നിങ്ങളു​ടെ സഭാ പുസ്‌ത​കാ​ധ്യ​യന മേൽവി​ചാ​ര​കനെ സഹായി​ക്കു​ക

¹ സഭാ പുസ്‌ത​കാ​ധ്യ​യ​ന​ത്തിൽനിന്ന്‌ നാം ഓരോ​രു​ത്ത​രും ധാരാളം പ്രയോ​ജ​നങ്ങൾ നേടുന്നു. സഭാ പുസ്‌ത​കാ​ധ്യ​യന മേൽവി​ചാ​രകൻ തന്റെ ധർമം നിർവ​ഹി​ക്കുന്ന വിധത്തെ കുറിച്ച്‌ കഴിഞ്ഞ മാസം നാം ചർച്ച ചെയ്യു​ക​യു​ണ്ടാ​യി. അദ്ദേഹത്തെ സഹായി​ക്കു​ന്ന​തി​നും, അങ്ങനെ നമുക്കും മറ്റുള്ള​വർക്കും പ്രയോ​ജനം നേടു​ന്ന​തി​നും നമുക്കു വ്യക്തി​പ​ര​മാ​യി എന്തു ചെയ്യാൻ കഴിയും?

² എല്ലാ ആഴ്‌ച​യും സംബന്ധി​ക്കുക: പുസ്‌ത​കാ​ധ്യ​യനം ചെറിയ കൂട്ടങ്ങ​ളാ​യി സംഘടി​പ്പി​ച്ചി​രി​ക്കു​ന്ന​തി​നാൽ നിങ്ങളു​ടെ സാന്നി​ധ്യം വളരെ പ്രധാ​ന​മാണ്‌. എല്ലാ ആഴ്‌ച​യി​ലും സംബന്ധി​ക്കുക എന്നതു നിങ്ങളു​ടെ ലക്ഷ്യമാ​ക്കുക. കൂടാതെ, സമയത്തു​തന്നെ അധ്യയ​ന​ത്തിന്‌ എത്തി​ച്ചേ​രുക. കാരണം, ക്രമീ​കൃ​ത​മായ ഒരു വിധത്തിൽ യോഗം നടത്താൻ അതു മേൽവി​ചാ​ര​കനെ സഹായി​ക്കും.—1 കൊരി. 14:40.

³ കെട്ടു​പ​ണി​ചെ​യ്യുന്ന അഭി​പ്രാ​യങ്ങൾ: നിങ്ങൾക്കു സഹായി​ക്കാൻ കഴിയുന്ന മറ്റൊരു വിധം, നന്നായി തയ്യാറാ​യി​വന്ന്‌ കെട്ടു​പ​ണി​ചെ​യ്യുന്ന അഭി​പ്രാ​യങ്ങൾ പറയുക എന്നതാണ്‌. സാധാ​ര​ണ​ഗ​തി​യിൽ, ഒരു ആശയത്തിൽ മാത്രം കേന്ദ്രീ​ക​രി​ക്കുന്ന അഭി​പ്രാ​യങ്ങൾ പറയു​ന്ന​താണ്‌ അഭികാ​മ്യം. ഇത്‌, അഭി​പ്രാ​യങ്ങൾ പറയാൻ മറ്റുള്ള​വ​രെ​യും പ്രോ​ത്സാ​ഹി​പ്പി​ക്കും. ഖണ്ഡിക​യി​ലുള്ള ആശയങ്ങൾ മുഴുവൻ ഒറ്റയടി​ക്കു പറയാൻ ശ്രമി​ക്ക​രുത്‌. പഠനഭാ​ഗത്തെ ഒരു ആശയം നിങ്ങളു​ടെ ഹൃദയത്തെ സ്‌പർശി​ക്കു​ന്നെ​ങ്കിൽ, അഭി​പ്രാ​യം പറയു​മ്പോൾ ആ വിവരങ്ങൾ പങ്കു​വെ​ച്ചു​കൊ​ണ്ടു ചർച്ചയെ സമ്പുഷ്ട​മാ​ക്കുക.—1 പത്രൊ. 4:10.

⁴ മുഴു കൂട്ടത്തി​ന്റെ​യും പ്രയോ​ജ​ന​ത്തി​നാ​യി വായന നടത്താ​നുള്ള പദവി ലഭിച്ചാൽ, ആ നിയമനം നിർവ​ഹി​ക്കു​ന്ന​തിൽ ശുഷ്‌കാ​ന്തി കാട്ടുക. അധ്യയ​നത്തെ വിജയ​പ്ര​ദ​മാ​ക്കു​ന്ന​തിൽ നല്ല വായന പ്രധാന പങ്കു വഹിക്കു​ന്നു.—1 തിമൊ. 4:13.

⁵ കൂട്ടസാ​ക്ഷീ​ക​രണം: അനേകം പുസ്‌ത​കാ​ധ്യ​യന കേന്ദ്ര​ങ്ങ​ളിൽ വയൽസേവന യോഗങ്ങൾ നടത്താ​റുണ്ട്‌. ഈ ക്രമീ​ക​ര​ണ​ത്തോ​ടുള്ള നിങ്ങളു​ടെ പിന്തുണ, സുവി​ശേ​ഷ​വേ​ല​യിൽ നേതൃ​ത്വ​മെ​ടു​ക്കവേ പുസ്‌ത​കാ​ധ്യ​യന മേൽവി​ചാ​ര​കനെ സഹായി​ക്കു​ന്നു. സഹോ​ദ​ര​ങ്ങ​ളോ​ടു കൂടുതൽ അടുക്കു​ന്ന​തി​നും അവരെ പ്രോ​ത്സാ​ഹി​പ്പി​ക്കു​ന്ന​തി​നു​മുള്ള അവസര​ങ്ങ​ളാ​യി ഈ ക്രമീ​ക​ര​ണ​ങ്ങളെ വീക്ഷി​ക്കുക.

⁶ വയൽസേവന റിപ്പോർട്ടു​കൾ: നിങ്ങളു​ടെ വയൽസേവന റിപ്പോർട്ടു​കൾ മാസാ​വ​സാ​നം കൃത്യ​മാ​യി നൽകു​ന്ന​താണ്‌ പുസ്‌ത​കാ​ധ്യ​യന മേൽവി​ചാ​ര​കനെ സഹായി​ക്കു​ന്ന​തി​നുള്ള മറ്റൊരു വിധം. റിപ്പോർട്ട്‌ അദ്ദേഹ​ത്തി​ന്റെ കൈയിൽ നേരിട്ടു കൊടു​ക്കു​ക​യോ രാജ്യ​ഹാ​ളിൽ സേവന റിപ്പോർട്ടു​കൾക്കാ​യി വെച്ചി​രി​ക്കുന്ന പെട്ടി​യിൽ ഇടുക​യോ ചെയ്യാം. പുസ്‌ത​കാ​ധ്യ​യന മേൽവി​ചാ​ര​ക​ന്മാർ ശേഖരി​ക്കുന്ന വയൽസേവന റിപ്പോർട്ടു​കൾ സമാഹ​രി​ക്കാൻ സെക്ര​ട്ട​റിക്ക്‌ ആ പെട്ടി​തന്നെ ഉപയോ​ഗി​ക്കാ​വു​ന്ന​താണ്‌.

⁷ പുസ്‌ത​കാ​ധ്യ​യന മേൽവി​ചാ​ര​ക​നോ​ടുള്ള നിങ്ങളു​ടെ സഹകരണം വിലമ​തി​ക്ക​പ്പെ​ടു​ക​തന്നെ ചെയ്യും. സർവോ​പരി, യഹോവ “നിങ്ങൾ പ്രകട​മാ​ക്കുന്ന ആത്മാവി​നോ​ടു​കൂ​ടെ ഉണ്ടായി​രി​ക്കു”മെന്ന കാര്യ​ത്തിൽ നിങ്ങൾക്ക്‌ ഉറപ്പു​ള്ള​വ​രാ​യി​രി​ക്കാം.—ഫിലി. 4:23, NW.