വായന​ക്കാ​രിൽനി​ന്നുള്ള ചോദ്യ​ങ്ങൾ

സാമ്പത്തിക പ്രതി​സ​ന്ധി​ക​ളുള്ള ഇക്കാലത്തു കൂടു​തൽക്കൂ​ടു​തൽ വ്യക്തി​ക​ളും കമ്പനി​ക​ളും പാപ്പരാ​യി പ്രഖ്യാ​പി​ക്കുന്ന വ്യവസ്ഥ​യിൽ ആശ്രയി​ക്കു​ക​യാണ്‌. പാപ്പര​ന്യാ​യം കൊടു​ക്കു​ന്നത്‌ ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം തിരു​വെ​ഴു​ത്തു​പ​ര​മാ​യി ഉചിത​മാ​ണോ?

തികച്ചും ആധുനി​ക​മായ സംഗതി​കളെ സംബന്ധി​ച്ചു ദൈവ​വ​ചനം പ്രാ​യോ​ഗിക മാർഗ​നിർദേശം നൽകു​ന്ന​തെ​ങ്ങ​നെ​യാണ്‌ എന്നതി​നുള്ള ഉത്തമമായ ദൃഷ്ടാന്തം പ്രദാനം ചെയ്യു​ന്ന​താണ്‌ ഈ ചോദ്യ​ത്തി​നുള്ള ഉത്തരം. പല രാജ്യ​ങ്ങ​ളി​ലും പാപ്പര​ത്തത്തെ നിയ​ന്ത്രി​ക്കു​ന്ന​തി​നുള്ള നിയമ​ങ്ങ​ളുണ്ട്‌. ഓരോ രാജ്യ​ത്തെ​യും നിയമ​ങ്ങൾക്കു വ്യത്യാ​സ​മു​ണ്ടാ​യി​രി​ക്കും. അതു​കൊണ്ട്‌, ഇക്കാര്യ​ത്തിൽ നിയമ​പ​ര​മായ ഉപദേശം നൽകുക ക്രിസ്‌തീയ സഭയുടെ ഉത്തരവാ​ദി​ത്വ​മല്ല. എന്നാൽ പാപ്പരാ​യി പ്രഖ്യാ​പി​ക്കുന്ന നിയമ​വ്യ​വ​സ്ഥ​യു​ടെ ഒരു ആകമാന വീക്ഷണ​മെ​ന്തെന്നു നമുക്കു നോക്കാം.

വ്യക്തി​ക​ളെ​യും ബിസി​നസ്സ്‌ സ്ഥാപന​ങ്ങ​ളെ​യും പാപ്പരാ​യി പ്രഖ്യാ​പി​ക്കു​ന്നത്‌ ഗവൺമെൻറ്‌ അനുവ​ദി​ക്കു​ന്ന​തി​ന്റെ ഒരു കാരണം പണം കടം കൊടു​ത്ത​വർക്ക്‌ അഥവാ മറേറ​തെ​ങ്കി​ലും നിക്ഷേപം കൊടു​ത്ത​വർക്ക്‌ (creditors) പണം വായ്‌പ വാങ്ങു​ക​യോ നിക്ഷേപം ഏറെറ​ടു​ത്തി​രി​ക്കു​ക​യോ ചെയ്‌തിട്ട്‌ തങ്ങൾ കടപ്പെ​ട്ടി​രി​ക്കു​ന്നതു തിരികെ കൊടു​ക്കാത്ത ആളുക​ളിൽനിന്ന്‌ അല്ലെങ്കിൽ ബിസി​ന​സ്സു​കാ​രിൽനിന്ന്‌ (debtors) അത്‌ ഒരള​വോ​ളം സംരക്ഷണം നൽകുന്നു എന്നതാണ്‌. നിക്ഷേ​പ​കർക്കു ചെയ്യാൻ ഒന്നേയു​ള്ളൂ. കോട​തി​യെ സമീപിച്ച്‌ കടക്കാ​രനെ പാപ്പരാ​യി പ്രഖ്യാ​പി​ക്കുന്ന ഉത്തരവു നേടുക. എന്നിട്ട്‌ ഭാഗി​ക​മായ ഒരു നഷ്ടപരി​ഹാ​ര​മെന്ന നിലയിൽ അയാളു​ടെ വസ്‌തു​വ​കകൾ വീതി​ച്ചെ​ടു​ക്കുക.

പാപ്പരാ​യി പ്രഖ്യാ​പി​ക്കുന്ന വ്യവസ്ഥ​യു​ടെ മറെറാ​രു പ്രയോ​ജനം തങ്ങളുടെ നിക്ഷേ​പ​കരെ സത്യസ​ന്ധ​മാ​യി തൃപ്‌തി​പ്പെ​ടു​ത്താ​നാ​വാത്ത കടക്കാർക്ക്‌ അതൊരു സുരക്ഷാ​വ​ല​യാ​യി​ത്തീ​രു​ന്നു എന്നതാണ്‌. തന്റെ ചില സ്വത്തുക്കൾ മാത്രം പങ്കി​ട്ടെ​ടു​ക്കാൻ നിക്ഷേ​പ​കർക്കു കഴിയു​മാ​റു പാപ്പര​ത്ത​പ്ര​ഖ്യാ​പ​ന​ത്തി​നെ​തി​രെ കേസ്‌ കൊടു​ക്കാൻ കടക്കാ​രന്‌ അനുവാ​ദ​മു​ണ്ടാ​യേ​ക്കാം. അപ്പോൾപ്പോ​ലും തന്റെ വീടോ ഏതാനും മിനിമം വസ്‌തു​വ​ക​ക​ളോ നിലനിർത്താ​നും ഭാവി​യിൽ ഇനിയും നഷ്ടപ്പെ​ടു​മെ​ന്നോ തനിക്കു മുമ്പു പണം തന്നവർ പിടി​ച്ചു​പ​റി​ക്കു​മെ​ന്നോ ഉള്ള ഭീഷണി കൂടാതെ അവ സ്വത​ന്ത്ര​മാ​യി അനുഭ​വി​ച്ചു​കൊ​ള്ളാ​നും നിയമം അദ്ദേഹത്തെ അനുവ​ദി​ച്ചേ​ക്കാം.

അപ്പോൾ, പണപര​മോ വ്യാവ​സാ​യി​ക​മോ ആയ ഇടപാ​ടു​ക​ളിൽ രണ്ടു കൂട്ടർക്കും ഒരള​വോ​ളം സംരക്ഷണം നൽകാ​നു​ദ്ദേ​ശി​ച്ചു​ള്ള​താണ്‌ ഈ നിയമ​ങ്ങ​ളെ​ന്നതു വ്യക്തമാണ്‌. എന്നിരു​ന്നാ​ലും, സഹായ​ക​മായ എന്തു ബുദ്ധ്യു​പ​ദേ​ശ​മാ​ണു ബൈബിൾ നൽകു​ന്ന​തെന്നു നമുക്കു നോക്കാം.

കടക്കാ​ര​നാ​യി​ത്തീ​രു​ന്ന​തി​നെ ബൈബിൾ പ്രോ​ത്സാ​ഹി​പ്പി​ക്കു​ന്നില്ല. എന്നാൽ ഈ സംഗതി ആദ്യം​തൊട്ട്‌ അവസാ​നം​വരെ ബൈബിൾ വായി​ക്കുന്ന ഒരാളു​ടെ ശ്രദ്ധയിൽപ്പെ​ടാ​തെ​പോ​കാൻ സാധ്യ​ത​യില്ല. സദൃശ​വാ​ക്യ​ങ്ങൾ 22:7 പോലുള്ള മുന്നറി​യി​പ്പു​കൾ നാം കാണുന്നു: “ധനവാൻ ദരി​ദ്രൻമാ​രെ ഭരിക്കു​ന്നു; കടം മേടി​ക്കു​ന്നവൻ കടം കൊടു​ക്കു​ന്ന​വന്നു ദാസൻ.”

മത്തായി 18:23-34-ലെ ഒരു വൻകട​ക്കാ​ര​നായ ദാസ​നെ​ക്കു​റി​ച്ചുള്ള യേശു​വി​ന്റെ ഉപമയും ഓർക്കുക. “അവന്റെ യജമാനൻ അവനെ​യും ഭാര്യ​യെ​യും മക്കളെ​യും അവന്നു​ള്ള​തൊ​ക്കെ​യും വിററു കടം തീർപ്പാൻ കല്‌പി​ച്ചു.” എന്നാൽ പിന്നീട്‌ ആ യജമാ​ന​നായ രാജാവ്‌ മനസ്സലിഞ്ഞ്‌ കരുണ കാട്ടി. കുറെ​ക്ക​ഴിഞ്ഞ്‌ ആ ദാസൻ നിർദ​യ​മാ​യി പെരു​മാ​റി​യ​പ്പോൾ രാജാവ്‌ “അവൻ കടമൊ​ക്കെ​യും തീർക്കു​വോ​ളം അവനെ ദണ്ഡിപ്പി​ക്കു​ന്ന​വ​രു​ടെ കയ്യിൽ ഏല്‌പി​ച്ചു.” അപ്പോൾ വ്യക്തമാ​യും ഏററവും നല്ലതെന്നു നിർദേ​ശി​ച്ചി​രി​ക്കുന്ന സംഗതി കടം വാങ്ങാ​തി​രി​ക്കുക എന്നതു​ത​ന്നെ​യാണ്‌.

പുരാതന ഇസ്രാ​യേ​ലിൽ ദൈവ​ത്തി​ന്റെ ദാസൻമാർക്കു ബിസി​നസ്സ്‌ ഇടപാ​ടു​ക​ളു​ണ്ടാ​യി​രു​ന്നു. ചില അവസര​ങ്ങ​ളിൽ കടംവാ​ങ്ങ​ലും കടം​കൊ​ടു​ക്ക​ലു​മൊ​ക്കെ ഉണ്ടായി​രു​ന്നു. എന്തു ചെയ്യാ​നാണ്‌ യഹോവ അവരെ പ്രബോ​ധി​പ്പി​ച്ചത്‌? ഒരു ബിസി​നസ്സ്‌ തുടങ്ങാ​നോ വിപു​ലീ​ക​രി​ക്കാ​നോ​വേണ്ടി പണം കടമെ​ടു​ക്കാൻ ഒരു വ്യക്തിക്ക്‌ ആഗ്രഹ​മു​ണ്ടെ​ങ്കിൽ അതിനു പലിശ ഈടാ​ക്കുക എന്നത്‌ ഒരു എബ്രാ​യനെ സംബന്ധി​ച്ചി​ട​ത്തോ​ളം നിയമ​പ​ര​വും സർവസാ​ധാ​ര​ണ​വു​മാ​യി​രു​ന്നു. എന്നുവ​രി​കി​ലും, ദരി​ദ്ര​നായ ഇസ്രാ​യേ​ല്യ​നു കടം കൊടു​ക്കു​മ്പോൾ നിസ്വാർഥ​രാ​യി​രി​ക്കാൻ ദൈവം തന്റെ ജനത്തോട്‌ ആവശ്യ​പ്പെട്ടു. പ്രതി​കൂല സാഹച​ര്യം മുത​ലെ​ടുത്ത്‌ അവർ പലിശ ഈടാ​ക്കാൻ പാടി​ല്ലാ​യി​രു​ന്നു. (പുറപ്പാ​ടു 22:25) ആവർത്ത​ന​പു​സ്‌തകം 15:7, 8 [NW] പറയുന്നു: “നിന്റെ സഹോ​ദ​രൻമാ​രിൽ ആരെങ്കി​ലും ദരിദ്രൻ ആയിത്തീർന്നാൽ, . . . നിന്റെ കൈ അവന്നു​വേണ്ടി ഔദാ​ര്യ​പൂർവം തുറന്ന്‌ അവന്റെ ബുദ്ധി​മു​ട്ടി​നു യോജി​ച്ച​വി​ധം അവന്‌ ആവശ്യ​മു​ള്ള​ത്ര​യും ഏതുവി​ധേ​ന​യും വായ്‌പ കൊടു​ക്കേണം.”

കുടും​ബ​വക ആട്ടുക​ല്ലോ രാത്രി​യിൽ തണുപ്പ​ക​റ​റാ​നുള്ള വസ്‌ത്ര​മോ പോലുള്ള അത്യാ​വശ്യ ജീവന​സാ​ധ​നങ്ങൾ കടം കൊടു​ത്തവർ കടക്കാ​ര​നിൽനി​ന്നു പിടി​ച്ചെ​ടു​ക്ക​രു​തെന്നു വ്യവസ്ഥ ചെയ്‌തി​രുന്ന നിയമ​ങ്ങ​ളി​ലും പ്രതി​ഫ​ലി​ച്ചതു സമാന​മായ ദയയും പരിഗ​ണ​ന​യും​ത​ന്നെ​യാണ്‌.—ആവർത്ത​ന​പു​സ്‌തകം 24:6, 10-13; യെഹെ​സ്‌കേൽ 18:5-9.

എല്ലാ യഹൂദ​രും തങ്ങളുടെ മഹാന്യാ​യാ​ധി​പ​നിൽനി​ന്നും നിയമ​ദാ​താ​വിൽനി​ന്നു​മുള്ള ഈ സ്‌നേ​ഹ​പു​ര​സ്സ​ര​മായ നിയമ​ങ്ങ​ളു​ടെ അന്തസ്സത്ത അംഗീ​ക​രിച്ച്‌ ബാധക​മാ​ക്കി​യി​ല്ലെ​ന്നത്‌ തീർച്ച​യാണ്‌. (യെശയ്യാ​വു 33:22) അത്യാ​ഗ്ര​ഹി​ക​ളായ ചില യഹൂദർ തങ്ങളുടെ സഹോ​ദ​രൻമാ​രോട്‌ ഇടപെ​ട്ടത്‌ വളരെ പരുഷ​മാ​യി​ട്ടാ​യി​രു​ന്നു. അപ്രതീ​ക്ഷിത ദുരി​തങ്ങൾ നേരി​ട്ട​തി​നാൽ ആ സമയത്ത്‌ പണം കൊടു​ക്കാ​നാ​വാത്ത ആത്മാർഥ​ത​യുള്ള ക്രിസ്‌ത്യാ​നി​ക​ളോ​ടു​പോ​ലും ഒരു മയവു​മി​ല്ലാത്ത, ന്യായ​യു​ക്ത​മ​ല്ലാത്ത ആവശ്യങ്ങൾ ഉന്നയി​ക്കുന്ന ചില നിക്ഷേ​പകർ ഇന്നുമുണ്ട്‌. (സഭാ​പ്ര​സം​ഗി 9:11) വഴക്കമി​ല്ലാ​ത്ത​തും സമ്മർദം ചെലു​ത്തു​ന്ന​തു​മായ അവരുടെ ആവശ്യ​ങ്ങൾകൊണ്ട്‌, ലോക​ക്കാ​രായ നിക്ഷേ​പകർ അത്തരം കടക്കാരെ തങ്ങളു​ടേ​തായ സംരക്ഷണം തേടാതെ നിർവാ​ഹ​മി​ല്ലെന്നു ചിന്തി​ക്കുന്ന അവസ്ഥയിൽ കൊ​ണ്ടെ​ത്തി​ച്ചേ​ക്കാം. എങ്ങനെ? ചില സംഭവ​ങ്ങ​ളിൽ നിക്ഷേ​പകർ അംഗീ​ക​രി​ക്കുന്ന ഒരേ ഒരു പോം​വഴി പാപ്പരാ​യി പ്രഖ്യാ​പി​ക്കു​ന്ന​തി​നുള്ള നിയമ​ന​ട​പ​ടി​യാ​യി​രി​ക്കും. അതു​കൊണ്ട്‌, അത്യാ​ഗ്ര​ഹി​യോ തന്റെ കടങ്ങളെ സംബന്ധി​ച്ചു ശ്രദ്ധക്കു​റവു കാണി​ക്കു​ന്ന​വ​നോ അല്ലാത്ത ഒരു ക്രിസ്‌ത്യാ​നി താൻ പാപ്പരാ​ണെന്നു പ്രഖ്യാ​പി​ച്ചു​കി​ട്ടാൻ നടപടി​യെ​ടു​ത്തേ​ക്കാം.

എന്നുവ​രി​കി​ലും, സംഗതി​യു​ടെ മറുവ​ശ​ത്തെ​ക്കു​റി​ച്ചും നമുക്കു ബോധ​മു​ണ്ടാ​യി​രി​ക്കണം. ഒരു ക്രിസ്‌ത്യാ​നി കടത്തി​ലാ​യി​പ്പോ​യത്‌ ചില​പ്പോൾ എന്തിൽ അഥവാ എത്രമാ​ത്രം ചെലവി​ട​ണ​മെ​ന്ന​തിൽ അദ്ദേഹം ആത്മസം​യ​മനം പാലി​ക്കാ​ഞ്ഞി​ട്ടാ​വാം. അല്ലെങ്കിൽ ബിസി​നസ്സ്‌ തീരു​മാ​ന​ങ്ങ​ളിൽ ന്യായ​യു​ക്ത​മായ ദീർഘ​വീ​ക്ഷണം പുലർത്താ​ഞ്ഞി​ട്ടാ​വാം. എന്തു ചെയ്യാ​മെന്ന മട്ടിൽ അയാൾ നിർവി​കാ​രത പ്രകടി​പ്പി​ക്കു​ന്നെ​ങ്കിൽ, പാപ്പരാ​ണെ​ന്നുള്ള പ്രഖ്യാ​പനം നേടി പെട്ടെന്നു തടിത​പ്പു​ന്നെ​ങ്കിൽ, അങ്ങനെ മോശ​മായ തന്റെ കണക്കു​കൂ​ട്ട​ലു​ക​ളു​ടെ ഫലമായി മററു​ള്ള​വരെ ദ്രോ​ഹി​ക്കു​ന്നെ​ങ്കിൽ അതു നീതി​യാ​യി​രി​ക്കു​മോ? സാമ്പത്തി​ക​മായ അത്തരം നിരു​ത്ത​ര​വാ​ദി​ത്വം ബൈബിൾ അംഗീ​ക​രി​ക്കു​ന്നില്ല. ഉവ്വ്‌ എന്നതിന്‌ ഉവ്വ്‌ എന്നു മാത്രമേ അർഥമു​ണ്ടാ​യി​രി​ക്കാ​വൂ എന്നാണു ബൈബിൾ ദൈവ​ദാ​സ​നോട്‌ ആവശ്യ​പ്പെ​ടു​ന്നത്‌. (മത്തായി 5:37) ഒരു ഗോപു​രം പണിയു​ന്ന​തി​നു മുമ്പു കണക്കു കൂട്ടണ​മെ​ന്നതു സംബന്ധി​ച്ചുള്ള യേശു​വി​ന്റെ അഭി​പ്രാ​യ​വും അനുസ്‌മ​രി​ക്കുക. (ലൂക്കൊസ്‌ 14:28-30) അതി​നോ​ടുള്ള ചേർച്ച​യിൽ, കടം വാങ്ങു​ന്ന​തി​നു​മു​മ്പു നഷ്ടസാ​ധ്യ​ത​ക​ളെ​ക്കു​റി​ച്ചെ​ല്ലാം ഒരു ക്രിസ്‌ത്യാ​നി ഗൗരവ​മാ​യി ചിന്തി​ക്കണം. ഒരിക്കൽ കടം വാങ്ങി​യാൽപ്പി​ന്നെ, വ്യക്തി​കൾക്കോ സ്ഥാപന​ങ്ങൾക്കോ താൻ കൊടു​ക്കേണ്ട പണം തിരി​ച്ചു​കൊ​ടു​ക്കാ​നുള്ള ഉത്തരവാ​ദി​ത്വ​ത്തെ​ക്കു​റിച്ച്‌ അയാൾക്കു ബോധ​മു​ണ്ടാ​യി​രി​ക്കണം. ഒരു ക്രിസ്‌ത്യാ​നി ഉത്തരവാ​ദി​ത്വ​മി​ല്ലാ​ത്ത​വ​നോ അവിശ്വ​സ്‌ത​നോ ആയിരു​ന്നു​വെന്ന്‌ അനേക​രും മനസ്സി​ലാ​ക്കി​യാൽ അതിനർഥം അയാൾ അധ്വാ​നി​ച്ചു നേടി​യെ​ടുത്ത തന്റെ സൽപ്പേ​രി​നു കളങ്കം ചാർത്തി​ക്ക​ഴി​ഞ്ഞു​വെ​ന്നാണ്‌. അയാ​ളെ​ക്കു​റിച്ച്‌ ഇനി മററു​ള്ളവർ നല്ല സാക്ഷ്യം കൊടു​ക്കില്ല.—1 തിമൊ​ഥെ​യൊസ്‌ 3:2, 7.

യഹോവ സ്വാഗ​ത​മ​രു​ളു​ന്നത്‌ ഏതുതരം വ്യക്തി​യെ​യാണ്‌ എന്നതി​നെ​പ്പ​ററി നമ്മോടു പറയുന്ന സങ്കീർത്തനം 15:4 അനുസ്‌മ​രി​ക്കുക. നാം ഇങ്ങനെ വായി​ക്കു​ന്നു: ‘[ദൈവ​ത്തി​ന്റെ അംഗീ​കാ​ര​മു​ള്ളവൻ] സത്യം​ചെ​യ്‌തി​ട്ടു ചേതം വന്നാലും മാറാത്തവ’നാണ്‌. അതേ, തങ്ങളോട്‌ ഇടപെ​ടാൻ ആഗ്രഹി​ക്കുന്ന വിധത്തിൽത്തന്നെ ക്രിസ്‌ത്യാ​നി​കൾ തങ്ങളുടെ നിക്ഷേ​പ​ക​രോട്‌ ഇടപെ​ട​ണ​മെ​ന്നാ​ണു ദൈവം പ്രതീ​ക്ഷി​ക്കു​ന്നത്‌.—മത്തായി 7:12.

ചുരു​ക്കി​പ്പ​റ​ഞ്ഞാൽ, പാപ്പരാ​യി പ്രഖ്യാ​പി​ക്കു​ന്നതു സംബന്ധിച്ച കൈസ​റു​ടെ നിയമ​ങ്ങ​ളിൽനിന്ന്‌ അപൂർവം ചില സാഹച​ര്യ​ങ്ങ​ളിൽ ക്രിസ്‌ത്യാ​നി​കൾക്കു സംരക്ഷണം നേടാ​നാ​വു​മെന്ന സാധ്യ​തയെ ബൈബിൾ തള്ളിക്ക​ള​യു​ന്നില്ല. എന്നുവ​രി​കി​ലും, ക്രിസ്‌ത്യാ​നി​കൾ അസാമാ​ന്യ​മാം​വി​ധം സത്യസ​ന്ധ​രും വിശ്വ​സ്‌ത​രു​മാ​യി​രി​ക്കണം. അങ്ങനെ, സാമ്പത്തിക കടപ്പാ​ടു​കൾ നിറ​വേ​റ​റാ​നുള്ള തങ്ങളുടെ ആത്മാർഥ​മായ ആഗ്രഹ​ത്തിൽ അവർ മാതൃ​ക​യാ​യി​രി​ക്കണം.