അർമ്മ​ഗെ​ദ്ദോൻ യുദ്ധം എപ്പോൾ?

“ഞാൻ നോക്കി​യ​പ്പോൾ, സകല ജനതക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും നിന്നു​ള്ള​വ​രാ​യി ആർക്കും എണ്ണിത്തി​ട്ട​പ്പെ​ടു​ത്താൻ കഴിയാത്ത ഒരു മഹാപു​രു​ഷാ​രം . . . നിൽക്കു​ന്നതു ഞാൻ കണ്ടു. . . . ഇവർ മഹാക​ഷ്ട​ത്തിൽനി​ന്നു വന്നവർ.”—വെളി​പാട്‌ 7:9, 14.

അർമ്മ​ഗെ​ദ്ദോൻ യുദ്ധത്തി​നാ​യി ഇപ്പോൾ അരങ്ങ്‌ ഒരുങ്ങി​യി​രി​ക്കു​ക​യാണ്‌. എങ്ങനെ?

യഹോ​വ​യെ ആരാധി​ക്കു​ന്ന​വ​രും ബൈബി​ളി​ലെ ധാർമിക നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​വ​രും ആയ ഒരു ആഗോള ജനസമൂ​ഹം ഇപ്പോൾത്ത​ന്നെ​യുണ്ട്‌. ദൈവ​ത്തി​ന്റെ സഹായ​ത്തോ​ടെ സകല ജനതക​ളിൽനി​ന്നും ഗോ​ത്ര​ങ്ങ​ളിൽനി​ന്നും ഭാഷക​ളിൽനി​ന്നും ദശലക്ഷ​ക്ക​ണ​ക്കിന്‌ ആളുകൾ ഐക്യ​വും സ്‌നേ​ഹ​വും കളിയാ​ടുന്ന അത്തര​മൊ​രു സഹോ​ദ​ര​വർഗ​മാ​യി കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കു​ന്നു. യഹോ​വ​യു​ടെ സാക്ഷി​കൾക്ക്‌ ഇടയി​ലാണ്‌ ഈ സാഹോ​ദ​ര്യം കാണാ​നാ​കു​ന്നത്‌.—യോഹ​ന്നാൻ 13:35.

ഉടൻതന്നെ സാത്താൻ തന്റെ സൈന്യ​ത്തെ അണിനി​രത്തി ചെറു​ത്തു​നിൽക്കാൻ കെൽപ്പി​ല്ലെന്നു തോന്നുന്ന സമാധാ​ന​പ്രേ​മി​ക​ളായ ഈ ജനതയ്‌ക്കു​നേരെ ശക്തമായ ആക്രമണം അഴിച്ചു​വി​ടും. (യെഹെ​സ്‌കേൽ 38:8-12; വെളി​പാട്‌ 16:13, 14, 16) ഇങ്ങനെ സംഭവി​ക്കു​മെ​ന്ന​തിന്‌ എന്ത്‌ തെളി​വാ​ണു​ള്ളത്‌? അർമ്മ​ഗെ​ദ്ദോൻ യുദ്ധം എപ്പോൾ തുടങ്ങു​മെന്ന്‌ മനസ്സി​ലാ​ക്കാൻ സഹായി​ക്കുന്ന ചില നിർണാ​യക സംഭവ​ങ്ങ​ളെ​ക്കു​റിച്ച്‌ ബൈബിൾ വിവരി​ക്കു​ന്നുണ്ട്‌. ആ സംഭവ​ങ്ങ​ളിൽ പലതും ഇപ്പോൾത്തന്നെ നിവൃ​ത്തി​യേ​റി​ക്കൊ​ണ്ടി​രി​ക്കു​ന്നു.

നിങ്ങളു​ടെ കണ്മുന്നിൽ നിവൃ​ത്തി​യേ​റുന്ന സംഭവങ്ങൾ

“യുഗസ​മാ​പ്‌തി”യുടെ ആരംഭം എങ്ങനെ തിരി​ച്ച​റി​യാ​നാ​കു​മെന്ന്‌ ശിഷ്യ​ന്മാർ യേശു​വി​നോ​ടു ചോദി​ച്ചു. (മത്തായി 24:3) മറുപ​ടി​യാ​യി ഒരു കാലഘ​ട്ട​ത്തെ​ക്കു​റിച്ച്‌ യേശു പറഞ്ഞു: അന്ന്‌ “ജനത ജനതയ്‌ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും. ഒന്നിനു പുറകെ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും.” അതിനു​ശേഷം അവൻ ഇങ്ങനെ​യും പറഞ്ഞു: “ഇവയൊ​ക്കെ​യും ഈറ്റു​നോ​വി​ന്റെ ആരംഭ​മ​ത്രേ.” (മത്തായി 24:7, 8) ഇതേ കാലഘ​ട്ടത്തെ ‘അന്ത്യകാ​ലം’ എന്നു വിളിച്ച പൗലോസ്‌ അപ്പൊ​സ്‌തലൻ അത്‌ “ദുഷ്‌ക​ര​മായ സമയങ്ങൾ” ആയിരി​ക്കു​മെന്ന്‌ പറയു​ക​യു​ണ്ടാ​യി. (2 തിമൊ​ഥെ​യൊസ്‌ 3:1) ഈ പ്രവച​ന​ങ്ങ​ളി​ലെ സംഭവ​ങ്ങ​ളല്ലേ നിങ്ങളു​ടെ കണ്മുന്നിൽ നിറ​വേ​റി​ക്കൊ​ണ്ടി​രി​ക്കു​ന്നത്‌?

ഈ കാലഘട്ടം ഇത്ര ദുഷ്‌ക​ര​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്ന്‌ യോഹ​ന്നാൻ അപ്പൊ​സ്‌തലൻ വിശദീ​ക​രി​ക്കു​ന്നുണ്ട്‌. സാത്താ​നും അവന്റെ ഭൂതങ്ങൾക്കും ഭൂമി​യിൽ പ്രവർത്തി​ക്കാൻ “അൽപ്പകാ​ലമേ” ഉണ്ടായി​രി​ക്കു​ക​യു​ള്ളൂ എന്നും ഈ കാലയ​ള​വിൽ സാത്താൻ “മഹാ​ക്രോ​ധ​ത്തോ​ടെ” പ്രവർത്തി​ക്കും എന്നും അവൻ മുൻകൂ​ട്ടി​പ്പ​റഞ്ഞു. (വെളി​പാട്‌ 12:7-12) ലോക​ത്തെ​മ്പാ​ടു​മുള്ള ആളുകൾക്കി​ട​യിൽ അക്രമ​വാ​സ​ന​യും രൗദ്ര​ഭാ​വ​വും നിറഞ്ഞി​രി​ക്കു​ന്ന​താ​യി നിങ്ങൾക്ക്‌ ദർശി​ക്കാ​നാ​കു​ന്നി​ല്ലേ?

ദുഷ്‌ക​ര​മാ​യ ഈ സമയത്ത്‌ അസാധാ​ര​ണ​മായ ഒരു വേല പൂർത്തി​യാ​ക്ക​പ്പെ​ടു​മെ​ന്നും യേശു പറഞ്ഞു. “രാജ്യ​ത്തി​ന്റെ ഈ സുവി​ശേഷം സകല ജനതകൾക്കും ഒരു സാക്ഷ്യ​ത്തി​നാ​യി ഭൂലോ​ക​ത്തി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അന്ത്യം വരും.” (മത്തായി 24:14) ഇന്ന്‌ 235-ലധികം രാജ്യ​ങ്ങ​ളിൽ യഹോ​വ​യു​ടെ സാക്ഷികൾ ദൈവ​രാ​ജ്യ​ത്തെ​ക്കു​റി​ച്ചുള്ള ഈ സുവി​ശേഷം 500-ലധികം ഭാഷക​ളിൽ പ്രസം​ഗി​ക്കു​ന്നു. വീക്ഷാ​ഗോ​പു​രം, ഉണരുക! എന്നീ ബൈബി​ള​ധി​ഷ്‌ഠിത ആനുകാ​ലി​ക​ങ്ങ​ളും അവർ പ്രസി​ദ്ധീ​ക​രി​ക്കു​ന്നുണ്ട്‌; അവയാ​കട്ടെ, ലോക​ത്തിൽ ഏറ്റവും വ്യാപ​ക​മാ​യി വിതരണം ചെയ്യ​പ്പെ​ടു​ന്ന​തും. ഏതാണ്ട്‌ നൂറു​ഭാ​ഷ​ക​ളിൽ ബൈബി​ളും സാക്ഷികൾ പരിഭാ​ഷ​പ്പെ​ടു​ത്തി​യി​രി​ക്കു​ന്നു. സന്നദ്ധ​സേ​വ​ക​രാണ്‌ ഈ വേലക​ളെ​ല്ലാം ചെയ്യു​ന്നത്‌. അതിനു​വേണ്ട പണമെ​ല്ലാം ലഭിക്കു​ന്ന​തോ, ആളുകൾ സ്വമന​സ്സാൽ നൽകുന്ന സംഭാ​വ​ന​ക​ളി​ലൂ​ടെ​യും. ശ്രദ്ധേ​യ​മായ ഈ പ്രസം​ഗ​പ്ര​വർത്തനം യേശു പറഞ്ഞ പ്രവച​ന​ത്തി​ന്റെ നിവൃ​ത്തി​യല്ലേ?

അർമ്മ​ഗെ​ദ്ദോൻ യുദ്ധത്തി​നു തൊട്ടു​മുമ്പ്‌ നടക്കാ​നി​രി​ക്കുന്ന സംഭവ​ങ്ങ​ളും ബൈബിൾ വിശദീ​ക​രി​ക്കു​ന്നുണ്ട്‌. നിങ്ങളു​ടെ കണ്മുന്നിൽ നിറ​വേ​റാ​നി​രി​ക്കുന്ന അത്തരം മൂന്നു​പ്ര​വ​ച​നങ്ങൾ നോക്കുക.

ഉടൻ നിവൃ​ത്തി​യേ​റാ​നി​രി​ക്കുന്ന സംഭവങ്ങൾ

പ്രവചനം 1. “സമാധാ​നം, സുരക്ഷി​ത​ത്വം” എന്ന ശ്രദ്ധേ​യ​മായ പ്രഖ്യാ​പനം ലോക​ഭ​ര​ണാ​ധി​കാ​രി​കൾ നടത്തു​മെന്ന്‌ ബൈബിൾ പറയുന്നു. സമൂഹ​ത്തി​ലെ ഗുരു​ത​ര​മായ പ്രശ്‌നങ്ങൾ പരിഹ​രി​ക്കാൻ തങ്ങൾ പ്രാപ്‌ത​രാ​ണെന്ന്‌ അവർ വിചാ​രി​ച്ചേ​ക്കാം. പക്ഷേ, അത്‌ അവരുടെ തോന്നൽ മാത്ര​മാ​യി​രി​ക്കും.—1 തെസ്സ​ലോ​നി​ക്യർ 5:1-3.

പ്രവചനം 2. അടുത്ത​താ​യി, ഗവണ്മെ​ന്റു​ക​ളെ​ല്ലാം ലോക​ത്തി​ലെ മതസം​ഘ​ട​ന​കൾക്കെ​തി​രെ തിരി​യും. ഈ ഗവണ്മെ​ന്റു​കളെ ബൈബിൾ ഒരു കാട്ടു​മൃ​ഗ​മാ​യി ചിത്രീ​ക​രി​ക്കു​ന്നു; ലോക​ത്തി​ലുള്ള വ്യാജ​മ​ത​ങ്ങ​ളെ​യാ​കട്ടെ, ഈ കാട്ടു​മൃ​ഗ​ത്തി​ന്മേൽ സവാരി​ചെ​യ്യുന്ന ഒരു സ്‌ത്രീ​യാ​യി​ട്ടും. (വെളി​പാട്‌ 17:3, 15-18) ദൈവ​ത്തി​ന്റെ പ്രതി​നി​ധി​ക​ളെന്ന്‌ വ്യാജ​മാ​യി അവകാ​ശ​പ്പെ​ടുന്ന മതങ്ങളെ ഈ കാട്ടു​മൃ​ഗം നശിപ്പി​ക്കു​മ്പോൾ അറിയാ​തെ​തന്നെ ദൈവ​ഹി​ത​മാ​യി​രി​ക്കും അത്‌ നടപ്പാ​ക്കു​ന്നത്‌.

അരങ്ങേ​റാ​നി​രി​ക്കുന്ന ഈ സംഭവങ്ങൾ അപ്പൊ​സ്‌ത​ല​നായ യോഹ​ന്നാൻ ആലങ്കാ​രി​ക​മാ​യി ഇങ്ങനെ വർണി​ക്കു​ന്നു: “നീ കണ്ട പത്തു​കൊ​മ്പും കാട്ടു​മൃ​ഗ​വും വേശ്യയെ ദ്വേഷിച്ച്‌ അവളെ ശൂന്യ​യും നഗ്നയു​മാ​ക്കി അവളുടെ മാംസ​ള​ഭാ​ഗങ്ങൾ തിന്നു​ക​ള​യു​ക​യും അവളെ തീകൊണ്ട്‌ ദഹിപ്പി​ക്കു​ക​യും ചെയ്യും; എന്തെന്നാൽ തന്റെ ഉദ്ദേശ്യ​നി​വൃ​ത്തിക്ക്‌ ഉപകരി​ക്കുന്ന ഒരു പദ്ധതി ദൈവം അവരുടെ മനസ്സിൽ ഉദിപ്പി​ക്കും.”—വെളി​പാട്‌ 17:16, 17.

പ്രവചനം 3. വ്യാജ​മ​ത​ങ്ങ​ളു​ടെ​മേൽ സമ്പൂർണ​വി​ജയം നേടിയ ശേഷം ഈ ഗവണ്മെ​ന്റു​ക​ളെ​യും അവരുടെ സൈന്യ​ത്തെ​യും യഹോ​വ​യാം​ദൈ​വത്തെ ആരാധി​ക്കു​ന്ന​വർക്കെ​തി​രെ സാത്താൻ അണിനി​ര​ത്തും.—വെളി​പാട്‌ 7:14; മത്തായി 24:21.

നിങ്ങൾ അതിജീ​വി​ക്കു​മോ?

ബൈബിൾ സൂക്ഷ്‌മ​മാ​യി പഠിക്കാൻ ഒരവസരം നിങ്ങൾക്ക്‌ ഇതുവരെ ലഭിച്ചി​ട്ടി​ല്ലെ​ങ്കിൽ മേൽപ്പറഞ്ഞ സംഭവ​ങ്ങ​ളെ​ല്ലാം നിറ​വേ​റു​മെന്ന്‌ വിശ്വ​സി​ക്കുക ബുദ്ധി​മു​ട്ടാ​യി​രി​ക്കാം. എന്നാൽ ഈ സംഭവ​ങ്ങ​ളെ​ല്ലാം സകല വിശദാം​ശ​ങ്ങ​ളും സഹിതം എത്രയും വേഗം നിറ​വേ​റു​മെന്ന്‌ വിശ്വ​സി​ക്കാൻ മതിയായ കാരണ​ങ്ങ​ളുണ്ട്‌. ഇതുവരെ നിവൃ​ത്തി​യേ​റി​യി​രി​ക്കുന്ന നിരവധി ബൈബിൾപ്ര​വ​ച​നങ്ങൾ ഇതിന്‌ സാക്ഷ്യ​പ​ത്ര​ങ്ങ​ളാണ്‌.a

‘സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധം’ തൊട്ട​ടു​ത്തെ​ത്തി​യി​രി​ക്കു​ന്നെന്ന്‌ യഹോ​വ​യു​ടെ സാക്ഷി​കൾക്ക്‌ ബോധ്യ​മു​ള്ളത്‌ എന്തു​കൊ​ണ്ടാണ്‌? നിങ്ങൾ അതിനെ ഭയപ്പെ​ടേ​ണ്ട​തി​ല്ലാ​ത്തത്‌ എന്തു​കൊണ്ട്‌? ഇക്കാര്യ​ങ്ങൾ അവരോട്‌ ചോദി​ച്ചു മനസ്സി​ലാ​ക്കി​ക്കൂ​ടേ? യഹോ​വ​യാം​ദൈവം സംരക്ഷി​ക്കു​ന്ന​വ​രു​ടെ കൂട്ടത്തി​ലാ​യി​രി​ക്കാൻ എന്താണ്‌ ചെയ്യേ​ണ്ട​തെന്ന്‌ ബൈബിൾ പറയു​ന്നുണ്ട്‌. ആ കാര്യങ്ങൾ അവർ നിങ്ങളു​മാ​യി ചർച്ച ചെയ്യും. (വെളി​പാട്‌ 16:14) നിങ്ങൾ മനസ്സി​ലാ​ക്കുന്ന കാര്യങ്ങൾ ഭാവി​യെ​ക്കു​റി​ച്ചുള്ള നിങ്ങളു​ടെ വീക്ഷണം​തന്നെ മാറ്റി​മ​റി​ച്ചേ​ക്കാം. (w12-E 02/01)

[അടിക്കു​റിപ്പ്‌]

[8-ാം പേജിലെ ആകർഷക വാക്യം]

യഹോവയുടെ സാക്ഷികൾ നിർവ​ഹി​ക്കുന്ന വേല ബൈബിൾപ്ര​വ​ച​ന​ത്തി​ന്റെ നിവൃ​ത്തി​യല്ലേ?