“ലോകത്തെ വീക്ഷിക്കൽ,” സ്‌കൂ​ളി​ലേക്ക്‌

ഐക്യ​നാ​ടു​ക​ളിൽ താമസി​ക്കുന്ന 15 വയസ്സു​കാ​രി​യായ എഡെൽമി​റാ തന്റെ സ്‌കൂ​ളിൽ ഉണരുക! മാസിക നന്നായി ഉപയോ​ഗ​പ്പെ​ടു​ത്തി. അതിന്റെ പ്രസാ​ധ​കർക്കുള്ള ഒരു കത്തിൽ അവൾ ഇങ്ങനെ എഴുതി:

“വെള്ളി​യാഴ്‌ച തോറും ഏതെങ്കി​ലും ആനുകാ​ലിക സംഭവ​ത്തെ​ക്കു​റിച്ച്‌ ഞങ്ങൾ ഒരു റിപ്പോർട്ട്‌ തയ്യാറാ​ക്കി അവതരി​പ്പി​ക്കേ​ണ്ട​തുണ്ട്‌. ഉണരുക!യുടെ 2000 ഏപ്രിൽ 22 ലക്കം വായിച്ച ഞാൻ ‘ലോകത്തെ വീക്ഷിക്കൽ’ എന്ന ഭാഗത്തു വന്ന ‘പുകവലി കാൻസ​റിന്‌ ഇടയാ​ക്കു​മെന്ന്‌ പുകയില കമ്പനി സമ്മതി​ക്കു​ന്നു’ എന്ന തലക്കെ​ട്ടിൻ കീഴി​ലുള്ള വിവരങ്ങൾ ഉപയോ​ഗി​ക്കാൻ തീരു​മാ​നി​ച്ചു. അതിനെ അടിസ്ഥാ​ന​മാ​ക്കി ഞാൻ ഒരു സംഗ്രഹം തയ്യാറാ​ക്കി ക്ലാസ്സിനെ വായിച്ചു കേൾപ്പി​ച്ചു. അധ്യാ​പി​ക​യും വിദ്യാർഥി​ക​ളും അതീവ ശ്രദ്ധ​യോ​ടെ​യാണ്‌ അതു കേട്ടി​രു​ന്നത്‌. പരിപാ​ടി കഴിഞ്ഞ​പ്പോൾ, വിവരങ്ങൾ കണ്ടുപി​ടി​ക്കാൻ ഏറെസ​മയം വേണ്ടി​വ​ന്നോ എന്ന്‌ എല്ലാവ​രു​ടെ​യും മുന്നിൽ വെച്ച്‌ ഒരു സഹപാഠി എന്നോടു ചോദി​ച്ചു. ഞാൻ അവൾക്ക്‌ ആ ഉണരുക! നൽകി. അവൾ അത്‌ വളരെ താത്‌പ​ര്യ​ത്തോ​ടെ വായി​ക്കാൻ തുടങ്ങി. അടുത്ത പീരി​യ​ഡിൽ അവളോ​ടൊ​പ്പം ഉണ്ടായി​രുന്ന ഞങ്ങളുടെ സഭയിലെ ഒരു ആൺകുട്ടി പറഞ്ഞത്‌ താൻ അവളെ കാണു​മ്പോൾ അവൾ അത്‌ അപ്പോ​ഴും വായി​ച്ചു​കൊ​ണ്ടി​രി​ക്കു​ക​യാ​യി​രു​ന്നു എന്നാണ്‌. ഉണരുക!യുടെ​യും അതിന്റെ കൂട്ടു മാസി​ക​യായ വീക്ഷാ​ഗോ​പു​ര​ത്തി​ന്റെ​യും എല്ലാ ലക്കങ്ങളും ലഭിക്കാൻ താൻ ആഗ്രഹി​ക്കു​ന്നു​വെന്ന്‌ ഇപ്പോൾ ആ പെൺകു​ട്ടി പറയുന്നു.

“ഞാൻ യഹോ​വ​യു​ടെ സാക്ഷി​ക​ളിൽ ഒരാളാ​യി​രി​ക്കു​ന്ന​തിൽ അഭിമാ​നം തോന്നാൻ ഈ അനുഭവം ഇടയാക്കി. യഹോ​വയെ കുറിച്ചു സംസാ​രി​ക്കാൻ നമുക്ക്‌ ഒട്ടേറെ അവസര​ങ്ങ​ളുണ്ട്‌ എന്ന്‌ അതെന്നെ പഠിപ്പി​ച്ചു.” എഡെൽമി​റാ ഇങ്ങനെ പറഞ്ഞു​കൊണ്ട്‌ തന്റെ കത്ത്‌ അവസാ​നി​പ്പി​ക്കു​ന്നു: “ഈ മാസി​കകൾ തയ്യാറാ​ക്കു​ന്ന​തിന്‌ നിങ്ങൾ ചെയ്യുന്ന കഠിന ശ്രമ​ത്തെ​പ്രതി നിങ്ങൾക്കു നന്ദി പറയാൻ ഞാൻ ആഗ്രഹി​ക്കു​ന്നു. ദയവായി, ‘ലോകത്തെ വീക്ഷിക്കൽ’ പ്രസി​ദ്ധീ​ക​രി​ക്കു​ന്നതു നിറു​ത്ത​രു​തേ!” (g01 5/8)