ലോക സമാധാ​നം—ഏത്‌ ഉറവിൽ നിന്ന്‌?

വിദ്യാ​ഭ്യാ​സ​ത്തി​ന്റെ​യും മതത്തി​ന്റെ​യും ആഗോ​ള​വ​ത്‌ക​രണം ലോക സമാധാ​നം കൈവ​രി​ക്കു​മോ? ഐക്യ​രാ​ഷ്‌ട്ര​ങ്ങ​ളു​ടെ മുൻ ഉപ സെക്ര​ട്ടറി ജനറലും 1989-ലെ യുനെ​സ്‌കോ​യു​ടെ സമാധാന ബോധ​വ​ത്‌കരണ സമ്മാന ജേതാ​വു​മായ ഡോ. റോ​ബെർട്ട്‌ മുള്ളറി​ന്റെ സ്വപ്‌ന​മാണ്‌ അത്‌. ദ വാൻകൂ​വർ സൺ വർത്തമാ​ന​പ്പ​ത്രം റിപ്പോർട്ടു ചെയ്‌തത്‌ അനുസ​രിച്ച്‌, “ഭൂഗ്ര​ഹ​ത്തെ​യും മനുഷ്യ​വർഗ​ത്തെ​യും അക്രമ​രാ​ഹി​ത്യ​ത്തെ​യും കുറി​ച്ചുള്ള വസ്‌തു​ത​ക​ളും മൂല്യ​ങ്ങ​ളും അടങ്ങുന്ന പൊതു​വായ ഒരു പാഠ്യ​പ​ദ്ധ​തി​യെ ആസ്‌പ​ദ​മാ​ക്കി ഗോള​മെ​മ്പാ​ടു​മുള്ള വിദ്യാർഥി​കളെ പഠിപ്പി​ക്കേ​ണ്ടത്‌ അനിവാ​ര്യ​മാണ്‌” എന്നു ഡോ. മുള്ളർ “ഉറച്ചു വിശ്വ​സി​ക്കു​ന്നു.” സമാധാ​ന​ത്തി​നുള്ള ഉത്തമ പ്രതീക്ഷ ഐക്യ​രാ​ഷ്‌ട്ര സംഘടന ആണെന്നു ലോക​മെ​മ്പാ​ടു​മുള്ള വിദ്യാ​ഭ്യാ​സ സ്ഥാപനങ്ങൾ കുട്ടി​കളെ പഠിപ്പി​ക്കുന്ന കാലം അദ്ദേഹം വിഭാവന ചെയ്യുന്നു. “ലോക​ത്തി​ലെ എല്ലാ മതങ്ങളും ഐക്യ​രാ​ഷ്‌ട്രങ്ങൾ പോലെ, ഐക്യ​മ​തങ്ങൾ എന്ന പേരിൽ ഒരു പുതിയ സംഘട​ന​യാ​യി മാറണം” എന്നും അദ്ദേഹം കരുതു​ന്ന​താ​യി സൺ റിപ്പോർട്ടു ചെയ്‌തു. അങ്ങനെ​യാ​കു​മ്പോൾ, “എല്ലാ മത പഠിപ്പി​ക്ക​ലു​ക​ളും അക്രമ​രാ​ഹി​ത്യ​ത്തെ ഉന്നമി​പ്പി​ക്കും.”

ലോക സമാധാ​നം എന്നെങ്കി​ലും ഒരു യാഥാർഥ്യ​മാ​യി​ത്തീ​രു​മോ? തീർച്ച​യാ​യും! എന്നാൽ, ഏതെങ്കി​ലും മനുഷ്യ മാധ്യ​മ​ത്തി​ലൂ​ടെ അല്ലെന്നു മാത്രം. പരമാർഥ ഹൃദയർ ‘യഹോ​വ​യാൽ ഉപദേ​ശി​ക്ക​പ്പെ​ടും [“പഠിപ്പി​ക്ക​പ്പെ​ടും,” NW]’ എന്നും അവരുടെ സമാധാ​നം ‘വലിയത്‌’ ആയിരി​ക്കും എന്നും 2,700-ലധികം വർഷങ്ങൾക്കു മുമ്പു മുൻകൂ​ട്ടി​പ്പ​റ​ഞ്ഞ​പ്പോൾ, ഒരു നിശ്വസ്‌ത എഴുത്തു​കാ​രൻ സമാധാ​നം ഉന്നമി​പ്പി​ക്കുന്ന വിദ്യാ​ഭ്യാ​സ​ത്തി​ന്റെ ശ്രേഷ്‌ഠ ഉറവി​ടത്തെ തിരി​ച്ച​റി​യി​ക്കുക ആയിരു​ന്നു.—യെശയ്യാ​വു 54:13.

“സമാധാ​നം നൽകുന്ന”തു ദൈവ​മാണ്‌ എന്നു ബൈബിൾ പറയുന്നു. (റോമർ 16:20, NW) “സമാധാ​നം അന്വേ​ഷി​ച്ചു പിന്തുട”രാനും ‘തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർക്കാ’നും ‘മേലാൽ യുദ്ധം അഭ്യസി​ക്കാ’തിരി​ക്കാ​നും യഹോവ തന്റെ ജനത്തെ പ്രബോ​ധി​പ്പി​ക്കു​ന്ന​തി​ന്റെ ഭാഗമാ​യി ഇപ്പോൾ പോലും വിസ്‌മ​യാ​വ​ഹ​മായ ഒരു ആഗോള വിദ്യാ​ഭ്യാ​സ പരിപാ​ടി നടന്നു​കൊ​ണ്ടി​രി​ക്കു​ക​യാണ്‌.—1 പത്രൊസ്‌ 3:11; യെശയ്യാ​വു 2:2-4, NW.

സത്യത്തിൽ വേരുറച്ച, കാപട്യ​വും വഞ്ചനയും ഇല്ലാത്ത ആരാധ​ന​യു​ടെ​മേൽ ദൈവ​ത്തി​ന്റെ അംഗീ​കാ​ര​വും അനു​ഗ്ര​ഹ​വും ഉണ്ട്‌. (മത്തായി 15:7-9; യോഹ​ന്നാൻ 4:23, 24) ദൈവ​വ​ച​ന​വു​മാ​യി പൂർണ യോജി​പ്പിൽ ആയിരി​ക്കുന്ന സത്യാ​രാ​ധ​ന​യ്‌ക്കു മാത്രമേ സമാധാ​ന​ത്തി​ലും ഐക്യ​ത്തി​ലും ജീവി​ക്കുന്ന, പരസ്‌പരം യഥാർഥ സ്‌നേഹം പ്രകടി​പ്പി​ക്കുന്ന ആളുകളെ ഉളവാ​ക്കാൻ സാധി​ക്കു​ക​യു​ള്ളൂ.—യോഹ​ന്നാൻ 13:35.

ലോക സമാധാ​നത്തെ കുറിച്ചു ദൈവ​വ​ചനം പറയു​ന്നതു കൂടു​ത​ലാ​യി അറിയു​ന്ന​തിന്‌, ഈ മാസി​ക​യു​ടെ പ്രസാ​ധ​ക​രു​മാ​യി ബന്ധപ്പെ​ടാൻ ഞങ്ങൾ നിങ്ങളെ ക്ഷണിക്കു​ക​യാണ്‌.