ജ്യോ​തി​ഷ​വും ജൻമദി​ന​ങ്ങ​ളും ബൈബി​ളും

റാൾഫ്‌, അഡലിൻ ലിൻഡൻ എന്നീ​ഗ്ര​ന്ഥ​കാ​രൻമാർ പറയു​ന്ന​ത​നു​സ​രിച്ച്‌ ജ്യോ​തി​ഷ​വും ജൻമദി​ന​ങ്ങ​ളും തമ്മിൽ ഒരു സുനി​ശ്ചി​ത​ബ​ന്ധ​മുണ്ട്‌. ജൻമദിന വിജ്ഞാനം എന്ന തങ്ങളുടെ പുസ്‌ത​ക​ത്തിൽ അവർ ഇങ്ങനെ പ്രസ്‌താ​വി​ക്കു​ന്നു: “നാഗരി​ക​ത്വ​ങ്ങ​ളു​ടെ പിള്ള​ത്തൊ​ട്ടി​ലു​ക​ളാ​യി​രുന്ന മെസപ്പ​ത്തേ​മി​യാ​യും ഈജി​പ്‌റ്റും ആളുകൾ തങ്ങളുടെ ജൻമദി​നങ്ങൾ ഓർക്കു​ക​യും ആദരി​ക്കു​ക​യും ചെയ്‌ത ആദ്യ രാജ്യ​ങ്ങ​ളാ​യി​രു​ന്നു. പുരാ​ത​ന​കാ​ല​ങ്ങ​ളിൽ ജാതക​മെ​ഴു​തു​ന്ന​തിന്‌ ജൻമദി​നം അത്യന്താ​പേ​ക്ഷി​ത​മാ​യി​രു​ന്ന​തു​കൊണ്ട്‌, മുഖ്യ​മാ​യി ആ കാരണ​ത്താൽ ജൻമദി​ന​രേ​ഖ​ക​ളു​ടെ സൂക്ഷിപ്പു പ്രധാ​ന​മാ​യി​രു​ന്നു.”

യിസ്രാ​യേ​ല്യ​രും ജൻമ​രേ​ഖകൾ സൂക്ഷി​ച്ചി​രു​ന്നു​വെ​ന്നതു സത്യം തന്നെ. എന്നാൽ ഇതു ചെയ്‌തത്‌ പൗരോ​ഹി​ത്യ​പ​ര​വും സൈനി​ക​വു​മായ സേവന​ങ്ങൾക്കും മറ്റു സേവന​ങ്ങൾക്കും പുരു​ഷൻമാ​രു​ടെ പ്രായം സ്ഥാപി​ക്കാൻ വേണ്ടി​യാ​യി​രു​ന്നു. (സംഖ്യാ​പു​സ്‌തകം 1:2, 3; 4:2, 3; 2 രാജാ​ക്കൻമാർ 11:21) എന്നിരു​ന്നാ​ലും, ബൈബിൾ നോഹ, അബ്രാ​ഹാം, മോശെ, ദാവീദ്‌ എന്നിങ്ങ​നെ​യുള്ള പ്രമുഖ മനുഷ്യ​രു​ടെ​യോ യേശു​ക്രി​സ്‌തു​വി​ന്റെ പോലു​മോ ജൻമദി​നങ്ങൾ രേഖ​പ്പെ​ടു​ത്തു​ന്നില്ല! “തീർച്ച​യാ​യും, ബൈബി​ളിൽ ജൻമദി​നാ​ഘോ​ഷ​ങ്ങ​ളെ​ക്കു​റി​ച്ചു പറയു​ന്നുണ്ട്‌, എന്നാൽ ഫറവോൻ, ഹെരോ​ദാവ്‌ എന്നിങ്ങ​നെ​യുള്ള ദുഷ്ട പാഷണ്ഡി​ക​ളു​ടെ ജൻമദി​നം ഓർമ്മി​ക്കാൻ മാത്ര​മാ​യി​രു​ന്നു”വെന്ന്‌ മേൽപ്പറഞ്ഞ ഗ്രന്ഥകാ​രൻമാർ സമ്മതി​ക്കു​ന്നു. “ആദിമ ക്രിസ്‌ത്യാ​നി​കൾ ക്രിസ്‌തു​വി​ന്റെ ജനനത്തീ​യതി നിശ്ചയി​ക്കാൻ ശ്രമി​ച്ച​പ്പോൾ അനേകം സഭാപി​താ​ക്കൻമാർ അതിനെ ദൈവ​നി​ന്ദ​ക​മാ​ണെന്നു കരുതി . . . അത്‌ ഭക്തികെട്ട ഒരു വിജാ​തീയ ആചാര​മാ​യി​രു​ന്ന​തു​കൊണ്ട്‌ അത്‌ ആഘോ​ഷി​ക്കാ​നുള്ള ശ്രമം ചെയ്യരു​തെന്ന്‌ അവർ പ്രഖ്യാ​പി​ച്ചു.”