പ്രവർത്ത​ന​ത്തി​നുള്ള വലിയ വാതിൽ തുറന്നി​രി​ക്കു​ന്നു

സുവാർത്ത​യു​ടെ ഒരു തീക്ഷ്‌ണ​ഘോ​ഷകൻ എന്ന നിലയിൽ ആവശ്യം കൂടു​ത​ലുള്ള പ്രദേ​ശങ്ങൾ പൗലോസ്‌ ആകാം​ക്ഷ​യോ​ടെ അന്വേ​ഷി​ച്ചു. അതി​ലൊ​ന്നാ​യി​രു​ന്നു എഫെ​സൊസ്‌ നഗരം. അവിടെ പ്രസം​ഗ​വേ​ല​യിൽ അദ്ദേഹ​ത്തി​നു നല്ല വിജയം ഉണ്ടായി​രു​ന്ന​തി​നാൽ സഹക്രി​സ്‌ത്യാ​നി​കൾക്ക്‌ എഴുതി: “പ്രവർത്ത​ന​ത്തി​നുള്ള ഒരു വലിയ വാതിൽ എനിക്കു തുറന്നു​കി​ട്ടി​യി​രി​ക്കു​ന്നു.” (1 കൊരി. 16:9) ആ പ്രദേ​ശത്ത്‌ പൗലോസ്‌ സേവന​ത്തിൽ തുടരു​ക​യും ധാരാളം എഫെ​സൊ​സു​കാ​രെ വിശ്വാ​സി​ക​ളാ​യി​ത്തീ​രാൻ സഹായി​ക്കു​ക​യും ചെയ്‌തു. (പ്രവൃ. 19:1-20, 26) നമ്മുടെ മുമ്പാ​കെ​യും പ്രവർത്ത​ന​ത്തി​ന്റെ ഒരു വലിയ വാതിൽ തുറക്ക​പ്പെ​ട്ടി​രി​ക്കു​ന്നു. പ്രത്യേക സാക്ഷീ​കരണ വേലയിൽ, വിശേ​ഷാൽ നിയമി​ച്ചു കൊടു​ത്തി​ട്ടി​ല്ലാത്ത പ്രദേ​ശത്ത്‌, ധാരാളം താത്‌പ​ര്യ​ക്കാ​രെ കണ്ടെത്തി​യി​രി​ക്കു​ന്നു. അങ്ങനെ പ്രസം​ഗ​വേല കാര്യ​മാ​യി നടന്നി​ട്ടി​ല്ലാത്ത പ്രദേ​ശ​ങ്ങ​ളിൽ സുവാർത്ത വ്യാപി​പ്പി​ക്കു​ന്ന​തിൽ സഹായി​ക്കു​ന്ന​തി​നും കണ്ടെത്തുന്ന താത്‌പ​ര്യം പിന്തു​ട​രു​ന്ന​തി​നും ഉള്ള ക്ഷണം നമുക്കും വീണു​കി​ട്ടി​യി​രി​ക്കു​ന്നു.—2 കൊരി​ന്ത്യർ 8:13-15 താരത​മ്യം ചെയ്യുക.

ആവശ്യം കൂടു​ത​ലുള്ള സ്ഥലത്ത്‌ നിങ്ങൾക്കു സേവി​ക്കാ​നാ​കു​മോ? മറ്റൊ​രി​ടത്ത്‌ സേവി​ക്കു​ന്ന​തി​നെ​ക്കു​റി​ച്ചു നിങ്ങൾ പ്രാർഥ​നാ​പൂർവം ചിന്തി​ച്ചി​ട്ടു​ണ്ടോ? കഴിഞ്ഞ ഏതാനും ദശാബ്ദ​ങ്ങ​ളിൽ ആയിര​ക്ക​ണ​ക്കി​നു ക്രിസ്‌തീയ കുടും​ബങ്ങൾ കൊയ്‌ത്തു​വേ​ല​യിൽ ഒരു നല്ല പങ്കുണ്ടാ​യി​രി​ക്കാ​നാ​യി ആവശ്യം അധിക​മുള്ള സ്ഥലങ്ങളി​ലേക്കു മാറി​ത്താ​മ​സി​ച്ചി​ട്ടുണ്ട്‌. ഇപ്രകാ​രം ചെയ്‌ത ഒരു ദമ്പതികൾ പറഞ്ഞു: “ഏറ്റവും അധികം നന്മ ചെയ്യാൻ സാധി​ക്കു​ന്നി​ടത്ത്‌ യഹോ​വയെ സേവി​ക്കാൻ ഞങ്ങൾ ആഗ്രഹി​ച്ചു.” നിങ്ങൾക്കും ഇതേ ആഗ്രഹം ഉണ്ടായി​രി​ക്കു​ക​യും മറ്റൊരു സ്ഥലത്തേക്കു മാറി​ത്താ​മ​സി​ക്കു​ന്നതു സാധ്യ​മാ​വു​ക​യും ആണെങ്കിൽ ഭാവി കാര്യങ്ങൾ സഭയിലെ മൂപ്പന്മാ​രു​മാ​യി ചർച്ച ചെയ്യുക. തുടർന്ന്‌ സർക്കിട്ട്‌ മേൽവി​ചാ​ര​ക​നോട്‌ സംസാ​രി​ക്കു​ക​യും അദ്ദേഹ​ത്തി​ന്റെ നിർദേശം കണക്കി​ലെ​ടു​ക്കു​ക​യും ചെയ്യുക.

ആവശ്യം കൂടു​ത​ലു​ള്ളത്‌ എവി​ടെ​യാ​ണെന്നു ബ്രാ​ഞ്ചോ​ഫീ​സിൽ അന്വേ​ഷി​ക്കു​ന്ന​തിന്‌ സഭാ സേവന​ക്ക​മ്മി​റ്റി​ക്കു നിങ്ങളു​ടെ താത്‌പ​ര്യം കൃത്യ​മാ​യി വിവരി​ക്കുന്ന ഒരു കത്ത്‌ നൽകുക. അവർ തങ്ങളുടെ അഭി​പ്രാ​യം എഴുതി ഈ കത്തി​നോ​ടൊ​പ്പം ബ്രാ​ഞ്ചോ​ഫീ​സി​ലേക്ക്‌ അയയ്‌ക്കും. ഏതായാ​ലും, പ്രവർത്ത​ന​ത്തി​ലേ​ക്കുള്ള വലിയ വാതിൽ തുറന്നി​രി​ക്കു​ന്നി​ട​ത്തോ​ളം കാലം നമു​ക്കെ​ല്ലാ​വർക്കും യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി തുടരാം.—1 കൊരി. 15:58.