യോഹന്നാൻ 1:1-ന്റെ സഹിദിക്ക്‌ കോപ്‌ടിക്‌ പരിഭാഷ

യോഹ​ന്നാ​ന്റെ സുവി​ശേഷം അടങ്ങിയ ഈ കൈ​യെ​ഴു​ത്തു​പ്രതി (ഏതാണ്ട്‌ എ.ഡി. 600-ലേത്‌.) കോപ്‌ടിക്‌ ഭാഷയു​ടെ ഒരു പ്രാ​ദേ​ശിക ഭാഷാ​രൂ​പ​മായ സഹിദി​ക്കി​ലു​ള്ള​താണ്‌. യേശു ഭൂമി​യിൽ ജീവി​ച്ചി​രു​ന്ന​തി​നു തൊട്ട​ടു​ത്തുള്ള നൂറ്റാ​ണ്ടു​ക​ളിൽ ഈജി​പ്‌തിൽ സംസാ​രി​ച്ചി​രുന്ന ഭാഷയാ​ണു കോപ്‌ടിക്‌. സുറി​യാ​നി​യും ലത്തീനും പോലെ, ക്രിസ്‌തീയ ഗ്രീക്കു​തി​രു​വെ​ഴു​ത്തു​കൾ ആദ്യം വിവർത്തനം ചെയ്‌ത ഭാഷക​ളി​ലൊ​ന്നാണ്‌ ഇത്‌. എ.ഡി. മൂന്നാം നൂറ്റാ​ണ്ടിൽത്തന്നെ കോപ്‌ടിക്‌ പരിഭാ​ഷകൾ ലഭ്യമാ​യി​രു​ന്നു. അതു​കൊണ്ട്‌ ആ പരിഭാ​ഷകൾ പരി​ശോ​ധി​ച്ചാൽ അക്കാല​ങ്ങ​ളിൽ ആളുകൾ എങ്ങനെ​യാ​ണു ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളു​ടെ മൂലപാ​ഠം മനസ്സി​ലാ​ക്കി​യി​രു​ന്ന​തെന്ന്‌ അറിയാ​നാ​കും. യോഹ 1:1-ന്റെ അവസാ​ന​ഭാ​ഗ​ത്തെ​ക്കു​റിച്ച്‌ പല തർക്കങ്ങ​ളും നിലവി​ലു​ള്ള​തു​കൊണ്ട്‌ ഈ പരിഭാഷ ശരിക്കും ഒരു സഹായ​മാണ്‌. പല പരിഭാ​ഷ​ക​ളി​ലും ആ ഭാഗം ഇങ്ങനെ​യാ​ണു കാണു​ന്നത്‌: “വചനം ദൈവ​ത്തി​ന്റെ​കൂ​ടെ​യാ​യി​രു​ന്നു. വചനം ദൈവ​മാ​യി​രു​ന്നു.” കൊയ്‌നി ഗ്രീക്കി​ലും സുറി​യാ​നി​യി​ലും ലത്തീനി​ലും ഒക്കെ അനിശ്ചാ​യക ഉപപദം (മലയാ​ള​ത്തി​ലെ “ഒരു” എന്നതി​നോ​ടു ഏതാണ്ട്‌ സമാന​മാ​യത്‌.) ഇല്ലെങ്കി​ലും സഹിദിക്ക്‌ കോപ്‌ടിക്‌ ഭാഷയിൽ അതുണ്ട്‌. ഈ വാക്യ​ത്തിൽ “ദൈവം” എന്നതിന്റെ കോപ്‌ടിക്‌ പദം കാണുന്ന രണ്ടു സ്ഥലങ്ങളാ​ണു ചിത്ര​ത്തിൽ പ്രത്യേ​കം എടുത്തു​കാ​ണി​ച്ചി​രി​ക്കു​ന്നത്‌. എന്നാൽ അവ തമ്മിൽ ചെറി​യൊ​രു വ്യത്യാ​സ​മുണ്ട്‌: ആദ്യ​ത്തേ​തി​ന്റെ​കൂ​ടെ (1) നിശ്ചായക ഉപപദം (ചുവന്ന വട്ടത്തിൽ കാണി​ച്ചി​രി​ക്കു​ന്നു.) ആണ്‌ കാണു​ന്നത്‌. ഈ പ്രയോ​ഗം സർവശ​ക്ത​നായ ദൈവത്തെ കുറി​ക്കു​ന്നു. രണ്ടാമ​ത്തേ​തി​ന്റെ​കൂ​ടെ (2) അനിശ്ചാ​യക ഉപപദം (ചുവന്ന വട്ടത്തിൽ കാണി​ച്ചി​രി​ക്കു​ന്നു.) ആണ്‌ കാണു​ന്നത്‌. ഈ പ്രയോ​ഗ​ത്തി​നു ദൈവ​ത്വ​മുള്ള ആരെയും കുറി​ക്കാ​നാ​കും. അതു​കൊണ്ട്‌ ആ ഭാഗം അക്ഷരാർഥ​ത്തിൽ മലയാ​ള​ത്തി​ലേക്കു പരിഭാഷ ചെയ്‌താൽ ഇങ്ങനെ വരും: “വചനം (സർവശ​ക്ത​നായ) ദൈവ​ത്തി​ന്റെ​കൂ​ടെ​യാ​യി​രു​ന്നു. വചനം ഒരു ദൈവ​മാ​യി​രു​ന്നു.”​—“വചനം ഒരു ദൈവ​മാ​യി​രു​ന്നു” എന്ന പരിഭാ​ഷ​യെ​ക്കു​റിച്ച്‌ കൂടുതൽ അറിയാൻ യോഹ 1:1-ന്റെ പഠനക്കു​റി​പ്പു കാണുക.

1. നിശ്ചായക ഉപപദം (ചുവന്ന വട്ടത്തിൽ)

2. അനിശ്ചാ​യക ഉപപദം (ചുവന്ന വട്ടത്തിൽ)