വായന​ക്കാ​രിൽനി​ന്നുള്ള ചോദ്യ​ങ്ങൾ

യഹോവയുടെ സാക്ഷി​ക​ളിൽ പലരും വിവാഹ വാർഷി​കം ആഘോ​ഷി​ക്കു​ന്നു. ജന്മദിനം ജനിച്ച ദിവസ​ത്തി​ന്റെ വാർഷി​കം ആണല്ലോ. അപ്പോൾ, വിവാഹ വാർഷി​കം ആഘോ​ഷി​ക്കു​ന്ന​തും ജന്മവാർഷി​കം ആഘോ​ഷി​ക്കാ​ത്ത​തും എന്തു​കൊണ്ട്‌?

വാസ്‌ത​വ​ത്തിൽ, ഒരു ക്രിസ്‌ത്യാ​നി രണ്ടും ആഘോ​ഷി​ക്കേ​ണ്ട​തില്ല. എന്നാൽ, അവയ്‌ക്കു രണ്ടിനും ഒരേ പ്രാധാ​ന്യ​മാണ്‌ ഉള്ളതെ​ന്നോ ക്രിസ്‌ത്യാ​നി​കൾ ജന്മദിന ആഘോ​ഷ​ങ്ങളെ വീക്ഷി​ക്കു​ന്ന​തു​പോ​ലെ വിവാഹ വാർഷിക ആഘോ​ഷ​ങ്ങളെ വീക്ഷി​ക്ക​ണ​മെ​ന്നോ അതിന്‌ അർഥമില്ല.

രണ്ടും വാർഷി​കങ്ങൾ തന്നെയാണ്‌. കാരണം, “വാർഷി​കം” എന്നത്‌ ‘ഏതെങ്കി​ലും ഒരു സംഭവം നടന്ന തീയതി​യു​ടെ വാർഷിക ആവർത്ത​ന​മാണ്‌.’ ഏതൊരു സംഭവ​ത്തി​നും വാർഷി​ക​മുണ്ട്‌—നിങ്ങൾ ഒരു വാഹനാ​പ​ക​ട​ത്തിൽപ്പെട്ട ദിവസം, ഒരു ചന്ദ്ര​ഗ്ര​ഹണം കണ്ട ദിവസം, കുടും​ബ​ത്തോ​ടൊ​ത്തു നീന്താൻ പോയ ദിവസം എന്നിങ്ങനെ പലതി​നും. വ്യക്തമാ​യും, ക്രിസ്‌ത്യാ​നി​കൾ ഓരോ “വാർഷിക”ത്തെയും ഒരു വിശേ​ഷ​ദി​ന​മോ ആഘോ​ഷ​മോ ആക്കുന്നില്ല. ഒരു സംഭവ​ത്തി​ന്റെ വിവിധ വശങ്ങൾ പരി​ശോ​ധിച്ച്‌ ഉചിത​മാ​യി​രി​ക്കു​ന്നത്‌ എന്താ​ണെന്ന്‌ ഒരുവൻ തീരു​മാ​നി​ക്കേ​ണ്ട​തുണ്ട്‌.

ഉദാഹ​ര​ണ​ത്തിന്‌, പൊ.യു.മു. 1513-ൽ ദൈവ​ത്തി​ന്റെ ദൂതൻ ഈജി​പ്‌തി​ലെ ഇസ്രാ​യേ​ല്യ​രു​ടെ ഭവനങ്ങളെ കടന്നു​പോ​യ​തും തുടർന്ന്‌ അവന്റെ ജനത പുറ​പ്പെട്ടു പോന്ന​തു​മായ ദിവസം വാർഷി​ക​മാ​യി ആഘോ​ഷി​ക്ക​ണ​മെന്നു ദൈവം ഇസ്രാ​യേ​ല്യ​രോ​ടു പ്രത്യേ​ക​മാ​യി നിർദേ​ശി​ച്ചി​രു​ന്നു. (പുറപ്പാ​ടു 12:14) യേശു ഉൾപ്പെ​ടെ​യുള്ള യഹൂദ​ന്മാർ വർഷം തോറും അത്‌ ആചരിച്ചു. ദൈവ​കൽപ്പ​ന​യോ​ടുള്ള അനുസ​രണം ആയിരു​ന്നു അത്‌. എന്നാൽ ആ അവസര​ത്തിൽ പാർട്ടി​യോ സമ്മാന​ദാ​ന​മോ ഉണ്ടായി​രു​ന്നില്ല. ആലയ പുനഃ​സ​മർപ്പ​ണ​ത്തി​ന്റെ വാർഷി​ക​ത്തി​നും യഹൂദ​ന്മാർ പ്രത്യേ​കത കൽപ്പി​ച്ചി​രു​ന്നു. ഈ ചരിത്ര സംഭവ​ത്തി​ന്റെ സ്‌മര​ണാ​ച​രണം നടത്തണ​മെന്നു ബൈബി​ളിൽ കൽപ്പി​ച്ചി​രു​ന്നി​ല്ലെ​ങ്കി​ലും, യേശു ആ ആചരണത്തെ വിമർശി​ച്ചി​ല്ലെന്നു യോഹ​ന്നാൻ 10:22, 23 സൂചി​പ്പി​ക്കു​ന്നു. ഒടുവിൽ, യേശു​വി​ന്റെ മരണത്തി​ന്റെ വാർഷി​ക​വേ​ള​യിൽ ക്രിസ്‌ത്യാ​നി​കൾ, ദൈവ​വ​ച​ന​ത്തി​ലെ വ്യക്തമായ ഒരു കൽപ്പന അനുസ​രി​ച്ചു​കൊണ്ട്‌, ഒരു വിശേഷ യോഗം നടത്തുന്നു.—ലൂക്കൊസ്‌ 22:19, 20.

വിവാഹ വാർഷി​ക​ങ്ങ​ളു​ടെ കാര്യ​മോ? ചില രാജ്യ​ങ്ങ​ളിൽ, ഭാര്യാ​ഭർത്താ​ക്ക​ന്മാർ തങ്ങൾ വിവാ​ഹി​ത​രായ ദിവസത്തെ സവി​ശേ​ഷ​ത​യോ​ടെ വീക്ഷി​ക്കു​ന്നതു സാധാ​ര​ണ​മാണ്‌—ദൈവം തുടക്ക​മിട്ട ഒരു ക്രമീ​ക​ര​ണ​മാണ്‌ വിവാഹം. (ഉല്‌പത്തി 2:18-24; മത്തായി 19:4-6) തീർച്ച​യാ​യും ബൈബിൾ വിവാ​ഹ​ത്തി​നു മോശ​മായ ഒരു പരി​വേഷം കൽപ്പി​ക്കു​ന്നില്ല. യേശു ഒരു വിവാഹ ആഘോ​ഷ​ത്തിൽ പങ്കെടു​ക്കു​ക​യും ആ സന്ദർഭ​ത്തി​ന്റെ സന്തോഷം വർധി​പ്പി​ക്കു​ക​യും ചെയ്‌തു.—യോഹ​ന്നാൻ 2:1-11.

ഒരു ദമ്പതികൾ തങ്ങളുടെ വിവാഹ സന്തോ​ഷത്തെ കുറിച്ചു വിചി​ന്തനം ചെയ്യാ​നും ഭാര്യാ​ഭർത്താ​ക്ക​ന്മാർ എന്ന നിലയിൽ വിജയ​ത്തി​നാ​യി പരി​ശ്ര​മി​ക്കാ​നുള്ള ദൃഢനി​ശ്ചയം പുതു​ക്കാ​നും വിവാഹ വാർഷി​കം ആഘോ​ഷി​ക്കു​ന്നത്‌ സ്വാഭാ​വി​ക​മാണ്‌. ഈ സന്തോ​ഷ​ക​ര​മായ സന്ദർഭ​ത്തി​ന്റെ ആഘോഷം അവർ മാത്ര​മാ​യി നടത്തണ​മോ അതോ കുറെ ബന്ധുക്കളെ അല്ലെങ്കിൽ അടുത്ത സുഹൃ​ത്തു​ക്കളെ ഉൾപ്പെ​ടു​ത്തി വേണമോ എന്നെല്ലാം തീരു​മാ​നി​ക്കേ​ണ്ടത്‌ അവരാണ്‌. ഒരു വലിയ സാമൂ​ഹിക കൂടി​വ​ര​വി​നുള്ള ഒഴിക​ഴി​വാ​യി ആ സന്ദർഭത്തെ ഉപയോ​ഗ​പ്പെ​ടു​ത്ത​രുത്‌. തങ്ങളുടെ അനുദിന ജീവി​ത​ത്തിൽ ബാധക​മാ​കുന്ന തത്ത്വങ്ങൾതന്നെ ആ അവസര​ത്തി​ലും പിൻപ​റ്റാൻ ക്രിസ്‌ത്യാ​നി​കൾ ആഗ്രഹി​ക്കണം. അതു​കൊണ്ട്‌, വിവാഹ വാർഷി​കം ആഘോ​ഷി​ക്ക​ണ​മോ വേണ്ടയോ എന്നത്‌ വ്യക്തി​പ​ര​മായ കാര്യ​മാണ്‌.—റോമർ 13:13, 14.

എന്നിരു​ന്നാ​ലും, ജന്മദിന ആഘോ​ഷ​ത്തി​ന്റെ കാര്യ​മോ? അത്തരം ഒരു വാർഷിക ആഘോ​ഷ​ത്തെ​ക്കു​റി​ച്ചു ബൈബി​ളിൽ വല്ല സൂചന​ക​ളു​മു​ണ്ടോ?

ഈ നൂറ്റാ​ണ്ടി​ന്റെ ആരംഭ​ഘ​ട്ട​ത്തിൽ ബൈബിൾ വിദ്യാർഥി​കൾ—യഹോ​വ​യു​ടെ സാക്ഷികൾ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—ജന്മദി​ന​ങ്ങൾക്കു പ്രത്യേക പ്രാധാ​ന്യം കൊടു​ത്തി​രു​ന്നു. ദൈനം​ദിന സ്വർഗീയ മന്ന എന്നു വിളി​ക്ക​പ്പെ​ട്ടി​രുന്ന ചെറിയ പുസ്‌ത​കങ്ങൾ അവരിൽ പലരും സൂക്ഷി​ച്ചി​രു​ന്നു. അതിൽ ഓരോ ദിവസ​ത്തേ​ക്കു​മുള്ള ഒരു ബൈബിൾ വാക്യം അടങ്ങി​യി​രു​ന്നു. പല ക്രിസ്‌ത്യാ​നി​ക​ളും അതിൽ സഹവി​ശ്വാ​സി​ക​ളു​ടെ ജന്മദി​നങ്ങൾ അടയാ​ള​പ്പെ​ടു​ത്തി ചെറിയ ഫോ​ട്ടോ​കൾ ആ പേജു​ക​ളിൽ പതിപ്പി​ച്ചു​വെ​ച്ചി​രു​ന്നു. മാത്രമല്ല, 1909 ഫെബ്രു​വരി 15 ലക്കം വീക്ഷാ​ഗോ​പു​രം (ഇംഗ്ലീഷ്‌) പറയു​ന്ന​ത​നു​സ​രിച്ച്‌, യു.എസ്‌.എ.-യിലുള്ള ഫ്‌ളോ​റി​ഡ​യി​ലെ ജാക്‌സൺവില്ല കൺ​വെൻ​ഷ​നിൽ സൊ​സൈ​റ്റി​യു​ടെ അന്നത്തെ പ്രസി​ഡ​ന്റാ​യി​രുന്ന റസ്സൽ സഹോ​ദ​രനെ സ്റ്റേജി​ലേക്ക്‌ വരുത്തു​ക​യു​ണ്ടാ​യി. എന്തിന്‌? ജന്മദിന സമ്മാന​മാ​യി കുറെ ബോക്‌സു​ക​ളിൽ മുന്തി​രി​യും കൈത​ച്ച​ക്ക​യും ഓറഞ്ചു​മൊ​ക്കെ അദ്ദേഹ​ത്തിന്‌ കൊടു​ക്കാ​നാ​യി​രു​ന്നു. അതൊരു കഴിഞ്ഞ​കാല വീക്ഷണം നൽകുന്നു. സാന്ദർഭി​ക​മാ​യി പറഞ്ഞാൽ, ആ കാലഘ​ട്ട​ത്തിൽ സഹോ​ദ​രങ്ങൾ യേശു​വി​ന്റെ ജന്മവാർഷി​ക​മാ​യി, അല്ലെങ്കിൽ ജന്മദി​ന​മാ​യി, ഡിസംബർ 25 ആഘോ​ഷി​ച്ചി​രു​ന്നു എന്നും ഓർക്കുക. ബ്രുക്ലിൻ ആസ്ഥാനത്ത്‌ ക്രിസ്‌മസ്‌ ഡിന്നർ നടത്തു​ന്നതു പോലും പതിവാ​യി​രു​ന്നു.

തീർച്ച​യാ​യും, അക്കാല​ത്തി​നു ശേഷം ദൈവ​ജനം പല വിധങ്ങ​ളി​ലും ആത്മീയ​മാ​യി വളർന്നി​രി​ക്കു​ന്നു. 1920-കളിൽ, സത്യം സംബന്ധിച്ച വർധിച്ച ഗ്രാഹ്യം പിൻവ​രുന്ന കാര്യങ്ങൾ മനസ്സി​ലാ​ക്കാൻ അവരെ പ്രാപ്‌ത​രാ​ക്കി:

യേശു ജനിച്ചത്‌ ഡിസംബർ 25-ന്‌ അല്ല. അതു പുറജാ​തീയ മതവു​മാ​യി ബന്ധപ്പെട്ട തീയതി​യാണ്‌. ബൈബിൾ നമ്മോട്‌ ആവശ്യ​പ്പെ​ടു​ന്നതു യേശു​വി​ന്റെ മരണത്തീ​യതി അനുസ്‌മ​രി​ക്കാ​നാണ്‌, അവന്റെ​യോ മറ്റാരു​ടെ​യെ​ങ്കി​ലു​മോ ജനനത്തി​ന്റെ വാർഷി​കം ആഘോ​ഷി​ക്കാ​നല്ല. അത്‌ സഭാ​പ്ര​സം​ഗി 7:1-നോടും വിശ്വ​സ്‌ത​നായ ഒരാളു​ടെ ജീവിതം എങ്ങനെ പര്യവ​സാ​നി​ക്കു​ന്നു എന്നതാണ്‌ അയാളു​ടെ ജനന ദിവസ​ത്തെ​ക്കാൾ പ്രധാ​ന​മെന്ന വസ്‌തു​ത​യോ​ടും യോജി​ക്കു​ന്നു. വിശ്വസ്‌ത ദാസന്മാർ ആരെങ്കി​ലും തങ്ങളുടെ ജന്മദിനം ആഘോ​ഷി​ച്ച​തി​ന്റെ രേഖ ബൈബി​ളിൽ ഇല്ല. എന്നാൽ, പുറജാ​തി​കൾ ജന്മദിനം ആഘോ​ഷി​ച്ച​താ​യി അതു പറയു​ന്നുണ്ട്‌. ആ അവസര​ങ്ങ​ളോ​ടു ബന്ധപ്പെട്ട്‌ ക്രൂര​മായ പ്രവൃ​ത്തി​കൾ അരങ്ങേ​റു​ക​യും ചെയ്‌തു. ആ ജന്മദിന വാർഷി​ക​ങ്ങ​ളു​ടെ പശ്ചാത്തലം നമു​ക്കൊ​ന്നു പരി​ശോ​ധി​ക്കാം.

യോ​സേ​ഫി​ന്റെ നാളിലെ ഫറവോ​ന്റെ ജന്മദി​ന​മാ​യി​രു​ന്നു ആദ്യ​ത്തേത്‌. (ഉല്‌പത്തി 40:20-23) ഇതു സംബന്ധിച്ച്‌ ഹേസ്റ്റി​ങ്‌സി​ന്റെ മത-സദാചാര വിജ്ഞാ​ന​കോ​ശ​ത്തി​ലെ (ഇംഗ്ലീഷ്‌) ജന്മദി​നങ്ങൾ സംബന്ധി​ച്ചുള്ള ലേഖനം തുടങ്ങു​ന്നത്‌ ഇങ്ങനെ​യാണ്‌: “ജന്മദിനം അനുസ്‌മ​രി​ക്കുന്ന രീതി അതിന്റെ സ്വഭാ​വ​ത്തിൽ കാലഗ​ണ​ന​യോ​ടും അന്തഃസ​ത്ത​യിൽ ചില പ്രാചീന മതതത്ത്വ​ങ്ങ​ളോ​ടും ബന്ധപ്പെ​ട്ടി​രി​ക്കു​ന്നു.” പിന്നീട്‌ ആ വിജ്ഞാ​ന​കോ​ശം ഈജി​പ്‌ഷ്യൻ വിജ്ഞാ​നി​യായ സർ ജെ. ഗാർഡ്‌നർ വിൽക്കൻസൺ പിൻവ​രുന്ന പ്രകാരം എഴുതി​യ​താ​യി ഉദ്ധരി​ക്കു​ന്നു: “ഓരോ ഈജി​പ്‌തു​കാ​ര​നും താൻ ജനിച്ച ദിവസ​ത്തിന്‌, നാഴി​ക​യ്‌ക്കു പോലും, പ്രാധാ​ന്യം കൽപ്പി​ച്ചി​രു​ന്നു; പേർഷ്യ​യി​ലെ​പ്പോ​ലെ ഓരോ വ്യക്തി​യും തന്റെ ജന്മദിനം വലിയ സന്തോ​ഷ​ത്തോ​ടെ ആചരി​ച്ചി​രി​ക്കാ​നാണ്‌ സാധ്യത. ആ സന്ദർഭ​ത്തിൽ സമൂഹ​ത്തി​ലെ സകല വിനോ​ദ​ങ്ങ​ളും സമൃദ്ധ​മായ മധുര പലഹാ​ര​ങ്ങ​ളും ഒരുക്കി​ക്കൊണ്ട്‌ അയാൾ സ്‌നേ​ഹി​തരെ സ്വാഗതം ചെയ്യു​മാ​യി​രു​ന്നു.”

ബൈബി​ളിൽ പറഞ്ഞി​രി​ക്കുന്ന മറ്റൊരു ജന്മദിന ആഘോഷം ഹെരോ​ദാ​വി​ന്റെ​താണ്‌. ആ സന്ദർഭ​ത്തിൽ സ്‌നാപക യോഹ​ന്നാ​ന്റെ തല ഛേദി​ക്ക​പ്പെട്ടു. (മത്തായി 14:6-10) ദി ഇന്റർനാ​ഷണൽ സ്റ്റാൻഡേർഡ്‌ ബൈബിൾ എൻ​സൈ​ക്ലോ​പീ​ഡിയ (1979-ലെ പതിപ്പ്‌) ഈ ഉൾക്കാഴ്‌ച നൽകുന്നു: “യവനസം​സ്‌കാര വ്യാപ​ന​ത്തി​നു മുമ്പുള്ള ഗ്രീക്കു​കാർ ദേവന്മാ​രു​ടെ​യും പ്രമുഖ വ്യക്തി​ക​ളു​ടെ​യും ജന്മദി​നങ്ങൾ ആഘോ​ഷി​ച്ചി​രു​ന്നു. ഈ ആഘോ​ഷ​ങ്ങളെ സൂചി​പ്പി​ക്കുന്ന ഗ്രീക്കു പദമാണ്‌ ജെനെ​ത്‌ലിയ. എന്നാൽ, ജെനെ​സിയ മരിച്ചു​പോയ ഒരു പ്രമുഖ വ്യക്തി​യു​ടെ ജന്മദി​ന​ത്തി​ന്റെ സ്‌മര​ണാ​ഘോ​ഷം ആയിരു​ന്നു. 2 മക്ക[ബായർ] 6:7-ൽ അന്തി​യോ​ക്കസ്‌ നാലാ​മന്റെ പ്രതി​മാസ ജെനെ​ത്‌ലിയ സംബന്ധിച്ച പരാമർശം കാണാം. ആ സമയത്ത്‌ ‘യാഗങ്ങ​ളിൽ പങ്കുപ​റ്റാൻ’ യഹൂദ​ന്മാർ നിർബ​ന്ധി​ക്ക​പ്പെ​ട്ടി​രു​ന്നു. . . . ഹെരോ​ദാവ്‌ ജന്മദിന ആഘോഷം നടത്തി​യ​പ്പോൾ ഗ്രീക്കു സമ്പ്രദാ​യ​ത്തി​നു ചേർച്ച​യിൽ അയാൾ പ്രവർത്തി​ക്കു​ക​യാ​യി​രു​ന്നു; ഗ്രീക്കു സംസ്‌കാര കാലങ്ങൾക്കു മുമ്പ്‌ ഇസ്രാ​യേ​ലിൽ ജന്മദി​നങ്ങൾ ആഘോ​ഷി​ച്ചി​രു​ന്നു എന്നതിനു തെളി​വൊ​ന്നു​മില്ല.”

എല്ലാ ആചാര​ത്തി​ന്റെ​യും അല്ലെങ്കിൽ അനുഷ്‌ഠാ​ന​ത്തി​ന്റെ​യും ഉത്ഭവവും പുരാതന മതങ്ങളു​മാ​യി അതിനുള്ള ബന്ധവും സംബന്ധിച്ച്‌ ഇന്നു സത്യ ക്രിസ്‌ത്യാ​നി​കൾ അമിത​മാ​യി തല പുകയ്‌ക്കു​ന്നില്ല എന്നതു ശരിതന്നെ. എന്നാൽ, ദൈവ​വ​ച​ന​ത്തിൽ കാണുന്ന സുപ്ര​ധാന സൂചനകൾ അവഗണി​ക്കാ​നും അവർ പ്രവണത ഉള്ളവരല്ല. അതിൽ, ബൈബിൾ രേഖയിൽ കാണു​ന്നത്‌ പുറജാ​തീ​യർ ആഘോ​ഷി​ച്ചി​രു​ന്ന​തും ക്രൂര​ത​യോ​ടു ബന്ധപ്പെ​ട്ടി​രു​ന്ന​തു​മായ ജന്മദിന ആഘോ​ഷങ്ങൾ മാത്ര​മാണ്‌ എന്ന വസ്‌തുത ഉൾപ്പെ​ടു​ന്നു. അതിനാൽ, തിരു​വെ​ഴു​ത്തു​കൾ ജന്മദിന ആഘോ​ഷങ്ങൾ സംബന്ധിച്ച്‌ നല്ല അഭി​പ്രാ​യമല്ല പറയു​ന്നത്‌. അത്‌ അവഗണി​ക്കാൻ ആത്മാർഥ ക്രിസ്‌ത്യാ​നി​കൾ കൂട്ടാ​ക്കു​ന്നു​മില്ല.

അതു​കൊണ്ട്‌, ക്രിസ്‌ത്യാ​നി​കൾ വിവാഹ വാർഷി​കം ആഘോ​ഷി​ക്ക​ണ​മോ വേണ്ടയോ എന്നത്‌ തികച്ചും വ്യക്തി​പ​ര​മായ സംഗതി​യാ​യി​രി​ക്കെ, ജന്മദിന ആഘോഷം ഒഴിവാ​ക്കു​ന്ന​തിന്‌ പക്വത​യുള്ള ക്രിസ്‌ത്യാ​നി​കൾക്കു തക്കതായ കാരണങ്ങൾ ഉണ്ട്‌.