പുതിയ ശുശ്രൂ​ഷ​ക​നും അനുഭ​വ​സ​മ്പ​ന്ന​നായ ശുശ്രൂ​ഷ​ക​നും വേണ്ട യോഗ്യ​ത​കൾ

¹ സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ ചോദി​ച്ചു: “യഹോവേ, നിന്റെ കൂടാ​ര​ത്തിൽ ആർ പാർക്കും? നിന്റെ വിശു​ദ്ധ​പർവ്വ​ത​ത്തിൽ ആർ വസിക്കും?” ശ്രദ്ധാ​പൂർവം തിര​ഞ്ഞെ​ടുത്ത ചുരുക്കം ചില വാക്കു​കൾക്കൊ​ണ്ടു ദാവീദ്‌ ഉത്തരം നൽകി: “നിഷ്‌ക​ള​ങ്ക​നാ​യി നടന്നു നീതി പ്രവർത്തി​ക്ക​യും ഹൃദയ​പൂർവ്വം സത്യം സംസാ​രി​ക്ക​യും ചെയ്യു​ന്നവൻ.” (സങ്കീ. 15:1, 2) ആ യോഗ്യ​ത​കൾക്കു മാററം വന്നിട്ടില്ല. ഇന്നു ക്രിസ്‌തീയ സഭയിൽ ആരാധി​ക്കാൻ വരുന്ന എല്ലാവ​രും അധാർമിക പ്രവൃ​ത്തി​ക​ളും മദ്യാ​സ​ക്തി​യും ഒഴിവാ​ക്കണം. വഴക്കാ​ളി​ക​ളും ഉഗ്ര​കോ​പി​ക​ളും അല്ലെങ്കിൽ ഇരുവാ​ക്കു​കാ​രും ആയവർക്കു യഹോ​വ​യു​ടെ ജനത്തിന്റെ ഇടയിൽ യാതൊ​രു സ്ഥാനവും ഇല്ല. പുതിയ ശുശ്രൂ​ഷ​ക​രാ​യി​രു​ന്നാ​ലും അനുഭ​വ​പ​രി​ചയം ഉളളവ​രാ​യി​രു​ന്നാ​ലും ദൈവ​വ​ച​ന​ത്തിൽ പ്രദാനം ചെയ്‌തി​രി​ക്കുന്ന ഉന്നത നിലവാ​രങ്ങൾ നിലനിർത്തു​ന്ന​തിൽ നാം വിശ്വ​സ്‌ത​രാ​യി​രി​ക്കണം.—ഗലാ. 5:19-21.

² ധാരാളം പുതി​യവർ യഹോ​വ​യു​ടെ സ്ഥാപന​ത്തോ​ടൊ​ത്തു സഹവസി​ക്കു​ന്നുണ്ട്‌. ചെറു​പ്പ​ക്കാ​രും പ്രായ​മു​ള​ള​വ​രും ഒരു​പോ​ലെ തങ്ങളുടെ ജീവിത രീതിയെ ദൈവ​ത്തി​ന്റെ യോഗ്യ​ത​ക​ളോട്‌ അനുരൂ​പ​പ്പെ​ടു​ത്തു​ന്ന​തി​നു തങ്ങളുടെ ചിന്താ​ഗ​തി​ക്കു മാററം വരുത്തി​യി​രി​ക്കു​ന്നു. തെക്കേ അമേരി​ക്ക​യി​ലെ ഒരാൺകു​ട്ടി മാതാ​പി​താ​ക്ക​ളു​ടെ മാർഗ​നിർദ്ദേ​ശ​ത്തി​ന്റെ അഭാവ​ത്തിൽ വളർന്നു​വന്നു, അവനിൽ സാരമായ വ്യക്തിത്വ പ്രശ്‌നങ്ങൾ വികാസം പ്രാപി​ക്കു​ക​യും ചെയ്‌തു. അവൻ 18 വയസ്സാ​യ​പ്പോ​ഴേ​ക്കും മയക്കു​മ​രു​ന്നു​കൾക്ക്‌ അടിമ​യാ​യി​ത്തീർന്നു, ഈ ശീലത്തെ നിലനിർത്താൻ മോഷ്ടി​ച്ച​തി​ന്റെ പേരിൽ ജയിലിൽ കുറെ​ക്കാ​ലം ചെലവ​ഴി​ക്കു​ക​യും ചെയ്‌തു. ഒരു ബൈബി​ള​ധ്യ​യ​ന​ത്തി​ന്റെ സഹായ​ത്താൽ അവൻ തന്റെ മുൻ സുഹൃ​ത്തു​ക്ക​ളു​മാ​യു​ളള സഹവാസം ഉപേക്ഷി​ക്കു​ക​യും യഹോ​വ​യു​ടെ സാക്ഷി​ക​ളു​ടെ ഇടയിൽ പുതിയ സുഹൃ​ത്തു​ക്കളെ കണ്ടെത്തു​ക​യും ഒടുവിൽ തന്റെ ജീവിതം ദൈവ​ത്തി​നു സമർപ്പി​ക്കു​ക​യും ചെയ്‌തു.

³ സമാന​മാ​യി, നമ്മുടെ എല്ലാ നടത്തയി​ലും, “യഥാർഥ നീതി​യി​ലും വിശ്വ​സ്‌ത​ത​യി​ലും” ദൈവത്തെ പ്രസാ​ദി​പ്പി​ക്കാൻ നാം ദൃഢനി​ശ്ച​യ​മു​ള​ള​വ​രാ​യി​രി​ക്കണം. (എഫേ. 4:24, NW) ദൈവ​ത്തി​ന്റെ പർവത​സ​മാ​ന​മായ സ്ഥാപന​ത്തിൽ നാം നിലനിൽക്ക​ണ​മെ​ങ്കിൽ, “പഴയ മനുഷ്യ​നെ [“പഴയ വ്യക്തി​ത്വം,” NW] അവന്റെ പ്രവൃ​ത്തി​ക​ളോ​ടു​കൂ​ടെ ഉരിഞ്ഞു​ക​ള​യുക”യും “പരിജ്ഞാ​ന​ത്തി​ന്നാ​യി പുതുക്കം പ്രാപി​ക്കുന്ന പുതിയ മനുഷ്യ​നെ [“പുതിയ വ്യക്തി​ത്വം,” NW] ധരിക്കു”കയും ചെയ്യേണ്ട കടപ്പാടു നമുക്കുണ്ട്‌.—കൊലൊ. 3:9, 10.

⁴ ദൈവ​വ​ചനം, ശക്തമായ ഒരു സ്വാധീ​നം: ബൈബി​ളി​ലൂ​ടെ നമുക്കു വെളി​പ്പെ​ടു​ത്ത​പ്പെ​ട്ടി​രി​ക്കുന്ന യഹോ​വ​യു​ടെ വ്യക്തി​ത്വ​ത്തി​നു നമ്മുടെ ചിന്ത​യെ​യും പ്രവർത്ത​ന​ങ്ങ​ളെ​യും ക്രിയാ​ത്മ​ക​മായ ഒരു വിധത്തിൽ ശക്തമായി സ്വാധീ​നി​ക്കാൻ കഴിയും. (റോമ. 12:2) അവിടു​ത്തെ വചനത്തി​നു നമ്മുടെ മനസ്സു​കളെ രൂപാ​ന്ത​ര​പ്പെ​ടു​ത്താ​നും ഹൃദയ​ങ്ങളെ പരി​ശോ​ധി​ക്കാ​നും ഉളള ശക്തിയുണ്ട്‌. (എബ്രാ. 4:12) നാം ധാർമി​ക​മാ​യി നീതി​നി​ഷ്‌ഠ​മായ ഒരു ജീവിതം നയിക്കാ​നും പരസ്യ ശുശ്രൂ​ഷ​യിൽ പൂർണ​മായ ഒരു പങ്കുണ്ടാ​യി​രി​ക്കാ​നും ക്രിസ്‌തീയ യോഗങ്ങൾ അവഗണി​ക്കാ​തി​രി​ക്കാ​നും യഹോ​വ​യു​ടെ ഇഷ്ടം ആവശ്യ​പ്പെ​ടു​ന്ന​താ​യി നിശ്വസ്‌ത തിരു​വെ​ഴു​ത്തു​കൾ നമ്മെ പഠിപ്പി​ക്കു​ന്നു.

⁵ ഇടപെ​ടാൻ പ്രയാ​സ​മേ​റിയ ഈ നാളു​ക​ളിൽ, വർധി​ച്ചു​വ​രുന്ന സമ്മർദ​ങ്ങൾക്കു ദൈവ​നി​യ​മങ്ങൾ ലംഘി​ക്കു​ന്ന​തിന്‌ ഒരു ക്രിസ്‌ത്യാ​നി​യെ സ്വാധീ​നി​ക്കാൻ കഴിയും. വ്യക്തി​പ​ര​മായ പഠനമോ കുടും​ബാ​ധ്യ​യ​ന​മോ സഭാ​യോ​ഗ​ങ്ങ​ളോ ശുശ്രൂ​ഷ​യോ അവഗണി​ക്കു​ന്നെ​ങ്കിൽ ഒരിക്കൽ ബലിഷ്‌ഠ​നായ ഒരു ക്രിസ്‌ത്യാ​നി​പോ​ലും വിശ്വാ​സ​ത്തിൽനി​ന്നു വഴുതി​പ്പോ​യേ​ക്കാം, ഒരുപക്ഷേ ദുർന്ന​ട​ത്ത​യി​ലേക്കു വീണു​കൊ​ണ്ടു​തന്നെ. അതു​കൊ​ണ്ടാ​ണു പൗലോസ്‌, “നിനക്കു​ത​ന്നെ​യും നിന്റെ പ്രബോ​ധ​ന​ത്തി​നും സ്ഥായി​യായ ശ്രദ്ധ നൽകുക” എന്നും “ഞാൻ പറയുന്ന കാര്യ​ങ്ങ​ളെ​ക്കു​റി​ച്ചു നീ അവധാ​ന​പൂർവ്വം ചിന്തി​ക്കുക” എന്നും തിമൊ​ഥെ​യോ​സിന്‌ എഴുതി​യത്‌.—1 തിമൊ. 4:16; 2 തിമൊ. 2:7, പി.ഒ.സി. ബൈബിൾ.

⁶ പുതു​താ​യി സഹവസി​ക്കുന്ന ആളായി​രു​ന്നാ​ലും ശരി, വർഷങ്ങ​ളി​ലെ അനുഭവ പരിച​യ​ത്തി​ലൂ​ടെ പക്വത നേടിയ ആളായി​രു​ന്നാ​ലും ശരി, നമ്മുടെ ജീവൻ സംരക്ഷി​ക്ക​പ്പെ​ട​ണ​മെ​ങ്കിൽ നാം ദൈവ​ത്തി​ന്റെ യോഗ്യ​തകൾ വ്യക്തമാ​യും നമ്മുടെ ദൃഷ്ടി​യിൽ പിടി​ക്കു​ക​യും ശുശ്രൂ​ഷ​യിൽ പൂർണ​മാ​യി സന്തുല​ന​മു​ള​ള​വ​രാ​യി​രി​ക്കു​ക​യും നമ്മുടെ പ്രത്യാ​ശയെ ബലിഷ്‌ഠ​മാ​യി നിലനിർത്തു​ക​യും ചെയ്യേണ്ട ആവശ്യ​മുണ്ട്‌. (1 പത്രൊ. 1:13-16) ദൈവ​ത്തി​ന്റെ നീതി​യു​ളള വ്യവസ്ഥകൾ അനുദി​നം പ്രമാ​ണി​ക്കു​ന്നതു തികച്ചും അനിവാ​ര്യ​മാണ്‌.

⁷ ആയിര​ത്തി​ത്തൊ​ള​ളാ​യി​ര​ത്തി​തൊ​ണ്ണൂ​റ​റി​മൂ​ന്നു സേവന വർഷത്തി​ന്റെ ഈ അവസാന മാസം, വയൽസേ​വ​ന​ത്തിൽ ആയിരി​ക്കുക എന്നതു നിങ്ങളു​ടെ ലാക്കാ​ക്കുക. വിശ്വാ​സ​ത്തിൽ വളരാ​നും വയൽശു​ശ്രൂ​ഷ​യിൽ ഫലമു​ള​വാ​ക്കു​ന്ന​തിൽ വർധി​ച്ചു​വ​രാ​നും മററു​ള​ള​വരെ സഹായി​ക്കാൻ ദൃഢനി​ശ്ച​യ​മു​ള​ള​വ​രാ​യി​രി​ക്കുക. (റോമ. 1:12) വ്യക്തി​പ​ര​മായ പഠനത്തി​ലും കുടും​ബാ​ധ്യ​യ​ന​ത്തി​ലും യോഗ​ഹാ​ജ​രി​ലും ക്രമമു​ള​ള​വ​രാ​യി​രി​ക്കു​ന്ന​തി​നാൽ നിങ്ങളു​ടെ ചിന്തകളെ ശരിയായ കാര്യ​ങ്ങ​ളിൽ പതിപ്പി​ക്കുക. (ഫിലി. 4:8) ദൈവ​ത്തി​ന്റെ യോഗ്യ​ത​കൾക്ക​നു​സ​രി​ച്ചു ജീവി​ക്കു​ന്ന​തി​നാൽ അവിടു​ത്തെ പ്രസാ​ദി​പ്പി​ക്കാ​നു​ളള നിങ്ങളു​ടെ ശ്രമങ്ങൾ ശ്രദ്ധി​ക്ക​പ്പെ​ടാ​തെ പോകു​ക​യില്ല.—കൊലൊ. 3:23, 24.