പയനിയർ സേവനം—അതു നിങ്ങൾക്കു​ള്ള​തോ?

¹ “മറ്റെ​ന്തെ​ങ്കി​ലും ചെയ്യു​ന്ന​തി​നെ​ക്കു​റിച്ച്‌ എനിക്കു ചിന്തി​ക്കാൻപോ​ലും കഴിയു​ന്നില്ല. എന്തെങ്കി​ലും ചെയ്‌താൽത്തന്നെ ഇതേ സന്തോഷം കിട്ടു​മെന്നു തോന്നു​ന്നില്ല.” പയനിയർ സേവന​ത്തി​ലൂ​ടെ സന്തോ​ഷ​ക​ര​മായ ജീവിതം നയിക്കുന്ന ആയിര​ക്ക​ണ​ക്കി​നു യഹോ​വ​യു​ടെ സാക്ഷി​ക​ളിൽ ഒരാളു​ടെ വാക്കു​ക​ളാ​ണിത്‌. നിങ്ങൾക്കും പയനി​യ​റിങ്‌ ചെയ്യാ​നാ​കു​മോ? ഇതേക്കു​റി​ച്ചു പ്രാർഥ​നാ​പൂർവം ചിന്തി​ച്ചി​ട്ടു​ണ്ടോ? യഹോ​വ​യ്‌ക്കു നമ്മെത്തന്നെ സമർപ്പി​ച്ച​വ​രെന്ന നിലയിൽ ദൈവ​രാ​ജ്യ​സ​ന്ദേശം വ്യാപി​പ്പി​ക്കു​ന്ന​തിൽ ഒരു പൂർണ​പങ്ക്‌ ഉണ്ടായി​രി​ക്കു​ന്ന​തി​നെ​ക്കു​റി​ച്ചു തീർച്ച​യാ​യും ചിന്തി​ക്കേ​ണ്ട​തല്ലേ? അതു​കൊണ്ട്‌, പയനിയർ സേവന​ത്തെ​ക്കു​റി​ച്ചു പലരും ചോദി​ച്ചി​ട്ടുള്ള ചില ചോദ്യ​ങ്ങൾ നമുക്കു ചർച്ച​ചെ​യ്യാം.

ചോദ്യം 1: “പയനി​യ​റിങ്‌ എല്ലാവർക്കും ചെയ്യാ​നാ​കില്ല എന്നു പറഞ്ഞു കേട്ടി​ട്ടുണ്ട്‌. എന്നാൽ എന്റെ കാര്യ​മോ?”

² ഈ ചോദ്യ​ത്തി​നു​ത്തരം നിങ്ങളു​ടെ സാഹച​ര്യ​ങ്ങ​ളെ​യും തിരു​വെ​ഴു​ത്തു കടപ്പാ​ടു​ക​ളെ​യും ആശ്രയി​ച്ചി​രി​ക്കു​ന്നു. മോശ​മായ ആരോ​ഗ്യ​സ്ഥി​തി, മറ്റു സാഹച​ര്യ​ങ്ങൾ എന്നിവ നിമിത്തം അനേകർക്കും ശുശ്രൂ​ഷ​യിൽ 70 മണിക്കൂർ പ്രവർത്തി​ക്കാൻ കഴി​ഞ്ഞെന്നു വരില്ല. എങ്കിലും സാഹച​ര്യം അനുവ​ദി​ക്കുന്ന അളവോ​ളം അവർ ശുശ്രൂ​ഷ​യിൽ ഏർപ്പെ​ടു​ന്നു. അവസരം വരു​മ്പോൾ വർഷത്തിൽ ഒന്നോ അതില​ധി​ക​മോ മാസങ്ങ​ളിൽ സഹായ പയനി​യ​റി​ങ്ങും ചെയ്യുന്നു. അങ്ങനെ ശുശ്രൂ​ഷ​യി​ലെ പങ്കു വർധി​പ്പി​ക്കു​ന്ന​തി​ന്റെ സന്തോഷം അവർ ആസ്വദി​ക്കു​ന്നു. (ഗലാ. 6:9) ഇപ്പോ​ഴുള്ള സാഹച​ര്യം പയനി​യ​റിങ്‌ ചെയ്യാൻ അനുവ​ദി​ക്കു​ന്നി​ല്ലെ​ങ്കി​ലും, പയനി​യർമാ​രെ​പ്പോ​ലെ അവരും ദൈവ​രാ​ജ്യ​സ​ന്ദേ​ശ​ത്തി​ന്റെ തീക്ഷ്‌ണ​ത​യുള്ള ഘോഷ​ക​രാണ്‌. അവർ സഭയ്‌ക്ക്‌ ഒരു അനു​ഗ്ര​ഹ​മാണ്‌.

³ നേരേ​മ​റിച്ച്‌, താരത​മ്യേന കടപ്പാ​ടു​കൾ കുറവുള്ള അനവധി സഹോ​ദ​രീ​സ​ഹോ​ദ​ര​ന്മാർ തങ്ങളുടെ മുൻഗ​ണ​ന​ക​ളിൽ മാറ്റം വരുത്തി​ക്കൊണ്ട്‌ പയനി​യ​റിങ്‌ ചെയ്യുന്നു. നിങ്ങളെ സംബന്ധി​ച്ചെന്ത്‌? സ്‌കൂൾ വിദ്യാ​ഭ്യാ​സം പൂർത്തി​യാ​ക്കിയ ഒരു യുവാ​വോ യുവതി​യോ ആണോ നിങ്ങൾ? കുടും​ബ​ത്തി​ന്റെ ആവശ്യ​ങ്ങൾക്കാ​യി തനിയെ കരുതാൻ പ്രാപ്‌ത​നായ ഒരാളാ​ണോ നിങ്ങളു​ടെ ഭർത്താവ്‌? വിവാ​ഹി​ത​രെ​ങ്കി​ലും ആശ്രി​ത​രായ മക്കളി​ല്ലാ​ത്ത​വ​രാ​ണോ നിങ്ങൾ? ജോലി​യിൽനി​ന്നു വിരമി​ച്ച​യാ​ളാ​ണോ? പയനിയർ ആകണോ വേണ്ടയോ എന്നത്‌ ഓരോ വ്യക്തി​യും തീരു​മാ​നി​ക്കണം. എന്നാൽ ചോദ്യം ഇതാണ്‌: നിങ്ങളു​ടെ ജീവി​ത​ത്തിൽ പയനി​യ​റി​ങിന്‌ ഇടം കണ്ടെത്താ​നാ​കു​മോ?

⁴ നമ്മുടെ ജീവിതം ശ്രദ്ധാ​ശൈ​ഥി​ല്യ​ങ്ങൾകൊണ്ട്‌ നിറയ്‌ക്കാ​നും സ്വാർഥ​ജീ​വി​ത​രീ​തി​ക​ളിൽ മുക്കി​ക്ക​ള​യാ​നും സാത്താൻ ഈ ലോകത്തെ ഉപയോ​ഗി​ക്കു​ന്നു. നാം ലോക​ത്തി​ന്റെ ഭാഗമാ​കാ​തി​രി​ക്കാൻ കഠിന​ശ്രമം ചെയ്യു​ന്നു​വെ​ങ്കിൽ ദൈവ​രാ​ജ്യ​താ​ത്‌പ​ര്യ​ങ്ങൾ ഒന്നാമത്‌ വെക്കാ​നും ദിവ്യാ​ധി​പത്യ പദവി​കൾക്ക്‌ യോഗ്യ​രാ​യി​ത്തീ​രാ​നും യഹോവ സഹായി​ക്കും. ഇപ്പോ​ഴത്തെ സാഹച​ര്യ​ങ്ങൾക്കു മാറ്റം​വ​രു​ത്തി പയനി​യ​റാ​യി സേവി​ക്കാൻ നിങ്ങൾക്കാ​കു​മെ​ങ്കിൽ അങ്ങനെ ചെയ്യരു​തോ?

ചോദ്യം 2: “മുഴു​സമയ സേവന​ത്തി​നി​ടെ ജീവി​ക്കാ​നുള്ള വക കണ്ടെത്താ​നാ​കു​മോ?”

⁵ ജീവി​ക്കാ​നാ​വ​ശ്യ​മെന്ന്‌ പല നാടു​ക​ളി​ലും പൊതു​വെ ആളുകൾക്കു തോന്നുന്ന വസ്‌തു​വ​കകൾ വാങ്ങാൻ ഓരോ മാസവും കൂടുതൽ സമയം ജോലി ചെയ്യേ​ണ്ടി​വ​രു​ന്നു എന്നത്‌ സത്യമാണ്‌. ഓരോ വർഷവും ഈ പ്രവണത കൂടി​ക്കൂ​ടി​വ​രു​ന്നു. പക്ഷെ, പതിറ്റാ​ണ്ടു​ക​ളാ​യി പയനി​യ​റിങ്‌ ചെയ്യുന്ന അനേക​രെ​യും യഹോവ പുലർത്തി​ക്കൊ​ണ്ടി​രി​ക്കു​ന്നു എന്നതാണ്‌ വസ്‌തുത. പയനി​യ​റി​ങ്ങിൽ വിജയി​ക്ക​ണ​മെ​ങ്കിൽ വിശ്വാ​സ​വും ത്യാഗ മനോ​ഭാ​വ​വും വേണം. (മത്താ. 17:20) “യഹോ​വയെ അന്വേ​ഷി​ക്കു​ന്ന​വർക്കോ ഒരു നന്മെക്കും കുറവില്ല” എന്ന്‌ സങ്കീർത്തനം 34:10 നമുക്ക്‌ ഉറപ്പു നൽകുന്നു. എല്ലായി​ട​ത്തു​മുള്ള വിശ്വ​സ്‌ത​രായ പയനി​യർമാർക്കു​വേ​ണ്ടി​യും യഹോവ ഇതുത​ന്നെ​യാണ്‌ ചെയ്‌തു​കൊ​ണ്ടി​രി​ക്കു​ന്നത്‌! (സങ്കീ. 37:25) യഹോവ നമുക്കാ​യി കരുതു​മെന്ന ആത്മവി​ശ്വാ​സ​ത്തോ​ടെ വേണം ഒരുവൻ പയനി​യ​റി​ങ്ങി​ലേക്കു വരേണ്ടത്‌. എങ്കിലും 2 തെസ്സ​ലോ​നി​ക്യർ 3:8, 10; 1 തിമൊ​ഥെ​യൊസ്‌ 5:8 എന്നീ തിരു​വെ​ഴു​ത്തു​കൾക്കു ചേർച്ച​യിൽ മറ്റുള്ള​വ​രിൽനി​ന്നു സാമ്പത്തിക പിന്തുണ പ്രതീ​ക്ഷി​ച്ചു​കൊ​ണ്ടല്ല അവർ പയനി​യ​റിങ്‌ ചെയ്യേ​ണ്ടത്‌.

⁶ പയനി​യ​റി​ങ്ങി​നെ​ക്കു​റി​ച്ചു ചിന്തി​ക്കുന്ന ഏതൊ​രു​വ​നും യേശു പറഞ്ഞതു​പോ​ലെ “ആദ്യം ഇരുന്ന്‌ ചെലവു കണക്കു​കൂട്ട”ണം. (ലൂക്കോ. 14:28) ഇതാണ്‌ പ്രാ​യോ​ഗി​കം. വർഷങ്ങ​ളാ​യി പയനി​യ​റിങ്ങ്‌ നടത്തു​ന്ന​വ​രോട്‌ സംസാ​രി​ക്കുക. യഹോവ അവരെ എങ്ങനെ​യാണ്‌ പുലർത്തി​യ​തെന്ന്‌ ചോദി​ക്കുക. സർക്കിട്ട്‌ മേൽവി​ചാ​രകൻ പരിച​യ​സ​മ്പ​ന്ന​നായ പയനിയർ ആയതി​നാൽ മുഴു​സമയ ശുശ്രൂ​ഷ​യിൽ എങ്ങനെ വിജയി​ക്കാ​മെന്ന്‌ അദ്ദേഹം പറഞ്ഞു​ത​രും.

⁷ ചുറ്റു​മുള്ള ലോകം ഭൗതിക കാര്യാ​ദി​ക​ളിൽ മുഴു​കു​ക​യാണ്‌. ഇതുമാ​യി അനുരൂ​പ​പ്പെ​ടാ​നുള്ള സമ്മർദം നമുക്കു​മുണ്ട്‌. എന്നാൽ മുഴു​സമയ സേവന​ത്തോ​ടുള്ള വിലമ​തിപ്പ്‌, ഏതു സാമ്പത്തിക അവസ്ഥയി​ലും തൃപ്‌ത​രാ​യി​രി​ക്കാൻ നമ്മെ സഹായി​ക്കും. (1 തിമൊ. 6:8) ലളിത​വും ചിട്ടയു​ള്ള​തും ആയ ജീവിതം നയിക്കുന്ന പയനി​യർമാർ സേവന​ത്തിൽ കൂടുതൽ സമയം ചെലവ​ഴി​ക്കു​ന്നു. അങ്ങനെ മറ്റുള്ള​വരെ സത്യം പഠിപ്പി​ക്കു​ന്ന​തി​ലൂ​ടെ അവർ അധികം സന്തോ​ഷ​വും ആത്മീയ​ബ​ല​വും നേടി​യെ​ടു​ക്കു​ന്നു. ഒന്നും വേണ്ട എന്നമട്ടിൽ സന്യാ​സ​ജീ​വി​തം നയിക്കു​ന്ന​തി​നു​പ​കരം സാമ്പത്തിക കാര്യ​ങ്ങ​ളിൽ സമനി​ല​യുള്ള വീക്ഷണം പുലർത്തി​ക്കൊണ്ട്‌ പയനി​യ​റി​ങ്ങി​ന്റെ അനു​ഗ്ര​ഹങ്ങൾ അവർ ആസ്വദി​ക്കു​ന്നു.

⁸ നാം അന്ത്യകാ​ല​ത്താ​ണു ജീവി​ക്കു​ന്നത്‌. ഈ ദുഷ്ട​ലോ​ക​ത്തി​ന്റെ സമയം തീർന്നു​കൊ​ണ്ടി​രി​ക്കു​ന്നു. ലഭിക്കുന്ന ഓരോ അവസര​ത്തി​ലും സുവാർത്ത പ്രസം​ഗി​ക്കാ​നാ​വ​ശ്യ​മായ ത്യാഗങ്ങൾ സഹിക്കാൻ നമ്മെ പ്രേരി​പ്പി​ക്കു​ന്നത്‌ ഇവ സംബന്ധി​ച്ചുള്ള ശക്തമായ തിരി​ച്ച​റി​വാണ്‌. നിങ്ങളു​ടെ ഇപ്പോ​ഴത്തെ സാമ്പത്തിക സാഹച​ര്യ​ത്തെ​ക്കു​റിച്ച്‌ വിലയി​രു​ത്തു​ക​യും കാര്യങ്ങൾ യഹോ​വ​യു​ടെ കൈക​ളിൽ ഏൽപ്പി​ക്കു​ക​യും ചെയ്‌താൽ അവനെ മുഴു സമയം സേവി​ക്കാൻ ഒരുപക്ഷേ നിങ്ങൾക്കു സാധി​ച്ചേ​ക്കും. ആഗ്രഹി​ക്കുന്ന എന്തെങ്കി​ലും വേണ്ടെ​ന്നു​വെ​ക്കേ​ണ്ട​താ​യി വന്നാൽപ്പോ​ലും നിങ്ങൾക്ക്‌ യഹോ​വ​യിൽനിന്ന്‌ സമൃദ്ധ​മായ അനു​ഗ്ര​ഹങ്ങൾ ആസ്വദി​ക്കാ​നാ​കും.—സങ്കീ. 145:16.

ചോദ്യം 3: “ഒരു യുവവ്യ​ക്തി​യെന്ന നിലയിൽ ഞാൻ പയനിയർ സേവനത്തെ ഒരു ജീവി​ത​വൃ​ത്തി​യാ​യി പരിഗ​ണി​ക്കേ​ണ്ടത്‌ എന്തു​കൊണ്ട്‌?”

⁹ സ്‌കൂ​ളി​ലെ അവസാന വർഷങ്ങ​ളിൽ സ്വാഭാ​വി​ക​മാ​യും നിങ്ങൾ ഭാവി​യെ​ക്കു​റി​ച്ചു ചിന്തി​ക്കും. അത്‌ സുരക്ഷി​ത​വും സന്തുഷ്ട​വും സംതൃ​പ്‌ത​വും ആയിരി​ക്കാൻ നിങ്ങൾ ആഗ്രഹി​ക്കു​ന്നു. വർഷങ്ങൾ നീണ്ട കോ​ളേജ്‌ വിദ്യാ​ഭ്യാ​സം നേടി നല്ലൊരു ജോലി കണ്ടെത്താൻ സ്‌കൂ​ളി​ലെ അധ്യാ​പകർ നിങ്ങളെ പ്രേരി​പ്പി​ച്ചേ​ക്കാം. മറുവ​ശത്ത്‌, യഹോ​വയെ കഴിയു​ന്ന​ത്ര​യും സേവി​ക്ക​ണ​മെന്നു പരിശീ​ലി​പ്പി​ക്ക​പ്പെട്ട ക്രിസ്‌തീയ മനസ്സാക്ഷി നിങ്ങ​ളോ​ടു പറയുന്നു. (സഭാ. 12:1) ഭാവി​യിൽ വിവാഹം കഴിക്കാ​നും ഒരു കുടും​ബം ഉണ്ടാകാ​നും നിങ്ങൾ ആഗ്രഹി​ക്കു​ന്നു​ണ്ടാ​കാം. നിങ്ങൾ എന്തു ചെയ്യും?

¹⁰ ഇപ്പോൾ നിങ്ങൾ എടുക്കുന്ന തീരു​മാ​നങ്ങൾ മുഴു ജീവി​ത​ത്തെ​യും മാറ്റി​മ​റി​ച്ചേ​ക്കാം. നിങ്ങൾ സമർപ്പിച്ച്‌ സ്‌നാ​ന​മേറ്റ ഒരാളാ​ണെ​ങ്കിൽ സ്വയമേ മുഴു​വ​നാ​യി യഹോ​വ​യ്‌ക്ക്‌ അർപ്പി​ച്ച​താണ്‌. (എബ്രാ. 10:7) അടുത്ത അവസര​ത്തിൽത്തന്നെ ഒന്നോ അതിൽ കൂടു​ത​ലോ മാസം സഹായ പയനി​യ​റിങ്‌ ചെയ്യാൻ ശ്രമി​ച്ചു​കൂ​ടേ? ഇത്‌ സാധാരണ പയനി​യ​റി​ങ്ങി​ന്റെ സന്തോ​ഷ​വും ഉത്തരവാ​ദി​ത്ത്വ​ങ്ങ​ളും കുറ​ച്ചൊ​ക്കെ രുചി​ച്ച​റി​യാ​നും സ്വന്ത ജീവി​തം​കൊണ്ട്‌ എന്താണ്‌ ചെയ്യേ​ണ്ട​തെന്ന്‌ ഒരു തീരു​മാ​ന​ത്തിൽ എത്താനും സഹായി​ക്കും. അതിനാൽ സ്‌കൂൾ പഠനത്തി​നു​ശേഷം എന്തെങ്കി​ലും ചെയ്യേണ്ടേ എന്നു വിചാ​രിച്ച്‌ ഒരു ജോലി​ക്കു പോകു​ന്ന​തി​നു​പ​കരം സാധാരണ പയനി​യ​റിങ്‌ തുടങ്ങു​ന്ന​തല്ലേ നല്ലത്‌? പിന്നീടു ചെയ്യാം എന്നു വിചാ​രിച്ച ചിലർക്ക്‌, നേരത്തെ പയനിയർ സേവനം തുടങ്ങാ​ഞ്ഞ​തിൽ ഖേദി​ക്കേണ്ടി വന്നിട്ടുണ്ട്‌.

¹¹ ഒരു യുവവ്യ​ക്തി എന്നനി​ല​യിൽ ഏകാകി​യാ​യി​രി​ക്കു​മ്പോൾ കൈവ​രുന്ന അവസരങ്ങൾ മുഴു​സമയ പ്രസംഗ പ്രവർത്ത​ന​ത്തിൽ മുതലാ​ക്കി​കൊണ്ട്‌ അനു​ഗ്ര​ഹങ്ങൾ ആസ്വദി​ക്കുക. എന്നെങ്കി​ലും വിവാഹം കഴിക്ക​ണ​മെന്ന്‌ ആഗ്രഹി​ക്കു​ന്നെ​ങ്കിൽ സാധാരണ പയനി​യ​റാ​യി സേവി​ക്കു​ന്ന​താ​യി​രി​ക്കും അതിനുള്ള ഏറ്റവും നല്ല അടിത്തറ. സമാന ചിന്താ​ഗ​തി​യുള്ള ഒരു പയനി​യറെ വിവാഹം കഴിക്കു​ന്നു​വെ​ങ്കിൽ പയനി​യ​റിങ്‌ നിങ്ങളു​ടെ ജീവി​ത​വൃ​ത്തി ആക്കാനാ​യേ​ക്കും. ഒന്നിച്ചു പയനി​യ​റിങ്‌ ചെയ്‌ത ചില ദമ്പതികൾ സർക്കിട്ട്‌ വേലയി​ലേ​ക്കോ മിഷനറി വേലയി​ലേ​ക്കോ പോയി​ട്ടുണ്ട്‌. തികച്ചും സംതൃ​പ്‌ത​മായ ഒരു ജീവിതം!

¹² നിങ്ങൾ പയനി​യ​റിങ്‌ ചെയ്യു​ന്നത്‌ എത്ര നാള​ത്തേ​ക്കാ​ണെ​ങ്കി​ലും ലോക​ത്തി​ലെ മറ്റേ​തൊ​രു തൊഴി​ലിൽനി​ന്നും ലഭിക്കാ​നാ​വാത്ത വില​യേ​റിയ പരിശീ​ലനം നിങ്ങൾക്ക്‌ അതിലൂ​ടെ ലഭിക്കും, അങ്ങനെ നിങ്ങളു​ടെ വിദ്യാ​ഭ്യാ​സം പൂർണ​മാ​കും. അച്ചടക്കം, നല്ല ചിട്ടകൾ, മറ്റുള്ള​വ​രു​മാ​യി ഒത്തു​പോ​കൽ, യഹോ​വ​യി​ലുള്ള ആശ്രയം, ക്ഷമ, ദയ എന്നീ ഗുണങ്ങൾ പയനി​യ​റിങ്‌ വഴി പഠിക്കാ​നാ​കും. ഈ ഗുണങ്ങൾ പിന്നീടു വലിയ ഉത്തരവാ​ദി​ത്ത്വ​ങ്ങൾ കൈ​യേൽക്കാൻ നിങ്ങളെ യോഗ്യ​രാ​ക്കും.

¹³ ജീവിതം മുമ്പൊ​രി​ക്ക​ലും ഇത്രമേൽ അനിശ്ചി​ത​മാ​യി​രു​ന്നി​ട്ടില്ല. യഹോവ വാഗ്‌ദാ​നം ചെയ്‌തി​ട്ടു​ള്ളവ ഒഴിച്ചാൽ ചുരുക്കം ചില സംഗതി​കളേ യഥാർഥ​ത്തിൽ നിലനിൽക്കു​ന്ന​തു​ള്ളൂ. ഭാവി നിങ്ങളു​ടെ മുമ്പിൽ തുറന്നു കിടക്കു​ക​യാണ്‌. അതിനാൽ സ്വന്തജീ​വി​തം​കൊണ്ട്‌ വരും വർഷങ്ങ​ളിൽ എന്തു ചെയ്യും എന്നു ഗൗരവ​മാ​യി ചിന്തി​ക്കേണ്ട ഏറ്റവും അനു​യോ​ജ്യ​മായ സമയം ഇതാണ്‌. പയനി​യ​റിങ്‌ എന്ന പദവി​യു​ടെ മൂല്യം തിരി​ച്ച​റി​യുക. പയനിയർ സേവനം ജീവി​ത​വൃ​ത്തി ആക്കിയ​തിൽ നിങ്ങൾക്ക്‌ ഒരിക്ക​ലും ഖേദി​ക്കേണ്ടി വരില്ല.

ചോദ്യം 4: “മണിക്കൂർ വ്യവസ്ഥ ഒരു സമ്മർദ​മാ​യി​രി​ക്കി​ല്ലേ? അതു തികയ്‌ക്കാൻ സാധി​ച്ചി​ല്ലെ​ങ്കി​ലോ?”

¹⁴ സാധാരണ പയനിയർ ഫാറം പൂരി​പ്പി​ക്കു​മ്പോൾ താഴെ​പ്പ​റ​യുന്ന ചോദ്യ​ത്തിന്‌ ഉത്തരം നൽകണം: “വർഷത്തിൽ 840 മണിക്കൂർ എന്ന വ്യവസ്ഥ​യിൽ എത്തി​ച്ചേ​രും​വി​ധം കാര്യാ​ദി​കളെ ക്രമീ​ക​രി​ച്ചി​ട്ടു​ണ്ടോ?” അതിൽ എത്തി​ച്ചേ​രാൻ ദിവസ​വും ശരാശരി രണ്ടര മണിക്കൂർ സേവനം ചെയ്യണം. ഇതിന്‌ നല്ലൊരു പട്ടിക​യും ആത്മശി​ക്ഷ​ണ​വും കൂടിയേ തീരൂ. ഏതാനും മാസങ്ങൾക്കു​ള്ളിൽത്തന്നെ പ്രാ​യോ​ഗി​ക​മാ​യി എത്തി​ച്ചേ​രാ​നാ​കുന്ന ഒരു പ്രവർത്ത​ന​രീ​തി മിക്ക പയനി​യർമാ​രും വളർത്തി​യെ​ടു​ക്കു​ന്നു.

¹⁵ എന്നിരു​ന്നാ​ലും, സഭാ​പ്ര​സം​ഗി 9:11 പറയുന്ന പ്രകാരം ‘കാലവും മുൻകൂ​ട്ടി കാണാ​നാ​കാത്ത സംഭവ​ങ്ങ​ളും നമ്മെ​യെ​ല്ലാം ബാധി​ക്കു​ന്നു’. ഗുരു​ത​ര​മായ രോഗ​മോ മുൻകൂ​ട്ടി കാണാ​നാ​കാത്ത മറ്റു സാഹച​ര്യ​ങ്ങ​ളോ ഒരു പയനി​യറെ മണിക്കൂർ വ്യവസ്ഥ​യിൽ എത്തുന്ന​തിൽനി​ന്നു തടസ്സ​പ്പെ​ടു​ത്തി​യേ​ക്കാം. ഇത്‌ നീണ്ടു​നിൽക്കാ​ത്ത​തും സേവനവർഷത്തിന്റെa തുടക്ക​ത്തി​ലും ആണെങ്കിൽ നഷ്ടപ്പെട്ട സമയം വീണ്ടെ​ടു​ക്കാ​നാ​യി ദിവസേന കൂടുതൽ സമയം സേവന​ത്തിൽ പങ്കെടു​ക്ക​ത്ത​ക്ക​വി​ധ​മുള്ള ഒരു പട്ടിക​യു​ണ്ടാ​ക്കി​യാൽ മതിയാ​കും. എന്നാൽ സേവന​വർഷ​ത്തി​ലെ ഏതാനും മാസങ്ങൾ മാത്രം ശേഷി​ച്ചി​രി​ക്കെ ഗുരു​ത​ര​മായ ഒരു പ്രശ്‌ന​മു​ണ്ടാ​യി മണിക്കൂർ വ്യവസ്ഥ​യിൽ എത്തി​ച്ചേ​രാൻ സാധി​ക്കാ​തെ വന്നാൽ പയനി​യർക്ക്‌ എന്തു ചെയ്യാം?

¹⁶ രോഗ​ത്താ​ലോ നിയ​ന്ത്ര​ണാ​തീ​ത​മായ മറ്റേ​തെ​ങ്കി​ലും കാരണ​ത്താ​ലോ ഏതാനും മാസങ്ങ​ളിൽ നിങ്ങൾക്കു മണിക്കൂർ വ്യവസ്ഥ​യി​ലെ​ത്താൻ സാധി​ക്കു​ന്നി​ല്ലെ​ങ്കിൽ സഭാ സേവന​ക്ക​മ്മി​റ്റി​യി​ലെ ഒരംഗ​ത്തോട്‌ പ്രശ്‌നം വിശദീ​ക​രി​ക്കുക. നഷ്ടപ്പെട്ട സമയം കാര്യ​മാ​ക്കാ​തെ പയനിയർ സേവന​ത്തിൽ തുടരാൻ പ്രശ്‌ന​ങ്ങളെ വിലയി​രു​ത്തി മൂപ്പന്മാർ നിങ്ങളെ അനുവ​ദി​ച്ചേ​ക്കാം. അങ്ങനെ​യാ​കു​മ്പോൾ നഷ്ടപ്പെട്ട സമയം വീണ്ടെ​ടു​ക്കേ​ണ്ട​തി​ല്ലെന്ന്‌ സെക്ര​ട്ടറി സഭാ പ്രസാധക രേഖയിൽ രേഖ​പ്പെ​ടു​ത്തും. ഇത്‌ പ്രത്യേക സാഹച​ര്യം പരിഗ​ണി​ച്ചുള്ള കരുത​ലാണ്‌, മറിച്ച്‌ എല്ലാ അവസര​ങ്ങ​ളി​ലും ലഭിക്കു​ന്നതല്ല.

¹⁷ അനുഭ​വ​പ​രി​ച​യ​മുള്ള പയനി​യർമാർ സേവന​വർഷ​ത്തി​ന്റെ ആരംഭ​ത്തിൽത്തന്നെ ശരാശരി മണിക്കൂ​റിൽ കൂടുതൽ പ്രവർത്തി​ക്കു​ന്നു, അത്‌ പിന്നീട്‌ നിക്ഷേ​പ​മാ​യി ഉതകും. ചില​പ്പോ​ഴൊ​ക്കെ അപ്രധാന കാര്യങ്ങൾ ഒഴിവാ​ക്കി​ക്കൊണ്ട്‌ അവർ പയനിയർ സേവന​ത്തി​നു മുൻതൂ​ക്കം നൽകുന്നു. പ്രാ​യോ​ഗി​ക​മ​ല്ലാത്ത പട്ടിക​യോ ആത്മശി​ക്ഷ​ണ​ത്തി​ന്റെ അഭാവ​മോ നിമിത്തം ഒരു പയനി​യർക്കു മണിക്കൂർ വ്യവസ്ഥ​യിൽ എത്താൻ സാധി​ക്കു​ന്നി​ല്ലെ​ങ്കിൽ പ്രത്യേക പരിഗണന പ്രതീ​ക്ഷി​ക്കാ​തെ സമയം എത്തി​ക്കേ​ണ്ടത്‌ സ്വന്തം ഉത്തരവാ​ദി​ത്ത്വ​മാ​ണെന്നു മനസ്സി​ലാ​ക്കി നഷ്ടപ്പെട്ട സമയം വീണ്ടെ​ടു​ക്കേ​ണ്ട​താണ്‌.

¹⁸ ചില​പ്പോ​ഴൊ​ക്കെ ഒഴിവാ​ക്കാ​നാ​കാത്ത മാറ്റങ്ങൾ പയനി​യർമാർ അഭിമു​ഖീ​ക​രി​ക്കു​ന്നു. നീണ്ടു​നിൽക്കുന്ന ആരോ​ഗ്യ​പ്ര​ശ്‌ന​ങ്ങ​ളോ വർധിച്ച കുടുംബ ഉത്തരവാ​ദി​ത്ത്വ​മോ മറ്റെ​ന്തെ​ങ്കി​ലു​മോ നിമിത്തം കുറെ നാളു​ക​ളാ​യി ഒരു പയനി​യർക്ക്‌ മണിക്കൂർ വ്യവസ്ഥ​യിൽ എത്താൻ സാധി​ക്കു​ന്നി​ല്ലാ​യി​രി​ക്കാം. ഇത്തരം സാഹച​ര്യ​ത്തിൽ ഒരു പ്രസാ​ധ​ക​നാ​യി​രു​ന്നു​കൊണ്ട്‌ സാധി​ക്കു​മ്പോ​ഴൊ​ക്കെ സഹായ പയനി​യ​റിങ്‌ ചെയ്യു​ന്ന​താ​യി​രി​ക്കും ബുദ്ധി. മണിക്കൂർ വ്യവസ്ഥ​യിൽ എത്താത്ത വ്യക്തിയെ പയനിയർ നിരയിൽ തുടരാൻ അനുവ​ദി​ക്കാ​നാ​വില്ല.

ചോദ്യം 5: “ജീവി​ത​ത്തിൽ നേട്ടങ്ങൾ ഉണ്ടാക്കാൻ ഞാൻ ആഗ്രഹി​ക്കു​ന്നു. പയനിയർ സേവന​ത്തിൽ അതിനുള്ള അവസരം ഉണ്ടോ?”

¹⁹ യഹോ​വ​യു​മാ​യി ആഴത്തി​ലുള്ള വ്യക്തി​പ​ര​മായ ബന്ധത്തി​ലും അവനെ വിശ്വ​സ്‌ത​മാ​യി സേവി​ക്കു​ന്ന​തി​ലും ആണ്‌ യഥാർഥ സന്തോഷം കുടി​കൊ​ള്ളു​ന്നത്‌. യേശു “തന്റെ മുമ്പിൽ വെച്ചി​രുന്ന സന്തോഷ”ത്തെപ്രതി ദണ്ഡനസ്‌തം​ഭം വഹിച്ചു. (എബ്രാ. 12:2) അവനു സന്തോഷം ലഭിച്ചത്‌ ദൈ​വേഷ്ടം ചെയ്‌ത​തി​ലൂ​ടെ​യാ​യി​രു​ന്നു. (സങ്കീ. 40:8) ഈ വ്യവസ്ഥി​തി​യിൽ, യഹോ​വയെ ആരാധി​ക്കു​ന്ന​തി​നാ​യി കൂടുതൽ സമയം ചെലവ​ഴി​ക്കു​ന്ന​താണ്‌ യഥാർഥ സന്തോഷം നേടി​ത്ത​രു​ന്നത്‌. ആത്മീയ​കാ​ര്യ​ങ്ങളെ പിന്തു​ട​രു​ക​യെ​ന്ന​താണ്‌ നമ്മുടെ ലക്ഷ്യം. കാരണം അതാണ്‌ ശരി​യെന്ന്‌ നമുക്കു ബോധ്യ​മുണ്ട്‌. കൊടു​ക്കു​ന്ന​തി​ലൂ​ടെ​യാണ്‌ സന്തോഷം ലഭിക്കു​ന്നത്‌. അതു​കൊണ്ട്‌ ദൈവ​ത്തി​ന്റെ പുതിയ ലോക​ത്തിൽ നിത്യം ജീവി​ക്കു​ന്ന​തി​നു മറ്റുള്ള​വരെ സഹായി​ക്കാൻ നമ്മെത്തന്നെ വിട്ടു​കൊ​ടു​ക്കു​ന്ന​താണ്‌ ഏറ്റവും നല്ല ജീവി​ത​ഗതി.—പ്രവൃ. 20:35.

²⁰ തുടക്ക​ത്തിൽ പരാമർശിച്ച പയനിയർ ഇപ്രകാ​രം പറയുന്നു: “നിങ്ങൾ പഠിപ്പി​ക്കുന്ന വ്യക്തി യഹോ​വയെ സ്‌തു​തി​ക്കു​ന്നതു കാണു​ന്ന​തി​നെ​ക്കാൾ വലിയ സന്തോഷം ഉണ്ടോ?” യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കുന്ന വിധത്തിൽ, ആളുക​ളു​ടെ ജീവി​ത​ത്തിൽ മാറ്റങ്ങൾ വരുത്താ​നുള്ള ദൈവ​വ​ച​ന​ത്തി​ന്റെ ശക്തി അനുഭ​വി​ച്ച​റി​യു​ന്നത്‌ ആവേശ​ക​ര​വും വിശ്വാ​സത്തെ ശക്തി​പ്പെ​ടു​ത്തു​ന്ന​തു​മാണ്‌. (1997 വീക്ഷാ​ഗോ​പു​രം ഒക്‌ടോ​ബർ 15 പേജ്‌, 18-23 കാണുക.) യഥാർഥ​ത്തിൽ എന്താണ്‌ നിങ്ങൾക്കു സന്തോഷം തരുന്നത്‌? ലോക​ത്തി​നു തരാനാ​കു​ന്നത്‌ താത്‌കാ​ലിക സന്തോഷം മാത്ര​മാണ്‌. എന്നാൽ, നിലനിൽക്കു​ന്ന​തും ശ്രമത്തി​നു തക്ക മൂല്യ​മു​ള്ള​തും യഥാർഥ സന്തോഷം തരുന്ന​തും ആണ്‌ പയനി​യ​റിങ്‌.

ചോദ്യം 6: “നിത്യ​ജീ​വന്‌ പയനി​യ​റിങ്‌ അത്യാ​വ​ശ്യ​മ​ല്ലെ​ങ്കിൽ പിന്നെ അതു ചെയ്യണ​മോ?”

²¹ തീരു​മാ​നം നിങ്ങളു​ടേ​താണ്‌. ജീവി​ത​സാ​ഹ​ച​ര്യ​ങ്ങൾ വിലയി​രു​ത്തി നിങ്ങളെ വിധി​ക്കാൻ യഹോ​വ​യ്‌ക്കു മാത്രമേ സാധിക്കൂ. (റോമ. 14:4) യഹോവ ആഗ്രഹി​ക്കു​ന്നത്‌ തന്നെ മുഴു ഹൃദയ​ത്തോ​ടെ, ആത്മാ​വോ​ടെ, മനസ്സോ​ടെ, ശക്തി​യോ​ടെ സേവി​ക്കാ​നാണ്‌. (മർക്കോ. 12:30; ഗലാ. 6:4, 5) യഹോവ സ്‌നേ​ഹി​ക്കു​ന്നത്‌ സന്തോ​ഷ​ത്തോ​ടെ തന്നെ സേവി​ക്കു​ന്ന​വ​രെ​യാണ്‌, അല്ലാതെ നിർബ​ന്ധ​ത്താ​ലോ മനസ്സി​ല്ലാ​മ​ന​സ്സോ​ടെ​യോ പ്രവർത്തി​ക്കു​ന്ന​വ​രെയല്ല. (2 കൊരി. 9:7; കൊലോ. 3:23) യഹോ​വ​യോ​ടും നിങ്ങളു​ടെ പ്രദേ​ശ​ത്തുള്ള ആളുക​ളോ​ടും ഉള്ള സ്‌നേ​ഹ​മാ​യി​രി​ക്കണം മുഴു​സമയ സേവന​ത്തി​നാ​യി നിങ്ങളെ പ്രേരി​പ്പി​ക്കേ​ണ്ടത്‌. (മത്താ. 9:36-38; മർക്കോ. 12:30, 31) നിങ്ങളു​ടെ ചിന്ത ഇതാ​ണെ​ങ്കിൽ പയനിയർ സേവന​ത്തെ​ക്കു​റി​ച്ചു ഗൗരവ​മാ​യി പരിഗ​ണി​ക്കുക.

ചോദ്യം 7: “പയനി​യർമാർക്ക്‌ വ്യക്തി​പ​ര​മായ എന്തു സഹായം മൂപ്പന്മാർ കൊടു​ക്കണം?”

²² പയനി​യർമാ​രു​ടെ കാര്യ​ത്തിൽ മൂപ്പന്മാ​രു​ടെ സംഘം, പ്രത്യേ​കിച്ച്‌ സഭാ സേവന​ക്ക​മ്മി​റ്റി വ്യക്തി​പ​ര​മായ താത്‌പ​ര്യം എടുക്കണം. താഴെ കൊടു​ത്തി​രി​ക്കുന്ന ചോദ്യ​ങ്ങൾ, പയനി​യർമാ​രെ ഏതെല്ലാം വിധങ്ങ​ളിൽ മൂപ്പന്മാർക്കു സഹായി​ക്കാ​മെന്ന്‌ കാണി​ക്കു​ന്നു: ശുശ്രൂ​ഷ​യു​ടെ എല്ലാ മേഖല​ക​ളി​ലും അവർ ഫലപ്ര​ദ​രാ​ണോ?, മടക്ക സന്ദർശ​ന​ങ്ങൾക്കും ബൈബി​ള​ധ്യ​യ​ന​ങ്ങൾക്കും അവർക്കു പരിശീ​ലനം വേണമോ?, പരിശു​ദ്ധാ​ത്മാ​വി​ന്റെ ഫലം പുറ​പ്പെ​ടു​വി​ക്കുന്ന വിധത്തിൽ സമാധാ​ന​ത്തി​ലും ഒത്തൊ​രു​മ​യി​ലും ആണോ അവർ പ്രവർത്തി​ക്കു​ന്നത്‌?, (റോമ. 14:19) പ്രാ​യോ​ഗിക പട്ടിക തയ്യാറാ​ക്കു​ന്ന​തിൽ സഹായം ആവശ്യ​മാ​ണോ?, പഠനശീ​ല​വും യോഗ​ങ്ങ​ളിൽ പങ്കുപ​റ്റ​ലും ഉള്ളവരാ​ണോ? പയനി​യർമാ​രു​ടെ ആവശ്യ​ങ്ങ​ളും സാഹച​ര്യ​ങ്ങ​ളും കണ്ടറിഞ്ഞ്‌ അവർക്കാ​വ​ശ്യ​മായ എല്ലാ സഹായ​ങ്ങ​ളും മൂപ്പന്മാർക്ക്‌ ചെയ്യാ​നാ​കും. കൂടാതെ പതിവാ​യി അവരോട്‌ സംസാ​രി​ക്കുക.

²³ മണിക്കൂർ വ്യവസ്ഥ ഉൾപ്പെടെ പയനി​യർമാർക്കാ​യി വെച്ചി​ട്ടുള്ള നിലവാ​രങ്ങൾ അവർ പാലി​ക്കു​ന്നു​ണ്ടോ എന്ന കാര്യ​ത്തിൽ മൂപ്പന്മാർ ശ്രദ്ധാ​ലു​ക്ക​ളാ​യി​രി​ക്കണം. അതേ സമയം, താത്‌കാ​ലിക പ്രശ്‌ന​ങ്ങ​ളാൽ പയനി​യർക്ക്‌ മണിക്കൂർ വ്യവസ്ഥ​യിൽ എത്താൻ പറ്റാതെ വരു​മ്പോൾ ശ്രദ്ധാ​ലു​ക്ക​ളായ മൂപ്പന്മാർ അദ്ദേഹത്തെ ആ നിയമ​ന​ത്തിൽനി​ന്നു നീക്കു​ന്ന​തി​നു ശുപാർശ ചെയ്യു​ന്ന​തി​നു പകരം, വേഗം സഹായം നൽകും. തക്കസമ​യത്തു സഹായം ലഭിക്കാ​തെ പ്രശ്‌ന​ങ്ങ​ളു​മാ​യി അനേകം മാസങ്ങൾ മുന്നോ​ട്ടു​പോ​യി അവസാനം മണിക്കൂർ വ്യവസ്ഥ​യിൽ എത്താത്ത​തിൽ നിരു​ത്സാ​ഹി​ത​നാ​യി അദ്ദേഹം പയനി​യ​റിങ്‌ നിർത്തി​ക്ക​ള​യുന്ന അവസ്ഥ വരാൻ ഒരിക്ക​ലും ഇടയാ​ക്ക​രുത്‌.

²⁴ പയനി​യ​റു​മാ​യി സംസാ​രി​ച്ച​തി​നു​ശേഷം ഇതൊരു താത്‌കാ​ലി​ക​പ്ര​ശ്‌ന​മാ​ണെ​ന്നും സേവന​വർഷം അവസാ​നി​ക്കു​ന്ന​തി​നു​മുമ്പ്‌ മണിക്കൂർ വ്യവസ്ഥ​യി​ലെ​ത്താൻ കഴിയു​മെ​ന്നും മൂപ്പന്മാർ മനസ്സി​ലാ​ക്കുന്ന പക്ഷം, പ്രോ​ത്സാ​ഹ​ന​വും സഹായ​ക​ര​മായ നിർദേ​ശ​ങ്ങ​ളും നൽകു​ക​യ​ല്ലാ​തെ മറ്റൊ​ന്നും വേണ്ടി​വ​രില്ല. എന്നാൽ തന്റെ നിയ​ന്ത്ര​ണ​ത്തിന്‌ അതീത​മായ ഒരു സാഹച​ര്യം നിമിത്തം മണിക്കൂർ വ്യവസ്ഥ​യിൽ വളരെ പിന്നി​ലാ​യി​രി​ക്കുന്ന പയനി​യർക്കു സേവന​വർഷ​ത്തി​ന്റെ അവസാനം അത്‌ എത്തിപ്പി​ടി​ക്കാൻ കഴിയാത്ത അവസ്ഥയാ​ണെ​ങ്കി​ലോ? അദ്ദേഹ​ത്തിന്‌ എന്തെങ്കി​ലും പ്രത്യേക പരിഗണന നൽകണ​മോ​യെന്ന്‌ മൂപ്പന്മാർ തീരു​മാ​നി​ക്കണം. അങ്ങനെ കാണു​ന്ന​പക്ഷം അത്‌ സഭാ പ്രസാധക രേഖയിൽ എഴുതുക. കുറവുള്ള മണിക്കൂ​റു​ക​ളെ​ക്കു​റി​ച്ചു വിഷമി​ക്കാ​തെ ശേഷി​ക്കുന്ന മാസങ്ങ​ളി​ലെ മണിക്കൂർ വ്യവസ്ഥ​യിൽ എത്തി​ച്ചേ​രാ​നാ​യി കഠിന​ശ്രമം ചെയ്യാൻ പയനി​യറെ പ്രോ​ത്സാ​ഹി​പ്പി​ക്കുക. എന്നാൽ പ്രശ്‌നം താത്‌കാ​ലി​ക​മ​ല്ലെ​ന്നും ഇപ്പോ​ഴത്തെ സാഹച​ര്യ​ത്തിൽ വ്യക്തി​യോ​ടു പയനി​യ​റിങ്‌ നിറു​ത്താൻ ആവശ്യ​പ്പെ​ടു​ന്ന​താണ്‌ നല്ലതെ​ന്നും മൂപ്പന്മാർ തീരു​മാ​നി​ക്കു​ന്നെ​ങ്കിൽ അത്‌ അനു​യോ​ജ്യ​മായ ഫാറത്തിൽ ബ്രാ​ഞ്ചോ​ഫീ​സിൽ അറിയി​ക്കണം.

ചോദ്യം 8: “സാധാരണ പയനിയർ സേവന​ത്തി​നാ​യി എനി​ക്കെ​ങ്ങനെ യോഗ്യത പ്രാപി​ക്കാം?”

²⁵ സാധാരണ പയനിയർ സേവന​ത്തി​നു യോഗ്യത പ്രാപി​ക്കു​ന്ന​തിന്‌ ഒരു വ്യക്തി ക്രമമുള്ള, സ്‌നാ​ന​മേ​റ്റിട്ട്‌ കുറഞ്ഞത്‌ ആറു മാസ​മെ​ങ്കി​ലും ആയ പ്രസാ​ധകൻ ആയിരി​ക്കണം. അദ്ദേഹം 840 എന്ന വാർഷിക സേവന മണിക്കൂർ വ്യവസ്ഥ​യിൽ എത്തണം. നല്ല ധാർമിക നിലവാ​രം ഉണ്ടായി​രി​ക്കു​ക​യും മാതൃ​കാ​യോ​ഗ്യ​നായ ക്രിസ്‌ത്യാ​നി​യെന്ന്‌ പ്രകട​മാ​ക്കു​ക​യും ചെയ്യേ​ണ്ടത്‌ പ്രധാ​ന​മാണ്‌ (od പേ. 113-14). ഇതിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌? ഒരു പയനിയർ അപേക്ഷ​ക​നിൽ എന്ത്‌ യോഗ്യ​ത​ക​ളാണ്‌ മൂപ്പന്മാർ നോ​ക്കേ​ണ്ടത്‌?

²⁶ മാതൃ​കാ​യോ​ഗ്യ​മായ നടത്ത അർഥമാ​ക്കു​ന്നത്‌ ശാരീ​രി​ക​മാ​യും ആത്മീയ​മാ​യും ശുദ്ധരാ​യി​രി​ക്കുക എന്നതി​നെ​യാണ്‌. പയനിയർ സേവന​ത്തി​നാ​യി പരിഗ​ണി​ക്കുന്ന വ്യക്തി സഭയ്‌ക്ക്‌ അകത്തും പുറത്തും നല്ല ക്രിസ്‌തീ​യ​നടത്ത ഉള്ളവനാ​യി​രി​ക്കും. യഹോ​വ​യ്‌ക്ക്‌ തന്നെത്തന്നെ പൂർണ​മാ​യി സമർപ്പിച്ച വ്യക്തി​യും ദൈവാ​ത്മാ​വി​ന്റെ ഫലം ജീവി​ത​ത്തിൽ പ്രകട​മാ​ക്കുന്ന ആളും ആയിരി​ക്കണം. ഒരു പയനി​യ​റു​ടെ മുഖ്യ​താ​ത്‌പ​ര്യം ദൈവ​രാ​ജ്യ​ത്തി​നു സാക്ഷ്യം നൽകു​ന്ന​തും ശിഷ്യ​രാ​ക്കു​ന്ന​തും ആണ്‌. അദ്ദേഹം വീടു​തോ​റും ബൈബിൾ ഫലകര​മാ​യി ഉപയോ​ഗി​ക്കേ​ണ്ട​തുണ്ട്‌. താത്‌പ​ര്യ​മു​ള്ള​വർക്കു മടക്കസ​ന്ദർശ​നങ്ങൾ, ഭവന ബൈബി​ള​ധ്യ​യ​നങ്ങൾ എന്നിവ നടത്തു​ന്ന​തിന്‌ അദ്ദേഹം മുൻകൈ എടുക്കു​ന്നു. മൂപ്പന്മാ​രു​ടെ സംഘം ക്രമീ​ക​രി​ക്കുന്ന വയൽസേ​വ​ന​ത്തി​ലും യോഗ​ങ്ങ​ളി​ലും പയനി​യർമാർ പൂർണ​മാ​യി സഹകരി​ക്കേ​ണ്ട​താണ്‌.

²⁷ നീതി​ന്യാ​യ ശാസന, പുറത്താ​ക്കി​യ​ശേഷം പുനഃ​സ്ഥി​തീ​ക​രണം എന്നിവ​യ്‌ക്കു വിധേ​യ​നായ വ്യക്തിയെ സഹായ പയനി​യ​റി​ങ്ങി​നോ സാധാരണ പയനി​യ​റി​ങ്ങി​നോ പരിഗ​ണി​ക്കു​മ്പോൾ നീതി​ന്യാ​യ നടപടി​ക്കു ശേഷം കുറഞ്ഞത്‌ ഒരു വർഷം കഴിഞ്ഞി​രി​ക്കണം. വ്യക്തി ഇപ്പോൾ നീതി​ന്യാ​യ കമ്മിറ്റി​യു​ടെ നിയ​ന്ത്ര​ണ​ത്തിൻ കീഴി​ലാ​ണെ​ങ്കിൽ അതു നീക്കു​ന്ന​തു​വരെ പയനിയർ സേവന​പ​ദ​വി​കൾക്ക്‌ അർഹനാ​യി​രി​ക്കു​ക​യില്ല.

²⁸ ഒരാളെ സാധാരണ പയനി​യ​റാ​യി നിർദേ​ശി​ക്കു​ന്ന​തി​നു​മുമ്പ്‌ അദ്ദേഹം നിരവധി മാസങ്ങൾ സഹായ പയനി​യ​റിങ്‌ ചെയ്യേ​ണ്ടത്‌ ആവശ്യ​മാ​ണോ? അല്ല. എന്നിരു​ന്നാ​ലും, സാധാരണ പയനിയർ എന്നനി​ല​യി​ലുള്ള പട്ടിക പിൻപ​റ്റു​ന്ന​തിന്‌ ആദ്യമേ സഹായ പയനിയർ എന്നനി​ല​യിൽ പ്രവർത്തി​ക്കു​ന്നത്‌ നല്ലതാണ്‌. ഒരു അപേക്ഷ​കന്‌ മാസം 70 മണിക്കൂ​റും സേവന​വർഷ​ത്തി​ന്റെ അവസാനം 840 മണിക്കൂ​റും എത്താൻ കഴിയും എന്ന കാര്യം മൂപ്പന്മാർ ഉറപ്പാ​ക്കേ​ണ്ട​താണ്‌.

²⁹ സഭയിലെ ഒരംഗം സാധാരണ പയനിയർ സേവന അപേക്ഷ പൂരി​പ്പിച്ച്‌ അംഗീ​കാ​ര​ത്തി​നാ​യി മൂപ്പന്മാ​രു​ടെ സംഘത്തി​ന്റെ ഏകോ​പ​കനു നൽകു​മ്പോൾ സഭാ സേവന​ക്ക​മ്മി​റ്റി അത്‌ ഉടനടി പരിഗ​ണി​ക്കേ​ണ്ട​താണ്‌. കമ്മിറ്റി​യി​ലുള്ള ഏതെങ്കി​ലും ഒരു മൂപ്പൻ ഒന്നോ രണ്ടോ ആഴ്‌ച​ക​ളിൽ സ്ഥലത്തി​ല്ലെ​ങ്കിൽ അദ്ദേഹം വരുന്ന​തു​വരെ നടപടി വൈകി​ക്ക​രുത്‌. അദ്ദേഹ​ത്തി​ന്റെ അസാന്നി​ധ്യ​ത്തിൽ മറ്റൊരു മൂപ്പനെ ഉപയോ​ഗി​ക്കുക. സഭാ സേവന​ക്ക​മ്മി​റ്റി അപേക്ഷ അംഗീ​ക​രി​ക്കു​ന്നെ​ങ്കിൽ അത്‌ അയയ്‌ക്കു​ന്ന​തി​നു​മുമ്പ്‌ മൂപ്പന്മാ​രു​ടെ സംഘത്തെ അറിയി​ക്കുക. മറ്റു മൂപ്പന്മാ​രു​ടെ നിരീ​ക്ഷ​ണ​ങ്ങ​ളും പരിഗ​ണി​ക്കേ​ണ്ട​താണ്‌.

³⁰ സാധാരണ പയനിയർ സേവന അപേക്ഷാ ഫാറത്തിൽ അപേക്ഷ​കന്റെ കഴിഞ്ഞ ആറു മാസത്തെ വയൽസേവന മണിക്കൂർ രേഖ​പ്പെ​ടു​ത്തേ​ണ്ട​താണ്‌. അപേക്ഷ​കന്‌ മണിക്കൂർ വ്യവസ്ഥ​യിൽ എത്തി​ച്ചേ​രാ​നാ​കു​മെന്ന്‌ മൂപ്പന്മാർ ഉറപ്പാ​ക്കണം. ഒരു പ്രസാ​ധ​കന്റെ ആറു മാസത്തെ ശരാശരി മണിക്കൂർ നീണ്ട കാലയ​ള​വിൽ അദ്ദേഹ​ത്തിന്‌ ചെയ്യാൻ കഴിയു​ന്ന​തിന്റ ശരിയായ ഒരു ചൂണ്ടു​പലക ആയിരി​ക്ക​ണ​മെ​ന്നില്ല. നേരെ മറിച്ച്‌, ഒന്നോ രണ്ടോ മാസങ്ങ​ളിൽ പ്രത്യേക ശ്രമം മൂലം മറ്റുള്ള മാസങ്ങ​ളെ​ക്കാൾ കൂടുതൽ മണിക്കൂർ ഉണ്ടെങ്കിൽ അതു പരിഗ​ണി​ക്കേ​ണ്ട​താണ്‌. മറ്റു വാക്കു​ക​ളിൽ പറഞ്ഞാൽ, മൂപ്പന്മാർ അപേക്ഷ​കനെ പയനിയർ എന്നനി​ല​യിൽ കണ്ടു​കൊണ്ട്‌ വയലിലെ കഴിഞ്ഞ ആറു മാസത്തെ പ്രവർത്ത​ന​ത്തി​ന്റെ ഒരു ആകമാ​ന​വി​ല​യി​രു​ത്തൽ നടത്തണം. വ്യക്തിക്ക്‌ ഉയർന്ന മണിക്കൂർശ​രാ​ശരി ഉണ്ടെങ്കി​ലും ഫലപ്രാ​പ്‌തി കുറവാ​ണെ​ങ്കിൽ പയനി​യ​റാ​യി നിയമി​ക്കു​ന്ന​തി​നു​മുമ്പ്‌ സേവന​ത്തിൽ മെച്ച​പ്പെ​ടേണ്ട മേഖല​ക​ളിൽ പുരോ​ഗതി വരുത്താൻ മൂപ്പന്മാർ സഹായി​ക്കേ​ണ്ട​താണ്‌. അദ്ദേഹത്തെ മൂപ്പന്മാർക്ക്‌ ശുപാർശ ചെയ്യാ​നാ​കു​ന്നി​ല്ലെ​ങ്കിൽ കാര്യം വ്യക്തിയെ അറിയി​ക്കു​ക​യും അപേക്ഷ അയയ്‌ക്കാ​ത്ത​തി​ന്റെ കാരണം അപേക്ഷ​ക​നോ​ടു വിശദീ​ക​രി​ക്കു​ക​യും വേണം. യോഗ്യ​ത​യി​ലെ​ത്താൻ ചെയ്യേ​ണ്ട​തെ​ന്താ​ണെന്ന്‌ മൂപ്പന്മാർ അദ്ദേഹത്തെ അറിയി​ക്കണം. പിന്നീട്‌ അദ്ദേഹത്തെ അംഗീ​ക​രി​ക്കാ​നാ​കു​മെന്ന്‌ മൂപ്പന്മാർക്ക്‌ തോന്നു​ക​യും പഴയ അപേക്ഷ തന്നെ ഉപയോ​ഗി​ക്കു​ക​യും ആണെങ്കിൽ, പയനി​യ​റിങ്‌ തുടങ്ങുന്ന തീയതി അതനു​സ​രി​ച്ചു മാറ്റണം.

³¹ ഇതി​ന്റെ​യൊ​ക്കെ വെളി​ച്ച​ത്തിൽ പയനി​യ​റിങ്‌ ചെയ്യാ​നുള്ള സാധ്യത നിങ്ങൾ തൂക്കി​നോ​ക്കു​മെന്ന്‌ ഞങ്ങൾ പ്രത്യാ​ശി​ക്കു​ന്നു. നിങ്ങളു​ടെ സാഹച​ര്യ​ങ്ങ​ളിൽ മാറ്റങ്ങൾ വരുത്തി​ക്കൊണ്ട്‌ സാധാരണ പയനിയർ ആകാനാ​കു​മോ? സ്വന്തമാ​യി ഒരു പ്രാ​യോ​ഗിക പട്ടിക ഉണ്ടാക്കി​ക്കൊണ്ട്‌ ആഴ്‌ച​യിൽ ശരാശരി പതി​നേഴു മണിക്കൂർ ശുശ്രൂ​ഷ​യിൽ ചെലവ​ഴി​ക്കാ​നാ​കു​മോ? യഹോ​വ​യിൽ പൂർണ​മാ​യി വിശ്വ​സി​ക്കുക, ആശ്രയി​ക്കുക. അവന്റെ സഹായ​ത്താൽ നിങ്ങൾക്കു വിജയി​ക്കാം! അവൻ വാഗ്‌ദാ​നം ചെയ്‌തി​രി​ക്കു​ന്നു: “ഞാൻ . . . നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, സ്ഥലം പോരാ​തെ​വ​രു​വോ​ളം നിങ്ങളു​ടെ​മേൽ അനു​ഗ്രഹം പകരു​ക​യി​ല്ല​യോ?”—മലാഖി 3:10.

³² അതു​കൊണ്ട്‌ “പയനിയർ സേവനം—അതു നിങ്ങൾക്കു​ള്ള​തോ?” “അതെ” എന്നാണ്‌ നിങ്ങൾ പറയു​ന്ന​തെ​ങ്കിൽ, ഉടനടി സാധാരണ പയനിയർ ആകാൻ തീയതി നിശ്ചയി​ക്കുക. യഹോവ നിങ്ങളെ സന്തുഷ്ട​ജീ​വി​തം നൽകി അനു​ഗ്ര​ഹി​ക്കു​മെന്ന്‌ ഉറപ്പു​ള്ള​വ​രാ​യി​രി​ക്കുക!

[അടിക്കു​റിപ്പ്‌]