ബഹുഭാ​ഷാ പ്രദേ​ശ​ങ്ങ​ളിൽ ശിഷ്യരെ ഉളവാക്കൽ

¹ പൊ.യു. 33-ലെ പെന്തെ​ക്കൊസ്‌തിൽ, വിവിധ ദേശങ്ങ​ളിൽ നിന്നുള്ള വലി​യൊ​രു ജനക്കൂട്ടം അത്യന്തം വിസ്‌മ​യ​ക​ര​മായ ഒരു പ്രസംഗം കേൾക്കാ​നാ​യി കൂടി​വന്നു. അവർ ഇങ്ങനെ പറഞ്ഞു: “ഈ സംസാ​രി​ക്കു​ന്നവർ എല്ലാം ഗലീല​ക്കാർ അല്ലയോ? പിന്നെ നാം ഓരോ​രു​ത്തൻ ജനിച്ച നമ്മുടെ സ്വന്തഭാ​ഷ​യിൽ അവർ സംസാ​രി​ച്ചു കേൾക്കു​ന്നതു എങ്ങനെ?” (പ്രവൃ. 2:7, 8) സാധ്യ​ത​യ​നു​സ​രിച്ച്‌, അവർ ഗ്രീക്കോ എബ്രാ​യ​യോ കുറെ​യൊ​ക്കെ സംസാ​രി​ച്ചി​രു​ന്നെ​ങ്കി​ലും തങ്ങളുടെ മാതൃ​ഭാ​ഷ​യിൽ സുവാർത്ത കേൾക്കു​ന്ന​തി​നെ അവർ വിലമ​തി​ക്കു​ക​യും 3000-ത്തോളം പേർ സ്‌നാ​പ​ന​മേൽക്കു​ക​യും ചെയ്‌തു.

² ഇന്ന്‌ ഇന്ത്യയിൽ 50 ശതമാ​ന​ത്തി​ല​ധി​കം പ്രസാ​ധ​ക​രും ഒന്നിൽ കൂടുതൽ ഭാഷ സംസാ​രി​ക്കുന്ന വൻ നഗരങ്ങ​ളി​ലാ​ണു താമസി​ക്കു​ന്നത്‌. തന്നെയു​മല്ല, ചിലർക്കു വിദ്യാ​ഭ്യാ​സം ലഭിക്കു​ന്നത്‌ ഇംഗ്ലീ​ഷി​ലോ മറ്റൊരു ഭാഷയി​ലോ ആണ്‌. അതു​കൊണ്ട്‌ ആശയവി​നി​മ​യ​ത്തി​നാ​യി ആ ഭാഷകൾ ഉപയോ​ഗി​ക്കാൻ അവർ താത്‌പ​ര്യ​പ്പെ​ടു​ന്നു. മറ്റു ഭാഷക്കാ​രായ താത്‌പ​ര്യ​ക്കാ​രെ പുരോ​ഗതി വരുത്തു​ന്ന​തിൽ സഹായി​ക്കാൻ നിങ്ങൾക്ക്‌ എന്തു ചെയ്യാൻ കഴിയും? അവർക്കു തങ്ങളുടെ സ്വന്തം ഭാഷയിൽ എങ്ങനെ രാജ്യ സന്ദേശം കേൾക്കാ​നാ​കും? യോഗ​ങ്ങ​ളിൽനിന്ന്‌ അവർ പ്രയോ​ജനം നേടാൻ തക്കവണ്ണം എന്തെല്ലാം ക്രമീ​ക​ര​ണങ്ങൾ ചെയ്യേ​ണ്ട​തുണ്ട്‌?

³ ഇപ്പോൾ അത്ഭുത ഭാഷാ​വരം ഇല്ലെങ്കി​ലും, ഇംഗ്ലീഷ്‌ പ്രസി​ദ്ധീ​ക​ര​ണ​ങ്ങ​ളോ​ടൊ​പ്പം​തന്നെ അവയുടെ പരിഭാ​ഷ​ക​ളും ലഭ്യമാ​ക്കി​ക്കൊണ്ട്‌ പരിശു​ദ്ധാ​ത്മാവ്‌ ദൈവ​ത്തി​ന്റെ ഭൗമിക സംഘട​ന​യു​ടെ​മേൽ പ്രവർത്ത​ന​നി​ര​ത​മാണ്‌. പുതി​യ​വർക്ക്‌ പ്രാ​ദേ​ശിക ഭാഷയിൽ പരിമി​ത​മായ ഗ്രാഹ്യ​മേ ഉള്ളൂ എങ്കിൽ പോലും ഇവയുടെ സഹായ​ത്താൽ മുഴു പരിപാ​ടി​ക​ളും മനസ്സി​ലാ​ക്കാൻ അവർക്കു സാധി​ക്കു​ന്നു.

⁴ ചില സഭകളി​ലെ മൂപ്പന്മാർ, പരിപാ​ടി​കൾ പരിഭാ​ഷ​പ്പെ​ടു​ത്താ​നുള്ള ക്രമീ​ക​രണം ചെയ്‌തു​കൊണ്ട്‌ രണ്ടു ഭാഷാ​ക്കൂ​ട്ട​ങ്ങളെ സേവി​ക്കാൻ തീരു​മാ​നി​ച്ചി​രി​ക്കു​ന്നു. യോഗങ്ങൾ പരിഭാ​ഷ​പ്പെ​ടു​ത്തു​മ്പോൾ പ്രസം​ഗ​കന്റെ വാദമു​ഖ​വും ഒഴുക്കും തടസ്സ​പ്പെ​ടു​ന്നു. പരിച​യ​സ​മ്പ​ന്ന​നായ ഒരു പരിഭാ​ഷ​കനെ ഉപയോ​ഗി​ക്കു​മ്പോൾ പോലും, ഉദ്ദേശിച്ച വിവര​ത്തി​ന്റെ ഏതാണ്ട്‌ 60 ശതമാനം മാത്രമേ അവതരി​പ്പി​ക്കാൻ കഴിയൂ. അതിന്റെ അർഥം അമൂല്യ​മായ ആത്മീയ ഭക്ഷണം നഷ്ടമാ​കു​ന്നു എന്നാണ്‌.

⁵ പലപ്പോ​ഴും, തങ്ങൾ ആഗ്രഹി​ക്കുന്ന ഏതൊരു ഭാഷയി​ലും ഉത്തരം പറയാ​നും യോഗ​ഭാ​ഗങ്ങൾ നടത്താ​നും ചിലർ പ്രസാ​ധ​കരെ പ്രോ​ത്സാ​ഹി​പ്പി​ക്കുക പോലും ചെയ്യാ​റുണ്ട്‌. ഇത്‌ ഒന്നാം നൂറ്റാ​ണ്ടിൽ സംഭവി​ച്ച​തി​നു സമാന​മായ ഒരു സ്ഥിതി​വി​ശേ​ഷ​ത്തിൽ കലാശി​ച്ചേ​ക്കാം: “എല്ലാവ​രും അന്യഭാ​ഷ​ക​ളിൽ സംസാ​രി​ക്കു​ന്നു എങ്കിൽ ആത്മവര​മി​ല്ലാ​ത്ത​വ​രോ അവിശ്വാ​സി​ക​ളോ അകത്തു വന്നാൽ നിങ്ങൾക്കു ഭ്രാന്തു​ണ്ടു എന്നു പറകയി​ല്ല​യോ?” (1 കൊരി. 14:23) എല്ലാവർക്കും മനസ്സി​ലാ​കു​ന്നു​ണ്ടെന്ന്‌ ഉറപ്പു​വ​രു​ത്തി​ക്കൊണ്ട്‌, യോഗങ്ങൾ നടത്താ​നുള്ള ക്രമീ​കൃ​ത​മായ ഒരു വിധത്തെ കുറിച്ച്‌ പൗലൊസ്‌ തുടർന്നു വിശദീ​ക​രി​ച്ചു.—1 കൊരി. 14:26-39.

⁶ മറ്റു ഭാഷയി​ലുള്ള ഒരു പുതിയ സഭ ക്രമാ​നു​ഗ​ത​മാ​യി രൂപീ​ക​രി​ക്കുക എന്ന ആശയത്തെ പ്രോ​ത്സാ​ഹി​പ്പി​ക്കു​ന്ന​താണ്‌ നന്ന്‌. യോഗ്യ​ത​യുള്ള ഒരു സഹോ​ദരൻ ഒരു പ്രത്യേക ഭാഷ നന്നായി സംസാ​രി​ക്കു​ക​യും അതേ ഭാഷ സംസാ​രി​ക്കുന്ന കുറേ​പ്പേർ യോഗ​ങ്ങ​ളിൽ സംബന്ധി​ക്കു​ക​യും ചെയ്യു​ന്നു​ണ്ടെ​ങ്കിൽ, കൂടു​ത​ലായ നിർദേ​ശങ്ങൾ ആവശ്യ​പ്പെ​ട്ടു​കൊ​ണ്ടു മൂപ്പന്മാർക്ക്‌ ബ്രാഞ്ച്‌ ഓഫീ​സിന്‌ എഴുതാ​വു​ന്ന​താണ്‌.

⁷ എന്നിരു​ന്നാ​ലും മിക്ക സന്ദർഭ​ങ്ങ​ളി​ലും, അത്തരം വ്യക്തികൾ പ്രാ​ദേ​ശിക ഭാഷകൂ​ടെ ഉപയോ​ഗി​ക്കു​ക​യും അതിൽ ആത്മവി​ശ്വാ​സം നേടി​യ​ശേഷം ഒഴു​ക്കോ​ടെ സംസാ​രി​ക്കാൻ പ്രാപ്‌ത​രാ​കു​ക​യും ചെയ്യുന്നു. ഒരു പ്രത്യേക ഭാഷ​യോ​ടുള്ള പ്രതി​പ​ത്തി​യോ മറ്റൊരു ഭാഷ ഉപയോ​ഗി​ക്കാ​നുള്ള വൈമ​ന​സ്യ​മോ നിമിത്തം വേറൊ​രു ഭാഷയി​ലുള്ള പുതിയ സഭ രൂപീ​ക​രി​ക്കു​ന്ന​തി​നു പകരം, ഈ പ്രാപ്‌തി വികസി​പ്പി​ച്ചെ​ടു​ക്കാൻ അവരെ പ്രോ​ത്സാ​ഹി​പ്പി​ക്കു​ന്ന​താ​യി​രി​ക്കും അഭികാ​മ്യം. ആത്മാർഥ ഹൃദയർ സത്യത്തി​ന്റെ സന്ദേശ​ത്തി​ലേക്ക്‌ ആകർഷി​ക്ക​പ്പെ​ടു​ന്നു, തങ്ങൾക്കു മനസ്സി​ലാ​കുന്ന ഏതു ഭാഷയി​ലും അതു പഠിക്കാൻ അവർ മിക്ക​പ്പോ​ഴും ഉത്സുക​രാണ്‌.

⁸ മറ്റു ഭാഷാ​ക്കൂ​ട്ടങ്ങൾ രൂപീ​ക​രി​ച്ചു​ക​ഴി​ഞ്ഞാൽ, താത്‌പ​ര്യ​ക്കാ​രെ അവരുടെ ഭാഷയി​ലുള്ള യോഗങ്ങൾ നടത്ത​പ്പെ​ടു​ന്നി​ട​ത്തേക്ക്‌—അത്‌ കുറെ ദൂരെ​യാ​ണെ​ങ്കിൽപ്പോ​ലും—നയിച്ചു​കൊണ്ട്‌ സഭയിലെ എല്ലാവർക്കും തങ്ങളുടെ പങ്കു നിർവ​ഹി​ക്കാൻ കഴിയും. നിങ്ങൾക്ക്‌ അവരുടെ ഭാഷ ഒഴു​ക്കോ​ടെ സംസാ​രി​ക്കാൻ കഴിയു​മെ​ങ്കി​ലും, ആ ഭാഷ ഉപയോ​ഗി​ക്കുന്ന സഭയിൽനി​ന്നുള്ള അനു​യോ​ജ്യ​നായ ഒരു പ്രസാ​ധ​കനെ കൂടെ​ക്കൂ​ട്ടു​ന്നതു ഉചിത​മാ​യി​രു​ന്നേ​ക്കാം. പക്വത​യി​ലേക്കു പുരോ​ഗ​മി​ക്കു​ന്ന​തി​നും സഭയോ​ടൊ​ത്തു യോഗ​ങ്ങൾക്കു ഹാജരാ​കു​ന്ന​തി​നും അവരെ തുടർന്നു സഹായി​ക്കാൻ ഈ വ്യക്തിക്കു കഴിയും.

⁹ ഭൂരി​പക്ഷം ആളുക​ളും മറ്റൊരു ഭാഷ സംസാ​രി​ക്കുന്ന ഒരു സ്ഥലം നിങ്ങൾ കണ്ടെത്തി​യാൽ, നിങ്ങളു​ടെ പ്രദേ​ശത്തെ മൂപ്പന്മാ​രെ വിവരം അറിയി​ക്കുക. പ്രസ്‌തുത ഭാഷ സംസാ​രി​ക്കുന്ന സമീപ​ത്തുള്ള ഒരു സഭയ്‌ക്ക്‌ ഈ പ്രദേശം വിട്ടു​കൊ​ടു​ക്കു​ന്ന​താണ്‌ ഉചിത​മെന്ന്‌ അവർ തീരു​മാ​നി​ച്ചേ​ക്കാം. സഭകൾ തമ്മിൽ നല്ല സഹകരണം ഉണ്ടായി​രി​ക്കണം. ശുശ്രൂ​ഷ​യിൽ ആയിരി​ക്കെ, നിങ്ങളു​ടെ ഭാഷ നന്നായി അറിയാ​വുന്ന അല്ലെങ്കിൽ അത്‌ ഇഷ്ടപ്പെ​ടുന്ന വ്യക്തി​ക​ളിൽ മുഖ്യ​മാ​യും ശ്രദ്ധ കേന്ദ്രീ​ക​രി​ക്കു​ന്ന​തി​ലൂ​ടെ കൂടുതൽ ഫലം ഉത്‌പാ​ദി​പ്പി​ക്കാ​വു​ന്ന​താണ്‌.

¹⁰ പലപ്പോ​ഴും മാതാ​പി​താ​ക്കൾ മാതൃ​ഭാഷ ഇഷ്ടപ്പെ​ടു​ന്നു, അതേസ​മയം, അവരുടെ കുട്ടികൾ ഇംഗ്ലീഷ്‌ മീഡി​യ​ത്തിൽ പഠിക്കു​ക​യും ഇംഗ്ലീ​ഷി​നോ​ടു ചായ്‌വു കാണി​ക്കു​ക​യും ചെയ്യുന്നു. ഇരുകൂ​ട്ട​രു​ടെ​യും അഭിരു​ചി കണക്കി​ലെ​ടു​ത്തു​കൊണ്ട്‌ ചില സഭകൾ ദ്വിഭാ​ഷാ രീതി​യിൽ യോഗങ്ങൾ നടത്തു​ക​യും രണ്ടു വീക്ഷാ​ഗോ​പുര അധ്യയ​നങ്ങൾ നിർവ​ഹി​ക്കു​ക​യും ചെയ്യുന്നു. കുട്ടികൾ രണ്ടാം ഹാളിലെ യോഗ​ത്തി​ലാ​ണു സംബന്ധി​ക്കു​ന്ന​തെ​ങ്കിൽ, അവർ നന്നായി അഭി​പ്രാ​യങ്ങൾ പറയു​ന്നു​ണ്ടോ അവരുടെ ആത്മീയ പുരോ​ഗതി എത്ര​ത്തോ​ള​മുണ്ട്‌ എന്നൊ​ന്നും മാതാ​പി​താ​ക്കൾക്ക്‌ അറിയാൻ കഴി​ഞ്ഞെ​ന്നു​വ​രില്ല. ഈ കാരണ​ങ്ങ​ളാൽ ആത്മീയ വിദ്യാ​ഭ്യാ​സ​ത്തി​നാ​യി കുടും​ബങ്ങൾ പൊതു​വായ ഒരു ഭാഷ തിര​ഞ്ഞെ​ടു​ക്കു​ക​യും ആ ഭാഷ ഉപയോ​ഗി​ച്ചു​കൊണ്ട്‌ ദിവ്യാ​ധി​പത്യ പ്രവർത്ത​ന​ങ്ങ​ളിൽ ഐക്യ​ത്തോ​ടെ പങ്കെടു​ക്കു​ക​യും വേണം. കുട്ടി​കളെ പ്രതി ചില കുടും​ബങ്ങൾ ഇംഗ്ലീഷ്‌ സഭയി​ലേക്കു മാറി​യി​ട്ടുണ്ട്‌.

¹¹ ഈ നിർദേ​ശങ്ങൾ ബാധക​മാ​ക്കു​ക​വഴി എല്ലാവ​രും ദിവ്യാ​ധി​പത്യ വിദ്യാ​ഭ്യാ​സ പരിപാ​ടി പൂർണ​മാ​യും ആസ്വദി​ക്കും. പുതി​യവർ മാതൃ​ഭാ​ഷ​യിൽ രാജ്യ​സ​ന്ദേശം കേൾക്കു​ക​യും ഉൾപ്പെ​ട്ടി​രി​ക്കുന്ന സംഗതി​കൾ മനസ്സി​ലാ​ക്കു​ക​യും ചെയ്യു​മ്പോൾ അവരും നമ്മുടെ മഹാ ഉപദേ​ഷ്ടാ​വായ യഹോ​വ​യാം ദൈവത്തെ സ്‌തു​തി​ക്കാൻ പ്രേരി​ത​രാ​കും.