അധ്യയനപ്പതിപ്പ്‌

സാത്താന്റെ ദുഷ്ടലോകം അന്ത്യത്തോട്‌ അടുക്കവെ, നാം ആത്മീയമായ ഉറക്കത്തിലേക്ക്‌ വഴുതിവീഴാതിരിക്കേണ്ടത്‌ അത്യന്തം പ്രധാനമാണ്‌. പ്രാർഥനാനിരതരായിരിക്കുന്നത്‌ ഉണർന്നിരിക്കാൻ നമ്മെ സഹായിക്കുന്നത്‌ എങ്ങനെയെന്ന്‌ ഈ ലേഖനം കാണിച്ചുതരുന്നു.

മീഖാപ്രവാചകൻ ക്ഷമയോടെ കാത്തിരുന്നതിൽനിന്നും നമുക്ക്‌ എന്തു പഠിക്കാം, ഈ ദുഷ്ടവ്യവസ്ഥിതിക്കെതിരെ യഹോവ നടപടിയെടുക്കുന്ന സമയത്തിനായുള്ള നമ്മുടെ കാത്തിരിപ്പിന്‌ അന്ത്യം കുറിക്കുന്ന സംഭവങ്ങൾ ഏവ, യഹോവയുടെ ദീർഘക്ഷമയെപ്രതി നന്ദിയുള്ളവരായിരിക്കാൻ നമുക്ക്‌ എങ്ങനെ കഴിയും എന്നീ കാര്യങ്ങൾ ഈ ലേഖനത്തിലൂടെ നാം മനസ്സിലാക്കും.

ഹിസ്‌കീയാവിന്റെ കാലത്ത്‌ സൻഹേരീബ്‌ യെരുശലേം ആക്രമിച്ചതിനെക്കുറിച്ചുള്ള വിവരണത്തിൽ നമുക്കുള്ള ചില പാഠങ്ങളുണ്ട്‌. സഭകളിൽ ഇടയവേല ചെയ്യാൻ നിയോഗിക്കപ്പെട്ടവരെ സംബന്ധിച്ചിടത്തോളം വിശേഷാൽ പ്രാധാന്യമർഹിക്കുന്നതാണ്‌ ഈ ലേഖനത്തിലെ വിവരങ്ങൾ.

ഈ രണ്ട്‌ ലേഖനങ്ങളിൽ ആദ്യത്തേത്‌, യഹോവയും യേശുവും ഭൂമിയിലെ തങ്ങളുടെ ആട്ടിൻകൂട്ടത്തെ എങ്ങനെയാണ്‌ മേയ്‌ക്കുന്നതെന്നും ആട്ടിൻകൂട്ടം ഈ പരിപാലനത്തോട്‌ എങ്ങനെയാണ്‌ പ്രതികരിക്കേണ്ടതെന്നും കാണിച്ചുതരുന്നു. ആട്ടിൻകൂട്ടത്തിന്റെ കീഴിടയന്മാരെന്ന നിലയിൽ സഭാമൂപ്പന്മാർക്ക്‌ ആടുകളോടുണ്ടായിരിക്കേണ്ട മനോഭാവത്തെക്കുറിച്ച്‌ രണ്ടാമത്തെ ലേഖനം പ്രതിപാദിക്കുന്നു.