1995 നമ്മുടെ ഭാവി സംബന്ധി​ച്ചെന്ത്‌?

“ജനാധി​പ​ത്യ​വും വാണി​ജ്യാ​ധി​ഷ്‌ഠിത സമ്പദ്‌വ്യ​വ​സ്ഥ​യും നടപ്പി​ലാ​ക്കാ​നുള്ള കേവല ആഹ്വാ​ന​ത്തെ​ക്കാൾ മെച്ചമായ ഒരു മാർഗ​നിർദേ​ശ​മാ​ണു ലോക​ത്തി​നാ​വ​ശ്യം—പക്ഷേ അങ്ങനെ​യൊ​ന്നു കിട്ടാ​നില്ല.”—വിൽ ഹട്ടൻ, ഗാർഡി​യൻ വീക്ക്‌ലി.

മാനു​ഷിക വീക്ഷണ​ത്തിൽ, ആ പ്രസ്‌താ​വന സത്യമാ​ണെന്നു തോന്നി​യേ​ക്കാം. സമാധാ​നം, സുരക്ഷി​ത​ത്വം, നീതി, സമത്വം, നല്ല ഗവൺമെൻറ്‌ എന്നിവ​യി​ലേ​ക്കുള്ള വഴി ചൂണ്ടി​ക്കാ​ട്ടുന്ന ആശ്രയ​യോ​ഗ്യ​മായ മാർഗ​നിർദേശം ലോക​ത്തി​നി​ല്ലാ​ത്ത​താ​യി തോന്നു​ന്നു. ഏകാധി​പത്യ വ്യവസ്ഥ​തൊ​ട്ടു റിപ്പബ്ലി​ക്കു​കൾ വരെയും സ്വേച്ഛാ​ധി​പത്യ വ്യവസ്ഥ​കൾതൊ​ട്ടു ജനാധി​പ​ത്യ​ങ്ങൾ വരെയു​മുള്ള സകലവിധ ഭരണസ​മ്പ്ര​ദാ​യ​ങ്ങ​ളും മനുഷ്യൻ പരീക്ഷി​ച്ചു​നോ​ക്കി​യി​ട്ടുണ്ട്‌. എന്നിട്ടും അവന്റെ ലോകം ഇപ്പോ​ഴും ഭരിക്കാൻ വയ്യാത്ത അവസ്ഥയി​ലാ​ണെന്ന്‌ അവൻ കണ്ടെത്തു​ന്നു. ഇനി അവൻ എങ്ങോ​ട്ടാ​ണു തിരി​യേ​ണ്ടത്‌?

ഒരു തിര​ഞ്ഞെ​ടു​പ്പു​ള്ള​താ​യി തോന്നു​ന്നു—ഒന്നുകിൽ അക്രമ​ത്തി​ന്റെ​യും കുറ്റകൃ​ത്യ​ത്തി​ന്റെ​യും അഴിമ​തി​യു​ടെ​യും അനീതി​യു​ടെ​യും മതപര​വും രാഷ്ട്രീ​യ​വു​മായ കാപട്യ​ത്തി​ന്റെ​യും ദേശീയ വിദ്വേ​ഷ​ത്തി​ന്റെ​യും ദരി​ദ്രരെ ചൂഷണം ചെയ്യു​ന്ന​തി​ന്റേ​തു​മായ താഴേ​ക്കുള്ള ഒരു ലോക​ത്തി​ലേ​ക്കുള്ള വഴി. അതാണ്‌ അരാജ​ക​ത്വ​ത്തി​ലേക്കു നയിക്കു​ന്ന​തെന്നു ചിലർ പറയുന്ന പാത.

അല്ലെങ്കിൽ, ഭരണകൂ​ടം സംബന്ധി​ച്ചു ബൈബിൾ പറയുന്ന പ്രകാ​ര​മുള്ള ദൈവിക പരിഹാ​ര​ത്തി​ല​ധി​ഷ്‌ഠി​ത​മായ മെച്ചപ്പെട്ട ലോക​ത്തി​ലേക്കു കയറി​പ്പോ​കുന്ന കഠിന​വും ആത്മത്യാ​ഗ​പ​ര​വു​മായ മറ്റൊരു വഴി. അതു കഠിന​മാ​യി​രി​ക്കു​ന്നത്‌ അതിനു ധാർമിക ധൈര്യ​വും വ്യക്തി​പ​ര​മായ ത്യാഗ​വും ജീവി​ത​ത്തോ​ടുള്ള ഒരു ആത്മീയ വീക്ഷണ​വും ഉദ്ദേശ്യ​പൂർണ​നായ ഒരു ദൈവ​ത്തി​ലുള്ള വിശ്വാ​സ​വും ആവശ്യ​മാ​യി​രി​ക്കു​ന്ന​തു​കൊ​ണ്ടാണ്‌. എന്നാൽ ആ കയറ്റം വിജയ​പ്ര​ദ​മാ​യി​രി​ക്കു​ന്ന​തി​നു മനുഷ്യൻ താഴ്‌മ​യു​ള്ള​വ​നാ​യി​രി​ക്കണം—ദൈവ​ത്തി​ന്റെ മുമ്പാ​കെ​യുള്ള താഴ്‌മ. നീതി​യുള്ള ഭരണത്തി​നാ​യി അവൻ ദൈവ​ത്തി​ലേക്കു തിരി​യണം. അപ്പോ​സ്‌ത​ല​നായ പത്രോസ്‌ ഇങ്ങനെ ബുദ്ധ്യു​പ​ദേ​ശി​ച്ചു. “അതു​കൊ​ണ്ടു അവൻ തക്കസമ​യത്തു നിങ്ങളെ ഉയർത്തു​വാൻ ബലമുള്ള കൈക്കീ​ഴു താണി​രി​പ്പിൻ. അവൻ നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ.”—1 പത്രൊസ്‌ 5:6, 7; വെളി​പ്പാ​ടു 4:11.

ആരാണു വിദ്വേ​ഷ​ത്തി​നു പ്രേര​ണ​യേ​കു​ന്നത്‌?

മനുഷ്യ​നു തനിയെ ഈ ലോകത്തെ മെച്ച​പ്പെ​ടു​ത്താൻ കഴിയു​ക​യില്ല. കാരണം സ്വാർഥ​വും ദുഷ്ടവു​മായ ഘടകങ്ങൾ വളരെ​യ​ധി​ക​വും അതി ശക്തവു​മാണ്‌. “യഹോവേ, മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരേ​യാ​ക്കു​ന്ന​തും സ്വാധീ​നമല്ല എന്നു ഞാൻ അറിയു​ന്നു” എന്നു യിരെ​മ്യാവ്‌ എഴുതി​യതു ശരിയാ​യി​രു​ന്നു. (യിരെ​മ്യാ​വു 10:23) ദൈവ​ത്തെ​ക്കൂ​ടാ​തെ, മുഴു മനുഷ്യ കുടും​ബ​ത്തി​ന്റെ​യും പ്രയോ​ജ​ന​ത്തി​നാ​യി വിജയ​പൂർവം തന്റെ കാലടി​കളെ നയിക്കാൻ മനുഷ്യ​നു കഴിയു​ക​യില്ല. അതെന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ നമ്മുടെ ജന്മസി​ദ്ധ​മായ അപൂർണ​തക്കു പുറമേ, റുവാ​ണ്ട​യിൽ ചെയ്‌ത​തു​പോ​ലെ മനുഷ്യർക്കി​ട​യിൽ രക്തച്ചൊ​രി​ച്ചി​ലി​ന്റെ ഒരു അഴിഞ്ഞാ​ട്ട​ത്തി​നു പ്രേരി​പ്പി​ക്കാൻ അദൃശ്യ ശത്രു​വായ സാത്താൻ എപ്പോ​ഴും തയ്യാറാ​യി നിൽപ്പുണ്ട്‌.—ഉല്‌പത്തി 8:21; മത്തായി 4:1-11.

ആളുക​ളു​ടെ ഹൃദയ​ത്തി​ലും മനസ്സി​ലും മുൻവി​ധി, വിദ്വേ​ഷം, കൊല​പാ​തകം എന്നിവ​യ്‌ക്കു പ്രേര​ണ​യേ​കി​ക്കൊണ്ട്‌ സാത്താൻ ജനതക​ളിൽ ദേശീ​യ​വും വർഗീ​യ​വും മതപര​വു​മായ ശ്രേഷ്‌ഠ​ത​യു​ടെ ആശയങ്ങൾ നട്ടുവ​ളർത്തി​യി​രി​ക്കു​ക​യാണ്‌. അഗാധ​സ്ഥി​ത​മായ ഈ വിദ്വേ​ഷ​വി​ദ്യാ​ഭ്യാ​സം ശൈശവം മുതലേ മാതാ​പി​താ​ക്കൾ വളർത്തി​യെ​ടു​ക്കു​ന്ന​താണ്‌, കാരണം മിക്ക​പ്പോ​ഴും നൂറ്റാ​ണ്ടു​ക​ളാ​യുള്ള പാരമ്പ​ര്യ​ത്താൽ അവരുടെ മനസ്സുകൾ അതിൽ കുടു​ങ്ങി​ക്കി​ട​ക്കു​ക​യാണ്‌. ഈ പാരമ്പ​ര്യ​ത്തെ സ്‌കൂൾ സമ്പ്രദാ​യ​ങ്ങ​ളും മതപര​മായ പഠിപ്പി​ക്ക​ലു​ക​ളും പിന്നെ ഊട്ടി​യു​റ​പ്പി​ക്കു​ന്നു. അങ്ങനെ കോടി​ക്ക​ണ​ക്കി​നാ​ളു​കൾ വളർന്നു​വ​രു​ന്നതു വിദ്വേ​ഷ​വും സ്‌പർധ​യും ഹൃദയ​ത്തിൽ പേറി​ക്കൊ​ണ്ടാണ്‌. തത്വദീ​ക്ഷ​യി​ല്ലാത്ത, മുത​ലെ​ടു​പ്പു നടത്തുന്ന, രാഷ്ട്രീയ, മത നേതാ​ക്കൻമാ​രു​ടെ കൽപ്പന​യി​ങ്കൽ തങ്ങളുടെ സഹമനു​ഷ്യ​നെ​തി​രെ തിരി​യാൻ തക്കവണ്ണം അവരെ ശൈശവം മുതൽ മസ്‌തി​ഷ്‌ക​പ്ര​ക്ഷാ​ളനം ചെയ്‌തു പരുവ​പ്പെ​ടു​ത്തി വെച്ചി​രി​ക്കു​ക​യാണ്‌. ഒഴുകി വരുന്ന യുക്തി​സ​ഹ​മ​ല്ലാത്ത മുദ്രാ​വാ​ക്യ​ങ്ങൾക്കും സം​പ്രേ​ക്ഷണം ചെയ്യ​പ്പെ​ടുന്ന വാർത്താ​ശ​ക​ല​ങ്ങൾക്കും “വംശീയ ശുദ്ധീ​കരണ”ത്തിലോ ഒരു കൂട്ടക്കു​രു​തി​യി​ലോ ചെന്നവ​സാ​നി​ക്കുന്ന ഒരു കാട്ടു​തീ​യ്‌ക്കു തിരി​കൊ​ളു​ത്താൻ കഴിയും.

സമീപ​ഭാ​വി​യിൽ എന്തു സംഭവി​ച്ചേ​ക്കു​മെന്നു സൂചി​പ്പി​ച്ചു​കൊണ്ട്‌ ഇസ്രാ​യേ​ലി​ലെ ഒരു സൈനിക ചരി​ത്ര​കാ​ര​നായ മാർട്ടിൻ വാൻ ക്രെ​വെൽഡ്‌ യുദ്ധത്തിൻ രൂപാ​ന്ത​രീ​ക​രണം (ഇംഗ്ലീഷ്‌) എന്ന പുസ്‌ത​ക​ത്തിൽ ഇങ്ങനെ​യെ​ഴു​തി: “ഇന്നത്തെ പരിസ്ഥി​തി വെച്ചു​നോ​ക്കി​യാൽ” പാശ്ചാ​ത്യ​ലോ​കത്തു “സായുധ യുദ്ധത്തി​നു പ്രേരി​പ്പി​ക്കാൻ, കഴിഞ്ഞ 300 വർഷങ്ങൾക്കി​ട​യിൽ ഏതുസ​മ​യ​ത്തും ഉണ്ടായി​രു​ന്ന​തി​നെ​ക്കാൾ ഏറെ വലിയ പങ്കു മതപര​മായ . . . മതഭ്രാ​ന്തു​കൾ വഹിക്കാ​നുള്ള എല്ലാ സാധ്യ​ത​യും കാണു​ന്നുണ്ട്‌.” അതു​കൊണ്ട്‌, സമാധാ​ന​ത്തി​നോ മനുഷ്യ​വർഗ​ത്തി​ന്റെ ആത്മീയത ഉയർത്തു​ന്ന​തി​നോ ഉള്ള ഒരു ശക്തിയാ​യി​രി​ക്കു​ന്ന​തി​നു പകരം വിദ്വേ​ഷം, യുദ്ധം, കൊല​പാ​തകം എന്നിവയെ തുടർച്ച​യാ​യി ഊട്ടി​വ​ളർത്തുന്ന ഒരു ചരി​ത്ര​പ​ര​മായ പങ്കാണു മതത്തി​നു​ള്ളത്‌.

ഒരു വ്യത്യസ്‌ത ഭാവി വാഗ്‌ദാ​നം ചെയ്യ​പ്പെ​ടു​ന്നു

മനുഷ്യ​വർഗം നീതി​യുള്ള ഒരു പുതിയ ലോക​ത്തിൽ ജീവി​ക്കാൻ യോഗ്യ​രാ​ക​ണ​മെ​ങ്കിൽ “അവൻ [യഹോവ] നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും. . . . അവൻ ജാതി​ക​ളു​ടെ ഇടയിൽ ന്യായം വിധി​ക്ക​യും ബഹുവം​ശ​ങ്ങൾക്കു വിധി കൽപ്പി​ക്ക​യും ചെയ്യും; അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല” എന്ന യെശയ്യാ​വി​ന്റെ പ്രവചനം നിവർത്തി​ക്കു​ന്ന​തിൽ അവർ ഭാഗഭാ​ക്കാ​വണം.—യെശയ്യാ​വു 2:3, 4.

ഈ അത്ഭുത​ക​ര​മായ പ്രവച​ന​ത്തി​നു ലോക​വ്യാ​പ​ക​മാ​യി ഇന്ന്‌ ആരാണ്‌ ചെവി കൊടു​ക്കു​ന്നത്‌? റുവാ​ണ്ട​യിൽ, ഒരു വ്യത്യസ്‌ത വർഗത്തിൽപ്പെട്ട സഹവി​ശ്വാ​സി​കളെ കൊല്ലു​ന്ന​തി​നു​പ​കരം മരണത്തെ സ്വാഗതം ചെയ്‌തവർ ആരായി​രു​ന്നു? ഹിറ്റ്‌ല​റി​ന്റെ സൈന്യ​ത്തിൽ സേവി​ക്കു​ന്ന​തി​നെ​ക്കാൾ നാസി തടങ്കൽപ്പാ​ള​യ​ത്തിൽ കിടന്നു മരിക്കാൻ തയ്യാറാ​യവർ ആരായി​രു​ന്നു? അനേകം രാജ്യ​ങ്ങ​ളിൽ, യുദ്ധം അഭ്യസി​ക്കു​ന്ന​തി​നെ​ക്കാൾ ഭേദം ജയിലു​ക​ളിൽ ജീവിതം കഴിച്ചു കൂട്ടു​ന്ന​താ​ണെന്നു തീരു​മാ​നി​ച്ചവർ ആരാണ്‌? അതു “നിന്റെ മക്കൾ എല്ലാവ​രും യഹോ​വ​യാൽ ഉപദേ​ശി​ക്ക​പ്പെ​ട്ട​വ​രും നിന്റെ മക്കളുടെ സമാധാ​നം വലിയ​തും ആയിരി​ക്കും” എന്ന യെശയ്യാ​വു 54:13-ന്റെ നിവൃത്തി ആസ്വദി​ച്ചി​ട്ടു​ള്ള​വ​രാണ്‌.

ലോക​വ്യാ​പ​ക​മാ​യി യഹോ​വ​യു​ടെ സാക്ഷി​കൾക്ക്‌ ഇപ്പോൾ ആ സമാധാ​ന​മുണ്ട്‌, കാരണം യഹോ​വ​യു​ടെ വചനമാ​കുന്ന ബൈബി​ളി​ന്റെ പഠിപ്പി​ക്കൽ അവർ സ്വീക​രി​ച്ചി​രി​ക്കു​ന്നു. അവർ ക്രിസ്‌തു​യേ​ശു​വി​ന്റെ പഠിപ്പി​ക്ക​ലു​ക​ളും മാതൃ​ക​യും പിൻപ​റ്റു​ന്നു. അവൻ എന്താണു പറഞ്ഞത്‌? “നിങ്ങൾ തമ്മിൽ തമ്മിൽ സ്‌നേ​ഹി​ക്കേണം എന്നൊരു പുതിയ കല്‌പന ഞാൻ നിങ്ങൾക്കു തരുന്നു; ഞാൻ നിങ്ങളെ സ്‌നേ​ഹി​ച്ച​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നുതന്നേ. നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.” (യോഹ​ന്നാൻ 13:34, 35) ഉത്തര അയർലൻഡിൽ മുമ്പു കത്തോ​ലി​ക്ക​രും പ്രൊ​ട്ട​സ്റ്റ​ന്റു​കാ​രു​മാ​യി​രു​ന്നെങ്കി​ലും ഇപ്പോൾ ഒരുമിച്ച്‌ ഐക്യ​ത്തിൽ വേല ചെയ്യുന്ന അളവോ​ളം യഹോ​വ​യു​ടെ സാക്ഷികൾ ഈ സ്‌നേഹം അവിടെ പ്രയോ​ഗ​ത്തിൽ വരുത്തു​ന്നു. മുമ്പു മത​വൈ​രി​ക​ളാ​യി​രു​ന്നെ​ങ്കി​ലും ഇപ്പോ​ഴവർ ഇസ്രാ​യേ​ലി​ലും ലെബ​നോ​നി​ലും മറ്റു ദേശങ്ങ​ളി​ലും ക്രിസ്‌ത്യാ​നി​ക​ളെ​ന്ന​നി​ല​യിൽ സഹകരി​ക്കു​ന്നു. അവർ മേലാൽ യുദ്ധം അഭ്യസി​ക്കു​ന്നില്ല. ലോക​ത്തി​ലുള്ള സകലരും യേശു​വി​ന്റെ വാക്കുകൾ കേട്ട്‌ അവ തങ്ങളുടെ ജീവി​ത​ത്തിൽ ബാധക​മാ​ക്കി​യി​രു​ന്നെ​ങ്കിൽ അത്‌ എത്ര വ്യത്യ​സ്‌ത​മാ​യി​രി​ക്കു​മാ​യി​രു​ന്നു!

ദൈവം വാഗ്‌ദത്തം ചെയ്‌ത പുതിയ ലോകം, ഒരു സ്വർഗീയ ഗവൺമെൻറി​നാൽ ഭരിക്ക​പ്പെ​ടുന്ന ലോകം, ആസന്നമാ​ണെന്നു യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. ഇത്തര​മൊ​രു ശുഭ​പ്ര​തീ​ക്ഷ​യ്‌ക്ക്‌ അവർക്ക്‌ എന്തടി​സ്ഥാ​ന​മാ​ണു​ള്ളത്‌?

ദൈവം വാഗ്‌ദത്തം ചെയ്‌ത നിർണാ​യക നടപടി

അനുസ​ര​ണ​മുള്ള സകല മനുഷ്യ​വർഗ​ത്തി​നും​വേണ്ടി ദൈവം ഒരു നീതി​യുള്ള ഭരണം തന്റെ വചനമായ ബൈബി​ളിൽ വാഗ്‌ദത്തം ചെയ്‌തി​രി​ക്കു​ന്നു. ഈ വ്യവസ്ഥി​തി​യു​ടെ സമാപ​ന​ത്തി​ങ്കൽ സ്ഥിരവും നീതി​യു​ള്ള​തു​മായ ഒരു ഗവൺമെന്റു സ്ഥാപി​ക്കു​മെന്ന്‌ അവൻ തന്റെ പ്രവാ​ച​ക​നായ ദാനി​യേൽ മുഖാ​ന്തരം വാഗ്‌ദാ​നം ചെയ്‌തു. “ഈ രാജാ​ക്കൻമാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരു നാളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” (ദാനീ​യേൽ 2:44) “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ; നിന്റെ രാജ്യം വരേണമേ; നിന്റെ ഇഷ്‌ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന തന്റെ വിഖ്യാ​ത​മായ പ്രാർഥ​ന​യിൽ, യാചി​ക്കാൻ യേശു വിശ്വാ​സി​കളെ പഠിപ്പിച്ച രാജ്യ​ഭ​ര​ണ​വും ഇതുത​ന്നെ​യാണ്‌.—മത്തായി 6:9, 10.

ആ പ്രാർഥ​ന​യിൽ നാം ദൈവ​ത്തോട്‌ അവന്റെ നീതി​ഭ​ര​ണ​ത്തോ​ടു ബന്ധപ്പെട്ട വാഗ്‌ദ​ത്തങ്ങൾ നിവർത്തി​ക്കാൻ യാചി​ക്കു​ക​യാണ്‌. കാരണം നമുക്ക​റി​യാം ദൈവ​ത്തി​നു നുണ പറയാൻ കഴിയി​ല്ലെന്ന്‌. “ഭോഷ്‌കി​ല്ലാത്ത ദൈവം സകല കാലത്തി​ന്നും മുമ്പെ വാഗ്‌ദത്തം ചെയ്‌ത നിത്യ​ജീവ”നെക്കു​റിച്ച്‌ പൗലോസ്‌ സംസാ​രി​ച്ചു. (തീത്തൊസ്‌ 1:2; എബ്രായർ 6:17, 18) ദൈവം എന്താണു വാഗ്‌ദത്തം ചെയ്‌തി​രി​ക്കു​ന്നത്‌? പത്രൊസ്‌ അപ്പോ​സ്‌തലൻ മറുപടി നൽകുന്നു: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.”—2 പത്രൊസ്‌ 3:13; യെശയ്യാ​വു 65:17; വെളി​പ്പാ​ടു 21:1-4.

ആ നീതി​ഭ​രണം ഇവിടെ ഭൂമി​യിൽ പൂർണ​മാ​യി ആസ്വദി​ക്കാൻ കഴിയു​ന്ന​തി​നു മുമ്പ്‌ ഒരു വൻ ശുദ്ധീ​ക​രണം നടക്കേ​ണ്ട​തുണ്ട്‌. സാത്താ​ന്റെ​യും അവന്റെ ദുഷ്ട സൈന്യ​ങ്ങ​ളു​ടെ​യും ലോകത്തെ ശുദ്ധീ​ക​രി​ക്കു​ന്ന​തി​നുള്ള ഈ നടപടി പെട്ടെ​ന്നു​തന്നെ നടക്കു​മെന്നു ബൈബിൾ പ്രവച​നങ്ങൾ ഒരു​പോ​ലെ സൂചന നൽകു​ന്നുണ്ട്‌. (മത്തായി 24-ാം അധ്യായം; ലൂക്കൊസ്‌ 21-ാം അധ്യായം; മർക്കൊസ്‌ 13-ാം അധ്യായം എന്നിവ കാണുക.) ശുദ്ധീ​ക​ര​ണ​ത്തി​ന്റെ ഈ അന്തിമ നടപടി​യെ​യാണ്‌ അർമ​ഗെ​ദോൻ യുദ്ധം അഥവാ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധം” എന്നു വിളി​ക്കു​ന്നത്‌.—വെളി​പ്പാ​ടു 16:14, 16.

ആരൊക്കെ എന്തൊക്കെ വിചാ​രി​ച്ചാ​ലും കൊള്ളാം, 2000-ാമാണ്ട്‌ സുപ്ര​ധാ​ന​മായ ഒന്നല്ല. കാരണം, ക്രൈ​സ്‌ത​വ​ലോ​ക​ത്തി​നല്ലേ അത്‌ അർഥവ​ത്താ​യി​രി​ക്കു​ന്നു​ള്ളൂ. മറ്റു മതവി​ശ്വാ​സി​കൾക്കു തങ്ങളു​ടേ​തായ കാലഗ​ണ​ന​ക​ളുണ്ട്‌. എന്നാൽ പ്രാധാ​ന്യ​മുള്ള സംഗതി “നന്മയും പ്രസാ​ദ​വും പൂർണ്ണ​ത​യു​മുള്ള ദൈവ​ഹി​തം” എന്താ​ണെന്നു നിങ്ങൾ സ്വയം തെളി​യി​ക്കേ​ണ്ട​തി​നു ദൈവ​ത്തി​ലേ​ക്കും അവന്റെ വചനത്തി​ലേ​ക്കും തിരി​യു​ന്ന​തി​നുള്ള സമയം ഇപ്പോ​ഴാണ്‌ എന്നതാണ്‌. (റോമർ 12:1, 2) തിര​ഞ്ഞെ​ടു​ക്കു​ന്ന​തി​നുള്ള നിങ്ങളു​ടെ സമയം ഇപ്പോ​ഴാ​ണെ​ന്ന​താ​ണു പ്രസക്ത​മായ സംഗതി—ഒന്നുകിൽ ദൈവാ​നു​ഗ്ര​ഹ​മുള്ള ഒരു ഭാവി​യി​ലേക്കു മുന്നേ​റുക അല്ലെങ്കിൽ സാത്താന്റെ ലോകം വെച്ചു​നീ​ട്ടുന്ന നിരാ​ശ​യു​ടെ പാതയിൽ തുടരുക. ദൈവ​ത്തി​ന്റെ മാർഗം തിര​ഞ്ഞെ​ടു​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. ജീവനെ തിര​ഞ്ഞെ​ടു​ത്തു​കൊൾക!—ആവർത്ത​ന​പു​സ്‌തകം 30:15, 16.

[14-ാം പേജിലെ ആകർഷ​ക​വാ​ക്യം]

“നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.”—2 പത്രൊസ്‌ 3:13

[13-ാം പേജിലെ ചിത്രം]

ദൈവരാജ്യഭരണത്തിൻ കീഴിൽ മാത്രമേ രാഷ്ട്ര​ങ്ങൾക്കു വാസ്‌ത​വ​ത്തിൽ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർക്കാൻ കഴിയൂ