നമ്മുടെ മാറുന്ന ലോകം—ഭാവി യഥാർത്ഥ​ത്തിൽ എന്താണു കരുതി​യി​രി​ക്കു​ന്നത്‌?

നമ്മുടെ ലോകം മെച്ച​പ്പെ​ട​ണ​മെ​ങ്കിൽ നമുക്ക്‌ എന്തു തിര​ഞ്ഞെ​ടു​പ്പിൻ സാദ്ധ്യ​ത​ക​ളാ​ണു​ള്ളത്‌? ലോക​ത്തി​ലെ ഭരണാ​ധി​കാ​രി​ക​ളും നേതാ​ക്ക​ളും കാല​ക്ര​മ​ത്തിൽ പരക്ഷേ​മ​കാം​ക്ഷ​യു​ള്ള​വ​രാ​യി​ത്തീ​രു​മെ​ന്നും മനുഷ്യ​വർഗ്ഗത്തെ പരസ്‌പര സഹിഷ്‌ണു​ത​യു​ടെ​യും വിവേ​ക​ത്തി​ന്റെ​യും സമാധാ​ന​ത്തി​ന്റെ​യും വഴിക​ളി​ലേക്കു നയിക്കു​മെ​ന്നും വിശ്വ​സി​ക്കുക എന്നതാണ്‌ ഒന്ന്‌.

അതിന്റെ അർത്ഥം വർഗ്ഗീ​യ​ത​യും ദേശീ​യ​ത​യും തുടച്ചു​നീ​ക്ക​പ്പെ​ടു​മെ​ന്നും പകരം ലോക​ത്തിൽ യോജി​പ്പു കൈവ​രു​ത്താൻ കഴിയുന്ന ഒരു ദേശീ​യാ​തീത മനോ​ഭാ​വം പുനഃ​സ്ഥാ​പി​ക്കാൻ കഴിയു​മെ​ന്നും വിശ്വ​സി​ക്കു​ക​യെ​ന്നാണ്‌.

അതിൽ, വൻതോ​തി​ലുള്ള തൊഴി​ലി​ല്ലാ​യ്‌മ​യു​ടേ​യും ഭവനരാ​ഹ​ത്യ​ത്തി​ന്റേ​യും ഭീമമായ ചികിത്സാ ബില്ലു​ക​ളു​ടേ​തു​മായ ഒരു ലോക​ത്തിൽ ലാഭമു​ണ്ടാ​ക്കുക എന്ന ഒരൊററ ഉദ്ദേശ്യം അപര്യാ​പ്‌ത​മായ ഒരു നീതി​സം​ഹി​ത​യാ​ണെന്നു മുതലാ​ളിത്ത സമ്പത്‌വ്യ​വ​സ്ഥ​ക​ളു​ടെ നേതാക്കൾ തിരി​ച്ച​റി​യു​മെന്ന വിശ്വാ​സ​വും ഉൾപ്പെ​ടു​ന്നു.

കൂടു​ത​ലാ​യി, ലോക​ത്തി​ലെ സകല ആയുധ​നിർമ്മാ​താ​ക്ക​ളും ലോക​സ​മാ​ധാ​ന​ത്തി​നു​വേണ്ടി ഉൽക്കട​മാ​യി ആഗ്രഹി​ക്കാൻ തുടങ്ങു​മെ​ന്നും തങ്ങളുടെ വാളുകൾ കൊഴു​ക്ക​ളാ​യി അടിച്ചു​തീർക്കു​മെ​ന്നും വിശ്വ​സി​ക്കു​ന്ന​തും അതിൽ ഉൾപ്പെ​ടു​ന്നു.

അതും​കൂ​ടാ​തെ, അധോ​ലോ​ക​നാ​യ​കൻമാ​രും പൗരസ്‌ത്യ അക്രമ​സം​ഘ​ങ്ങ​ളു​ടെ നേതാ​ക്ക​ളും തെക്കേ അമേരി​ക്ക​യി​ലെ മയക്കു​മ​രു​ന്നു രാജാ​ക്കൻമാ​രും ഉൾപ്പെടെ ലോക​ത്തി​ലെ കുററ​കൃ​ത്യ​ങ്ങൾ നടത്തുന്ന ഘടകങ്ങൾ പശ്ചാത്ത​പി​ക്കു​ക​യും മെച്ചമാ​യി പെരു​മാ​റി​ത്തു​ട​ങ്ങു​ക​യും ചെയ്യു​മെന്ന്‌ അത്‌ അർത്ഥമാ​ക്കു​ന്നു.

മററു വാക്കു​ക​ളിൽ പറഞ്ഞാൽ, മനുഷ്യ​നിർമ്മി​ത​മായ ഒരു ആദർശ​രാ​ഷ്‌ട്ര​ത്തിൽ—അസംഭ​വ്യ​മായ ഒരു സ്വപ്‌നം—വിശ്വ​സി​ക്കു​ന്ന​തി​നെ അതർത്ഥ​മാ​ക്കു​ന്നു. ഈ സമവാ​ക്യ​ത്തിൽനി​ന്നു ദൈവത്തെ മാററി നിർത്തി​യാൽ, അപ്പോൾ നാം ചരി​ത്ര​കാ​ര​നായ പോൾ ജോൺസൺ ആധുനിക ലോക​ത്തി​ന്റെ ഒരു ചരിത്രം (A History of the Modern World)എന്ന തന്റെ പുസ്‌ത​ക​ത്തിൽ വിവരി​ച്ചി​രി​ക്കു​ന്ന​തി​നോ​ടു സമാന​മായ ഒരു സാഹച​ര്യ​ത്തി​ലാ​യി​രി​ക്കും. നമ്മുടെ നൂററാ​ണ്ടി​ലെ “അത്യാ​പ​ത്‌ക​ര​മായ പരാജ​യ​ങ്ങൾക്കും ദുരന്ത​സം​ഭ​വ​ങ്ങൾക്കും” സംഭാവന ചെയ്യുന്ന അടിസ്ഥാന തിൻമ​ക​ളി​ലൊന്ന്‌ “പരസഹാ​യ​മി​ല്ലാ​തെ തങ്ങളു​ടെ​മാ​ത്രം ബുദ്ധി​ശ​ക്തി​കൾകൊ​ണ്ടു പുരു​ഷൻമാർക്കും സ്‌ത്രീ​കൾക്കും പ്രപഞ്ച​ത്തി​ലെ സകല ഗഹനവി​ഷ​യ​ങ്ങ​ളും വ്യക്തമാ​ക്കാൻ കഴിയു​മെന്ന ഗർവിഷ്‌ഠ ധാരണ”യാണെന്ന്‌ അദ്ദേഹം എഴുതി.—യെശയ്യാ​വു 2:2-4 താരത​മ്യം ചെയ്യുക.

എന്നിരു​ന്നാ​ലും, ക്രിയാ​ത്മ​ക​മായ മാററ​ത്തി​നു സാധു​വായ മറെറാ​രു തിര​ഞ്ഞെ​ടു​പ്പുണ്ട്‌. അതു ഭൂമി​യു​ടെ സ്രഷ്ടാവ്‌, നമ്മുടെ ഗ്രഹത്തി​ന്റെ ഉടമ, മാററ​ത്തി​ന്റെ മഹാശി​ല്‌പി, ആയ യഹോ​വ​യാം ദൈവം തന്റെ കൈ​വേ​ലയെ രക്ഷിക്കു​ന്ന​തി​നു മനുഷ്യ​കാ​ര്യ​ങ്ങ​ളിൽ ഇടപെ​ടു​മെന്നു വിശ്വ​സി​ക്കു​ന്ന​താണ്‌. കഴിഞ്ഞ കാലങ്ങ​ളിൽ ദൈവം തന്റെ ഉദ്ദേശ്യ​ങ്ങൾ പുരോ​ഗ​മി​പ്പി​ക്കു​ന്ന​തി​നു നടപടി​കൾ സ്വീക​രി​ച്ചി​ട്ടു​ണ്ടെന്നു ബൈബിൾ ചരിത്രം പ്രകട​മാ​ക്കു​ന്നു. മനുഷ്യ​വർഗ്ഗ​ത്തെ​ക്കു​റി​ച്ചും ഭൂമി​യെ​ക്കു​റി​ച്ചു​മുള്ള തന്റെ ആദി​മോ​ദ്ദേ​ശ്യം നിവർത്തി​ക്കു​ന്ന​തി​നു ദൈവം വീണ്ടും നടപടി​കൾ സ്വീക​രി​ക്കു​മെ​ന്നും ബൈബിൾ പ്രവച​നങ്ങൾ സൂചി​പ്പി​ക്കു​ന്നു.—യെശയ്യാ​വു 45:18.

ആശ്രയ​യോ​ഗ്യ​മായ വിവര​ങ്ങ​ളു​ടെ ഒരു അതിവി​ശിഷ്ട ഉറവിടം

മനുഷ്യ​വർഗ്ഗ​ത്തി​നു​വേണ്ടി ഭാവി കരുതി​യി​രി​ക്കു​ന്നതു സംബന്ധിച്ച യഥാർത്ഥ വിജ്ഞാ​ന​ത്തി​ന്റെ വിശി​ഷ്ട​മായ ഉറവി​ടത്തെ ബൈബിൾ പ്രവാ​ച​ക​നായ യെശയ്യാ​വു വർണ്ണി​ച്ചി​രി​ക്കു​ന്നു: “പണ്ടുള്ള പൂർവ്വ​കാ​ര്യ​ങ്ങളെ ഓർത്തു​കൊൾവിൻ; ഞാനല്ലാ​തെ വേറൊ​രു ദൈവ​മില്ല; ഞാൻ തന്നേ ദൈവം, എന്നെ​പ്പോ​ലെ ഒരുത്ത​നു​മില്ല. ആരംഭ​ത്തി​ങ്കൽ തന്നേ അവസാ​ന​വും പൂർവ്വ​കാ​ലത്തു തന്നേ മേലാൽ സംഭവി​പ്പാ​നു​ള്ള​തും ഞാൻ പ്രസ്‌താ​വി​ക്കു​ന്നു.”—യെശയ്യാ​വു 46:9-11.

മനുഷ്യ​വർഗ്ഗ​ത്തെ ബാധി​ക്കാ​നി​രി​ക്കുന്ന സംഭവ​ങ്ങ​ളെ​ക്കു​റി​ച്ചു ദൈവ​ത്തി​നു മുന്നറി​വു​ണ്ടാ​യി​രി​ക്കേ​ണ്ടത്‌ എന്തു​കൊ​ണ്ടാണ്‌? വീണ്ടും യെശയ്യാ​വു ഉത്തരം പറയുന്നു: “ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ എന്റെ വഴികൾ നിങ്ങളു​ടെ വഴിക​ളി​ലും എന്റെ വിചാ​രങ്ങൾ നിങ്ങളു​ടെ വിചാ​ര​ങ്ങ​ളി​ലും ഉയർന്നി​രി​ക്കു​ന്നു.” മനുഷ്യ​വർഗ്ഗ​ത്തി​ന്റെ ഭാവിയെ സംബന്ധിച്ച ദൈവ​ത്തി​ന്റെ ചിന്തകൾ ബൈബി​ളിൽ വ്യക്തമാ​ക്കി​യി​രി​ക്കു​ന്നു.—യെശയ്യാ​വു 55:9.

“ഇടപെ​ടാൻ പ്രയാ​സ​ക​ര​മായ കാലങ്ങൾ”

നമ്മുടെ തലമു​റ​ക്കു​വേണ്ടി ദൈവ​വ​ച​ന​മായ ബൈബിൾ എന്താണു മുൻകൂ​ട്ടി​പ്പ​റ​ഞ്ഞി​രി​ക്കു​ന്നത്‌? ക്രിസ്‌തീയ അപ്പോ​സ്‌ത​ല​നായ പൗലോസ്‌ ഇങ്ങനെ മുന്നറി​യി​പ്പു നൽകി: “എന്നാൽ ഇതറി​യുക, അന്ത്യനാ​ളു​ക​ളിൽ ഇവിടെ ഇടപെ​ടാൻ പ്രയാ​സ​ക​ര​മായ സമയങ്ങൾ ഉണ്ടാകും.” (2 തിമൊ​ഥെ​യൊസ്‌ 3:1, NW) ആയിര​ത്തി​ത്തൊ​ള്ളാ​യി​ര​ത്തി​പ​തി​നാ​ലി​നും ഒന്നാം ലോക​മ​ഹാ​യു​ദ്ധ​ത്തി​നും ശേഷം എപ്പോ​ഴും കൂടുതൽ കൂടുതൽ പ്രയാ​സ​ക​ര​മാ​യി​ത്തീർന്നി​രി​ക്കുന്ന സമയങ്ങ​ളി​ലാ​ണു നാം ജീവി​ക്കു​ന്നത്‌. മമനു​ഷ്യ​ന്റെ സ്വാർത്ഥ​ത​യും അത്യാ​ഗ്ര​ഹ​വും അധികാ​ര​മോ​ഹ​വും അവനെ സഹമനു​ഷ്യർക്കെ​തി​രേ മാത്രമല്ല, പ്രകൃ​തി​ക്കെ​തി​രേ​പോ​ലും കൂടുതൽ കൂടുതൽ വഷളായ മഹാപാ​ത​കങ്ങൾ ചെയ്യു​ന്ന​തി​ലേക്കു നയിച്ചി​രി​ക്കു​ന്നു. മനുഷ്യൻ പരിസ്ഥി​തി​യോ​ടു കാട്ടുന്ന അനാസ്ഥ അവന്റെ മക്കളു​ടെ​യും പേരക്കു​ട്ടി​ക​ളു​ടെ​യും ഭാവി​അ​സ്‌തി​ത്വ​ത്തെ ഭീഷണി​പ്പെ​ടു​ത്തു​ക​യാണ്‌.

ചെക്കോ​സ്ലൊ​വാ​ക്യ​യി​ലെ മുൻപ്ര​സി​ഡണ്ട്‌ വാട്‌സ്ലാഫ്‌ ഹാഫെൽ ആ രാജ്യത്തെ അവസ്ഥക​ളെ​ക്കു​റി​ച്ചു എഴുതി​യ​പ്പോൾ ഈ അത്യാ​സ​ന്ന​മായ അപകടം എടുത്തു​പ​റഞ്ഞു. അദ്ദേഹ​ത്തിൻറ വാക്കുകൾ ഫലത്തിൽ ലോക​വ്യാ​പ​ക​മാ​യി ബാധക​മാണ്‌: “ഇവ ലോക​ത്തോട്‌, പ്രകൃ​തി​യോട്‌, മററു മനുഷ്യ​രോട്‌, എന്തിന്‌, ജീവ​നോ​ടു​ത​ന്നെ​യു​മുള്ള മമനു​ഷ്യ​ന്റെ മനോ​ഭാ​വ​ത്തി​ന്റെ . . . പരിണ​ത​ഫ​ലങ്ങൾ മാത്ര​മാണ്‌. ഇവ . . . താൻ എല്ലാം ഗ്രഹി​ക്കു​ന്നു​വെ​ന്നും എല്ലാം അറിയു​ന്നു​വെ​ന്നും വിശ്വ​സി​ക്കു​ക​യും പ്രപഞ്ച​ത്തി​ന്റെ​യും ലോക​ത്തി​ന്റെ​യും അധിപ​നെന്നു സ്വയം വിളി​ക്കു​ക​യും ചെയ്യുന്ന ആധുനിക മമനു​ഷ്യ​ന്റെ ഔദ്ധത്യ​ത്തി​ന്റെ പരിണ​ത​ഫ​ല​ങ്ങ​ളാണ്‌. . . . തന്നെക്കാൾ ഉയർന്ന . . . എന്തി​നെ​യും അംഗീ​ക​രി​ക്കാൻ വിസമ്മ​തി​ക്കുന്ന മമനു​ഷ്യ​ന്റെ ചിന്ത ഇപ്രകാ​ര​മാ​യി​രു​ന്നു.”

നേരത്തെ ഉദ്ധരിച്ച അൽ ഗോർ ഇങ്ങനെ എഴുതി: “അനവധി ആളുകൾക്കു ഭാവി​യേ​ക്കു​റി​ച്ചുള്ള തങ്ങളുടെ വിശ്വാ​സം നഷ്ടപ്പെ​ട്ടി​രി​ക്കു​ന്നു​വെന്ന്‌ എനിക്കു ബോദ്ധ്യ​മാ​യി​രി​ക്കു​ന്നു, കാരണം ഫലത്തിൽ നമ്മുടെ സംസ്‌കാ​ര​ത്തി​ന്റെ എല്ലാ വശങ്ങളി​ലും നമ്മുടെ ഭാവി വാസ്‌ത​വ​ത്തിൽ വളരെ സംശയ​ക​ര​മാ​യി​രി​ക്കു​ന്ന​തി​നാൽ ഇപ്പോ​ഴത്തെ ആവശ്യ​ങ്ങ​ളി​ലും ഹ്രസ്വ​കാല പ്രശ്‌ന​ങ്ങ​ളി​ലും മാത്രം ശ്രദ്ധ പതിപ്പി​ക്കു​ന്നതു കൂടുതൽ ബുദ്ധി​പൂർവ്വ​ക​മാണ്‌ എന്നതു​പോ​ലെ നാം പ്രവർത്തി​ച്ചു​പോ​കു​ക​യാണ്‌.” (തുലാ​സ്സിൽ തൂങ്ങുന്ന ഭൂമി, Earth in the Balance) തീർച്ച​യാ​യും, ഭാവി​യെ​സം​ബ​ന്ധിച്ച അശുഭ​പ്ര​തീക്ഷ പ്രബല​പ്പെ​ട്ടി​രി​ക്കുന്ന ഒരു മനോ​ഭാ​വ​മാ​ണെന്നു തോന്നു​ന്നു.

ഈ അവസ്ഥ സംജാ​ത​മാ​യതു ഭാഗി​ക​മാ​യി പൗലോ​സി​ന്റെ അടുത്ത വാക്കുകൾ നിവർത്തി​യേ​റി​യി​രി​ക്കു​ന്ന​തു​കൊ​ണ്ടാണ്‌: “മനുഷ്യർ സ്വസ്‌നേ​ഹി​ക​ളും പണസ്‌നേ​ഹി​ക​ളും സ്വയം ഉയർത്തി​ക്കാ​ട്ടു​ന്ന​വ​രും അഹങ്കാ​രി​ക​ളും ദൂഷണം പറയു​ന്ന​വ​രും അമ്മയപ്പൻമാ​രെ അനുസ​രി​ക്കാ​ത്ത​വ​രും നന്ദിയി​ല്ലാ​ത്ത​വ​രും അവിശ്വ​സ്‌ത​രും സ്വാഭാ​വി​ക​പ്രി​യ​മി​ല്ലാ​ത്ത​വ​രും യാതൊ​രു യോജി​പ്പി​നും വഴങ്ങാ​ത്ത​വ​രും ഏഷണി​പ​റ​യു​ന്ന​വ​രും ആത്മനി​യ​ന്ത്ര​ണ​മി​ല്ലാ​ത്ത​വ​രും ക്രൂര​രും നൻമയെ സ്‌നേ​ഹി​ക്കാ​ത്ത​വ​രും ചതിക്കു​ന്ന​വ​രും താന്തോ​ന്നി​ക​ളും നിഗളി​ക​ളും ദൈവ​പ്രി​യ​ത്തി​നു​പ​കരം ഉല്ലാസ​പ്രി​യ​രും ദൈവി​ക​ഭ​ക്തി​യു​ടെ വേഷമു​ണ്ടെ​ങ്കി​ലും അതിന്റെ ശക്തിയി​ല്ലെന്നു തെളി​യി​ക്കു​ന്ന​വ​രു​മാ​യി​രി​ക്കും; അങ്ങനെ​യു​ള്ള​വരെ വിട്ടൊ​ഴി​യുക.”—2 തിമൊ​ഥെ​യൊസ്‌ 3:2-5, NW.

ഒരു മെച്ചപ്പെട്ട തിര​ഞ്ഞെ​ടുപ്പ്‌

എന്നാൽ ഭൂമി​യി​ലെ കാര്യങ്ങൾ മെച്ച​പ്പെ​ട​ണ​മെന്നു ദൈവം ഉദ്ദേശി​ച്ചി​രി​ക്കു​ന്നു. “നീതി വസിക്കുന്ന പുതിയ ആകാശ​വും പുതിയ ഭൂമി​യും” താൻ കൊണ്ടു​വ​രു​മെന്ന്‌ അവിടു​ന്നു വാഗ്‌ദത്തം ചെയ്‌തി​രി​ക്കു​ന്നു. (2 പത്രൊസ്‌ 3:13) മലിനീ​ക​രി​ക്ക​പ്പെട്ട ഈ ഭൂമിയെ ഒരു പറുദീ​സ​യു​ടെ അവസ്ഥയി​ലേക്കു പുനഃ​സ്ഥാ​പി​ക്കു​ന്ന​തിന്‌, യഹോ​വ​യാം ദൈവം ആദ്യം “ഭൂമിയെ നശിപ്പി​ക്കു​ന്ന​വരെ നശിപ്പി​ക്കണം.” (വെളി​പ്പാ​ടു 11:18) ഇതെങ്ങ​നെ​യാ​ണു സംഭവി​ക്കാൻ പോകു​ന്നത്‌?

പ്രതീ​കാ​ത്മക ഭാഷ ഉപയോ​ഗി​ച്ചു​കൊണ്ട്‌, മനുഷ്യ​വർഗ്ഗ​ച​രി​ത്ര​ത്തിൽ ഒരുപക്ഷേ ഏററവും നിഷേ​ധാ​ത്മ​ക​മായ ശക്തിയു​ടെ—ഭൂവ്യാ​പ​ക​മായ മതത്തിന്റെ ദേശീ​യ​ത്വ​പ​ര​വും വിഭാ​ഗീ​യ​വു​മായ സ്വാധീ​ന​ത്തി​ന്റെ—അധികാ​ര​വും പ്രശസ്‌തി​യും നശിപ്പി​ക്കാൻ ദൈവം ഐക്യ​രാ​ഷ്‌ട്രങ്ങൾ ഉൾപ്പെ​ടെ​യുള്ള രാഷ്‌ട്രീയ ഘടകങ്ങളെ തോന്നി​ക്കു​മെന്നു ബൈബിൾ സൂചി​പ്പി​ക്കു​ന്നു.a യുദ്ധത്തി​ന്റെ രൂപാ​ന്തരം (The Transformation of War) എന്ന തന്റെ പുസ്‌ത​ക​ത്തിൽ മാർട്ടിൻ ഫാൻ ക്രേ​ഫെൽഡ്‌ പറയു​ന്ന​ത​ന​സു​രി​ച്ചു “കഴിഞ്ഞ 300 വർഷങ്ങ​ളാ​യി കുറഞ്ഞ​പക്ഷം പാശ്ചാ​ത്യ​നാ​ടു​ക​ളിൽ സായുധ യുദ്ധത്തി​നു കൊടു​ക്കുന്ന പ്രേര​ണ​യിൽ മതപര​മായ മനോ​ഭാ​വ​ങ്ങ​ളും വിശ്വാ​സ​ങ്ങ​ളും ഭ്രാന്ത​മായ ചിന്താ​ഗ​തി​ക​ളും വഹിച്ചി​ട്ടു​ള്ള​തി​നെ​ക്കാൾ വലിയ തോതി​ലുള്ള പങ്ക്‌ ഇനി അവ വഹിക്കാ​നുള്ള എല്ലാ സാദ്ധ്യ​ത​യും കാണു​ന്നുണ്ട്‌.” രാഷ്‌ട്രീ​യ​ത്തിൽ ഇടപെ​ടു​ന്ന​തു​കൊ​ണ്ടാ​യി​രി​ക്കാം, മതം രാഷ്‌ട്രീ​യ​ശ​ക്തി​ക​ളാൽ ക്ലേശമ​നു​ഭ​വി​ക്കാൻ പോകു​ക​യാണ്‌. എന്നുവ​രി​കി​ലും ആ ശക്തികൾ തങ്ങളറി​യാ​തെ​തന്നെ ദൈ​വേ​ഷ്ട​മാ​യി​രി​ക്കും നിവർത്തി​ക്കുക.—വെളി​പ്പാ​ടു 17:16, 17; 18:21, 24.

ദൈവം അടുത്ത​താ​യി സാത്താന്റെ അഴിമതി നിറഞ്ഞ ലോക​വ്യ​വ​സ്ഥി​തി​യി​ലെ ചൂഷണം ചെയ്യു​ന്ന​തും മൃഗസ​മാ​ന​വു​മായ രാഷ്‌ട്രീയ ഘടകങ്ങ​ളി​ലേക്കു തന്റെ ശ്രദ്ധ തിരി​ക്കു​മെ​ന്നും അവരെ തന്റെ അന്ത്യയു​ദ്ധ​ത്തിൽ അഥവാ അർമ്മ​ഗ്ഗെ​ദ്ദോൻ യുദ്ധത്തിൽ ഉൾപ്പെ​ടു​ത്തു​മെ​ന്നും ബൈബിൾ പ്രകട​മാ​ക്കു​ന്നു. ക്രൂര​മായ രാഷ്‌ട്രീയ ക്രമങ്ങ​ളെ​യും അവയുടെ വിദഗ്‌ദ്ധ സൂത്ര​ധാ​ര​നായ സാത്താ​നെ​യും നീക്കം ചെയ്‌ത​ശേഷം, ദൈവം വാഗ്‌ദത്തം ചെയ്‌തി​രി​ക്കുന്ന സമാധാ​ന​പൂർണ്ണ​മായ പുതിയ ലോക​ത്തി​നു പാത തടസ്സര​ഹി​ത​മാ​യി​രി​ക്കും.b—വെളി​പ്പാ​ടു 13:1, 2; 16:14-16.

വരാൻപോ​കു​ന്ന ഈ മാററ​ങ്ങ​ളെ​ക്കു​റി​ച്ചു യഹോ​വ​യു​ടെ സാക്ഷികൾ ഏതാണ്ട്‌ 80 വർഷ​ത്തോ​ള​മാ​യി വീടു​തോ​റും പ്രസം​ഗി​ച്ചു​കൊ​ണ്ടാ​ണി​രി​ക്കു​ന്നത്‌. ഈ കാലഘ​ട്ട​ത്തിൽ മനുഷ്യ​വർഗ്ഗം വരുത്തി​യി​ട്ടുള്ള മാററങ്ങൾ അവരും കാണു​ക​യും അനുഭ​വി​ക്കു​ക​യും ചെയ്‌തി​രി​ക്കു​ന്നു. തങ്ങളുടെ ബൈബി​ള​ധി​ഷ്‌ഠിത തത്ത്വങ്ങൾ നിമിത്തം അവർ നാസി ജയിലു​ക​ളി​ലും തടങ്കൽപാ​ള​യ​ങ്ങ​ളി​ലും ദുരി​ത​മ​നു​ഭ​വി​ച്ചി​രി​ക്കു​ന്നു. ആഫ്രി​ക്ക​യി​ലെ പല ഭാഗങ്ങ​ളിൽ ആഭ്യന്ത​ര​യു​ദ്ധ​ങ്ങ​ളും വർഗ്ഗീ​യ​ല​ഹ​ള​ക​ളും ഉൾപ്പെ​ടെ​യുള്ള ജീവി​ത​ത്തി​ലെ യാതന​ക​ളും കഷ്ടതക​ളും അവർ അനുഭ​വി​ച്ചി​രി​ക്കു​ന്നു. തങ്ങളുടെ നിഷ്‌പ​ക്ഷ​ത​യും തീക്ഷ്‌ണ​മായ പ്രസം​ഗ​പ്ര​വർത്ത​ന​വും നിമിത്തം അവർ രാഷ്‌ട്രീ​യ​വും മതപര​വു​മായ മിക്ക സംഘട​നാ​പ​ദ്ധ​തി​ക​ളാ​ലുള്ള പീഡനം സഹിച്ചു​നി​ന്നി​ട്ടുണ്ട്‌. ഇതെല്ലാ​മു​ണ്ടാ​യി​ട്ടും അവർ തങ്ങളുടെ ആഗോള വിദ്യാ​ഭ്യാ​സ​വേ​ല​യു​ടെ​മേൽ ദൈവ​ത്തി​ന്റെ അനു​ഗ്രഹം കണ്ടിരി​ക്കു​ന്നു. കാരണം 1914-ലെ ഏതാനും ആയിര​ങ്ങ​ളിൽനി​ന്നു 1993 ആയപ്പോ​ഴേക്ക്‌ അവർ ഏതാണ്ടു 45 ലക്ഷമായി വളർന്നി​രി​ക്കു​ന്നു.

ശുഭാ​പ്‌തി​വി​ശ്വാ​സ​ത്തി​നുള്ള കാരണങ്ങൾ

അശുഭാ​പ്‌തി​വി​ശ്വാ​സ​ത്തിന്‌ അടിമ​പ്പെ​ടു​ന്ന​തി​നു പകരം സാക്ഷി​കൾക്ക്‌ ശുഭാ​പ്‌തി​വി​ശ്വാ​സ​പ​ര​മായ ഒരു വീക്ഷണ​മാ​ണു​ള്ളത്‌. കാരണം, ഏററവും നല്ലതും മഹത്തമ​വു​മായ മാററ​ങ്ങ​ളാണ്‌ ഈ ഭൂമി​യിൽ താമസി​യാ​തെ സംഭവി​ക്കാൻ പോകു​ന്ന​തെന്ന്‌ അവർക്ക​റി​യാം. രാജ്യാ​ധി​കാ​ര​ത്തി​ലുള്ള യേശു​വി​ന്റെ അദൃശ്യ​സാ​ന്നി​ദ്ധ്യ​ത്തി​ന്റെ സമയം കുറി​ച്ചു​കൊ​ണ്ടും സത്വര​ഭാ​വി​യി​ലെ പ്രതീ​ക്ഷ​കളെ ഒരു ഫ്രഞ്ച്‌ എഴുത്തു​കാ​രൻ ലാ മോണ്ട എന്ന പത്രത്തിൽ വർണ്ണി​ച്ച​പ്ര​കാ​രം, നാം മനുഷ്യ​പ്രേ​രി​ത​മായ ഏതു “പുതി​യ​ലോക ക്രമരാ​ഹി​ത്യ”ത്തിന്റെ​യും അന്ത്യകാ​ല​ത്താ​ണു നാം എന്നു സൂചി​പ്പി​ച്ചു​കൊ​ണ്ടും യേശു നൽകിയ പ്രവച​ന​ങ്ങളെ 1914 മുതലുള്ള സംഭവങ്ങൾ നിവർത്തി​ച്ചി​രി​ക്കു​ന്നു. യേശു പറഞ്ഞു: “ഇതു സംഭവി​ക്കു​ന്നതു കാണു​മ്പോൾ ദൈവ​രാ​ജ്യം സമീപി​ച്ചി​രി​ക്കു​ന്നു എന്നു ഗ്രഹി​ച്ചു​കൊൾവിൻ.”—ലൂക്കൊസ്‌ 21:7-32.

മമനു​ഷ്യ​ന്റെ “പുതിയ ലോക​ക്രമം” മനുഷ്യ​പ്ര​കൃ​ത​ത്തി​ന്റെ ന്യൂന​ത​കൾക്ക്‌—അതി​മോ​ഹം, അധികാ​ര​മോ​ഹം, അത്യാ​ഗ്രഹം, അഴിമതി, അനീതി എന്നിവക്ക്‌—വിധേ​യ​മാണ്‌. ദൈവ​ത്തി​ന്റെ പുതിയ ലോകം നീതിക്ക്‌ ഉറപ്പു​വ​രു​ത്തും. അവിട​ത്തെ​ക്കു​റിച്ച്‌ ഇങ്ങനെ എഴുതി​യി​രി​ക്കു​ന്നു: “അവൻ പാറ അവന്റെ പ്രവൃത്തി അത്യു​ത്തമം. അവന്റെ വഴികൾ ഒക്കെയും ന്യായം; അവൻ വിശ്വ​സ്‌ത​ത​യുള്ള ദൈവം, വ്യാജ​മി​ല്ലാ​ത്തവൻ; നീതി​യും നേരു​മു​ള്ളവൻ തന്നേ.”—ആവർത്തനം 32:4.

ഒരു അമേരി​ക്കൻ വിദേ​ശ​ന​യ​കാ​ര്യ​വി​ദ​ഗ്‌ദ്ധ​നായ മക്ക്‌ജോർജ്‌ ബണ്ടി “ജനനാ​യ​കർക്ക്‌ ഇളക്കി​വി​ടാ​വുന്ന ഇടുങ്ങിയ ദേശീ​യത്വ വികാ​രങ്ങൾ” എന്നു വിളി​ച്ച​തി​നു മമനു​ഷ്യ​ന്റെ “പുതിയ ലോക​ക്രമം” വിധേ​യ​മാണ്‌. തുടർന്ന്‌ അദ്ദേഹം ഇങ്ങനെ പറഞ്ഞു: “സാമ്പത്തി​ക​വും സാമൂ​ഹി​ക​വു​മായ പരാജ​യ​ങ്ങൾക്ക്‌ ഇത്തരം തീവ്ര​വാ​ദി​കൾക്ക്‌ എങ്ങനെ ശക്തി പകരാൻ കഴിയു​മെന്നു ചരി​ത്ര​ത്തിൽ നിന്നു നമുക്ക​റി​യാം. അത്തരം ദേശീ​യ​ത്വം, അതെവി​ടെ സംഭവി​ച്ചാ​ലും, അപകട​ക​ര​മാ​ണെ​ന്നും നമുക്ക​റി​യാം.”

സകല വർഗ്ഗങ്ങ​ളി​ലും ദേശങ്ങ​ളി​ലു​മുള്ള ജനങ്ങൾ യഹോ​വ​യു​ടെ നിഷ്‌പ​ക്ഷ​ത​യു​ടെ​യും സ്‌നേ​ഹ​ത്തി​ന്റെ​യും വഴികൾ പഠിപ്പി​ക്ക​പ്പെ​ടു​മെ​ന്ന​തി​നാൽ ദൈവ​ത്തി​ന്റെ പുതിയ ലോകം അവർക്കി​ട​യി​ലെ ഐക്യ​ത്തി​നും സമാധാ​ന​ത്തി​നും ഉറപ്പു​നൽകു​ന്നു. യെശയ്യാ​വു ഇങ്ങനെ പ്രവചി​ച്ചു: “നിന്റെ മക്കൾ എല്ലാവ​രും യഹോ​വ​യാൽ ഉപദേ​ശി​ക്ക​പ്പെ​ട്ട​വ​രും നിന്റെ മക്കളുടെ സമാധാ​നം വലിയ​തു​മാ​യി​രി​ക്കും.” (യെശയ്യാ​വു 54:13) ക്രിസ്‌തീയ അപ്പൊ​സ്‌ത​ല​നായ പത്രൊസ്‌ ഇങ്ങനെ പറഞ്ഞു: “ദൈവ​ത്തി​നു മുഖപ​ക്ഷ​മില്ല എന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും ഞാൻ ഇപ്പോൾ യഥാർത്ഥ​മാ​യി ഗ്രഹി​ക്കു​ന്നു.”—പ്രവൃ​ത്തി​കൾ 10:34, 35.

യാതൊ​രു സംശയ​വും കൂടാതെ, നമുക്ക​റി​യാ​വുന്ന ലോക​ത്തിൽ, സത്വര​ഭാ​വി​യിൽ നാടകീ​യ​മായ സംഭവ​വി​കാ​സങ്ങൾ ഉണ്ടായി​രി​ക്കും. എന്നിരു​ന്നാ​ലും, ഏററവും വലിയ, സ്ഥിരവും പ്രയോ​ജ​ന​പ്ര​ദ​വു​മായ, മാററങ്ങൾ ദൈവം കൊണ്ടു​വ​രു​മെന്നു വാഗ്‌ദത്തം ചെയ്‌തി​ട്ടു​ള്ള​വ​യാണ്‌; ദൈവ​ത്തി​നു ‘ഭോഷ്‌കു പറയാൻ കഴിയു​ക​യില്ല.’—തീത്തൊസ്‌ 1:2. (g93 1⁄8)

[അടിക്കു​റി​പ്പു​കൾ]