ഹെരോദ്‌ അഗ്രിപ്പ ഒന്നാമൻ

ചിത്ര​ത്തിൽ കാണി​ച്ചി​രി​ക്കുന്ന നാണയം, പ്രവൃ 12:1-ൽ “ഹെരോദ്‌ രാജാവ്‌” എന്നു വിളി​ച്ചി​രി​ക്കുന്ന ഹെരോദ്‌ അഗ്രിപ്പ ഒന്നാമൻ ഉണ്ടാക്കി​യ​താണ്‌. എ.ഡി. 43-44 കാലഘ​ട്ട​ത്തി​ലാണ്‌ അദ്ദേഹം ഇതു പുറത്തി​റ​ക്കി​യത്‌. നാണയ​ത്തി​ന്റെ ഒരു വശത്ത്‌ ക്ലൗദ്യൊസ്‌ ചക്രവർത്തി​യു​ടെ മുഖവും മറുവ​ശത്ത്‌ ക്ലൗദ്യൊ​സി​ന്റെ​യും അഗ്രിപ്പ ഒന്നാമ​ന്റെ​യും രൂപങ്ങ​ളും കാണാം. അതിലെ ആലേഖ​ന​ത്തിൽ അഗ്രി​പ്പ​യു​ടെ പേരു​മുണ്ട്‌. ക്ലൗദ്യൊ​സി​ന്റെ മുൻഗാ​മി​യും സഹോ​ദ​ര​പു​ത്ര​നും ആയ കാലി​ഗുല ചക്രവർത്തി​യാ​ണു (എ.ഡി. 37 മുതൽ 41 വരെ ഭരണം നടത്തിയ ഈ വ്യക്തി​യെ​ക്കു​റിച്ച്‌ തിരു​വെ​ഴു​ത്തു​ക​ളിൽ പരാമർശ​മൊ​ന്നു​മില്ല.) എ.ഡി. 37-ൽ ഹെരോദ്‌ അഗ്രിപ്പ ഒന്നാമനെ രാജാ​വാ​യി വാഴി​ച്ചത്‌. ക്ലൗദ്യൊസ്‌ പിൽക്കാ​ലത്ത്‌ അഗ്രി​പ്പ​യ്‌ക്കു കൂടുതൽ പ്രദേ​ശ​ങ്ങ​ളു​ടെ ഭരണച്ചു​മതല കൊടു​ത്തു. ആദ്യകാല ക്രിസ്‌തീ​യ​സ​ഭയെ ക്രൂര​മാ​യി ഉപദ്ര​വി​ച്ച​യാ​ളാ​യി​രു​ന്നു ഹെരോദ്‌ അഗ്രിപ്പ ഒന്നാമൻ. അപ്പോ​സ്‌ത​ല​നായ യാക്കോ​ബി​നെ വധിക്കാ​നും പത്രോ​സി​നെ തടവി​ലാ​ക്കാ​നും പോലും അദ്ദേഹം മടിച്ചില്ല. (പ്രവൃ 12:1-4) യഹോ​വ​യു​ടെ ദൂതന്റെ പ്രഹര​മേറ്റ്‌ മരണമ​ട​യു​ന്ന​തു​വരെ ഹെരോദ്‌ അധികാ​ര​ത്തിൽ തുടർന്നു.—പ്രവൃ 12:21-23.