വായന​ക്കാ​രിൽനി​ന്നുള്ള ചോദ്യ​ങ്ങൾ

ആദിമ ഭരണസം​ഘ​ത്തി​നു​വേണ്ടി ഒരേ വർഗീയ, ദേശീയ പശ്ചാത്ത​ല​മുള്ള പുരു​ഷൻമാ​രെ തിര​ഞ്ഞെ​ടു​ത്ത​തിൽ ദൈവം പക്ഷപാ​തി​ത്വ​മു​ള്ള​വ​നാ​യി​രു​ന്നു​വോ—എല്ലാവ​രും യഹൂദൻമാ​രാ​യി​രു​ന്ന​ല്ലോ?

അല്ല, തീർച്ച​യാ​യും അല്ലായി​രു​ന്നു. ശിഷ്യ​രെന്ന നിലയിൽ യേശു ആദ്യം വിളി​ച്ച​വ​രെ​ല്ലാം യഹൂദൻമാ​രാ​യി​രു​ന്നു. പിന്നീട്‌, പൊ.യു. 33-ലെ പെന്ത​ക്കോ​സ്‌തിൽ ആദ്യം പരിശു​ദ്ധാ​ത്മാ​വി​നാൽ അഭി​ഷേ​കം​ചെ​യ്യ​പ്പെ​ട്ട​തും സ്വർഗ​ത്തിൽ ക്രിസ്‌തു​വി​നോ​ടു​കൂ​ടെ വാഴാൻ യോഗ്യത നേടി​യ​തും യഹൂദൻമാ​രും യഹൂദ​മ​താ​നു​സാ​രി​ക​ളു​മാ​യി​രു​ന്നു. പിൽക്കാ​ലത്തു മാത്രമേ ശമര്യ​ക്കാ​രും പരിച്‌ഛേ​ദ​ന​യേൽക്കാത്ത വിജാ​തീയ പരിവർത്തി​ത​രും ഉൾപ്പെ​ട്ടു​ള്ളു. അതു​കൊണ്ട്‌, പ്രവൃ​ത്തി​കൾ 15:2-ൽ പറഞ്ഞി​രി​ക്കു​ന്ന​തു​പോ​ലെ “അപ്പോ​സ്‌ത​ലൻമാ​രും യെരൂ​ശ​ലേ​മി​ലെ മൂപ്പൻമാ​രു”മായ യഹൂദൻമാർ ചേർന്ന്‌ ഉളവാ​യ​താ​യി​രു​ന്നു ആ കാലത്തെ ഭരണസം​ഘ​മെന്നു മനസ്സി​ലാ​ക്കാം. ഇവർ തിരു​വെ​ഴു​ത്തു​പ​ര​മായ പരിജ്ഞാ​നം സംബന്ധിച്ച്‌ ആഴമായ ഗ്രാഹ്യ​വും സത്യാ​രാ​ധ​ന​യിൽ വർഷങ്ങ​ളു​ടെ അനുഭ​വ​പ​രി​ച​യ​വും ഉണ്ടായി​രുന്ന പുരു​ഷ​ന്മാ​രാ​യി​രു​ന്നു, അവർക്കു പക്വത​യുള്ള ക്രിസ്‌തീയ മൂപ്പൻമാ​രാ​യി വളരു​ന്ന​തി​നു കൂടുതൽ സമയവു​മു​ണ്ടാ​യി​രു​ന്നു.—താരത​മ്യം ചെയ്യുക: റോമർ 3:1, 2.

പ്രവൃ​ത്തി​കൾ 15-ാം അധ്യാ​യ​ത്തിൽ വിവരി​ച്ചി​രി​ക്കുന്ന ഭരണസം​ഘ​ത്തി​ന്റെ ആ യോഗ​സ​മ​യ​മാ​യ​പ്പോ​ഴേക്ക്‌, അനേകം വിജാ​തീ​യർ ക്രിസ്‌ത്യാ​നി​ക​ളാ​യി​ത്തീർന്നി​രു​ന്നു. അതിൽ ആഫ്രി​ക്ക​ക്കാ​രും യൂറോ​പ്യൻമാ​രും മററു പ്രദേ​ശ​ങ്ങ​ളിൽനി​ന്നു​ള്ള​വ​രു​മു​ണ്ടാ​യി​രു​ന്നു. എന്നിരു​ന്നാ​ലും, ക്രിസ്‌ത്യാ​നി​ത്വ​ത്തെ യഹൂ​ദേ​ത​രർക്ക്‌ ആകർഷ​ക​മാ​ക്കു​ന്ന​തിന്‌ ഏതെങ്കി​ലും വിജാ​തീ​യരെ ഭരണസം​ഘ​ത്തിൽ ചേർത്തു​വെ​ന്ന​തി​നു രേഖയില്ല. പുതു​താ​യി പരിവർത്ത​നം​ചെയ്‌ത ഈ വിജാ​തീയ ക്രിസ്‌ത്യാ​നി​കൾ “ദൈവ​ത്തി​ന്റെ ഇസ്രാ​യേ​ലിൽ” തുല്യാം​ഗ​ങ്ങ​ളാ​യി​രു​ന്നു, എന്നിരു​ന്നാ​ലും, അവർ അന്നു ഭരണസം​ഘ​ത്തി​ന്റെ ഭാഗമാ​യി​രുന്ന അപ്പോ​സ്‌ത​ലൻമാ​രെ​പ്പോ​ലെ​യുള്ള യഹൂദ​ക്രി​സ്‌ത്യാ​നി​ക​ളു​ടെ പക്വത​യെ​യും ഏറിയ അനുഭ​വ​പ​രി​ച​യ​ത്തെ​യും ആദരി​ക്കു​മാ​യി​രു​ന്നു. (ഗലാത്യർ 6:16) അത്തരം അനുഭവം എത്ര ശ്രേഷ്‌ഠ​മാ​യി വീക്ഷി​ക്ക​പ്പെ​ട്ടു​വെന്നു പ്രവൃ​ത്തി​കൾ 1:21, 22-ൽ ശ്രദ്ധി​ക്കുക.—എബ്രായർ 2:3; 2 പത്രൊസ്‌ 1:18; 1 യോഹ​ന്നാൻ 1:1-3.

അനേകം നൂററാ​ണ്ടു​ക​ളിൽ ദൈവം ഇസ്രാ​യേൽ ജനതയു​മാ​യി ഒരു പ്രത്യേക വിധത്തിൽ ഇടപെ​ട്ടി​രു​ന്നു, അവരിൽനി​ന്നാ​ണു യേശു തന്റെ അപ്പോ​സ്‌ത​ലൻമാ​രെ തിര​ഞ്ഞെ​ടു​ത്തത്‌. ഇപ്പോൾ തെക്കേ അമേരി​ക്ക​യോ ആഫ്രി​ക്ക​യോ വിദൂര പൂർവ​ദേ​ശ​മോ ആയിരി​ക്കു​ന്നി​ട​ത്തു​നിന്ന്‌ അപ്പോ​സ്‌ത​ലൻമാർ ഉണ്ടാകാ​ഞ്ഞതു തെറേറാ അനീതി​യോ ആയിരു​ന്നില്ല. തക്കസമ​യത്ത്‌ ആ സ്ഥലങ്ങളിൽനി​ന്നുള്ള സ്‌ത്രീ​പു​രു​ഷ​ന്മാർക്ക്‌ ഭൂമി​യിൽ ഒരു അപ്പോ​സ്‌ത​ല​നോ ഒന്നാം നൂററാ​ണ്ടി​ലെ ഭരണസം​ഘ​ത്തി​ന്റെ ഒരു അംഗമോ ആയിത്തീ​രു​ന്ന​തി​നെ​ക്കാൾ അല്ലെങ്കിൽ ഇന്നു ദൈവ​ജ​ന​ത്തി​ന്റെ ഇടയിലെ മറേറ​തെ​ങ്കി​ലും നിയമനം ലഭിക്കു​ന്ന​തി​നെ​ക്കാൾ മഹത്തര​മായ പദവികൾ നേടു​ന്ന​തി​നുള്ള അവസരം ലഭിക്കു​മാ​യി​രു​ന്നു.—ഗലാത്യർ 3:27-29.

“ദൈവ​ത്തി​നു മുഖപ​ക്ഷ​മില്ല എന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും” പ്രസ്‌താ​വി​ക്കാൻ ഒരു അപ്പോ​സ്‌തലൻ പ്രേരി​ത​നാ​യി. (പ്രവൃ​ത്തി​കൾ 10:34, 35) അതേ, ക്രിസ്‌തു​വി​ന്റെ മറുവി​ല​യു​ടെ പ്രയോ​ജനം പക്ഷപാ​തി​ത്വം കൂടാതെ സകലർക്കും ലഭ്യമാണ്‌. സകല ഗോ​ത്ര​ത്തിൽനി​ന്നും ഭാഷയിൽനി​ന്നും ജനതക​ളിൽനി​ന്നു​മുള്ള വ്യക്തികൾ സ്വർഗീ​യ​രാ​ജ്യ​ത്തി​ലും ഭൂമി​യിൽ എന്നേക്കും ജീവി​ക്കാൻപോ​കുന്ന മഹാപു​രു​ഷാ​ര​ത്തി​ലും ഉൾപ്പെ​ടു​ത്ത​പ്പെ​ടും.

അനേകം ആളുക​ളും വർഗമോ ഭാഷയോ ദേശീ​യ​പ​ശ്ചാ​ത്ത​ല​മോ സംബന്ധിച്ച്‌ അങ്ങേയ​ററം താത്‌പ​ര്യ​മു​ള്ള​വ​രാ​യി​ത്തീ​രാ​റുണ്ട്‌. ഗ്രീക്കു സംസാ​രി​ക്കുന്ന ക്രിസ്‌ത്യാ​നി​കൾക്കും എബ്രായ സംസാ​രി​ക്കുന്ന ക്രിസ്‌ത്യാ​നി​കൾക്കും ഇടയിൽ പിറു​പി​റു​പ്പി​നു കാരണ​മായ ഒരു പ്രശ്‌ന​ത്തെ​ക്കു​റിച്ച്‌ പ്രവൃ​ത്തി​കൾ 6:1-ൽ നാം വായി​ക്കു​ന്നത്‌ ഇതിന്റെ ഒരു ദൃഷ്ടാ​ന്ത​മാണ്‌. ഭാഷ, വർഗം, വംശപ​ശ്ചാ​ത്തലം, അല്ലെങ്കിൽ ലിംഗ​ഭേദം എന്നിവ​യെ​ക്കു​റിച്ച്‌ ഇപ്പോൾ കാണു​ന്ന​തു​പോ​ലുള്ള അമിതാ​വേ​ശ​ത്തിൽ വളർന്നു​വ​രു​ക​യോ നാം അതിൽ ആമഗ്നരാ​വു​ക​യോ ചെയ്‌തി​രി​ക്കാം. ആ യഥാർഥ സാധ്യ​ത​യു​ടെ​തന്നെ വെളി​ച്ച​ത്തിൽ, ദൈവ​ത്തി​ന്റെ വീക്ഷണ​പ്ര​കാ​രം നമ്മുടെ വികാ​ര​ങ്ങ​ളെ​യും പ്രതി​ക​ര​ണ​ങ്ങ​ളെ​യും കരുപ്പി​ടി​പ്പി​ക്കാൻ നാം സുനി​ശ്ചിത ശ്രമം ചെയ്യു​ന്നത്‌ ഉചിത​മാണ്‌, നമ്മുടെ ബാഹ്യ​പ്ര​കൃ​തം എന്തായി​രു​ന്നാ​ലും നാമെ​ല്ലാം മനുഷ്യ​രാ​ണെ​ന്നു​ള്ള​താണ്‌ ആ വീക്ഷണം. മൂപ്പൻമാർക്കും ശുശ്രൂ​ഷാ​ദാ​സൻമാർക്കും വേണ്ടി​യുള്ള യോഗ്യ​തകൾ ദൈവം രേഖ​പ്പെ​ടു​ത്തി​ച്ച​പ്പോൾ അവൻ വർഗീയ, ദേശീയ പശ്ചാത്ത​ല​ത്തെ​ക്കു​റി​ച്ചു യാതൊ​ന്നും സൂചി​പ്പി​ച്ചില്ല. ഇല്ല, സേവി​ക്കാൻ തയ്യാറു​ള്ള​വ​രു​ടെ ആത്മീയ​യോ​ഗ്യ​ത​ക​ളി​ലാണ്‌ അവൻ ശ്രദ്ധ കേന്ദ്രീ​ക​രി​ച്ചത്‌. ഒന്നാം നൂററാ​ണ്ടിൽ ദൈവം ഭരണസം​ഘത്തെ രൂപവൽക്ക​രി​ച്ച​പ്പോൾ അതു സത്യമാ​യി​രു​ന്നു, അതു​പോ​ലെ​തന്നെ, അതു സ്ഥലത്തെ മൂപ്പൻമാ​രെ​യും സഞ്ചാര​മേൽവി​ചാ​ര​കൻമാ​രെ​യും ഇന്നത്തെ ബ്രാഞ്ചു ഭാരവാ​ഹി​ക​ളെ​യും സംബന്ധി​ച്ചും സത്യം​തന്നെ.