ചെറു​പ്പ​ക്കാർ ചോദി​ക്കു​ന്നു . . .

എന്റെ മനഃസാ​ക്ഷി എന്നെ അലട്ടു​ന്ന​തെ​ന്തു​കൊണ്ട്‌?

പതിമൂന്ന്‌ വയസ്സുള്ള സോര്യാ​യു​ടെ ഭാരം കുറഞ്ഞു​കൊ​ണ്ടേ​യി​രു​ന്നു—എന്നാൽ ആഹാര​ത്തി​ലെ ഏതെങ്കി​ലും ക്രമ​ക്കേട്‌ നിമി​ത്തമല്ല. സോര്യാ വിശദീ​ക​രി​ക്കു​ന്നു: “ഞാൻ സ്‌കൂ​ളി​ലെ മോശ​മായ ഒരു കൂട്ടത്തിൽ ഉൾപ്പെ​ട്ടു​പോ​യി. നല്ലതെ​ന്തെന്ന്‌ എനിക്ക​റി​യാ​മാ​യി​രു​ന്നു. പക്ഷേ സമപ്രാ​യ​ക്കാ​രു​ടെ തുടർച്ച​യായ സമ്മർദ്ദ​മു​ണ്ടാ​യി​രു​ന്നു. അധികം താമസി​യാ​തെ ഞാൻ മയക്കു മരുന്നു​കൾ ഉപയോ​ഗി​ക്കുന്ന ഒരു പുരുഷ സുഹൃ​ത്തി​നെ വഞ്ചിച്ചു.” പക്ഷേ അവളുടെ ഭാരക്കു​റ​വു​മാ​യി ഇതി​നെന്ത്‌ ബന്ധമാ​ണു​ണ്ടാ​യി​രു​ന്നത്‌? “എന്റെ മനഃസാ​ക്ഷി എന്നെ വളരെ​യ​ധി​കം ശല്യ​പ്പെ​ടു​ത്തി. അതു​കൊണ്ട്‌ എനിക്ക്‌ ആഹാരം കഴിക്കാൻ കഴിഞ്ഞില്ല.”

ഏഴ്‌ വയസ്സുള്ള അലക്‌സ്‌ സ്വയം ദണ്ഡിപ്പി​ക്കു​ന്ന​താ​യി കണ്ടെത്തി. അവൻ അരി തറയിൽ വിതറി​യിട്ട്‌ അതിൻമേൽ തന്റെ നഗ്നമായ മുട്ടുകൾ കുത്തി വേദന സഹിച്ചു​കൊണ്ട്‌ ഉറച്ചു നിന്നു. കാരണ​മെ​ന്താ​യി​രു​ന്നു? അലക്‌സ്‌ തന്റെ മാതാ​പി​താ​ക്ക​ളോട്‌ അനുസ​ര​ണ​ക്കേട്‌ കാണി​ച്ച​തി​നാൽ സ്വയം ശിക്ഷി​ക്കാൻ തീരു​മാ​നി​ച്ചു.

ഈ രണ്ട്‌ ചെറു​പ്പ​ക്കാ​രും മനഃസാ​ക്ഷി എന്ന്‌ ബൈബിൾ വിളി​ക്കു​ന്ന​തി​നോട്‌ കഠോ​ര​മാ​യി പ്രതി​പ്ര​വർത്തനം നടത്തു​ക​യാ​യി​രു​ന്നു. ദൈവ​ദാ​സൻമാർ തെറ്റു​ചെ​യ്‌ത​പ്പോൾ അവരെ​പ്പോ​ലും ഒരു ആന്തരിക ശക്തി ദണ്ഡിപ്പി​ച്ചി​ട്ടുണ്ട്‌. ദാവീദ്‌ വ്യഭി​ചാ​രം ചെയ്‌ത​ശേഷം “എന്റെ അസ്ഥിക​ളിൽ സമാധാ​ന​മില്ല” എന്ന്‌ എഴുതി. (സങ്കീർത്തനം 38:3) യോ​സേ​ഫി​ന്റെ സഹോ​ദ​രൻമാർ ഉഗ്രമായ അസൂയ നിമിത്തം അവനെ അടിമ​ത്വ​ത്തി​ലേക്ക്‌ വിറ്റു​ക​ഴിഞ്ഞ്‌ അവർക്ക്‌ സമാന​മായ കുറ്റ​ബോ​ധം അനുഭ​വ​പ്പെട്ടു. 20-ലധികം വർഷങ്ങൾക്കു​ശേ​ഷ​വും യോ​സേഫ്‌ എങ്ങനെ​യാണ്‌ ‘അവരുടെ പക്ഷത്തെ അനുക​മ്പ​ക്കാ​യി കെഞ്ചിയ’തെന്ന്‌ അവർക്ക്‌ ഇപ്പോ​ഴും ഓർമ്മി​ക്കാൻ കഴിഞ്ഞു. അത്‌ എത്രകണ്ട്‌ വേദനി​പ്പി​ക്കുന്ന ഒരു ഓർമ്മ​യാ​യി​രു​ന്നി​രി​ക്കണം!—ഉല്‌പത്തി 37:18-36; 42:21.

അതെ, ഒരു വ്രണിത മനഃസാ​ക്ഷി​യ്‌ക്ക്‌ വേദന​യും വൈകാ​രി​കാ​ഘാ​ത​വും കൈവ​രു​ത്താൻ കഴിയും. വിപരീ​ത​മാ​യി, ശുദ്ധമായ ഒരു മനഃസാ​ക്ഷി സന്തോ​ഷ​വും സംതൃ​പ്‌തി​യും കൈവ​വ​രു​ത്തു​ന്നു! നിഃസം​ശ​യ​മാ​യും അതു​കൊ​ണ്ടാണ്‌ ജീവി​ത​ത്തി​ലെ മൂല്യ​ങ്ങളെ സംബന്ധി​ച്ചുള്ള ആയിര​ക്ക​ണ​ക്കിന്‌ ചെറു​പ്പ​ക്കാ​രു​ടെ ഒരു സോവി​യറ്റ്‌ സർവ്വേ​യിൽ “ഒരു ശുദ്ധമായ മനഃസാ​ക്ഷി പരമ​പ്ര​ധാ​ന​മാ​യി കണക്കാ​ക്കി​യത്‌.” (സോവി​യറ്റ്‌ പ്രതി​മാസ സംഗ്രഹം, 1973 ജൂലൈ) എന്നാൽ “ഒരു നല്ല മനഃസാ​ക്ഷി മുറു​കെ​പ്പി​ടി​ക്കാൻ” ബൈബിൾ പറയുന്നു എന്നതാണ്‌ ക്രിസ്‌ത്യാ​നി​കളെ സംബ്ബന്ധി​ച്ചി​ട​ത്തോ​ളം പ്രമുഖ ചിന്താ​വി​ഷയം. (1 പത്രോസ്‌ 3:10) പക്ഷേ നിങ്ങൾക്കത്‌ എങ്ങനെ ചെയ്യാൻ കഴിയും? ആദ്യം​തന്നെ, മനഃസാ​ക്ഷി എന്താ​ണെ​ന്നും അത്‌ എങ്ങനെ പ്രവർത്തി​ക്കു​ന്നു​വെ​ന്നും നിങ്ങൾ അറിഞ്ഞി​രി​ക്കേ​ണ്ട​തുണ്ട്‌.

മനഃസാ​ക്ഷി—അതെന്താണ്‌?

നൂറി​ല​ധി​കം വർഷങ്ങൾക്ക്‌മുമ്പ്‌ ഇറ്റാലി​യൻ ഗ്രന്ഥകാ​ര​നാ​യി​രുന്ന കാർലോ കൊ​ളോ​ഡി തന്റെ പ്രശസ്‌ത ബാലക​ഥ​യായ പിനോ​ക്കി​യോ—പ്രശ്‌ന​ത്തിൽനിന്ന്‌ കയറാൻ സാമർത്ഥ്യ​മുള്ള മരപ്പാ​വ​ച്ചെ​റു​ക്കൻ—തയ്യാറാ​ക്കി. പിനോ​ക്കി​യേയെ തിരു​ത്തു​ന്ന​തി​നും നന്നാക്കു​ന്ന​തി​നും എല്ലായ്‌പ്പോ​ഴും ഉണ്ടായി​രു​ന്നത്‌ സംസാ​ര​ജീ​വി​യാ​യി​രി​ക്കുന്ന ജിമിനി ക്രിക്ക​റ്റാണ്‌. ഫലത്തിൽ, അവൻ പിനോ​ക്കി​യോ​യു​ടെ മനഃസാ​ക്ഷി​യാ​യി​രു​ന്നു. സമാന​മാ​യി, നിങ്ങൾ നിങ്ങളു​ടെ മനഃസാ​ക്ഷി​യെ ശരിയോ തെറ്റോ ചെയ്യു​ന്ന​തി​നു മുൻപോ പിൻപോ നിന്നു​പോ​കുന്ന ഒരു ശബ്ദത്തോ​ടോ ഒരു മണിനാ​ദ​ത്തോ​ടോ താരത​മ്യ​പ്പെ​ടു​ത്തി​യേ​ക്കാം.

ഒരു കണ്ടുപി​ടു​ത്ത​ക്കാ​രൻ ഭക്ഷ്യം മനഃസാ​ക്ഷി എന്ന്‌ വിളി​ക്ക​പ്പെ​ടുന്ന ഒരു കണ്ടുപി​ടു​ത്തം ഉപയോ​ഗി​ച്ചു​കൊണ്ട്‌ ഈ പൊതു​ധാ​രണ പരമാ​വധി വ്യാപി​പ്പി​ച്ചി​രി​ക്ക​യാണ്‌. ആ കണ്ടുപി​ടു​ത്തം റെഫ്രി​ജി​റ്റേ​റ്റി​ന്റെ​യോ അടുക്കള വാതി​ലി​ന്റെ​യോ അകത്ത്‌ സ്ഥിതി​ചെ​യ്യുന്ന ബാറ്ററി കൊ​ണ്ടോ​ടുന്ന ഒരു ഉപകര​ണ​മാണ്‌ ഓരോ പ്രാവ​ശ്യ​വും വാതിൽ തുറക്കു​മ്പോൾ അത്‌ ഇപ്രകാ​രം ശബ്ദിക്കു​ന്നു: “നിങ്ങൾ വീണ്ടും ഭക്ഷിക്കു​ക​യാ​ണോ? അയ്യേ നാണം.”

എന്നാൽ നിങ്ങളു​ടെ മനഃസാ​ക്ഷി ജിമിനി ക്രിക്ക​റ്റോ ഏതെങ്കി​ലും മനുഷ്യ നിർമ്മിത കണ്ടുപി​ടു​ത്ത​മോ പോ​ലെയല്ല, മറിച്ച്‌ അത്‌ നിങ്ങളു​ടെ ഉള്ളിലുള്ള എന്തോ ആണ്‌. മന:സാക്ഷിയെ ഒരു പ്രവർത്ത​ന​ത്തി​ന്റെ ശരിയും തെറ്റും സാക്ഷ്യ​പ്പെ​ടു​ത്തുന്ന ഒരു ആന്തരിക ‘സാക്ഷി​വാ​ഹ​ക​നാ​യി’ ബൈബിൾ വിവരി​ക്കു​ന്നു. (റോമർ 2:15) എന്നാൽ മനഃസാ​ക്ഷി​യു​ടെ ഈ പ്രാപ്‌തി എവി​ടെ​നി​ന്നാണ്‌ വരുന്നത്‌?

ജൻമസി​ദ്ധ​മായ ഒരു പ്രാപ്‌തി

നാം നമ്മുടെ മാതാ​പി​താ​ക്കൻമാ​രിൽ നിന്നും മറ്റുള്ള​വ​രിൽനി​ന്നും ശരിയും തെറ്റും സംബ്ബന്ധിച്ച്‌ വളരെ​യ​ധി​കം പഠിക്കു​ന്നു എന്നത്‌ സത്യമാണ്‌. എന്നിരു​ന്നാ​ലും, മനഃസാ​ക്ഷി ജൻമസി​ദ്ധ​മാ​ണെന്ന്‌ ബൈബിൾ ചൂണ്ടി​ക്കാ​ണി​ക്കു​ന്നു. റോമർ 2:14-ൽ “ജനതക​ളി​ലെ ആളുകൾ . . . പ്രകൃ​ത്യാ ന്യായ​പ്ര​മാ​ണ​ത്തി​ലെ കാര്യങ്ങൾ ചെയ്യു”ന്നതെങ്ങ​നെ​യെന്ന്‌ അത്‌ പറയുന്നു.

അതിൽനിന്ന്‌ അടിസ്ഥാ​ന​പ​ര​മാ​യി​രി​ക്കുന്ന ധാർമ്മിക നിലവാ​രങ്ങൾ മനുഷ്യ​ന്റെ ചിന്തയിൽ പതിപ്പി​ച്ചി​രി​ക്കു​ന്ന​തയി കാണുന്നു. മനുഷ്യൻ “ദൈവ​ത്തി​ന്റെ പ്രതി​ച്ഛാ​യ​യിൽ” ആണ്‌ നിർമ്മി​ക്ക​പ്പെ​ട്ടി​രി​ക്കു​ന്ന​തെ​ന്നും അതിനാൽ ദൈവീക ജ്ഞാനവും നീതി​യും ഒരളവു​വരെ പ്രതി​ഫ​ലി​പ്പി​ക്കു​ന്നു​ണ്ടെ​ന്നും ഓർമ്മി​ക്കുക. (ഉല്‌പത്തി 1:27) നിഃസം​ശ​യ​മാ​യും അതു​കൊ​ണ്ടാണ്‌ ലോക​വ്യാ​പ​ക​മാ​യി രാഷ്‌ട്ര​ങ്ങ​ളക്ക്‌ കൊല​പാ​ത​ക​വും മോഷ​ണ​വും അഗമ്യ​ഗ​മ​ന​വും പോലുള്ള കാര്യ​ങ്ങൾക്കെ​തി​രെ നിയമ​ങ്ങ​ളു​ള്ളത്‌.

നിസ്സാര കാര്യ​ങ്ങ​ളിൽപോ​ലും മനഃസാ​ക്ഷി​യു​ടെ ശബ്ദം കേൾക്കാൻ കഴിയും. ഒരു ഡിപ്പാർട്ട്‌മെൻറ്‌ സ്‌റ്റോർ പൂട്ടി​ല്ലാത്ത ഒരു തുറന്ന മുറി​യിൽ ഷോപ്പിംഗ്‌ ബാഗുകൾ വിൽക്കു​ന്ന​തി​ലൂ​ടെ ആളുക​ളു​ടെ മനഃസാ​ക്ഷി​യെ ആകർഷി​ച്ചു. ചില്ലറ​യി​ടാ​നുള്ള സുഷി​ര​ത്തി​ന്റെ മുകളിൽ ഒരു സൈൻ ബോർഡ്‌ തൂങ്ങി​ക്കി​ട​ക്കു​ന്നു. അത്‌ ഇപ്രകാ​രം വായി​ക്കു​ന്നു: “നിങ്ങളു​ടെ മനഃസാ​ക്ഷി​യാണ്‌ എന്റെ ഏകമാത്ര സംരക്ഷണം.” അതെ, മിക്ക ആളുകൾക്കും ഒരു ക്രിയാ​ത്മ​ക​മായ മനഃസാ​ക്ഷി​യു​ണ്ടെ​ന്നുള്ള വസ്‌തുത നമ്മുടെ പ്രയോ​ജ​ന​ത്തി​നു​ത​കു​ന്നു. അല്ലെങ്കിൽ, നമ്മുടെ ജീവനും സ്വത്തും ദാരു​ണ​മായ അപകട​ത്തി​ലാ​യി​രി​ക്കും!

അതിനെ പരിശീ​ലി​പ്പി​ക്കുക!

മനഃസാ​ക്ഷി ജൻമസി​ദ്ധ​മാ​ണെ​ങ്കി​ലും അത്‌ അപ്രമാ​ദ​ഗ​തി​യിൽനിന്ന്‌ വിദൂ​ര​ത്തി​ലാണ്‌. ഉദാഹ​ര​ണ​ത്തിന്‌, ഒരു “ദുർബ്ബല” മനഃസാ​ക്ഷി​യു​ള്ള​വ​രെ​ക്കു​റിച്ച്‌ ബൈബിൾ സംസാ​രി​ക്കു​ന്നു. (1 കൊരി​ന്ത്യർ 8:7) അറിവി​ല്ലായ്‌മ നിമിത്തം; അത്തരക്കാർ ചില പ്രത്യേക സാഹച​ര്യ​ങ്ങ​ളിൽ അമിത​മാ​യി പ്രതി​ക​രി​ക്കാൻ ചായ്‌വ്‌ കാണി​ക്കു​ക​യും അനാവ​ശ്യ​മായ ഭീതി അനുഭ​വി​ക്കു​ക​യും ചെയ്‌തേ​ക്കാം. നേരെ മറിച്ച്‌ ചിലർ “അവരുടെ മനഃസാ​ക്ഷി​യിൽ ചൂടു​വെ​ച്ച​വ​രാണ്‌.” (1 തിമൊ​ഥെ​യോസ്‌ 4:2) അവരുടെ മനഃസാ​ക്ഷി ചൂടു​വെച്ച്‌ തഴമ്പിച്ച ശരീര​ഭാ​ഗം​പോ​ലെ അചേത​ന​മാണ്‌.

നാസി യുദ്ധത്തി​ലെ കുറ്റപ്പു​ള്ളി​യാ​യി​രുന്ന അഡോൾഫ്‌ ഇച്ച്‌മേ​നെ​ക്കു​റിച്ച്‌ ചിന്തി​ക്കുക. 60-ലക്ഷം യഹൂദൻമാ​രെ കൊല​പ്പെ​ടു​ത്തി​യ​തി​ലെ അയാളു​ടെ പങ്ക്‌ നിമിത്തം കുറ്റം ചുമത്ത​പ്പെ​ടു​ക​യും അയാളെ തൂക്കി​ക്കൊ​ല്ലു​ക​യും ചെയ്‌തു. അയാൾക്ക്‌ എന്നെങ്കി​ലും കുറ്റ​ബോ​ധം തോന്നി​യി​ട്ടു​ണ്ടോ? അതേ ചോദ്യം മനോ​രോഗ വിദഗ്‌ദ്ധ​നാ​യി​രി​ക്കുന്ന ഐ. എസ്‌. കുൽസ്‌കാർ ഇച്ച്‌മേ​നോട്‌ ചോദി​ച്ചു. അയാളു​ടെ ഉത്തരം ഇതായി​രു​ന്നു: “ഉണ്ട്‌, ഒന്നോ രണ്ടോ പ്രാവ​ശ്യം, സ്‌കൂൾ ചാടി​ക്ക​ട​ന്ന​തി​നാൽ.” എത്രയോ വിചി​ത്രം! സ്‌പഷ്ട​മാ​യും ഇച്ച്‌മേൻ അയാളു​ടെ മനഃസാ​ക്ഷി​യെ നശിപ്പി​ക്കാൻ പഠിച്ചു. മനോ​രോഗ വിദഗ്‌ദ്ധ​നാ​യി​രി​ക്കുന്ന വില്യാർഡ്‌ ഗെയ്‌ലിൻ പറയുന്നു: “കുറ്റ​ബോ​ധം തോന്നാ​നുള്ള പരാജ​യ​മാണ്‌ ചിത്ത​രോ​ഗി​യി​ലോ സാമൂ​ഹ്യ​വി​രു​ദ്ധ​വ്യ​ക്തി​യി​ലോ ഉള്ള അടിസ്ഥാ​ന​പ​ര​മായ ന്യൂനത.”

അങ്ങനെ​യെ​ങ്കിൽ, നിങ്ങളു​ടെ മന:സാക്ഷി ശരിയാ​യി പ്രവർത്തി​ക്കു​ന്നു​ണ്ടെന്ന്‌ നിങ്ങൾക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും? ആദ്യമാ​യി, അത്‌ ശരിയാ​യി അഭ്യസി​പ്പി​ക്ക​പ്പെ​ടേ​ണ്ട​തുണ്ട്‌. എങ്ങനെ? ദൈവ​വ​ചനം പഠിക്കു​ക​യും ധ്യാനി​ക്കു​ക​യും ചെയ്യു​ന്ന​തി​ലൂ​ടെ. ദൈവ​ത്തി​ന്റെ നിലവാ​രങ്ങൾ അറിയു​ക​യും “നിങ്ങളു​ടെ മനസ്സ്‌ പുതുക്കി രൂപാ​ന്ത​ര​പ്പെ​ടുക”യും ചെയ്യു​ന്നത്‌ നിങ്ങളു​ടെ മനഃസാ​ക്ഷി​യെ നന്നായി രൂപ​പ്പെ​ടു​ത്താൻ സഹായി​ക്കു​ന്നു. (റോമർ 12:2) നിങ്ങളു​ടെ മനഃസാ​ക്ഷി ശരിയാ​യി പരിശീ​ലി​പ്പി​ക്ക​പ്പെ​ട്ടാൽ, അത്‌ നിങ്ങൾ തെറ്റു ചെയ്‌തു കഴിയു​മ്പോൾ നിങ്ങളെ കേവലം തിരു​ത്തു​ന്ന​തി​ല​ധി​കം ചെയ്യുന്നു. അത്‌ പ്രഥമ ഘട്ടത്തിൽതന്നെ തെറ്റ്‌ ഒഴിവാ​ക്കു​ന്ന​തിന്‌ നിങ്ങളെ സഹായി​ക്കു​ന്നു—നിങ്ങളു​ടെ പ്രവർത്ത​നത്തെ അംഗീ​ക​രി​ക്കു​ന്ന​തി​നോ അംഗീ​ക​രി​ക്കാ​തി​രി​ക്കു​ന്ന​തി​നോ മറ്റാരും സമീപ​ത്തി​ല്ലെ​ങ്കിൽപോ​ലും.

അതിനെ ശ്രദ്ധി​ക്കുക!

എന്നാൽ ശരിയും തെറ്റും കേവലം അറിയു​ന്നത്‌ സർവ്വവു​മാ​യി​രി​ക്കു​ന്നില്ല. മനഃസാ​ക്ഷി നിങ്ങളെ സഹായി​ക്ക​ണ​മെ​ങ്കിൽ, നിങ്ങൾ അതിനെ ശ്രദ്ധി​ക്കാൻ പഠിക്കണം. അതു​കൊണ്ട്‌, അത്‌ എല്ലായ്‌പ്പോ​ഴും കുറ്റ​ബോ​ധ​ത്തോ​ടെ കറങ്ങി നടക്കു​ന്ന​തോ സ്വയം ശിക്ഷി​ക്കാൻ അങ്ങേയ​റ്റത്തേ നടപടി​കൾ സ്വീക​രി​ക്കു​ന്ന​തോ അർത്ഥമാ​ക്കു​ന്നില്ല. നാം അപൂർണ്ണ​രാ​ണെന്ന്‌. അംഗീ​ക​രി​ക്കേ​ണ്ടി​യി​രി​ക്കു​ന്നു. എന്നാൽ സങ്കീർത്തനം 103:13-ൽ ബൈബിൾ ഇങ്ങനെ പറയുന്നു: “ഒരു പിതാവ്‌ തന്റെ മക്കളോട്‌ കരുണ കാണി​ക്കു​ന്ന​തു​പോ​ലെ, യഹോവ തന്റെ ഭക്തൻമാ​രോട്‌ കരുണ കാണി​ക്കു​ന്നു.” നാം അപൂർണ്ണ​രാ​യി​രി​ക്കെ വിജയ​പ്ര​ദ​മാ​യി കഴിഞ്ഞു​കൂ​ടാൻ ദൈവ​ത്തി​ന്റെ കരുണ​യും ക്ഷമയും നമ്മെ സഹായി​ക്കു​ന്നു.

എന്നിരു​ന്നാ​ലും, ചില​പ്പോൾ നമ്മുടെ മനഃസാ​ക്ഷി​യു​ടെ രോദനം ശരിയായ പ്രവർത്ത​ന​ത്തിന്‌ നമ്മെ പ്രേരി​പ്പി​ക്കു​ക​യും ചെയ്യും. ഉയർന്ന തത്വശാ​സ്‌ത​ത്തിൽ ലെസ്‌റ്റർ ഡേവിഡ്‌ എഴുതു​ന്നു: “നിങ്ങൾ ഒരു വാഗ്‌ദാ​ന​ത്തിൽനിന്ന്‌ ഒഴിഞ്ഞു മാറു​ക​യോ ഒരു നിയമം ലംഘി​ക്കു​ക​യോ ഒരു നിരോ​ധനം തകർക്കു​ക​യോ ആരെ​യെ​ങ്കി​ലും മുറി​പ്പെ​ടു​ത്തു​ക​യോ നുണപ​റ​യു​ക​യോ കബളി​പ്പി​ക്കു​ക​യോ ചെയ്‌തി​ട്ടു​ണ്ടോ? . . . കഴിയു​മെ​ങ്കിൽ തെറ്റ്‌ സമ്മതി​ക്കുക, ഉചിത​മായ വിധത്തിൽ തെറ്റ്‌ തിരു​ത്തുക. അത്‌ സംബ്ബന്ധിച്ച്‌ ആരോ​ടെ​ങ്കി​ലും സംസാ​രി​ക്കുക.” ഇതാണ്‌ ആദ്യ ഖണ്ഡിക​യിൽ വിവരിച്ച സോര്യാ ചെയ്‌തത്‌. വെറുതെ കുറ്റ​ബോ​ധം തോന്നു​ന്ന​തി​നു​പ​കരം, അവൾ കാര്യങ്ങൾ തന്റെ മാതാ​പി​താ​ക്ക​ളു​മാ​യി സംസാ​രി​ച്ചു. അവൾ തന്റെ മാതാ​പി​താ​ക്ക​ളു​ടെ ബുദ്ധ്യു​പ​ദേശം ബാധക​മാ​ക്കി​യ​പ്പോൾ “വളരെ ആശ്വാസം തോന്നി​ത്തു​ടങ്ങി” എന്ന്‌ അവൾ റിപ്പോർട്ട്‌ ചെയ്യുന്നു.

അതെ, നിങ്ങൾ നിങ്ങളു​ടെ ബൈബിൾ പരിശീ​ലിത മനഃസാ​ക്ഷി​യു​ടെ കുത്തിന്റെ അടിസ്ഥാ​ന​ത്തിൽ പ്രവർത്തി​ക്കു​മ്പോ​ഴാണ്‌ അതിൽനിന്ന്‌ പ്രയോ​ജ​ന​മ​നു​ഭ​വി​ക്കു​ന്നത്‌. ഉദാഹ​ര​ണ​ത്തിന്‌, ബിൽ എന്നു പേരുള്ള ഒരു യുവാവ്‌ കൗമാ​ര​പ്രാ​യ​ക്കാ​രു​ടെ ഒരു കൂട്ടത്തിൽ ഉൾപ്പെട്ടു. പക്ഷേ, ബിൽ ഇപ്രകാ​രം പറയുന്നു: “കൊല​പാ​ത​ക​ത്തി​ന്റെ പേരിൽ എന്റെ ഒരു കൂട്ടു​കാ​രനെ ജയിലി​ലേക്ക്‌ കൊണ്ടു​പോ​കു​ന്നത്‌ ഞാൻ കണ്ടു. ഇതെല്ലാം ഭോഷ​ത്ത്വ​മാ​യി​രു​ന്നു​വെന്ന്‌ ഇപ്പോൾ എന്റെ മനഃസാ​ക്ഷി എന്നോട്‌ പറഞ്ഞു—ഇത്‌ എനിക്കു​ള്ളതല്ല!” എന്നാൽ ബില്ലിന്‌ കേവലം കുറ്റ​ബോ​ധം തോന്നി​യ​തേ​യു​ള്ളോ, ഇതു​പോ​ലങ്ങ്‌ പോട്ടെ എന്ന്‌ വിചാ​രി​ച്ച​തേ​യു​ള്ളോ? ഒരിക്ക​ലു​മല്ല, “ഞാൻ ആ കൂട്ടത്തിൽനിന്ന്‌ വിട്ടു​പോ​ന്നു” എന്ന്‌ അവൻ പറയുന്നു.

റ്റോണി എന്ന്‌ പേരുള്ള മറ്റൊരു യുവാവ്‌ തന്നെ മറ്റൊരു വിധത്തിൽ സഹായി​ക്കാൻ തന്റെ മന:സാക്ഷിയെ അനുവ​ദി​ച്ചു. റ്റോണി യഹോ​വ​യു​ടെ സാക്ഷി​ക​ളിൽപെട്ട ഒരാളാണ്‌. ആളുക​ളു​ടെ ഭവനത്തിൽ സന്ദർശി​ച്ചു​കൊ​ണ്ടും അവരെ ബൈബിൾ പഠിപ്പി​ച്ചു​കൊ​ണ്ടും പ്രതി​മാ​സം 90 മണിക്കൂർ സ്വമേ​ധയാ ചെലവി​ടാൻ അവന്റെ മനഃസാ​ക്ഷി അവനെ പ്രേരി​പ്പി​ച്ചു. (മത്തായി 24:14; 28:19, 20) “ആളുക​ളു​മാ​യി സമ്പർക്ക​ത്തിൽ വരുന്നത്‌ ഞാൻ യഥാർത്ഥ​മാ​യി ആസ്വദി​ച്ചു” എന്ന്‌ റ്റോണി പറയുന്നു. “അത്‌ കൂടാതെ എനിക്ക്‌ നല്ല ഒരു അംശകാല ജോലി​യും സ്വന്തമാ​യി ഒരു കാറും ഉണ്ടായി​രു​ന്നു. ഞാൻ താമസി​ക്കു​ന്നി​ടം എനിക്ക്‌ ഇഷ്ടമാ​യി​രു​ന്നു. എന്നിട്ടും കൂടുതൽ ചെയ്യാ​ത്ത​തി​ന്റെ പേരിൽ എനിക്ക്‌ കുറ്റ​ബോ​ധം തോന്നി​ത്തു​ടങ്ങി—എന്നെ​പ്പോ​ലുള്ള ചെറു​പ്പ​ക്കാ​രെ​ക്കൊണ്ട്‌ കൂടുതൽ ആവശ്യ​മുള്ള എവി​ടെ​യെ​ങ്കി​ലും സേവി​ക്കാ​ത്ത​തിൽ.”

മനഃസാ​ക്ഷി​യു​ടെ എത്ര മഹോ​ന്ന​ത​മായ പ്രകടനം! അതി​നോട്‌ പ്രതി​ക​രി​ച്ചു​കൊണ്ട്‌ റ്റോണി യഹോ​വ​യു​ടെ സാക്ഷി​ക​ളു​ടെ ലോക ആസ്ഥാന​ത്തിൽ സേവി​ക്കാൻ അപേക്ഷി​ച്ചു. അവി​ടെ​യാണ്‌ ബൈബി​ളു​ക​ളും ഈ മാസി​ക​പോ​ലുള്ള ബൈബിൾ പഠനസ​ഹാ​യി​ക​ളും ഉല്‌പാ​ദി​പ്പി​ക്കു​ന്നത്‌. കഴിഞ്ഞ ഒൻപത്‌ വർഷം അവൻ അവിടെ സേവിച്ചു.

നിങ്ങൾ നിങ്ങളു​ടെ മനഃസാ​ക്ഷി​യെ ശ്രദ്ധി​ക്കു​ന്നു​ണ്ടോ? ഒരു ചെറു​പ്പ​ക്കാ​രൻ പറഞ്ഞ​പ്ര​കാ​രം, അതിന്‌ “നിങ്ങളെ തിരു​ത്തു​ന്ന​തിന്‌ സമയവും ശ്രമവും ഉപയോ​ഗ​പ്പെ​ടു​ത്തുന്ന ഒരു യഥാർത്ഥ സുഹൃ​ത്തി​നെ​പ്പോ​ലെ” ആയിരി​ക്കാൻ കഴിയും. ഇതിന്‌ വ്യക്തി​പ​ര​വും ക്രിസ്‌തീ​യ​വു​മായ ഉത്തരവാ​ദി​ത്വ​ങ്ങൾ നിവർത്തി​ക്കു​ന്ന​തിൽ നിങ്ങളെ പ്രോ​ത്സാ​ഹി​പ്പി​ക്കു​ന്ന​തി​നും കഴിയും. എന്നാൽ നിങ്ങൾ അതിനെ ശരിയാ​യി അഭ്യസി​പ്പി​ക്കു​ക​യും അതിനെ ശ്രദ്ധി​ക്കു​ക​യും വേണം! വാസ്‌ത​വ​ത്തിൽ, മനഃസാ​ക്ഷി അത്ഭുത​ക​ര​മായ ഒരു ദാനമാണ്‌. അതിനെ ആദരി​ക്കു​ക​യും അത്‌ നന്നായി ഉപയോ​ഗി​ക്കു​ക​യും ചെയ്യുക. (g86 4/8)

[13-ാം പേജിലെ ആകർഷ​ക​വാ​ക്യം]

ഒരു വ്രണിത മനഃസാ​ക്ഷിക്ക്‌ വലിയ വൈകാ​രിക ദുഃഖം കൈവ​രു​ത്താൻ കഴിയും

[12-ാം പേജിലെ ചിത്രം]

മനഃസാക്ഷി ജൻമസി​ദ്ധ​മാ​ണെ​ങ്കി​ലും അത്‌ അപ്രമാ​ദ​ഗ​തി​യിൽ നിന്ന്‌ വിദൂ​ര​ത്തി​ലാണ്‌. അത്‌ ഉചിത​മാ​യി അഭ്യസി​പ്പി​ക്കേ​ണ്ട​തുണ്ട്‌