യു. എൻ.—സമാധാ​ന​ത്തി​ലേ​യ്‌ക്കുള്ള ദൈവ​ത്തി​ന്റെ മാർഗ്ഗ​മോ?

“ഈ ഗ്രഹത്തിൽ നമ്മുടെ തന്നെ വിധി രൂപ​പ്പെ​ടു​ത്താ​നുള്ള നമ്മുടെ പ്രാപ്‌തി​യിൽ വിശ്വാ​സ​മുള്ള ഏതൊ​രാൾക്കും ഐക്യ രാഷ്‌ട്രങ്ങൾ ഭാവി​യി​ലേ​ക്കുള്ള ഏറ്റം മെച്ചമായ മാർഗ്ഗം തുറന്നു തരുന്നു എന്ന്‌ എനിക്ക്‌ ബോദ്ധ്യ​മുണ്ട്‌.”

ആ ബോദ്ധ്യം മുൻ സെക്ര​ട്ടറി ജനറൽ കുർട്ട്‌ വാൾഡ്‌ ഹൈം ‘സമാധാ​ന​ത്തി​ന്റെ വെല്ലു​വി​ളി’ എന്ന തന്റെ പുസ്‌ത​ക​ത്തിൽ പ്രകട​മാ​ക്കി​യ​താണ്‌. യു. എന്നിന്റെ പോരാ​യ്‌മകൾ അംഗീ​ക​രി​ച്ചു​കൊ​ണ്ടു തന്നെ അദ്ദേഹം ഇപ്രകാ​രം വിശദീ​ക​രി​ച്ചു: “ഐക്യ​രാ​ഷ്‌ട്രങ്ങൾ ലോക​ത്തി​ന്റെ തന്നെ ഒരു ചെറിയ പതിപ്പാണ്‌ എന്ന്‌ ഒരുവൻ തിരി​ച്ച​റി​യണം. അതു​കൊണ്ട്‌ അതിന്റെ ബലഹീ​ന​ത​കൾക്ക്‌ മുഖ്യ​മാ​യും ഉത്തരവാ​ദി​യാ​ക്കേ​ണ്ടത്‌ ആഗോള ജനസമു​ദാ​യ​ത്തി​ന്റെ സവി​ശേ​ഷ​ത​യാ​യി​രി​ക്കുന്ന വൈരു​ദ്ധ്യ​ങ്ങ​ളെ​യാണ്‌.” അദ്ദേഹം കൂട്ടി​ച്ചേർക്കു​ന്നു: “അത്‌ (യു. എൻ) സേവി​ക്കുന്ന ലോക​ത്തി​ന്റെ ഒരു മുഖക്ക​ണ്ണാ​ടി മാത്രമേ ആകുന്നു​ള്ളു എന്നു ഞാൻ ചൂണ്ടി​ക്കാ​ണി​ക്കേ​ണ്ടി​യി​രി​ക്കു​ന്നു. ആ ലോക​മാ​കട്ടെ അങ്ങേയ​റ്റം വ്യത്യ​സ്‌ത​മായ, മിക്ക​പ്പോ​ഴും പരസ്‌പരം ഇണങ്ങാൻ കഴിയാത്ത, ചിത്ത​ക്ഷോ​ഭം പിടിച്ച, ശത്രു​ത​യിൽ കഴിയുന്ന രാഷ്‌ട്ര​ങ്ങ​ളു​ടെ ഒരു കൂട്ടമാണ്‌. എന്നാൽ യു. എന്നി​നെ​പ്പ​റ്റി അഭി​പ്രായ പ്രകടനം നടത്തി​യി​ട്ടുള്ള എല്ലാവ​രും അത്രയും ദാക്ഷി​ണ്യ​ത്തോ​ടെ അതിനെ കാണു​ന്നില്ല.

അപകട​ക​ര​മാ​യ ഒരു സ്ഥാനം—ലോക രാഷ്‌ട്രീ​യ​ത്തിൽ യു.എൻ. ഒരു ആയുധം എന്ന തങ്ങളുടെ പുസ്‌ത​ക​ത്തിൽ പ്രൊ​ഫ​സർമാ​രായ യെസ്സൽസ​ണ്ണും ഗാഗ്‌ലി​യോ​ണും വാദി​ക്കു​ന്നത്‌ യു.എൻ അതിന്റെ തുടക്കം മുതൽ തന്നെ പരസ്‌പര ശത്രുത പ്രകട​മാ​ക്കാ​നുള്ള ഒരു വേദി​യാ​യി​രു​ന്നി​ട്ടു​ണ്ടെ​ന്നും അന്തരാ​ഷ്‌ട്ര ഏറ്റു​മു​ട്ട​ലു​കൾ ആളിപ്പ​ട​രാൻ തക്കവണ്ണം ശത്രു​ത​യി​ലൂ​ടെ​യും രാഷ്‌ട്രീയ കയ്യാങ്ക​ളി​ക​ളി​ലൂ​ടെ​യും വഴിമ​രു​ന്നി​ട്ടു കൊടു​ക്കാ​നേ അതിനു കഴിയു​ക​യു​ള്ളു എന്നുമാണ്‌. അതിന്റെ പ്രവർത്തന രംഗമാ​യി​രി​ക്കുന്ന ലോകത്തെ സംബന്ധി​ച്ചെന്ത്‌? “ലോക രാഷ്‌ട്രീ​യം ഒരു ഘോര വനം പോ​ലെ​യാണ്‌ എന്നതാണ്‌ അതിനെ സംബന്ധിച്ച തലതി​രി​ഞ്ഞ​തും എന്നാൽ ലളിത​വു​മായ സത്യം. മൗലി​ക​മാ​യി രാഷ്‌ട്ര​ങ്ങ​ളു​ടെ പെരു​മാ​റ്റം സ്വാർത്ഥ താല്‌പ​ര്യ​ത്തെ​യും അതിജീ​വ​ന​ത്തെ​യും അടിസ്ഥാ​ന​മാ​ക്കി​യാണ്‌. ഒടുവിൽ പറഞ്ഞതി​നെ​പ്പ​റ്റി​യുള്ള മാറാത്ത ചിന്ത ലോക രാഷ്‌ട്ര​ങ്ങൾക്കി​ട​യിൽ വനത്തിലെ നിയമങ്ങൾ മാത്രമല്ല അതിലെ ധാർമ്മി​ക​ത​യും നടപ്പിൽ വരുത്തി​യി​രി​ക്കു​ന്നു” തൽഫല​മാ​യി “യുദ്ധം അന്തരാ​ഷ്‌ട്ര ബന്ധങ്ങളി​ലെ ഒരു സ്ഥിരഘ​ട​ക​മാ​യി​ത്തർന്നി​രി​ക്കു​ന്നു.”

ആയിര​ത്തി​ത്തൊ​ള്ളാ​യി​രത്തി നാല്‌പ​ത്തി​യ​ഞ്ചിൽ ഐക്യ​രാ​ഷ്‌ട്ര സംഘട​ന​യു​ടെ ചാർട്ടർ ഒപ്പു വച്ചപ്പോൾ അവർക്കു​ണ്ടാ​യി​രുന്ന സമുന്ന​ത​മായ പ്രതീ​ക്ഷ​ക​ളിൽ നിന്ന്‌ എത്ര വ്യത്യ​സ്‌തം! അതിന്റെ ആമുഖ​ത്തിൽ ഇപ്രകാ​രം പറഞ്ഞി​രു​ന്നു: “നമ്മുടെ ആയുഷ്‌ക്കാ​ലത്ത്‌ രണ്ടുതവണ മനുഷ്യ​വർഗ്ഗ​ത്തിന്‌ വർണ്ണനാ​തീ​ത​മായ ദുഃഖം കൈവ​രു​ത്തിയ യുദ്ധത്തി​ന്റെ ശാപത്തിൽ നിന്നു ഭാവി തലമു​റ​കളെ രക്ഷിക്കാൻ ദൃഢനി​ശ്ചയം ചെയ്‌തി​രി​ക്കുന്ന ഈ ഐക്യ​രാ​ഷ്‌ട്ര സംഘട​ന​യി​ലെ ജനതകൾ ഈ ലക്ഷ്യങ്ങൾ സാധി​ക്കാൻ വേണ്ടി ഞങ്ങളുടെ ശ്രമങ്ങളെ സംയോ​ജി​പ്പി​ക്കാൻ തീരു​മാ​നി​ച്ചി​രി​ക്കു​ന്നു.”

നാല്‌പ​തു വർഷങ്ങൾക്കു ശേഷം ഇതു അല്‌പം പൊള്ള​യാ​യി തോന്നു​ന്നു. സംയോ​ജി​ക്കു​ന്ന​തി​നു പകരം രാഷ്‌ട്രങ്ങൾ ഭിന്നി​ക്കു​ന്നു. ഇപ്പോൾ പോലും ലോക​ത്തി​ന്റെ ഒരു ഭാഗത്ത്‌ അല്ലെങ്കിൽ മറ്റൊ​രു ഭാഗത്ത്‌ യുദ്ധം ദശലക്ഷ​ങ്ങൾക്ക്‌ അനുദിന അനുഭ​വ​മാണ്‌! യു.എൻ. ഉണ്ടായി​ട്ടും യുദ്ധത്തി​ന്റെ ഇരകളാ​യി ദിവസേന ആളുകൾ കഷ്ടം അനുഭ​വി​ക്കു​ക​യും മരിക്കു​ക​യും ചെയ്യുന്നു.

യു.എന്നിന്റെ പിന്നിൽ വാസ്‌ത​വ​ത്തിൽ ആരാണു​ള്ളത്‌?

വ്യത്യസ്‌ത വീക്ഷണ​മാ​ണു​ള്ള​തെ​ങ്കി​ലും നേരത്തെ ഉദ്ധരിച്ച രണ്ടു പുസ്‌ത​ക​ങ്ങ​ളും ഒരു അസാധാ​രണ വിശദാം​ശ​ത്തിൽ യോജി​പ്പി​ലാണ്‌. യു.എൻ അതു സേവി​ക്കുന്ന ലോക​ത്തി​ന്റെ മുഖക്ക​ണ്ണാ​ടി​യാ​ണെന്ന്‌ വാൾഡ്‌ ഹൈം പറയുന്നു, യെസ്സൽസ​ണ്ണും ഗാഗ്‌ലി​യോ​ണും ലോകത്തെ ഒരു ഘോര വനത്തോട്‌ സാമ്യ​പ്പെ​ടു​ത്തു​ക​യും ചെയ്‌തി​രി​ക്കു​ന്നു. അതു​കൊണ്ട്‌ യു.എൻ. യാതൊ​രു മയവു​മി​ല്ലാത്ത വിധം അതിലെ അംഗങ്ങൾ അതിവ​സി​ക്കുന്ന വനത്തിലെ നിയമങ്ങൾ പ്രതി​ഫ​ലി​പ്പി​ക്കണം.

ഇത്‌ മനസ്സിൽ പിടി​ച്ചു​കൊണ്ട്‌ ബൈബി​ളിൽ ഉപയോ​ഗി​ച്ചി​രി​ക്കുന്ന പ്രതീ​കങ്ങൾ കുറി​ക്കൊ​ള്ളു​ന്നത്‌ രസാവ​ഹ​മാണ്‌ ബൈബിൾ ഒരു ‘കാട്ടു​മൃ​ഗത്തെ’ സംബന്ധിച്ച്‌ കടും​ചു​വ​പ്പുള്ള കാട്ടു​മൃ​ഗം എന്ന്‌ വർണ്ണി​ച്ചി​രി​ക്കുന്ന അതിന്റെ പ്രതി​മ​യെ​ക്കു​റി​ച്ചും സംസാ​രി​ക്കു​ന്നു. (വെളി​പ്പാട്‌ 13:1, 2, 14; 17:3, 8, 11) കഴിഞ്ഞ 4000 ത്തിലേറെ വർഷങ്ങ​ളി​ലൂ​ടെ ഉരിത്തി​രി​ഞ്ഞ​തും ഇന്നു ലോക​ത്തിൽ കാണ​പ്പെ​ടുന്ന വ്യത്യസ്‌ത രാഷ്‌ട്രീയ ശക്തിക​ളിൽ വന്നെത്തി​നിൽക്കു​ന്ന​തു​മായ മുഴു ലോക വ്യാപക രാഷ്‌ട്രീയ വ്യവസ്ഥി​തി​യെ​യാണ്‌ ഒന്നാമത്തെ കാട്ടു​മൃ​ഗം പ്രതി​നി​ധാ​നം ചെയ്യുന്നത്‌a എങ്കിൽ മൃഗത്തി​ന്റെ “പ്രതിമ” എന്തി​നെ​യാ​യി​രി​ക്കണം പ്രതി​നി​ധാ​നം ചെയ്യു​ന്നത്‌?

മേലു​ദ്ധ​രി​ച്ച ഉറവു​ക​ള​നു​സ​രിച്ച്‌ ഏതു സംഘട​ന​യാണ്‌ രാഷ്‌ട്രീയ വ്യവസ്ഥ​തി​യെ പ്രതി​ഫ​ലി​പ്പി​ക്കു​ന്നത്‌? പ്രകട​മാ​യും അതു ആഗോള പ്രാതി​നി​ധ്യ​മു​ള്ള​തും 159 അംഗങ്ങൾ ഉള്ളതു​മായ യു.എന്നാണ്‌. (11-ാം പേജ്‌ കാണുക)MY page to be checked ബൈബി​ളി​ലെ കാട്ടു​മൃഗ പ്രതീ​കങ്ങൾ രാഷ്‌ട്രീയ ഘോര വനത്തിന്റെ ചിത്രീ​ക​ര​ണ​ത്തോട്‌ നല്ല ചേർച്ച​യി​ലാണ്‌. പല രാഷ്‌ട്രീ​യ​ക്കാ​രും തങ്ങളുടെ യുദ്ധങ്ങ​ളി​ലും രാഷ്‌ട്രീയ ശുദ്ധീ​ക​ര​ണ​ങ്ങ​ളി​ലും ദശലക്ഷ​ക്ക​ണ​ക്കിന്‌ ആളുകളെ, പോരാ​ളി​ക​ളെ​യും പൗരൻമാ​രെ​യും മൃഗീ​യ​മാ​യി കൊ​ന്നൊ​ടു​ക്കി​ക്കൊണ്ട്‌ വന്യമൃ​ഗ​ങ്ങ​ളെ​പ്പോ​ലെ തങ്ങളുടെ രാഷ്‌ട്രീയ തത്വശാ​സ്‌ത്രങ്ങൾ നടപ്പാ​ക്കി​യി​ട്ടുണ്ട്‌, നടപ്പാ​ക്കു​ന്നുണ്ട്‌ എന്നത്‌ സങ്കടക​ര​വും എന്നാൽ സത്യവു​മാണ്‌. പീഡന​ത്തി​നും കൊല​യ്‌ക്കും ഉള്ള പ്രത്യേക സേനാ വിഭാ​ഗങ്ങൾ രാഷ്‌ട്രീയ സമ്മർദ്ദ​ത്തി​നുള്ള ആയുധങ്ങൾ ആയിരു​ന്നി​ട്ടുണ്ട്‌, ഇപ്പോ​ഴും അങ്ങനെ ആണ്‌. ഇത്തരം മിക്ക ഗവൺമെൻറു​ക​ളും അവയുടെ തത്വശാ​സ്‌ത്ര​ങ്ങ​ളും യു.എന്നിൽ മാന്യ​മാ​യി പ്രതി​നി​ധാ​നം ചെയ്യ​പ്പെ​ട്ടി​രി​ക്കു​ന്നു.

മേൽപ്പറഞ്ഞ കാര്യ​ങ്ങ​ളു​ടെ വീക്ഷണ​ത്തിൽ യു.എൻ. സമാധാ​ന​ത്തി​നാ​യുള്ള ദൈവ​ത്തി​ന്റെ മാർഗ്ഗ​മാ​യി​രി​ക്കാം എന്ന്‌ വിശ്വ​സി​ക്കു​ന്നത്‌ ന്യായ​യു​ക്ത​മാ​യി​രി​ക്കു​മോ, വിശേ​ഷി​ച്ചും ദൈവ​ത്തെ​പ്പ​റ്റി​യുള്ള ഏറ്റം ലളിത​മായ നിർവ്വ​ചനം “ദൈവം സ്‌നേ​ഹ​മാണ്‌” എന്നായി​രി​ക്കു​മ്പോൾ? (1 യോഹ​ന്നാൻ 4:8). എന്നാൽ യു.എൻ. പ്രശ്‌ന​ത്തി​നുള്ള ദൈവ​ത്തി​ന്റെ ഉത്തരമ​ല്ലെ​ങ്കിൽ യു.എന്നിന്റെ പിന്നിൽ വാസ്‌ത​വ​ത്തിൽ ആരാണ്‌ ഉള്ളത്‌?

“കാട്ടു​മൃ​ഗമാ”യിരി​ക്കുന്ന രാഷ്‌ട്രീയ വ്യവസ്ഥി​തി​യു​ടെ​യും അതിന്റെ “പ്രതിമ”യായി​രി​ക്കുന്ന യു.എന്നി​ന്റെ​യും ഉത്ഭവ​ത്തെ​ക്കു​റിച്ച്‌ ബൈബിൾ യാതൊ​രു സംശയ​വും അവശേ​ഷി​പ്പി​ക്കു​ന്നില്ല. വെളി​പ്പാട്‌ 13:2ൽ നാം വായി​ക്കു​ന്നു: “മഹാസർപ്പം കാട്ടു​മൃ​ഗ​ത്തിന്‌ അതിന്റെ ശക്തിയും സിംഹാ​സ​ന​വും വലിയ അധികാ​ര​വും കൊടു​ത്തു. “മഹാസർപ്പം” ആരെയാണ്‌ പ്രതി​നി​ധ​ക​രി​ക്കു​ന്നത്‌? “ഭൂതലത്തെ മുഴുവൻ വഴി​തെ​റ്റി​ക്കുന്ന, പിശാ​ചും സാത്താ​നും എന്നു വിളി​ക്ക​പ്പെ​ടു​ന്ന​വ​നാണ്‌” “മഹാസർപ്പം” എന്ന്‌ അതേ ബൈബിൾ എഴുത്തു​കാ​രൻ വ്യക്തമാ​ക്കു​ന്നു. എന്നാൽ ഏതു വിധത്തി​ലാണ്‌ സാത്താൻ ലോകത്തെ വഴി​തെ​റ്റി​ക്കു​ന്നത്‌?—വെളി​പ്പാട്‌ 12:9.

യു.എൻ. ഉൾപ്പെടെ സാദ്ധ്യ​മായ എല്ലാ പദ്ധതി​യും തത്വശാ​സ്‌ത്ര​വും ഉപയോ​ഗിച്ച്‌ ആദ്യം ഭോഷ്‌ക്കാ​ളി​യായ സാത്താൻ സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി​യുള്ള ഏക സത്യമാർഗ്ഗ​ത്തിൽ നിന്ന്‌—ഈ ഭൂമി​മേ​ലുള്ള ദൈവ​രാ​ജ്യ ഭരണത്തിൽ നിന്ന്‌ മനുഷ്യ​വർഗ്ഗ​ത്തി​ന്റെ ശ്രദ്ധ അകറ്റി​ക്ക​ള​യു​ക​യാണ്‌. (യോഹ​ന്നാൻ 8:44) കഴിഞ്ഞ രണ്ടായി​ര​ത്തോ​ളം വർഷങ്ങ​ളാ​യി ക്രിസ്‌ത്യാ​നി​കൾ എന്നവകാ​ശ​പ്പെ​ടു​ന്നവർ ഇപ്രകാ​രം പ്രാർത്ഥി​ച്ചി​ട്ടുണ്ട്‌ “അങ്ങയുടെ രാജ്യം വരേണമേ.” എന്നാൽ മിക്കവർക്കും ദൈവ​രാ​ജ്യ​ത്തി​ന്റെ അർത്ഥ​മെ​ന്താണ്‌ എന്ന്‌ വ്യക്തമാ​യി ധാരണ​യൊ​ന്നും ഉണ്ടായി​രു​ന്നി​ട്ടില്ല. നിങ്ങളെ സംബന്ധി​ച്ചി​ട​ത്തോ​ളം അതിന്റെ അർത്ഥ​മെ​ന്താണ്‌? ഇപ്പോൾ ആ രാജ്യം ഇത്ര ആസന്നമാ​യി​രി​ക്കു​മ്പോൾ അതേ സംബന്ധിച്ച്‌ ശരിയായ ഒരു ധാരണ ഉണ്ടായി​രി​ക്കു​ന്നത്‌ ജീവൽപ്ര​ധാ​ന​മാണ്‌.—മത്തായി:9, 10.

ആത്മാർത്ഥ​ത​യും അർപ്പണ​ബോ​ധ​വു​മുള്ള ധാരാളം ആളുകൾ യു.എന്നിന്റെ ലക്ഷ്യങ്ങൾ പുരോ​ഗ​മി​പ്പി​ക്കു​ന്ന​തി​നു വേണ്ടി പ്രവർത്തി​ക്കു​ന്നു​ണ്ടെന്ന്‌ വ്യക്തി​പ​ര​മായ ബന്ധങ്ങളിൽ നിന്ന്‌ ഉണരുക! യുടെ പ്രതി​നി​ധി​കൾക്ക​റി​യാം. ആത്മാർത്ഥ​ത​യുള്ള ഈ ആളുകൾ ഈ സ്ഥാപന​ത്തി​ന്റെ ബലഹീ​ന​ത​ക​ളും കാണുന്നു. എന്നാൽ കുർട്ട്‌ വാൾഡ്‌ ഹൈമി​നെ​യും മറ്റു പലരേ​യും പോലെ അതു നിലനിൽക്കുന്ന സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി മനുഷ്യ​വർഗ്ഗ​ത്തി​നുള്ള ഏക പ്രത്യാ​ശ​യാ​ണെന്ന്‌ വിശ്വ​സി​ക്കു​ന്നു. അതിലും മെച്ചമായ ഒരു പ്രശ്‌ന പരിഹാ​രം അവർ കാണു​ന്നില്ല. എന്നാൽ അവർ ഒരു പക്ഷേ അവഗണി​ച്ചു കളഞ്ഞി​രി​ക്കുന്ന മറ്റൊ​രു പരിഹാര മാർഗ്ഗം ഉണ്ട്‌—ദൈവ​ത്തി​ന്റെ രാജ്യ​ഭ​രണം—വെളി​പ്പാട്‌ 11:15.

സമാധാ​ന​ത്തി​നുള്ള സത്യമായ ഏക വഴി

ദൈവ​രാ​ജ്യം എന്നു പറഞ്ഞാൽ അതു സ്വർഗ്ഗീയ ഭരണത്തെ അഥവാ ആത്മ മണ്ഡലത്തിൽ നിന്നുള്ള ഭൂമി​യു​ടെ ഭരണത്തെ പരാമർശി​ക്കു​ന്നു എന്ന്‌ ബൈബിൾ പ്രകട​മാ​ക്കു​ന്നു. (ദാനി​യേൽ 2:44; വെളി​പ്പാട്‌ 21:1-4) ക്രിസ്‌തു മുഖാ​ന്ത​ര​മുള്ള ഈ രാജ്യ ഭരണം ഇപ്പോഴേ ലോക​വ്യാ​പ​ക​മാ​യി പ്രവർത്ത​ന​ത്തി​ലി​രി​ക്കു​ക​യും അതിന്റെ ഭരണത്തിൻ കീഴിലെ നിത്യ​ജീ​വ​നു​വേണ്ടി ഒരു രാഷ്‌ട്രാ​തീത ജനതയെ തയ്യാറാ​ക്കു​ക​യും ചെയ്‌തു​കൊ​ണ്ടി​രി​ക്കു​ന്നു. എല്ലാ രാഷ്‌ട്ര​ങ്ങ​ളിൽ നിന്നും എല്ലാ ഭാഷക​ളിൽനി​ന്നും ഉള്ളവരും പൂർണ്ണ ഐക്യ​ത്തി​ലാ​യി​രി​ക്കു​ന്ന​വ​രു​മായ ഈ ജനം യഹോ​വ​യു​ടെ സാക്ഷികൾ എന്നറി​യ​പ്പെ​ടു​ന്നു. “തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​ട്ടുള്ള” യഥാർത്ഥ “ഐക്യ​രാ​ഷ്‌ട്രങ്ങൾ” അവരാണ്‌ “അന്തർദേ​ശീയ രാഷ്‌ട്രീ​യ​ത്തി​ലെ ഏറ്റം ബലവത്തായ നശീക​ര​ണ​ശക്തി എന്നു വിളി​ക്ക​പ്പെ​ട്ടി​ട്ടുള്ള ജാതി ചിന്തയു​ടെ​യും പ്രാ​ദേ​ശിക ദേശീ​യ​ത്വ​ത്തി​ന്റെ​യും കൂച്ചു​വി​ല​ങ്ങു​കൾ അവർ പൊട്ടി​ച്ചെ​റി​ഞ്ഞി​രി​ക്കു​ന്നു. അതേ വിലങ്ങു​കൾ ഇപ്പോ​ഴും യു.എന്നിനെ തളച്ചി​ടു​ക​യും തടസ്സ​പ്പെ​ടു​ത്തു​ക​യും ചെയ്‌തു​കൊ​ണ്ടി​രി​ക്കു​ന്നു.—യെശയ്യാ 2:2-4.

ദൈവ​രാ​ജ്യ​ത്തി​നു മാത്രമേ ഈ ഭൂമി​യിൽ യഥാർത്ഥ​വും നിലനിൽക്കു​ന്ന​തു​മായ സമാധാ​നം കൈവ​രു​ത്താൻ കഴിയു​ക​യു​ള്ളു​വെ​ന്നും ദൈവ​രാ​ജ്യം നടപടി എടുക്കാ​നുള്ള സമയം ആസന്നമാ​യി​രി​ക്കു​ക​യാ​ണെ​ന്നും വ്യക്തി​പ​ര​മായ ബൈബിൾ പഠനത്തി​ലൂ​ടെ യഹോ​വ​യു​ടെ സാക്ഷി​കൾക്ക​റി​യാം. (ലൂക്കോസ്‌ 21:31-33; വെളി​പ്പാട്‌ 16:14, 16) എന്തു നടപടി? എന്ന്‌ നിങ്ങൾ ചോദി​ച്ചേ​ക്കാം. മനഃപൂർവ്വം ഭൂമിയെ നശിപ്പി​ച്ചു​കൊ​ണ്ടി​രി​ക്കു​ന്ന​വ​രു​ടെ നാശം. (വെളി​പ്പാട്‌ 11:18) എല്ലാ വിഭാ​ഗീയ രാഷ്‌ട്രീയ ഘടകങ്ങ​ളു​ടെ​യും നാശവും അതിൽ ഉൾപ്പെ​ടു​ന്നു. (ദാനി​യേൽ 2:44) അങ്ങനെ സാത്താന്റെ ഒന്നിനും മതിയാ​കാത്ത വ്യാജ പ്രശ്‌ന പരിഹാ​ര​മാർഗ്ഗത്തെ—യു. എന്നിനെ—യഹോ​വ​യു​ടെ സാക്ഷികൾ തള്ളിക്ക​ള​ഞ്ഞി​രി​ക്കു​ന്നു. എന്നാൽ അതു എന്തു​കൊ​ണ്ടാണ്‌ മതിയാ​കാ​ത്ത​താ​യി​രി​ക്കു​ന്നത്‌?

പതി​നേ​ഴാം നൂറ്റാ​ണ്ടി​ലെ ഡച്ചു തത്വചി​ന്ത​ക​നായ സ്‌പി​നോസ സമാധാ​നത്തെ “യുദ്ധത്തി​ന്റെ അഭാവ​മാ​യി​ട്ടല്ല” അതിലും കൂടുതൽ കാര്യങ്ങൾ ഉൾപ്പെ​ട്ടി​രി​ക്കുന്ന ഒന്നായി നിർവ്വ​ഹി​ച്ചി​രി​ക്കു​ന്നു. അദ്ദേഹം പറഞ്ഞു: “അതൊരു ഗുണമാണ്‌, ഒരു മാനസി​കാ​വസ്ഥ, നൻമന​സ്സി​ന്റെ​യും ആത്മവി​ശ്വാ​സ​ത്തി​ന്റെ​യും നീതി​യു​ടെ​യും” ഒരു മനോ​ഭാ​വ​മാണ്‌. വിരോ​ധ​ത്തി​ലും വിഭാ​ഗീ​യ​ത​യി​ലു​മല്ല സ്‌നേ​ഹ​ത്തി​ലും ഐക്യ​ത്തി​ലും ആളുകളെ അഭ്യസി​പ്പി​ക്കു​ന്ന​തി​നാൽ മാത്രമേ ഇതു നേടാൻ കഴിയു​ക​യു​ള്ളു. ബൈബിൾ എഴുത്തു​കാ​ര​നായ യാക്കോബ്‌ രേഖ​പ്പെ​ടു​ത്തിയ പ്രകാരം: “സമാധാ​നം ഉണ്ടാക്കു​ന്ന​വർക്ക്‌ സമാധാ​ന​പൂർവ്വ​മായ അന്തരീ​ക്ഷ​ത്തിൻ നീതി ഫലത്തിന്റെ വിത്ത്‌ വിതയ്‌ക്ക​പ്പെ​ടു​ന്നു.” (യാക്കോബ്‌ 3:18) അവരുടെ ആഗോള വിദ്യാ​ഭ്യാ​സ വേലയി​ലൂ​ടെ സമാധാ​ന​ത്തി​നുള്ള ദൈവ​ത്തി​ന്റെ വഴികൾ പഠിപ്പി​ച്ചു കൊണ്ടി​രി​ക്കു​ന്നു. എന്തു​കൊ​ണ്ടെ​ന്നാൽ അവന്റെ വചനം പറയുന്നു: “നിന്റെ പുത്രൻമാ​രെ​ല്ലാ​വ​രും യഹോ​വ​യാൽ പഠിപ്പി​ക്ക​പ്പെ​ട്ട​വ​രും നിന്റെ പുത്രൻമാ​രു​ടെ സമാധാ​നം വലുതും ആയിരി​ക്കും.”—യെശയ്യാ 54:13.

ദൈവ​രാ​ജ്യ ഗവൺമെൻറി​നെ​പ്പ​റ്റി കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടുക. സമാധാ​ന​ത്തി​നുള്ള ദൈവ​ത്തി​ന്റെ വഴി അറിയാൻ നിങ്ങളെ സഹായി​ക്കു​ന്ന​തിൽ അവർ സന്തോ​ഷ​മു​ള്ള​വ​രാ​യി​രി​ക്കും.

[അടിക്കു​റിപ്പ്‌]

[11-ാം പേജിലെ ചതുരം]

യു.എന്നിനെ ബാധി​ക്കുന്ന മുഖ്യ പ്രശ്‌ന​ങ്ങൾ

യു.എൻ. അംഗ രാഷ്‌ട്ര​ങ്ങ​ളിൽ പലരേ​യും ബാധി​ക്കുന്ന പ്രമുഖ ആനുകാ​ലിക പ്രശ്‌ന​ങ്ങ​ളു​ടെ ഒരു ഭാഗിക പട്ടിക.

1. അണുവാ​യുധ പന്തയവും യു.എസ്‌.ഏ, യു എസ്സ്‌ എസ്സ്‌ ആർ സംഘട്ട​ന​വും.

2. വടക്ക്‌-തെക്ക്‌ ലോക സാമ്പത്തീക അസന്തു​ലി​താ​വസ്ഥ; വികസ്വര രാഷ്‌ട്ര​ങ്ങ​ളി​ലെ വിദേശ കടപ്ര​ശ്‌നം.

3. ആഫ്രി​ക്ക​യി​ലെ ക്ഷാമവും ദ്രാരി​ദ്ര്യ​വും ആ ഭൂഖണ്ഡം ക്രമേണ ഒരു മരുഭൂ​മി​യാ​യി മാറു​ന്ന​തും

4. മയക്കു മരുന്നു​ക​ളു​ടെ അന്തരാ​ഷ്‌ട്ര കള്ളക്കടത്ത്‌

5. അന്തർ ദേശീയ ഭീകര​പ്ര​വർത്തനം.

6. തെക്കേ ആഫ്രി​ക്ക​യു​ടെ വർണ്ണ വിവേചന നയവും അയൽ രാജ്യ​ങ്ങ​ളു​മാ​യുള്ള ബന്ധവും

7. തെക്കേ ആഫ്രി​ക്ക​യിൽ നിന്നുള്ള നമീബി​യ​യു​ടെ സ്വാത​ന്ത്ര്യം

8. യിസ്രാ​യേ​ലും പാലസ്‌റ്റീ​നി​യൻ പ്രശ്‌ന​വും

9. ലബനോ​നി​ലെ കുഴപ്പങ്ങൾ

10. ഇറാൻ-ഇറാക്ക്‌ ഏറ്റു​മു​ട്ടൽ

11. തെക്കു കിഴക്കൻ ഏഷ്യയിൽ, വിയറ്റ്‌നാ​മി​ന്റെ കമ്പൂച്ചിയ പിടി​ച്ച​ട​ക്കൽ

12. മദ്ധ്യ അമേരിക്ക, എൽ സാൽവ​ഡോ​റി​ലെ​യും നിക്കാരാഗുവയിലെയും ഒളി​പ്പോര്‌

13. സോവി​യ​റ്റ്‌ യൂണിന്റെ അഫ്‌ഗാ​നി​സ​റ്റാ​നി​ലെ ഇടപെടൽ

14. 10 ദശലക്ഷ​ത്തി​ലേറെ ആളുകളെ ബാധി​ച്ചി​രി​ക്കുന്ന ലോക അഭയാർത്ഥി പ്രശ്‌നം

15. മനുഷ്യാ​വ​കാശ ലംഘനങ്ങൾ

1984-ൽ യു.എന്നിന്റെ 39-ാം പൊതു സമ്മേള​ന​ത്തിൽ 16 രാഷ്‌ട്ര​ത്ത​ല​വൻമാ​രുൾപ്പെടെ 150 പ്രതി​നി​ധി​കൾ നടത്തിയ പ്രസം​ഗ​ങ്ങളെ അടിസ്ഥാ​ന​മാ​ക്കി​യു​ള്ള​താണ്‌ ഈ പട്ടിക. (യു.എൻ. ക്രോ​ണി​ക്കിൾ വാല്യം XXI നമ്പർ 8⁄1984 കാണുക.)

[11-ാം പേജിലെ ചതുരം]

യു.എൻ അംഗ സംഖ്യ എപ്രകാ​രം വളർന്നി​രി​ക്കു​ന്നു

1945 51 രാഷ്‌ട്രങ്ങൾ: മദ്ധ്യ, തെക്കേ അമേരി​ക്കകൾ 19; യൂറോപ്പ്‌ 14; ഏഷ്യ 2 മദ്ധ്യപൂർവ്വ​ദേശം 7; ആഫ്രിക്ക 3; പസിഫിക്ക്‌ 3; വടക്കേ അമേരിക്ക 3.

1950 60 രാഷ്‌ട്രങ്ങൾ: മദ്ധ്യ തെക്കേ അമേരി​ക്കകൾ 19; യൂറോപ്പ്‌ 16; ഏഷ്യ 7; മദ്ധ്യപൂർവ്വ​ദേശം 9; ആഫ്രിക്ക 3; പിസി​ഫിക്ക്‌ 3; വടക്കേ അമേരിക്ക 3.

1960 100 രാഷ്‌ട്രങ്ങൾ: മദ്ധ്യ, തെക്കേ അമേരി​ക്കകൾ 19; യൂറോപ്പ്‌ 27; ഏഷ്യ 13; മദ്ധ്യപൂർവ്വ​ദേശം 10; ആഫ്രിക്ക 25;പസിഫിക്ക്‌ 3; വടക്കേ അമേരിക്ക 3

1970 127 രാഷ്‌ട്രങ്ങൾ: മദ്ധ്യ തെക്കേ അമേരി​ക്കകൾ 23; യൂറോപ്പ്‌ 28; ഏഷ്യ 16; മദ്ധ്യപൂർവ്വ​ദേശം 12; ആഫ്രിക്ക 41; പസിഫിക്ക്‌ 4; വടക്കേ അമേരിക്ക 3.

1980 154 രാഷ്‌ട്രങ്ങൾ: മദ്ധ്യ തെക്കേ അമേരി​ക്കകൾ 29; യൂറോപ്പ്‌ 30; ഏഷ്യ 19; മദ്ധ്യ പൂർവ്വ​ദേശം 16; ആഫ്രിക്ക 50; പസിഫിക്ക്‌ 7; വടക്കേ അമേരിക്ക 3.

1985 159 രാഷ്‌ട്രങ്ങൾ: മദ്ധ്യ തെക്കേ അമേരി​ക്കകൾ 32; യൂറോപ്പ്‌ 30; ഏഷ്യ 20; മദ്ധ്യപൂർവ്വ​ദേശം 16; ആഫ്രിക്ക 50; പസിഫിക്ക്‌ 8; വടക്കേ അമേരിക്ക 3.

[9-ാം പേജിലെ ചിത്രം]

159 അംഗ രാഷ്‌ട്ര​ങ്ങ​ളു​ടെ​യും പതാകകൾ യു.എൻ. മന്ദിര​ത്തി​നു മുമ്പിൽ പ്രദർശി​പ്പി​ച്ചി​രി​ക്കു​ന്നു.

[10-ാം പേജിലെ ചിത്രം]

ആരാണ്‌ ഇപ്പോൾ തന്നെ അവരുടെ വാളു​കളെ കൊഴു​ക്ക​ളാ​യി അടിച്ചു തീർത്തി​ട്ടു​ള്ളത്‌?