ഇപ്പോൾപ്പോ​ലും സന്തോ​ഷ​മുള്ള ജീവിതം സാധ്യ​മാണ്‌

സംതൃ​പ്‌തി കിട്ടാൻ

ബൈബി​ളി​ന്റെ നിർദേശം: “നിങ്ങളു​ടെ ജീവിതം പണസ്‌നേ​ഹ​മി​ല്ലാ​ത്ത​താ​യി​രി​ക്കട്ടെ. ഉള്ളതു​കൊണ്ട്‌ തൃപ്‌തി​പ്പെ​ടുക.”—എബ്രായർ 13:5.

നമ്മൾ ഇന്നു നിർബ​ന്ധ​മാ​യും ചില സാധന​ങ്ങ​ളും സേവന​ങ്ങ​ളും ഉപയോ​ഗി​ക്ക​ണ​മെ​ന്നാ​ണു ചുറ്റു​മുള്ള ലോകം പറയു​ന്നത്‌. എന്നാൽ ബൈബിൾ പറയു​ന്നത്‌, ‘ഉള്ളതു​കൊണ്ട്‌ തൃപ്‌തി​പ്പെ​ടാ​നാണ്‌.’ അത്‌ എങ്ങനെ?

“പണസ്‌നേഹം” ഒഴിവാ​ക്കുക. “പണസ്‌നേഹം” കാരണം ആളുകൾ ആരോ​ഗ്യ​വും കുടും​ബ​വും സൗഹൃ​ദ​ങ്ങ​ളും സദാചാ​ര​മൂ​ല്യ​ങ്ങ​ളും എന്തിന്‌, അന്തസ്സു​പോ​ലും കളഞ്ഞു​കു​ളി​ക്കു​ന്നു. (1 തിമൊ​ഥെ​യൊസ്‌ 6:10) എത്ര വലിയ നഷ്ടങ്ങളാണ്‌ അവർക്കു സംഭവി​ക്കു​ന്നത്‌. ധനത്തെ സ്‌നേ​ഹി​ക്കു​ന്ന​വനു “ഒരിക്ക​ലും തൃപ്‌തി​വ​രില്ല.”—സഭാ​പ്ര​സം​ഗകൻ 5:10.

സാധന​ങ്ങ​ളെ​ക്കാൾ മൂല്യം മനുഷ്യർക്കു കൊടു​ക്കുക. പല സാധന​ങ്ങ​ളും നമുക്കു പ്രയോ​ജനം ചെയ്യു​ന്ന​തു​ത​ന്നെ​യാണ്‌. എന്നാൽ അവയ്‌ക്കൊ​ന്നും നമ്മളോ​ടു നന്ദിയും വിലമ​തി​പ്പും കാണി​ക്കാൻ കഴിയില്ല. മനുഷ്യർക്കു മാത്രമേ അതിനു പറ്റൂ. ഒരു ‘യഥാർഥ​സ്‌നേ​ഹി​തനു’ മാത്രമേ സന്തോ​ഷ​വും സംതൃ​പ്‌തി​യും തരാൻ കഴിയൂ.—സുഭാ​ഷി​തങ്ങൾ 17:17.

മോശ​മായ ആരോ​ഗ്യ​ത്തി​ലും പിടി​ച്ചു​നിൽക്കാൻ

ബൈബി​ളി​ന്റെ നിർദേശം: “സന്തോ​ഷ​മുള്ള ഹൃദയം നല്ലൊരു മരുന്നാണ്‌.”—സുഭാ​ഷി​തങ്ങൾ 17:22.

മോശ​മാ​യ ആരോ​ഗ്യ​സ്ഥി​തി​യാ​ണെ​ങ്കി​ലും സന്തോ​ഷ​മുള്ള ഹൃദയ​മു​ണ്ടെ​ങ്കിൽ അത്‌ ‘നല്ലൊരു മരുന്നാ​യി​രി​ക്കും.’ എങ്ങനെ​യാ​ണു മോശ​മായ ആരോ​ഗ്യ​മു​ള്ള​പ്പോൾ നമുക്കു സന്തോ​ഷി​ക്കാൻ കഴിയുക?

നന്ദിയു​ള്ള​വ​രാ​യി​രി​ക്കുക. നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ മാത്രം എപ്പോ​ഴും ചിന്തി​ച്ചി​രു​ന്നാൽ നമ്മുടെ “നാളു​ക​ളെ​ല്ലാം” കഷ്ടത നിറഞ്ഞ​താ​യി തോന്നാൻ ഇടയുണ്ട്‌. (സുഭാ​ഷി​തങ്ങൾ 15:15) എന്നാൽ, ‘നന്ദിയു​ള്ള​വ​രാ​ണെന്നു കാണി​ക്കാൻ’ ആണ്‌ ബൈബിൾ പറയു​ന്നത്‌. (കൊ​ലോ​സ്യർ 3:15) ജീവി​ത​ത്തി​ലെ കൊച്ചു​കൊ​ച്ചു കാര്യ​ങ്ങൾക്കു​പോ​ലും നന്ദി പറയാൻ പഠിക്കുക. മനോ​ഹ​ര​മായ സൂര്യാ​സ്‌ത​മയം, ഇളംങ്കാറ്റ്‌, സ്‌നേ​ഹി​ക്കു​ന്ന​വ​രു​ടെ നിറപു​ഞ്ചി​രി ഇതി​നൊ​ക്കെ നമ്മുടെ ജീവി​ത​ത്തി​നു നിറം പകരാൻ കഴിയും.

മറ്റുള്ള​വ​രെ സഹായി​ക്കുക. നമ്മുടെ ആരോ​ഗ്യം മോശ​മാ​ണെ​ങ്കിൽപോ​ലും ‘വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തിൽ ഉണ്ട്‌.’ (പ്രവൃ​ത്തി​കൾ 20:35) ഒരു കാര്യം ചെയ്‌തു​കൊ​ടു​ത്ത​തി​നു മറ്റുള്ളവർ നമ്മളോ​ടു നന്ദി പറയു​മ്പോൾ നമുക്കു വലിയ സന്തോഷം തോന്നും. അങ്ങനെ നമ്മുടെ പ്രശ്‌നങ്ങൾ മറക്കാൻ നമുക്കു കഴിയും. മറ്റുള്ള​വ​രു​ടെ ജീവിതം മെച്ച​പ്പെ​ടു​ത്താൻ അവരെ സഹായി​ക്കു​മ്പോൾ നമ്മുടെ ജീവിതം നമ്മൾതന്നെ മെച്ച​പ്പെ​ടു​ത്തു​ക​യാണ്‌.

വിവാ​ഹ​ബന്ധം ശക്തമാ​ക്കാൻ

ബൈബി​ളി​ന്റെ നിർദേശം: ‘കൂടുതൽ പ്രാധാ​ന്യ​മുള്ള കാര്യങ്ങൾ ഉറപ്പാ​ക്കുക.’—ഫിലി​പ്പി​യർ 1:10.

ദമ്പതികൾ കുറച്ച്‌ സമയം മാത്രമേ ഒരുമിച്ച്‌ ചെലവ​ഴി​ക്കു​ന്നു​ള്ളൂ എങ്കിൽ അവരുടെ വിവാ​ഹ​ജീ​വി​ത​ത്തിൽ വിള്ളൽ വീഴാൻ സാധ്യ​ത​യുണ്ട്‌. നിങ്ങളു​ടെ ജീവി​ത​ത്തി​ലെ പ്രധാ​ന​പ്പെട്ട കാര്യ​ങ്ങ​ളിൽ വളരെ പ്രധാ​ന​പ്പെട്ട ഒന്നാണ്‌ വിവാ​ഹ​ജീ​വി​തം എന്ന കാര്യം മറന്നു​പോ​ക​രുത്‌.

ഒരുമിച്ച്‌ കാര്യങ്ങൾ ചെയ്യുക. ഒരുമിച്ച്‌ കാര്യങ്ങൾ ചെയ്യാൻ പ്ലാൻ ചെയ്യുക. “ഒരാ​ളെ​ക്കാൾ രണ്ടു പേർ ഏറെ നല്ലത്‌” എന്ന്‌ ബൈബിൾ പറയുന്നു. (സഭാ​പ്ര​സം​ഗകൻ 4:9) ഒരുമിച്ച്‌ ഭക്ഷണം പാകം ചെയ്യാ​നും, വ്യായാ​മം ചെയ്യാ​നും, ചായ കുടി​ക്കാ​നും, കളിക​ളിൽ ഏർപ്പെ​ടാ​നും ഒക്കെ ക്രമീ​ക​രണം ചെയ്യുക.

സ്‌നേഹം പ്രകടി​പ്പി​ക്കുക. അന്യോ​ന്യം സ്‌നേ​ഹി​ക്കാ​നും ബഹുമാ​നി​ക്കാ​നും ബൈബിൾ ഭാര്യാ​ഭർത്താ​ക്ക​ന്മാ​രോ​ടു പറയുന്നു. (എഫെസ്യർ 5:28, 33) നല്ലൊരു ചിരി, ഒരു ആശ്ലേഷം, ചെറിയ സമ്മാനം ഇതൊക്കെ വിവാ​ഹ​ജീ​വി​തത്തെ ബലപ്പെ​ടു​ത്തും. ലൈം​ഗി​കാ​ഗ്ര​ഹങ്ങൾ സ്വന്തം ഇണയോ​ടു മാത്ര​മാ​യി​രി​ക്കാൻ തീർച്ച​യാ​യും ദമ്പതികൾ ശ്രദ്ധി​ക്കണം.—എബ്രായർ 13:4.