ഒരു ശിഥി​ല​മാ​ക്ക​പ്പെട്ട രാജ്യം—പരിഹാ​രം എന്താണ്‌?

ഒരു പോട്ടു​ഗീസ്‌ കോള​നി​യാ​യി​രുന്ന അംഗോ​ള​യിൽ 1955-ൽ സന്ദർശിച്ച ഒരു സന്ദർശകൻ, ഒരു വെള്ളക്കാ​രൻ എന്ന നിലയിൽ പെട്ടെന്നു താൻ ഒരു “കുലീനൻ” ആയിത്തീർന്നു എന്നു തിരി​ച്ച​റി​ഞ്ഞ​പ്പോൾ അതിശ​യി​ച്ചു​പോ​യി! കടകളി​ലും ഓഫീ​സു​ക​ളി​ലും മറ്റു പൊതു​സ്ഥ​ല​ങ്ങ​ളി​ലും കറുത്ത​വരെ കാത്തു നിൽക്കാ​തെ മുൻഗണന നൽക​പ്പെട്ടു.

കേവലം രണ്ടു ദശാബ്ദ​ങ്ങൾക്കു മുമ്പ്‌ പല ആഫ്രിക്കൻ രാജ്യ​ങ്ങ​ളി​ലെ​യും പൊതു​വെ​യുള്ള അനുഭ​വ​മാ​യി​രു​ന്നു ഇത്‌.

പിന്നീട്‌ 1960-കളിൽ വെള്ളക്കാർ ചെറിയ ന്യൂന​പ​ക്ഷ​മാ​യി​രുന്ന രാജ്യങ്ങൾ തോറും കറുത്തവർ ശക്തി​പ്രാ​പി​ച്ചു. എന്നിരു​ന്നാ​ലും ദക്ഷിണാ​ഫ്രി​ക്ക​യിൽ സർക്കാ​രി​ന്റെ ഭരണത്തി​ലും സമ്പദ്‌ വ്യവസ്ഥ​യി​ലും ഒരു ബലമായ പിടി​യു​ണ്ടാ​യി​രു​ന്ന​വ​രും പല ദശാബ്ദ​ങ്ങ​ളാ​യി തങ്ങൾ ഭരിക്ക​ണ​മെ​ന്നത്‌ ദൈവ​ത്തി​ന്റെ ഇഷ്ടമാ​യി​രു​ന്നെന്നു വിശ്വ​സി​ച്ചി​രു​ന്ന​വ​രും ആയ ദശലക്ഷ​ക്ക​ണ​ക്കിന്‌ വെള്ളക്കാർ ഉണ്ടായി​രു​ന്നു. ഈ സാഹച​ര്യം ഉളവാ​യ​തെ​ങ്ങ​നെ​യാ​യി​രു​ന്നു?

ആദ്യകു​ടി​യേ​റ്റ​ക്കാ​രായ ഡച്ചുകാർ 1652-ൽ മുനമ്പിൽ ഇറങ്ങി. തദ്ദേശ​വാ​സി​ക​ളായ ഹോട്ടൻ ടോട്ട്‌സും ബഷ്‌മെ​ന്നും തുകൽധാ​രി​ക​ളാ​യി​രു​ന്ന​തി​നാൽ വെള്ളക്കാർ തങ്ങളുടെ പുരോ​ഗ​മിച്ച സംസ്‌ക്കാ​രം നിമിത്തം ഉയർന്ന​വ​രാ​ണെന്ന തോന്ന​ലു​ണ്ടാ​യി. പെട്ടെന്നു ഉരസ്സൽ ആരംഭി​ച്ചു.

വെള്ളക്കാ​രാ​യ കൃഷി​ക്കാർ സ്വാഭാ​വിക നായാട്ടു സ്ഥലങ്ങളിൽ താമസ​മാ​ക്കി​യ​പ്പോൾ, ബുഷ്‌മെൻ കോപി​ഷ്‌ഠ​രാ​ക​യും കന്നുകാ​ലി​കളെ മോഷ്ടി​ച്ചു​കൊ​ണ്ടു പ്രതി​ക​രി​ക്ക​യും ചെയ്‌തു. ആ ചെറു​മ​നു​ഷ്യ​രെ മൃഗങ്ങ​ളെ​പ്പോ​ലെ വേട്ടയാ​ടു​ക​യും 19-ാം നൂറ്റാ​ണ്ടിൽ അവരുടെ ലജ്ജാക​ര​മായ വംശനാ​ശ​ത്തി​ന്റെ വക്കോളം എത്തുക​യും ചെയ്‌തു. ഹോട്ടൻ ടോട്ട്‌സ്‌ അടി​പ്പെ​ടു​ത്ത​പ്പെ​ടു​ക​യും വസൂരി​രോ​ഗ​ത്താൽ അവരുടെ സംഖ്യ ഭയാന​ക​മാ​യി കുറയു​ക​യും ചെയ്‌തു. അവശേ​ഷിച്ച ഏതാനു​പേർ മറ്റുവർഗ്ഗ​ങ്ങ​ളിൽ ലയിക്കു​ക​യും ചെയ്‌തു.

പതി​നെ​ട്ടാം നൂറ്റാ​ണ്ടി​ലാ​യി​രു​ന്നു വെള്ളക്കാ​രായ കൃഷി​ക്കാർ (ബോ​വേ​ഴ്‌സ്‌), സോസാ ജനത—വടക്കു​നി​ന്നു കുടി​യേ​റി​പ്പാർത്ത​വ​രു​ടെ ഒരു കറുത്ത തരംഗം—യുമായി കണ്ടുമു​ട്ടി​യത്‌. വീണ്ടും ഒരു സംഘർഷം ഉണ്ടായി. ഭയങ്കര യുദ്ധങ്ങൾ നടത്തി. ഇതിനി​ട​യിൽ ബ്രിട്ടീ​ഷു​കാർ ആ മുനമ്പ്‌ കൈവ​ശ​പ്പെ​ടു​ത്തി. എന്നാൽ ബ്രിട്ടീഷ്‌ ഭരണത്തിൻ കീഴിൽ അനേകം ബോ​വേ​ഴ്‌സ്‌ ഞെരു​ക്ക​പ്പെ​ടു​ക​യും 1830-കളിൽ വടക്കോ​ട്ടു പ്രയാണം ചെയ്യു​ക​യും ചെയ്‌തു. വളരെ കഷ്ടപ്പാ​ടു​കൾക്കും സംഘട്ട​ന​ങ്ങൾക്കും ശേഷം ഓറഞ്ച്‌, വാൽ എന്നീ നദികൾക്ക​പ്പു​റത്ത്‌ അവർ പുതിയ സംസ്ഥാ​നങ്ങൾ രൂപീ​ക​രി​ച്ചു. ബ്രിട്ടീ​ഷു​കാ​രും ബോ​വേ​ഴ്‌സും വർണ്ണവി​വേ​ചനം നിലനിർത്തി.

ബോ​വേ​ഴ്‌സ്‌ ഡച്ചു നവീകരണ സഭയിലെ കാൽവി​നി​സ്‌റ്റു​കൾ ആയിരു​ന്നു. അവർ ബൈബിൾ പതിവാ​യി വായി​ച്ചി​രു​ന്നു, എന്നിട്ടും തങ്ങൾ കറുത്ത​വ​രെ​ക്കാൾ ഉയർന്ന​വ​രാ​ണെന്നു വിശ്വ​സി​ച്ചു—കറുത്തവർ ദൈവ​ത്തിൽനി​ന്നുള്ള ഒരു ശാപത്തിൻ കീഴി​ലാ​യി​രു​ന്നെന്നു വിശ്വ​സി​ച്ചി​രു​ന്നു.

സഭ വർണ്ണവി​വേ​ച​നത്തെ അംഗീ​ക​രി​ക്കു​ന്നു

പത്തൊൻപ​താം നൂറ്റാ​ണ്ടി​ലെ വെള്ളക്കാ​ര​ല്ലാത്ത മതപരി​വർത്ത​ക​രു​ടെ വർദ്ധനവ്‌ പല വെള്ളക്കാ​രി​ലും അസ്വസ്ഥ​ത​യു​ണ്ടാ​ക്കി. അതിന്റെ ഫലമായി 1857-ൽ സഭാസി​നഡ്‌ ഒരു ചരിത്ര പ്രധാ​ന​മായ തീരു​മാ​നം ചെയ്‌തു: “ചില [വെള്ളക്കാർ]-രുടെ ബലഹീനത നിമിത്തം . . . പുറജാ​തി​ക​ളിൽ [വെള്ളക്കാ​ര​ല്ലാ​ത്തവർ] നിന്നു വരുന്ന​വ​രു​ടെ സഭയ്‌ക്കു . . . ഒരു വ്യത്യസ്‌ത കെട്ടി​ട​ത്തിൽ അല്ലെങ്കിൽ സ്ഥാപന​ത്തിൽ അതിന്റെ ക്രിസ്‌തീയ പദവി ആസ്വദി​ക്കാം.” അപ്രകാ​രം സഭ വേർതി​രിവ്‌ അംഗീ​ക​രി​ച്ചു.

വിഭജന പ്രക്രിയ തുടർന്നു. ഇന്നു വെള്ളക്കാർക്കും കറുത്ത​വർക്കും മിശ്ര​വർഗ്ഗ​ത്തി​നും ഇൻഡ്യാ​ക്കാർക്കും വ്യത്യസ്‌ത ഡച്ച്‌ നവീകരണ പള്ളികൾ ഉണ്ട്‌.

പത്തൊൻപ​താം നൂറ്റാ​ണ്ടി​ന്റെ ഉത്തരാർദ്ധം കൂടു​ത​ലായ ഒരു വിഭജന പ്രവണത ദർശിച്ചു. അപ്പോ​ഴേക്ക്‌, മുഖ്യ​മാ​യും ബ്രിട്ടീഷ്‌ ഉത്ഭവവും വെള്ളക്കാ​രു​ടെ ദൃഢമായ നിയ​ന്ത്ര​ണ​വും ഉള്ള പല മതങ്ങളു​ടെ​യും മിഷനറി സംഘട​നകൾ സ്ഥാപി​ത​മാ​യി. നാറ്റാൽ യൂണി​വേ​ഴ്‌സി​റ്റി​യി​ലെ സാമൂഹ്യ നരവംശ ശാസ്‌ത്ര പ്രൊ​ഫ​സ്സ​റായ ജയിംസ്‌ കിർനാൻ പറയു​ന്ന​ത​നു​സ​രിച്ച്‌, “വെള്ളക്കാ​രു​ടെ ആധിപ​ത്യ​മുള്ള ഈ സഭകളിൽ ഈ [നേതൃ​ത്വ​ത്തിൽനിന്ന്‌ ആഫ്രിക്കൻ വൈദി​ക​രു​ടെ] ഒഴിവാ​ക്കൽ വിവേ​ച​ന​യു​ടെ അടിസ്ഥാ​ന​ത്തിൽ ആയിരി​ക്ക​ണ​മെന്നു സമ്മതി​ക്ക​യും തങ്ങളുടെ സ്വന്തം സഭകൾ സ്ഥാപി​ച്ചു​കൊണ്ട്‌ അതി​നോട്‌ എതിർപ്പു പ്രകടി​പ്പി​ക്ക​യും ചെയ്‌തു.” ആദ്യ​ത്തേത്‌ 1892-ൽ യോഹ​ന്നാസ്‌ ബർഗിൽ രൂപീ​ക​രി​ച്ചു. ഇന്ന്‌, ദക്ഷിണാ​ഫ്രി​ക്ക​യിൽ 4,000-ത്തോളം മതവി​ഭാ​ഗങ്ങൾ ഉണ്ട്‌, മിക്കതും കറുത്ത​വർഗ്ഗ​ക്കാ​രു​ടെ.

ഇരുപ​താം നൂറ്റാണ്ട്‌ “ക്രിസ്‌ത്യൻ” വെള്ളക്കാ​രും ബ്രിട്ടീഷ്‌ സാമ്രാ​ജ്യ​വാ​ദി​ക​ളും ബോവർ ദേശീ​യ​വാ​ദി​ക​ളും തമ്മിൽ ആധിപ​ത്യ​ത്തി​നു​വേ​ണ്ടി​യുള്ള പോരാ​ട്ട​ത്തോ​ടെ​യാണ്‌ ആരംഭി​ച്ചത്‌. സംഖ്യ​യു​ടെ മാത്രം ഘനത്താൽ ബ്രിട്ടൻ ബോവർ റിപ്പബ്ലി​ക്കു​കൾ പിടി​ച്ചെ​ടു​ക്കു​ക​യും പിന്നീട്‌ അവയും കൂട്ടി​ച്ചേർത്ത്‌ യൂണിയൻ ഓഫ്‌ സൗത്ത്‌ ആഫ്രിക്ക രൂപീ​ക​രി​ക്ക​യും ചെയ്‌തു.

എന്നാൽ ആഫ്രി​ക്കാ​നർ എന്നു ഇപ്പോൾ വിളി​ക്ക​പ്പെ​ടുന്ന ബോ​വേ​ഴ്‌സ്‌ ദേശീയ പാർട്ടി എന്നനി​ല​യിൽ 1948-ൽ തെര​ഞ്ഞെ​ടു​പ്പിൽ വിജയി​ച്ച​തി​നാൽ ഒരു രാഷ്ടീയ വിജയം കൈവ​രി​ക്ക​യും അവരുടെ വർണ്ണവി​വേചന (വേർതി​രിവ്‌) നയത്തിന്റെ ബലത്തിൽ അധികാ​ര​ത്തിൽ വരിക​യും ചെയ്‌തു. ഒരു ആഫ്രി​ക്കാ​നർ ദിനപ്പ​ത്ര​മായ ഡെയ്‌ ട്രാൻസ്‌വേ​ല​റി​ലെ ഒരു അഭി​പ്രാ​യം അനുസ​രിച്ച്‌: “ഞങ്ങൾക്ക്‌ ക്രിസ്‌തീയ തത്വങ്ങ​ളും നീതി​യും ന്യായ​വും അടിസ്ഥാ​ന​പ്പെ​ടു​ത്തി​യുള്ള . . . വർണ്ണവി​വേചന നയമുണ്ട്‌.” വർണ്ണ വ്യത്യാ​സ​ങ്ങളെ സംയോ​ജി​പ്പി​ക്കു​ന്ന​തി​നു​വേണ്ടി നിയമ​ങ്ങ​ളു​ടെ​യും ചട്ടങ്ങളു​ടെ​യും ഒരു പരമ്പര പിൻതു​ടർന്നു.

അകന്നു താമസി​ക്കു​ന്ന​തി​നാ​ലും യാതൊ​രു സാമൂ​ഹ്യ​ബ​ന്ധ​വു​മി​ല്ലാ​ത്ത​തി​നാ​ലും അനേകം വെള്ളക്കാർക്കും കറുത്ത​വർഗ്ഗ​ക്കാ​രു​ടെ ഉപനഗ​ര​ങ്ങ​ളി​ലെ താണ ജീവി​ത​നി​ല​വാ​രങ്ങൾ സംബന്ധിച്ച്‌ അറിവില്ല, വർണ്ണവി​വേ​ചനം നിമി​ത്ത​മുള്ള അപമാ​ന​വും പൂർണ്ണ​മാ​യി വിലമ​തി​ക്കാൻ അവർക്കു കഴിയു​ക​യില്ല. മിക്കവാ​റും എല്ലാ കറുത്ത​വർഗ്ഗ​ക്കാ​രും വർണ്ണവി​വേചന നയത്തോട്‌ നീരസ​മു​ള്ള​വ​രാണ്‌. അത്തരം നീരസം അസ്വസ്ഥ​ത​യു​ടെ നാളങ്ങളെ ആളിക്കാൻ ഉപയോ​ഗി​ച്ചി​രി​ക്കു​ന്നു.

ഒരു പരിഹാ​ര​മു​ണ്ടോ?

വർണ്ണവി​വേ​ചനം അവസാ​നി​പ്പി​ക്കു​ന്ന​തി​നു ദക്ഷിണാ​ഫ്രി​ക്ക​യ്‌ക്കു​ള്ളിൽനി​ന്നും പുറമേ നിന്നു​മുള്ള സമ്മർദ്ദം തീവ്ര​മാ​യി​രി​ക്കു​ന്നു. അടുത്ത​കാ​ലത്ത്‌ ഗവൺമെൻറ്‌ ദൂരവ്യാ​പ​ക​മായ മാറ്റങ്ങൾ വരുത്താൻ തിരു​മാ​നി​ച്ചു. അത്‌ ചില വർണ്ണവി​വേചന നിയമങ്ങൾ പരിഷ്‌ക്ക​രി​ക്ക​യും ചിലവ നീക്കു​ക​യും ചെയ്‌തു. എന്നാൽ എല്ലാവർക്കും തൃപ്‌തി​ക​ര​മായ ഒരു വിധത്തിൽ ദക്ഷിണാ​ഫ്രി​ക്ക​യി​ലെ പ്രശ്‌നങ്ങൾ പരിഹ​രി​ക്കു​ന്നത്‌ അസാദ്ധ്യ​മാ​യി തോന്നു​ന്നു. കറുത്ത​വ​രും വെള്ളക്കാ​രു​മായ അനേക​രും സമാധാ​ന​പ​ര​മായ മാറ്റം ആഗ്രഹി​ക്കു​ന്നു എങ്കിലും വെള്ളക്കാ​രായ ചില യാഥാ​സ്ഥി​തി​കർ നിജസ്ഥി​തി കാത്തു​സൂ​ക്ഷി​ക്കാൻ തീരു​മാ​നി​ച്ചി​രി​ക്ക​യാണ്‌. അമിത​വാ​ദി​കൾക്കും മിതവാ​ദി​കൾക്കും വിഭി​ന്ന​ങ്ങ​ളായ അവകാ​ശ​വാ​ദങ്ങൾ ഉണ്ട്‌. കറുത്ത​വർഗ്ഗ​ക്കാർ ഗോ​ത്ര​ത്തോ​ടുള്ള കൂറു​നി​മി​ത്തം ഗൗരവാ​ഹ​മാ​യി വിഭജി​ക്ക​പ്പെ​ട്ടും ഇരിക്ക​യാണ്‌.

സഭകൾ എന്തു പരിഹാ​രം വാഗ്‌ദാ​നം ചെയ്യുന്നു? ആത്മീയ​മാ​യ​തോ? ദൈവ​രാ​ജ്യ​മോ? അല്ല, അവർ രാഷ്‌ട്രീയ ഗോദാ​യി​ലേക്ക്‌ പ്രവേ​ശി​ച്ചി​രി​ക്കു​ന്നു. ചില പുരോ​ഹി​തൻമാർ നിയമ​ലം​ഘ​ന​ത്തെ​പ്പോ​ലും പ്രോ​ത്സാ​ഹി​പ്പി​ക്ക​യും അക്രമ​പ്ര​വർത്ത​ക​രാ​ണെ​ന്ന​റി​യാ​വുന്ന സ്വാത​ന്ത്ര്യ​പ്ര​സ്‌താ​ന​ങ്ങ​ളു​ടെ നേതാ​ക്കൻമാ​രു​മാ​യി കൂട്ടു​ചേ​രു​ക​യും ചെയ്യുന്നു. അതിന്റെ ഫലമായി, പള്ളിയിൽ പോക്കു​കാ​രായ അനേക​രും തങ്ങൾ ‘രാഷ്‌ട്രീ​യ​ത്തെ​ക്കു​റിച്ച്‌ വളരെ​യ​ധി​ക​വും ദൈവ​ത്തെ​ക്കു​റിച്ച്‌ വളരെ​ക്കു​റ​ച്ചും’ കേൾക്കു​ന്നു എന്നു പരാതി​പ്പെ​ടു​ന്നു.

കലക്കത്തി​ന്റെ ശമനം സഭകളിൽ നിന്നുള്ള വേർപെ​ട​ലാണ്‌. ഡച്ച്‌ നവീകരണ സഭയുടെ വിവിധ ശാഖക​ളിൽ ഇപ്പോൾ വർണ്ണവി​വേ​ച​നത്തെ സംബന്ധിച്ച്‌ വളരെ വിമർശ​ന​മുണ്ട്‌. കറുത്ത​വ​രും വെള്ളക്കാ​രു​മായ അനേകം ശുശ്രൂ​ഷ​ക​രും ഇതിനെ കുറ്റം​വി​ധി​ച്ചി​രി​ക്കു​ന്നു. പടിഞ്ഞാ​റെ മുനമ്പി​ലെ വൈദി​കസഭ 1983 ഒക്‌ടോ​ബ​റിൽ വർണ്ണവി​വേ​ചനം “പാപപൂർണ്ണ”മാണെ​ന്നും അതു​കൊണ്ട്‌ ഇനിമു​തൽ പള്ളി എല്ലാവർഗ്ഗ​ത്തിൽപെ​ട്ട​വർക്കും തുറന്നി​ട​ണ​മെ​ന്നും പ്രഖ്യാ​പി​ച്ചു.

വർണ്ണവി​വേ​ച​നം “അയൽക്കാ​രനെ സ്‌നേ​ഹി​ക്കു​ന്ന​തും നീതി​യും സംബന്ധി​ച്ചുള്ള ബൈബിൾ തത്വങ്ങൾക്കു എതിരാ​ണെ​ന്നും” “വർണ്ണവി​വേ​ച​ന​നയം” “മാനുഷ ദുരി​ത​ത്തി​ലേക്കു നയിച്ചി​രി​ക്കു​ന്നു” എന്നും മറ്റൊരു ഡച്ച്‌ നവീക​രണം സഭയായ പ്രിസ്‌ബി​റ്റി​റി ഓഫ്‌ സ്‌റ്റെ​ല്ലെൻബോ​ഷി​ന്റെ മേഖലാ സംഘടന 1985 ഓഗസ്‌റ്റ്‌ 29-ാം തീയതി ഔദ്യോ​ഗി​ക​മാ​യി അംഗീ​ക​രി​ച്ചു. വർഗ്ഗകാ​ര്യ​ങ്ങ​ളി​ലുള്ള ഭിന്നത​യും ചില ഇംഗ്ലീഷ്‌ സഭകളെ രോഗ​ബാ​ധി​ത​മാ​ക്കു​ന്നു. വർണ്ണവി​വേ​ചനം “ദൈവ​ത്തി​ന്റെ ഇഷ്ടം” ആണെന്നു വിശ്വ​സി​ക്കു​ന്ന​വ​രാ​യി വളർന്നു​വ​രുന്ന ആത്മാർത്ഥ​ത​യുള്ള ആളുകൾക്ക്‌ ഇത്‌ അമ്പരപ്പി​ക്കു​ന്ന​തും കുഴപ്പി​ക്കു​ന്ന​തു​മാണ്‌.

ഏക പരിഹാ​രം

ദീർഘ​കാ​ല​മാ​യി ലോക​ശ്രദ്ധ ദക്ഷിണാ​ഫ്രി​ക്ക​യിൽ കേന്ദ്രീ​ക​രി​ച്ചി​രി​ക്കു​ന്നു. അതു വിമർശ​ന​ത്തി​ന്റെ വിരൽ ചൂണ്ടു​ന്ന​തി​നുള്ള കാര്യ​മാ​യി​ത്തീർന്നി​രി​ക്കു​ന്നു. എന്നാൽ അങ്ങനെ ചെയ്യുന്ന അനേകം രാജ്യ​ങ്ങ​ളും അതു​പോ​ലെ​തന്നെ ദുഷി​ച്ച​രീ​തി​യി​ലോ അതിലും ദുഷി​ച്ച​വി​ധ​ത്തി​ലോ ഉള്ളവയാണ്‌. ഇത്‌ ആഴമായ ഒരു സവിശേഷ വസ്‌തു​ത​യി​ലേക്കു ചൂണ്ടുന്നു: ദക്ഷിണാ​ഫ്രി​ക്ക​യു​ടെ കഠിന​യാ​ത​ന​യു​ടെ പ്രശ്‌ന​ത്തി​നു മാത്രമല്ല, പിന്നെ​യോ ലോക​ത്തി​ന്റെ തന്നെ പ്രശ്‌ന​ത്തി​നുള്ള യഥാർത്ഥ​വും നിലനിൽക്കു​ന്ന​തു​മായ പരിഹാ​ര​ത്തി​നുള്ള സാദ്ധ്യത മാനു​ഷ​ശ​ക്തി​ക്കും ജ്ഞാനത്തി​നും അതീത​മാണ്‌.

ലോക​ച​രി​ത്രം തെറ്റു​ക​ളു​ടെ​യും അനീതി​യു​ടെ​യും കലാപ​ങ്ങ​ളു​ടെ​യും രക്തച്ചൊ​രി​ച്ചി​ലി​ന്റെ​യും ഒരു സുദീർഘ​രേ​ഖ​യാണ്‌. ഈ 20-ാം നൂറ്റാ​ണ്ടിൽ ലോകം ഒരു പ്രതി​സ​ന്ധി​യിൽ നിന്നു മറ്റൊ​ന്നി​ലേക്കു ഇടറി വീഴു​ക​യും, ആണവയുദ്ധ ഭീഷണി​യാൽ ബാധി​ക്ക​പ്പെ​ടു​ക​യും ചെയ്യു​മ്പോൾ സാഹച​ര്യം കൂടുതൽ വഷളാ​യി​ത്തീ​രു​ന്നു.

ഈ നൂറ്റാ​ണ്ടി​ന്റെ ആരംഭ​ത്തിൽ, മനുഷ്യ​വർഗ്ഗം രാഷ്‌ട്ര​ങ്ങളെ നിയ​ന്ത്രി​ക്കു​ന്ന​തി​നുള്ള ഒരു ആഗോള പരമോ​ന്നത ആധിപ​ത്യ​ത്തി​ന്റെ ആവശ്യം തിരി​ച്ച​റി​ഞ്ഞു. എന്നിട്ടും സർവ്വരാ​ജ്യ​സ​ഖ്യ​ത്തി​ന്റെ​യും ഐക്യ​രാ​ഷ്‌ട്ര​ങ്ങ​ളു​ടെ​യും പരീക്ഷ​ണങ്ങൾ പരാജ​യ​പ്പെ​ട്ടി​രി​ക്കു​ന്നു. ഈ കുഴപ്പങ്ങൾ നീക്കു​ക​യും സമാധാ​ന​വും ഐക്യ​വും സ്ഥാപി​ക്ക​യും ചെയ്യാൻ കഴിവു​ള്ള​തും ചെയ്യു​ന്ന​തു​മായ ഒരു പരമോ​ന്നത ഭരണനിർവ്വ​ഹ​ണ​സം​ഘം ഉണ്ടോ? ഉണ്ട്‌—ദൈവ​രാ​ജ്യം.

അത്‌ “ഈ [മനുഷ്യ​നിർമ്മിത] രാജ്യ​ങ്ങളെ എല്ലാം തകർത്തു നശിപ്പി​ക്ക​യും” ഭൂമി​യിൽ നിന്നു അക്രമ​ത്തെ​യും അനീതി​യെ​യും എല്ലാ തരത്തി​ലു​മുള്ള ദുഷ്ടത​യെ​യും തുടച്ചു നീക്കു​ക​യും ക്രിസ്‌തു​വി​ന്റെ ആയിര​വർഷ സമാധാ​ന​ഭ​രണം ആനയി​ക്ക​യും ചെയ്യും. അത്‌ വർഗ്ഗ, വർണ്ണ, പശ്ചാത്ത​ല​ങ്ങളെ പരിഗ​ണി​ക്കാ​തെ എല്ലാ ആളുകൾക്കും നീതി​യും നൻമയും കൈവ​രു​ത്തു​ക​യും ചെയ്യും.—ദാനി​യേൽ 2:44; സങ്കീർത്തനം 37:10 പ്രവൃ​ത്തി​കൾ 10:34, 35.

ദക്ഷിണാ​ഫ്രി​ക്ക​യി​ലെ ആയിരങ്ങൾ ഉൾപ്പെടെ ലോക​ത്തി​നു​ചു​റ്റും ദശലക്ഷങ്ങൾ ദൈവ​ത്തി​ന്റെ ഗവൺമെൻറ്‌, രാജ്യ​ത്തിൽ പ്രത്യാശ വെച്ചി​രി​ക്കു​ന്നു. നിവൃ​ത്തി​യേ​റിയ ബൈബിൾ പ്രവച​ന​ത്തി​ന്റെ അടിസ്ഥാ​ന​ത്തിൽ അത്‌ മുഴു ഭൂമി​യു​ടെ​യും നിയ​ന്ത്രണം ഏറ്റെടു​ക്കു​മെന്നു അവർ വിശ്വ​സി​ക്കു​ന്നു. അതു എല്ലാവർഗ്ഗ​ത്തി​ലും പെട്ട ആളുകളെ സംയോ​ജി​പ്പി​ക്കും.—ലൂക്കോസ്‌ 21:28-31.

ഇതിന്റെ ഒരു ഹൃദ​യോ​ദ്ദീ​പ​ക​മായ പ്രകടനം 1985 ഡിസം​ബ​റിൽ ദക്ഷിണാ​ഫ്രി​ക്ക​യിൽനടന്ന രണ്ടു പ്രത്യേക കൺ​വെൻ​ഷ​നു​ക​ളിൽ കാഴ്‌ച​വെച്ചു, അവ സംബന്ധിച്ച്‌ അടുത്ത ലേഖന​ത്തിൽ വായി​ക്കുക. (g86 7/22)

[16-ാം പേജിലെ ആകർഷ​ക​വാ​ക്യം]

സഭ “ചിലരു​ടെ ബലഹീനത നിമിത്തം” വർണ്ണവി​വേ​ച​നത്തെ അംഗീ​ക​രി​ച്ചു

[17-ാം പേജിലെ ആകർഷ​ക​വാ​ക്യം]

വർണ്ണവിവേചനം ദൈവ​ത്തി​ന്റെ ഇഷ്ടമാ​ണെ​ന്ന​പോ​ലെ അവതരി​പ്പി​ച്ചു

[17-ാം പേജിലെ ആകർഷ​ക​വാ​ക്യം]

ഡച്ച്‌ നവീകരണ സഭയുടെ അനേകം ശുശ്രൂ​ഷകർ വർണ്ണവി​വേചന നയത്തെ കുറ്റം​വി​ധി​ച്ചു