മൂല്യ​ങ്ങ​ളു​ടെ വിദ്യാ​ഭ്യാ​സം”—എത്ര മൂല്യ​വ​ത്താണ്‌?

സ്ഥലം: സ്‌കൂൾ, സദാചാര പഠനക്ലാസ്സ്‌

രംഗ സംവി​ധാ​നം: അഞ്ചു വിദ്യാർത്ഥി​കൾ തങ്ങളുടെ സ്‌കൂൾ മുറി​യു​ടെ തറ വിസ്‌തൃ​ത​മായ അറ്റ്‌ലാൻറിക്ക്‌ മഹാസ​മു​ദ്ര​മാ​ക്കി​ക്കൊണ്ട്‌ ഒരു സാങ്കല്‌പിക രക്ഷാ ചങ്ങാട​ത്തിൽ ചുരു​ണ്ടു​കൂ​ടി. ഒരു വിനാ​ശ​ക​മായ കൊടു​ങ്കാ​റ്റിൽ തങ്ങളുടെ വിനോദ സഞ്ചാര​ക്കപ്പൽ മുങ്ങിയ ശേഷം അവർ കടലിൽ അകപ്പെ​ട്ടി​രി​ക്ക​യാ​ണു. ഓരോ വിദ്യാർത്ഥി​യും ഓരോ കഥാപാ​ത്ര​ത്തി​ന്റെ ഭാഗം അഭിന​യി​ക്കു​ന്നു: ഒരു പ്രസരി​പ്പുള്ള സിനിമാ നടി; ഒരു മദ്ധ്യകാല മതപു​രോ​ഹി​തൻ: ഒരു നോബൽ സമ്മാന ജേതാ​വായ ആണവ ശാസ്‌ത്രജ്ഞ; ഒരു വഴക്കാ​ളി​യായ വൈദ്യ​വി​ദ്യാർത്ഥീ, ആ കൂട്ടത്തി​ലെ ഏക കറുത്ത​വർഗ്ഗ​ക്കാ​രൻ; ശക്തമായ വർഗ്ഗീയ മുൻവി​ധി​യുള്ള ഒരു പുരഷ ഒളിമ്പിക്ക്‌ താരം. ഈ അഞ്ചു സാങ്കല്‌പിക അതിജീ​വ​ക​രും ഒരു ധാർമ്മിക വിഷമ​സ്ഥി​തി അഭിമു​ഖീ​ക​രി​ക്കു​ന്നു: ആ രക്ഷാച​ങ്ങാ​ട​ത്തിൽ നാലു പേർക്കുള്ള സ്ഥലവും ആഹാര​വും മാത്ര​മെ​യു​ള്ളു. ഒരാൾ ത്യാഗം സഹിക്കണം, അല്ലെങ്കിൽ എല്ലാവ​രു​ടെ​യും ജീവൻ നഷ്ടമാ​കും. അവർക്ക്‌ ഒരു തീരു​മാ​ന​മെ​ടു​ക്കാൻ 30 മിനി​ട്ടുണ്ട്‌.

ചോദ്യം: നിങ്ങളു​ടെ കുട്ടി ഈ ക്ലാസ്സി​ലാ​യി​രു​ന്നെ​ങ്കിൽ അയാൾ എന്തു തിര​ഞ്ഞെ​ടു​ക്കാൻ നിങ്ങൾ ആഗ്രഹി​ക്കു​മാ​യി​രു​ന്നു?

ഒരു ദശകത്തി​ല​ധി​കം വടക്കെ അമേരി​ക്കൻ സ്‌കൂ​ളിൽകൂ​ടി ധാർമ്മിക വിദ്യാ​ഭ്യാ​സ​ത്തി​ന്റെ ഒരു വിപ്ലവം ആഞ്ഞടിച്ചു. കഴിഞ്ഞ കാലത്ത്‌ കുടും​ബ​വും മതവും കുട്ടി​കളെ അവയുടെ നിലവാ​രങ്ങൾ പഠിപ്പി​ക്കു​വാൻ നേതൃ​ത്വ​മെ​ടു​ത്തി​രു​ന്നു. എന്നാൽ ഇന്ന്‌ അനേക​രും സ്‌കൂ​ളു​കൾ അതു ചെയ്യണ​മെന്നു വിചാ​രി​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ, യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ടിൽ ഹാർവാർഡ്‌ യൂണി​വേ​ഴ്‌സി​റ്റി പ്രസി​ഡൻഡ്‌ ഡെറെക്ക്‌ ബോക്ക്‌ ചൂണ്ടി​ക്കാ​ണി​ച്ച​തു​പോ​ലെ, “ആളുക​ളി​ലേക്ക്‌ നിലവാ​രങ്ങൾ പകരു​ന്ന​തിന്‌ കുടും​ബ​ങ്ങ​ളും സഭകളും ഒരിക്കൽ ആയിരു​ന്ന​തു​പോ​ലെ സ്വാധീ​ന​മു​ള്ള​വയല്ല” എന്നതാണ്‌ ഒരു പൊതു​വി​ശ്വാ​സം.

ഒരു സ്‌കൂൾ സ്‌പെ​ഷ്യൽ എഡ്യൂ​ക്കേഷൻ സൂപ്പർ​വൈസർ ഇപ്രകാ​രം വിലപി​ച്ചു: “ധാർമ്മിക തത്വങ്ങൾ എന്തെങ്കി​ലു​മു​ണ്ടെ​ങ്കിൽ അവ തങ്ങളുടെ കുട്ടി​കളെ അല്‌പം മാത്രം പഠിപ്പി​ക്കുന്ന മാതാ​പി​താ​ക്ക​ളാണ്‌ നമുക്കു​ള്ളത്‌. ചിലകു​ട്ടി​ക​ളു​ടെ ധാർമ്മിക വിദ്യാ​ഭ്യാ​സ​ത്തി​ന്റെ ഏക ഉറവ്‌ നമ്മൾ മാത്ര​മാണ്‌. അവർ അത്‌ ഇവിടെ പഠിച്ചി​ല്ലെ​ങ്കിൽ ‘തെരു​വു​ക​ളിൽ’ പഠിക്കും.”

മൂല്യ​ങ്ങ​ളു​ടെ വിദ്യാ​ഭ്യാ​സം എന്താണ്‌?

അതിന്റെ ലക്ഷ്യം ശരിയും തെറ്റും പഠിപ്പി​ക്കുക എന്നതല്ല. പകരം, ചർച്ചകൾ തുറന്നി​ടു​ന്ന​തി​നും “കുട്ടികൾ തങ്ങളുടെ സ്വന്തം മൂല്യങ്ങൾ കണ്ടുപി​ടി​ക്കു​ക​യും സൃഷ്ടി​ക്കു​ക​യും ചെയ്യു​ന്ന​തി​നും” ആണ്‌. ഇത്‌ കുട്ടി​കൾക്ക്‌ നല്ല സംഗതി​യാ​ണോ അല്ലയോ എന്നത്‌ തങ്ങൾ ആരെ ശ്രദ്ധി​ക്കു​ന്നു എന്നതിനെ ആശ്രയി​ച്ചി​രി​ക്കു​ന്നു. മൂല്യ​ങ്ങ​ളു​ടെ വിദ്യാ​ഭ്യാ​സ​ത്തി​ന്റെ ചില അദ്ധ്യാ​പകർ ധാർമ്മിക വിദ്യാ​ഭ്യാ​സ തത്വസം​ഹി​ത​കളെ പറ്റി പ്രബോ​ധനം നൽകുന്ന പരമ്പരാ​ഗത രീതിയെ അല്ലെങ്കിൽ മുൻ മാതൃ​ക​ക​ളായ മുതിർന്ന​വ​രു​ടെ നിലവാ​ര​ങ്ങളെ പരിഗ​ണി​ക്കു​ന്നു. റ്റുഡേ മാസിക ഇപ്രകാ​രം വിശദീ​ക​രി​ക്കു​ന്നു: “ക്ലാസ്സിൽ ചർച്ച​ചെ​യ്യുന്ന ഏതൊരു ധാർമ്മിക വിഷയ​ത്തി​നും ‘ശരി’ എന്നൊ ‘തെറ്റ്‌’ എന്നൊ ഉള്ള ഉത്തരമില്ല എന്നു പഠിപ്പി​ക്കാൻ അദ്ധ്യാ​പ​കരെ ഉത്‌ബോ​ധി​പ്പി​ക്കു​ക​യു​ണ്ടാ​യി.”

എന്നിരു​ന്നാ​ലും മറ്റു വിദ്യാ​ഭ്യാ​സ പ്രവർത്ത​ക​രും മാതാ​പി​താ​ക്ക​ളും ഈ പുതിയ രീതികൾ പൂർണ്ണ​മായ ധാർമ്മിക സത്യങ്ങൾ ഇല്ല എന്നു പഠിപ്പി​ക്കു​ന്നു എന്നതിനെ ഖണ്ഡിക്കു​ന്നു. ഇത്‌ മാതാ​പി​താ​ക്ക​ളോ​ടുള്ള ബഹുമാ​ന​ത്തി​നു തുരങ്കം വെക്കുന്നു.

എന്നിരു​ന്നാ​ലും മറ്റു വിദ്യാ​ഭ്യാ​സ പ്രവർത്ത​ക​രും മാതാ​പി​താ​ക്ക​ളും ഈ പുതിയ രീതികൾ പൂർണ്ണ​മായ ധാർമ്മിക സത്യങ്ങൾ ഇല്ല എന്നു പഠിപ്പി​ക്കു​ന്നു എന്നതിനെ ഖണ്ഡിക്കു​ന്നു. ഇത്‌ മാതാ​പി​താ​ക്ക​ളോ​ടുള്ള ബഹുമാ​ന​ത്തി​നു തുരങ്കം വെക്കുന്നു.

ക്ലാസ്സ്‌ വഞ്ചന​യെ​ക്കു​റിച്ച്‌ ചർച്ച ചെയ്യുന്നു എന്നു സങ്കൽപ്പി​ക്കുക. സാമൂ​ഹി​ശാ​സ്‌ത്ര​ജ്ഞ​നായ ഡോ. കാത്‌ലീൻ ഗോവ്‌ പറയു​ന്ന​ത​നു​സ​രിച്ച്‌ അനേക വിദ്യാർത്ഥി​ക​ളും കൊണ്ടു​പോ​കുന്ന ദൂത്‌ ഇതായി​രി​ക്കും: “ആ സമയത്ത്‌ നിങ്ങൾ ചിന്തി​ക്കു​ന്ന​തെ​ന്തും തന്നെ ചെയ്യുക. വഞ്ചനയെ സംബന്ധിച്ച്‌ അതിൽത്തന്നെ യാതൊ​ന്നും ശരിയൊ തെറ്റൊ ഇല്ല. എന്നാൽ ശാന്തനാ​യി​രി​ക്കുക. രംഗം നിരീ​ക്ഷി​ക്കുക. നിങ്ങളു​ടെ സദസിനെ മനസ്സി​ലാ​ക്കുക.”

രസാവ​ഹ​മാ​യി, ഒരു ക്ലാസ്സിൽ വഞ്ചന​യെ​ക്കു​റിച്ച്‌ ചർച്ച​ചെ​യ്‌തു​കൊ​ണ്ടി​രു​ന്ന​പ്പോൾ ഒരു വിദ്യാർത്ഥി അദ്ധ്യാ​പ​ക​നോട്‌, ആ ക്ലാസ്സിലെ പരീക്ഷ​ക​ളിൽ തങ്ങൾ സത്യസ​ന്ധ​രാ​യി​രി​ക്ക​ണ​മോ എന്നു ചോദി​ച്ചു. അദ്ധ്യാ​പകൻ ഇപ്രകാ​രം പ്രതി​ക​രി​ച്ചു: “അവിശ്വ​സ്‌തത ഒരു മൂല്യ​മാ​യി തിര​ഞ്ഞെ​ടു​ത്തി​ട്ടുള്ള നിങ്ങൾ എല്ലാവ​രും അത്‌ ഇവിടെ പ്രാവർത്തി​ക​മാ​ക്കാ​തി​രു​ന്നേ​ക്കാം.” വിദ്യാർത്ഥി​കൾ തങ്ങളുടെ തന്നെയും മറ്റു​ള്ള​വ​രു​ടെ​യും നിലവാ​ര​ങ്ങ​ളും വീക്ഷണ​ങ്ങ​ളും മനസ്സി​ലാ​ക്കാൻ വിവിധ ഭാഗങ്ങ​ളു​ടെ അഭിനയം ഉപയോ​ഗി​ക്കു​ന്നു. വിദ്യാർത്ഥി​കൾ ഈ ലേഖന​ത്തി​ന്റെ ആരംഭ​ത്തിൽ വർണ്ണി​ച്ചി​രി​ക്കുന്ന സംഘർഷ​സാ​ഹ​ച​ര്യ​ങ്ങൾക്കു സമാന​മായ സാഹച​ര്യ​ങ്ങൾ അഭിന​യി​ക്കു​ന്നു. ഓരോ വിദ്യാർത്ഥി​യും തന്റെ കഥാപാ​ത്രം എന്തു​കൊ​ണ്ടു ജീവി​ക്കണം എന്നതു സംബന്ധിച്ച്‌ തന്റെ കേസ്‌ വാദി​ക്കു​ന്നു. അതിനു​ശേഷം ക്ലാസ്സ്‌, ജീവി​ച്ചി​രി​ക്കാൻ ഏറ്റവും അർഹനാ​യവൻ ആരാ​ണെന്ന്‌ വോട്ടു ചെയ്‌തു തീരു​മാ​നി​ക്കു​ന്നു—ആര്‌ മരിക്കാൻ അനുവ​ദി​ക്ക​ണ​മെ​ന്നും. ഈ അഭ്യാസം കുറ്റ​ത്തി​നും കുഴച്ചി​ലി​നും ദുഃസ്വ​പ്‌ന​ങ്ങൾക്കും ഇടനൽകു​ക​യും കൊല​പാ​തകം സ്വീകാ​ര്യ​മാ​ണെന്നു കുട്ടി​കളെ പഠിപ്പി​ക്ക​യും ചെയ്‌തേ​ക്കാം.

കൂടാതെ അദ്ധ്യാ​പകർ കുട്ടി​കളെ താഴെ പറയു​ന്ന​തു​പോ​ലുള്ള ധാർമ്മിക വിഷമ​സ്ഥി​തി​ക​ളിൽ ആക്കി​വെ​ക്കു​ന്നു—

◻ കത്തി​യെ​രി​യുന്ന ഒരു വീട്ടിൽ അകപ്പെട്ട രണ്ടു​കൊ​ച്ചു കുട്ടി​ക​ളിൽ ഒരാളെ മാത്രം രക്ഷിക്കാൻ സാധി​ക്കു​മ്പോ​ഴുള്ള തെര​ഞ്ഞെ​ടുപ്പ്‌

◻ നിങ്ങൾ പട്ടിണി അനുഭ​വി​ക്ക​യാ​ണെ​ങ്കിൽ ഒരു മാനു​ഷ​ശ​വ​ശ​രീ​രം ഭക്ഷിക്കു​ന്നതു സ്വീകാ​ര്യ​മാ​ണോ അല്ലയോ എന്നു തീരു​മാ​നി​ക്കൽ.

◻ ദമ്പതി​കൾക്കു സമ്മതമാ​ണെ​ങ്കിൽ ഇണയെ വെച്ചു​മാ​റു​ന്നതു ശരിയാ​ണോ അല്ലയോ എന്നു ചർച്ച ചെയ്യൽ.

വിഷമ​പ്ര​ശ്‌നം അവതരി​പ്പി​ച്ച​ശേഷം ഒരു ചോദ്യ​വേള പ്രശ്‌ന​ങ്ങ​ളെ​യും സാദ്ധ്യ​ത​ക​ളെ​യും പരി​ശോ​ധി​ക്കു​ന്നു. എന്നാൽ വീണ്ടും വിഷമ​പ്ര​ശ്‌നം ഒരു പരിഹാ​ര​വും കൂടാതെ അവശേ​ഷി​ക്ക​യും മാർഗ്ഗ നിർദ്ദേ​ശങ്ങൾ കൂടാ​തി​രി​ക്ക​യും ചെയ്യുന്നു.

മറ്റൊ​രു സമീപനം വിദ്യാർത്ഥി തന്റെ ജീവിത ലക്ഷ്യങ്ങ​ളു​ടെ വെളി​ച്ച​ത്തിൽ സ്വീക​രി​ക്കുന്ന മൂല്യ​ങ്ങ​ളെ​ക്കു​റിച്ച്‌ ചിന്തി​ക്കു​ന്ന​തി​നു അയാളെ പഠിപ്പി​ക്കു​ന്നു. ഈ വ്യക്തി​പ​ര​മായ അന്തിമ ലക്ഷ്യങ്ങൾ—അതിജീ​വനം, ഉല്ലാസം, സ്വാത​ന്ത്ര്യം, അല്ലെങ്കിൽ മറ്റെ​ന്തെ​ങ്കി​ലും—ആയിരി​ക്കണം വിദ്യാർത്ഥി​യു​ടെ മുന്നിട്ടു നിൽക്കുന്ന പരിഗണന. ഈ സമീപനം, “നിങ്ങളു​ടെ സ്വന്തം കാര്യം ചെയ്യുക” എന്നതിന്റെ ലളിത​മായ മറ്റൊ​രു രൂപമാണ്‌.

ഒരു വിദ്യാർത്ഥി മറ്റെ​ന്തി​നെ​ക്കാ​ളും ഉല്ലാസത്തെ മൂല്യ​വ​ത്താ​യി കാണു​ന്ന​തിൽ ചെന്നെ​ത്തും എന്നിരു​ന്നാൽപോ​ലും ഉചിത​മായ ധാർമ്മിക മൂല്യങ്ങൾ ഉള്ളതായി വീക്ഷി​ക്ക​പ്പെ​ടു​ന്നു. വിദ്യാർത്ഥി​യു​ടെ ജീവിത ലക്ഷ്യം പ്രാപി​ക്കു​ന്ന​തിന്‌ സന്തുഷ്ട​മായ അനുര​ഞ്‌ജനം പ്രോ​ത്സാ​ഹി​പ്പി​ക്ക​പ്പെ​ടു​ന്നു. “നാം ന്യായ​മാ​യി ധാർമ്മി​ക​രാ​യി​രി​ക്കാൻ ശ്രമി​ക്കണം, എന്നാൽ അമിത ധാർമ്മി​ക​രാ​ക​രുത്‌,” അതായത്‌ “യാതൊ​ന്നും യഥാർത്ഥ​ത്തിൽ നല്ലതോ ചീത്തയോ അല്ല” എന്ന്‌ അവകാ​ശ​വാ​ദം ചെയ്‌തു​കൊണ്ട്‌ അനുര​ഞ്‌ജ​നത്തെ ന്യായീ​ക​രി​ക്ക​ത്ത​ക്ക​താ​ക്കി​ത്തീർക്കു​ന്നു. എന്നാൽ റ്റൊ​റോ​ന്റോ സ്‌റ്റാ​റിൽ റ്റി. ഡബ്ലിയു. ഹാർപുർ, ഈ രീതി, “നമ്മുടെ യുവജ​ന​ങ്ങൾക്ക്‌ ശരി​യെന്ത്‌ തെറ്റെന്ത്‌ എന്നു തീരു​മാ​നി​ക്കു​ന്ന​തി​നുള്ള എന്തെങ്കി​ലും അടിസ്ഥാ​നം പകർന്നു കൊടു​ക്കു​ന്ന​തിൽ പരാജ​യ​പ്പെ​ടു​ന്നു.” എന്ന്‌ എഴുതു​ന്നു. അദ്ദേഹം ഇങ്ങനെ ഉപസം​ഹ​രി​പ്പി​ക്കു​ന്നു, “ഏതെങ്കി​ലും സ്വീകാ​ര്യ​വും നിഷ്‌കർഷ​വു​മായ നിലവാ​രങ്ങൾ കൂടാതെ യഥാർത്ഥ ധാർമ്മി​കത പഠിപ്പി​ക്കു​ന്നത്‌ അസാദ്ധ്യ​മാണ്‌.”

ഇവയെ​ക്കു​റി​ച്ചെ​ല്ലാം ദി വാൾ സ്‌ട്രീ​റ്റ്‌ ജേർണൽ താഴെ പറയുന്ന ഒരു അഭി​പ്രാ​യം പ്രസി​ദ്ധീ​ക​രി​ച്ചു: “ഒരു വിദ്യാർത്ഥി​യോട്‌ മോഷണം തെറ്റാ​ണെ​ന്നോ അല്ലെങ്കിൽ ദയയും വിശ്വ​സ്‌ത​ത​യും നല്ല വിലയു​ള്ള​താ​ണെ​ന്നോ പറയു​ന്നത്‌ മൂല്യ​ങ്ങ​ളു​ടെ വിദ്യാ​ഭ്യാ​സ സമ്പ്രദാ​യ​ത്തി​ന്റെ വിശദീ​ക​ര​ണ​മ​നു​സ​രിച്ച്‌ തനിക്ക​നു​കൂ​ല​മാ​യി കാര്യങ്ങൾ ശരി​പ്പെ​ടു​ത്തു​ക​യും കുട്ടിയെ ബലപ്ര​യോ​ഗം നടത്തു​ക​യും ചെയ്യു​ക​യാണ്‌. . . . ഫലത്തിൽ മാതാ​പി​താ​ക്കൾക്കോ സ്‌കൂ​ളി​നോ സമുദാ​യ​ത്തി​നോ ലൈം​ഗിക പെരു​മാ​റ്റത്തെ ഏതു നിലവാ​രങ്ങൾ നയിക്ക​ണ​മെന്ന്‌ കൗമാ​ര​പ്രാ​യ​ക്കാ​രോട്‌ പറയാൻ അവകാ​ശ​മി​ല്ലെ​ന്നുള്ള ദൂത്‌ നൽകി​യി​രി​ക്കു​ന്നു. ദൃഷ്ടാ​ന്ത​ത്തിന്‌, വിവാ​ഹ​ത്തി​നു മുമ്പുള്ള ലൈം​ഗി​ക​ബന്ധം അവരുടെ വ്യക്തി​പ​ര​മായ നിലവാ​രങ്ങൾ വ്യക്തമാ​ക്കാൻ സഹായി​ക്കവെ ശരിയൊ തെറ്റൊ എന്ന്‌ കൗമാ​ര​പ്രാ​യ​ക്കാർ തന്നെ കണ്ടുപി​ടി​ക്കണം . . . മതാപി​താ​ക്കൾ തങ്ങളുടെ കുട്ടികൾ വിവാ​ഹ​ത്തി​നു മുമ്പ്‌ ലൈം​ഗിക ബന്ധത്തിൽ ഏർപ്പെ​ടു​ന്ന​തി​നെ പ്രതി​ഷേ​ധി​ച്ചാൽ മൂല്യ​ങ്ങ​ളു​ടെ വിദ്യാ​ഭ്യാ​സ വിശദീ​ക​ര​ണ​ത്തി​ന്റെ പിന്നിലെ സിദ്ധാന്തം കുട്ടി, ‘എന്നാൽ അത്‌ കേവലം നിങ്ങളു​ടെ മൂല്യ​നിർണ്ണയ തീർപ്പാണ്‌. അത്‌ എന്റെമേൽ അടി​ച്ചേൽപ്പി​ക്ക​രുത്‌’ എന്നു കുട്ടി​പ്ര​തി​ക​രണം നടത്തു​ന്നത്‌ ഉചിത​മാണ്‌.”

ആ പ്രസി​ദ്ധീ​ക​രണം ഇങ്ങനെ കൂട്ടി​ച്ചേർത്തു: “ഈ അവസ്ഥകൾ, ദൈവ​മാണ്‌ പരമായ നിയമ​ദാ​താ​വെ​ന്നും ദൈവ​ത്തി​ന്റെ​യും ഒരുവന്റെ അയൽകാ​ര​ന്റെ​യും സേവന​ത്തിൽ ഒരുവൻ തന്നെത്തന്നെ ചെലവ​ഴി​ക്കു​ന്ന​തിൽ മാത്രമേ നല്ലജീ​വി​തം കണ്ടെത്താൻ കഴിയു​ക​യു​ള്ളു എന്നും ഉള്ള ബൈബി​ളി​ന്റെ വീക്ഷണ​ത്തോട്‌ വൈപ​രീ​ത്യ​ത്തി​ലാണ്‌.” എന്നിരു​ന്നാ​ലും മൂല്യ​ങ്ങ​ളു​ടെ വിദ്യാ​ഭ്യ​സ​വി​ശ​ദീ​ക​ര​ണ​ങ്ങ​ളോ​ടുള്ള പ്രതി​ഷേധം മതമൗ​ലി​ക​വാ​ദി​ക​ളിൽ മാത്രം ഒതിങ്ങി നിൽക്കു​ന്നില്ല. ആ പ്രസി​ദ്ധീ​ക​രണം ഇങ്ങനെ വിവരി​ക്കു​ന്നു, “പ്രമുഖ യൂണി​വേ​ഴ്‌സി​റ്റി​ക​ളി​ലെ പാരമ്പ​ര്യ​മ​ത​വി​ശ്വാ​സി​ക​ള​ല്ലാത്ത പണ്ഡിതൻമാർ മൂല്യ​ങ്ങ​ളു​ടെ വിദ്യാ​ഭ്യാ​സ​വി​ശ​ദീ​ക​ര​ണത്തെ കുറഞ്ഞ​പക്ഷം ഒരു ഡസൻ പ്രാവ​ശ്യ​മെ​ങ്കി​ലും കുറ്റം ചുമത്തി​യി​ട്ടുണ്ട്‌.”

മാതാ​പി​താ​ക്ക​ളു​ടെ ഉത്തരവാ​ദി​ത്വം

ഉത്തരവാ​ദി​ത്വ​മുള്ള മാതാ​പി​താ​ക്കൾ തങ്ങളുടെ കുട്ടികൾ ധാർമ്മി​ക​ത​യു​ടെ പ്രശ്‌ന​ങ്ങളെ സംബന്ധിച്ച്‌ ആഴമായി ചിന്തി​ക്കു​ന്ന​തി​നും ന്യായ​വാ​ദം ചെയ്യു​ന്ന​തി​നും അത്തരം വിലയി​ല്ലാത്ത “മൂല്യ​ങ്ങ​ളു​ടെ വിദ്യാ​ഭ്യാ​സത്തെ” അന്ധമായി സ്വീക​രി​ക്കാ​തി​രി​ക്കാ​നും ആഗ്രഹി​ക്കു​ന്നു. കൃത്യ​വി​ലോ​പം ഒരു ടൊ​ബോ​ഗാ​നിൽ (മഞ്ഞിലൂ​ടെ സഞ്ചരി​ക്കുന്ന ഒരു ഉപകരണം) ഇഴഞ്ഞി​റ​ങ്ങ​ലാണ്‌ എന്നത്‌ അതിശ​യമല്ല! മാതാ​പി​താ​ക്കൾ തങ്ങളുടെ കുട്ടി​കളെ അധാർമ്മി​ക​തക്ക്‌ ലൈസൻസു നൽകു​ന്ന​തും മാതാ​പി​താ​ക്ക​ളു​ടെ അധികാ​ര​ത്തോ​ടുള്ള സുകര​മായ ആദരവി​നു തുരങ്കം വെക്കു​ന്ന​തു​മായ അദ്ധ്യാ​പ​ന​രീ​തി​കൾക്കെ​തി​രെ സംരക്ഷണം നൽക്കണം. കൂടാതെ ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടികൾ, മനുഷ്യർക്ക്‌ തങ്ങളുടെ സ്രഷ്ടാ​വിൽ നിന്നു സ്വത​ന്ത്ര​രാ​യി വിജയി​ക​ര​മാ​യി ജീവി​ക്കാൻ സാദ്ധ്യമല്ല എന്നും അവന്റെ ധാർമ്മിക തത്വങ്ങ​ളും നിയമ​ങ്ങ​ളു​മാണ്‌ പിൻപ​റ്റാൻ ഏറ്റവും മെച്ചമാ​യ​വ​യെ​ന്നും അറിയ​ണ​മെന്ന്‌ ആഗ്രഹി​ക്കു​ന്നു.—യെശയ്യാവ്‌ 33:22. (g85 11/22)