1 പ്രശ്‌നങ്ങൾ ഒഴിവാ​ക്കാൻ

മദ്യത്തി​ന്റെ അമിത​മായ ഉപയോ​ഗം

മുൻ ലേഖന​ത്തിൽ കണ്ട ഡെൽഫിൻ അമിത​മായ മദ്യപാ​ന​ത്തി​ന്റെ വക്കി​ലെ​ത്തി​യത്‌ ഉത്‌ക​ണ്‌ഠകൾ കാരണ​മാണ്‌. ബൈബിൾ മദ്യത്തി​ന്റെ മിതമായ ഉപയോ​ഗത്തെ കുറ്റം വിധി​ക്കു​ന്നില്ല. എന്നാൽ “കണക്കി​ല​ധി​കം വീഞ്ഞു കുടി​ക്കു​ന്ന​വ​രു​ടെ . . . കൂട്ടത്തിൽ കൂടരുത്‌” എന്ന്‌ അതു മുന്നറി​യി​പ്പു തരുന്നു. (സുഭാ​ഷി​തങ്ങൾ 23:20) ഓരോ വർഷവും ലക്ഷങ്ങളെ ഗുരു​ത​ര​മായ പല ആരോ​ഗ്യ​പ്ര​ശ്‌ന​ങ്ങ​ളി​ലേ​ക്കും വ്യക്തി​ബ​ന്ധങ്ങൾ തകരു​ന്ന​തി​ലേ​ക്കും അകാല​മ​ര​ണ​ത്തി​ലേ​ക്കും ഒക്കെ കൊ​ണ്ടെ​ത്തി​ച്ചി​രി​ക്കു​ന്നത്‌ മദ്യത്തി​ന്റെ അമിത​മായ ഉപയോ​ഗ​മാണ്‌. ബൈബി​ളി​ന്റെ ജ്ഞാന​മൊ​ഴി​കൾ അനുസ​രി​ച്ചി​രു​ന്നെ​ങ്കിൽ അവർക്ക്‌ അവയിൽ പലതും ഒഴിവാ​ക്കാ​മാ​യി​രു​ന്നു.

ഡെൽഫിൻ അത്‌ ചെയ്‌തു. അവൾ പറയുന്നു: “എന്റെ ഉത്‌ക​ണ്‌ഠകൾ പരിഹ​രി​ക്കാൻ മദ്യത്തി​നാ​കി​ല്ലെന്ന സത്യം ഞാൻ തിരി​ച്ച​റി​ഞ്ഞു. ഫിലി​പ്പി​യർ 4:6, 7-ലെ നിർദേശം ഞാൻ അനുസ​രി​ച്ചു. അവിടെ പറയുന്നു: ‘ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ടാ. നിങ്ങളു​ടെ അപേക്ഷകൾ ദൈവത്തെ അറിയി​ക്കുക.’ ചിന്തക​ളും ഉത്‌ക​ണ്‌ഠ​ക​ളും എന്നെ വീർപ്പു​മു​ട്ടി​ക്കുന്ന രാത്രി​ക​ളിൽ ഞാൻ യഹോ​വ​യോ​ടു യാചി​ക്കും. ഞാൻ എന്റെ ദേഷ്യം, വേദന, നിരാശ, അങ്ങനെ എന്നെ അലട്ടുന്ന വികാ​ര​ങ്ങ​ളെ​ക്കു​റി​ച്ചെ​ല്ലാം ദൈവ​ത്തോ​ടു പറയും. ശുഭചി​ന്ത​കൾകൊണ്ട്‌ എന്റെ മനസ്സു നിറയ്‌ക്കാ​നുള്ള സഹായ​ത്തി​നാ​യി ഞാൻ യാചി​ക്കും. രാവിലെ ഉണർന്നെ​ണീ​റ്റ​ശേ​ഷ​വും നല്ല ചിന്തകൾകൊണ്ട്‌ മനസ്സു നിറയ്‌ക്കാൻ കഴിയു​ന്ന​തെ​ല്ലാം ഞാൻ ചെയ്യും. അപ്പോൾ അശുഭ​ചി​ന്തകൾ എന്നെ കീഴ്‌പെ​ടു​ത്തില്ല. ഈ ശീലം എനിക്കു​ണ്ടായ നഷ്ടങ്ങ​ളെ​ക്കു​റിച്ച്‌ ഓർത്ത്‌ വിഷമി​ക്കാ​തി​രി​ക്കാ​നും ഇപ്പോൾ എനിക്കുള്ള അനു​ഗ്ര​ഹ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും എന്നെ സഹായി​ക്കു​ന്നു. മദ്യം ഇനി​യൊ​രി​ക്ക​ലും കുടി​ക്കി​ല്ലെന്നു ഞാൻ തീരു​മാ​നി​ച്ചു​റച്ചു. കാരണം, ഇപ്പോൾ എനിക്കുള്ള മനസ്സമാ​ധാ​നം കളയാൻ ഞാൻ ആഗ്രഹി​ക്കു​ന്നില്ല. അത്‌ അത്ര വില​യേ​റി​യ​താണ്‌!”

ലൈം​ഗിക അധാർമി​കത

ഇന്ന്‌ ഏറ്റവും അധികം ഹൃദയ​വേ​ദ​ന​യ്‌ക്കും ദുരി​ത​ത്തി​നും കാരണ​മാ​യി​ത്തീർന്നി​രി​ക്കു​ന്നത്‌ ലൈം​ഗിക അധാർമി​ക​ത​യാണ്‌. ശൃംഗ​രി​ക്കു​ന്ന​തും അശ്ലീലം വീക്ഷി​ക്കു​ന്ന​തും ആണ്‌ പലപ്പോ​ഴും അതി​ലേ​ക്കുള്ള ആദ്യപ​ടി​കൾ. എന്നാൽ അത്തരം ശീലങ്ങൾ ഒഴിവാ​ക്കാൻ ബൈബിൾത​ത്ത്വ​ങ്ങൾക്കു നമ്മളെ സഹായി​ക്കാ​നാ​കും. “ശൃംഗ​രി​ക്കാൻ ഒരു ബുദ്ധി​മു​ട്ടു​മി​ല്ലാ​യി​രു​ന്നു” എന്നാണ്‌ സാമുവൽ എന്ന ചെറു​പ്പ​ക്കാ​രൻ പറയു​ന്നത്‌. “ചില​പ്പോൾ ചില പെൺകു​ട്ടി​ക​ളോട്‌ എനിക്കു താത്‌പ​ര്യ​മൊ​ന്നും തോന്നി​യി​രു​ന്നില്ല. എന്നാലും അവർക്ക്‌ എന്നെ ഇഷ്ടമാ​ണെന്ന്‌ അറിയു​മ്പോൾ എനിക്കു ശൃംഗ​രി​ക്കാൻ തോന്നു​മാ​യി​രു​ന്നു.” ശൃംഗ​രി​ക്കാത്ത ചില സാഹച​ര്യ​ങ്ങ​ളിൽപ്പോ​ലും സാമുവൽ ശൃംഗ​രി​ച്ച​താ​യി മറ്റുള്ളവർ ആരോ​പി​ച്ചു. അങ്ങനെ​യാ​ണെ​ങ്കിൽ ശൃംഗ​രി​ച്ചി​ട്ടു​തന്നെ കാര്യം എന്നായി സാമുവൽ. പക്ഷേ ആ ശീലം സാമു​വ​ലി​നെ അലട്ടി. “ശൃംഗാ​രം തെറ്റാ​ണെന്ന്‌ എനിക്ക്‌ അറിയാം. കാരണം സ്വാർഥതയുള്ള മനോ​ഭാ​വങ്ങൾ വളർന്നു​വ​രാൻ ആ ശീലം ഇടയാ​ക്കും.”

jw.org വെബ്‌​സൈ​റ്റി​ലെ യുവജ​ന​ങ്ങൾക്കു​വേ​ണ്ടി​യുള്ള ഒരു ലേഖനം സാമുവൽ വായിച്ചു. അവിടെ സുഭാ​ഷി​തങ്ങൾ 20:11-ൽ പറഞ്ഞി​രി​ക്കുന്ന ഒരു കാര്യ​ത്തെ​ക്കു​റിച്ച്‌ സാമുവൽ ചിന്തിച്ചു. അവിടെ ഇങ്ങനെ പറയുന്നു: “ഒരു കൊച്ചു​കു​ഞ്ഞു​പോ​ലും അവന്റെ പ്രവൃ​ത്തി​കൾകൊണ്ട്‌ താൻ നിഷ്‌ക​ള​ങ്ക​നും നേരു​ള്ള​വ​നും ആണോ എന്നു വെളി​പ്പെ​ടു​ത്തു​ന്നു.” അത്‌ എങ്ങനെ​യാണ്‌ സാമു​വ​ലി​നെ സഹായി​ച്ചത്‌? നിഷ്‌ക​ള​ങ്ക​നും നേരു​ള്ള​വ​നും ആയ ഒരാൾക്കു ചേരു​ന്നതല്ല ശൃംഗാ​രം എന്നു സാമുവൽ തിരി​ച്ച​റി​ഞ്ഞു. ഇപ്പോൾ സാമുവൽ പറയുന്നു: “ശൃംഗ​രി​ക്കുന്ന ഒരു യുവാവ്‌ ഭാവി​യിൽ ഒരു മോശം വിവാ​ഹിത ഇണയാ​കാ​നുള്ള ഗുണങ്ങ​ളാണ്‌ വളർത്തി​യെ​ടു​ക്കു​ന്നത്‌. ഞാൻ മറ്റൊരു സ്‌ത്രീ​യോ​ടു ശൃംഗ​രി​ക്കു​ന്നത്‌ എന്റെ ഭാവി വധു കണ്ടാൽ അവൾക്ക്‌ എന്നെപ്പറ്റി എന്തു തോന്നും? ഇങ്ങനെ ചിന്തി​ച്ചത്‌, ഈ ശീലം മോശ​മാ​ണെന്ന്‌ തിരി​ച്ച​റി​യാൻ എന്നെ സഹായി​ച്ചു. ശൃംഗ​രി​ക്കാൻ എളുപ്പ​മാ​ണെന്നു കരുതി അത്‌ ശരിയാ​ണെന്ന്‌ അർഥമില്ല.” സാമുവൽ മാറ്റം വരുത്തി. അത്‌ ലൈം​ഗിക അധാർമി​ക​ത​യിൽ വീഴാ​തി​രി​ക്കാൻ സാമു​വ​ലി​നെ സഹായി​ച്ചു.

ലൈം​ഗി​ക അധാർമി​കത എന്ന വലിയ അപകട​ത്തിൽ വീഴാതെ കഷ്ടിച്ച്‌ രക്ഷപ്പെട്ട ഒരാളാണ്‌ അന്റോ​ണി​യൊ. അദ്ദേഹം അശ്ലീല​ത്തിന്‌ അടിമ​യാ​യി​രു​ന്നു. ഭാര്യയെ അതിയാ​യി സ്‌നേ​ഹി​ച്ചി​രു​ന്നെ​ങ്കി​ലും വിവാ​ഹ​ശേ​ഷ​വും ഈ ശീലത്തിന്‌ വീണ്ടും​വീ​ണ്ടും അന്റോ​ണി​യൊ വഴി​പ്പെ​ട്ടു​പോ​യി. എന്നാൽ, 1 പത്രോസ്‌ 5:8-ലെ വാക്കു​ക​ളെ​ക്കു​റിച്ച്‌ ചിന്തി​ച്ചത്‌ അന്റോ​ണി​യൊ​യെ സഹായി​ച്ചു എന്ന്‌ അദ്ദേഹം പറയുന്നു. അവിടെ ഇങ്ങനെ പറയുന്നു: “സുബോ​ധ​മു​ള്ള​വ​രാ​യി​രി​ക്കുക; ജാഗ്ര​ത​യോ​ടി​രി​ക്കുക! നിങ്ങളു​ടെ എതിരാ​ളി​യായ പിശാച്‌ അലറുന്ന സിംഹ​ത്തെ​പ്പോ​ലെ ആരെ വിഴു​ങ്ങണം എന്നു നോക്കി ചുറ്റി​ന​ട​ക്കു​ന്നു.” അന്റോ​ണി​യൊ പറയുന്നു: “അശ്ലീലം വളരെ വ്യാപ​ക​മാണ്‌. നമുക്കു ചുറ്റും അതുണ്ട്‌. ആ ചിത്രങ്ങൾ മനസ്സിൽ പതിഞ്ഞു​പോ​കാൻ ഇടയുണ്ട്‌. ആ ബൈബിൾവാ​ക്യം പ്രലോ​ഭ​നങ്ങൾ എവി​ടെ​നി​ന്നാ​ണു വരുന്ന​തെന്ന്‌ ചിന്തി​ക്കാൻ എന്നെ സഹായി​ച്ചു. വൃത്തി​കെട്ട ചിത്രങ്ങൾ കാണു​മ്പോൾത്തന്നെ അത്‌ സാത്താ​നിൽനി​ന്നാണ്‌ വരുന്ന​തെന്നു മനസ്സി​ലാ​ക്കി ഒഴിവാ​ക്കാൻ ഞാൻ പഠിച്ചു. ‘സുബോ​ധ​മുള്ള ആളായി​രി​ക്കാ​നും ജാഗ്ര​ത​യോ​ടി​രി​ക്കാ​നും’ യഹോ​വ​യ്‌ക്കു മാത്രമേ എന്നെ സഹായി​ക്കാൻ കഴിയൂ എന്ന്‌ എനിക്ക്‌ ഇപ്പോൾ അറിയാം. അങ്ങനെ എന്റെ മനസ്സി​നെ​യും ഹൃദയ​ത്തെ​യും എന്റെ വിവാ​ഹ​ജീ​വി​ത​ത്തെ​യും ആക്രമി​ക്കുന്ന ആ ശക്തി​ക്കെ​തി​രെ പോരാ​ടാൻ എനിക്കു കഴിയു​ന്നു.” ആ ശീലത്തിൽനിന്ന്‌ പുറത്തു വരാൻ വേണ്ട സഹായ​ങ്ങ​ളൊ​ക്കെ അന്റോ​ണി​യൊ സ്വീക​രി​ച്ചു. ഒടുവിൽ അദ്ദേഹം വിജയി​ച്ചു. അങ്ങനെ പ്രശ്‌നങ്ങൾ കൂടുതൽ വഷളാ​കു​ന്നത്‌ തടയാൻ അന്റോ​ണി​യൊ​യ്‌ക്ക്‌ കഴിഞ്ഞു.

ഗുരു​ത​ര​മാ​യ പ്രശ്‌നങ്ങൾ ഒഴിവാ​ക്കാൻ സഹായി​ക്കുന്ന പ്രാ​യോ​ഗിക നിർദേ​ശങ്ങൾ ബൈബിൾ നൽകുന്നു. എന്നാൽ ആഴത്തിൽ വേരു​റ​ച്ചു​പോയ, പിഴു​തെ​റി​യാൻ ആകാത്ത പ്രശ്‌ന​ങ്ങ​ളോ? ബുദ്ധി​മു​ട്ടുള്ള അത്തരം പ്രശ്‌നങ്ങൾ പരിഹ​രി​ക്കാൻ ദൈവ​ത്തി​ന്റെ വചനം സഹായി​ക്കു​ന്നത്‌ എങ്ങനെ​യെന്നു നോക്കാം.