ബ്രഹ്മച​ര്യം—അടി​ച്ചേ​ല്‌പി​ച്ച​തെ​ന്തു​കൊണ്ട്‌?

ഒരു പൗരോ​ഹി​ത്യ വ്യവസ്ഥ​യെന്ന നിലയിൽ ബ്രഹ്മച​ര്യം കത്തോ​ലി​ക്ക​രു​ടെ​യി​ട​യിൽ ജനസമ്മതി കുറഞ്ഞ​താ​യി​ത്തീ​രു​ന്നു. ജോൺ പോൾ II-ാമൻ പാപ്പ ഈയിടെ സ്വിറ്റ്‌സർല​ണ്ടു് സന്ദർശി​ച്ച​പ്പോൾ, ആ രാജ്യ​ത്തുള്ള 38 ശതമാനം കത്തോ​ലി​ക്കർ മാത്രമേ പുരോ​ഹി​തൻമാ​രു​ടെ നിർബി​ന്ധിത ബ്രഹ്മച​ര്യ​ത്തി​നു് അനുകൂ​ല​മാ​യി​രു​ന്നു​ള്ളു​വെ​ന്നു് ഒരു അഭി​പ്രായ വോ​ട്ടെ​ടു​പ്പു് തെളി​യി​ച്ചു. ഐക്യ​നാ​ടു​ക​ളിൽ 1983-ൽ നടത്തിയ ഒരു അഭി​പ്രാ​യ​വോ​ട്ടെ​ടു​പ്പു് 58 ശതമാനം റോമൻ കത്തോ​ലി​ക്ക​രും പുരോ​ഹി​തൻമാ​രെ വിവാഹം കഴിക്കാൻ അനുവ​ദി​ക്കു​ന്ന​തി​നു് അനുകൂ​ല​മാ​യി​രു​ന്നു​വെ​ന്നു് തെളി​യി​ച്ചു.

എങ്കിലും പോൾ VI-ാമൻ 1967-ൽ പ്രസി​ദ്ധീ​ക​രിച്ച പൗരോ​ഹി​ത്യ ബ്രഹ്മച​ര്യം (Sacedotalis Caelibatus) എന്ന തന്റെ പ്രശസ്‌ത ചാക്രിയ ലേഖന​ത്തിൽ ചെയ്‌ത​തു​പോ​ലെ ജോൺ പോൾ II-ാമൻ പൗരോ​ഹി​ത്യ ബ്രഹ്മച​ര്യ​ത്തി​ന്റെ നിയമം വീണ്ടും സ്ഥിരീ​ക​രി​ക്കു​ക​യു​ണ്ടാ​യി. ജനസമ്മ​തി​യി​ല്ലാത്ത ഈ നിയമം പ്രത്യ​ക്ഷ​ത്തിൽ സ്വന്തം താല്‌പ​ര്യ​ങ്ങൾക്കു് എതിരാ​ണെ​ങ്കിൽ പോലും വത്തിക്കാൻ അതു് തുടർന്നു് അടി​ച്ചേൽപ്പി​ക്കു​ന്ന​തെ​ന്തു​കൊ​ണ്ടു്? പുരോ​ഹി​തൻമാ​രു​ടെ ബ്രഹ്മച​ര്യം ക്രിസ്‌തു​വും അവന്റെ അപ്പോ​സ്‌ത​ലൻമാ​രും വെച്ച ഒരു വ്യവസ്ഥ​യാ​യി​രു​ന്നു​വോ?

അതു് എവിടെ ഉത്ഭവിച്ചു?

പോൾ VI-ാമൻ പാപ്പ 1967-ലെ ഈ ചാക്രി​ക​ലേ​ഖ​ന​ത്തി​ന്റെ മുഖവ​ര​യിൽ “ക്രിസ്‌തു​വി​ന്റെ​യും അപ്പോ​സ്‌ത​ലൻമാ​രു​ടെ​യും ഉപദേശം സംരക്ഷി​ക്കുന്ന പുതി​യ​നി​യമം . . . വിശുദ്ധ ശുശൂ​ഷ​ക​രു​ടെ ബ്രഹ്മച​ര്യം ആവിശ്യ​പ്പെ​ടു​ന്നില്ല” എന്നു് സമ്മതിച്ചു. അതു​പോ​ലെ കത്തോ​ലി​ക്കാ സർവ്വവി​ജ്ഞാ​ന​കോ​ശം ഇപ്രകാ​രം പറയുന്നു: “ഈ വാക്യങ്ങൾ [1 തിമൊ​ഥെ​യോസ്‌ 3:2, 12; തീത്തോസ്‌ 1:6] തുടക്കം മുതൽ പുരോ​ഹി​തൻമാർക്കു് ബ്രഹ്മച​ര്യം നിർബ​ന്ധി​ത​മാ​ക്കി​യി​രു​ന്നു എന്ന ഏതു വാദ​ത്തെ​യും തകർക്കു​മെന്നു തോന്നു​ന്നു . . . ഈ തെരെ​ഞ്ഞ​ടു​പ്പിൽ സ്വാത​ന്ത്ര്യം നാം . . . സഭയുടെ ആദ്യ ഘട്ടം എന്നു വിളി​ക്കുന്ന (അതായ​തു്) കോൺസ്‌റ്റൻറ​യി​ന്റെ​യും നിഖ്യാ സുന്നഹ​ദോ​സി​ന്റെ​യും കാലം വരെ നിലനി​ന്നി​രു​ന്ന​താ​യി തോന്നു​ന്നു.”

അതു​കൊ​ണ്ടു് പുരോ​ഹി​തൻമാ​രു​ടെ ഈ നിർബ്ബ​ന്ധിത ബ്രഹ്മച​ര്യം ക്രിസ്‌തു​വിൽ നിന്നോ അവന്റെ അപ്പോ​സ്‌ത​ലൻമാ​രിൽനി​ന്നോ ഉത്ഭവി​ച്ച​ത​ല്ലെ​ങ്കിൽ അതു് എവി​ടെ​നി​ന്നു വന്നതാ​ണു്?

“പണ്ടു് പുറജാ​തി​കാ​ല​ങ്ങ​ളിൽ ബ്രഹ്മച​ര്യം ബഹുമാ​ന്യ​മാ​യി കരുതി​യി​രു​ന്നു.” എന്നു് മാക്ലി​ന്റോ​ക്കി​ന്റെ​യും സ്‌​ട്രോ​ങ്ങി​ന്റെ​യും വിജ്ഞാന കോശം കുറി​ക്കൊ​ള്ളു​ന്നു. അത്തരം “പണ്ടത്തെ പുറജാ​തി​കാ​ലങ്ങൾ” പുരാതന ബാബി​ലൊ​ന്റെ​യും ഈജി​പ്‌തി​ന്റെ​യും കാല​ത്തേ​ക്കു് പുറ​കോ​ട്ടു് ചെല്ലുന്നു എന്നു് മറ്റു പരാമർശ​ഗ്രൻഥങ്ങൾ സൂചി​പ്പി​ക്കു​ന്നു. ദ ന്യു എൻ​സൈ​ക്ലോ​പ്പീ​ഡിക ബ്രിട്ടാ​നി​ക്കാ ഇപ്രകാ​രം പറയുന്നു: “പുരാ​ത​ന​കാ​ലത്തെ വലിയ സംസ്‌കാ​രങ്ങൾ ആവിർഭ​വി​ച്ച​തോ​ടെ ബ്രഹ്മച​ര്യം വിവിധ സന്ദർഭ​ങ്ങ​ളിൽ പ്രത്യ​ക്ഷ​പ്പെട്ടു.” ദൃഷ്ടാ​ന്ത​ത്തി​നു്, അതു് ഉല്‌പാ​ദ​ന​ക്ഷ​മ​ത​യു​ടെ ഈജി​പ്‌ഷ്യൻ ദേവത​യായ ഐസി​സി​ന്റെ ആരാധ​ന​യോ​ടുള്ള ബന്ധത്തി​ലാ​യി​രു​ന്നു. ബ്രിട്ടാ​നി​ക്കാ കുറി​ക്കൊ​ള്ളു​ന്ന​തു​പോ​ലെ: “ലൈം​ഗിക സംയമനം അവളുടെ വിശു​ദ്ധ​കർമ്മങ്ങൾ കീർത്തി​ക്കു​ന്ന​വ​രു​ടെ നിരു​പാ​ധിക വ്യവസ്ഥ​യാ​യി​രു​ന്നു.”

അതിനു​പു​റ​മെ അലക്‌സാ​ണ്ടർ ഹിസ്ലോപ്‌ രണ്ടു് ബാബി​ലോൻ എന്ന തന്റെ പുസ്‌ത​ക​ത്തിൽ ഇപ്രകാ​രം പ്രസ്‌താ​വി​ച്ചു: “ബാബി​ലോ​ന്യ ദേവത​യായ സിബെ​ല​യു​ടെ ആരാധന പുറജാ​തി റോമിൽ നടപ്പി​ലാ​ക്ക​പ്പെ​ട്ട​പ്പോൾ അതിന്റെ ബ്രഹ്മചാ​രി​ക​ളായ പുരോ​ഹി​ത​വർഗ്ഗം ഉൾപ്പെടെ അതിന്റെ പ്രാകൃ​ത​രൂ​പ​ത്തി​ലാ​ണു് നടപ്പി​ലാ​ക്ക​പ്പെ​ട്ട​തു് എന്ന സംഗതി ഏതു പണ്ഡിത​നും അറിയാ​വു​ന്ന​താ​ണു്.”

പുരാതന പുറജാ​തി​മ​ത​ങ്ങളെ അനുക​രി​ച്ചു​കൊ​ണ്ടു് കത്തോ​ലി​ക്കാ​സഭ ബ്രഹ്മചാ​രി​ക​ളായ പുരോ​ഹി​ത​വർഗ്ഗ​ത്തി​ന്റെ വ്യവസ്ഥ സ്വീക​രി​ച്ച​തു് എന്തു​കൊ​ണ്ടു്?

അതു് സ്വീക​രി​ക്ക​പ്പെ​ട്ട​തു് എന്തു​കൊ​ണ്ടു്?

ഒരു സംഗതി ബ്രഹ്മചാ​രി​ക​ളായ ഒരു പുരോ​ഹി​ത​വർഗ്ഗം സഭയുടെ അധികാ​ര​സ്ഥാ​ന​ത്തു​ള്ള​വർക്ക്‌ നിയ​ന്ത്ര​ണാ​ധി​കാ​രം നൽകുന്നു. ഇതിന്റെ കാരണം അവരുടെ പൗരോ​ഹി​ത്യ പ്രവർത്ത​ന​ത്തി​നു് അവകാ​ശി​കൾ ഇല്ലാത്ത​തു​കൊ​ണ്ടു്, ഉയർന്ന​ശ്രേ​ണി​യി​ലുള്ള പുരോ​ഹി​തൻമാ​രു​ടെ നിയമ​ന​ത്താൽ പുരോ​ഹി​തൻമാ​രെ മാറ്റി സ്ഥാപി​ക്കാൻ കഴിയും എന്നതാ​ണു്. “വിശുദ്ധ റോമി​ന്റെ കേന്ദ്ര അധികാ​ര​ത്തി​നുള്ള പുരോ​ഹി​ത​വർഗ്ഗ​ത്തി​ന്റെ കീഴ്‌പ്പെടൽ ഉറപ്പു​വ​രു​ത്താൻ” ഒരു ഉപാധി​യെ​ന്ന​നി​ല​യിൽ ബ്രഹ്മച​ര്യം ഉപയോ​ഗ​പ്പെ​ടു​ത്തു​ന്ന​താ​യി റോമി​നെ​തി​രെ കുറ്റാ​രോ​പണം ഉയർന്നി​രി​ക്കു​ന്നു​വെ​ന്നു് കത്തോ​ലി​ക്കാ​വി​ജ്ഞാ​ന​കോ​ശം പോലും സമ്മതി​ക്കു​ന്നു.

എന്നാൽ അതിലു​മ​ധി​കം അതിൽ അടങ്ങി​യി​ട്ടു​ണ്ടു്. നിർബ്ബി​ന്ധിത ബ്രഹ്മച​ര്യം പള്ളിനി​യമം ആയിത്തീർന്ന​തു് പൊ.യു. 12-ാം നൂറ്റാ​ണ്ടിൽ മാത്ര​മാ​ണു് എന്നു് “പൗരോ​ഹി​ത്യ​ബ്ര​ഹ്മ​ച​ര്യ​ത്തി​ന്റെ ചരിത്രം” പട്ടിക​പ്പെ​ടു​ത്തുന്ന അടുത്ത പേജിലെ ചാർട്ട്‌ പ്രകട​മാ​ക്കു​ന്നു. അതു് സ്വീക​രി​ക്കാൻ വഴി​യൊ​രു​ക്കു​ന്ന​തി​നു് വളരെ​യ​ധി​കം പ്രവർത്തി​ച്ച​തു് ഗ്രിഗറി VII-ാമൻ പാപ്പയാ​യി​രു​ന്നു (1097-85). രസാവ​ഹ​മാ​യി അയാ​ളേ​ക്കു​റി​ച്ചു്, അയാൾ “കർശന​മാ​യും ബ്രഹ്മച​ര്യം അനുഷ്‌ഠി​ക്കുന്ന ഒരു പുരോ​ഹിത വർഗ്ഗത്തി​നു​ണ്ടാ​കുന്ന സ്വാധീ​ന​ത്തി​ന്റെ വർദ്ധന​വു് മറ്റാ​രേ​ക്കാൾ വ്യക്തമാ​യി മനസ്സി​ലാ​ക്കി.” എന്നു് പറയ​പ്പെ​ട്ടി​രി​ക്കു​ന്നു.

എങ്കിലും, കത്തോ​ലി​ക്കാ​സ​ഭ​യു​ടെ പുരോ​ഹിത ഭരണവ്യ​വ​സ്ഥി​യെ താങ്ങി​നിർത്തു​ന്ന​തി​നു പുറമെ പൗരോ​ഹി​ത്യ ബ്രഹ്മച​ര്യ​ത്തി​ന്റെ നിയമം പുരോ​ഹി​തൻമാർക്കു് സാധാരണ ജനങ്ങളു​ടെ​മേൽ ഒരു അധികാ​രം നൽകു​ക​യും ചെയ്യുന്നു. ഫ്രാൻസി​ലെ പ്രമുഖ ചരി​ത്ര​കാ​രൻമാ​രിൽ ഒരാളായ ജോർജ്ജസ്‌ ഡബി ഈയിടെ മദ്ധ്യകാ​ല​ഘ​ട്ട​ത്തി​ലെ സന്യാ​സി​മാ​രെ​യും പുരോ​ഹി​തൻമാ​രെ​യും സംബന്ധി​ച്ചു് അവരുടെ ബ്രഹ്മച​ര്യം നിമിത്തം “അവർ മറ്റുള്ള​വ​രേ​ക്കാൾ ഉയർന്ന ശ്രേണി​യി​ലാ​യി​രു​ന്നു; സമൂഹ​ത്തി​ന്റെ ശേഷിച്ച ഭാഗത്തെ ഭരിക്കാൻ അവർക്കു് അവകാ​ശ​മു​ണ്ടാ​യി​രു​ന്നു,” എന്നു് പറയു​ക​യു​ണ്ടാ​യി.

അതിന്റെ ഫലങ്ങൾ

പുരോ​ഹി​തൻമാർക്കു് വിവാഹം ചെയ്യാ​നുള്ള അവസരം നിഷേ​ധി​ക്കു​ന്ന​തി​ന്റെ ഫലങ്ങൾ സംബന്ധി​ച്ചു് കത്തോ​ലി​ക്കാ സർവ്വവി​ജ്ഞാ​ന​കോ​ശം ഇപ്രകാ​രം പ്രസ്‌താ​വി​ക്കു​ന്നു: “ലോക​ച​രി​ത്ര​ത്തിൽ വ്യത്യസ്‌ത കാലഘ​ട്ട​ങ്ങ​ളി​ലും ക്രിസ്‌തീ​യ​മെ​ന്നു് വിളി​ക്ക​പ്പെ​ടുന്ന വ്യത്യസ്‌ത രാജ്യ​ങ്ങ​ളി​ലും കത്തോ​ലി​ക്കാ പുരോ​ഹി​തൻമാർ ഇടക്കി​ട​ക്കു് അധഃപ​തി​ച്ചു​പോയ ധാർമ്മി​ക​ത​യു​ടെ വളരെ താഴ്‌ന്ന നിലവാ​രം മൂടി​വെ​ക്കാ​നോ നിഷേ​ധി​ക്കാ​നോ ഞങ്ങൾ ആഗ്രഹി​ക്കു​ന്നില്ല.” ഇന്നു​പോ​ലും പുരോ​ഹി​തൻമാ​രു​ടെ ദുർമ്മാർഗ്ഗം പല രാജ്യ​ങ്ങ​ളി​ലും സത്യസ​ന്ധ​രായ ആളുക​ളു​ടെ ദൃഷ്ടി​ക​ളിൽ പൗരോ​ഹി​ത്യ​ത്തെ വിലയി​ടി​ച്ചു കാണുന്ന ഫലം ഉളവാ​ക്കി​യി​രി​ക്കു​ന്നു.

പുറജാ​തി മതനി​ഷ്‌ഠ​ക​ളിൽനി​ന്നു് സ്വീക​രിച്ച പൗരോ​ഹി​ത്യ ബ്രഹ്മച​ര്യ​ത്തി​ന്റെ നിയമം ദൈവ​ത്താൽ സ്ഥാപി​ക്ക​പ്പെട്ട മാന്യ​മായ ഒരു ക്രമീ​ക​രണം ആകുന്ന വിവാ​ഹ​ത്തി​ന്റെ വിലയി​ടി​ക്കുന്ന ഫലവും ഉണ്ടാക്കി​യി​രി​ക്കു​ന്നു. (മത്തായി 19:4-6; ഉല്‌പത്തി 2:21-24; എബ്രായർ 13:4) പുതിയ ബ്രിട്ടാ​നി​ക്കാ സർവ്വവി​ജ്ഞാ​ന​കോ​ശം പറയു​ന്ന​തു​പോ​ലെ: “ആരാധ​നാ​വി​ശു​ദ്ധി സംബന്ധിച്ച ഈ ആശയം വിവാ​ഹത്തെ വിലകു​റ​ച്ചു​കാ​ണാ​നും ലൈം​ഗി​കത പൈശാ​ചി​ക​മാ​യി കാണാ​നു​മുള്ള ചായ്വ്‌ വർദ്ധി​പ്പി​ച്ചി​രി​ക്കു​ന്നു. പുരോ​ഹി​തൻമാ​രും സന്യാ​സി​മാ​രും ബ്രഹ്മച​ര്യം അനുഷ്‌ഠി​ക്ക​ണ​മെ​ന്നു് ആവശ്യ​പ്പെ​ടു​ന്ന​തി​ലേ​ക്കു് നയിക്കു​ക​യും ചെയ്‌തി​രി​ക്കു​ന്നു, അതു് സഭക്കു​ള്ളിൽ നൂറ്റാ​ണ്ടു​ക​ളാ​യി നിലനിൽക്കുന്ന ഒരു സംഘർഷ​ത്തി​നു് ഇടയാ​ക്കി​യി​രി​ക്കു​ന്നു.”

ഗൂഢമായ ആന്തരങ്ങ​ളോ​ടെ​യാ​ണു് പൗരോ​ഹി​ത്യ ബ്രഹ്മച​ര്യം സ്വീക​രി​ക്ക​പ്പെ​ട്ട​തു്, അതു് നിലനിർത്ത​പ്പെ​ടു​ന്ന​തി​ന്റെ കാരണം അവ വിശദ​മാ​ക്കി​യേ​ക്കാം. എങ്കിലും അതു് കത്തോ​ലി​ക്കർക്കോ പുരോ​ഹി​ത​വർഗ്ഗ​ത്തി​നോ പ്രയോ​ജനം ചെയ്‌തില്ല. സഭ തന്നെയും ദോഷ​ഫലം അനുഭ​വി​ച്ചി​രി​ക്കു​ന്നു, കാരണം ഇപ്പോൾ പുരോ​ഹി​തൻമാ​രു​ടെ ദൗർല്ല​ഭ്യം ഈ തിരു​വെ​ഴു​ത്തു​വി​രു​ദ്ധ​മായ നിയമം നിമി​ത്ത​മാ​ണെ​ന്നു് പൊതു​വെ വിശ്വ​സി​ക്ക​പ്പെ​ടു​ന്നു.

മറിയ​യു​ടെ നിത്യ​ക​ന്യ​കാ​ത്വം എന്ന ഉപദേശം സൂക്ഷ്‌മാ​വ​ലോ​കനം നടത്തു​മ്പോൾ വിവാ​ഹ​വും ലൈം​ഗി​ക​ത​യും സംബന്ധിച്ച കത്തോ​ലി​ക്കാ​സ​ഭ​യു​ടെ വീക്ഷണ​ത്തി​ന്റെ മറ്റൊ​രു​വശം വെളി​ച്ച​ത്തു​വ​രു​ന്നു.

[5-ാം പേജിലെ ആകർഷ​ക​വാ​ക്യം]

“പുതി​യ​നി​യമം . . . വിശുദ്ധ ശുശൂ​ഷ​ക​രു​ടെ ബ്രഹ്മച​ര്യം ആവശ്യ​പ്പ​ടു​ന്നില്ല.”—പോൾ VI-ാമൻ പാപ്പ