1996-ലേക്കുള്ള ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽനി​ന്നു പ്രയോ​ജനം നേടുക—ഭാഗം 3

¹ ധൈര്യ​സ​മേതം സുവാർത്ത സംസാ​രി​ക്കാ​നുള്ള പ്രാപ്‌തി താൻ നേടേ​ണ്ട​തി​നു തന്റെ സഹോ​ദ​രൻമാർ തനിക്കു​വേണ്ടി പ്രാർഥി​ക്ക​ണ​മെന്ന്‌ അപ്പോ​സ്‌ത​ല​നായ പൗലോസ്‌ ആഗ്രഹി​ച്ചു. (എഫേ. 6:18-20) അതേ പ്രാപ്‌തി നട്ടുവ​ളർത്താൻ നാം വാഞ്‌ഛി​ക്കു​ന്നു. ആ പ്രാപ്‌തി നേടു​ന്ന​തിന്‌, ദിവ്യാ​ധി​പത്യ ശുശ്രൂ​ഷാ​സ്‌കൂൾ പ്രദാ​നം​ചെ​യ്യുന്ന സഹായത്തെ നാം വിലമ​തി​ക്കു​ന്നു. യോഗ​ത്തി​നു ഹാജരാ​കുന്ന യോഗ്യ​ത​യു​ള്ള​വ​രാണ്‌ ഈ സ്‌കൂ​ളിൽ പേരു ചാർത്താൻ പ്രോ​ത്സാ​ഹി​പ്പി​ക്ക​പ്പെ​ടു​ന്നത്‌.

² സംസാര-പഠിപ്പി​ക്കൽ പ്രാപ്‌തി​കൾ മെച്ച​പ്പെ​ടു​ത്തു​ന്ന​തി​നു നമ്മെ സഹായി​ക്കുന്ന വ്യക്തി​ഗ​ത​മാ​ക്ക​പ്പെട്ട ബുദ്ധ്യു​പ​ദേശം വിദ്യാർഥി​കൾ എന്ന നിലയിൽ നാം സ്വീക​രി​ക്കു​ന്നു. (സദൃ. 9:9) മറ്റു വിദ്യാർഥി​കൾക്കു ലഭിക്കുന്ന ബുദ്ധ്യു​പ​ദേശം ശ്രദ്ധി​ച്ചു​കൊ​ണ്ടും നാം പഠിക്കു​ന്നതു നമുക്കു​തന്നെ ബാധക​മാ​ക്കി​ക്കൊ​ണ്ടും നമുക്കു പ്രയോ​ജനം നേടാൻ കഴിയും. ഒരു നിയമനം തയ്യാറാ​കു​മ്പോൾ, നമ്മുടെ വിശദീ​ക​രണം കൃത്യ​ത​യു​ള്ള​താ​ണെന്ന്‌ ഉറപ്പു​വ​രു​ത്തു​വാൻ നാം ഉറവി​ട​വി​വരം ശ്രദ്ധാ​പൂർവം പഠിക്കണം. നാം ഉപയോ​ഗി​ക്കുന്ന പ്രധാന ആശയങ്ങ​ളും തിരു​വെ​ഴു​ത്തു​ക​ളും ആകമാ​ന​മുള്ള പ്രതി​പാ​ദ്യ​വി​ഷ​യ​ത്തി​ന്റെ വികസി​പ്പി​ക്ക​ലു​മാ​യി ചേർച്ച​യി​ലാ​യി​രി​ക്കണം. നിയമ​ന​ത്തിൽ മറ്റൊ​രാൾകൂ​ടി ഉൾപ്പെ​ടു​ന്നു​വെ​ങ്കിൽ, സ്‌കൂ​ളിൽ അത്‌ അവതരി​പ്പി​ക്കു​ന്ന​തി​നു വളരെ​മു​മ്പു​തന്നെ അഭ്യസി​ച്ചു​നോ​ക്കേ​ണ്ട​തുണ്ട്‌. നാം പുരോ​ഗതി വരുത്തു​ന്ന​ത​നു​സ​രിച്ച്‌, പൂർണ​മാ​യി എഴുതി നടത്തുന്ന പ്രസം​ഗ​ത്തി​നു പകരം കുറി​പ്പു​കൾ ഉപയോ​ഗി​ച്ചു വാചാ​പ്ര​സം​ഗം നടത്താൻ ഒരു ശ്രമം നടത്തണം.

³ സ്‌കൂ​ളിൽ നിയമനം ഉള്ളവ​രെ​ല്ലാം നേരത്തെ എത്തി​ച്ചേർന്ന്‌, തങ്ങളുടെ പ്രസംഗ ഗുണ​ദോ​ഷ​ച്ചീട്ട്‌ സ്‌കൂൾ മേൽവി​ചാ​ര​കനു നൽകു​ക​യും ഹാളിന്റെ മുൻ ഭാഗ​ത്തോ​ട​ടുത്ത്‌ ഇരിക്കു​ക​യും ചെയ്യണം. തങ്ങളുടെ രംഗസം​വി​ധാ​നം എന്താണ​ന്നും തങ്ങളുടെ ഭാഗം നിന്നാ​ണോ ഇരുന്നാ​ണോ കൈകാ​ര്യം ചെയ്യു​ന്ന​തെ​ന്നും സഹോ​ദ​രി​മാർ കാലേ​കൂ​ട്ടി സ്‌കൂൾ മേൽവി​ചാ​ര​കനെ അറിയി​ക്കണം. ഈ വിധത്തിൽ സഹകരി​ക്കു​ന്നത്‌, സുഗമ​മായ പരിപാ​ടി​യ്‌ക്കു സംഭാവന ചെയ്യു​ക​യും പ്ലാറ്റ്‌ഫാ​റ​ത്തി​ന്റെ ചുമതല വഹിക്കു​ന്ന​വരെ, എല്ലാം മുൻകൂ​ട്ടി ഒരുക്കാൻത​ക്ക​വണ്ണം സഹായി​ക്കു​ക​യും ചെയ്യും.

⁴ 2-ാം നമ്പർ നിയമനം തയ്യാറാ​കൽ: ബൈബിൾ വായന​യു​ടെ ഒരു ഉദേശ്യം വായനാ പ്രാപ്‌തി മെച്ച​പ്പെ​ടു​ത്താൻ വിദ്യാർഥി​യെ സഹായി​ക്കുക എന്നതാണ്‌. ഇത്‌ ഏറ്റവും മെച്ചമാ​യി എങ്ങനെ നേടാൻ കഴിയും? വായനാ ഭാഗം ആവർത്തി​ച്ചാ​വർത്തിച്ച്‌ ഉച്ചത്തിൽ വായി​ക്കു​ന്ന​താണ്‌ ഇതിൽ പ്രാവീ​ണ്യം നേടു​ന്ന​തി​നുള്ള ഏറ്റവും നല്ല മാർഗം. അപരി​ചി​ത​മായ ഏതു വാക്കു​ക​ളു​ടെ​യും അർഥവും ഉച്ചാര​ണ​വും പഠിക്കു​ന്ന​തി​നു വിദ്യാർഥി നിഘണ്ടു പരി​ശോ​ധി​ക്കേ​ണ്ട​താണ്‌. നിഘണ്ടു​വി​ലെ ഉച്ചാരണ ചിഹ്നങ്ങ​ളു​ടെ അർഥവു​മാ​യി പരിച​യ​ത്തി​ലാ​കു​ന്ന​തും ഇത്‌ ആവശ്യ​മാ​ക്കി​ത്തീർത്തേ​ക്കാം.

⁵ ബൈബി​ളിൽ കാണ​പ്പെ​ടുന്ന സംജ്ഞാ​നാ​മ​ങ്ങ​ളും ഇംഗ്ലീ​ഷിൽ സാധാ​ര​ണ​മ​ല്ലാത്ത പദങ്ങളും ഉച്ചരി​ക്കു​ന്ന​തി​നുള്ള സഹായം പുതിയ ലോക ഭാഷാ​ന്തരം നൽകുന്നു. അവയെ പദാം​ഗ​ങ്ങ​ളാ​യി പിരി​ച്ചെ​ഴു​തി​യും ആരോഹണ ചിഹ്നങ്ങൾ നൽകി​യു​മാണ്‌ അത്‌ അപ്രകാ​രം ചെയ്യു​ന്നത്‌. (“എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും പ്രയോ​ജ​ന​പ്ര​ദ​വു​മാണ്‌,” [ഇംഗ്ലീഷ്‌] പേജ്‌ 325-6, ഖണ്ഡികകൾ 27-8 കാണുക.) ഒരു നിയമ​മെ​ന്ന​നി​ല​യിൽ, ആരോഹണ ചിഹ്നത്തി​നു മുന്നിൽ വരുന്ന പദാം​ഗ​ത്തി​നു പ്രധാന ഊന്നൽ ലഭിക്കു​ന്നു. ആരോഹണ ചിഹ്നമുള്ള പദാംഗം ഒരു സ്വരാ​ക്ഷ​ര​ത്തിൽ അവസാ​നി​ക്കു​ന്നു​വെ​ങ്കിൽ, ഉച്ചാര​ണ​ത്തിൽ ആ സ്വരാ​ക്ഷരം ദീർഘ​മാ​യി​രി​ക്കും. ഒരു പദാംഗം ഒരു വ്യഞ്‌ജ​ന​ത്തി​ലാണ്‌ അവസാ​നി​ക്കു​ന്ന​തെ​ങ്കിൽ ആ പദാം​ഗ​ത്തി​ലെ സ്വരാ​ക്ഷരം ഹ്രസ്വ​മാ​യി​രി​ക്കും. (Saʹlu, Salʹlu, സേലൂ, സല്ലൂ, താരത​മ്യം ചെയ്യുക.) ബൈബിൾ വായനാ നിയമ​ന​ത്തി​നു തയ്യാറാ​കാൻ ചില സഹോ​ദ​രൻമാർ സൊ​സൈ​റ്റി​യു​ടെ ഓഡി​യോ​കാ​സ​റ്റു​കൾ കേൾക്കു​ന്നു.

⁶ വായനാ നിയമനം തയ്യാറാ​കു​ന്ന​തി​നു മാതാ​പി​താ​ക്കൾക്കു തങ്ങളുടെ പ്രായം​കു​റഞ്ഞ കുട്ടി​കളെ സഹായി​ക്കാൻ കഴിയും. കുട്ടി പരിശീ​ലി​ക്കു​മ്പോൾ ശ്രദ്ധി​ക്കു​ന്ന​തും എന്നിട്ടു സഹായ​ക​ര​മായ നിർദേ​ശങ്ങൾ അവനു നൽകു​ന്ന​തും ഇതിൽ ഉൾപ്പെ​ട്ടേ​ക്കാം. നിയുക്ത സമയം ഒരു ഹ്രസ്വ മുഖവു​ര​യും മുഖ്യ ആശയങ്ങ​ളു​ടെ ബാധക​മാ​ക്കൽ നടത്തുന്ന ഉചിത​മായ ഉപസം​ഹാ​ര​വും അനുവ​ദി​ക്കു​ന്നു. അങ്ങനെ വിദ്യാർഥി വാചാ​പ്ര​സം​ഗം നടത്താ​നുള്ള തന്റെ പ്രാപ്‌തി വികസി​പ്പി​ക്കു​ന്നു.

⁷ സങ്കീർത്ത​ന​ക്കാ​രൻ പ്രാർഥ​നാ​പൂർവം ഇങ്ങനെ അഭ്യർഥി​ച്ചു, “കർത്താവേ, എന്റെ അധരങ്ങളെ തുറ​ക്കേ​ണമേ; എന്നാൽ എന്റെ വായ്‌ നിന്റെ സ്‌തു​തി​യെ വർണ്ണി​ക്കും.” (സങ്കീ. 51:15) ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ നമ്മുടെ പങ്കുപറ്റൽ ഇതേ ആഗ്രഹത്തെ തൃപ്‌തി​പ്പെ​ടു​ത്താൻ നമ്മെ സഹായി​ക്കു​മാ​റാ​കട്ടെ.