സമാധാ​നം ഒരു യാഥാർത്ഥ്യ​മാ​യി​ത്തീ​രാൻ കഴിയു​ന്ന​തെ​ങ്ങനെ?

നിലനിൽക്കുന്ന സമാധാ​നം ഒരു യാഥാർത്ഥ്യ​മാ​യി​ത്തീ​രു​ന്ന​തി​നെ തടയുന്ന പ്രധാന ഇടർച്ച​ക്ക​ല്ലു​ക​ളിൽ ചിലത്‌ ഏവ? നമ്മുടെ കഴിഞ്ഞ ലേഖന​ത്തിൽ നിന്ന്‌ നമുക്ക്‌ പിൻവ​രു​ന്നവ വേർതി​രി​ച്ചെ​ടു​ക്കാൻ കഴിയും:

(1) ജനത്തെ വഞ്ചിച്ചി​രി​ക്കുന്ന ഭരണം നടത്തുന്ന സ്വാർത്ഥ പ്രമാണി വർഗ്ഗങ്ങൾ (രാഷ്‌ട്രീ​യ​വും സൈനീ​ക​വും, വ്യാവ​സാ​യി​ക​വും മതപര​വും).

(2) “വിശുദ്ധ അഹന്തയും” ദേശീയ ശ്രേഷ്‌ഠ​ത​യും അവിശ്വാ​സ​വും വിദ്വേ​ഷ​വും പഠിപ്പി​ക്കുന്ന അതിരു കടന്ന ദേശീ​യ​ത്വ​ത്തിൽ അടിസ്ഥാ​ന​പ്പെട്ട അവസ്ഥാ​ഭേദം വരുത്തുന്ന വിദ്യാ​ഭ്യാ​സ വ്യവസ്ഥി​തി.

(3) ‘അവിശ്വാ​സി​ക​ളു​ടെ മനസ്സ്‌ കുരു​ടാ​ക്കി​യി​രി​ക്കുന്ന ഈ വ്യവസ്ഥി​തി​യു​ടെ ദൈവം’ ആയ പിശാ​ചായ സാത്താന്റെ മൊത്ത​ത്തി​ലുള്ള നിയ​ന്ത്ര​ണ​വും മാർഗ്ഗ​നിർദ്ദേ​ശ​വും.—2 കൊരി​ന്ത്യർ 4:4.

ലോക​വ്യാ​പ​ക​മായ അളവിൽ ചിന്താ​ഗ​തി​യിൽ ഒരു മാറ്റം, ഒരു ഹൃദയ മാറ്റം ഉണ്ടാ​കേ​ണ്ട​തുണ്ട്‌. അത്‌ വിദ്യാ​ഭ്യാ​സ​ത്തി​ന്റെ ഒരു മാറ്റത്തെ അർത്ഥമാ​ക്കു​ന്നു—എല്ലാ ജനങ്ങ​ളെ​യും സമാധാ​ന​വും സ്‌നേ​ഹ​വും പരസ്‌പര ബഹുമാ​ന​വും പഠിപ്പി​ക്കു​ന്ന​തി​നു​തന്നെ. അത്‌ ലോക​വ്യാ​പ​ക​മാ​യി നേതൃ​ത്വ​ത്തി​ന്റെ കാര്യ​ത്തിൽ സകല ജനതക​ളാ​ലും ആദരി​ക്ക​പ്പെ​ടുന്ന ഒരു ഏകീകൃത നേതൃ​ത്വ​ത്തി​ലേ​ക്കുള്ള ഒരു മാറ്റ​ത്തെ​യും അർത്ഥമാ​ക്കു​ന്നു—അഴിമ​തി​യി​ല്ലാത്ത ഒരു ലോക ഗവൺമെൻറ്‌ തന്നെ. ഫലത്തിൽ അത്‌ ലോക​നി​യ​ന്ത്ര​ണ​ത്തി​ന്റെ ഒരു മാറ്റത്തെ അർത്ഥമാ​ക്കു​ന്നു—സാത്താന്റെ ഭരണത്തിൽനിന്ന്‌ ദൈവ​ത്തി​ന്റെ ഭരണത്തി​ലേ​ക്കു​തന്നെ! എന്നാൽ ഈ മാറ്റങ്ങൾ കൈവ​രു​ത്താൻ പോകു​ന്നത്‌ എങ്ങനെ​യാണ്‌?

ഈ വ്യവസ്ഥി​തി​യു​ടെ അന്ത്യകാ​ലത്ത്‌ “സ്വർഗ്ഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജത്വം സ്ഥാപി​ക്കു​മെന്ന്‌” 2500-ലധികം വർഷങ്ങൾക്കു മുമ്പ്‌ ബൈബിൾ മുൻകൂ​ട്ടി പറഞ്ഞു. (ദാനി​യേൽ 2:44) “നിന്റെ രാജ്യം വരേണമേ. നിന്റെ ഇഷ്ടം സ്വർഗ്ഗ​ത്തി​ലേ​പ്പോ​ലെ ഭൂമി​യി​ലും നടക്കേ​ണമേ.” എന്ന്‌ യേശു തന്റെ അനുഗാ​മി​കളെ പ്രാർത്ഥി​ക്കാൻ പഠിപ്പിച്ച നിത്യ രാജത്വം ഇതാണ്‌. (മത്തായി 6:9, 10) പ്രവാ​ച​ക​നായ ദാനി​യേൽ എഴുതി​യ​തു​പോ​ലെ ആ രാജത്വം മുഴു​ഭൂ​മി​ക്കു​വേണ്ടി സ്വർഗ്ഗ​ത്തിൽനിന്ന്‌ ക്രിസ്‌തു​യേ​ശു​വി​നാ​ലുള്ള ഒരു പുതിയ ഭരണത്തെ അർത്ഥമാ​ക്കു​ന്നു: “അവന്റെ ഭരണാ​ധി​പ​ത്യം [അഥവാ, പരമാ​ധി​കാ​രം] നീങ്ങി​പ്പോ​വു​ക​യി​ല്ലാത്ത, അനിശ്ചി​ത​മാ​യി നിലനിൽക്കുന്ന ഒരു ഭരണാ​ധി​പ​ത്യ​വും അവന്റെ രാജത്വം നശിപ്പി​ക്ക​പ്പെ​ടു​ക​യി​ല്ലാ​ത്ത​തു​മാ​കു​ന്നു.”—ദാനി​യേൽ 7:13, 14.

ക്രിസ്‌തു​വി​ന്റെ കൈക​ളി​ലെ ഈ സ്വർഗ്ഗീയ ഗവൺമെൻറ്‌, സഹസ്രാ​ബ്ദ​ങ്ങ​ളാ​യി മനുഷ്യ​വർഗ്ഗ​ത്തിൻമേൽ ദുർഭ​രണം നടത്തി​യി​ട്ടുള്ള ഭിന്നത​യു​ണ്ടാ​ക്കുന്ന സ്വാർത്ഥ​മ​തി​ക​ളായ പ്രമാണി വർഗ്ഗത്തെ നീക്കം ചെയ്യുന്ന പുതിയ ക്രമീ​ക​രണം ആണ്‌. അത്‌ “പുതിയ ആകാശ​ത്തി​ന്റെ​യും പുതിയ ഭൂമി​യു​ടെ​യും” ഭരിക്കുന്ന ഭാഗം ആയിത്തീ​രു​ന്നു, “[ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നാം കാത്തി​രി​ക്കുന്ന”തുതന്നെ, “ഇവയിൽ നീതി വസി​ക്കേ​ണ്ട​താണ്‌.” (2 പത്രോസ്‌ 3:13) ഈ ഗവൺമെൻറ്‌ ആണ്‌ “ലോക​ത്തി​ന്റെ ഭാവി ഭാഗ​ധേ​യ​ത്തി​ന്റെ” യഥാർത്ഥ “പിള്ള​ത്തൊ​ട്ടിൽ”. യു. എൻ സെക്ര​ട്ടറി ജനറലി​ന്റെ സഹായി​യായ റോബർട്ട്‌ മുള്ളർ ശുപാർശ ചെയ്‌ത​തു​പോ​ലെ ന്യൂ​യോർക്കി​ലെ ഐക്യ​രാ​ഷ്‌ട്രങ്ങൾ അല്ല. യു. എൻ. 1986 സാർവ്വ​ദേ​ശീയ സമാധാ​ന​വർഷ​മാ​യി പ്രഖ്യാ​പി​ച്ചി​ട്ടു​ണ്ടെ​ങ്കി​ലും യഥാർത്ഥ സമാധാ​നം ദൈവം അംഗീ​ക​രിച്ച മാർഗ്ഗ​മായ ദൈവ​രാ​ജ്യ​ത്തി​ലൂ​ടെ മാത്രമേ വരുക​യു​ള്ളു.

വിദ്യാ​ഭ്യാ​സ​ത്തി​ന്റെ പങ്ക്‌

ആ രാജ്യ​ഗ​വൺമെൻറി​ന്റെ ഭരണത്തിൻ കീഴിൽ സമാധാ​ന​ത്തിൽ ജീവി​ക്കു​ന്ന​തിന്‌ ‘ദശലക്ഷ​ക്ക​ണ​ക്കി​നാ​ളു​കൾ ഇപ്പോൾതന്നെ തങ്ങളെ ഒരുക്കി​ക്കൊ​ണ്ടി​രി​ക്കു​ന്നു. ആ രാജ്യ​ദൂത്‌ എല്ലാ ആളുകൾക്കും എത്തിക്കു​ന്ന​തിന്‌ ഒരു നൂറു​വർഷ​മാ​യി ബൃഹത്തയ ഒരു വിദ്യാ​ഭ്യാ​സ​വേല രാഷ്‌ട്ര​ങ്ങ​ളി​ലെ​ല്ലാം വ്യാപി​പ്പി​ച്ചി​രി​ക്കു​ന്നു. ഒരുപക്ഷെ നിങ്ങൾ അപ്പോൾ ആ സന്ദർശ​ന​ത്തി​ന്റെ പ്രാധാ​ന്യം തിരി​ച്ച​റി​ഞ്ഞി​ല്ലെ​ങ്കിൽത​ന്നെ​യും ആ ഗവൺമെൻറി​ന്റെ സമാധാ​ന​മുള്ള ഒരു പ്രതി​നി​ധി നിങ്ങളു​ടെ ഭവനത്തിൽ സന്ദർശി​ച്ചി​ട്ടു​ണ്ടാ​കും. മനുഷ്യ​ച​രി​ത്ര​ത്തിൽ ഉണ്ടായി​ട്ടു​ള്ള​തി​ലേ​ക്കും ഏറ്റവും വിപു​ല​മായ വിദ്യാ​ഭ്യാ​സ​വേ​ല​യിൽ അയാളോ അവളോ പങ്കെടു​ക്കു​ക​യാ​യി​രു​ന്നു. സന്ദർശി​ച്ച​യാൾ ആരായി​രു​ന്നു? യഹോ​വ​യു​ടെ സാക്ഷി​ക​ളിൽ ഒരാൾതന്നെ. സാക്ഷികൾ നിങ്ങളെ സന്ദർശി​ക്കു​ന്ന​തെ​ന്തു​കൊണ്ട്‌?

സമാധാ​ന​ത്തി​ലേ​ക്കുള്ള യഹോ​വ​യു​ടെ മാർഗ്ഗം സംബന്ധിച്ച്‌ പഠിക്കാൻ ആഗ്രഹി​ക്കുന്ന ആത്മാർത്ഥ​ത​യുള്ള ഏതു വ്യക്തി​ക്കും സാക്ഷികൾ ബൈബി​ള​ദ്ധ്യ​യനം വാഗ്‌ദത്തം ചെയ്യുന്നു. ഈ സൗജന്യ വിദ്യാ​ഭ്യാ​സം “തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ കോതു കത്രി​ക​ക​ളാ​യും അടിച്ചു​തീർക്കാൻ” ദശലക്ഷ​ങ്ങളെ ഇപ്പോൾതന്നെ സഹായി​ച്ചു​കൊ​ണ്ടി​രി​ക്കു​ന്നു. പ്രവാ​ച​ക​നായ യെശയ്യാവ്‌ ഇപ്രകാ​രം പറയുന്നു: “ജനത ജനത​ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യു​മില്ല.”—യെശയ്യാവ്‌ 2:4.

ഇപ്പോ​ഴും വാക്കി​ലോ ക്രിയ​യി​ലോ അന്യോ​ന്യം യുദ്ധത്തിൽ ഏർപ്പെ​ടുന്ന ഐക്യ​രാ​ഷ്‌ട്ര​ങ്ങ​ളി​ലെ അംഗരാ​ഷ്‌ട്രങ്ങൾ ചെയ്യു​ന്ന​തി​നു വിരു​ദ്ധ​മാ​യി യഹോ​വ​യു​ടെ സാക്ഷികൾ ഇപ്പോൾതന്നെ ഈ പ്രവചനം നിറ​വേ​റ്റി​ക്കൊ​ണ്ടി​രി​ക്കു​ന്നു. സാക്ഷികൾ ഈ നേട്ടം ഉണ്ടാക്കി​യി​രി​ക്കു​ന്നത്‌ എങ്ങനെ​യാണ്‌? കാര്യാ​ദി​ക​ളിൽ ക്രിസ്‌തു​വി​ന്റെ മനസ്സ്‌ ലഭിക്കു​ന്ന​തിന്‌ ബൈബിൾ പഠിച്ചു​കൊ​ണ്ടു​തന്നെ; ദൈവം യഥാർത്ഥ​ത്തിൽ സ്‌നേഹം ആണെന്നും അവർ അവന്റെ സ്‌നേഹം എല്ലാ ജനതക​ളി​ലെ​യും വർഗ്ഗങ്ങ​ളി​ലെ​യും തങ്ങളുടെ സഹമനു​ഷ്യ​രോട്‌ പ്രകട​മാ​ക്ക​ണ​മെ​ന്നും പഠിച്ചു​കൊ​ണ്ടു​തന്നെ. ആ കാരണ​ത്താൽ അവർ രാഷ്‌ട്രീയ കാര്യ​ങ്ങ​ളിൽ കർശന​മാ​യും നിഷ്‌പക്ഷത നിലനിർത്തു​ക​യും ഏതു യുദ്ധത്തി​ലും സംഘട്ട​ന​ത്തി​ലും പങ്കെടു​ക്കാൻ വിസമ്മ​തി​ക്കു​ക​യും ചെയ്യുന്നു.—1 യോഹ​ന്നാൻ 4:8; യോഹ​ന്നാൻ 13:34, 35.

നിറ​വേ​റി​യ ബൈബിൾ പ്രവച​ന​മ​നു​സ​രിച്ച്‌ ദൈവ​രാ​ജ്യം നടപടി​യെ​ടു​ക്കു​ന്ന​തി​നുള്ള സമയം സമീപ​മാണ്‌. (മത്തായി 24:3-35) പെട്ടെ​ന്നു​തന്നെ അർമ്മ​ഗെ​ദ്ദോ​നി​ലെ ദൈവ​ത്തി​ന്റെ യുദ്ധം ഭിന്നവും വിനാ​ശ​ക​ര​വു​മായ എല്ലാ രാഷ്‌ട്രീ​യ​ങ്ങ​ളും സഹിതം സാത്താന്റെ ഭരണത്തിന്‌ അവസാനം കൈവ​രു​ത്തും. (വെളി​പ്പാട്‌ 16:14-16; 19:17-21) ദൈവ​ത്തി​ലേ​ക്കും അവന്റെ വചനത്തി​ലേ​ക്കും തിരി​യു​ന്ന​തി​നുള്ള സമയം ഇതാണ്‌. നിങ്ങളു​ടെ അയൽപ​ക്ക​ത്തുള്ള യഹോ​വ​യു​ടെ സാക്ഷികൾ നിത്യ​ജീ​വൻ മിഥ്യ​യായ ഒരു സ്വപ്‌ന​മ​ല്ലെ​ന്നും വേഗം​തന്നെ ലോക​വ്യാ​പ​ക​മാ​കാൻ പോകുന്ന ഒരു യാഥാർത്ഥ്യ​മാ​ണെ​ന്നും മനസ്സി​ലാ​ക്കാൻ സന്തോ​ഷ​പൂർവ്വം നിങ്ങളെ സഹായി​ക്കും. അല്ലെങ്കിൽ കൂടു​ത​ലായ വിവര​ങ്ങൾക്കും സഹായ​ത്തി​നു​മാ​യി ഈ മാസി​ക​യു​ടെ പ്രസാ​ധ​കർക്കെ​ഴു​തുക. (g86 2/8)

[8-ാം പേജിലെ ആകർഷ​ക​വാ​ക്യം]

നാം അവന്റെ വാഗ്‌ദത്ത പ്രകാരം കാത്തി​രി​ക്കുന്ന പുതിയ ആകാശ​ങ്ങ​ളും ഒരു പുതിയ ഭൂമി​യും ഉണ്ട്‌, ഇവയിൽ നീതി വസി​ക്കേ​ണ്ട​താണ്‌.”—അപ്പോ​സ്‌ത​ല​നായ പത്രോസ്‌.

[9-ാം പേജിലെ ആകർഷ​ക​വാ​ക്യം]

നിങ്ങൾക്ക്‌ നിങ്ങളു​ടെ ഇടയിൽ സ്‌നേ​ഹ​മു​ണ്ടെ​ങ്കിൽ നിങ്ങൾ എന്റെ ശിഷ്യൻമാ​രാ​ണെന്ന്‌ ഇതിനാൽ എല്ലാവ​രും അറിയും.”—യേശു​ക്രി​സ്‌തു.

[9-ാം പേജിലെ ആകർഷ​ക​വാ​ക്യം]

അവർ വാളു​കളെ കൊഴു​ക്ക​ളാ​യി അടിച്ചു​തീർക്കേ​ണ്ടി​വ​രും . . . ജനത ജനത​ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യും ഇല്ല.”—യെശയ്യാ​പ്ര​വാ​ചകൻ