“കൊടു​ങ്കാ​റ്റു​ള്ള​പ്പോൾ കടലിൽ കപ്പൽ ഇറക്കു​ന്നതു പോലെ”

അതിനെ അനുചി​ത​മായ സമയത്തു നടത്തുന്ന, ഭോഷ​ത്വ​വും അപകട​വും നിറഞ്ഞ ഒരു സംരം​ഭ​മാ​യി നിങ്ങൾ വീക്ഷി​ക്കു​ക​യി​ല്ലേ? എന്നാൽ, പ്രതീ​കാ​ത്മക വിധത്തിൽ ചിലർ തങ്ങളെ​ത്തന്നെ അത്തരം സ്ഥിതി​വി​ശേ​ഷ​ത്തിൽ ആക്കി​വെ​ക്കു​ന്നു. അതെങ്ങനെ? 17-ാം നൂറ്റാ​ണ്ടി​ലെ ഇംഗ്ലീഷ്‌ ഗ്രന്ഥകർത്താ​വായ തോമസ്‌ ഫുള്ളർ ഇങ്ങനെ പറഞ്ഞു: “കോപാ​വേ​ശ​ത്തിൽ ഒന്നും ചെയ്യരുത്‌. അത്‌ കൊടു​ങ്കാ​റ്റു​ള്ള​പ്പോൾ കടലിൽ കപ്പൽ ഇറക്കു​ന്നതു പോലെ ആണ്‌.”

അനിയ​ന്ത്രി​ത കോപാ​വ​സ്ഥ​യിൽ ആയിരി​ക്കു​മ്പോൾ സ്വീക​രി​ക്കുന്ന ഒരു നടപടി ദാരു​ണ​മായ പ്രത്യാ​ഘാ​ത​ങ്ങൾക്കു വഴി​തെ​ളി​ച്ചേ​ക്കാം. ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഒരു സംഭവം ഇതിനെ സ്ഥിരീ​ക​രി​ക്കു​ന്നു. പുരാതന ഗോ​ത്ര​പി​താ​വായ യാക്കോ​ബി​ന്റെ പുത്ര​ന്മാ​രാ​യി​രു​ന്നു ശിമെ​യോ​നും ലേവി​യും. തങ്ങളുടെ സഹോ​ദരി ദീനാ ബലാത്‌കാ​രം ചെയ്യ​പ്പെ​ട്ട​തിൽ പ്രതി​ഷേ​ധിച്ച്‌, കോപാ​കു​ല​രായ അവർ പ്രതി​കാ​ര​ത്തി​നാ​യി ഇറങ്ങി​ത്തി​രി​ച്ചു. കൂട്ട​ക്കൊ​ല​യും കൊള്ള​യും ആയിരു​ന്നു ഫലം. അവരുടെ ദുഷ്ടമായ പ്രവർത്ത​നത്തെ കുറ്റ​പ്പെ​ടു​ത്തി​ക്കൊണ്ട്‌ യാക്കോബ്‌ ഇങ്ങനെ പറഞ്ഞതിൽ തെല്ലും അതിശ​യി​ക്കാ​നില്ല: ‘ഈ ദേശനി​വാ​സി​ക​ളു​ടെ ഇടയിൽ നിങ്ങൾ എന്നെ നാറ്റിച്ചു വിഷമ​ത്തി​ലാ​ക്കി​യി​രി​ക്കു​ന്നു.’—ഉല്‌പത്തി 34:25-30.

നേർ വിപരീ​ത​മായ ഗതിയാ​ണു ജ്ഞാനപൂർവം ബൈബിൾ ശുപാർശ ചെയ്യു​ന്നത്‌. “കോപം കളഞ്ഞു ക്രോധം ഉപേക്ഷിക്ക; മുഷി​ഞ്ഞു​പോ​ക​രു​തു; അതു ദോഷ​ത്തി​ന്നു ഹേതു​വാ​കേ​യു​ള്ളു.” (സങ്കീർത്തനം 37:8) ആ ബുദ്ധി​യു​പ​ദേശം പിൻപ​റ്റു​ക​വഴി വലിയ പാപങ്ങൾ ഒഴിവാ​ക്കാ​നാ​കും.—സഭാ​പ്ര​സം​ഗി 10:4; സദൃശ​വാ​ക്യ​ങ്ങൾ 22:24, 25 കൂടെ കാണുക.