മഹാ​സ്ര​ഷ്ടാ​വി​നെ അവർ ഓർത്തു

നിങ്ങൾ ഇതുവരെ വായിച്ച ഈ പുസ്‌ത​ക​ത്തി​ന്റെ താളു​ക​ളിൽ കണ്ട അനേക​രും ‘യൗവന​കാ​ലത്ത്‌ തങ്ങളുടെ മഹാ​സ്ര​ഷ്ടാ​വി​നെ ഓർത്ത’ ചെറു​പ്പ​ക്കാ​രാണ്‌. (സഭാ. 12:1) വാസ്‌ത​വ​ത്തിൽ, ജോർജി​യ​യി​ലുള്ള 3,197 മുൻനി​ര​സേ​വ​ക​രിൽ മൂന്നി​ലൊ​ന്നും 25 വയസ്സോ അതിൽ താഴെ​യോ മാത്രം പ്രായ​മു​ള്ള​വ​രാണ്‌. ഇത്രയ​ധി​കം ചെറു​പ്പ​ക്കാർ സത്യ​ത്തോട്‌ അതിയായ താത്‌പ​ര്യം കാണി​ക്കു​ന്നത്‌ എന്തു​കൊ​ണ്ടാണ്‌?

ഇതിനു പല കാരണ​ങ്ങ​ളുണ്ട്‌. ഒരു സംഗതി, സ്വതവേ നല്ല കുടും​ബ​ബ​ന്ധങ്ങൾ ആസ്വദി​ക്കു​ന്ന​വ​രാ​ണു ജോർജി​യ​ക്കാർ. അഞ്ചു മക്കളെ സത്യത്തിൽ വളർത്തി​ക്കൊ​ണ്ടു​വന്ന കോൺസ്റ്റ​ന്റൈൻ വിശദീ​ക​രി​ക്കു​ന്നു: “യഹോവ സ്‌നേ​ഹ​മുള്ള ഒരു പിതാ​വാണ്‌ എന്ന അറിവാണ്‌ എന്നെ സത്യത്തി​ലേക്ക്‌ ആകർഷി​ച്ചത്‌. പിന്നീട്‌ ഞാൻ ഒരു പിതാ​വാ​യി​ത്തീർന്ന​പ്പോൾ എന്റെ മക്കൾക്ക്‌ ഒരു ഭയവും കൂടാതെ എന്നെ സമീപി​ക്കാൻ കഴിയണം എന്നു ഞാൻ ആഗ്രഹി​ച്ചു.”

മൂന്നു കുട്ടി​ക​ളുള്ള മൽഖാ​സി​യും ഭാര്യ​യും ശക്തമായ കുടും​ബ​ബ​ന്ധങ്ങൾ ഉണ്ടായി​രി​ക്കാൻ ആത്മാർഥ​മാ​യി ശ്രമി​ക്കു​ന്നു. അദ്ദേഹം പറയുന്നു: “മക്കളോട്‌, അവരുടെ കൂടെ​പ്പി​റ​പ്പു​ക​ളി​ലും ഞങ്ങളി​ലും എന്തൊക്കെ നല്ല ഗുണങ്ങ​ളാണ്‌ കാണു​ന്ന​തെന്നു ഞങ്ങൾ കൂടെ​ക്കൂ​ടെ ചോദി​ക്കാ​റുണ്ട്‌. അതിനു ശേഷം ഞങ്ങൾ അവരോട്‌ അവർ ചിന്തി​ക്കുന്ന കാര്യങ്ങൾ കുടും​ബാ​രാ​ധ​ന​യിൽ പറയാൻ ആവശ്യ​പ്പെ​ടും. അതിന്റെ ഫലമായി അവർ മറ്റുള്ള​വ​രി​ലെ നന്മ കാണാ​നും അതിനെ വിലമ​തി​ക്കാ​നും പഠിച്ചി​രി​ക്കു​ന്നു.”

“ഇപ്പോ​ഴാണ്‌ ഞാൻ ശരിക്കും സന്തോ​ഷ​ത്തോ​ടെ ജീവി​ക്കു​ന്നത്‌!”

മാതാ​പി​താ​ക്ക​ന്മാർ കൊടു​ക്കുന്ന പരിശീ​ല​ന​ത്തി​നു പിന്തുണ നൽകി​ക്കൊണ്ട്‌ മൂപ്പന്മാ​രും കഴിയു​ന്നത്ര ചെറു​പ്പ​ത്തിൽത്തന്നെ യുവജ​ന​ങ്ങളെ സഭയുടെ പ്രവർത്ത​ന​ങ്ങ​ളിൽ ഉൾപ്പെ​ടു​ത്താ​റുണ്ട്‌. 11-ാം വയസ്സിൽ സ്‌നാ​ന​മേറ്റ നെസ്റ്റോ​റി എന്ന യുവാവ്‌ പറയുന്നു: “മൂപ്പന്മാർ ഞാൻ തീരെ ചെറു​പ്പ​മാ​യി​രി​ക്കു​മ്പോൾ മുതൽ എനിക്കു കൊച്ചു​കൊ​ച്ചു നിയമ​നങ്ങൾ തരുമാ​യി​രു​ന്നു. ഞാനും സഭയുടെ ഭാഗമാ​ണെന്ന തോന്നൽ ഉണ്ടാകാൻ ഇതു സഹായി​ച്ചു.”

അനുക​രി​ക്കാൻ കൊള്ളാ​വുന്ന നല്ല മാതൃ​ക​ക​ളും മൂപ്പന്മാ​രു​ടെ പിന്തു​ണ​യും ഇക്കാര്യ​ത്തിൽ നിർണാ​യ​ക​മാണ്‌. നെസ്റ്റോ​റി​ന്റെ സഹോ​ദരൻ കോബ പറയുന്നു: “എന്റെ കൗമാ​ര​കാ​ലങ്ങൾ വളരെ പ്രശ്‌നങ്ങൾ നിറഞ്ഞ​താ​യി​രു​ന്നു. എന്നാൽ കൂടെ​പ്പി​റ​പ്പു​ക​ളു​ടെ കാര്യം അങ്ങനെ​യാ​യി​രു​ന്നില്ല. ഒരു യുവമൂ​പ്പൻ കുറ്റ​പ്പെ​ടു​ത്തു​ന്ന​തി​നു പകരം എന്നെ നല്ലതു​പോ​ലെ മനസ്സി​ലാ​ക്കാൻ ശ്രമി​ക്കു​മാ​യി​രു​ന്നു. അദ്ദേഹം എനി​ക്കൊ​രു നല്ല മാതൃ​ക​യാ​യി​രു​ന്നു. ഞാൻ യഹോ​വ​യി​ലേക്കു മടങ്ങി​വ​രു​ന്ന​തിൽ അദ്ദേഹം വഹിച്ച പങ്ക്‌ എത്ര വലുതാ​യി​രു​ന്നെ​ന്നോ!”

ഇന്ന്‌, നെസ്റ്റോ​റി​യും കോബ​യും അവരുടെ സഹോ​ദ​രി​യായ മേരി​യോ​ടൊ​പ്പം ദൂരെ​യുള്ള ഒരു പ്രദേ​ശത്ത്‌ സേവി​ക്കു​ന്നു. കോബ പറയുന്നു: “ഇപ്പോ​ഴാ​ണു ഞാൻ ശരിക്കും സന്തോ​ഷ​ത്തോ​ടെ ജീവി​ക്കു​ന്നത്‌!”

“എന്റെ മക്കൾ സത്യത്തിൽ നടക്കുന്നു”

യുവജ​ന​ങ്ങളെ ദിവ്യാ​ധി​പ​ത്യ​പ്ര​വർത്ത​ന​ങ്ങ​ളിൽ ഉൾപ്പെ​ടു​ത്തി​ക്കൊണ്ട്‌ ബ്രാ​ഞ്ചോ​ഫീ​സും മക്കളെ പരിശീ​ലി​പ്പി​ക്കാ​നുള്ള മാതാ​പി​താ​ക്ക​ളു​ടെ ശ്രമങ്ങളെ നന്നായി പിന്തു​ണയ്‌ക്കു​ന്നു. ഒരു ബ്രാഞ്ച്‌ കമ്മിറ്റി​യം​ഗം പറയുന്നു: “യുവജ​നങ്ങൾ ഞങ്ങളുടെ സ്വത്താണ്‌. ആത്മീയ ലക്ഷ്യങ്ങ​ളിൽ എത്തി​ച്ചേ​രാൻ അവർ ശ്രമി​ക്കു​മ്പോൾ ഞങ്ങൾ എല്ലാ പിന്തു​ണ​യും അവർക്കു കൊടു​ക്കു​ന്നു.”

പക്വത​യു​ള്ള സഹോ​ദ​ര​ന്മാ​രു​ടെ​യും സഹോ​ദ​രി​മാ​രു​ടെ​യും കൂടെ പ്രവർത്തി​ക്കു​ക​യും സഹവസി​ക്കു​ക​യും ചെയ്യു​ന്നതു യുവജ​ന​ങ്ങ​ളിൽ മായാത്ത മുദ്ര പതിക്കു​ന്നു. ടിബി​ലി​സി​യി​ലെ സമ്മേള​ന​ഹാ​ളി​ന്റെ നിർമാ​ണ​ത്തിന്‌ അന്തർദേ​ശീയ സേവക​ന്മാ​രോ​ടൊ​പ്പം പ്രവർത്തിച്ച മാമുക പറയുന്നു: “ഇങ്ങനെ​യുള്ള അന്തർദേ​ശീയ പ്രോ​ജക്‌ടു​കൾ മറ്റുള്ള​വ​രിൽനിന്ന്‌ പഠിക്കാ​നുള്ള നല്ല അവസര​ങ്ങ​ളാണ്‌ എനിക്കു നൽകി​യത്‌. പ്രാ​യോ​ഗിക പരിശീ​ല​ന​ത്തോ​ടൊ​പ്പം ധാരാളം ആത്മീയ പാഠങ്ങ​ളും അവരിൽനിന്ന്‌ എനിക്ക്‌ മനസ്സി​ലാ​ക്കാൻ കഴിഞ്ഞു.”

ഇഴയടു​പ്പ​മു​ള്ള കുടും​ബ​ബ​ന്ധങ്ങൾ, മൂപ്പന്മാ​രിൽനി​ന്നുള്ള പ്രോ​ത്സാ​ഹനം, മാതൃ​കാ​യോ​ഗ്യ​രായ നല്ല സഹോ​ദ​രങ്ങൾ എന്നീ ഘടകങ്ങൾ ജോർജി​യ​യി​ലെ യുവമ​ന​സ്സു​കളെ ശക്തമായ രീതി​യിൽ സ്വാധീ​നി​ച്ചി​രി​ക്കു​ന്നു. അവരുടെ മാതാ​പി​താ​ക്കൾക്കു യോഹ​ന്നാൻ അപ്പോസ്‌ത​ലന്റെ അതേ മനോ​ഭാ​വ​മാ​ണു​ള്ളത്‌. അദ്ദേഹം എഴുതി “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.”—3 യോഹ. 4.

പരിഭാ​ഷാ​ജോ​ലി​കൾ ഊർജി​ത​മാ​ക്കു​ന്നു

2013-ൽ ഭരണസം​ഘം എല്ലാ ബ്രാഞ്ചു​ക​ളോ​ടും തങ്ങളുടെ പ്രദേ​ശത്ത്‌ ഇപ്പോൾ ഉള്ളവയ്‌ക്കു പുറമേ ഇനി ഏതെങ്കി​ലും ഭാഷയിൽ പ്രസി​ദ്ധീ​ക​ര​ണങ്ങൾ ആവശ്യ​മു​ണ്ടോ എന്ന്‌ അന്വേ​ഷി​ച്ചു. സന്തോ​ഷ​വാർത്ത​യു​മാ​യി കൂടുതൽ ആളുക​ളു​ടെ അടുക്കൽ എത്തി​ച്ചേ​രു​ക​യാ​യി​രു​ന്നു ലക്ഷ്യം.

അതിന്റെ ഫലമായി ജോർജിയ ബ്രാഞ്ച്‌ സ്വാൻ, മിൻഗ്രേ​ലി​യൻ എന്നീ ഭാഷക​ളിൽ ചില പ്രസി​ദ്ധീ​ക​ര​ണങ്ങൾ പരിഭാ​ഷ​പ്പെ​ടു​ത്താൻ തീരു​മാ​നി​ച്ചു. ഈ രണ്ടു ഭാഷകൾക്കും ജോർജി​യൻ ഭാഷയു​മാ​യി അടുത്ത ബന്ധമുണ്ട്‌. ചിലർ ഈ ഭാഷകളെ ജോർജി​യൻ ഭാഷയു​ടെ ചുരുക്കം പേർ സംസാ​രി​ക്കുന്ന പ്രാ​ദേ​ശിക വകഭേ​ദ​ങ്ങ​ളാ​ണെന്നു പറയാ​റുണ്ട്‌.

സ്വനെറ്റി മേഖല​യി​ലെ തീക്ഷ്‌ണ​രായ മുൻനി​ര​സേ​വകർ എഴുതു​ന്നു: “സ്വാൻ ഭാഷ സംസാ​രി​ക്കുന്ന ആളുകൾക്കു സത്യ​ത്തോട്‌ യഥാർഥ താത്‌പ​ര്യ​വും ബൈബി​ളി​നോട്‌ ആഴമായ ആദരവും ഉണ്ട്‌. ആദ്യം നമ്മുടെ പ്രസി​ദ്ധീ​ക​ര​ണങ്ങൾ വാങ്ങാൻ മടികാ​ണി​ച്ചവർ പോലും അവരുടെ മാതൃ​ഭാ​ഷ​യി​ലുള്ള അതേ പ്രസി​ദ്ധീ​ക​ര​ണങ്ങൾ കൊടു​ത്ത​പ്പോൾ അതു വാങ്ങാൻ പ്രേരി​ത​രാ​യി.”

മിൻഗ്രേ​ലി​യൻ ഭാഷ സംസാ​രി​ക്കുന്ന പ്രചാ​ര​കർക്ക്‌ അവരുടെ ആ മാതൃ​ഭാ​ഷ​യിൽ മീറ്റി​ങ്ങു​കൾ ആരംഭി​ച്ചതു മറക്കാ​നാ​കാത്ത അനുഭ​വ​മാ​യി​രു​ന്നു. ജിഗ എന്ന യുവമുൻനി​ര​സേ​വകൻ സമ്മതി​ക്കു​ന്നു: “മീറ്റി​ങ്ങു​കൾക്ക്‌ ഇപ്പോൾ എനിക്ക്‌ എന്റെ സ്വന്തം ഭാഷയിൽ അഭി​പ്രാ​യം പറയാ​നാ​കും. ആശയങ്ങൾ മനസ്സിൽ വെച്ച്‌ കഷ്ടപ്പെട്ട്‌ പരിഭാ​ഷ​പ്പെ​ടു​ത്തി പറയേ​ണ്ടി​വ​രു​ന്നില്ല.”

കയ്യാ എന്ന സ്ഥലത്തുള്ള മിൻഗ്രേ​ലി​യൻ ഭാഷാ​സ​ഭ​യി​ലെ ഒരു മൂപ്പനാ​ണു സുരി. അദ്ദേഹം പറയുന്നു: “എന്റെ ജീവി​ത​ത്തിൽ സങ്കടവും സന്തോ​ഷ​വും നിറഞ്ഞ ഹൃദയസ്‌പർശി​യായ അനേകം നിമി​ഷങ്ങൾ ഉണ്ടായി​ട്ടുണ്ട്‌. എങ്കിലും അതൊ​ന്നും എന്റെ കണ്ണ്‌ നനച്ചി​ട്ടില്ല. പക്ഷേ മിൻഗ്രേ​ലി​യൻ ഭാഷയിൽ രാജ്യ​ഗീ​തങ്ങൾ ആദ്യമാ​യി പാടി​ക്കേ​ട്ട​പ്പോൾ സദസ്സിൽ ആർക്കും കണ്ണീര​ട​ക്കാ​നാ​യില്ല, എനിക്കും!”

അടുത്ത​കാ​ലത്തെ ചില പ്രധാ​ന​സം​ഭ​വ​ങ്ങൾ

ജോർജി​യ​യി​ലെ സാക്ഷി​ക​ളു​ടെ ചരി​ത്ര​ത്തി​ലെ ഒരു സുപ്ര​ധാന ദിവസ​മാ​യി​രു​ന്നു 2013 ഏപ്രിൽ 6 ശനിയാഴ്‌ച. ഭരണസം​ഘാം​ഗ​മായ ഡേവിഡ്‌ സ്‌പ്ലെയ്‌ൻ സ​ഹോ​ദരൻ അന്നാണു പുതുക്കി വിപു​ലീ​ക​രിച്ച ബ്രാഞ്ച്‌ സമുച്ചയം, ഒരു സമ്മേളന ഹാൾ, പുതിയ ബൈബിൾസ്‌കൂൾ കെട്ടി​ട​സൗ​ക​ര്യ​ങ്ങൾ എന്നിവ​യു​ടെ സമർപ്പ​ണ​പ്ര​സം​ഗം നടത്തി​യത്‌. 24 രാജ്യ​ങ്ങ​ളിൽനി​ന്നുള്ള 338 പ്രതി​നി​ധി​കൾക്ക്‌ അവിടത്തെ സഹോ​ദ​രങ്ങൾ അവരുടെ വീടു​ക​ളും ഹൃദയ​ങ്ങ​ളും ആ പരിപാ​ടി​ക്കാ​യി തുറന്നു​കൊ​ടു​ത്തു.

പിറ്റേ​ദി​വ​സം സ്‌പ്ലെയ്‌ൻ സ​ഹോ​ദരൻ ജോർജി​യ​യി​ലെ സഹോ​ദ​ര​ങ്ങൾക്കാ​യി ഒരു പ്രത്യേ​ക​പ്ര​സം​ഗം നടത്തി. രാജ്യ​മൊ​ട്ടാ​കെ​യുള്ള യോഗ​സ്ഥ​ല​ങ്ങ​ളിൽ കൂടിവന്ന 15,200 പേർക്ക്‌ ഓഡി​യോ-വീഡി​യോ സംവി​ധാ​നം വഴി ഈ പ്രസംഗം കേൾക്കാ​നാ​യി. ജോർജി​യ​യിൽ നടന്നി​ട്ടുള്ള ഏറ്റവും വലിയ അന്തർദേ​ശീയ ദിവ്യാ​ധി​പ​ത്യ​പ​രി​പാ​ടി​യാ​യി​രു​ന്നു അത്‌. സഹോ​ദ​രങ്ങൾ കൈമാ​റിയ പ്രോ​ത്സാ​ഹ​ന​വും അനുഭ​വിച്ച സന്തോ​ഷ​വും മറക്കാൻ കഴിയാത്ത ഒന്നായി​രു​ന്നു. ഒരു യുവസ​ഹോ​ദരൻ ഇങ്ങനെ പറഞ്ഞു: “പുതി​യ​ലോ​കം എങ്ങനെ​യി​രി​ക്കും എന്ന്‌ എനിക്ക്‌ ഇപ്പോൾ മനസ്സി​ലാ​യി.”

രാജ്യ​സു​വി​ശേ​ഷ​കർക്കുള്ള സ്‌കൂൾ എന്ന്‌ ഇപ്പോൾ അറിയ​പ്പെ​ടുന്ന ക്രിസ്‌തീയ ദമ്പതി​കൾക്കുള്ള ബൈബിൾസ്‌കൂൾ ജോർജി​യ​യി​ലെ യഹോ​വ​യു​ടെ ജനത്തിന്‌ യഥാർഥ​ത്തിൽ ഒരു അനു​ഗ്ര​ഹ​മാണ്‌. 2013 മുതൽ 200-ലധികം പേരാണ്‌ ഈ സ്‌കൂ​ളിൽനിന്ന്‌ ബിരുദം നേടി​യത്‌. ഇവർ ആവശ്യ​മ​ധി​ക​മു​ള്ളി​ടത്ത്‌ സേവി​ക്കാ​നാ​യി തങ്ങളെ​ത്തന്നെ വിട്ടു​കൊ​ടു​ക്കാൻ തയ്യാറാണ്‌. തങ്ങൾക്കു കിട്ടിയ വിദ്യാ​ഭ്യാ​സ​ത്തോ​ടുള്ള നന്ദിയും വിലമ​തി​പ്പും ആണ്‌ അവരെ അതിനു പ്രേരി​പ്പി​ക്കു​ന്നത്‌.

‘മുന്നി​ലു​ള്ള​തി​നു​വേണ്ടി ആഞ്ഞു​കൊണ്ട്‌’

ധീരരായ ആദ്യകാല രാജ്യ​സു​വി​ശേ​ഷ​ക​രു​ടെ ശ്രമഫ​ല​മാ​യി സന്തോ​ഷ​വാർത്ത ജോർജി​യ​യി​ലെ​ങ്ങും പരന്നു. അവർക്ക്‌ എത്ര നന്ദി പറഞ്ഞാ​ലും മതിയാ​കില്ല. ദൈവ​ത്തോ​ടും അയൽക്കാ​രോ​ടും ഉള്ള അവരുടെ നിസ്വാർഥ​മായ സ്‌നേഹം, അടിയു​റച്ച വിശ്വാ​സം, ധൈര്യം, ഉത്സാഹം, സന്നദ്ധത തുടങ്ങിയ ഗുണങ്ങൾക്കു ദൈവം അവരെ സമൃദ്ധ​മാ​യി അനു​ഗ്ര​ഹി​ച്ചു.

18,000-ത്തിലധി​കം വരുന്ന ജോർജി​യ​യി​ലെ സഹോ​ദ​രങ്ങൾ അവരുടെ മുൻഗാ​മി​ക​ളു​ടെ പാത ഇപ്പോ​ഴും തുടരു​ന്നു. അങ്ങനെ ദൈവ​വ​ച​ന​ത്തി​ന്റെ ശക്തി തിരി​ച്ച​റി​യാൻ അയൽക്കാ​രെ അവർ ഇന്നും സന്തോ​ഷ​ത്തോ​ടെ സഹായി​ച്ചു​കൊ​ണ്ടി​രി​ക്കു​ന്നു.—ഫിലി. 3:13; 4:13.