“ഇപ്പോൾ നീ മരിക്കാൻ പോകു​ക​യാണ്‌!”

—ഒരു ബലാൽസം​ഗ​ക്കാ​രൻ ഒരു ക്രിസ്‌തീ​യ​ഭ​വ​നത്തെ ആക്രമി​ക്കു​ന്നു

പരുക്കൻ കൈകൾ എന്നെ ശ്വാസം മുട്ടിച്ചു. നിലവി​ളി​ക്കാൻ ഞാൻ ഞെരി​പി​രി​കൊ​ണ്ടു.

“അതു നിറുത്ത്‌! നിന്റെ കൂക്കു​വി​ളി നിറുത്ത്‌ എന്നാൽ ഞാൻ നിന്നെ ഉപദ്ര​വി​ക്ക​യില്ല,” അവൻ ആവശ്യ​പ്പെട്ടു, എന്റെ തൊണ്ടക്കു ശക്തിയാ​യി ഞെക്കി​ക്കൊ​ണ്ടാ​യി​രു​ന്നു.

എന്നാൽ ഞാൻ അവനെ വിശ്വ​സി​ച്ചില്ല, അവനെ അനുസ​രി​ച്ചു​മില്ല. നിലവി​ളി​ക്കാൻ ഞാൻ ശ്രമി​ച്ചു​കൊ​ണ്ടി​രു​ന്നു. ഞാൻ അവന്റെ മുഖത്തു​മാ​ന്തി, കണ്ണാടി തട്ടി​ത്തെ​റി​പ്പി​ച്ചു, അവന്റെ വായിൽനി​ന്നു വെപ്പു പല്ല്‌ പിടിച്ചു പറിച്ചു. അവൻ എന്നെ പിടി​ക്കാ​നും നിയ​ന്ത്രി​ക്കാ​നും ശ്രമി​ച്ച​പ്പോൾ, അവന്റെ കണ്ണി​ലേക്കു എന്റെ നഖങ്ങൾ ആഴത്തിൽ താഴ്‌ത്തി. ഞാൻ നിലവി​ളി​ക്ക​യും ചെയ്‌തു. അവന്റെ വിരലു​കൾ എന്റെ വായി​ക്ക​ടു​ത്തെ​ത്തി​യ​പ്പോൾ, ഞാൻ എന്റെ സർവ്വശ​ക്തി​യു​മു​പ​യോ​ഗി​ച്ചു കടിച്ചു.

ഇതു വിശ്വ​സി​ച്ചാ​ലും ഇല്ലെങ്കി​ലും ഞാൻ ഭയപ്പെ​ട്ടില്ല—ഭയം പിന്നീ​ടു​വന്നു. അപ്പോൾ ഞാൻ കോപി​ഷ്‌ഠ​യാ​യി​രു​ന്നു! ഈ വിഷയ ഭ്രാന്തന്‌ ബലമായി ഞങ്ങളുടെ വീട്ടിൽ കയറി എന്നെ ബലാൽസം​ഗം ചെയ്യാൻ സാദ്ധ്യമല്ല, ഇവി​ടെ​യില്ല അല്ലെങ്കിൽ വേറൊ​രി​ട​ത്തു​മില്ല!

എന്നാൽ അവൻ ശ്രമി​ച്ചു​കൊ​ണ്ടി​രു​ന്നു. സമീപ​ത്തു​ണ്ടാ​യി​രുന്ന ഒരു ബെൽറ്റ്‌ അവൻ കൈക്ക​ലാ​ക്കി എന്റെ കൈകൾ എന്റെ പുറകിൽ കെട്ടി—പല പ്രാവ​ശ്യ​ത്തിൽ ആദ്യ​ത്തേത്‌, കാരണം കെട്ട്‌ എനിക്കു ആവർത്തി​ച്ചു വലിച്ച​ഴി​ക്കാൻ കഴിഞ്ഞു. എന്റെ കഴുത്തി​നു​ചു​റ്റും ഒരു കയ്യുമാ​യി അവൻ തറയിൽ കിടന്ന അവന്റെ കണ്ണാടി​ക്കും പല്ലിനു​മാ​യി തപ്പി. പെട്ടെന്നു ഞാൻ സ്വത​ന്ത്ര​യാ​കു​ക​യും എന്തി​നെ​ന്നി​ല്ലാ​തെ, മുറി​യി​ലു​ണ്ടാ​യി​രുന്ന സാധനങ്ങൾ വലി​ച്ചെ​റി​യു​ക​യും ഭ്രാന്തു​പി​ടി​ച്ച​തു​പോ​ലെ അവ്യക്ത​മാ​യി ആക്രോ​ശി​ക്ക​യും ചെയ്‌തു.

എന്റെ കൈ​യ്യേ​റ്റ​ക്കാ​രൻ നൈമി​ഷി​ക​മാ​യി അന്ധാളി​ക്ക​യും “നിന​ക്കെന്തു കുഴപ്പം​പറ്റി?” എന്നു ചോദി​ക്കാൻ നിൽക്കു​ക​യും ചെയ്‌തു. ആ സമയം, ഞാൻ തെന്നി​മാ​റി, എന്നാൽ അവൻ എന്നെ കടന്നു​പി​ടി​ക്ക​യും കിടക്ക​മു​റി​യി​ലേക്കു എന്നെ തള്ളി​ക്കൊ​ണ്ടു​പോ​കു​ക​യും കിടക്ക​യി​ലേക്കു വീഴി​ക്ക​യും ചെയ്‌തു. വീണ്ടും എന്റെ കൈകൾ കെട്ടി​യ​ശേഷം, അവന്‌ ഭാഗി​ക​മാ​യി എന്നെ നഗ്നയാ​ക്കാൻ കഴിഞ്ഞു. അവനെ എന്നിൽ നിന്നക​റ്റു​ന്ന​തിന്‌ ഞാൻ പുളയു​ക​യും പ്രഹരി​ക്ക​യും ചെയ്‌തു. അവന്റെ വൃത്തി​കെട്ട ഭാഷയും എന്നെ ബലം പ്രയോ​ഗി​ച്ചു ചെയ്യു​വാൻ ശ്രമി​ക്കുന്ന ക്രിയ​യേ​യും ഞാൻ വെറുത്തു!

അന്തിമാ​യി ഒരു പ്രാവ​ശ്യം ഞാൻ ബൽറ്റിൽനി​ന്നു കയ്യഴി​ക്ക​യും, അവനെ തള്ളിമാ​റ്റു​ക​യും, പുറത്തെ വാതി​ലി​ലേക്കു ഓടു​ക​യും ചെയ്‌തു. കതകിന്റെ കൈപി​ടി​യിൽ ഞാൻ എത്തിപ്പി​ടി​ച്ചു, എന്നാൽ ഞാൻ അതു തിരി​ക്കു​വാൻ തുടങ്ങു​മ്പോ​ഴേ​ക്കും, പിറകിൽ നിന്നു അവൻ എന്നെ തത്തിപ്പി​ടി​ക്ക​യും തറപറ്റി​ക്ക​യും ചെയ്‌തു. സമീപ​ത്തു​ണ്ടാ​യി​രുന്ന ഒരു അടുക്ക​ള​ക്കത്തി എനിക്കു കൈക്ക​ലാ​ക്കു​ന്ന​തി​നും അവന്റെ കാലിനു വെട്ടി​മു​റി​പ്പെ​ടു​ത്തു​ന്ന​തി​നും എനിക്കു സാധിച്ചു. “അതാകു​ന്നു,” അവൻ അലറി. “ഇപ്പോൾ നീ മരിക്കാൻ പോകു​ക​യാണ്‌!” അവൻ എന്റെ തലക്കി​ട്ടി​ടി​ക്കാൻ തുടങ്ങി, ഞാൻ അബോ​ധാ​വ​സ്ഥ​യി​ലാ​കു​ക​യും ചെയ്‌തു.

ഞാൻ കൂടുതൽ സൂക്ഷ്‌മ​ത​യു​ള്ള​വ​ളാ​യി​രി​ക്കേ​ണ്ടി​യി​രു​ന്നു എന്നു എനിക്കി​പ്പോൾ കാണാൻ കഴിഞ്ഞു. കുഴപ്പ​ങ്ങ​ളേ​യും കുഴപ്പ​ക്കാ​രെ​യും ഞങ്ങളുടെ വീടിനു പുറത്താ​യി ഒഴിവാ​ക്കു​ന്ന​തി​നു ഞാൻ എപ്പോ​ഴും ജാഗ്ര​ത​യു​ള്ള​വ​ളാ​യി​രു​ന്നു. ഞാൻ എപ്പോ​ഴും എന്റെ ക്രിസ്‌തീയ ഭർത്താ​വി​ന്റെ കൂടെ യാത്ര ചെയ്‌തു. അത്തരം കുറ്റവാ​ളി​കൾ വിലസി​യേ​ക്കാ​വുന്ന സ്ഥലങ്ങൾ ഞാൻ എപ്പോ​ഴും ഒഴിവാ​ക്കു​ക​യും ഞാൻ എപ്പോ​ഴും മാന്യ​മാ​യി വസ്‌ത്രം ധരിക്ക​യും ചെയ്‌തു. ഞങ്ങളുടെ സ്വന്തം ഭവനത്തി​നു​ള്ളിൽ വച്ച്‌ ഒരു ബലാൽസം​ഗ​ക്കാ​രന്‌ എന്നെ ആക്രമി​ക്കു​ന്ന​തി​നുള്ള വിഷം ഉണ്ടായി​രി​ക്കു​മെന്നു ഞാൻ ഒരിക്ക​ലും പ്രതീ​ക്ഷി​ച്ച​തേ​യില്ല.

ഈ മനുഷ്യൻ ഞങ്ങളുടെ വീടിന്റെ തൊട്ട​ടു​ത്തുള്ള ഒരു നിർമ്മാ​ണ​സ്ഥ​ലത്തു വേല ചെയ്‌ക​യാ​യി​രു​ന്നു. ബിൽഡിംഗ്‌ കോൺട്രാ​ക്ടർ, പണിസ്ഥ​ല​ത്തുള്ള ഉപകര​ണ​ങ്ങൾക്കാ​വ​ശ്യ​മുള്ള വൈദ്യു​തി സപ്ലൈ ഞങ്ങളുടെ വീട്ടിൽനി​ന്നുള്ള ഒരു വൈദ്യു​തി ലൈനിൽനി​ന്നു എടുക്കു​വാൻ ക്രമീ​ക​രി​ച്ചി​രു​ന്നു. ചില​പ്പോൾ ലൈൻ ഓവർലോ​ടാ​കു​മ്പോൾ, ഞങ്ങളുടെ വീടിന്റെ അടിത്ത​ട്ടി​ലുള്ള ഒരു സർക്കിട്ട്‌ ബ്രേക്കർ ക്രമീ​ക​രി​ക്കു​ന്ന​തിന്‌ ഒരു വേലക്കാ​രൻ ഞങ്ങളുടെ വീട്ടിൽ വരും. അത്‌ ഒരു പ്രാ​യോ​ഗിക ക്രമീ​ക​ര​ണ​മാ​യി​രു​ന്നു, എന്നാൽ ബുദ്ധി​പൂർവ്വ​ക​മ​ല്ലാ​യി​രു​ന്നു.

ഞാൻ ജാഗ്ര​ത​യി​ല്ലാ​തി​രി​ക്കു​മ്പോൾ എന്നെ പിടി​കൂ​ടാൻ അവൻ വ്യക്തമാ​യി പ്ലാൻ ചെയ്‌തു. ഒരു ഞെട്ടലി​ന്റെ അവസ്ഥയിൽ ഞാൻ മരവി​ക്ക​യും മനസ്സി​ല്ലാ​തെ സഹകരി​ക്ക​യും ചെയ്യു​മെന്നു അവൻ പ്രതീ​ക്ഷി​ച്ചി​രി​ക്കാം. അവൻ എന്നെ സമീപി​ച്ച​പ്പോൾ, ഞാൻ ഞെട്ടി​പ്പോ​യി, എന്നാൽ ഞാൻ വഴങ്ങി​യില്ല. അതി​നേ​പ്പറ്റി ചിന്തി​പ്പാൻ ഞാൻ നിന്നു​മില്ല. നിലവി​ളി​യു​ടെ​യും മാന്തലി​ന്റെ​യും തൊഴി​യു​ടെ​യും കടിയു​ടെ​യും ഒരു ഭ്രാന്തിൽ പെട്ടെ​ന്നുള്ള ഒരു സ്‌ഫോ​ട​ന​ത്താൽ ഞാൻ പ്രതി​ക​രി​ച്ചു. എനിക്കു ചെയ്യാ​മാ​യി​രു​ന്ന​തിൽ ഏറ്റം നല്ലത്‌ അതായി​രു​ന്നു, കാരണം എന്റെ ഉഗ്രമായ തിരി​ച്ചടി അവനെ അത്ഭുത​പ്പെ​ടു​ത്തി. അത്‌ അവനു തന്നെത്ത​ന്നെ​യോ, എനിക്കു എന്നെത്ത​ന്നെ​യോ പൂർണ്ണ നിയ​ന്ത്ര​ണ​ത്തി​ലല്ല എന്നു അറിയു​വാൻ ആരംഭ​ത്തിൽ തന്നെ പ്രധാ​ന​മായ ഒരു മാനസിക ഉൽക്കർഷം എനിക്കു നൽകി. അത്‌, പോരാ​ടു​ന്ന​തിന്‌ എന്നെ ഒന്നുകൂ​ടെ ദൃഢ നിശ്ചി​ത​മാ​കാൻ ഇടയാ​ക്കു​ക​യും എനിക്കു ജയിക്കാൻ കഴിയു​മെ​ന്നുള്ള പ്രത്യാശ പ്രബല​പ്പെ​ടു​ക​യും ചെയ്‌തു.

മുന്നോ​ട്ടു നീങ്ങി​ക്കൊ​ണ്ടി​രുന്ന ഒരു കാറിന്റെ മുൻസീ​റ്റിൽ എനിക്കു ബോധം വീണ്ടു കിട്ടി. അതേ ബെൽറ്റ്‌ ഇപ്പോൾ, ഒരു പട്ടിയു​ടെ തോൽ വാറു​പോ​ലെ, എന്റെ കഴുത്തിൽ മുറു​ക്കി​കെ​ട്ടി​യി​രു​ന്നു, അവൻ കാർ ഓടിച്ചു പോകു​മ്പോൾ ബെൽറ്റിൽ മുറുകെ പിടി​ച്ചി​രു​ന്നു. എന്റെ ബോധം തെളി​യാൻ തുടങ്ങി​യ​പ്പോൾ, എന്റെ കോപത്തെ പുതു​താ​യി പെട്ടെന്നു സ്‌ഫോ​ടനം ചെയ്യിച്ച, കത്തുന്ന ഒരു ഫ്യൂസ്‌ പോലെ ഞാൻ എവി​ടെ​യാ​യി​രു​ന്നു​വെ​ന്നും എങ്ങനെ അവിടെ എത്തി​യെ​ന്നു​മുള്ള തിരി​ച്ച​റിവ്‌ എന്നിൽകൂ​ടെ മിന്നി.

റോഡിൽ നിന്നു കാർ പുറത്താ​കു​ന്ന​തിന്‌ ഉള്ള ഒരു കഠിന ശ്രമത്തിൽ ഞാൻ കൈമു​ട്ടു​കൊണ്ട്‌ സ്‌റ്റീ​യ​റിംഗ്‌ വീലി​നിട്ട്‌ ഉന്തി. താളം തെറ്റിയ ഈ മനുഷ്യൻ ഇപ്പോൾ എന്നെ ബലാൽസം​ഗം ചെയ്യു​ന്ന​തി​നേ​ക്കാൾ എന്നെ ഒഴിവാ​ക്കു​ന്ന​തി​നു കൂടുതൽ ഉൽക്കണ്‌ഠ​യു​ള്ള​വ​നാ​ണെന്നു എനിക്കു​ബോ​ധ്യം വന്നു. ഞാൻ അവനെ പിന്നീടു തിരി​ച്ച​റി​യി​ക്കാൻ കഴിയാ​തി​രി​ക്കു​ന്ന​തി​നു അവൻ എന്നെ കൊല്ലും. ഒരു മണിക്കൂ​റോ​ളം തുടർച്ച​യാ​യുള്ള ഉന്തിത്തള്ളൽ എന്നെ അവശയാ​ക്കി​യെ​ങ്കി​ലും, വിടാ​പ്പി​ടി​യായ എന്റെ പ്രതി​രോ​ധം അവനേ​യും ബാധിച്ചു. ക്ഷീണി​ത​നും പരി​ഭ്ര​മി​ച്ച​വ​നു​മാ​യി ഒടുവിൽ അവൻ റോഡി​ന്റെ അരികി​ലേക്കു അടുക്കു​ക​യും കാറിൽനിന്ന്‌ എന്നെ പുറന്ത​ള്ളു​ക​യും ചെയ്‌തു. കാറിൽ വന്ന മറ്റൊ​രാൾ എനിക്കു​വേണ്ടി നിറു​ത്തു​ക​യും എന്നെ ആശുപ​ത്രി​യിൽ കൊണ്ടു​പോ​കു​ക​യും ചെയ്‌തു.

എന്നാൽ ഞാൻ ജയിച്ചി​രു​ന്നു! എന്നെ ബലാൽസം​ഗം ചെയ്‌തി​രു​ന്നില്ല! ഞാൻ ഇരയാ​യില്ല, ജയാളി​യാ​യി​രു​ന്നു! എന്റെ മനഃസ്സാ​ക്ഷി​ശു​ദ്ധ​മാ​യി​രു​ന്നു, എന്റെ ആത്മാഭി​മാ​ന​വും കൂലീ​ന​ത്വ​വും കേടു​പ​റ്റാ​ത്ത​താ​യി​രു​ന്നു. സർവ്വശ​ക്ത​നായ യഹോ​വ​യാം ദൈവ​ത്തോ​ടുള്ള എന്റെ നിർമ്മലത ഞാൻ പാലി​ച്ചി​രു​ന്നു!

അത്‌, അടുത്ത ചില ദിവസ​ങ്ങ​ളി​ലെ എന്റെ ആശുപ​ത്രി​വാ​സ​ത്തിൽ ഞാൻ അത്ര ഹർഷോൻമ​ത്ത​യോ അന്തസ്സു​ള്ള​വ​ളോ ആയി തോന്നി എന്നു പറയു​ന്ന​തി​നല്ല. ഞാൻ വല്ലാതെ ഉലക്ക​പ്പെ​ട്ടി​രു​ന്നു, എനിക്കു ആസകലം പരുക്ക്‌ ഏൽക്കു​ക​യും ഞാൻ ഭയാന​ക​മാ​യി കാണ​പ്പെ​ടു​ക​യും ചെയ്‌തി​രു​ന്നു. കയ്യേറ്റ സമയത്ത്‌ എനിക്കി​ല്ലാ​യി​രുന്ന ഭയം ഇപ്പോൾ വലിയ തിരമാ​ലകൾ പോലെ എന്നിൽ അടിച്ചു​ക​യറി. എന്തു സംഭവി​ച്ചേ​ക്കാ​മാ​യി​രു​ന്നു​വെ​ന്നുള്ള നിഷ്‌ഫല ചിന്തകൾ എന്റെ മനസ്സിൽ തിങ്ങി​ക്കൊ​ണ്ടി​രു​ന്നു. ഈ സമയം കുറ്റാ​ന്വേ​ഷണ പോലീ​സി​നാൽ ഞാൻ ചോദ്യം ചെയ്യ​പ്പെ​ടു​ക​യും, ബലാൽസം​ഗ​ത്തി​നു ഒരു ശിക്ഷ അനുഭ​വി​ച്ച​ശേഷം വെറും ആറാഴ്‌ച മുമ്പ്‌ ഈ ഭീകരനെ ജയിലിൽനി​ന്നു സത്യം ചെയ്യിച്ചു വിട്ട​തേ​യു​ള്ളു​വെന്ന്‌ ഉൾക്കി​ടി​ല​ത്തോ​ടെ ഞാൻ അറിയു​ക​യും ചെയ്‌തു.

ആശുപ​ത്രി​യിൽനി​ന്നു പുറത്തു​വന്ന ദിവസം​തന്നെ പോലീസ്‌ സ്‌റ്റേ​ഷ​നിൽ പോയി ഈ മനുഷ്യ​നെ ഒരു പോലീസ്‌ ലൈന​പ്പിൽ തിരി​ച്ച​റി​യു​ന്ന​തി​നുള്ള വൈകാ​രി​കാ​ഘാ​തം എനിക്കു​ണ്ടാ​യി​രു​ന്നു. ഉവ്വ്‌, കുറ്റങ്ങൾ ചുമത്തു​ന്ന​തി​നു ഞാൻ നിശ്ചയി​ച്ചു. അവൻ ശിക്ഷി​ക്ക​പ്പെട്ടു കാണു​ന്ന​തി​നു അവൻ ആക്രമി​ച്ചേ​ക്കാ​വുന്ന സ്‌ത്രീ​കൾക്കു ഞാൻ കടപ്പെ​ട്ടി​രു​ന്നു എന്നും തെറ്റിനെ തിരു​ത്തു​ന്ന​തി​നും എന്റെ ജീവിതം എന്റെ നിയ​ന്ത്ര​ണ​ത്തി​ലാ​യി​രു​ന്നു എന്നു ഞാൻ തന്നെ സ്ഥിരീ​ക​രി​ക്കു​ന്ന​തി​നുള്ള ഒരു ഉപാധി​യാ​യി എന്നോടു തന്നെ ഞാൻ കടപ്പെ​ട്ടി​രി​ക്കു​ന്നു​വെ​ന്നും ഞാൻ വിചാ​രി​ച്ചു. ലൈന​പ്പിൽ അവനെ നിഷ്‌പ്ര​യാ​സം തിരി​ച്ച​റി​ഞ്ഞു. മുഖത്തു ബാന്റേ​ജു​കൾ ഉള്ളവനും കയ്യിൽ പാടു​ള്ള​വ​നു​മായ ഒരുവൻ അവനാ​യി​രു​ന്നു!

ആശുപ​ത്രി​യി​ലും വീട്ടി​ലും പിന്തു​ടർന്ന ആഴ്‌ച​ക​ളിൽ, അനേക കാർഡു​ക​ളും കത്തുക​ളും യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകളി​ലെ സഹവി​ശ്വാ​സി​ക​ളു​ടെ സന്ദർശ​ന​ങ്ങ​ളും എന്നെ ആശ്വസി​പ്പി​ച്ചു. എന്നേപ്പറ്റി അഭിമാ​നം കൊള്ളു​ന്നു എന്നു ചിലർ പറഞ്ഞു. ചിലർക്കു എന്തുപ​റ​യേണ്ടു എന്ന്‌ അറിയാൻ കഴിഞ്ഞില്ല, എന്നാൽ അവർ എന്നെ കാണാൻ വന്നതി​നാൽ അവരുടെ താല്‌പ​ര്യം പ്രകടി​പ്പി​ച്ചു. ചിലർ എന്നെ ഒരു വീരനാ​യി​ക​യെന്നു വിളിച്ചു, ആ വ്യാജ​ശാ​ലീ​നത അകലെ, ഞാൻ അല്ല. ഉപദ്ര​വ​ത്തി​ന്റെ മാർഗ്ഗ​ത്തിൽനി​ന്നു ഒഴിഞ്ഞു​മാ​റാൻ എനിക്കു കഴിയാ​തെ വന്നപ്പോൾ, ഞാൻ എന്റെ ബൈബിൾ അദ്ധ്യയ​ന​ത്തിൽ നിന്നു പഠിച്ചത്‌ ബാധക​മാ​ക്കു​ക​യും അതു ഫലിക്കു​ക​യും ചെയ്‌തു.

ഞാൻ ആകുന്ന സാധാരണ വ്യക്തി​യേ​പ്പോ​ലെ, ഞാൻ പൂർവ്വ​സ്ഥി​തി പ്രാപി​ച്ചു​കൊ​ണ്ടി​രു​ന്ന​പ്പോൾ അനേക പ്രാവ​ശ്യം എന്നെ വീണ്ടും ഉറപ്പി​ക്കേണ്ട ആവശ്യം ഉണ്ടായി​രു​ന്നു. എനിക്കു വളരെ മ്ലാനമായ ചില ദിവസങ്ങൾ ഉണ്ടായി​രു​ന്നു. ഒരു സമയ​ത്തേക്കു പുറത്തു​പോ​കു​വാൻ ഞാൻ ആഗ്രഹി​ച്ചില്ല. ചില ദിവസ​ങ്ങ​ളിൽ എനിക്കു വളരെ ധൈര്യം അവലം​ബി​ക്കു​വാൻ കഴിഞ്ഞു, എന്നാൽ മറ്റു സമയങ്ങ​ളിൽ ഞാൻ വിറച്ചു​പോ​കു​ക​യും ഈ പേടി​സ്വ​പ്‌നത്തെ വിശക​ലനം ചെയ്യു​ക​യും തള്ളിക്ക​ള​യു​ക​യും ചെയ്യു​ന്ന​തിന്‌ എന്റെ മനസ്സും ഹൃദയ​വും കഠിന പ്രയത്‌നം ചെയ്‌ത​പ്പോൾ എനിക്കു യാതൊ​രാ​ശ്വാ​സ​വും കണ്ടെത്താൻ കഴിഞ്ഞില്ല എന്ന്‌ എന്റെ ഭർത്താ​വി​നു നിങ്ങ​ളോ​ടു പറയു​വാൻ കഴിയും. ഒരുപക്ഷേ എനിക്കു പൂർവ്വ​സ്ഥി​തി പ്രാപി​ക്കാ​നുള്ള ഏറ്റവും വലിയ ഏക സഹായം യഹോ​വ​യാം ദൈവ​ത്തി​ന്റെ സഹായ​ത്തോ​ടെ ശരിയായ സംഗതി എന്റെ കഴിവി​ന്റെ അങ്ങേയറ്റം നന്നായി ചെയ്‌തു എന്ന്‌ അറിയു​ന്ന​താ​യി​രു​ന്നു. എന്റെ തെളി​വുള്ള നിമി​ഷ​ങ്ങ​ളിൽ ആനന്ദി​ക്കു​ന്ന​തി​നു​പോ​ലും ഞാൻ അല്‌പം കാരണം കണ്ടെത്തി. കൂടെ​ക്കൂ​ടെ ഈ ബൈബിൾ വാക്യങ്ങൾ എന്നെ ആശ്വസി​പ്പി​ച്ചി​രു​ന്നു:

“ഒരു പുരു​ഷനു വിവാഹ നിശ്ചയം കഴിഞ്ഞി​രി​ക്കുന്ന കന്യക​യായ ഒരു യുവതി ഉണ്ടായി​രി​ക്ക​യും ഒരു പുരുഷൻ അവളെ പട്ടണത്തിൽ വച്ചു യഥാർത്ഥ​ത്തിൽ കണ്ടെത്തു​ക​യും അവളോ​ടു​കൂ​ടെ ശയിക്ക​യും ചെയ്‌താൽ, യുവതി പട്ടണത്തിൽ ആയിരു​ന്നി​ട്ടും അവൾ നിലവി​ളി​ക്കാഞ്ഞ കാരണ​ത്താ​ലും പുരുഷൻ തന്റെ സഹമനു​ഷ്യ​ന്റെ ഭാര്യയെ അപമാ​നി​ച്ച​തി​നാ​ലും നിങ്ങൾ അവർ ഇരുവ​രെ​യും ആ പട്ടണ വാതിൽക്കൽ കൊണ്ടു​വന്നു കല്ലെറി​യു​ക​യും അവർ മരിക്കു​ക​യും വേണം. അപ്രകാ​രം നിങ്ങൾ നിങ്ങളു​ടെ ഇടയിൽനിന്ന്‌ ദോഷം നീക്കി​ക്ക​ള​യണം. എന്നാൽ വിവാ​ഹ​നി​ശ്ചയം ചെയ്‌തി​രി​ക്കുന്ന യുവതി​യെ വയലിൽ വച്ച്‌ ഒരുത്തൻ കാണു​ക​യും അവളെ ബലാൽസം​ഗം ചെയ്‌തു അവളോ​ടു​കൂ​ടെ ശയിക്ക​യും ചെയ്‌താൽ അവളോ​ടു​കൂ​ടെ ശയിച്ച പുരുഷൻ മരിക്കണം, യുവതി​യോ​ടു നിങ്ങൾ ഒന്നും ചെയ്യരുത്‌. അവൾക്കു മരണ​യോ​ഗ്യ​മായ യാതൊ​രു പാപവു​മില്ല, കാരണം ഒരു മനുഷ്യൻ അവന്റെ സഹമനു​ഷ്യ​നോ​ടു കയർക്കു​ക​യും അവനെ കൊല്ലു​ക​യും ചെയ്യുന്നു, ഒരു ദേഹി​യെ​ത്തന്നെ, അതു​പോ​ലെ​ത​ന്നെ​യാണ്‌ ഈ കാര്യ​ത്തി​ലും. വയലിൽ വച്ചല്ലോ അവൻ അവളെ കണ്ടെത്തി​യത്‌. വിവാ​ഹ​നി​ശ്ചയം ചെയ്‌തി​രുന്ന യുവതി നിലവി​ളി​ച്ചു, എന്നാൽ അവളെ വിടു​വി​ക്കാൻ അവിടെ ആരുമി​ല്ലാ​യി​രു​ന്നു.”—ആവർത്തനം 22:23-27.

ഈ ലളിത​മായ വാക്കുകൾ അറിയാ​മാ​യി​രു​ന്ന​തി​നാൽ ഞാൻ അഗാധ​മാ​യി നന്ദിയു​ള്ള​വ​ളാ​യി​രു​ന്നു. അവ എന്നെ എന്റെ ധാർമ്മിക കടമ പഠിപ്പി​ച്ചി​രു​ന്നു. കുഴപ്പ​ത്തേ​യും അനിശ്ചി​ത​ത്വ​ത്തെ​യും അവ തടഞ്ഞി​രു​ന്നു. അവ നിമിത്തം, എന്തു ചെയ്യണ​മെന്നു ഞാൻ കൃത്യ​മാ​യി അറിഞ്ഞി​രു​ന്നു. ഞാൻ നിലവി​ളി​ച്ചു, അതുകൂ​ടാ​തെ ഞാൻ തിരി​ച്ചു​പോ​രാ​ടു​ക​യും ചെയ്‌തു. ബൈബി​ളി​ന്റെ നിർദ്ദേ​ശ​ങ്ങളെ ഞാൻ വിശ്വ​സി​ക്ക​യും അവയെ അടിപ്പാ​റ​യാ​യി കണ്ടെത്തു​ക​യും ചെയ്‌തി​രു​ന്നു. എന്റെ ഭർത്താ​വും ഞാനും മിക്ക​പ്പോ​ഴും പ്രാർത്ഥി​ച്ചു; എന്റെ ബലവും ദൃഢത​യും തിരി​ച്ചു​വന്നു.

മറ്റൊരു സ്‌ത്രീ​യും ഒരിക്ക​ലും ഒരു ബലാൽസംഗ ശ്രമത്തി​ലൂ​ടെ കടന്നു പോകാ​തി​രി​ക്ക​ട്ടെ​യെന്നു ഞാൻ ആശിക്കു​ന്നു—ബലാൽസം​ഗ​ത്തേ​പ്പറ്റി പറയു​ക​യും​വേണ്ടാ. എന്നാൽ യു. എസ്സ്‌. ഫെഡറൽ ബ്യൂറോ ഓഫ്‌ ഇൻവെ​സ്‌റ്റി​ഗേ​ഷ​നാൽ പ്രസിദ്ധം ചെയ്യപ്പെട്ട യൂണി​ഫോം ക്രൈം റിപ്പോർട്ട്‌സ്‌—ക്രൈം ഇൻ ദി യു​ണൈ​റ്റഡ്‌ സ്‌റ്റേ​യ്‌റ്റ്‌സ്‌ 1983-ലെ പതിപ്പ്‌, പുറം 5 അനുസ​രി​ച്ചു ഓരോ 7 മിനി​ട്ടി​ലും ഐക്യ​നാ​ടു​ക​ളിൽ ഒരു ബലാൽസം​ഗം നടക്കു​ന്നുണ്ട്‌. എന്റെ സംഗതി​യിൽ ഞാൻ യഹോ​വ​യിൽ ആശ്രയി​ച്ചു, ഞാൻ അവന്റെ വാക്കു​കളെ ഓർമ്മി​ച്ചു ഞാൻ നിലവി​ളി​ച്ചു. അതിനു പുറമേ, ഞാൻ തിരി​ച്ചു​പോ​രാ​ടി.

സത്യം ചെയ്‌തു (പരോ​ളിൽ) ജയിലിൽനി​ന്നു പുറത്തു​വന്ന്‌ എന്നെ ആക്രമിച്ച ഈ ബലാൽസം​ഗ​ക്കാ​രനെ, യഥാസ​മയം ന്യായ​വി​സ്‌താ​ര​ത്തി​നു കൊണ്ടു​വ​ര​പ്പെട്ടു. 1986 ഫെബ്രു​വരി 7-ന്‌ അവനെ പിൻവ​രുന്ന കുറ്റങ്ങൾക്കു വിധി​ക്ക​പ്പെട്ടു: കൊല​പാ​ത​ക​ശ്രമം, സെക്കണ്ട്‌ ഡിഗ്രി; ഭവന​ഭേ​ദനം, ഫസ്‌റ്റ ഡിഗ്രി; ബലാൽസം​ഗ​ശ്രമം, ഫസ്‌റ്റു ഡിഗ്രി; തട്ടി​ക്കൊ​ണ്ടു​പോക്ക്‌, സെക്കണ്ട്‌ ഡിഗ്രി.

അതു​കൊണ്ട്‌ ദൈവ​ത്തി​ലുള്ള നമ്മുടെ ധീരമായ വിശ്വാ​സം മനുഷ്യ​നേ​യുള്ള ഏതൊരു ഭയത്തേ​യും എപ്പോ​ഴും ജയിക്കണം. ഈ വാക്കു​ക​ളാൽ നാം അചഞ്ചല​മാ​യി നിൽക്കു​മ്പോൾ, ദാവീ​ദി​ന്റെ സങ്കീർത്തനം നമ്മു​ടേ​തും ആയിരി​ക്കട്ടെ: “ദൈവ​ത്തിൽ ഞാൻ എന്റെ വിശ്വാ​സം വച്ചിരി​ക്കു​ന്നു. ഞാൻ ഭയപ്പെ​ടു​ക​യില്ല. ഭൗമിക മനുഷ്യന്‌ എന്നോട്‌ എന്തു ചെയ്യാൻ കഴിയും?”—സങ്കീർത്തനം 56:11.—സംഭാവന ചെയ്യ​പ്പെ​ട്ടത്‌. (g86 5/22)

[21-ാം പേജിലെ ചതുരം]

ആദ്യ നിമിഷം മുതൽ ഒരു അക്രമി​യെ നിങ്ങൾ ചെറു​ക്കേ​ണ്ടത്‌ എന്തു​കൊണ്ട്‌:

1. അക്രമി ഞെട്ടി​ക്ക​പ്പെ​ടു​ക​യും നിങ്ങളെ വിട്ടു​പോ​കു​ക​യും ചെയ്‌തേ​ക്കാം

2. നിങ്ങൾ അക്രമി​യെ കഴിവു​കെ​ടു​ത്തു​ക​യും ഓടു​വാൻ സാധി​ക്ക​യും ചെയ്‌തേ​ക്കാം

3. അക്രമി​ക്കു ലൈം​ഗിക പ്രേരണ നഷ്ടപ്പെ​ടു​ക​യോ അല്ലെങ്കിൽ മടുക്കു​ക​യും പിൻവാ​ങ്ങു​ക​യും ചെയ്‌തേ​ക്കാം

4. നിങ്ങളെ സഹായി​ക്കു​ന്ന​തി​നു നിങ്ങൾക്കു മറ്റുള്ള​വരെ ആകർഷി​ക്കാം

5. നിങ്ങളു​ടെ മനഃസാ​ക്ഷി ശുദ്ധമാ​യി​രി​ക്കും. (നിങ്ങളെ ബലാൽസം​ഗം ചെയ്യ​പ്പെ​ടു​ക​യാ​ണെ​ങ്കിൽപോ​ലും, നിങ്ങളു​ടെ ആത്മാഭി​മാ​നം അല്ലെങ്കിൽ ദൈവ​മു​മ്പാ​കെ​യുള്ള ശുദ്ധി നിങ്ങൾ ബലിക​ഴി​ക്ക​യില്ല)

6. ഒരു അക്രമി​യു​ടെ​മേൽ നിങ്ങൾ ഏൽപ്പി​ക്കുന്ന മുറി​വു​കൾ പിന്നീട്‌ പോലീ​സിന്‌ അവനെ തിരി​ച്ച​റി​യാൻ സഹായി​ക്കും (ഉദാഹ​ര​ണ​ത്തിന്‌, നിങ്ങളു​ടെ നഖങ്ങൾക്ക​ടി​യി​ലുള്ള അവന്റെ തൊലി​യു​ടെ നുറു​ക്കു​കൾ)