നമ്മുടെ നാളി​ലേ​ക്കുള്ള മുന്നറി​യി​പ്പിൻ ദൃഷ്ടാ​ന്ത​ങ്ങൾക്കു ചെവി​കൊ​ടു​ക്കാ​നുള്ള ശക്തമായ ആഹ്വാനം

നമ്മുടെ നാളി​ലേ​ക്കുള്ള മുന്നറി​യി​പ്പിൻ ദൃഷ്ടാ​ന്തങ്ങൾ എന്ന വീഡി​യോ​യിൽ ചിത്രീ​ക​രി​ച്ചി​രി​ക്കുന്ന ബൈബിൾ നാടക​ത്തിൽനി​ന്നു പഠിച്ച കാര്യ​ങ്ങൾക്കു ചെവി​കൊ​ടു​ത്തു​കൊണ്ട്‌, ദൃഢവി​ശ്വസ്‌തത നിലനി​റു​ത്താ​നുള്ള നമ്മുടെ നിശ്ചയ​ദാർഢ്യ​ത്തെ നമു​ക്കേ​വർക്കും ശക്തമാ​ക്കാം. ഈ വീഡി​യോ കാണു​ന്ന​തി​നു മുമ്പ്‌ ദയവായി, സംഖ്യാ​പുസ്‌തകം 25-ാം അധ്യാ​യ​വും തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) വാല്യം 2, പേജ്‌ 419, ഖണ്ഡിക 3-5-ൽ നൽകി​യി​രി​ക്കുന്ന പശ്ചാത്തല വിവര​ണ​വും വായി​ക്കുക. തുടർന്ന്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകുക: മോവാ​ബ്യർ ആരായി​രു​ന്നു, അവർക്കെ​തി​രെ യുദ്ധം ചെയ്യരു​തെന്ന്‌ യഹോവ മോ​ശെ​യോ​ടു പറഞ്ഞത്‌ എന്തു​കൊണ്ട്‌? (ആവ. 2:9) ഇസ്രാ​യേൽ ജനതയെ നശിപ്പി​ക്കാ​നാ​യി മോവാ​ബ്യ​രെ ഉപയോ​ഗി​ക്കാൻ ബിലെ​യാം പദ്ധതി​യൊ​രു​ക്കി​യത്‌ എങ്ങനെ? വാഗ്‌ദത്ത ദേശത്തു പ്രവേ​ശി​ക്കു​ന്ന​തി​നു തൊട്ടു​മു​മ്പാ​യി അനേകം ഇസ്രാ​യേ​ല്യർ നിർണാ​യ​ക​മായ ഒരു പരി​ശോ​ധ​ന​യിൽ പരാജ​യ​പ്പെട്ടു എന്നത്‌ നാം മറന്നു​പോ​ക​രു​താ​ത്തത്‌ എന്തു​കൊണ്ട്‌?—1 കൊരി. 10:11, 12.

മുന്നറി​യി​പ്പിൻ ദൃഷ്ടാ​ന്തങ്ങൾ എന്ന വീഡി​യോ കാണു​മ്പോൾ, വിശ്വസ്‌ത​രെന്നു തെളി​യി​ച്ചു​കൊണ്ട്‌ ദൈവ പ്രീതി ആസ്വദി​ക്കേ​ണ്ട​തിന്‌ ഇക്കാലത്ത്‌ നാം ഗൗരവ​മായ ശ്രദ്ധ നൽകേണ്ട നാലു മേഖല​കളെ കുറിച്ചു ചിന്തി​ക്കുക. അവ പിൻവ​രു​ന്ന​വ​യാണ്‌. (1) മനോ​ഭാ​വം: ചില ഇസ്രാ​യേ​ല്യർ യഹോ​വ​യോ​ടും അവന്റെ ക്രമീ​ക​ര​ണ​ങ്ങ​ളോ​ടും തെറ്റായ മനോ​ഭാ​വം പ്രകട​മാ​ക്കി​യത്‌ എങ്ങനെ? എന്നാൽ നാം ഏതു മനോ​ഭാ​വം പ്രകട​മാ​ക്കാൻ ശ്രമി​ക്കണം? (2) സഹവാസം: ഇസ്രാ​യേ​ല്യർ മോവാ​ബ്യ​രു​മാ​യി സുഹൃദ്‌ബ​ന്ധ​ത്തി​ലാ​കാൻ യഹോവ ആഗ്രഹി​ക്കാ​ഞ്ഞത്‌ എന്തു​കൊണ്ട്‌? (പുറ. 34:12; സദൃ. 13:20) നാം ജ്ഞാനപൂർവം സുഹൃ​ത്തു​ക്കളെ തിര​ഞ്ഞെ​ടു​ക്കേ​ണ്ടത്‌ എന്തു​കൊണ്ട്‌? (3) ധാർമി​കത: മോശ​മായ സഹവാസം ഏതാണ്ട്‌ 23,000 ഇസ്രാ​യേ​ല്യ​രെ ഗുരു​ത​ര​മായ ഏതു പാപത്തി​ലേക്കു നയിച്ചു? (1 കൊരി. 10:8) ഇന്ന്‌, അധാർമി​ക​ത​യിൽ ഏർപ്പെ​ടാൻ തക്കവണ്ണം ദൈവ​ജ​ന​ത്തിൽ ചിലരെ വശീക​രി​ച്ചി​രി​ക്കു​ന്നത്‌ എന്ത്‌, എന്നാൽ നമുക്ക്‌ എങ്ങനെ നമ്മെത്തന്നെ സംരക്ഷി​ക്കാം? (4) ആരാധന: തങ്ങളുടെ ആരാധ​ന​യു​ടെ ശുദ്ധി സംബന്ധിച്ച്‌ ഇസ്രാ​യേ​ല്യർ പരി​ശോ​ധി​ക്ക​പ്പെ​ട്ടത്‌ എങ്ങനെ? വിഗ്ര​ഹാ​രാ​ധ​ന​യു​ടെ ഏതു കുടി​ല​മായ രൂപത്തിന്‌ ഇന്നു ചിലർ വശംവ​ദ​രാ​യേ​ക്കാം, എന്നാൽ നമുക്ക്‌ അത്‌ എങ്ങനെ ഒഴിവാ​ക്കാം?—കൊലൊ. 3:5.

ഈ നാടക​ത്തിൽ, ധാർമിക വിശ്വസ്‌തത നിമിത്തം യാമീൻ അനു​ഗ്ര​ഹി​ക്ക​പ്പെ​ട്ടത്‌ എങ്ങനെ? ഈ വീഡി​യോ​യി​ലൂ​ടെ ഭരണസം​ഘം, സകല സത്യ​ക്രിസ്‌ത്യാ​നി​കൾക്കും ഏതു ശക്തമായ ആഹ്വാനം നൽകുന്നു? നിങ്ങൾ ഒരു കുടും​ബ​നാ​ഥ​നാ​ണെ​ങ്കിൽ, ഈ വീഡി​യോ വീണ്ടും വീണ്ടും കാണു​ന്നത്‌ നിങ്ങളു​ടെ കുടും​ബത്തെ സംബന്ധി​ച്ചി​ട​ത്തോ​ളം ജ്ഞാനപൂർവകം ആയിരി​ക്കു​മെന്ന്‌ നിങ്ങൾ കരുതു​ന്നത്‌ എന്തു​കൊണ്ട്‌?