ദക്ഷിണാ​ഫ്രിക്ക അനേക വർഗ്ഗങ്ങൾ, അനേക വൈരു​ദ്ധ്യ​ങ്ങൾ, എന്നാൽ ചിലർ സമാധാ​നം കണ്ടെത്തു​ന്നു

ദക്ഷിണാഫ്രിക്കായിലെ “ഉണരുക!” ലേഖകൻ

ദക്ഷിണാ​ഫ്രിക്ക വിസ്‌മ​യാ​വ​ഹ​മായ വൈരു​ദ്ധ്യ​ങ്ങ​ളു​ടെ നാടാണ്‌. ഫലഭൂ​യി​ഷ്‌ഠ​മായ വിസ്‌തൃത സമതല​ങ്ങ​ളും വിശാ​ല​മായ മരുഭൂ​മി​ക​ളും പർവ്വത നിരക​ളും ഗിരി​ക​ന്ദ​രങ്ങൾ മുറി​ഞ്ഞും പച്ചവി​രിച്ച താഴ്‌വ​ര​ക​ളി​ലൂ​ടെ വളഞ്ഞും പുളഞ്ഞും പോകുന്ന നദിക​ളും. മൃഗങ്ങ​ളു​ടെ​യും പക്ഷിക​ളു​ടെ​യും സസ്യജാ​ല​ങ്ങ​ളു​ടെ​യും അതിശ​യി​പ്പി​ക്കുന്ന വൈവി​ധ്യ​ങ്ങ​ളു​ടെ സമൃദ്ധി​യു​മുണ്ട്‌. വർഗ്ഗങ്ങ​ളു​ടെ അതിയായ വൈവി​ധ്യ​വും ഇവിടെ ഒരുമി​ക്കു​ന്നു.

എന്നിരു​ന്നാ​ലും, സങ്കടക​ര​മെന്നു പറയട്ടെ, വർഗ്ഗങ്ങ​ളു​ടെ ഈ ഇടകലരൽ പ്രശ്‌നങ്ങൾ ഉളവാ​ക്കി​യി​രി​ക്കു​ന്നു. സർ ലോറൻസ്‌ വാൻഡെർ പോസ്‌റ്റ്‌ ഇപ്രകാ​രം എഴുതി, “ദക്ഷിണാ​ഫ്രി​ക്ക​യിൽ ലോക​ത്തി​ലെ മറ്റേ​തൊ​രു രാജ്യ​ത്തെ​ക്കാ​ളു​മ​ധി​കം തരത്തി​ലുള്ള മാനുഷ സമ്മർദ്ദങ്ങൾ ഉണ്ട്‌. വെള്ളക്കാ​രും ഏഷ്യാ​ക്കാ​രും തമ്മിലും കറുത്ത​വ​രും ഏഷ്യാ​ക്കാ​രും തമ്മിലും വെള്ളക്കാ​രും മുനമ്പു​വർണ്ണ​ക്കാ​രും തമ്മിലും ആഫ്രിക്കാക്കാരുംa ബ്രിട്ടീ​ഷു​കാ​രും കറുത്ത​വ​രും തമ്മിൽ തമ്മിലും ഉള്ള പിരി​മു​റു​ക്ക​ങ്ങ​ളു​മുണ്ട്‌.”

ഇവിടത്തെ ഏറ്റവും ആദ്യത്തവർ ആരാണ്‌? ആശ്ചര്യ​ക​ര​മെന്നു പറയട്ടെ, മുകളിൽ പറയപ്പെട്ട ജനതക​ളിൽ ആരുമല്ല! ഡോക്ടർ ടിറൻ ദക്ഷിണാ​ഫ്രി​ക്ക​യി​ലെ ഗോ​ത്ര​ജ​നങ്ങൾ എന്ന പുസ്‌ത​ക​ത്തിൽ ഇപ്രകാ​രം എഴുതി, “ഇന്നത്തെ ഗോ​ത്ര​ങ്ങ​ളിൽ ബുഷ്‌മാൻ ആണ്‌ ‘ഏറ്റവും പഴക്കമുള്ള നിവാസി’ എന്നതും മറ്റു​ള്ളവർ, വടക്കു നിന്നുള്ള കറുത്ത​വ​രും തെക്കു നിന്നുള്ള വെള്ളക്കാ​രും കുടി​യേ​റ്റ​ക്കാ​രാ​ണെ​ന്ന​തും അനി​ഷേ​ധ്യ​മാണ്‌. ബുഷ്‌മെൻ മദ്ധ്യ ആഫ്രി​ക്ക​യി​ലെ പിഗ്മി​ക​ളു​ടെ വലിപ്പ​മുള്ള മഞ്ഞ നിറ​ത്തോ​ടു​കൂ​ടിയ അപകട​ത്തി​ലാ​യി​രി​ക്കുന്ന ഒരു വർഗ്ഗമാണ്‌. വേട്ടയാ​ടി ശേഖരി​ച്ചു​കൊ​ണ്ടു​മാ​ത്രം അതിജീ​വി​ക്കുന്ന ആളുക​ളിൽ ഒടുവി​ല​ത്ത​വ​രിൽ പെട്ടവ​രാണ്‌ അവർ.

ബുഷ്‌മെ​നോട്‌ അടുത്തു സാമ്യ​മു​ള്ള​വ​രാ​യി​രു​ന്നു ഹോട്ടെൻ ടോട്ട്‌സ്‌—ബുഷ്‌മെ​ന്നും കറുത്ത​വ​രും ചേർന്നുള്ള ഒരു സങ്കര​മെന്നു വിശ്വ​സി​ക്ക​പ്പെ​ടു​ന്നു. അവരും വേട്ടയാ​ടു​ന്നെ​ങ്കി​ലും ബുഷ്‌മെ​ന്നി​നെ​പ്പോ​ലെ​യ​ല്ലാ​തെ അവർ സ്വന്തമാ​യി കന്നുകാ​ലി​ക​ളെ​യും ആടുക​ളെ​യും വളർത്തി​യി​രു​ന്നു. ദക്ഷിണ തീര​പ്ര​ദേ​ശ​ങ്ങ​ളിൽ വസിച്ചി​രുന്ന ഹോട്ടെൻ ടോട്ട്‌സ്‌ ആയിരു​ന്നു 1652 മുതൽ ആഫ്രി​ക്ക​യു​ടെ തെക്കെ അറ്റത്തു താമസ​മു​റ​പ്പിച്ച വെള്ളക്കാ​രു​മാ​യി ആദ്യം ബന്ധത്തിൽ വന്നവർ.

നാലാം നൂറ്റാ​ണ്ടു മുതൽ കറുത്ത ആഫ്രിക്കൻ വംശജർ തെക്കെ ആഫ്രി​ക്ക​യി​ലേക്ക്‌ നുഴഞ്ഞു കയറാൻ തുടങ്ങി. ക്രമേണ കറുത്തവർ ദശലക്ഷ​ങ്ങ​ളാ​യി​ത്തീർന്നു—ഓരോ​ന്നി​നും സ്വന്തം തലവനുള്ള നൂറു കണക്കിനു ഗോ​ത്ര​ങ്ങ​ളാ​യി വിഭജി​ക്ക​പ്പെ​ട്ടവർ. ഒരേ ഭാഷയുള്ള ചില ഗോ​ത്രങ്ങൾ സുലു, സോസാ, സോത്തോ, സ്വാനാ, പെഡി, വെൻഡാ, സോംഗാ എന്നിങ്ങ​നെ​യുള്ള വലിയ ദേശീയ കൂട്ടങ്ങൾ രൂപീ​ക​രി​ച്ചു.

ഭൂമി​ക്കു​വേ​ണ്ടി​യുള്ള തള്ളിക്ക​യ​റ്റം

ബുഷ്‌മാ​ന്റെ ജീവി​ത​രീ​തി ഹോട്ടെൻ ടോട്ട്‌സി​ന്റെ​തി​നോ​ടും ആഫ്രിക്കൻ ഗോ​ത്ര​വർഗ്ഗ​ക്കാ​രു​ടെ​തി​നോ​ടും കിടപി​ടി​ക്കു​ന്ന​ത​ല്ലാ​യി​രു​ന്നു. തങ്ങളുടെ കന്നുകാ​ലി​കൾക്കു​വേണ്ടി വിസ്‌തൃ​ത​മായ കൃഷി​ത്തോ​ട്ടങ്ങൾ ആവശ്യ​മാ​യി​രുന്ന യൂറോ​പ്യൻമാ​രു​ടെ ആഗമന​ത്തോ​ടെ ഭൂമി​ക്കു​വേ​ണ്ടി​യുള്ള പോരാ​ട്ടം രൂക്ഷമാ​യി​ത്തീർന്നു. അവിശ്വ​സ​നീ​യ​മാം​വി​ധം ധീരരാ​യി​രു​ന്നെ​ങ്കി​ലും ചെറു​വേ​ട്ട​ക്കാർ വെള്ളക്കാ​രന്റെ പരിഷ്‌കൃ​ത​മായ ആയുധ​ങ്ങൾക്ക്‌ അന്തിമ​മാ​യി കീഴട​ങ്ങി​ക്കൊണ്ട്‌ വഴിമാ​റി​ക്കൊ​ടു​ക്കാൻ നിർബ്ബ​ന്ധി​ത​രാ​യി​ത്തീർന്നു. ചിലർ സോത്തോ പോലുള്ള മറ്റു രാഷ്‌ട്ര​ങ്ങ​ളി​ലേക്ക്‌ ലയിച്ചു​ചേർന്നു, അതേസ​മയം മറ്റു​ള്ളവർ ആതിഥ്യ​മ​രു​ളാത്ത കലഹാ​രി​യിൽ അതിജീ​വി​ച്ചു.

പ്രാരംഭ യുദ്ധത്തി​നു​ശേഷം ഹോട്ടെൻ ടോട്ട്‌സ്‌ വെള്ളക്കാ​രായ കുടി​പാർപ്പു​കാർക്ക്‌ കീഴട​ങ്ങു​ന്ന​തി​നും സേവ ചെയ്യു​ന്ന​തി​നും അധികം മനസ്സൊ​രു​ക്ക​മു​ള്ള​വ​രാ​യി​ത്തീർന്നു. ക്രമേണ, അവർ വെള്ള മുതൽ ഇരുണ്ട തവിട്ടു നിറം വരെ വിവിധ നിറങ്ങ​ളോ​ടു​കൂ​ടിയ, കൊഴി​ഞ്ഞു​കൊ​ണ്ടി​രുന്ന സൗഹൃ​ദ​യ​രായ മിശ്ര​വർഗ്ഗത്തെ—യൂറോ​പ്യൻ വംശജ​രുൾപ്പെടെ—മുനമ്പു​വർണ്ണ സമുദാ​യ​ത്തി​ന്റെ ഭാഗം രൂപീ​ക​രി​ച്ചു.

ബുഷ്‌മാ​ന്റെ തിരോ​ധാ​ന​വും ഹോട്ടെൻ ടോട്ടി​ന്റെ കീഴട​ങ്ങ​ലും ദക്ഷിണാ​ഫ്രി​ക്ക​യിൽ സമാധാ​നം കൈവ​രു​ത്തി​യില്ല. സ്വർണ്ണ​വും ജോലി​ക്കാ​രും എന്ന പുസ്‌തകം വിശദീ​ക​രി​ക്കുന്ന പ്രകാരം: “പൂർവ്വ​മു​ന​മ്പിൽ ആദ്യം സോസാ, ഡച്ചുകാ​രോ​ടും പിന്നീട്‌ ബ്രിട്ടീ​ഷ്‌കാ​രോ​ടും അതുക​ഴിഞ്ഞ്‌ നാറ്റാ​ലിൽ സുലൂസ്‌ ഡച്ച്‌കാ​രോ​ടും ബ്രിട്ടീ​ഷു​കാ​രോ​ടും രൂക്ഷമാ​യി പോരാ​ട്ടം ആരംഭി​ച്ചു. . . . ബ്രിട്ടൻ ദക്ഷിണാ​ഫ്രി​ക്ക​യി​ലേക്ക്‌ വലിയ സൈന്യ​ത്തെ അയച്ച​പ്പോൾ നിർണ്ണാ​യ​ക​ഘട്ടം സംജാ​ത​മാ​യി. അനന്തര​ഫലം അവർ തീരു​മാ​നി​ച്ചു. അവരുടെ കുതി​ര​ക​ളും നവീന തോക്കു​ക​ളും പീരങ്കി​ക​ളും​കൊണ്ട്‌ അവർക്ക്‌ ക്രമേണ പൂർവ്വ മുനമ്പി​ലെ സോസാ​യേ​യും നാറ്റാ​ലി​ലെ സുലൂ​സി​നെ​യും തകർക്കാൻ കഴിഞ്ഞു”

ഇരുപതു വർഷങ്ങൾക്കു​ശേഷം 1899-ൽ ഏതാണ്ട്‌ നാലു വർഷം നീണ്ടു നിന്ന ആംഗ്ലോ—ബോവർ യുദ്ധം ആരംഭി​ച്ചു. അത്‌ ഇംഗ്ലീഷ്‌ വെള്ളക്കാ​രും ഡച്ചു വെള്ളക്കാ​രും തമ്മിലുള്ള പോരാ​ട്ട​മാ​യി​രു​ന്നു, 40,000-ൽ പരം ജീവൻ ഒടുക്കു​ക​യും ചെയ്‌തു. കറുത്തവർ കണ്ട ദൃശ്യം സങ്കൽപ്പി​ക്കുക. തങ്ങൾക്കു ബൈബിൾ കൊണ്ടു​വ​ന്നവർ ഇപ്പോൾ ഇവിടെ കൊ​ന്നൊ​ടു​ക്കുന്ന “ക്രിസ്‌ത്യാ​നി​കൾ” ആയിരു​ന്നു.

കറുത്ത​വ​രും ഏഷ്യാ​ക്കാ​രും

ദക്ഷിണാ​ഫ്രി​ക്ക​യി​ലെ ഭൂരി​പക്ഷം വരുന്ന കറുത്ത​വരെ സംബ്ബന്ധി​ച്ചെന്ത്‌? അവർ ഐക്യ​മു​ള്ള​വ​രാ​ണോ? 19-ാം നൂറ്റാ​ണ്ടി​ന്റെ ആരംഭ​ത്തിൽ ഷാക്കാ എന്ന ഒരു ശക്തനായ സുലു പടയാളി അടുത്തു​ണ്ടാ​യി​രുന്ന അനേകം ഗോ​ത്ര​ങ്ങളെ പിടി​ച്ച​ടക്കി. അയാളു​ടെ വിജയ​ങ്ങ​ളു​ടെ തുടർച്ച​യായ അനന്തര​ഫ​ല​മെ​ന്ന​നി​ല​യിൽ ദശലക്ഷ​ക്ക​ണ​ക്കി​നു മരണങ്ങ​ളിൽ കലാശിച്ച ഗോ​ത്രാ​ന്ത​ര​യു​ദ്ധം കൈവ​രു​ത്തി.

കഴിഞ്ഞ നൂറ്റാ​ണ്ടിൽ സ്വർണ്ണ വയലു​ക​ളു​ടെ കണ്ടുപി​ടു​ത്ത​ത്തോ​ടും വ്യവസായ പുരോ​ഗ​തി​യോ​ടും കൂടി കറുത്ത​വർഗ്ഗ​ക്കാർ ക്രമേണ ജോലി​ക്കാ​യി വെള്ളക്കാ​രു​ടെ നഗരങ്ങ​ളി​ലേക്കു നീങ്ങി. അനേക ഭാഷകളെ പ്രതി​നി​ധീ​ക​രി​ക്കുന്ന കറുത്ത ജനതയു​ടെ മൂന്നിൽ ഒന്ന്‌ ഇപ്പോൾ വെള്ളക്കാ​രു​ടെ സമൂഹ​ത്തി​ന്റെ അരികെ ഉപ പട്ടണങ്ങ​ളിൽ ഒരുമി​ച്ചു പാർക്കു​ന്നു. ഒരു ദൃഷ്ടാന്തം ദക്ഷിണാ​ഫ്രി​ക്ക​യി​ലെ ഏറ്റവും വലിയ നഗരമായ ജോഹ​ന്ന​സ്‌ബർഗി​ന്റെ ബാഹ്യ​ഭാ​ഗ​ങ്ങ​ളിൽ സ്ഥിതി​ചെ​യ്യുന്ന പത്തുലക്ഷം കറുത്ത വർഗ്ഗക്കാ​രുള്ള സൊ​വെ​റ്റൊ ആണ്‌. ഈ ഉപ പട്ടണങ്ങ​ളിൽ വസിക്കുന്ന കറുത്തവർ പല യൂറോ​പ്യൻ രീതി​ക​ളും സ്വീക​രി​ച്ചി​ട്ടുണ്ട്‌, എന്നാൽ പഴയ ഗോ​ത്ര​വി​ശ്വാ​സങ്ങൾ നിലനിൽക്കു​ന്നു.

വിവിധ വർഗ്ഗങ്ങ​ളു​ടെ ആധിക്യ​ത്തോട്‌ അടുത്തുള്ള ബോട്ട്‌സ്‌വാ​നാ, ലെബോ​ത്തോ, സ്വാസി​ലാൻഡ്‌, മലാവി, മൊസാ​മ്പിക്ക്‌ എന്നിവി​ട​ങ്ങ​ളിൽ നിന്നു കോൺട്രാ​ക്‌റ്റ്‌ അടിസ്ഥാ​ന​ത്തി​ലുള്ള ആയിര​ക്ക​ണ​ക്കി​നു കറുത്ത ഖനി​ത്തൊ​ഴി​ലാ​ളി​കൾ കൂട്ട​പ്പെ​ടു​ന്നു. ഈ മനുഷ്യർ തങ്ങളുടെ കുടും​ബ​ങ്ങൾക്കു​വേണ്ടി പണം സമ്പാദി​ച്ചു മടങ്ങു​ന്ന​തി​നു വന്നതാണ്‌. അവർ, മിക്ക​പ്പോ​ഴും വ്യത്യസ്‌ത ദേശക്കാർ തമ്മിൽ പോരാ​ട്ടം പൊട്ടി​ത്തെ​റി​ക്കുന്ന ഖനി വളപ്പു​ക​ളിൽ താമസി​ക്കു​ന്നു.

ഒടുവിൽ, ദക്ഷിണാ​ഫ്രി​ക്ക​യിൽ 5 ലക്ഷത്തിൽപരം വരുന്ന ഏഷ്യാ​ക്കാ​രുണ്ട്‌. അവർ ഇവിടെ വന്നതെ​ങ്ങ​നെ​യാണ്‌? 19-ാം നൂറ്റാ​ണ്ടിൽ ബ്രിട്ടൻ നാത്താ​ലി​ന്റെ ദക്ഷിണാ​ഫ്രി​ക്കൻ തീര​പ്ര​ദേശം ഭരിച്ചി​രു​ന്നു. സുലു​വി​ന്റെ ശക്തി തകർക്ക​പ്പെ​ട്ടി​രു​ന്നില്ല. അവർ വെള്ളക്കാ​രു​ടെ കരിമ്പിൻ കൃഷി​യി​ട​ങ്ങ​ളിൽ ജോലി ചെയ്യാൻ വൈമ​ന​സ്യ​മു​ള്ള​വ​രാ​യി​രു​ന്നു. അതു​കൊണ്ട്‌ 1860 മുതൽ ഇൻഡ്യ​യിൽ നിന്ന്‌ ജോലി​ക്കാ​രെ കൂലി​ക്കെ​ടു​ത്തു​കൊ​ണ്ടി​രു​ന്നു. അവരിൽ മിക്കവ​രും അവരുടെ കോൺട്രാ​ക്‌റ്റ്‌ തീർന്ന​ശേ​ഷ​വും തുടർന്ന്‌ താമസി​ക്കാൻ ഇഷ്ടപ്പെട്ടു. ഇൻഡ്യ​യിൽനി​ന്നുള്ള കുടി​യേ​റ്റം 1911 വരെ തുടർന്നു. ആ സമയമാ​യ​പ്പോ​ഴേക്ക്‌ ദക്ഷിണാ​ഫ്രി​ക്ക​യു​ടെ അത്യന്ത​മായ വർഗ്ഗ വൈവി​ധ്യ​ങ്ങ​ളോട്‌ കൂട്ടി​ക്കൊണ്ട്‌ 1,50,000 പുരു​ഷൻമാ​രും സ്‌ത്രീ​ക​ളും കുട്ടി​ക​ളും അതിനെ തങ്ങളുടെ ഭവനമാ​ക്കി​ത്തീർത്തു കഴിഞ്ഞി​രു​ന്നു. ഖേദക​ര​മെന്നു പറയട്ടെ ഇവർപോ​ലും ഐക്യ​ത്തി​ലല്ല. അവർ ഹിന്ദു​ക്ക​ളും മുസ്ലീ​ങ്ങ​ളും ക്രൈ​സ്‌തവ മണ്ഡലത്തി​ലെ വിവിധ സഭകളിൽ ഉൾപ്പെട്ട ഒരു കൂട്ടവും ചേർന്ന​താണ്‌. ഈ കാലം വരെയും ചില കറുത്ത​വ​രും ഇൻഡ്യാ​ക്കാ​രു​മാ​യുള്ള ശത്രുത തുടരു​ക​യും ചെയ്യുന്നു.

ഒരുപക്ഷെ ഇപ്പോൾ വായന​ക്കാർക്ക്‌, നേരത്തെ ഉദ്ധരിച്ച ദക്ഷിണാ​ഫ്രി​ക്കൻ എഴുത്തു​കാ​രൻ, ഈ രാജ്യത്ത്‌, “ലോക​ത്തി​ലെ മറ്റേ​തൊ​രു രാജ്യ​ത്തേ​ക്കാ​ളും അധികം തരത്തി​ലുള്ള മാനുഷ സമ്മർദ്ദങ്ങൾ ഉണ്ട്‌” എന്നു പറഞ്ഞ​തെ​ന്തു​കൊ​ണ്ടെന്ന്‌ മനസ്സി​ലാ​ക്കാൻ കഴിയും. ഈ അടുത്ത കാലത്ത്‌ വെള്ളക്കാർ മാത്ര​മ​ട​ങ്ങുന്ന ഗവൺമെൻറ്‌ ഇൻഡ്യാ​ക്കാ​രെ​യും മറ്റു വർണ്ണക്കാ​രെ​യും തൃപ്‌തി​പ്പെ​ടു​ത്താ​മെ​ന്നുള്ള പ്രതീ​ക്ഷ​യിൽ പുതിയ പദ്ധതികൾ ആസൂ​ത്രണം ചെയ്‌തു. എന്നാൽ അനേകം വെള്ളക്കാ​രും ശക്തമായി എതിർത്തു, അത്‌ ഒരു പുതിയ രാഷ്‌ട്രീയ പാർട്ടി​യു​ടെ രൂപീ​ക​ര​ണ​ത്തി​ലേക്കു നയിക്ക​യും ചെയ്‌തു.

ദക്ഷിണാ​ഫ്രി​ക്ക 1982 എന്ന പുസ്‌തകം, വെളു​ത്ത​വ​രും കറുത്ത​വ​രു​മായ ദക്ഷിണാ​ഫ്രി​ക്ക​ക്കാ​രിൽ 83 ശതമാനം ക്രിസ്‌ത്യാ​നി​ക​ളാ​ണെന്ന്‌ അവകാ​ശ​പ്പെ​ടു​ന്നു എന്നു കണക്കാ​ക്കു​ന്നു. എന്നാൽ അവരു​ടെ​യി​ട​യി​ലുള്ള അനൈ​ക്യം അനേക​രെ​യും ക്രിസ്‌ത്യാ​നി​ത്വ​ത്തിന്‌ എതിരെ തിരി​ക്കാൻ ഇടയാക്കി. ഇതിന്റെ അർത്ഥം ബൈബി​ളിന്‌ എന്തെങ്കി​ലും തകരാ​റു​ണ്ടെ​ന്നാ​ണോ? അല്ല, എന്തു​കൊ​ണ്ടെ​ന്നാൽ ബൈബിൾ വ്യക്തമാ​യി, “ശത്രു​ത്വം, കലഹം, അസൂയ, . . . ഭിന്നതകൾ” എന്നിവയെ കുറ്റം വിധി​ക്ക​യും “അത്തരം കാര്യങ്ങൾ ചെയ്‌തു​കൊ​ണ്ടി​രി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല” എന്നു പറയു​ക​യും ചെയ്യുന്നു. (ഗലാത്യർ 5:20, 21) യഥാർത്ഥ​ത്തിൽ കലഹത്താൽ ചീന്തപ്പെട്ട ദക്ഷിണാ​ഫ്രി​ക്ക​യിൽ ബൈബിൾ ഐക്യ​ത്തി​നുള്ള ഒരു ശക്തമായ പ്രേര​ണ​യാ​ണെന്ന്‌ തെളി​ഞ്ഞി​രി​ക്കു​ന്നു.

എല്ലാവർഗ്ഗ​ങ്ങ​ളെ​യും സമാധാ​ന​ത്തിൽ ഏകീക​രി​ക്കു​ന്നു

മുമ്പ്‌ 1915-ൽ പോലും ഇപ്രകാ​രം റിപ്പോർട്ട്‌ ഉളവാ​ക്ക​പ്പെട്ടു: “വർഗ്ഗവി​ദ്വേ​ഷങ്ങൾ ക്രിസ്‌തീയ സ്‌നേ​ഹ​ത്തിൽ അലിഞ്ഞു​പോ​യി, ബ്രിട്ടീ​ഷു​കാ​ര​നും ബോവ​റും ക്രിസ്‌തു​യേ​ശു​വിൽ ഒന്നായി​രി​ക്കു​ന്നു. . . . എത്ര അത്ഭുത​ക​ര​മായ ഐക്യ​ത്തി​ന്റെ ബന്ധമാണ്‌ കൂടി​യി​രി​ക്കു​ന്ന​വ​രിൽ . . . വെള്ളക്കാ​രും കറുത്ത​വ​രും മഞ്ഞനി​റ​ക്കാ​രും.” ആ കാലത്ത്‌ ദക്ഷിണാ​ഫ്രി​ക്ക​യിൽ നടന്ന ബൈബിൾ വിദ്യാർത്ഥി​ക​ളു​ടെ (യഹോ​വ​യു​ടെ സാക്ഷികൾ) ഒരു കൺ​വെൻ​ഷനെ പരാമർശി​ക്ക​യാ​യി​രു​ന്നു.

ഇന്ന്‌ അത്തരത്തി​ലുള്ള യഥാർത്ഥ ക്രിസ്‌തീയ ഐക്യ​മു​ണ്ടോ? അത്‌ നിലനിൽക്കു​ക​യും വളരു​ക​യും ചെയ്‌തോ? 1985 ഏപ്രിൽ 4-ാം തീയതി യേശു​ക്രി​സ്‌തു​വി​ന്റെ മരണത്തി​ന്റെ സസ്‌മാ​ര​ക​ത്തിന്‌ ലോക​വി​സ്‌തൃ​ത​മാ​യി സമാധാ​ന​ത്തോ​ടെ സംബ്ബന്ധിച്ച, എല്ലാവർഗ്ഗ​ത്തി​ലും പെട്ട 77,92, 109 ആളുകൾ പ്രകടി​പ്പി​ച്ച​തു​പോ​ലെ നിശ്ചയ​മാ​യും ഉവ്വ്‌.—ലൂക്കോസ്‌ 22:19.

യഹോ​വ​യു​ടെ സാക്ഷി​ക​ളു​ടെ​യി​ട​യി​ലെ ഈ സത്യ​ക്രി​സ്‌തീയ ഐക്യം ദക്ഷിണാ​ഫ്രി​ക്ക​യി​ലെ അവരുടെ മുഖ്യ ആസ്ഥാന​ത്തിൽ അനേക ഭാഷക​ളി​ലേക്ക്‌ ബൈബിൾ സാഹി​ത്യ​ങ്ങൾ ഭാഷാ​ന്തരം ചെയ്‌തു പ്രസി​ദ്ധീ​ക​രി​ക്കു​ന്ന​തിൽ ഏകോ​പി​ച്ചു പ്രവർത്തി​ച്ചു​കൊ​ണ്ടി​രി​ക്കുന്ന എല്ലാ വർഗ്ഗത്തി​ലും പെട്ട ഏകദേശം 200 സ്വമേ​ധയാ സേവക​രു​ടെ​യി​ട​യിൽ പ്രത്യ​ക്ഷ​മാ​യി കാണാൻ കഴിയും. ഈ സാഹി​ത്യ​ങ്ങ​ളിൽ രാഷ്‌ട്രീയ പ്രചാ​ര​ണങ്ങൾ ഉൾക്കൊ​ള്ളു​ന്നില്ല, എന്നാൽ അവ മുഴു ഭൂമി​യി​ലും സമാധാ​നം വരുത്താ​നുള്ള ദൈവ​ത്തി​ന്റെ ഉപകര​ണ​മായ “രാജ്യ​ത്തി​ന്റെ സുവാർത്ത”യിൽ കേന്ദ്രീ​ക​രി​ക്കു​ന്നു.—മത്തായി 6:10; 24:14; ദാനി​യേൽ 2:44.

യഹോ​വ​യു​ടെ സാക്ഷി​ക​ളാൽ പ്രസം​ഗി​ക്ക​പ്പെ​ടുന്ന ഈ രാജ്യ​ദൂ​തിന്‌ ആഴത്തി​ലി​റ​ങ്ങി​യി​രി​ക്കുന്ന വർഗ്ഗീയ മുൻവി​ധി​കളെ യഥാർത്ഥ​ത്തിൽ നീക്കാൻ കഴിയു​മോ?

ദൃഷ്ടാ​ന്ത​ത്തിന്‌ സോസാ ജാതി​യി​ലെ ശമൂവേൽ മോസി​നെ പരിഗ​ണി​ക്കുക. അദ്ദേഹം മൂന്നു പ്രാവ​ശ്യം വെള്ളക്കാ​രാൽ കൈ​യേ​റ്റം ചെയ്യ​പ്പെട്ടു. അദ്ദേഹം പരുഷ​നും ശരിയായ ബോധ്യ​മു​ള്ള​വ​നു​മാ​യി​രു​ന്നു, എന്നാൽ അദ്ദേഹ​ത്തി​നു മാറ്റം വരുത്താൻ ചിലതു സഹായി​ച്ചു: “ഞാൻ യഹോ​വ​യു​ടെ സാക്ഷി​ക​ളോ​ടൊത്ത്‌ സഹവസി​ച്ച​പ്പോൾ അത്‌ മറ്റു മതങ്ങളിൽ നിന്ന്‌ തികച്ചും വിഭി​ന്ന​മാ​ണെന്നു ഞാൻ കണ്ടു. ആംഗ്ലിക്കൻ സഭയിൽ സോ​ത്തോ​യും സോസാ​യും തമ്മിൽ മിക്ക​പ്പോ​ഴും ശണ്‌ഠ പതിവാ​യി​രു​ന്നു. എന്നാൽ സാക്ഷി​ക​ളു​ടെ​യി​ട​യിൽ എത്ര ഐക്യ​വും യോജി​പ്പും സ്‌നേ​ഹ​വും ഞാൻ കണ്ടു. ഞാൻ പഠനം തുടരവെ, ഒരിക്കൽ എന്നെ കൈ​യേ​റ്റം ചെയ്‌ത ആ വെള്ളക്കാർപോ​ലും, ഒരേ ഗോ​ത്ര​ത്തിൽപെട്ട കറുത്തവർ മറ്റു കറുത്ത​വരെ കയ്യേറ്റം ചെയ്യു​ന്നതു പോ​ലെ​തന്നെ, തങ്ങളുടെ അപൂർണ്ണത നിമി​ത്ത​മാണ്‌ അപ്രകാ​രം ചെയ്‌ത​തെന്ന്‌ ഞാൻ തിരി​ച്ച​റി​ഞ്ഞു.” മറിച്ച്‌ കഴിഞ്ഞ 40 വർഷങ്ങ​ളിൽ ശമൂവേൽ അത്യന്തം വൈവി​ധ്യ​മാർന്ന ജനങ്ങളെ ദൈവ​ത്തി​ന്റെ രാജ്യ​ത്തിൽ വിശ്വാ​സ​മർപ്പി​ക്കാൻ സഹായി​ച്ചി​ട്ടുണ്ട്‌.

ഒരു തെക്കെ ആഫ്രി​ക്ക​ക്കാ​ര​നായ ഐസക്ക്‌ ലാൻഗാ ജോഹ​ന്ന​സ്‌ബർഗി​ലെ അലെക്‌സാൻഡ്രി​യാ​യു​ടെ കറുത്ത​വ​രു​ടെ ഉപ പട്ടണത്തി​ലാണ്‌ വളർന്നത്‌. ഒരു ശക്തമായ വർഗ്ഗീയ ആത്മാവ്‌ ഉള്ളവനാ​യി​രു​ന്ന​തി​നാൽ അദ്ദേഹം വെള്ളക്കാ​രെ വെറു​ക്കു​ക​യും സുലു​ജാ​തി​ക്കാർ മറ്റു കറുത്ത​വ​രെ​ക്കാൾ ഉന്നതരാ​ണെന്ന്‌ വീക്ഷി​ക്കു​ക​യും ചെയ്‌തി​രു​ന്നു. നിരോ​ധി​ക്ക​പ്പെട്ട ഒരു ഗവൺമെൻറു വിരുദ്ധ സ്ഥാപനം ക്രമീ​ക​രിച്ച മീറ്റിം​ഗു​ക​ളിൽ സംബ്ബന്ധി​ച്ചു​കൊണ്ട്‌ ഐസക്ക്‌ 1976-ലെ ദക്ഷിണാ​ഫ്രി​ക്കൻ വിപ്ലവ​ങ്ങ​ളിൽ പങ്കു​കൊ​ണ്ടു. അദ്ദേഹം ഇപ്രകാ​രം ഓർമ്മി​ക്കു​ന്നു: “അനേകർ പോലീ​സി​ന്റെ വെടി​യേ​റ്റു മരിച്ചു; ചിലർ വികലാം​ഗ​രാ​യി​ത്തീർന്നു. ഇതെല്ലാം കണ്ടതി​നാൽ ഞാൻ ഒരു പ്രതി​കാ​ര​ത്തി​ന്റെ ആത്മാവ്‌ വളർത്തി​യെ​ടു​ത്തു. ഞാൻ തന്നെ വധിക്ക​പ്പെ​ടു​ന്ന​തി​നു മുമ്പ്‌ എന്നാൽ കഴിയു​ന്ന​ട​ത്തോ​ളം പേരെ വെടി​വെച്ചു കൊല്ലു​ന്ന​തിന്‌ ഒരു സ്വയം പ്രവർത്തി​ക്കുന്ന തോക്ക്‌ ലഭിക്കു​ന്ന​തിന്‌ ഞാൻ ആഗ്രഹി​ച്ചു. ഒന്ന്‌ കണ്ടെത്തു​ന്നത്‌ അസാദ്ധ്യ​മാ​യി​രു​ന്ന​തി​നാൽ പട്ടാള പരിശീ​ലനം ലഭിക്കു​ന്ന​തിന്‌ അയൽ രാജ്യ​ങ്ങ​ളി​ലേക്ക്‌ പോയ മറ്റു​ള്ള​വ​രു​ടെ മാതൃക പിൻപ​റ്റാൻ ഞാൻ തീരു​മാ​നി​ച്ചു.”

ഈ നിർണ്ണാ​യ​ക​ഘ​ട്ട​ത്തിൽ യഹോ​വ​യു​ടെ സാക്ഷികൾ തങ്ങളുടെ വീടു​തോ​റു​മുള്ള പ്രസം​ഗ​ത്തിൽ ഐസക്കി​നോട്‌ ബന്ധപ്പെട്ടു. ബൈബിൾ തത്വങ്ങൾ വിശദീ​ക​രി​ക്കുന്ന പുസ്‌ത​കങ്ങൾ അയാൾക്കു ലഭിച്ചു, അതിൽ പ്രത്യേ​കിച്ച്‌ ഒന്ന്‌ നിലനിൽക്കുന്ന മതിപ്പു​ള​വാ​ക്കിയ, യഥാർത്ഥ സമാധാ​ന​വും സുരക്ഷി​ത​ത്വ​വും—ഏതുറ​വിൽനിന്ന്‌?, എന്നതാ​യി​രു​ന്നു. അദ്ദേഹം ഇപ്രകാ​രം വിശദീ​ക​രി​ക്കു​ന്നു: “ഇപ്പോൾ എനിക്ക്‌, ഞാൻ നോക്കി​ക്കൊ​ണ്ടി​രുന്ന യഥാർത്ഥ സമാധാ​ന​മുണ്ട്‌. ‘വക്രമാ​ക്ക​പ്പെ​ട്ട​തി​നെ നേരെ​യാ​ക്കാൻ കഴിക​യില്ല’ എന്നും ‘തന്റെ കാലടി​കളെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല’ എന്നും ബൈബിൾ പറയുന്നു എന്നു ഞാൻ മനസ്സി​ലാ​ക്കി. അതു​കൊണ്ട്‌ ഞങ്ങളുടെ സമരം ഭൂമി​യിൽ സമാധാ​നം വരുത്താൻ പോകു​ന്ന​ത​ല്ലെ​ന്നു​ള്ള​തി​നാൽ അത്‌ വൃഥാ​വാ​യി​രു​ന്നു എന്ന്‌ എനിക്കു വ്യക്തമാ​യി​രു​ന്നു. ദൈവ​രാ​ജ്യം മാത്രമേ അങ്ങനെ ചെയ്യു​ക​യു​ള്ളു.”—സഭാ​പ്ര​സം​ഗി 1:15; യിരെ​മ്യാവ്‌ 10:23.

മറ്റൊ​രു ദൃഷ്ടാന്തം കറുത്ത​വരെ എതിർക്കാൻ തന്നെ ജനിച്ച ദക്ഷിണാ​ഫ്രി​ക്കൻ ജാതനായ ഒരു വെള്ളക്കാ​ര​ന്റേ​താണ്‌. രാത്രി​യിൽ അയാളും അയാളു​ടെ രണ്ടു മിത്ര​ങ്ങ​ളും വഴിയിൽ കണ്ടുമു​ട്ടുന്ന ഏതു ആഫ്രി​ക്ക​ക്കാ​ര​നെ​യും തല്ലുക പതിവാ​യി​രു​ന്നു. പിന്നീട്‌ അയാൾ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി. ആഫ്രി​ക്ക​ക്കാ​രായ സാക്ഷി​ക​ളും ഹാജരാ​യി​രുന്ന ഒരു സമ്മേള​ന​ത്തിൽ അയാൾ ഹാജരാ​യി. അയാൾ വർഗ്ഗങ്ങൾ തമ്മിൽ പ്രകട​മാ​ക്കിയ സ്‌നേ​ഹ​ത്താൽ വിസ്‌മ​യി​ക്ക​പ്പെട്ടു. പിന്നീട്‌ അയാൾ ഒരു സാക്ഷി​ക്കു​വേണ്ടി ജോലി ചെയ്യാൻ ആരംഭി​ച്ചു, ഒരു വിദൂര സ്ഥലത്ത്‌ ഒരു ജോലി​ക്കു​വേണ്ടി നിയോ​ഗി​ക്ക​പ്പെട്ടു. അയാൾ ഇപ്രകാ​രം വിവരി​ക്കു​ന്നു, “അതു വസന്തകാ​ല​വും നല്ല തണുപ്പു​മാ​യി​രു​ന്നു, ഞാൻ പാട്ട​കൊ​ണ്ടുള്ള ഒരു കുടി​ലി​ലാണ്‌ ഉറങ്ങി​യി​രു​ന്നത്‌. ഒരു ആഫ്രി​ക്ക​ക്കാ​ര​നും സാക്ഷി​യു​മാ​യി​രുന്ന ട്രക്ക്‌ ഡ്രൈവർ അവിടെ വന്നു​ചേർന്നു, ഞാൻ അയാൾക്ക്‌ എന്റെ ചില കമ്പിളി വസ്‌ത്ര​ങ്ങ​ളും ഷീറ്റു​ക​ളും ഒരു തലയി​ണ​യും കിടക്കു​ന്ന​തി​നു​വേണ്ടി നൽകു​ക​യും ചെയ്‌തു.” ഇത്‌ ഈ മനു​ഷ്യ​ന്റെ മുൻ വഴികൾ അറിയാ​മാ​യി​രുന്ന മറ്റൊ​രു കറുത്ത​വർഗ്ഗ​ക്കാ​രനെ അത്ഭുത​പ്പെ​ടു​ത്തി. പല വർഷങ്ങൾക്കു​ശേഷം, നേരത്തെ കറുത്ത​വരെ വെറു​ത്തി​രു​ന്ന​വ​രും ഇപ്പോൾ ഒരു സാക്ഷി​യു​മായ ഈ ദക്ഷിണാ​ഫ്രി​ക്കൻ വെള്ളക്കാ​രൻ ഇപ്രകാ​രം പറയുന്നു: “ഇന്ന്‌ എന്റെ ജീവി​ത​ത്തിൽ അക്രമ​ത്തി​നു യാതൊ​രു സ്ഥാനവു​മില്ല. അനേക വർഷങ്ങൾക്കു​ശേഷം മാറ്റം വരുത്തു​ന്നതു വളരെ പ്രയാ​സ​മാ​യി​രു​ന്നു, എന്നാൽ ലോക​ത്തി​ലെ ആളുകൾ എന്നെ ‘കാഫർ ബോയ്‌റ്റി’ [നീ​ഗ്രോ​ഫിൽ—നീ​ഗ്രോ​യു​ടെ സ്‌നേ​ഹി​തൻ] എന്നു കളിയാ​ക്കി വിളി​ക്കു​ന്നെ​ങ്കി​ലും ഞാൻ വർഗ്ഗങ്ങൾ തമ്മിൽ വ്യത്യാ​സം കല്‌പി​ക്കു​ന്നില്ല.”

മിശ്ര​വർണ്ണ​ക്കാ​രും വെള്ളക്കാ​രും ഇൻഡ്യാ​ക്കാ​രും ചേർന്ന ഒരു സഭയുടെ പ്രദേ​ശ​ത്തിൽ കുറെ ഖനി പ്രദേ​ശങ്ങൾ ഉൾപ്പെ​ടു​ന്നു. അവർ വികസി​പ്പി​ക്കു​ന്ന​തി​നു തീരു​മാ​നി​ക്ക​യും ഈ കറുത്ത കുടി​യേ​റ്റ​ക്കാ​രായ ജോലി​ക്കാ​രു​ടെ​യി​ട​യിൽ ബൈബിൾ ദൂത്‌ പരത്താൻ ആരംഭി​ക്കു​ക​യും ചെയ്‌തു. പെട്ടെന്ന്‌ വിദേശ സാക്ഷികൾ ഉൾപ്പെടെ കുറേ​പ്പേർ യോഗ​ങ്ങ​ളിൽ സംബ്ബന്ധി​ക്കാൻ തുടങ്ങി. സഭ ഇപ്രകാ​രം റിപ്പോർട്ടു ചെയ്യുന്നു:

“മലാവി, സിംബാ​ബ്‌വെ, ലെസോ​ത്തോ, മൊസാ​മ്പിക്ക്‌, ട്രാൻസ്‌കി, സുലു​ലാൻഡ്‌ എന്നിവി​ട​ങ്ങ​ളിൽ നിന്നും അംഗോ​ള​യിൽ നിന്നു​പോ​ലു​മുള്ള സ്‌നേ​ഹി​തൻമാർ ഉണ്ടായി​രു​ന്നു. അവർ ഏഴു വ്യത്യസ്‌ത ഭാഷകൾ സംസാ​രി​ച്ചി​രു​ന്നു, അതു​കൊണ്ട്‌ പൊതു​മാ​ദ്ധ്യ​മ​മാ​യി സുലു ഉപയോ​ഗി​ച്ചി​രു​ന്നു, എന്നാൽ യോഗ​ങ്ങ​ളിൽ എല്ലാ ഭാഷക​ളി​ലും അഭി​പ്രാ​യങ്ങൾ പറഞ്ഞി​രു​ന്നു. പരസ്യ​പ്ര​സം​ഗങ്ങൾ ഇംഗ്ലീ​ഷിൽ നിന്നോ ആഫ്രി​ക്കൻസിൽ നിന്നോ സുലു​വി​ലേക്ക്‌ ഭാഷാ​ന്തരം ചെയ്‌തി​രു​ന്നു.

“സഭക്കു വെളി​യി​ലുള്ള കലാപം, സഭക്കു​ള്ളി​ലെ അംഗങ്ങ​ളു​ടെ​യി​ട​യിൽ സ്ഥിതി​ചെ​യ്യുന്ന സ്‌നേഹം വിശേ​ഷ​വൽക്ക​രി​ച്ചു കാണി​ക്കു​ന്ന​തി​നു ഉപകരി​ച്ചു. ചില യുവകൂ​ട്ടങ്ങൾ പല സമയങ്ങ​ളി​ലും അവിടെ നിന്നുള്ള ആഫ്രിക്കൻ ഖനി​തൊ​ഴി​ലാ​ളി​കളെ പീഡി​പ്പി​ക്ക​യും ചില​പ്പോൾ അവരെ കുത്തി​കൊ​ല്ലു​ക​പോ​ലും ചെയ്‌തി​രു​ന്നു. എല്ലാവ​രെ​യും അരക്ഷി​ത​രാ​ക്കിയ ഭയങ്കര ശത്രുത വളർന്നു. എന്നിട്ടും, രാജ്യ​ഹോ​ളിൽ പുഞ്ചി​രി​യാ​ലും ഷെയ്‌ക്ക്‌ ഹാൻഡു​ക​ളാ​ലും ചിരി​യാ​ലും തമ്മിൽ തമ്മിലുള്ള ഊഷ്‌മള താല്‌പ​ര്യ​ത്താ​ലും സ്‌നേഹം പ്രകട​മാ​യി​രു​ന്നു.”

അത്തരം മുൻവി​ധി കൂടാ​തെ​യുള്ള സ്‌നേഹം പ്രകട​മാ​യി​രുന്ന ഒരു കൂട്ടത്തെ വർണ്ണി​ച്ച​ശേഷം ആ റിപ്പോർട്ട്‌ ഇപ്രകാ​രം ഉപസം​ഹ​രി​ച്ചു: “മുഴു​ഭൂ​മി​യി​ലും നിവാ​സി​കൾ യഹോ​വ​യു​ടെ ആരാധ​ന​യിൽ ഏകീക​രി​ക്കു​ക​യും എല്ലാവ​രും പൂർണ്ണ യോജി​പ്പിൽ ഒത്തൊ​രു​മി​ച്ചു വസിക്ക​യും ചെയ്യു​മ്പോൾ അത്‌ എത്ര അത്ഭുത​ക​ര​മാ​യി​രി​ക്കു​മെന്ന്‌ ഞങ്ങൾക്കെ​ല്ലാം ബോധ്യ​മാ​യി.”

ദൈവം അതു വാഗ്‌ദാ​നം ചെയ്‌തി​രി​ക്കു​ന്ന​തി​നാൽ ദക്ഷിണാ​ഫ്രി​ക്ക​യി​ലെ യഹോ​വ​യു​ടെ സാക്ഷികൾ ഇതു വരിക​തന്നെ ചെയ്യു​മെന്നു യഥാർത്ഥ​മാ​യി വിശ്വ​സി​ക്കു​ന്നു. അവരു​ടെ​യി​ട​യിൽ തന്നെ അത്യന്ത വൈവി​ധ്യം കാണു​ന്ന​തി​നെ ആഴമായി വിലമ​തി​ക്കുക മാത്രമല്ല പിന്നെ​യോ എല്ലാവർഗ്ഗ​ങ്ങ​ളി​ലും പെട്ട നീതി​യുള്ള ആളുക​ളോ​ടൊ​ന്നിച്ച്‌ ഒരു ശുദ്ധീ​ക​രി​ക്ക​പ്പെട്ട ഭൂമി​യിൽ എന്നേക്കും ജീവി​ക്കു​ന്ന​തിന്‌ നോക്കി​പ്പാർക്കു​ക​യും ചെയ്യുന്നു.—സങ്കീർത്തനം 37:29; വെളി​പ്പാട്‌ 7:9, 14; 21:3-5. (g86 1/22)

[അടിക്കു​റി​പ്പു​കൾ]

[24-ാം പേജിലെ ചിത്രം]

ബുഷ്‌മാൻ

[25-ാം പേജിലെ ചിത്രം]

സുലു സ്‌ത്രീ​കൾ

[26-ാം പേജിലെ ചിത്രം]

ബോവേഴ്‌സ്‌