സഭാ പുസ്‌ത​കാ​ധ്യ​യന മേൽവി​ചാ​ര​ക​ന്മാർ വ്യക്തിഗത താത്‌പ​ര്യം പ്രകട​മാ​ക്കുന്ന വിധം

¹ സഭാ പുസ്‌ത​കാ​ധ്യ​യന ക്രമീ​ക​രണം ‘ഓരോ വ്യക്തി​യു​ടെ​യും ആത്മീയ വളർച്ചയ്‌ക്കു കൂടുതൽ വ്യക്തി​ഗ​ത​മായ ശ്രദ്ധ കൊടു​ക്കു​ന്നതു സാധ്യ​മാ​ക്കി​ത്തീർക്കു​ന്നു. . . ഇവിടെ തന്റെ ജനത്തോ​ടുള്ള യഹോ​വ​യു​ടെ സ്‌നേ​ഹ​ദ​യ​യു​ടെ​യും സ്‌നേ​ഹ​മ​സൃ​ണ​മായ പരിച​ര​ണ​ത്തി​ന്റെ​യും പ്രതി​ഫ​ല​ന​മാ​ണു​ള്ളത്‌.’ (om-MY പേ. 75; യെശ. 40:11) വ്യക്തി​ഗ​ത​മായ അത്തരം ശ്രദ്ധ നൽകു​ന്ന​തിൽ പുസ്‌ത​കാ​ധ്യ​യന മേൽവി​ചാ​രകൻ സുപ്ര​ധാന പങ്കുവ​ഹി​ക്കു​ന്നു.

² പുസ്‌ത​കാ​ധ്യ​യ​ന​ത്തിൽ: പുസ്‌ത​കാ​ധ്യ​യന കൂട്ടങ്ങൾ ചെറു​താ​ക്കി നിറു​ത്തി​യി​രി​ക്കു​ന്ന​തി​നാൽ, പുസ്‌ത​കാ​ധ്യ​യന മേൽവി​ചാ​ര​കന്‌ തന്റെ കൂട്ടത്തി​ലെ ഓരോ അംഗ​ത്തെ​യും മെച്ചമാ​യി അറിയാൻ കഴിയു​ന്നു. (സദൃ. 27:23) സാധാ​ര​ണ​മാ​യി, ഓരോ വാരവും അധ്യയ​ന​ത്തി​നു മുമ്പോ അതിനു ശേഷമോ സഹവാസം ആസ്വദി​ക്കാ​നുള്ള അവസര​ങ്ങ​ളുണ്ട്‌. ഒരു മാസം​കൊണ്ട്‌, അദ്ദേഹ​ത്തിന്‌ കൂട്ടത്തി​ലെ മിക്കവാ​റും എല്ലാവ​രു​മാ​യും​തന്നെ സംസാ​രി​ക്കാൻ സാധി​ച്ചേ​ക്കാം. ഇത്‌ പരി​ശോ​ധ​നകൾ നേരി​ടു​മ്പോ​ഴോ പ്രോ​ത്സാ​ഹനം ആവശ്യ​മാ​യി​രി​ക്കു​മ്പോ​ഴോ മടികൂ​ടാ​തെ അദ്ദേഹത്തെ സമീപി​ക്കാൻ പുസ്‌ത​കാ​ധ്യ​യന കൂട്ടത്തി​ലെ അംഗങ്ങളെ സഹായി​ക്കു​ന്നു.—യെശ. 32:2.

³ അധ്യയ​ന​വേ​ള​യിൽ അഭി​പ്രാ​യങ്ങൾ പറയു​ന്ന​തി​നു കൂട്ടത്തി​ലെ എല്ലാവ​രെ​യും പ്രോ​ത്സാ​ഹി​പ്പി​ക്കാൻ പുസ്‌ത​കാ​ധ്യ​യന മേൽവി​ചാ​രകൻ ശ്രമി​ക്കു​ന്നു. അദ്ദേഹം ഇതു ചെയ്യുന്ന ഒരു വിധം ദയയോ​ടും ആർദ്ര​ത​യോ​ടും​കൂ​ടി അധ്യയനം നിർവ​ഹി​ച്ചു​കൊ​ണ്ടാണ്‌. (1 തെസ്സ. 2:7, 8) കുട്ടികൾ ഉൾപ്പെടെ എല്ലാവ​രെ​യും ചർച്ചയിൽ ഉൾപ്പെ​ടു​ത്താൻ അദ്ദേഹം ശ്രമി​ക്കു​ന്നു. ചിലർക്ക്‌ അഭി​പ്രാ​യങ്ങൾ പറയാൻ പേടി​യാ​ണെ​ങ്കിൽ, അവരെ​ക്കൊണ്ട്‌ ഒരു തിരു​വെ​ഴു​ത്തു വായി​പ്പി​ക്കാ​നോ ഒരു പ്രത്യേക ഖണ്ഡിക​യിൽനി​ന്നുള്ള ഉത്തരം പറയി​ക്കാ​നോ നേരത്തേ ക്രമീ​ക​രി​ച്ചു​കൊണ്ട്‌ അദ്ദേഹം വ്യക്തി​പ​ര​മായ സഹായം നൽകി​യേ​ക്കാം. അല്ലെങ്കിൽ സ്വന്തവാ​ച​ക​ത്തിൽ എങ്ങനെ ഉത്തരം പറയാ​മെന്ന്‌ അദ്ദേഹം അവർക്കു കാണി​ച്ചു​കൊ​ടു​ത്തേ​ക്കാം.

⁴ പുസ്‌ത​കാ​ധ്യ​യന മേൽവി​ചാ​ര​കന്റെ സഹായി ഒരു ശുശ്രൂ​ഷാ ദാസനാ​ണെ​ങ്കിൽ, രണ്ടു മാസത്തി​ലൊ​രി​ക്കൽ അദ്ദേഹം അധ്യയനം നടത്താൻ തക്കവണ്ണം മേൽവി​ചാ​രകൻ ക്രമീ​ക​രി​ക്കു​ന്നു. ഇത്‌ സഹായി​യെ നിരീ​ക്ഷി​ക്കു​ന്ന​തി​നും സഹായ​ക​മായ നിർദേ​ശങ്ങൾ നൽകു​ന്ന​തി​നു​മുള്ള അവസരം മേൽവി​ചാ​ര​കനു പ്രദാനം ചെയ്യുന്നു. തങ്ങളുടെ പഠിപ്പി​ക്കൽ കല മെച്ച​പ്പെ​ടു​ത്താൻ സഹോ​ദ​ര​ങ്ങളെ സഹായി​ക്കു​ന്ന​തി​നുള്ള എത്ര നല്ല ക്രമീ​ക​രണം!—തീത്തൊ. 1:9, NW.

⁵ വയൽ ശുശ്രൂ​ഷ​യിൽ: പ്രസം​ഗ​വേ​ല​യിൽ നേതൃ​ത്വ​മെ​ടു​ക്കുക എന്നതാണ്‌ പുസ്‌ത​കാ​ധ്യ​യന മേൽവി​ചാ​ര​കന്റെ മുഖ്യ ഉത്തരവാ​ദി​ത്വ​ങ്ങ​ളിൽ ഒന്ന്‌. (സംഖ്യാ. 27:16, 17) അദ്ദേഹം സഭയുടെ കൂട്ട സാക്ഷീ​ക​ര​ണ​ത്തി​നാ​യി പ്രാ​യോ​ഗിക ക്രമീ​ക​ര​ണങ്ങൾ ചെയ്യു​ക​യും ശുശ്രൂ​ഷ​യിൽ സന്തോഷം കണ്ടെത്താൻ തന്റെ കൂട്ടത്തി​ലെ എല്ലാവ​രെ​യും സഹായി​ക്കു​ന്ന​തി​നു ശ്രമി​ക്കു​ക​യും ചെയ്യുന്നു. (എഫെ. 4:11, 13) ഇതിനാ​യി, കൂട്ടത്തി​ലെ ഓരോ അംഗത്തി​ന്റെ കൂടെ​യും സേവന​ത്തിൽ ഏർപ്പെ​ടാൻ അദ്ദേഹം ലക്ഷ്യം വെക്കുന്നു. ശുശ്രൂ​ഷ​യു​ടെ ചില മണ്ഡലങ്ങ​ളിൽ അഭിവൃ​ദ്ധി​പ്പെ​ടാൻ ആഗ്രഹി​ക്കു​ന്ന​വർക്ക്‌ കൂടുതൽ പരിച​യ​സ​മ്പ​ന്ന​നായ ഒരു പ്രസാ​ധ​ക​നിൽനി​ന്നു സഹായം ലഭിക്കു​ന്ന​തി​നുള്ള ക്രമീ​ക​രണം ചെയ്യു​ന്ന​തി​നാ​യി അദ്ദേഹം സേവന മേൽവി​ചാ​ര​ക​നു​മാ​യി യോജി​ച്ചു പ്രവർത്തി​ക്കു​ക​യും ചെയ്യുന്നു.

⁶ സ്‌നേ​ഹ​വാ​നായ ഒരു ഇടയൻ എന്ന നിലയിൽ: തങ്ങളുടെ സാഹച​ര്യ​ങ്ങൾ നിമിത്തം പ്രസം​ഗ​വേ​ല​യിൽ വളരെ കുറച്ചു മാത്രം പങ്കുപ​റ്റാൻ കഴിയു​ന്ന​വ​രിൽ പുസ്‌ത​കാ​ധ്യ​യന മേൽവി​ചാ​രകൻ തത്‌പ​ര​നാണ്‌. പ്രായാ​ധി​ക്യ​ത്താ​ലോ വീടോ മുറി​യോ വിട്ടു പുറത്തു പോകാൻ കഴിയാ​ത്ത​തി​നാ​ലോ പ്രവർത്തനം അങ്ങേയറ്റം പരിമി​ത​പ്പെ​ട്ടി​രി​ക്കു​ന്ന​വർക്കും ഗുരു​ത​ര​മായ രോഗ​മോ പരിക്കോ നിമിത്തം പ്രവർത്തനം താത്‌കാ​ലി​ക​മാ​യി പരിമി​ത​പ്പെ​ട്ടി​രി​ക്കു​ന്ന​വർക്കും, ഒരു മാസം ഒരു മുഴു മണിക്കൂർ റിപ്പോർട്ടു ചെയ്യാൻ കഴിയാ​ത്ത​പക്ഷം 15 മിനി​ട്ടി​ന്റെ ഗഡുക്ക​ളാ​യി വയൽസേ​വനം റിപ്പോർട്ടു ചെയ്യാൻ അനുവ​ദി​ക്കുന്ന ക്രമീ​ക​ര​ണത്തെ കുറിച്ച്‌ അറിയാ​മെന്ന്‌ അദ്ദേഹം ഉറപ്പു​വ​രു​ത്തു​ന്നു. (ഈ ക്രമീ​ക​ര​ണ​ത്തിന്‌ അർഹത​യുള്ള പ്രസാ​ധകർ ആരൊ​ക്കെ​യെന്നു നിർണ​യി​ക്കു​ന്നത്‌ സഭാ​സേ​വ​ന​ക്ക​മ്മി​റ്റി​യാണ്‌.) തന്റെ പുസ്‌ത​കാ​ധ്യ​യന കൂട്ടത്തി​ലേക്കു നിഷ്‌ക്രി​യർ നിയമി​ക്ക​പ്പെ​ട്ടി​ട്ടു​ണ്ടെ​ങ്കിൽ സഭയോ​ടൊ​ത്തുള്ള പ്രവർത്തനം പുനരാ​രം​ഭി​ക്കാൻ അവരെ സഹായി​ച്ചു​കൊണ്ട്‌ അദ്ദേഹം അവരി​ലും താത്‌പ​ര്യ​മെ​ടു​ക്കു​ന്നു.—ലൂക്കൊ. 15:4-7.

⁷ പുസ്‌ത​കാ​ധ്യ​യന മേൽവി​ചാ​ര​ക​ന്മാർ പ്രകട​മാ​ക്കുന്ന സ്‌നേ​ഹ​പു​ര​സ്സ​ര​മായ താത്‌പ​ര്യ​ത്തെ പ്രതി നാം എത്ര നന്ദിയു​ള്ള​വ​രാണ്‌! അവർ ഓരോ വ്യക്തി​ക്കും നൽകുന്ന ശ്രദ്ധ, ‘എല്ലാവ​രും വിശ്വാ​സ​ത്തി​ലുള്ള ഐക്യം നേടി . . . ക്രിസ്‌തു​വി​ന്റെ പരിപൂർണ​ത​യിൽ എത്തി പക്വത​യാർജി​ക്കു’ന്നതിനു സഹായി​ക്കു​ന്നു.—എഫെ. 4:13, ഓശാന ബൈബിൾ.