​വില്ല എന്നായി​രി​ക്കാം നിങ്ങൾ വിചാ​രി​ക്കു​ന്നത്‌. എന്നാൽ വാസ്‌തവം അതാണോ? ഇന്നത്തെ ലോക​ത്തിൽ യുവജ​നങ്ങൾ അനുഭ​വി​ക്കുന്ന എല്ലാ സമ്മർദ​ങ്ങ​ളും പൂർണ​മാ​യി മനസ്സി​ലാ​ക്കാൻ അവർക്കു കഴിയി​ല്ലാ​യി​രി​ക്കാം. എങ്കിലും, ഈ ലോക​ത്തി​ലുള്ള മറ്റാ​രെ​ക്കാ​ളും മെച്ചമാ​യി നിങ്ങളെ മനസ്സി​ലാ​ക്കാൻ സാധ്യ​ത​യു​ള്ളത്‌ അവരല്ലേ? അലേജാൻഡ്രോ പറയുന്നു: “ചില​പ്പോ​ഴൊ​ക്കെ എന്റെ വികാ​ര​ങ്ങളെ സഹതാ​പ​പൂർവം മനസ്സി​ലാ​ക്കുക എന്നത്‌ മാതാ​പി​താ​ക്കൾക്ക്‌ അത്ര എളുപ്പമല്ല.” എന്നുവ​രി​കി​ലും അവൻ പറയുന്നു: “സഹായ​ത്തി​നാ​യി അവരെ ആശ്രയി​ക്കാ​നാ​കു​മെന്ന്‌ എനിക്ക​റി​യാം.” തങ്ങളുടെ പ്രശ്‌നങ്ങൾ എത്ര കൃത്യ​മാ​യാണ്‌ മാതാ​പി​താ​ക്കൾ മനസ്സി​ലാ​ക്കു​ന്ന​തെന്ന്‌ അറിയു​മ്പോൾ യുവജ​നങ്ങൾ ചില​പ്പോ​ഴൊ​ക്കെ വിസ്‌മ​യി​ച്ചു​പോ​കു​ന്നു. നിങ്ങ​ളെ​ക്കാൾ പ്രായ​വും അനുഭ​വ​പ​രി​ച​യ​വും ഉള്ളതു​കൊണ്ട്‌, സഹായ​ക​മായ നിർദേ​ശങ്ങൾ നൽകാൻ അവർക്കു കഴിയും. ബൈബിൾ തത്ത്വങ്ങൾ ബാധക​മാ​ക്കുന്ന മാതാ​പി​താ​ക്ക​ളു​ടെ കാര്യ​ത്തിൽ ഇത്‌ വിശേ​ഷാൽ സത്യമാണ്‌.

“മാതാ​പി​താ​ക്ക​ളോ​ടു സംസാ​രി​ക്കു​മ്പോൾ, പ്രശ്‌നങ്ങൾ എങ്ങനെ പരിഹ​രി​ക്കാം എന്നതു സംബന്ധി​ച്ചുള്ള പ്രാ​യോ​ഗിക നിർദേ​ശ​ങ്ങ​ളും പ്രോ​ത്സാ​ഹ​ന​വും എനിക്കു ലഭിക്കു​ന്നു,” നേരത്തെ പരാമർശിച്ച ബിയാ​ട്രിസ്‌ പറയുന്നു. നല്ല കാരണ​ത്തോ​ടെ​യാണ്‌ ബൈബിൾ യുവജ​ന​ങ്ങൾക്ക്‌ പിൻവ​രുന്ന ബുദ്ധി​യു​പ​ദേശം നൽകു​ന്നത്‌. “മകനേ, നിന്റെ അപ്പന്റെ കല്‌പന പ്രമാ​ണിക്ക; അമ്മയുടെ ഉപദേശം ഉപേക്ഷി​ക്ക​യു​മ​രു​തു. നിന്നെ ജനിപ്പിച്ച അപ്പന്റെ വാക്കു കേൾക്ക; നിന്റെ അമ്മ വൃദ്ധയാ​യി​രി​ക്കു​മ്പോൾ അവളെ നിന്ദി​ക്ക​രു​തു.”—സദൃശ​വാ​ക്യ​ങ്ങൾ 6:20; 23:22.

തീർച്ച​യാ​യും, മാതാ​പി​താ​ക്ക​ളു​മാ​യി നല്ല ബന്ധമി​ല്ലെ​ങ്കിൽ അവരോ​ടു കാര്യങ്ങൾ തുറന്നു പറയുക ബുദ്ധി​മു​ട്ടാ​യി​രി​ക്കും. ഡോ. കറ്റാലിന ഗോൺസാ​ലെസ്‌ ഫോർട്ടിസ പറയു​ന്ന​ത​നു​സ​രിച്ച്‌, ഹൈസ്‌കൂൾ കുട്ടി​കളെ കുറിച്ചു നടത്തിയ ഒരു പഠനം കാണി​ക്കു​ന്നത്‌, ആത്മഹത്യ​യ്‌ക്കു ശ്രമിച്ചു എന്നു പറഞ്ഞ കുട്ടികൾ ആത്മാഭി​മാ​ന​ക്കു​റവ്‌ അനുഭ​വ​പ്പെ​ട്ടി​രു​ന്ന​വ​രും മാതാ​പി​താ​ക്ക​ളു​മാ​യി നല്ല ബന്ധം ഇല്ലാതി​രു​ന്ന​വ​രും ആയിരു​ന്നു എന്നാണ്‌. നേരെ​മ​റിച്ച്‌, “അത്തരം ആത്മഹത്യാ​പ​ര​മായ ചിന്തകൾ ഇല്ലാതി​രുന്ന യുവജ​നങ്ങൾ, പൊതു​വെ മാതാ​പി​താ​ക്ക​ളു​മാ​യി നല്ല ബന്ധം ഉണ്ടായി​രു​ന്ന​വ​രാണ്‌.”

അതു​കൊണ്ട്‌, മാതാ​പി​താ​ക്ക​ളു​മാ​യി നല്ലൊരു ബന്ധം വളർത്തി​യെ​ടു​ക്കാൻ ജ്ഞാനപൂർവം ശ്രമി​ക്കുക. അവരു​മാ​യി ക്രമമാ​യി സംസാ​രി​ക്കു​ന്നത്‌ ഒരു ശീലമാ​ക്കി​യെ​ടു​ക്കുക. നിങ്ങളു​ടെ അനുദിന ജീവി​ത​ത്തിൽ സംഭവി​ക്കുന്ന കാര്യങ്ങൾ അവരോ​ടു പറയുക. അവരോ​ടു ചോദ്യ​ങ്ങൾ ചോദി​ക്കുക. അങ്ങനെ ചെയ്‌താൽ ഗുരു​ത​ര​മായ പ്രശ്‌നങ്ങൾ ഉണ്ടാകു​മ്പോൾ അവരെ സമീപി​ക്കാൻ നിങ്ങൾക്കു വലിയ ബുദ്ധി​മുട്ട്‌ തോന്നില്ല.

ഒരു സുഹൃ​ത്തി​നോട്‌ സംസാ​രി​ക്കു​ക

സമപ്രാ​യ​ത്തി​ലുള്ള ഒരാളു​മാ​യി നിങ്ങളു​ടെ പ്രശ്‌നങ്ങൾ പങ്കു​വെ​ക്കു​ന്നത്‌ എളുപ്പ​മാ​യി​രി​ക്കി​ല്ലേ? അതേ, ആശ്രയ​യോ​ഗ്യ​രായ സുഹൃ​ത്തു​ക്കൾ ഉണ്ടായി​രി​ക്കു​ന്നത്‌ നല്ല സംഗതി​യാണ്‌. “സഹോ​ദ​ര​നെ​ക്കാ​ളും പററുള്ള സ്‌നേ​ഹി​ത​ന്മാ​രും ഉണ്ടു” എന്ന്‌ സദൃശ​വാ​ക്യ​ങ്ങൾ 18:24 പറയുന്നു. നിങ്ങളു​ടെ വികാ​രങ്ങൾ മനസ്സി​ലാ​ക്കാ​നും നിങ്ങളെ പിന്തു​ണ​യ്‌ക്കാ​നും സുഹൃ​ത്തു​ക്കൾക്ക്‌ സാധി​ച്ചേ​ക്കാ​മെ​ങ്കി​ലും ഏറ്റവും മെച്ചപ്പെട്ട ഉപദേശം നൽകാൻ അവർക്ക്‌ എല്ലായ്‌പോ​ഴും കഴി​ഞ്ഞെ​ന്നു​വ​രില്ല. ഇതി​നെ​ല്ലാം പുറമേ, ജീവി​താ​നു​ഭ​വ​ങ്ങ​ളു​ടെ കാര്യ​ത്തിൽ അവർ നിങ്ങ​ളെ​ക്കാൾ മെച്ച​പ്പെ​ട്ട​വ​രാ​യി​രി​ക്കാ​നും സാധ്യ​ത​യില്ല. രെഹ​ബെ​യാ​മി​ന്റെ കാര്യ​മെ​ടു​ക്കുക. ബൈബിൾ കാലങ്ങ​ളി​ലെ ഒരു രാജാ​വാ​യി​രു​ന്നു അദ്ദേഹം. അനുഭ​വ​ജ്ഞാ​ന​വും പക്വത​യു​മുള്ള പുരു​ഷ​ന്മാ​രിൽനിന്ന്‌ ഉപദേശം കൈ​ക്കൊ​ള്ളു​ന്ന​തി​നു പകരം, സമപ്രാ​യ​ക്കാ​രു​ടെ വാക്കു​കൾക്കാണ്‌ അദ്ദേഹം ശ്രദ്ധ നൽകി​യത്‌. ഫലമെ​ന്താ​യി​രു​ന്നു? ദുരന്തം! അതേ, രാജ്യ​ത്തി​ലെ ബഹുഭൂ​രി​പക്ഷം ആളുക​ളു​ടെ പിന്തു​ണ​യും ദൈവാം​ഗീ​കാ​രം​പോ​ലും ഒടുവിൽ അദ്ദേഹ​ത്തി​നു നഷ്ടമായി.—1 രാജാ​ക്ക​ന്മാർ 12:8-19.

സമപ്രാ​യ​ക്കാ​രോ​ടു കാര്യങ്ങൾ തുറന്നു​പ​റ​യു​ന്ന​തി​ലെ മറ്റൊരു പ്രശ്‌നം രഹസ്യം സൂക്ഷി​ക്കു​ന്നതു സംബന്ധി​ച്ചു​ള്ള​താ​യി​രി​ക്കാം. തുടക്ക​ത്തിൽ പരാമർശിച്ച ആർറ്റ്യൂ​റോ പറയുന്നു: “എനിക്ക​റി​യാ​വുന്ന ആൺകു​ട്ടി​ക​ളൊ​ക്കെ വിഷാദം അനുഭ​വ​പ്പെ​ടു​മ്പോൾ തങ്ങളുടെ സുഹൃ​ത്തു​ക്ക​ളോട്‌ അക്കാര്യം പറയു​ന്ന​വ​രാണ്‌. പക്ഷേ പിന്നീട്‌, ആ സുഹൃ​ത്തു​ക്കൾ കാര്യ​ങ്ങ​ളെ​ല്ലാം മറ്റുള്ള​വ​രു​ടെ ചെവി​യിൽ എത്തിക്കു​ക​യും പറഞ്ഞ വ്യക്തി​കളെ കളിയാ​ക്കു​ക​യും ചെയ്യുന്നു.” പതിമൂ​ന്നു​കാ​രി​യായ ഗബ്രി​യേ​ല​യ്‌ക്ക്‌ സമാന​മായ അനുഭവം ഉണ്ടായി. അവൾ പറയുന്നു: “എന്റെ വ്യക്തി​പ​ര​മായ കാര്യങ്ങൾ എന്റെ കൂട്ടു​കാ​രി അവളുടെ മറ്റൊരു സുഹൃ​ത്തി​നോട്‌ പറയു​ന്നു​ണ്ടെന്ന്‌ ഒരു ദിവസം എനിക്കു മനസ്സി​ലാ​യി. അതിൽപ്പി​ന്നെ എനിക്ക​വളെ വിശ്വാ​സ​മില്ല. ഞാൻ സമപ്രാ​യ​ക്കാ​രോട്‌ സംസാ​രി​ക്കാ​റുണ്ട്‌. എന്നാൽ, കാര്യം പാട്ടാ​ക്കുന്ന സ്വഭാ​വ​മു​ള്ള​വ​രാണ്‌ അവരെ​ങ്കിൽ, എന്നെ പ്രതി​കൂ​ല​മാ​യി ബാധി​ച്ചേ​ക്കാ​വുന്ന കാര്യങ്ങൾ ഞാൻ അവരോ​ടു പറയാ​റില്ല.” അതു​കൊണ്ട്‌ നിങ്ങൾ സഹായം തേടു​മ്പോൾ ‘മറെറാ​രു​ത്തന്റെ രഹസ്യം വെളി​പ്പെ​ടു​ത്തു​ക​യി​ല്ലാത്ത’ ഒരാളെ കണ്ടെത്തു​ന്നത്‌ പ്രാധാ​ന്യ​മർഹി​ക്കുന്ന ഒരു സംഗതി​യാണ്‌. (സദൃശ​വാ​ക്യ​ങ്ങൾ 25:9) അങ്ങനെ​യുള്ള ഒരു വ്യക്തി നിങ്ങ​ളെ​ക്കാൾ പ്രായ​മുള്ള ആളായി​രി​ക്കാ​നാണ്‌ കൂടുതൽ സാധ്യത.

ചില കാരണ​ങ്ങ​ളാൽ, കുടും​ബ​ത്തിൽ സഹായം കണ്ടെത്താൻ നിങ്ങൾക്കു കഴിഞ്ഞി​ല്ലെ​ന്നു​വ​രാം. അത്തരം സാഹച​ര്യ​ങ്ങ​ളിൽ ഒരു സുഹൃ​ത്തി​നോ​ടു സംസാ​രി​ക്കു​ന്ന​തു​കൊ​ണ്ടു കുഴപ്പ​മില്ല. പക്ഷേ, ആ വ്യക്തിക്ക്‌ ജീവി​താ​നു​ഭ​വ​വും ബൈബിൾ തത്ത്വങ്ങൾ സംബന്ധിച്ച അറിവും ഉണ്ടെന്ന്‌ ഉറപ്പു​വ​രു​ത്തുക. യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകളിൽ ഇത്തരം വ്യക്തികൾ ഉണ്ടെന്നു​ള്ള​തിൽ യാതൊ​രു സംശയ​വു​മില്ല. പതിനാ​റു​കാ​രി​യായ ലില്ലി​യാന പറയുന്നു: “ചില ക്രിസ്‌തീയ സഹോ​ദ​രി​മാ​രിൽ ഞാൻ പരിപൂർണ വിശ്വാ​സ​മർപ്പി​ച്ചി​രി​ക്കു​ന്നു. അത്‌ എനിക്ക്‌ വളരെ പ്രയോ​ജനം ചെയ്യുന്നു. എന്നെക്കാൾ പ്രായ​മു​ള്ള​തു​കൊണ്ട്‌, മെച്ചപ്പെട്ട ബുദ്ധി​യു​പ​ദേശം നൽകാൻ അവർക്കു കഴിയും. അവർ എന്റെ സുഹൃ​ത്തു​ക്കൾ ആയിത്തീർന്നി​രി​ക്കു​ന്നു.”

നിങ്ങളു​ടെ ആത്മീയ​ത​യും അപകട​ത്തിൽ ആയിരി​ക്കു​ന്നു എങ്കി​ലെന്ത്‌? പ്രാർഥ​ന​യും ബൈബിൾ വായന​യും അവഗണി​ക്കുന്ന ഘട്ടത്തോ​ളം പോലും നിങ്ങൾ വിഷാ​ദ​മ​ഗ്ന​രാ​യി​രു​ന്നേ​ക്കാം. യാക്കോബ്‌ 5:14, 15-ൽ ബൈബിൾ ഈ ബുദ്ധി​യു​പ​ദേശം നൽകുന്നു: “നിങ്ങളിൽ ദീനമാ​യി കിടക്കു​ന്നവൻ സഭയിലെ മൂപ്പന്മാ​രെ വരുത്തട്ടെ. അവർ കർത്താ​വി​ന്റെ നാമത്തിൽ അവനെ എണ്ണ പൂശി അവന്നു വേണ്ടി പ്രാർത്ഥി​ക്കട്ടെ. എന്നാൽ വിശ്വാ​സ​ത്തോ​ടു​കൂ​ടിയ പ്രാർത്ഥന ദീനക്കാ​രനെ രക്ഷിക്കും; കർത്താവു അവനെ എഴു​ന്നേ​ല്‌പി​ക്കും.” ആത്മീയ​മാ​യി നിരു​ത്സാ​ഹി​ത​രോ രോഗി​ക​ളോ ആയവരെ സഹായി​ക്കു​ന്ന​തിൽ അനുഭ​വ​പ​രി​ച​യ​മുള്ള പ്രായ​മേ​റിയ പുരു​ഷ​ന്മാർ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകളി​ലുണ്ട്‌. അവരുടെ സഹായം തേടാൻ മടി​ക്കേ​ണ്ട​തില്ല. അത്തരം പുരു​ഷ​ന്മാർക്ക്‌ ‘കാറ്റിന്നു ഒരു മറവും പിശറി​ന്നു ഒരു സങ്കേത​വും ആയിരി​ക്കാൻ കഴിയു’മെന്ന്‌ ബൈബിൾ പറയുന്നു.—യെശയ്യാ​വു 32:2.

‘നിങ്ങളു​ടെ ആവശ്യങ്ങൾ ദൈവത്തെ അറിയി​ക്കുക’

ഏതായാ​ലും, സഹായ​ത്തി​ന്റെ ഏറ്റവും നല്ല ഉറവ്‌ “സർവ്വാ​ശ്വാ​സ​വും നല്‌കുന്ന ദൈവ”മാണ്‌. (2 കൊരി​ന്ത്യർ 1:3) നിങ്ങൾക്കു ദുഃഖ​മോ വിഷാ​ദ​മോ അനുഭ​വ​പ്പെ​ടു​ന്നെ​ങ്കിൽ ഫിലി​പ്പി​യർ 4:6, 7-ലെ ബുദ്ധി​യു​പ​ദേശം ബാധക​മാ​ക്കുക: “ഒന്നി​നെ​ക്കു​റി​ച്ചും വിചാ​ര​പ്പെ​ട​രു​തു; എല്ലാറ​റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു. എന്നാൽ സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.” നിങ്ങളെ ശ്രദ്ധി​ക്കാൻ യഹോവ സദാ സന്നദ്ധനാണ്‌. (സങ്കീർത്തനം 46:1; 77:1) ചില അവസര​ങ്ങ​ളിൽ മനസ്സമാ​ധാ​ന​ത്തി​നാ​യി പ്രാർഥി​ക്കു​കയേ വേണ്ടൂ.

വിഷാ​ദ​മോ മ്ലാനത​യോ കൂടെ​ക്കൂ​ടെ അനുഭ​വ​പ്പെ​ടു​ന്നെ​ങ്കിൽ, ഇക്കാര്യ​ത്തിൽ നിങ്ങൾ തനിച്ചല്ല എന്നോർക്കുക. പല യുവജ​ന​ങ്ങൾക്കും സമാന​മായ വികാ​രങ്ങൾ ഉണ്ടായി​ട്ടുണ്ട്‌. കാല​ക്ര​മ​ത്തിൽ അവ മാറി​ക്കൊ​ള്ളും. പ്രശ്‌നങ്ങൾ ഉള്ള അത്രയും കാലം നിങ്ങൾ അവയെ ഒറ്റയ്‌ക്ക്‌ സഹി​ക്കേ​ണ്ട​തില്ല. നിങ്ങളു​ടെ പ്രയാസം മറ്റാ​രെ​യെ​ങ്കി​ലും അറിയി​ക്കുക. സദൃശ​വാ​ക്യ​ങ്ങൾ 12:25 പറയുന്നു: “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു; ഒരു നല്ല വാക്കോ അതിനെ സന്തോ​ഷി​പ്പി​ക്കു​ന്നു.” പ്രോ​ത്സാ​ഹ​ന​ത്തി​ന്റെ ‘നല്ല വാക്ക്‌’ നിങ്ങൾക്ക്‌ എങ്ങനെ​യാണ്‌ ലഭിക്കുക? നിങ്ങളെ ആശ്വസി​പ്പി​ക്കാ​നും സഹായി​ക്കാ​നും തക്ക അനുഭ​വ​പ​രി​ച​യ​വും അറിവും ഉള്ള ഒരാ​ളോ​ടു സംസാ​രി​ക്കു​ന്ന​തി​ലൂ​ടെ.

[അടിക്കു​റിപ്പ്‌]

[14-ാം പേജിലെ ആകർഷക വാക്യം]

“മാതാ​പി​താ​ക്ക​ളോട്‌ സംസാ​രി​ക്കു​മ്പോൾ, പ്രശ്‌നങ്ങൾ എങ്ങനെ പരിഹ​രി​ക്കാം എന്നതു സംബന്ധി​ച്ചുള്ള പ്രാ​യോ​ഗിക നിർദേ​ശ​ങ്ങ​ളും പ്രോ​ത്സാ​ഹ​ന​വും എനിക്കു ലഭിക്കു​ന്നു”

[15-ാം പേജിലെ ചിത്രം]

നിങ്ങൾക്ക്‌ ബുദ്ധി​യു​പ​ദേശം നൽകാൻ പറ്റിയ സ്ഥാനത്താ​യി​രി​ക്കു​ന്നത്‌ ദൈവ​ഭ​ക്തി​യുള്ള മാതാ​പി​താ​ക്ക​ളാണ്‌, സമപ്രാ​യ​ക്കാ​രല്ല