ആധുനി​ക​നാ​ളി​ലെ ഒരു നല്ല ശമര്യ​ക്കാ​രൻ

മെക്‌സിക്കോയിലെ ഉണരുക! ലേഖകൻ

നല്ല ശമര്യ​ക്കാ​രൻ എന്നു മിക്ക​പ്പോ​ഴും വിളി​ക്ക​പ്പെ​ടുന്ന, അയൽസ്‌നേഹം പ്രകട​മാ​ക്കിയ ഒരു മനുഷ്യ​നെ കുറി​ച്ചുള്ള ബൈബിൾ കഥ നമ്മിൽ അനേക​രും കേട്ടി​ട്ടുണ്ട്‌. (ലൂക്കൊസ്‌ 10:29-37) സഹായം ആവശ്യ​മു​ണ്ടാ​യി​രുന്ന തന്റെ അയൽക്കാ​ര​നോട്‌ അഥവാ സഹമനു​ഷ്യ​നോട്‌ സ്‌നേഹം പ്രകടി​പ്പി​ക്കു​ന്ന​തിൽ ഒരു ശമര്യ​ക്കാ​രൻ ഏത്‌ അളവോ​ളം പോയി എന്ന്‌ ഈ ഉപമയി​ലൂ​ടെ യേശു വ്യക്തമാ​ക്കി. ഇന്ന്‌ അത്തരം നല്ല ശമര്യ​ക്കാർ ഉണ്ടോ? മെക്‌സി​ക്കോ​യിൽ നിന്നുള്ള പിൻവ​രുന്ന വിവരണം ശ്രദ്ധി​ക്കുക.

ബെറ്റൂ​വെ​ലും കുടും​ബ​വും ഒരു യാത്ര കഴിഞ്ഞു മടങ്ങു​ക​യാ​യി​രു​ന്നു. വീട്ടി​ലെ​ത്താൻ ഏതാനും കിലോ​മീ​റ്ററേ ഉള്ളൂ. അപ്പോ​ഴാണ്‌ ഹൈ​വേ​യിൽ ദാരു​ണ​മായ ഒരു വാഹന അപകടം നടക്കു​ന്നത്‌ അവർ നേരിൽ കണ്ടത്‌. സഹായി​ക്കാ​നാ​യി അവർ ഇറങ്ങി​ച്ചെന്നു. അപകടം പിണഞ്ഞ വാഹന​ങ്ങ​ളിൽ ഒന്നിന്റെ ഡ്രൈവർ ഒരു ഡോക്ട​റാ​യി​രു​ന്നു. ഗർഭി​ണി​യായ തന്റെ ഭാര്യ​യെ​യും രണ്ടു ചെറിയ പെൺമ​ക്ക​ളെ​യും ചികി​ത്സ​യ്‌ക്കാ​യി ഏറ്റവും അടുത്തുള്ള ആശുപ​ത്രി​യിൽ എത്തിക്കാൻ അദ്ദേഹം അവരോട്‌ അപേക്ഷി​ച്ചു. അപ്രകാ​രം ചെയ്‌ത​ശേഷം, കൂടു​ത​ലാ​യി എന്തെങ്കി​ലും സഹായം ചെയ്യേ​ണ്ട​തിന്‌ ബെറ്റൂ​വെൽ അപകട സ്ഥലത്തേക്കു മടങ്ങി​വന്നു.

ബെറ്റൂ​വെൽ പറയുന്നു: “ഹൈ​വേ​യിൽ ഡ്യൂട്ടി​യിൽ ഉണ്ടായി​രുന്ന പോലീ​സു​കാർ സംഭവ​സ്ഥ​ലത്ത്‌ എത്തിക്ക​ഴി​ഞ്ഞി​രു​ന്നു. ജീവഹാ​നി ഉൾപ്പെ​ട്ടി​രു​ന്ന​തി​നാൽ അന്വേ​ഷ​ണാർഥം അവർക്കു ഡോക്ടറെ കൊണ്ടു​പോ​കേ​ണ്ടി​യി​രു​ന്നു. ഞാൻ എന്തു​കൊ​ണ്ടാണ്‌ അദ്ദേഹത്തെ സഹായി​ക്കു​ന്ന​തെന്നു ഡോക്ടർ എന്നോടു ചോദി​ച്ച​പ്പോൾ, ഞങ്ങൾ യഹോ​വ​യു​ടെ സാക്ഷി​ക​ളാ​ണെ​ന്നും അയൽക്കാ​രനെ സ്‌നേ​ഹി​ക്ക​ണ​മെന്ന്‌ ബൈബി​ളിൽനി​ന്നു ഞങ്ങൾ പഠിച്ചി​ട്ടു​ണ്ടെ​ന്നും ഞാൻ വിശദീ​ക​രി​ച്ചു. ഭാര്യ​യെ​യും കുട്ടി​ക​ളെ​യും കുറിച്ചു വിഷമി​ക്കേ​ണ്ടെ​ന്നും ഞങ്ങൾ അവരെ നോക്കി​ക്കൊ​ള്ളാ​മെ​ന്നും ഞാൻ പറഞ്ഞു. കൃതജ്ഞത നിറഞ്ഞ കണ്ണുനീ​രോ​ടെ അദ്ദേഹം തന്റെ കൈവശം ഉണ്ടായി​രുന്ന വിലപി​ടിച്ച വസ്‌തു​ക്ക​ളെ​ല്ലാം സൂക്ഷി​ക്കാ​നാ​യി എന്നെ ഏൽപ്പിച്ചു.”

ബെറ്റൂ​വെൽ കുടും​ബം അവരെ തങ്ങളുടെ വീട്ടി​ലേക്കു കൊണ്ടു​പോ​യി അനേക ദിവസം പരിപാ​ലി​ച്ചു. ഈ അവസരം വിനി​യോ​ഗി​ച്ചു​കൊണ്ട്‌ ബെറ്റൂ​വെൽ അവരോ​ടൊ​പ്പം ഒരു ബൈബി​ള​ധ്യ​യനം ആരംഭി​ച്ചു. പോലീസ്‌ കസ്റ്റഡി​യിൽനി​ന്നു മോചി​ത​നാ​യി തിരി​ച്ചെ​ത്തിയ ഡോക്ടർ നന്ദി പറയു​ക​യും യഹോ​വ​യു​ടെ സാക്ഷി​കളെ പ്രശം​സി​ക്കു​ക​യും ചെയ്‌തു. സ്വന്ത പട്ടണത്തിൽ ബൈബി​ള​ധ്യ​യനം തുടരു​മെന്ന്‌ അദ്ദേഹം വാഗ്‌ദാ​നം ചെയ്‌തു. തന്റെ ഭാര്യ ഒരു ആൺകു​ഞ്ഞി​നെ​യാണ്‌ പ്രസവി​ക്കു​ന്ന​തെ​ങ്കിൽ അവന്‌ ബെറ്റൂ​വെൽ എന്ന്‌ പേരി​ടു​മെ​ന്നും പറഞ്ഞു. ബെറ്റൂ​വെൽ തുടരു​ന്നു: “രണ്ടു വർഷത്തി​നു ശേഷം, ഈയിടെ ഞങ്ങൾ അവരെ സന്ദർശി​ച്ച​പ്പോൾ ഞാൻ അത്ഭുത​പ്പെ​ട്ടു​പോ​യി. അവർ ബൈബിൾ പഠിക്കു​ന്നു​ണ്ടാ​യി​രു​ന്നു, അവരുടെ മകന്റെ പേര്‌ ബെറ്റൂ​വെൽ എന്നും ആയിരു​ന്നു!” (g04 8/8)

[25-ാം പേജിലെ ചിത്രം]

ബെറ്റൂവെൽ