ഒരു ബിസിനെസ്സുകാരൻ തനിക്കുവേണ്ടി കത്തെഴുതാൻ സെക്രട്ടറിയെ ഉപയോഗിക്കുന്നതുപോലെ ദൈവം വിശ്വസ്‌തരായ ചില മനുഷ്യരെ ഉപയോഗിച്ചുകൊണ്ട്‌ ദൈവവചനം എഴുതി
എങ്ങനെയാണ്‌ സ്രഷ്ടാവ്‌ തന്റെ വാഗ്‌ദാനങ്ങൾ വെളിപ്പെടുത്തിയിരിക്കുന്നത്‌?
മനുഷ്യരെ സൃഷ്ടിച്ചതുമുതൽ ദൈവം അവരോടു ദൂതന്മാരിലൂടെയും പ്രവാചകന്മാരിലൂടെയും ആശയവിനിമയം നടത്തിയിട്ടുണ്ട്‌. അതുകൂടാതെ, ദൈവത്തിന്റെ സന്ദേശവും വാഗ്‌ദാനവും എഴുതി സൂക്ഷിച്ചിട്ടുമുണ്ട്‌. ആ വാഗ്‌ദാനങ്ങളിൽ നിങ്ങളുടെ ഭാവിയും ഉൾപ്പെടുന്നു. എന്നാൽ ഈ വാഗ്‌ദാനങ്ങൾ നിങ്ങൾക്ക്‌ എവിടെ കണ്ടെത്താൻ കഴിയും?
വിശുദ്ധതിരുവെഴുത്തുകളിൽ ദൈവത്തിന്റെ ആ സന്ദേശം കണ്ടെത്താനാകും. (2 തിമൊഥെയൊസ്‌ 3:16) തന്റെ സന്ദേശം എഴുതാൻ ദൈവം പ്രവാചകന്മാരെ എങ്ങനെയാണ്‌ ഉപയോഗിച്ചത്‌? (2 പത്രോസ്‌ 1:21) ദൈവം തന്റെ ചിന്തകൾ എഴുത്തുകാരുടെ മനസ്സിൽ കൊടുത്തു. അവർ അത്‌ എഴുതി. അതിനെ നമുക്ക്‌ ഇങ്ങനെ ഉദാഹരിക്കാം. ഒരു ബിസിനെസ്സുകാരൻ സെക്രട്ടറിയെ ഉപയോഗിച്ചുകൊണ്ട്‌ തന്റെ മനസ്സിലുള്ള ആശയങ്ങൾ എഴുതിക്കുന്നു. ആ ആശയങ്ങൾ ആ ബിസിനെസ്സുകാരന്റേതാണ്‌ അല്ലാതെ സെക്രട്ടറിയുടേതല്ല. അതുപോലെ ദൈവം തന്റെ സന്ദേശം എഴുതാൻ മനുഷ്യരെ ഉപയോഗിച്ചെങ്കിലും ആ സന്ദേശത്തിന്റെ യഥാർഥ ഉറവിടം ദൈവമാണ്‌.
ദൈവവചനം എല്ലാവർക്കും
ദൈവം തന്റെ സന്ദേശം എല്ലാം ആളുകളും വായിക്കാനും മനസ്സിലാക്കാനും ആഗ്രഹിക്കുന്നു. ‘എന്നും നിലനിൽക്കുന്ന ഈ സന്തോഷവാർത്ത എല്ലാ ജനതകൾക്കും ഗോത്രക്കാർക്കും ഭാഷക്കാർക്കും’ ഇന്നു ലഭ്യമാണ്‌. (വെളിപാട്‌ 14:6) ദൈവത്തിന്റെ അനുഗ്രഹത്താൽ ഈ വിശുദ്ധ എഴുത്തുകൾ മുഴുവനായോ ഭാഗികമായോ 3,000-ത്തിലധികം ഭാഷകളിൽ ഇന്നു പ്രസിദ്ധീകരിച്ചിരിക്കുന്നു, മറ്റേതു പുസ്‌തകത്തെക്കാളും അധികം!