സേവന​യോഗ പട്ടിക

ഒക്ടോബർ 14-ന്‌ ആരംഭി​ക്കുന്ന വാരം

ഗീതം 103

10 മിനി: പ്രാ​ദേ​ശിക അറിയി​പ്പു​കൾ. നമ്മുടെ രാജ്യ ശുശ്രൂ​ഷ​യിൽനി​ന്നുള്ള തിര​ഞ്ഞെ​ടുത്ത അറിയി​പ്പു​കൾ. ഒക്ടോബർ 28-ന്‌ ആരംഭി​ക്കുന്ന വാരത്തി​ലെ സേവന യോഗ​ത്തി​ലെ ചർച്ചയ്‌ക്കുള്ള തയ്യാ​റെ​ടു​പ്പെന്ന നിലയിൽ സംഖ്യാ​പുസ്‌തകം 25-ാം അധ്യായം, ഉൾക്കാഴ്‌ച (ഇംഗ്ലീഷ്‌) വാല്യം 2 പേജ്‌ 419 ഖ. 3-5 എന്നിവ വായി​ക്കാ​നും തുടർന്ന്‌ നമ്മുടെ നാളി​ലേ​ക്കുള്ള മുന്നറി​യി​പ്പിൻ ദൃഷ്ടാ​ന്തങ്ങൾ (ഇംഗ്ലീഷ്‌) എന്ന വീഡി​യോ കാണാ​നും എല്ലാവ​രെ​യും പ്രോ​ത്സാ​ഹി​പ്പി​ക്കുക. 8-ാം പേജിലെ നിർദേ​ശങ്ങൾ ഉപയോ​ഗിച്ച്‌ ഒക്ടോബർ 8 ലക്കം ഉണരുക!യും (മാസികാ അവതരണ കോള​ത്തി​ലെ ആദ്യ​ത്തേത്‌) ഒക്ടോബർ 15 ലക്കം വീക്ഷാ​ഗോ​പു​ര​വും സമർപ്പി​ക്കാ​നുള്ള രണ്ടു വ്യത്യസ്‌ത അവതര​ണങ്ങൾ പ്രകടി​പ്പി​ക്കുക. ഓരോ​ന്നി​ലും “നിങ്ങളു​ടെ പ്രവർത്തനം സംബന്ധിച്ച്‌ എനിക്ക്‌ ഇപ്പോഴേ നന്നായി അറിയാം” എന്നു പറയുന്ന സംഭാ​ഷണം മുടക്കി​യോ​ടു പ്രതി​ക​രി​ക്കേണ്ട വ്യത്യസ്‌ത വിധങ്ങൾ അവതരി​പ്പി​ക്കുക.—ന്യായ​വാ​ദം പുസ്‌ത​ക​ത്തി​ന്റെ 20-ാം പേജ്‌ കാണുക.

15 മിനി: ഒറ്റയ്‌ക്കുള്ള മാതാ​വോ പിതാ​വോ നേരി​ടുന്ന വെല്ലു​വി​ളി​കൾ. കുട്ടി​കളെ പരിശീ​ലി​പ്പി​ക്കൽ, ശിക്ഷണം നൽകൽ, ആത്മീയ മാർഗ​നിർദേശം പ്രദാനം ചെയ്യൽ എന്നിവ​യോ​ടു ബന്ധപ്പെട്ട്‌ ഉണ്ടാകുന്ന പ്രശ്‌ന​ങ്ങളെ തങ്ങൾ എങ്ങനെ നേരി​ടു​ന്നു​വെന്നു കാണാൻ ഒരു മൂപ്പൻ ഒറ്റയ്‌ക്കുള്ള മാതാ​പി​താ​ക്ക​ളിൽ (അല്ലെങ്കിൽ ഇണ സാക്ഷി​യ​ല്ലാത്ത) ഒന്നോ രണ്ടോ പേരു​മാ​യി അഭിമു​ഖം നടത്തുന്നു. കുടുംബ ഉത്തരവാ​ദി​ത്വ​ങ്ങൾ നിർവ​ഹി​ക്കാ​നും ക്രമമാ​യി യോഗ​ങ്ങൾക്കു ഹാജരാ​കാ​നും വയൽസേ​വ​ന​ത്തിൽ പങ്കെടു​ക്കാ​നും അവർക്ക്‌ എങ്ങനെ സാധി​ക്കു​ന്നു? കുടുംബ സന്തുഷ്ടി പുസ്‌ത​ക​ത്തി​ന്റെ 104-10 പേജു​ക​ളി​ലെ ഏതാനും നിർദേ​ശങ്ങൾ വിശേ​ഷ​വത്‌ക​രി​ക്കുക. 113-15 പേജു​ക​ളിൽ വ്യക്തമാ​ക്കി​യി​രി​ക്കു​ന്ന​തു​പോ​ലെ, മറ്റുള്ള​വർക്കു സഹായി​ക്കാ​വുന്ന പ്രാ​യോ​ഗിക വിധങ്ങളെ കുറിച്ചു സൂചി​പ്പി​ക്കുക.

20 മിനി: “സഭാ പുസ്‌ത​കാ​ധ്യ​യന മേൽവി​ചാ​ര​ക​ന്മാർ വ്യക്തിഗത താത്‌പ​ര്യം പ്രകട​മാ​ക്കുന്ന വിധം.” ഒരു സഭാ പുസ്‌ത​കാ​ധ്യ​യന മേൽവി​ചാ​രകൻ നടത്തുന്ന ചോ​ദ്യോ​ത്തര ചർച്ച. പ്രാരംഭ പ്രസ്‌താ​വ​ന​ക​ളു​ടെ ഭാഗമാ​യി, പുസ്‌ത​കാ​ധ്യ​യന ക്രമീ​ക​രണം തുടങ്ങി​യത്‌ എങ്ങനെ​യാ​ണെന്നു ഹ്രസ്വ​മാ​യി വിശദീ​ക​രി​ക്കുക. (jv 237 ഖ. 4) സഭാ പുസ്‌ത​കാ​ധ്യ​യ​ന​ത്തി​ലൂ​ടെ തങ്ങളോ​ടു കാട്ടിയ വ്യക്തിഗത താത്‌പ​ര്യ​ത്തിൽനിന്ന്‌ എങ്ങനെ പ്രയോ​ജനം നേടി​യി​രി​ക്കു​ന്നു എന്നു പറയാൻ രണ്ടോ മൂന്നോ പ്രസാ​ധ​കരെ മുന്നമേ ക്രമീ​ക​രി​ക്കുക.

ഗീതം 65, സമാപന പ്രാർഥന.

ഒക്ടോബർ 21-ന്‌ ആരംഭി​ക്കുന്ന വാരം

ഗീതം 206

10 മിനി: പ്രാ​ദേ​ശിക അറിയി​പ്പു​കൾ. കണക്കു റിപ്പോർട്ട്‌.

35 മിനി: “ബഹുഭാ​ഷാ പ്രദേ​ശ​ങ്ങ​ളിൽ ശിഷ്യരെ ഉളവാക്കൽ.” സേവന മേൽവി​ചാ​രകൻ നിർവ​ഹി​ക്കുന്ന പ്രസം​ഗ​വും സദസ്യ ചർച്ചയും. 8-ാം ഖണ്ഡിക ചർച്ച ചെയ്യു​മ്പോൾ, പുരോ​ഗ​മി​ച്ചു​കൊ​ണ്ടി​രി​ക്കുന്ന ഒരു ബൈബിൾ അധ്യയനം ബൈബിൾ വിദ്യാർഥി​യു​ടെ ഭാഷ ഉപയോ​ഗി​ക്കുന്ന ഒരു സഭയിൽനി​ന്നുള്ള പ്രസാ​ധ​കനു കൈമാ​റുന്ന വിധം രണ്ടു പ്രസാ​ധകർ പ്രകടി​പ്പി​ക്കു​ന്നു. സഭയി​ലും പ്രദേ​ശ​ത്തു​മുള്ള മറ്റു ഭാഷകൾ സംസാ​രി​ക്കു​ന്ന​വരെ സഹായി​ക്കാൻ എന്താണു ചെയ്‌തു​കൊ​ണ്ടി​രി​ക്കു​ന്നത്‌ എന്ന്‌ പ്രാ​ദേ​ശിക സാഹച​ര്യ​ങ്ങൾ അനുസ​രിച്ച്‌ ചുരു​ക്ക​മാ​യി വിശദീ​ക​രി​ക്കുക.

ഗീതം 194, സമാപന പ്രാർഥന.

ഒക്ടോബർ 28-ന്‌ ആരംഭി​ക്കുന്ന വാരം

ഗീതം 110

8 മിനി: പ്രാ​ദേ​ശിക അറിയി​പ്പു​കൾ. അടുത്ത വാരത്തി​ലെ സേവന​യോഗ പരിപാ​ടി​ക്കുള്ള ഒരുക്ക​മെന്ന നിലയിൽ കഴിഞ്ഞ പ്രത്യേക സമ്മേള​ന​ദിന പരിപാ​ടി​യു​ടെ കുറി​പ്പു​കൾ പുനര​വ​ലോ​കനം ചെയ്യാൻ എല്ലാവ​രെ​യും പ്രോ​ത്സാ​ഹി​പ്പി​ക്കുക. ഒക്ടോബർ മാസത്തെ വയൽസേവന റിപ്പോർട്ട്‌ ഇടാൻ പ്രസാ​ധ​കരെ ഓർമി​പ്പി​ക്കുക. 8-ാം പേജിലെ നിർദേ​ശങ്ങൾ ഉപയോ​ഗിച്ച്‌, ഒരു സഹോ​ദരൻ ഒക്ടോബർ 8 ലക്കം ഉണരുക!യും (മാസികാ അവതരണ കോള​ത്തി​ലെ മൂന്നാ​മ​ത്തേത്‌) ഒരു സഹോ​ദരി നവംബർ 1 ലക്കം വീക്ഷാ​ഗോ​പു​ര​വും അവതരി​പ്പി​ക്കുന്ന വിധം പ്രകടി​പ്പി​ക്കട്ടെ. ഓരോ പ്രകട​ന​ത്തി​നു ശേഷവും അവതര​ണ​ത്തി​ന്റെ ഫലപ്ര​ദ​മായ ഒരു വശം ഹ്രസ്വ​മാ​യി വിശേ​ഷ​വത്‌ക​രി​ക്കുക.

12 മിനി: സ്‌കൂ​ളിൽ സത്യത്തി​നു​വേണ്ടി നിലപാട്‌ എടുക്കൽ. അവിശ്വാ​സി​ക​ളായ സഹപാ​ഠി​ക​ളു​മാ​യുള്ള സഹവാ​സ​ത്തി​നു പരിധി വെക്കേ​ണ്ട​തി​ന്റെ ആവശ്യം തിരി​ച്ച​റിഞ്ഞ ഒന്നോ രണ്ടോ യുവ പ്രസാ​ധ​ക​രു​മാ​യി അഭിമു​ഖം നടത്തുക. ദേശഭ​ക്തി​പ​ര​മായ ചടങ്ങുകൾ, സ്‌കൂ​ളി​ലെ നൃത്തങ്ങൾ, റാലികൾ, അശുദ്ധ നടത്ത എന്നിവ നിമി​ത്ത​മു​ണ്ടാ​കുന്ന വെല്ലു​വി​ളി​ക​ളെ​യും പ്രലോ​ഭ​ന​ങ്ങ​ളെ​യും നേരി​ടാൻ അവർ ആസൂ​ത്രണം ചെയ്‌തി​രി​ക്കു​ന്നത്‌ എങ്ങനെ? സ്‌കൂ​ളിൽ സാക്ഷ്യം നൽകാ​നാ​യി അവർ സ്വീക​രി​ക്കുന്ന മാർഗങ്ങൾ സംബന്ധിച്ച അഭി​പ്രാ​യങ്ങൾ ഉൾപ്പെ​ടു​ത്തുക.

25 മിനി: : “നമ്മുടെ നാളി​ലേ​ക്കുള്ള മുന്നറി​യി​പ്പിൻ ദൃഷ്ടാ​ന്ത​ങ്ങൾക്കു ചെവി​കൊ​ടു​ക്കാ​നുള്ള ശക്തമായ ആഹ്വാനം.” ഒരു മിനി​ട്ടിൽ കുറഞ്ഞ സമയം​കൊണ്ട്‌ ആമുഖ പ്രസ്‌താ​വ​നകൾ നടത്തി​യിട്ട്‌ ലേഖന​ത്തി​ലെ ചോദ്യ​ങ്ങൾ ഉപയോ​ഗി​ച്ചു നേരിട്ടു സദസ്യ ചർച്ചയി​ലേക്കു കടക്കുക. ഡിസം​ബ​റിൽ നാം, രക്തരഹിത ചികിത്സ—വൈദ്യ​ശാസ്‌ത്രം വെല്ലു​വി​ളി​യെ വിജയ​ക​ര​മാ​യി നേരി​ടു​ന്നു (ഇംഗ്ലീഷ്‌) എന്ന വീഡി​യോ പുനര​വ​ലോ​കനം ചെയ്യു​ന്ന​താ​യി​രി​ക്കും.

ഗീതം 41, സമാപന പ്രാർഥന.

നവംബർ 4-ന്‌ ആരംഭി​ക്കുന്ന വാരം

ഗീതം 66

10 മിനി: പ്രാ​ദേ​ശിക അറിയി​പ്പു​കൾ. ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും സമർപ്പി​ക്കാ​നാ​യി 2002 ജനുവരി ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തി​ലെ ഏതാനും നിർദേ​ശങ്ങൾ ചുരു​ക്ക​മാ​യി പുനര​വ​ലോ​കനം ചെയ്യുക. അവതര​ണ​ങ്ങ​ളിൽ ഒന്ന്‌ പ്രകടി​പ്പി​ക്കുക.

13 മിനി: സുവി​ശേ​ഷത്തെ കുറിച്ചു ലജ്ജയില്ല. (റോമ. 1:16) യുവ വ്യക്തി ഒരു പ്രശ്‌ന​വു​മാ​യി തന്റെ പിതാ​വി​നെ സമീപി​ക്കു​ന്നു. സമപ്രാ​യ​ക്കാർ കളിയാ​ക്കു​മെന്ന ഭയം നിമിത്തം യഹോ​വ​യു​ടെ സാക്ഷി​ക​ളിൽ ഒരാളാ​യി അറിയ​പ്പെ​ടാൻ യുവ വ്യക്തി ആഗ്രഹി​ക്കു​ന്നില്ല. സംഗതി തുറന്നു പറഞ്ഞതി​നു പിതാവ്‌ നന്ദി പറയുന്നു. സമപ്രാ​യ​ക്കാ​രിൽനി​ന്നുള്ള സമ്മർദം നിമിത്തം ഒരവസ​ര​ത്തിൽ പത്രൊസ്‌ എങ്ങനെ പ്രതി​ക​രി​ച്ചെന്ന്‌ അദ്ദേഹം വിശദീ​ക​രി​ക്കു​ന്നു. (മത്താ. 26:69-74) പിതാവ്‌ പിൻവ​രുന്ന വിധം ബുദ്ധി​യു​പ​ദേ​ശി​ക്കു​ന്നു: ക്രിസ്‌ത്യാ​നി​ക​ളെന്ന നിലയിൽ നാം ആരാണ്‌ എന്നതു സംബന്ധിച്ച്‌ ഒരിക്ക​ലും ലജ്ജിക്ക​രുത്‌. (മർക്കൊ 8:38) സ്‌കൂ​ളിൽ യഹോ​വ​യു​ടെ സാക്ഷി​ക​ളിൽ ഒരാളെന്ന നിലയിൽ നിന്നെ​ത്തന്നെ തിരി​ച്ച​റി​യി​ക്കു​ന്നതു പ്രയോ​ജ​ന​പ്ര​ദ​മാണ്‌. നീ ഒരു സാക്ഷി​യാ​ണെന്ന്‌ അധ്യാ​പ​ക​രെ​യും മറ്റു വിദ്യാർഥി​ക​ളെ​യും അറിയി​ച്ചി​ട്ടു​ണ്ടെ​ങ്കിൽ, മിക്ക അധ്യാ​പ​ക​രും നിന്റെ വിശ്വാ​സ​ങ്ങളെ ആദരി​ക്കും, നിനക്കു യോജി​ക്കാ​നാ​വാത്ത പ്രവർത്ത​ന​ങ്ങ​ളിൽ ഉൾപ്പെ​ടു​ത്താൻ ശ്രമി​ക്കു​ക​യു​മില്ല. തത്ത്വദീ​ക്ഷ​യി​ല്ലാത്ത ചെറു​പ്പ​ക്കാർ നിന്നെ ദുഷ്‌പ്ര​വൃ​ത്തി​കൾക്കു പ്രേരി​പ്പി​ക്കാ​നി​ട​യില്ല. ഡേറ്റി​ങ്ങി​ലോ പാഠ്യേ​തര കായിക മത്സരങ്ങ​ളി​ലോ സ്‌കൂൾ സമയം കഴിഞ്ഞുള്ള പ്രവർത്ത​ന​ങ്ങ​ളി​ലോ നീ ഏർപ്പെ​ടാ​ത്തത്‌ എന്തു​കൊ​ണ്ടാ​ണെന്നു ക്ലാസ്സിലെ മറ്റു കുട്ടി​ക​ളും എളുപ്പം മനസ്സി​ലാ​ക്കും. സമയം അനുവ​ദി​ക്കു​ന്ന​ത​നു​സ​രിച്ച്‌, യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ 315-18 പേജു​ക​ളി​ലെ “ദൈവ​വു​മാ​യുള്ള നിങ്ങളു​ടെ സുഹൃദ്‌ബന്ധം പരസ്യ​മാ​യി പ്രഖ്യാ​പി​ക്കൽ” എന്ന ഉപശീർഷ​ക​ത്തിൻ കീഴി​ലുള്ള ആശയങ്ങൾ യുവ വ്യക്തി​യും പിതാ​വും ചർച്ച ചെയ്യുന്നു. ലഭിച്ച നല്ല ബുദ്ധി​യു​പ​ദേ​ശ​ത്തി​നു യുവ വ്യക്തി നന്ദി പറയുന്നു.

22 മിനി: ദൈവ​ത്തി​നു കീഴട​ങ്ങുക—പിശാ​ചി​നോട്‌ എതിർത്തു​നിൽക്കുക. (യാക്കോ. 4:7) ഇവിടെ നൽകി​യി​രി​ക്കുന്ന ചോദ്യ​ങ്ങൾ ഉപയോ​ഗിച്ച്‌, കഴിഞ്ഞ സേവന​വർഷം നടന്ന പ്രത്യേക സമ്മേള​ന​ദിന പരിപാ​ടി​യു​ടെ സജീവ സദസ്യ ചർച്ച ഒരു മൂപ്പൻ നിർവ​ഹി​ക്കു​ന്നു. പഠിച്ച കാര്യങ്ങൾ തങ്ങൾക്ക്‌ എപ്രകാ​രം ബാധക​മാ​ക്കാൻ കഴിഞ്ഞി​രി​ക്കു​ന്നു എന്നതു സംബന്ധിച്ച്‌ അഭി​പ്രാ​യം പറയാൻ സദസ്യരെ ക്ഷണിക്കുക. (ഭാഗങ്ങൾ മുന്നമേ നിയമി​ച്ചു​കൊ​ടു​ക്കാ​വു​ന്ന​താണ്‌.) പിൻവ​രുന്ന പ്രസം​ഗങ്ങൾ വിശേ​ഷ​വത്‌ക​രി​ക്കുക: (1) “അടിമ​ത്ത​ത്തി​ലാ​യി​രി​ക്കുന്ന ഒരു ലോക​ത്തിൽ ദൈവ​ത്തി​നു കീഴടങ്ങൽ.” ലൗകിക കെണികൾ ഒഴിവാ​ക്കാൻ നാം ശ്രദ്ധാ​ലു​ക്ക​ളാ​യി​രി​ക്കേ​ണ്ടത്‌ എന്തു​കൊണ്ട്‌? (2) “ഒരു കുടും​ബ​ത്തി​ലെ അംഗങ്ങൾ എന്ന നിലയിൽ ദൈവിക കീഴ്‌പെടൽ പ്രകട​മാ​ക്കൽ.” യഹോ​വ​യു​ടെ സംഘട​നയ്‌ക്കു​ള്ളിൽ കുടുംബ ബന്ധങ്ങൾ ശക്തമാ​ക്കേ​ണ്ട​തി​ന്റെ അടിയ​ന്തിര ആവശ്യ​മു​ള്ളത്‌ എന്തു​കൊണ്ട്‌? നമുക്ക്‌ അത്‌ എപ്രകാ​രം ചെയ്യാ​നാ​കും? (3) “യഹോ​വ​യു​ടെ പക്ഷത്ത്‌ ഉറച്ചു​നിൽക്കാൻ പുതിയ ശിഷ്യരെ സഹായി​ക്കുക.” വിശ്വാ​സ​ത്തി​ന്റെ പരി​ശോ​ധ​ന​യാ​യി വരുന്ന പ്രതി​ബ​ന്ധ​ങ്ങളെ തരണം ചെയ്യാൻ നമുക്ക്‌ പുതി​യ​വരെ എങ്ങനെ സഹായി​ക്കാൻ കഴിയും? (4)“പിശാ​ചി​നോട്‌ എതിർത്തു​നിൽക്കുക എന്നതിന്റെ അർഥ​മെന്ത്‌?” പിശാ​ചി​നോ​ടു വിജയ​ക​ര​മാ​യി എതിർത്തു​നിൽക്കാ​നുള്ള സുപ്ര​ധാന വിധം ഏത്‌? എഫെസ്യർ 6:11-18-ൽ വിവരി​ച്ചി​രി​ക്കുന്ന ആത്മീയ പടച്ചട്ട നമ്മെ സംരക്ഷി​ക്കു​ന്നത്‌ എങ്ങനെ? (w92 8/15 21-3) (5) “ദുഷ്ടനാ​യ​വനെ വിജയ​ക​ര​മാ​യി ചെറു​ത്തു​നിൽക്കുന്ന യുവജ​നങ്ങൾ,” “ദൈവിക കീഴ്‌പെ​ട​ലിൽനി​ന്നു പ്രയോ​ജനം അനുഭ​വി​ക്കുന്ന യുവജ​നങ്ങൾ.” ചെറു​പ്പ​ക്കാർ ജാഗ്രത പാലി​ക്കേണ്ട സാത്താന്റെ ചില തന്ത്രങ്ങൾ ഏവ? യഹോ​വയ്‌ക്കു കീഴ്‌പെ​ടു​ന്നതു മുഖാ​ന്തരം യുവജ​നങ്ങൾ അനു​ഗ്ര​ഹി​ക്ക​പ്പെ​ടു​ന്നത്‌ എങ്ങനെ? (w91 9/1 30-31, ഖ. 15-17) (6) “ദൈവിക കീഴ്‌പെ​ട​ലിൽനി​ന്നു പ്രയോ​ജനം നേടൽ.” ഗവൺമെന്റ്‌ അധികാ​രി​കൾ, ലൗകിക തൊഴി​ലു​ട​മകൾ എന്നിവ​രോ​ടും കുടും​ബ​ത്തി​ലും ക്രിസ്‌തീയ സഭയി​ലും ക്രിസ്‌ത്യാ​നി​കൾ കീഴ്‌പെടൽ പ്രകട​മാ​ക്കു​ന്നത്‌ എപ്രകാ​ര​മാ​ണെന്നു വിശദീ​ക​രി​ക്കുക. അങ്ങനെ ചെയ്യാൻ ഏതു ഗുണങ്ങൾ നമ്മെ സഹായി​ക്കും?

ഗീതം 185, സമാപന പ്രാർഥന.