ശ്രദ്ധാ​പൂർവം കാണേണ്ട ഒരു വീഡി​യോ

“ഈ വീഡി​യോ നിങ്ങളെ ശരിക്കും ഇരുത്തി ചിന്തി​പ്പി​ക്കും!”

“ഈ വീഡി​യോ എന്റെ ഹൃദയത്തെ ആഴത്തിൽ സ്‌പർശി​ച്ചു!”

“ഞാൻ വല്ലാതെ വികാ​രാ​ധീ​ന​യാ​യി!”

¹ യുവജനങ്ങൾ ചോദി​ക്കു​ന്നു—എനിക്ക്‌ എങ്ങനെ യഥാർഥ സുഹൃ​ത്തു​ക്കളെ നേടാ​നാ​കും? (ഇംഗ്ലീഷ്‌) എന്ന വീഡി​യോ ആദ്യം കണ്ടപ്പോൾ നിങ്ങൾക്ക്‌ അങ്ങനെ​യാ​ണോ തോന്നി​യത്‌? ഏതാനും വർഷങ്ങൾക്കു​മുമ്പ്‌ ഒരു യുവസ​ഹോ​ദ​രന്‌ പ്രയാ​സ​ക​ര​മായ ഒരു സാഹച​ര്യ​ത്തി​ലൂ​ടെ കടന്നു​പോ​കേ​ണ്ടി​വന്നു, അവൻ തിര​ഞ്ഞെ​ടുത്ത കൂട്ടു​കാ​രാ​യി​രു​ന്നു അതിനു കാരണം. അവരു​മാ​യുള്ള സൗഹൃദം സത്യത്തി​ലുള്ള അവന്റെ താത്‌പ​ര്യ​വും യഹോ​വ​യു​മാ​യുള്ള ബന്ധവും നഷ്ടമാ​കാൻ ഇടയാക്കി. അങ്ങനെ​യി​രി​ക്കു​മ്പോ​ഴാണ്‌ യഥാർഥ സുഹൃ​ത്തു​ക്കൾ വീഡി​യോ പ്രകാ​ശനം ചെയ്‌തത്‌. അവൻ ഇപ്രകാ​രം എഴുതി: “പല പ്രാവ​ശ്യം ഞാൻ ആ വീഡി​യോ കണ്ടു, ഓരോ തവണ കണ്ടപ്പോ​ഴും എനിക്ക്‌ കരച്ചിൽ അടക്കാ​നാ​യില്ല. തക്കസമ​യത്തു ലഭിച്ച ആ സഹായ​ത്തിന്‌ ഞാൻ യഹോ​വ​യോ​ടു നന്ദി പറഞ്ഞു.” ജീവി​ത​രീ​തിക്ക്‌ മാറ്റം​വ​രു​ത്താ​നും നല്ല സുഹൃ​ത്തു​ക്കളെ നേടാ​നും ആ വീഡി​യോ അവനെ പ്രചോ​ദി​പ്പി​ച്ചു. അവൻ ഇങ്ങനെ കൂട്ടി​ച്ചേർത്തു: “ഓരോ കാലഘ​ട്ട​ത്തി​ലും, യുവ​പ്രാ​യ​ത്തി​ലു​ള്ള​വരെ ബാധി​ക്കുന്ന കാര്യ​ങ്ങ​ളെ​ക്കു​റിച്ച്‌ നിങ്ങൾക്ക്‌ [വീഡി​യോ​യു​ടെ പ്രസാ​ധ​കർക്ക്‌] നന്നായി അറിയാം എന്നതു വ്യക്തം.” മാതാ​പി​താ​ക്കളേ, യുവജ​ന​ങ്ങളേ, നിങ്ങൾ കുടുംബ അധ്യയ​ന​ത്തി​നാ​യി അടുത്ത തവണ കൂടി​വ​രു​മ്പോൾ ഈ വീഡി​യോ ഒരിക്കൽക്കൂ​ടെ കാണാൻ ക്രമീ​ക​രി​ച്ചു​കൂ​ടേ? ഓരോ ഭാഗത്തി​നും ശേഷം വീഡി​യോ നിറു​ത്തി​യിട്ട്‌ തുടർന്നു​വ​രുന്ന ഖണ്ഡിക​ക​ളി​ലെ ചോദ്യ​ങ്ങ​ളെ​ക്കു​റിച്ച്‌ തുറന്ന്‌, സത്യസ​ന്ധ​മാ​യി ചർച്ച ചെയ്യുക.

² ആമുഖം: ആരാണ്‌ ഒരു യഥാർഥ സുഹൃത്ത്‌?—സദൃ. 18:24.

³ സൗഹൃദത്തിനു വിഘാ​ത​മാ​കുന്ന കാര്യങ്ങൾ: ഒറ്റപ്പെ​ട്ടെന്ന തോന്നൽ മറിക​ട​ക്കാൻ നിങ്ങൾക്ക്‌ എങ്ങനെ കഴിയും? (ഫിലി. 2:4) വ്യക്തി​ത്വം മെച്ച​പ്പെ​ടു​ത്താൻ നിങ്ങൾക്കു മനസ്സൊ​രു​ക്കം ഉണ്ടായി​രി​ക്കേ​ണ്ടത്‌ എന്തു​കൊണ്ട്‌, അതിന്‌ ആർക്കു നിങ്ങളെ സഹായി​ക്കാ​നാ​കും? കൂടുതൽ സുഹൃ​ത്തു​ക്കളെ സമ്പാദി​ക്കാ​നുള്ള അവസരങ്ങൾ എങ്ങനെ ലഭിക്കും, അവരെ എവിടെ കണ്ടെത്താ​നാ​കും?—2 കൊരി. 6:13.

⁴ ദൈവവുമായുള്ള സൗഹൃദം: യഹോ​വ​യു​മാ​യി അടുത്ത​ബന്ധം വളർത്തി​യെ​ടു​ക്കാൻ നിങ്ങൾക്ക്‌ എങ്ങനെ കഴിയും, അത്‌ തക്ക മൂല്യ​മു​ള്ള​താ​യി​രി​ക്കു​ന്നത്‌ എന്തു​കൊണ്ട്‌? (സങ്കീ. 34:8) ദൈവ​വു​മാ​യുള്ള നിങ്ങളു​ടെ സൗഹൃ​ദത്തെ ഏറ്റവും ബലിഷ്‌ഠ​മാ​ക്കാൻ കഴിയു​ന്നത്‌ ആർക്കാണ്‌?

⁵ മോശം സുഹൃ​ത്തു​ക്കൾ: മോശം സുഹൃ​ത്തു​ക്കൾ ആരാണ്‌? (1 കൊരി. 15:33) അത്തരം കൂട്ടു​കാർ ഒരുവനെ ആത്മീയ നാശത്തി​ലേക്കു നയി​ച്ചേ​ക്കാ​വു​ന്നത്‌ എങ്ങനെ? ദീനാ​യെ​ക്കു​റി​ച്ചുള്ള ബൈബിൾ വിവരണം നിങ്ങളെ എന്തു പഠിപ്പി​ക്കു​ന്നു?—ഉല്‌പ. 34:1, 2, 7, 19.

⁶ ഒരു ആധുനി​ക​കാല നാടകം: ഏകാന്തത താരയെ ബാധി​ച്ച​തെ​ങ്ങനെ? ലോക​ക്കാ​രായ യുവജ​ന​ങ്ങ​ളു​മാ​യുള്ള സഹവാ​സത്തെ അവൾ ന്യായീ​ക​രി​ച്ചത്‌ എങ്ങനെ? അവർ അവളെ ഏത്‌ അപകട​ങ്ങ​ളി​ലേക്കു നയിച്ചു? അവളുടെ അപകടാ​വസ്ഥ മനസ്സി​ലാ​ക്കാൻ മാതാ​പി​താ​ക്കൾക്കു കഴിയാ​തി​രു​ന്നത്‌ എന്തു​കൊണ്ട്‌, എന്നാൽ ആത്മീയ​മാ​യി സുഖം പ്രാപി​ക്കാൻ ഏതു മനോ​ഭാ​വ​ത്തോ​ടെ അവർ അവളെ സഹായി​ച്ചു? ഒരു പയനിയർ സഹോ​ദരി താരയു​ടെ ഒരു യഥാർഥ സുഹൃത്ത്‌ ആണെന്നു തെളി​യി​ച്ചത്‌ എങ്ങനെ? ക്രിസ്‌ത്യാ​നി​കൾ സദൃശ​വാ​ക്യ​ങ്ങൾ 13:20-നും യിരെ​മ്യാ​വു 17:9-നും ചെവി​കൊ​ടു​ക്കേ​ണ്ടത്‌ എന്തു​കൊണ്ട്‌? താര എന്തു സുപ്ര​ധാന പാഠം പഠിച്ചു?

⁷ ഉപസംഹാരം: ഈ വീഡി​യോ​യിൽനി​ന്നു നിങ്ങൾ എന്തു പാഠം പഠിച്ചി​രി​ക്കു​ന്നു? മറ്റുള്ള​വരെ സഹായി​ക്കാൻ നിങ്ങൾക്ക്‌ ഇത്‌ എങ്ങനെ ഉപയോ​ഗി​ക്കാൻ കഴിയും?—സങ്കീ. 71:17.