“പിഴു​തെ​റി​യാ​നാ​വാത്ത വേരുകൾ”

ലോക​ത്തി​ലെ ഏററവും വലുതും പഴക്കം ചെന്നതു​മായ ജീവനുള്ള വസ്‌തു​ക്ക​ളിൽപ്പെ​ട്ട​താണ്‌ കാലി​ഫോർണി​യ​യി​ലെ സിക്ക്വോ​യ മരങ്ങൾ. ഈ ഉത്തുംഗ പ്രതി​ഭാ​സ​ത്തി​നു പൂർണ​വ​ളർച്ച​യെ​ത്തു​മ്പോൾ ഏതാണ്ട്‌ 90 മീററർ ഉയരമു​ണ്ടാ​കും. ഇതിനു 3,000-ത്തിലധി​കം വർഷം ജീവി​ക്കാ​നാ​കും.

ഭയഗം​ഭീ​ര​മാ​യ ദൃശ്യ​മാ​ണു സിക്ക്വോ​യ മരത്തി​നു​ള്ളത്‌. ഒപ്പംതന്നെ മതിപ്പു​ള​വാ​ക്കു​ന്ന​താണ്‌ അതിന്റെ മറഞ്ഞി​രി​ക്കുന്ന വേരു​പ​ട​ല​വും. മൂന്നോ നാലോ ഏക്കറോ​ളം സ്ഥലത്തു വ്യാപിച്ച്‌ കെട്ടു​പി​ണ​ഞ്ഞു​കി​ട​ക്കുന്ന വേരു​ക​ളാ​ണു സിക്ക്വോ​യ​യ്‌ക്കു​ള്ളത്‌. ഈ ബൃഹത്തായ വേരു​പ​ടലം നിമിത്തം പ്രളയ​ങ്ങ​ളി​ലും കൊടു​ങ്കാ​റ​റി​ലും ഇതു കടപു​ഴകി വീഴു​ന്നില്ല. ഒരു ശക്തമായ ഭൂമി​കു​ലു​ക്കത്തെ അതിജീ​വി​ക്കാൻപോ​ലും സിക്ക്വോ​യ​യ്‌ക്കു സാധി​ക്കു​ന്നു!

ശലോ​മോൻ രാജാവ്‌ തന്റെ സദൃശ​വാ​ക്യ​ങ്ങ​ളി​ലൊ​ന്നിൽ ഒരു മരത്തിന്റെ ശക്തമായ വേരു​പ​ട​ലത്തെ ദൃഷ്ടാ​ന്ത​മാ​യി തിര​ഞ്ഞെ​ടു​ക്കു​ന്നുണ്ട്‌. “ദുഷ്ടത​യി​ലൂ​ടെ ആരും നിലനിൽപ്പു നേടു​ന്നില്ല, എന്നാൽ പിഴു​തെ​റി​യാ​നാ​വാത്ത വേരു​ക​ളു​ള്ള​വ​രാണ്‌ നല്ല മനുഷ്യർ.” (സദൃശ​വാ​ക്യ​ങ്ങൾ 12:3, ദ ന്യൂ ഇംഗ്ലീഷ്‌ ബൈബിൾ) അതേ, ഉറച്ച അടിത്ത​റ​യി​ല്ലാ​ത്ത​വ​രാണ്‌ ദുഷ്ടൻമാർ. അവർ നേടി​യെ​ടു​ക്കു​ന്നു എന്നു തോന്നി​ക്കുന്ന ഏതൊരു വിജയ​വും താത്‌കാ​ലി​ക​മാണ്‌. കാരണം യഹോ​വ​യു​ടെ വാഗ്‌ദാ​നം ഇതാണ്‌: “ദുഷ്ടൻമാ​രു​ടെ പ്രതീ​ക്ഷെ​ക്കോ ഭംഗം വരും.”—സദൃശ​വാ​ക്യ​ങ്ങൾ 10:28.

ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വർക്കുള്ള ഒരു മുന്നറി​യി​പ്പാ​ണിത്‌. കാരണം ചിലർ തങ്ങളിൽത്തന്നെ ‘വേരി​ല്ലാ​തെ’ വീഴു​മെന്നു യേശു പറയു​ക​യു​ണ്ടാ​യി. (മത്തായി 13:20) കൂടാതെ, “വക്രത​യാർന്ന ഉപദേ​ശ​ങ്ങ​ളു​ടെ കാററിൽ ആടിയുല”യുന്ന വ്യക്തി​ക​ളെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ എഴുതു​ക​യു​ണ്ടാ​യി. (എഫേ​സോസ്‌ 4:14, പി.ഒ.സി. ബൈബിൾ) ഇത്‌ എങ്ങനെ തടയാ​നാ​കും?

സിക്ക്വോ​യ മരത്തിന്റെ വേരുകൾ ഭൂമി​യു​ടെ പരിപു​ഷ്ട​മായ മണ്ണിൽ വിസ്‌തൃ​ത​മാ​യി വ്യാപി​ച്ചി​രി​ക്കു​ന്ന​തു​പോ​ലെ, നമ്മുടെ മനസ്സും ഹൃദയ​വും ദൈവ​വ​ച​ന​ത്തി​ലേക്കു വിസ്‌തൃ​ത​മാ​യി ആഴ്‌ന്നി​റങ്ങി അതിലെ ജീവദാ​യ​ക​ജലം വലി​ച്ചെ​ടു​ക്കേ​ണ്ട​യാ​വ​ശ്യ​മുണ്ട്‌. ഇത്‌ ഉറച്ച വേരുള്ള വിശ്വാ​സം വികസി​പ്പി​ച്ചെ​ടു​ക്കാൻ നമ്മെ സഹായി​ക്കും. പീഡന​ങ്ങ​ളാ​കുന്ന കൊടു​ങ്കാ​റ​റു​ക​ളു​ടെ ഫലങ്ങൾ നാം അനുഭ​വി​ക്കു​മെ​ന്നതു തീർച്ച​യാണ്‌. പ്രതി​കൂല സാഹച​ര്യ​ങ്ങൾക്കു നടുവിൽ നാം ഒരു മരത്തെ​പ്പോ​ലെ ആടിയു​ല​ഞ്ഞേ​ക്കാം. എന്നാൽ നല്ല ഉറച്ച അടിസ്ഥാ​ന​മു​ള്ള​താ​ണു നമ്മുടെ വിശ്വാ​സ​മെ​ങ്കിൽ, “പിഴു​തെ​റി​യാ​നാ​വാത്ത വേരുക”ളുള്ളവ​രാ​ണു നാമെന്നു തെളി​യും.—താരത​മ്യം ചെയ്യുക: എബ്രായർ 6:19.