പഠിപ്പി​ക്കുക—മുഖ്യാ​ശ​യങ്ങൾ മുന്തിനിൽക്കുംവിധം

¹ “നിങ്ങൾ ഉപദേ​ഷ്ടാ​ക്ക​ന്മാർ ആകേണ്ട​വരാ”ണെന്ന്‌ പൗലോസ്‌ എബ്രാ​യർക്ക്‌ എഴുതി. (എബ്രാ. 5:12) യേശു നൽകിയ വലിയ പഠിപ്പി​ക്കൽ നിയോ​ഗം അതിന്റെ പാരമ്യ​ത്തി​ലെ​ത്തുന്ന ഇന്ന്‌ ഇതു നമുക്കും ബാധക​മാണ്‌. പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്താൻ സഹായി​ക്കുന്ന ഒരു വിധമാണ്‌ വായി​ക്കു​ക​യും പഠിപ്പി​ക്കു​ക​യും ചെയ്യുന്ന വിവര​ങ്ങ​ളു​ടെ ആകമാ​ന​ഗ്രാ​ഹ്യം ഉണ്ടായി​രി​ക്കു​ന്നത്‌. പഠിക്കുന്ന മുഴു​പ്ര​സി​ദ്ധീ​ക​ര​ണ​ത്തി​ന്റെ​യും അതിലെ അധ്യാ​യ​ങ്ങ​ളു​ടെ​യും ഖണ്ഡിക​ക​ളു​ടെ​യും ആകമാ​ന​ഗ്രാ​ഹ്യം നമുക്കു​ണ്ടാ​യി​രി​ക്കണം.

² പുസ്‌ത​ക​ത്തി​ന്റെ പേര്‌ അതിൽ വികസി​പ്പി​ക്കുന്ന പ്രധാ​ന​വി​ഷ​യത്തെ അവതരി​പ്പി​ക്കു​ന്നു. ആ പുസ്‌ത​ക​ത്തിൽനി​ന്നു പഠിപ്പി​ക്കു​മ്പോൾ ഓരോ അധ്യാ​യ​ത്തി​ന്റെ തലക്കെ​ട്ടും പുസ്‌ത​ക​ത്തി​ന്റെ പേരും തമ്മിൽ എങ്ങനെ ബന്ധിപ്പി​ക്കാ​മെന്ന്‌ അധ്യാ​പകൻ അറിഞ്ഞി​രി​ക്കണം. രണ്ടും തമ്മിലുള്ള ബന്ധം മനസ്സി​ലാ​ക്കാൻ വിദ്യാർഥി​യെ സഹായി​ക്കണം. സാധാ​ര​ണ​ഗ​തി​യിൽ ഒരു അധ്യാ​യ​ത്തിൽ അവതരി​പ്പി​ച്ചി​രി​ക്കുന്ന വിഷയം പുസ്‌ത​ക​ത്തി​ന്റെ ആകമാ​ന​വി​ഷ​യ​ത്തി​ന്റെ ഒരു വശമാ​യി​രി​ക്കും. ഉദാഹ​ര​ണ​ത്തിന്‌, “ദൈവ​ത്തി​നു പ്രസാ​ദ​ക​ര​മായ ജീവിതം നയിക്കൽ”, “നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കാ​വുന്ന വിധം” എന്നീ അധ്യാ​യ​ങ്ങ​ളിൽ ബൈബിൾ ഈ വിഷയ​ങ്ങ​ളെ​ക്കു​റി​ച്ചു യഥാർഥ​ത്തിൽ എന്തു പഠിപ്പി​ക്കു​ന്നു എന്ന്‌ മനസ്സി​ലാ​ക്കാൻ വിദ്യാർഥി​യെ സഹായി​ക്കുക.

³ ലേഖന​ത്തി​ലെ​യോ അധ്യാ​യ​ത്തി​ലെ​യോ മുഖ്യാ​ശ​യങ്ങൾ വേർതി​രി​ക്കാൻ സഹായി​ക്കു​ന്ന​വ​യാണ്‌ ഓരോ ഉപതല​ക്കെ​ട്ടു​ക​ളും. ഓരോ ഖണ്ഡിക​യും ആ അധ്യാ​യ​ത്തി​ന്റെ തലക്കെ​ട്ടും തമ്മിൽ ഏതെങ്കി​ലും തരത്തിൽ ബന്ധപ്പെ​ട്ടി​രി​ക്കു​ന്നു. അധ്യാ​യ​ത്തി​ന്റെ തലക്കെ​ട്ടു​മാ​യി അടുത്ത ബന്ധമുള്ള ആശയങ്ങൾ ഖണ്ഡിക​ക​ളിൽനി​ന്നു കണ്ടെത്താൻ പഠിക്കുക. പഠിപ്പി​ക്കു​മ്പോൾ വിദ്യാർഥി​യു​ടെ മനസ്സിൽ പതിയാൻ നിങ്ങളാ​ഗ്ര​ഹി​ക്കുന്ന ആശയങ്ങ​ളാ​യി​രി​ക്കും ഇവ.

⁴ അച്ചടിച്ച ചോദ്യ​ങ്ങ​ളുള്ള പ്രസി​ദ്ധീ​ക​ര​ണ​ത്തിൽനി​ന്നു പഠിപ്പി​ക്കു​മ്പോൾ പലപ്പോ​ഴും ഉത്തരം ഒരു വാചക​ത്തി​ലോ ചില​പ്പോൾ ഒരു വാക്കി​ലോ ഒതുങ്ങി​യേ​ക്കാം. ആ വാചക​ത്തി​നോ വാക്കി​നോ മാത്രം അടിവ​ര​യി​ടാൻ വിദ്യാർഥി​യെ പഠിപ്പി​ക്കുക. ഇതിന്‌ പല പ്രയോ​ജ​ന​ങ്ങ​ളുണ്ട്‌. ഖണ്ഡിക വീണ്ടും മുഴു​വ​നാ​യി വായി​ക്കാ​തെ ഉത്തരം പെട്ടെന്ന്‌ കണ്ടെത്താൻ അദ്ദേഹ​ത്തി​നാ​കും. താൻ അടിവ​ര​യിട്ട ഭാഗം വീണ്ടും വായി​ക്കാ​തെ​തന്നെ സ്വന്തം വാക്കി​ലോ വാചക​ത്തി​ലോ ഉത്തരം പറയാൻ അദ്ദേഹത്തെ പ്രോ​ത്സാ​ഹി​പ്പി​ക്കുക. അടിവ​ര​യിട്ട ഭാഗങ്ങൾ കാണുന്ന മാത്ര​യിൽ വിദ്യാർഥിക്ക്‌ വിവര​ങ്ങ​ളു​ടെ ആകമാന വീക്ഷണം മനസ്സിൽ രൂപ​പ്പെ​ടാൻ ഇടയാ​കും.

⁵ വിദ്യാർഥി​ക്കും അധ്യാ​പ​ക​നും ഒരേ​പോ​ലെ ഗുണം ചെയ്യു​ന്ന​താണ്‌ ചെരി​ച്ചെ​ഴു​തിയ ഭാഗങ്ങൾ. ഇവ ഒരു ഖണ്ഡിക​യി​ലെ വാക്കുകൾ, വാചകങ്ങൾ, പ്രധാ​ന​പ്പെട്ട തിരു​വെ​ഴു​ത്താ​ശ​യങ്ങൾ എന്നിവ​യു​ടെ മേൽ വെളിച്ചം വീശുന്നു. ചെരി​ച്ചെ​ഴു​തിയ ഭാഗത്തി​ന്റെ പ്രാധാ​ന്യം വിദ്യാർഥി മനസ്സി​ലാ​ക്കു​ന്നു​ണ്ടെന്ന്‌ ഉറപ്പു​വ​രു​ത്തുക. തന്റെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ ഇതുമൂ​ലം അദ്ദേഹ​ത്തി​നു സാധി​ക്കും.

⁶ മുഖ്യാ​ശ​യ​ങ്ങ​ളോ​ടു ബന്ധപ്പെട്ട മേൽപ്പറഞ്ഞ വിവരങ്ങൾ വീക്ഷാ​ഗോ​പുര അധ്യയനം നടത്തു​മ്പോ​ഴും ഭവന ബൈബി​ള​ധ്യ​യനം നടത്തു​മ്പോ​ഴും ബൈബി​ള​ധ്യ​യനം നടത്തു​മ്പോ​ഴും കുട്ടി​കളെ പഠിപ്പി​ക്കു​മ്പോ​ഴും ബാധക​മാണ്‌. ‘പഠിപ്പിച്ച്‌ ശിഷ്യ​രാ​ക്കാ​നാണ്‌’ യേശു നമ്മോടു കൽപ്പി​ച്ചത്‌. (മത്താ. 28:19, 20) മുഖ്യാ​ശ​യങ്ങൾ മുന്തി​നിൽക്കും​വി​ധം പഠിപ്പി​ക്കു​ന്നത്‌ ആ നിയോ​ഗം നിവർത്തി​ക്കാൻ നമ്മെ സഹായി​ക്കും.